FATED LOVE-27 by NUTTY GIRL

Episode kal lai dah luhna

Moderator: writers

Nutty girl
Posts: 209
Joined: May 2nd, 2020, 11:28 pm

FATED LOVE-27 by NUTTY GIRL

Unread post by Nutty girl » September 24th, 2020, 10:02 pm

FATED LOVE



CHAPTER 27



NUTTY GIRL


A tawp note chhiar theihnghilh lo ula😆😬




AMELIA ROSANGPUII POV.



Mizoramah thlakhat leh a chanve dawn kan awm ve leh tawh. Naute pawh tun thla tawp lama ka neih an ring, Christmas bawr vel tihna a nih chu.Thlasik laia neih chu ka huphurh ve deuh.Hrehawm tihna ka nei lem lo bawk. Nu Nsi a dawr lamah ka kal pui zeuh zeuh thin a,ka eisiam lo zir kha ka hmang tangkai nghal lutuk.



"U Amy ka nu a awm em?"Felfeli chuan kawngkhar rawn hawng duk duk chuan a rawn ti. "Aih awm lo,dawrah a kal," ka tih chuan nui vur vurin a rawn lut! A thli tih hi a sawi pawh a ngai lo!



"Classah ka awm peih tawh thlawt lo. Laldindini a damlo a," thuthlenga thu thla chuan a ti nghal zat.



"Tinge dawrah i kal ve loh?" a tih chuan ka peih vak loh thu ka hrilh mai. Vawiin chu a buai ni tur a ni bawk a,ka va awm chuan an che vat vat thei lo ang. Ka lo che zung zung thei bik lo nen.



"U Amy in company ah hian fashion designer tha deuh te an awm em?"thuthlenga rawn tho chhuak hluai pah chuan a ti vak.



"Awm ve awm tak mahse engmah sumdawnna chungchang chu ka hre ve lo," ka tih chuan thahchhe zetin a mu thla leh nghal hnawk.



"Ka pate hi lehkha ka zir peih lo tih an hre ve renga designing lamah te hian min kal tir phal ve mai se a tha tur a nia. Ka nite anga model tura piang ka ni tih hi an hre lo a," a phun nang nang chuan ka nui hak. Ani reng bawka, a sanga a pian pawh a nalh. Cher lutuk ni lo mahse a khal mawi tawk.



"I u sawi pui la. I u te chuan a dil sak hreh lo ang che."



"Ani maw? I ring ve tho maw? Mahse ka pa hi a sual e lawm, Eve a awm lai kha chuan amah chiah a ngaihsak a,pasal a neih velah 'nang chu ka naute, pasal i nei ve dawn lo,'te min tia. Phakar ropui si mahse Nico chu ka hrilh hrim hrim ang," a tih hnu pawh chuan a phun zui nghal hlak hlak reng. Sawi hreh a nei lem lo a, sawi tur a hre lutuk tlat. Nilenga kan awm dun pawn min hrilh tur chu a nei reng tho!



"Ka nu nen eisiam hi chu inthiam thlawt. Kei chu hetiang lampang hi chu ka tuina a ni lo," tiin ka eitur siam chu a rawn hmawm zeuh zeuh. Chhuna ei chak zawng a neih chuan a sawi tawp zel nu Masiami awl pah nan tiin ka siam sak thin.




A eirawng bawl hmasak ber a choka a tihkan tep thu a sawi chuan kan nui uar uar. Nu Nsi pawn chumi atang chuan engmah amahin tih a phal lo tawp tawh mahse midang min puih ve chu a tih turah a dah hmiah thung.



"Kha lo chawk lawk rawh. Ka va zung leh lawk a nge. Choka chu i lo tikang hman em bik lo ang."



"Awi...ka tikang bik lo ang,"a tih chuan ka nui hak hak. Nichin lawkah ka zung reng sia, khaw vawh vang a nih ka ring tawp.



Nilengin Felfeli nen chuan in kan nghak. Ti hian inlama ka awm ni hian class a rawn tlan bo zeuh zeuh! Nu Nsi te pawh hian an hre leh vek tho zel, pa Rinpuia phei chuan a hauh peih tawh loh thu a sawi tawp zel.



Eirawng kan bawl zawh hnu lawk chuan Nico leh Pa Rinpuia pawh chu an lo thleng ve nghal ti tih. A changin an lo haw hma a a changin an lo haw tlai bawka. An lo haw hun hi chu a pangngai thei lo! Nico lo haw tlai chang pawhin keimah hian chaw eitur hian ka nghak mai zel.



"Ka naute te pahnih hian min lo ngai em?" Nico chuan tiin min rawn kuah nghal vat. "Umm..kan lo ngai lutuk che," ka tih chuan a thaw chhuak nghal ham ham.



"Keipawh hian mummy leh naute a ngai lutuk a," a tih chuan a tawngkam naupang chhia tak vang chuan ka nui hak. Naute a biak phei hi chuan ka Zomuankima hriat hi chu a bo hlauh thin!Zingkarah pawh naute ka bia e a tia, ka harh meuh hi chuan ka dul zawnah hian a kunin a lo phun sap sap tawh zel!



"Min thlah la,chaw eiah min nghak reng tawh ang," ka tih chuan a hma ai maha nghetin ka kawngah kuahin ka darah a chal a nghat! "Hetia ka awm hian ka chauh a reh,"a ti ve miau sia han awih loh chi a ni si lo. A hnungah chuan beng theuh theuhin,ka kut leh lamin a samah ka chul. Nizanah emergency a awm avangin a tlaivar,a chau viau ang mahse naute nen hi chuan a buaithlak lam mah mah zel!



"Ti khan ka chak tha leh ta e,"ka dar atanga chuan awm sawnin ka hmuiah a rawn fawp zeuh.



"Ka hmangaih em em te,i taksa tereuhte ah hian chawlhhahdam a nuam,"tiin a thawmhnaw a hlip nghal mawlh mawlh. A thawmhnaw hak lai chu pein a inthlak zawh chuan kan chhuak vat.



Chaw eina kan seng fel mawlh mawlh lai chuan ka zun a chhuak leh tut tut tawh. Ka ip thei bawk lo nen chuan ka thil tih lai chu ka dah tawp. "Bathroom-ah ka va kal leh lawk," Felfeli bulah chuan tiin ka inthiar fihlim vat.



"Awi...tlai atang tawh khan i zung reng mai. I zun a in a mi?" Felfeli chuan a rawn ti lang lang.



"Amy,i tui bawm a keh a ni lo maw? Nau i nei hnai aniang," nu Nsi chuan a rawn tih chuan ka zam nghal em em ringawt.



"Ni e, Bawiha hospital lamah kan kal mai dawn nia,room ruak a awm lai a ni hlauh bawk a," pa Rinpuia chuan chiai miah lo chuan a rawn ti nghal thlup. Doctor chhungkua nge nge ka ti mai. La tawng ve ngai lo leh a chinchang hre lo tan chuan hetiang hian an awm thin tih pawh a hriat loh.




Nu Nsi a hma atang tawhin neih thut emaw thla kim lo apiang a ni thut thei tiin,naute puan vel a khung fel sa vek. Chu chu Nico lak tirin kan vaiin damdawiin lam kan pan vek!



"Zam lutuk lo la,naute hmeltha tak kan nei thuai dawn tih kha i rilruah dah reng la," Nico chuan ka kut chelh chung chuan a rawn ti sup.



~~~~



NICOLAS ZOMUANKIMA POV.



Bawihi chu nau an vei tir. Ka awm hle hle thei bik lo,room kawtah chuan ka tei sek. Kawngka a rawn in hawn rual nurse pakhat hi a rawn chhuak.



"Doctor,fapa hmeltha tak i nei e," a rawn tih chuan lawmna ka la hriat ngai miah loh hian ka khat. Hei aia thu lawmawm a awm thei dawn em ni!



"Anu a tha em?"ka tih chuan a that thu min hrilh vat. Bawihi a hmuh theih hun tur chu room pawnah kan lo nghak char char."Anu leh naute chu a hmuh theih tawh e," nurse in a rawn tih chuan kan lut vat.



Room chhunga ka luh chuan khawvela thil mawi ber ka hmu ni maiin ka in hria! Bawihi bulah chuan kan fapa chu mu in, Bawihi chuan hlim takin a fapa,kan fapa chu a en! Chauh hmel hle mahse a hmela chauhna lang kara a nui hmel chu mawi tak a ni!


"Bawihi i ti tha tak zet,"tiin a chalah ka fawp vang vang.



"A hmeltha tiro?"a rawn tih chuan ka bu nghauh. "Chawl hahdam rawh, muhil la. I zia hawk mai ang,"ka tih chuan min hnial tlat. "Ka fapa hmel hi ka la hmu kham lo,"a ti mauh mai.



"Kha Bawiha i fapa hmeltha lutuk hi han pawm ve phawt teh,"ka nu chuan tiin min rawn pawm tir vat. Ka awma beia,thlamuang taka ka fapa tui taka mu chu ka thlir vang vang.



Pa ka ni ve ta!




Bawihi ka en chuan hlim takin min rawn en reng. "Fapa hmeltha tak min pek avangin ka lawm e,"tiin ka phun sup.



"Bawiha va haw mai rawh u. Naute zun leh ek pawh engmah in la tithiam dawn lo. Amy pawh a vawikhat neihna a nia,a thiam bik lo ang. Thiam lo ve ve awm dun tur chu in hakthlak dawn emai,"ka nuin a tih chuan ka duh lo viau nangin, a dik vek bawk si.



"Ka lo riak tel ve ang," ka ti lui talh tho. "Naktukah i duty leh a ngai anga i chau lutuk ang," ka pain a rawn tih chuan ka hnial duh bik lo. Nizanah emergency a awm avangin ks tlaivar tawh bawk.



"Zanin chu ka lo riak lo mai ang. Zan dangah erawh ka rawn riak tel ve ang,"ka ti nghet churh.



"Awle awle, tuma dan zawh i ni leh dawn chuang lo tih kan hria a lawm. Zanin chu va haw phawt mai teh. Ka tupa a mut hi in tiharh ang."



"I tupa a nih hmain ka fapa a ni tawh," ka tih chuan ka nu chu a nui hak hak. "Nih leh nih leh, haw rawh haw rawh. I fapa inti harh ang,"a ti leh hlak hlak. A tawng thawmah hian a harh a hlauhawm zawk!



Dar 2 a rik tawh avang chawlhhahdamna hun em em ka nei lo. Mahse darkar khat lek pawh hi a hlu. Ka kal hma chuan ka fapa chu ka en leh vang vang. Bawihi tui ti taka a mu chu melhin ka nui sak. Naktukah ka lo kal leh ang.



NEXT DAY



AMELIA ROSANGPUII POV.




Zingkarah chuan Nico pawh a rawn thleng vat. "Awmpui rih che u ka duh a lawm,"a ti ve tlat. Ka fapa pawh tunah chuan a muttui leh tawh lutuk.



"A lo muhil leh tawh a law?"a tih chuan ka bu nghauh. A fapa muhil chu hmuhnawm ti takin a thlir! Kei chuan chu chu hmuhnawm ka lo ti ve em em bawk.



"Amy,chhunlamah chuan Bawihin(Eve) a rawn awmpui dawn che a nih chu,"a tih chuan ka bu ngauh. Ka buaipui a ngai lo hrim hrim nu Nsin a buaipui hneh lutuk! Buaipui a hnekin ka harh miah lo zawk.



Bawihtea lo harh lai chuan Daniel chuan a rawn video call. Lucus leh Kimkima te pawh chu kan add.



"Hey naute i patea tur ka nih hi aw," Daniel chu a rawn au lawng lawng. "I van mawl tak e aw, i tawng kha a awmzia pawh a la hre lo. Vawk nge mihring tawng pawh a la hriat si loh," Kimkima chuan a rawn ti nghal hluk bawk. An ni nen chuan zing kar pawh a sawi theih loh,kan nui leh huk huk zel.



Lucus pawh zawi awi viau e ti lo chuan a rawn ri hlut bawk. Tuman call an ti tawp hlei thei lo.



"Naute,i pa i chhun chuan i nu kha a buai dawn teh ania,"Kimkiman a rawn ti leh phei chuan an ri nghal hak.



"Ka fapa hian min chhun anga, nula tupawh a chhai thlu thei ang," ka bula mi pui chuan intithei tak chuan a ti bawk.



"Zomuankim,class 12 ah hmeichhe pakhat chu i thlem thluk zawh loh kha," Daniel chuan a rawn ti lang lang. Ka bula mi chu ka melh ralh. "An ti ve mai mai a nih hi, ka thlem thlu a lawm," insawifiah pawh tum hauh lo chuan min la intihtheih khum zawk za mah! Hush.. Zomuankim i chak dawn lo.



"E ni tak, basketball court bul inthlakna roomah khan in in chhai thlu tak tiro?" Kimkiman a rawn tih leh chuan ka bul ami chu a aia rum mah in ka melh. Ka thinrim tak tak chu ka hrelo mahse intihtheih nan maha a hman avangin ka lungawi lo.



"E...kha kha zawhte thinrim an awm. Kei chu ka kal mai ange,"tiin Kimkima a out hmiah. "Keipawh dude,tiang kha ka ngam bik lo,"tiin Daniel chu a out ve leh.



"Zawhte thinrim emaw kan tih pawh hi sakei note an lo ni reng thei,"tiin Lucus a chhuak leh nghal hmiah. Naute pawm run chung chuan Nico chuan min melh.



"Hmeichhia chhai thluk theih loh i nei lo maw?"ka tih chuan a nui suk. A nui hmel pa lutuk tak maiah hian ka luangliam nawn leh awn awn thin!



"Hmeichhia zawng zawng ka thlemthlu chuang hleinem," a tih chuan ka melh ralh. Ka lungawi a ni tih ka hmuh tir duh hrih lo.



"Chu chu insawifiahna a tling em?"ka ti leh nghal hmiah. A hmel chuan ka nuih a tiza,ka insum tang tang.



"Ah...ka thlemthluk vek pawh a ni chuang lo a," a ti leh hram. Insawifiah a thiam lo lutuk hian ka nuih a ti za zawk. Ka bula dawt a sawi hi chu ka ring ngai lo bur! Insawifiah leh dawt sawi a thiam lo.



"Chuan a special bik em em kha ka thlang chhuak a,ka fapa nu a lo ni ta bawk a," tiin ka hmuiah a rawn fawp zet. In sawifiah leh dawt sawi thiam lo mahse a bakah chuan zei tak a ni. Ka nui chhuak ta vur vur. Ka dawithiamte hi min ti min tia, a nui hmel ringawt pawh hian ka nuna thil a tihtheih zia a hre hauh si lo.
11-57-57-images.jpg
11-57-57-images.jpg (17.05 KiB) Viewed 3487 times

(a nui hmel hi tawrh a har)


Nu Nsin bawihtea a pawmlai chuan ka nu ka hrechhuak,ka ngai veng veng mai. Min la dampui se chuan an tu ngei an kutin an han pawm ve tur a nia. Tu hmel te kha an hmu chak ve tih ka pa pawn a sawi zauh tawh kha!




'Nu,pa tupa in nei ve tawh asin! Van atang khan in lo thlir tiro? Ka tan Nico mai niloin chhungkaw tha tak ka neih theihna turin Pathian bulah khan min dil sak a ni tiro? Nu, ka fapa ka pawma ka hlim ang chiah khan ka nausen laia min pawm hmasak berin i hlim ve tho em?Nu,pa ka ngai che u,'tiin ka mittui parawl puang chu ka hru zeuh!



Hringchang tawh lo ngaia lunglen hi a na ber an tih kha. Engtikah mah a reh awm si lo a.







~~~



Damdawiinah chuan zanhnih chiah kan riak. Chumi chhung pawh chuan Zomuankima hi zahthlak khawpin a buai! Kan roomah a rawn lut sek. Darkar tin deuh tho a fapa a rawn en! Nurse ho pawn min chhaih zuk zuk zel. Ani lah chuan engah vak a ngai lo.



Zaninah pa Rinpuian chhungte koh khawm a tum. Naute hming phuah turin. "Paa,zanin chu chaweikhawm mai ang u, kan tam lutuk dawn chuang lo. Thil lawmawm a ni tho a. Masiami pui turin kan thianho mai bakah fate ho an awm a lawm,"a tih chuan pa Rinpuia pawh chuan a lo hnial bik lem lo.



Nileng chuan kan ri nak nak hlawm. Naute puan thlak tih vel pawh ka ti ve hman meuh lo. Nu Ruatkimi fate pawh an fel lutuk. Naute zun leh ek pawh hi zan lamah lo chuan min chhawk vek zel.



"Ka fapa chu vawiin mummy thu a lo awih em?"Nico lo haw chuan a fapa lam a pan hmasa ber ziah. Midang hi chu nise ka thik ang tih khawpin a ngaihsak.



"Lo lian vat vat la,mummy hmangaihna che hi ila rul let ve dawn nia," a tih chuan ka nui sak. "Tunah chuan mummy kan duat ve tawh a nge,"tiin khum atang chuan a rawn tho.



"Vawiin lam ka fapain a lo tihah che em?"a tih chuan lu ka thing nak nak. "Ka chau lutuk,"tiin ka kawnga min rawn kuahin,a raan kun hniam. Ka darah chuan a hmai a phum! He thil hi chu ngaiah ka nei tawh.



"Ka hmangaih che,"a rawn ti sup.



Zanriah kan eina ka tihfel hnu chuan ka thu khawm thap. Ka pa chu dingin bawihtea hming phuahin,a hnuah a tawngtai. A hnuah a hming ohuah chhan a sawi. "Hei, kan chhungkua hian malsawmna tam tak kan dawng a. Mo hmeltha leh fel tak kan neih hnuin kan malsawmna dawn belhchhah tu tupa hmeltha tak ka nei bawk a. Pathian atanga kan malsawm dawn a ni bawka, Malsawmzuala ni mai se," a tih chuan an bu nghauh nghauh.



"Malsawmzuala te chu ka ex a sin le," nu Nsin a rawn tih chuan thawm a tha hum hum hle. Kei pawh ka nui chhuak hawk. Nu Nsi leh a thiante chu an nui vur vur. Pa Rinpuia erawh a tum hmuk.



"Awi... Lalrinpui,a nih loh zia i hriat ve reng kha,"a tih chuan ka nuih a za ting. Thawm a ring zual hak bawk.



"Kan chhungkua hi a tirah han thutak viau mahila,ka nu vang tal pawh hian a tawpah a nawi ngei ngei ,"Nico chuan ka beng bulah chuan ti sapin a khi suk.




Hetah hian tih tawp ka tum zet nanga,an la hlim rei lo e ka ti deuh sia. Nextah a tawp ang aw...an inneihna turin lo inbuatsaih ula...social distancing hman ve a ngai la ang😅uff...A tawp tep tawh bawka Nico tan te khan han comment pawp pawp teh u khai☺️Kan intihphur ve thin kha😄 Chuan the very ads khu lo click ngei ngei ang che💖😝 khalawme



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)