When the night fall. Chapter-11 by Melz Hrahsel

[Melz Hrahsel]

When the night fall by Melz Hrahsel






Chapter-11





"Pa min kalsan i tum a mi. Apa khawi ah mah i kal dawn lo tiraw, pa anu nen chauh min kalsan lo ang tiaw" ka pa bul a ding chungin a zir ah mittui tling pam in ka ding ran a. Ka in sut hraih hriah.







"Mate. I pa hian kalsan che ka duh bik lo. Mahse; kan chung a Pathian rorel dan hi sawi theih kan nei lo a ni, i nu nen van atangin ka lo veng dawn che u alawm" harsa ti ve in ka pa chuan a rawn ti chhuak hram a. Ka kut ah a chelh ran, a oxygen mask nen pawh chuan thawk harsa a tih hmel ngawih ngawih.







"Pa khawi ah mah i lak ka phal lo. A pa min kalsan suh" ka biang ah mittui a rawn luang ngiai ngiai a. Kum naupang tak a pa chan te chauh lo chuan ka tuar na hi an hrethiam kher lo ang, kan harsat tawh nen hna thawk tu ber ka pa a awm loh in engtin nge kan khawsak zui ve ang.







"Mate" harsa fe in ka nu chuan a ti a. ka nu pawh a insum thei lo. A tah a chhuak tih ka hria, mahse; a fanu bul a tlawm tak a awm a duh loh nan a in ti pachang hram hram tih ka hria.







Harsa ti fe in ka pa chuan thawk a la kawk kawk a. Chutih rual in doctor ho an rawn tlan lut nghal tuk tuk a, ka nu nen pawn ah min chhuah tir zui nghal thuai. ICU kawngka darthlalang phen atanga chuan ka pa an bawihsawm lai chu kan en reng a, ka tap a, kawngka chu ka chum vak vak bawk.






Ka nu in thei leh thei lo in min kuah bet a, ka pa oxygen mask an phawi hnu a a awm a nem lai te chu ka hmuh hmaih hauh lo. Chutia a awm a an nem hnu rei vaklo ah chuan Doctor pakhat chuan a kut a dek a, sana a en zauh a. An enkawl na te chu a mal te te in an phawi a.







"Mate i pa kan chan ta" ka nu in min kuah chung chuang a in hnit fap fap a.






"A pa. Nilo, a nu" ka tap zui ve nghal hawm hawm a. Ka pa min lei sak ka teddy bear pawh chu ka la pawm reng. Ka nu chu kuah thlawp in, ka thu ve nghal hnawk bawk.







"Zothan. Zothan" ka taksa tu in emaw an sawi ni awm tak ka hriat vang chuan ka harlh chhuak hlawl mai. Ka mumang mai a ni, ni e, ka chhun mumang mai a ni. Nimahse; ka tap chhuak tih ka hria, ka biang ah ka mittui a luang ngiai bawk. Ka chil ka lem khalh a. Thawk ka la halh halh bawk. Khatiang mumang kha ka neih loh na a rei tawh viau asin mawle.







"I tha em. Eng thil nge thleng a" min be tu lam chu ka en a Marco a maw. Eng nge hetah a tih a.






"Tinge khatia i au chiam chiam a. Ka mangan hman zia kha. I chungah thil tha lo a thleng emaw ka ti hman tep alawm, engmah tawng i hre thei silo, kawngka i la kalh daih zui lehnghal" Marco a chuan ka kul a thu in a ti sup a. Ka sam chu tuai thuak in ka beng hnunglam ah a zep nghal zauh.







"Mangchhia mai a ni" thawk la hak hak in ka ti chhuak leh a.






"Ka pa ka pa ti in i au chiam chiam a" a ti leh sup a.






"Magchhia ka tih kha" ti chauh in ka chhang leh tawp.






"Tinge i ke tuam na kha ka tello in i va phelh tir leh ringawt a. Buaipui tu che ka ni in ka hre si a, tu nen nge in kal" thutak fe a tih pah in ka bulah chuan a rawn thu hnai zauh a. A rim pa hrak mai chu ka hip vang vang.






"Ahhh...ka sawm kher che a ngai a mi. Thenawm a hospital ah hian ka tih tir mai a. A awlsam mai alawm, bakah i buai hmel sia ka ti buai hreh che alawm, nimin ah Nute in min kalpui a" ka phone dawhkan a lo ri ral ral chu ka ban zauh a. Parth a ni, ka ban la hman lo. Marco an a rawn pawt thla lawk a, a lak nghal hmak.







"Hey ka phone a nih kha" ka ban ha a. A ngai pawimawh lo kher mai.






"Bialpa te awm lai in tu in nge mipa dang be ngai. Sorry. Bialpa tur zawk" a nui zui zuk a. "Ka phone hi a chhia a nih ka ring, i call ka dawng ngai lo reng reng" ti chung in a lukhum a siam zauh lehnghal a.







"Lo la teh" tih leh ka ban a. Mahse a ipe a ka kut ka zen ruh rual chiah in a kut a rawn zen lut ve nghal zat a. Ka kut chu a hum lum nghal thar thar mai, rang mangkheng in ka la sawn nghal zawk.







"Eng nge hetah i lo tih dawn" hawi sawn deuh hmak in ka ti sap ringawt. Engvang in nge ka thinphu hi a ran em em a, ngaihzawng nei ngai lo pawh ka la ni lo. Mipa kut ka vawikhat khawih na pawh a ni hek lo, mahse; tinge ka lai tut ringawt a. Sawi tur pawh ka haih chham vek.







"Class i lo kal lo a" a ti leh ringawt.






"Tichuan" ka lo ti sap






"I that leh that loh ka lo en che. I ke te kha a na leh em tih chian ka duh a, mahse i that hmel viau chuan ka hria. Zanin eng nge i tih dawn a" thutak fe chuan min zawt a.







"Aaa ka hrelo. Tihtur em em ka nei lo ang" a bul atang chuan ka tawlh sawn leh deuh a.






"A nih chuan kan race zan a nia. Lo kal ve la, ka race pawh i la hmuh loh kha tiraw. Min lo en ve reng reng ang chu" nui suk chuan a ti a. A t-shirt var hak chuan a ti lang fresh zual thawt alawm.






"Ka hrelo. Hetiang ah hian ka kal ve vak ngai lo a, bakah zan lam hi chu ka hna kal ka ngai thin a. Ka kal loh na a rei tawh lutuk" ti chauh in ka chhang a. Ka chhan na vang chuan a lungawi zan lo tih a hmel ah ka hmu tlang nghal vek.







"Zanin chu lo kal ve la. I ke a la dam chiang lo bawk a, lo kal satliah mai mai ang pawn i lo kal ve mai ang chu" a la ti ve hram. Zanlam racing hi an sawi bak ka hre ngai lo. Kal tum na ka nei lo a, chak na pawh ka nei ngai chuang lo.






"Ka lo in ngaihtuah ang" tha tak chuan ka ti awlsam ve mai bawk.






Marco a haw hnu chuan college lam a kal turin ka in siam zui ve nghal a. A awm lai khan ka sawi duh lo mai mai a ni, a chhan pawh min hruai leh phet a tum dawn tih ka hai lo. Mi hian amah nen min hmu tam vak hi ka duh lo, mi phunchiar kan ti tam mai mai tih ka hria. Hmeichhe sawi sep a tan ka in phal bawk hek lo.







College ka thlen meuh chuan a tlai ve tawh viau. Library lam ka pan ding nghal thuai a, ka lehkhabu hawh dah let ngai lo se chuan ka kal miah lo ang. Ka ke ka tih nat atang khan ka la kal leh lo, kal thei pawh ka ni lo. Ka kal zawng hian a la na lek lek thin, a hma ang in ka la ring ngam lo.






Librarian lo thutna lam ka pan phei a. Dawhkan ah ka lehkhabu hawh chu ka dah a. a dang hawh tur zawng in library chhungril lam ka pan phei chat chat a. History department lam zawng ah chuan ding in ka lehkhabu hawh tur ka melh kual rak rak.







"Zothasangi hi ka hne khawp mai, Marco a lah chuan hmanni te khan a la la pawm zui a" zawi sap a, hmeichhe aw in a ti ri ka hriat rual chu ka bul a thutna awm ah chuan ka thu a, ka lehkhabu hawh chuan ka hmai ka hup nghal vat.







"Ni chiah mai. Henu hi chu sihal ang mai a ni fing chalak lutuk" chunu chuan a ti sap a. Library a awm kan nih avangin an tawng ring lo. Ka hnaih avangin ka hre mai bawk a ni, bakah tumah tawng lo a kan reh thap avangin tawng a hriat hma em em bawk.







"Hmeichhe mawl lutuk. Marco a lah hian a fiam kual tih a hre der si lo a" nui deuh hak chuan a ti leh a. Ka thin a rim phat nia mawle. Ngaihzawng dang nei reng in chhuah pui turin min sawm vel a maw, tenawm lutuk, a tawngkam a ka lo tawlh thlu hman lo kha ka vannei takzet a ni. Min ngaihsak ber awm ang tak in a awm der thiam ropui si.







Ni e. Engtin nge a ni te chuan min duh te kha ka rin reng reng ni, mipa zam tha tak leh hausa tak. A duh a piang nei thei a nih lai in kei erawh in ka eikhawp tur ka thawk chhuak tawk tawk chuah a nia. Bakah, ka nu thi ka ngaihtuah chhuak leh chiah chu ka ngaihtuahna a ding chat. Thawk ka la halh halh ringawt






Pen thawm ka hriat chuan an kal tih ka hre nghal mai. Ka lehkhabu hawh tur chu la sawk sawk in ka ziah fel tir a. Tu chiah nge a nih tih hriat tum in kha nu kha a zui deuh a, mahse; car ah a lut lai chiah ka hmu hman ta hram a.




******


Ka phone a rawn ri ral a. Ka en nghal thuai Tina i call a ni tih ka hai miah lo, ka pick nghal thuai a. Ka room ah ka la awm ran reng.






"Zothan i la chu ka van lawm teh. Enteh ka rilru hi a nuam thei hlawl lo, thu thang zawng zawng hi eng nge a awmzia ni ta a. Ka hnunglam atang chuan min bum miah lo ang tiraw, ka thian tha tak i ni tiraw" phone lehlam atanga a rawn ti chiah chu a awmzia ka bo khawp.






"Eng thu thang maw. I sawi awmzia ka hrethiam miah lo, hahdam tak khan thawk la la. Thil awmiza han dawi teh" ka khum a thu in ka ke chu damdawi ka chulh mek.






"Marco a nen a in chanchin hi mawle" a tih chuan ka thil tih lai ka chawl dat. Thawk ka la hrawk a "hmanni ah a tanpui che tih ka hria. In in ah te an lo leng bawk tih pawh ka hria. Enteh, Zothan ka hmangaih zia chu nangpawn i hriat vek kha. A ni chu i duh miah lo tiraw min tiam rawh, khawngaih in aw ti hram rawh aw. Ka duh leh hmangaih zia i kiangah pawh ka sawi ziah kha, hnunglam ah min bum lo ang tiraw" a tih chiah chu ka thaw chhuak hak.







Ka awm ah ka kut ka nghat a. Ka thin phu dap dap chu ka hre thei, a ni nen kan chhuak dun thin tih phei hi hria se engtin tak nge a nat ang tih ka ngaihtuah a ni. Thawk chu ka la leh hak hak a.







"Min lo kan satliah mai a ni. Ka tiam a che i lak atangin hetiang thil hi ka ti ngai hauh lo ang. Ka thian tha ber engtik lai pawh a ka tan a awm tur i ni, mipa vang in ka bum lo ang che" thawk ka la hrawk hrawk a. Ka tan chuan ngaihzawng ai hian ka thian te hi an pawimawh zawk. A hma pawn ka tisual tawh a, ka thian ten min tanpui a nih kha. Kan kumkaw kawppui tur an ni em tih pawh hriat loh vang a thian te thlah hi ka ngaihdan a ni ve hek lo.







"Ka van lawm tak. Nang ang thian ka nei hi ka lawm lutuk" a rawn ti leh sap a. Kan in thian that na vang hian ka hmangaihna pawh ka hlan thei. Mahse; ka uanu pa a ni em tih pawh ka chian loh lakah hian ka thian ka chan mai tur chu ka ngaithiam thei lo. Bakah ei ai chuan an inhmeh zawk hrim hrim.







Phone a dah hnu chuan thawk ka la hak a. Ka khumah chuan ka mu zawi nghal hnak, ka phone a rawn rik chhunzawm leh nghal zat a. Tina i emaw Ammy an nih ka rin sa vangin duhdah zet leh hming pawh en tha hlei lo chuan ka 'hello' liam ve puat a.






Mipa aw fiah leh thum dat in "i inpeih tawh em" a ti thawm ka hriat vang chuan ka meng nghal kawk. Ka phone screen ka bih vat a. Marco a maw, zanin khan chhuahpui ah min sawm tih ka hrechhuak nghal zawk.







"Ka lo kal lo ang" aw khur lek lek chuan ka ti sap a. Ka sawi zawng pawh chuan ka mit ka chhing sak nghe nghe.






"Mahse; i lo kal tur thu i sawi tawh si a" a awki pawh chuan amah a ang hlawl lo. A hamhaih tih ka hai miah lo.







"Ka sawi lo. Ka lo in ngaihtuah ang ka ti mai a nih kha, diktak chuan ka awm a nuam chiah lo a. Chuvangin nangmah in kal mai rawh" thawk la hak hak chuan ka ti sep a. Ka awm chu ka dawm vawng vawng nghe nghe.







"I lo kal ka ring asin. Tinge i thin tih rimna ka nei a mi. Ka lo lam ang che" a ti leh hram a. A ni leh ni lo ang in a aw pawh chu a dam thlup mai.







"Ka nuamsam lo alawm. Min hrethiam mai rawh" ka tih rualin ka phone ka dah zui nghal a. Ka mittui tlak lai ka hre miah lo, nilo, a ni kha ka duh lo. Ka duh miah lo, ka thiannu tan chauh a ti mai ka ni. Ka thian tha ber tan. Tiin ka in fuih ru ve char char.






Rei ngial chu ka mu a, room pawn ah pawh ka chhuak peih meuh lo. Ka chhungte erawh in TV an en thap a, room ah ka in kalh hnan tlat thung. Thawk ka la hrawk hrawk a, engvang a ka thinlung hi na ve ngawt nge a nih pawh ka hrethiam lo.






"Zote. I thianpa a lo kal a nia" ka pate'n ka room kawngka rawn hawn pah in a rawn ti a. Ka hmai ka tuai that that, ka mit bui chu a hmuh loh hram ka beisei. Ka sam ka tuai mam thuak thuak a, huphurh fe in Pate a chu ka zui phei a Marco a a ni ang tih ka hlau takzet, a hlat thei ang ber ah awm ka duh a ni.







"Hi" nui sang a Parth an min lo nuih sang ka hmuh chuan ka thaw huai mai. Marco a a niloh vang hrim hrim pawn ka lawm.






"E engtin nge kan in i rawn zawnhmuh a" nui sang chuan ka lo chhang a.






"Harsa vak lo. I buai em, sawtah min kalpui lawk la ka tia" A tih chuan ka lu ka thing zui nak. Ka rilru tawt lutuk tur tih ziaawm nan a chhuah thawven hrim hrim pawh chu ka duh. Khawi lai emaw Marco a leh Zothani awm loh na hmun ah kal daih ka chak ber.







"Buai lo e, keipawh chhuah thawven ka duh lai tak alawm" ka lo ti sap a. "Pate ka kal ve lawk aw ka rei lo ang" ti in room ah ka lut phei a. Zanlam chu a vawh lek lek tawh thlasik rim pawh a nam deuh chem chem tawh mai. Ka jacket chu la chhuak in ka sneakers ka bun a,ka jeans kekawr ka ha leh a. Parth a nen chuan kan in zui chhuak hnak hnak a.






A bike a tih din na lam chu kan pan phei chat chat a, a helmet a la kang a "chuang rawh le" a ti sup a. A bike bul a ka din tak reng avang chuan mak ti fe in min melh ran "chuang vat la" a ti nawn leh a.






"Ih englo. Bike hi ka nel lutuk vak lo a, min tlukpui em lo ang chu tiraw" ka tih chuan a nui hak.






"Tumah ka la tlukpui lo, ka tlukpui hmasa ber i ni duh em" fiamthu fe in min la chhang zui lehnghal a.






"Min tlukpui lo la a ni mai" tih pah in zam fahran chuan a bike hnungah ka lawn zauh a. Ka kuah rual a a taksa che dat vang in a nui tih ka hre thei. A hma a ka tih thin dan ang chiah in ka mit ka chhing zui nghal thuai a.







"Ka tlanchak i tih chuan i sawi mai dawn nia" ti in bike chu a hmet rum vang vang a. Ka mit ka chhin tlat avangin khawi lamah nge min hruai dawn tih ngaihdan pawh ka nei thiam miah lo. Min hruai na apiangah ka kal tawp ang nga a ni mai ka ti ringawt.







Ka hmai thli in a rawn chhem hem hem a. Khawpui ri bengcheng tlanpel a reh deuh thiap kan thlen tak ah chuan ka mit ka meng tiam tiam a, a hma ang em em chuan ka hlauthawng tawh lo e. Thli in ka hmai a rawn chhem nat tial tial takah chuan ka hahdam sawng sawng mai.







Bike a tlan muang tial tial a. Bike atanga ka chhuk chiah chu tum loh deuh na hmun ah ka awm, ka hma tak ah Marco a a lo ding ran mai. A hmel ah chuan a thinrim tih ka hai miah lo, a mitmeng nelh leh pawl ram chu a thip hian a thip hlur. A t-shirt dum hak chuan a mit a ti lang thip zual kher mai.






Sawi tur pawh ka hrelo. Ka chil ka lem khalh a, a in seh ruh na avanga a bek pawng dawt dawt te chu ka hmuh hmaih miah lo. Parth a chu ka melh zauh a, ka darah a rawn beng thuak bawk. Kan college mi thenkhat chu an lo awm nual bawk. Ka rin loh pui pui an awm teuh.






"Hey Zothan" chu aw ka hriat rual chuan ka hnunglam ka hawi vat a. Tina i a lo ni, ka ban ah min kai a, Parth leh Marco te lak atang in min kalpui daih. Tina i hi awmlo se chuan khalai hmunah khan ka ding khawng reng ang chu.






"Eng nge hetah i tih a" zawi sap chuan ka ti a.






"Ka kal ziah alawm. Nangmah zawk chu, i lo lang thut a, min ti hamhaih zo vek alawm. Parth nen a mi in lo kal a, thu lawmawm lutuk hrilh tur che ka nei a nia. Mahse; tunah ka sawi dawn lo, nakin ah ka hrilh ang che" a ti zui sap a.







"Nia Parth an min lo hruai ve ngawt a. A ngaihna ka hre lo teh mai a nia" ka lo ti ve vat a.






"Tikhan awm reng rawh. Marco a te an race dawn alawm. A chak leh ngei pawh ka ring, a la chak deuh zat zat reng chu a nih hi" chhuang leh duh tih hriat tak chuan a ti siam siam a. "Lo awm rawh, ka lo kal leh vat ang" ti in min kalsan ta daih.






Ka kalna hi a dik reng em tih ka ngaihtuah nauh nauh a. Marco a thinrim pawh kha ka dem hran lo, ka dam tha lo tiin dawt chiang tak ka hrilh a. Mahse; zan la la in ka dawt sawi keimah bawk in ka fiah leh vek. Parth a hnenah chuan haw leh mai ang tih tum in ka hawi kual a. Mahse, ka hmu zo miah lo. Khawiah chuan nge a lo kalbo leh tak hman ni, ka jacket atangin ka phone ka phawrh a, signal a la awm lo zui lehnghal a. Taxi vel phar tur a van hmel ropui lehnghal.







"Tunge i zawn a. Parth maw" mipa aw ka hriat rualin ka melh vat a. Thingbuk hnai ah Marco a lo ding ran chu ka hmu nghal chat. Min rawn pan hnai a, ka chilh ka lem khalh a. A rawn kal hnai zel a, ka thin phu a ri dat dawt bawk, keimah pawn ka hre thei hial alawm. Lo phei zel in ka hmazawn ah a ding run tawh







"I lo kal leh tho si a. Tinge dawt min hrilh kher, ka bulah i kal duh lo a nih pawh in tha tak khan sawi mai ta che. Kan in ngaihzawng dawn chauh a dawt i sawi nghal ringawt a maw" thutak fe chuan a ti run. Ka hawi sang ngam tawh lo hrim hrim.







"In ngaizawng maw. Kan in ngaizawng ngai reng reng a mi, kei chuan thian ang chauh in ka en che. Bakah nang ang mipa ka duh lo" ka thusawi zawng te chuan ka ti ril a kur a ni.







"Khang kan inkar a thleng kha i haider vek thei maw. A nih i thiannu ngaihdam dil tur in min ti a, kan chhuak dun thin ang tih min tiam kha chu i la hre em ang chu tiraw" a mit chuan thip zet in min melh a. A thaw hawk hawk bawk.






"Thutiam hlen loh ching mi ni ah min ngai mai rawh, bakah..." ka ngawi dat a.






"Bakah engmaw" a rawn tih zawm zat.






"In date ka duh lo a ni mai. Nang ang mipa ka duh lo" a kut in min rawn ban a ka lo tawlh hnung dah. Ral a Tina i nui lai hmel ka hmuh phei chuan ka thinlung hi a tawt up up mai.






"Mahse, ka duh che alawm. I thin ka ti rim a mi. I duh chu sawi la, i tih ang ang in ka awm ang, ka duh takzet che ka tih kha" Ka kut ah vawn a tum a, ka lo in dang leh nghal vat.






"Ka sawi vek tawh kha. Kan pahnih hian hma hun kan nei lo a, kan nei ngai bawk hek lo ang" zawi sap in ka chhang leh a.






"A nih eng thil nge i duh ber chu ni a" a lu a tuai thuak a. Thutak fe in min melh, hetiang em em a a thutak hi ka la hmu ngai lo "ka dar ah chuan vuan thut in thingkung lamah min nawr phei a, min nawr bet chat in min kiss a tum ta mai. Ka theih tawp in ka lo in dang a, ka kun chal tak ah chuan min sual chhunzawm bik lo.







"Kei chuan hmanrua ah ka hmang mai mai che a nih kha. Ka thiannu rilru i ti na a, ngaihdam i dil theih nan hmanrua ah ka hmang mai che ani. Kan inkar a thil thleng kha chu ruahman lawk ang chauh a ni, nangpawh hetiang hian awm suh" ka ti hrawk. Ka duh ai in ka vin ring mah mah, ka unau pa ngaihzawn maw ka thei lo ka thei miah lo.







"Mahse kei chuan ka ngai thutak alawm ka thusawi engkim kha ka rilru diktak vek a nih kha" hetiang em em a Marco a hmel danglam hi ka la hmu ngai lo, mipa in duhtawk tak leh kei ka ni in ti ve nghat kha hetiang hian a awm ka ring ngai bik lo.






"A nih eng nge i duh ber chu" beidawng fe chuan a ti ta ringawt.






"Duh ber ka nei lo. Keimah in min awmtir mai mai rawh tih hi ka duhthusam chu a ni mai. Ka mipa duhthusam i ni hek lo" keimah pawn ka thusawi chu ka awih lo, ka duhthusam ka zawng leh ka beisei ruk ang ngei kha a ni. Mahse, a ni erawh ka u a ni em tih ka chiang si lo.






"I duhthusam chu tunge Parth a maw" a nui hak a. Hlim vang a nui erawh a ni lo tih a hmu tu apiang tan hai rual a ni lo.






"A ni chu ka thian mai a ni. I duh duh dan in awm la keipawh ka duh duh dan in ka awm ang. Ka buaina ah lo inrawlh lo a, chutiang chiah in keipawh ka buai lo ang, kan nun inang lo lutuk kal kawp tir i tum hi duhtawk a hun viau a ni. Ka thiltih ah lo inrawn tawh lo bawk ang che" insum fe in a mit a en chung chuan ka ti a. Tap chhuak lo turin ka i thunun hram hram a ni.






"Ka duh ang ang in awm i la pawi i ti lo ang maw" thutak fe chuan a ti a.






"Aw" ka lu ka bu nghat a.






"Eng pawh khawi hmun ah pawh maw" a ti nawn leh a.






"Aw khawi hmun ah emaw eng hunah pawh. Ka nun ah rawn inrawlh lo la a ni mai" ka ti leh a.






"I chiang maw" ka ban vuan chuan ka mit ah a en ran.






"Ka hming ka hriat chian tluk zet in ka chiang" ka chhang rual a ka tha khur leh a marphu zawng zawng buai vek chu a hriat fuh loh nan a kut chu ka phih thla nawk a. Midang ho awmna lamah ka phei san nghal hmak a. Ka hnungchhawn rual rual in ka mittui a tla zui nghal zawih zawih. Ka tah chhuah loh nan ka hmui ka hup tlat thung.






Bike racing an tan tawh dawn a. An in line thap tawh, Parth pawh a tel ve. Min rawn melh a, a mit min siai zauh chuan ka nui suk. Marco a ka va melh chiah mai chuh, lo en lo law law zawk i la ka ti ngawih ngawih.






An bike an hum ri leh vang vang a. Hmeichhe chhelo zet mai kawr tawngchham zet ha chu a rawn pen chhuak nalh nalh a. Rawmawl a rawn keng chhuak a, a ban a phar rual chuan a sir a ding ho chuan bengchheng chi tin an siam hi a ni ringawt.






A rawmawl ken chu a vawr kang a, lei a thlen rual chiah chuan bike ho zawng zawng chu an tlan chhuak zui nghal puat a. A thaw zui fua bawk. Midang ho pawh chu an au chel chul a, hmeichhe thenkat lah chu an lam bawk. Tina i ngei pawh a au nasa hle mai.







Minute 10 vel an thang tawh ang tih ah lam hla angreng tak atanga bike rum vang vang thawm kan hre zui a. Finish line a ding ho pawh chu an in saseng nghal zung zung, An rawn tlan hnai zel a. Mit in a hmuh theih tawk chin an rawn then chuan rin lawk ang ngei in Marco a chuan hma a rawn hruai. Finish line an rawn tlan pel fua a, an bike tih ding rual chuan a hnung a kang zawk bawk.






Parth a chu Marco a dawt chiah ah an rawn thleng zui nghal a. Midang ang a ding khawmuang lo in ka lamah a rawn tlan phei a, a bike a ti ding a. A chhuk zui nghal thuai a.






"Ka khum tep" nui suk chuan a ti sap a.






"I ti tha lutuk alawm" nui lui deuh tak chuan ka ti sap a. Ka mitsir erawh in Marco a a melh ran thung.






"Marco a khan a record a khum vang a nih kha. Ni dang aiin a tlan chak zawk, eng in nge maw khatiang tak khan ti tlan chak tir ni" a kutkawr phelh mawlh mawlh pah chuan a ti sup a. Marco a chu ka melh reng, Parth a zawhna chhan pawh ka hria. Keimah vang chauh a ni, a thin ka tih rim vang chauh.







Marco a ka en reng lai chuan Tina i chu a kai thut a, min rawn melh zauh a. A hnu ah a hawi sawn leh nghal hmak. Mi din khawm na lai takah chuan din pui in Tina i chu duhthawh takin a fawp nghal chat. Ka taksa chu a sawi nghal vek. Parth a rinchhan chuan ka ding ta hram hram zawk a. Ka biang a mittui luang ngiai in ka hmalam a thil thleng chu ka en ta kar a.