KA UNAUPA - 19

Episode kal lai dah luhna

Moderator: writers

Esi Taylor97
Posts: 71
Joined: May 15th, 2020, 10:54 pm

KA UNAUPA - 19

Unread post by Esi Taylor97 » September 25th, 2020, 9:01 pm

KA UNAUPA - 19
BY ESI TAYLOR






"I duh maw? " min melh zawk a, hma lam a en leh nghal tih ka hria, enge a ngaihtuah hre tur in ka en ngam lo. Ka dinhmun buaithlak leh khirhkhan lutuk hi tuman hrelo se ka duh em em rualin Hlimpuia hian tlem tal a hriat a ngai dawn tho anihhi!






"Umm, khawi ah emaw.. "




"Khawi ah nge i duh? "




"Khawi ah pawh thawveng tak a ka awm theihna hmun tur anih loh pawn tuma awmloh na... Ka sawi awm zia chu ka tah vak theih na tur ah" ka nui ro halh!




"Anih chuan hmun tha deuh ka hria, mahse a hla deuh a.. "




"Umm pawilo taxi rate in emaw petrol man ka tum ang! " a nui ri nghal hawk





"Ka chawi tir tam viau ang che.. Anih chuan kan thlen hma chu ilo muhil thei ang! "





"Ka lawm e aw.. " zawi zet in ka ti sap a, hahdam tum in ka mit ka chhing nghal vang vang!




...




Ka phone ri avang in rang lutuk a mengchhuak in ka thu tha nghal zawt a, thingkung sang tak tak ding thiau kar ah kan tlan mek a, a nuam dangdai phian.





Ka pi in min lo call maw? Ka hriattawk lek in ka phun chhuak sap a, ka bul a thu chu ka va melh zauh a, min ngaihven hmel a put loh a vangin ka thaw deuh huai.




"Nute ngatinge i va rawn thleng har em em ve! I rawn kal ani lawm ni? " hlauhthawn hmel zet in arawn ti nghal bawrh bawrh!





"Pi.... Englo hmun dang ah ka kal kawi a, ka la rawn kal mai lo vang, ngaihtuah ka ngai lo ania. "





"Khawi ah nge i awm? I nu nen kan inbia a, rawn haw vat teh ka ngaihtuah che ania.. "





"Ka tha ka tih kha nakin ah ka rawn call leh ang che"




"Khawi ah nge i awm? " arawn ti leh





"Pi... Ka thiante ka pui lawk.. "





"Hei Sangpuian ka be duh a ti che " ka thin a phu leh nghal dawt dawt




"Nute keimah! Khawnge i awm? Ka rawn hruai ang che"




"Ka leng lawk a.. " thawveng thei ang ber in ka ti hliai a, ka thin erawh a phu dut dut thung




"Zothanan angaihtuah che, a rawn zawng dawn tho che i awmna sawi rawh! " ka pi hriat hlauh hmel zet in zawi lutuk in a rawn ti thum sup





"Usangpui lo hrilh rawh, a thil tum kha ka duh lo, ka thulh tawh! " ka ti sap. Engkim sawifiah nghal chak mah ila ka bul a mi hian a hriatthiam ka hlauh em avangin thukhuh thei ang ber in ka sawi hram hram a ni.



"Nute! Ngatinge? " beidawnhmel lutuk in a ti leh sup a, ka tah achhuak leh nghal ut ut.




"Nakin ah ka lo bia ang che! " ti nghek in ka off zui a, ka swithoff nghal ringawt!




Min biak ka hlauh em avangin ka maimitchhing leh nghal daih bawk!





Uzothana ka phatsan!!! Ka nu tan a ni, ni e ka nu tan chauh! Keichuan he khawvel ah hian hun ka la hmang dawn chauh ka nu leh pa chu anni ve lo, an damchhung hun la neih chhun hi chu hlim tak in hmang liam rawh se.





Mahse...!!!





Min rawn zawng angem? Tun ah hian ka awmna hrelovin mangang tak in a awm angem?





Ka ni in Veni ko vin a awmdun tir angem?




Zawhna hlir!!!





....




"Kan thleng ta! "




Ka mittui a tlak mai ka hlauh avangin ka la meng duh lo, ka tah hlek chuan thup ngaihna awmlovin ka hnar a sen nghal vek dawn!!




Kawngkhar in hawng thawm leh khar dawt thawm ka hre zui a, ka meng chhuak ta chauh!






Motor hma lam a Hlimpuia phei chu ka hmu nghal vat a, seat ngheng in ka thu a, ka thaw chhuak nghal ham ham!! chhuah chakna ka nei lo.





....





"Lo chhuak la anuam teh mai ania.. " rei zet hnu ah rawn let in kawngka ah a rawn dak a, a nui sang chuan a hmel hmuh ati anuam in a hahdam thlak takzet!




"Umm" nuisang in ka bu nghal nghat a.




Helai thleng thleng hian ka in hruai tir a, ka tap tep lai hmel ringawt hi ka hmuh thei bik lo.




"Mizoram ah i awm ngailo emaw ka tia engtin nge hetiang hmun te i hriat a.. " kan awm na lai chu sawifiah thiam phak bak in anuam, ramhnuai ngaina mi tan phei chuan hetiang bak hi a awm ring lo.





"Nia.. Helai hi ka hriat chhun ania"




"I hriat chhun hi sawisel bo anihhi" ka ti nghal hliai!





Thingkung sang zet zet a ding thluah a, an inkar lei ah te chuan hnahthel bak thildang a awm lo, a faiin a nuam tak zet ani tawp.



Uzothana pawn nuam a ti ngawt ang ka la hruai ve ngei ang!!





Nilo engthil nge maw ka ngaihtuah le?





"Thudik chu helai hi ka vawi khat kalna vetho! "



"Engmaw? " awilo zet in ka ti nghal nghek!!



Hnahthel chung ah kan thu dun a, hnahro pakhat chu a khal niap niap bawk nen a mah nen a inhmeh lo..




"Ka hmelhriatte an kal tawh a... A nawm hmel ka tia hei anuam reng bawk tiraw? "





"Tehreng nuam tak a ni"




"Kal ka chak thin a, hei tihian i zar ah ka kal theih phah anihhi! Muhil rawh ka tichhan pawh kawng ka zawn chawp duh vang ania"



"Animaw? " ti nghek in kan nui dun nghal hawk hawk.




"I harsat na kha hrelo mah ila tuar chhuak tur in i chak tawk tih ka hria ania.. "




Ka en nghal zawk! Ka chak tawk lo chu anih ber hi maw!!




"I tah duh chuan tap la, mahse tuarchhuak tur in... "


"Ka hrelo, engtin nge ka paltlang theih ang ka hrelo"





"I tawngtai em? "




"Umm... Vawi engzat nge ka tawngtai ka hre seng lo, mahse chhanna ka dawng lo aniang thuthlukna mumal pawh ka siam thei lo anihhi"




"Tun a i dinhmun hi a chhanna pawh alo ni maithei asin, kan duh ang in min chhang kher lova, min chhang lo emaw kan tih lai pawh in min lo chhang reng tawh zawk thin"




"Naa... Tun a ka dinhmun hi min chhan na ni tur in ka duh lo" ka nui nghal hak. Ni e, ka duhthlan tur chu a ni hauh lo tih ka hria, mahse ka duh lo ka duh lo takzet a ni.





"I tan a tha tur zawk anih ka ring tlat, i chak leh zual na tur te i chhel leh zual theih nan emaw pawh"




"Ka beisei.. Hun hi ral vat vat se.. Nakum tun ang hun hi ni tawh se ka ti"




"I hmanhmawh lutuk aw.. "




"Hma hun hriat theih ka chak.. Tichuan thuthlukna dik tak ka siam thei anga.. " hma lam en in ka ti sap a. Uzothana bul ah awm tlang ila emaw ka nu leh pa thu zawm ila khawi zawk hi nge ka tan tha ang, hma hun hrethei ilang chuan kawng tha leh dik zawk ka zawh thei mai tur. Awlsam tak in!!.





"Hma hun hriat i duh maw? Naktuk ah i thi dawn tih chiang tak in hre ta sila hreawm i ti daih zawk lo maw? "




"Ka hrelo... "




"Tu nun mah hi felfai bik a awm lo, i dinhmun aia khirh a ding hi chhiar dawn ta la i chhiar seng lovang, chuvangin pawm thiam la, a hma a Nutei kha ni leh tawh rawh! "





"Ka la ni reng alawm! " uar zet in ka ti nghal nghek!




....



Thim dawn ruai ah ka pi te in kan thleng a,a let leh nghal! Ka pi in pindan ruak ka hman tur ah min kailut nghal rawk rawk.





Chik lutuk in thil min zawt a, keipawn engkim ka hrilh vek! Ti ila Uzothana nen a kan inkar engkim ka hrilh vek. Ka ni leh Uzothana chungchang erawh keia sawi tur anih loh avangin ka dam chhung in ka sawi lovang.




Ka thlen hnu rei vak lovah Usangpuia a rawn kal a, ka la haw loh thu hrilh in an haw tir!




Inhmu tawh lo ula a tha ber ka pi in a tih avangin ka tan chuan a awlsam phah zawk mahna.




Zan khat na chu ka muhil eih lo.



......




Uzothana block theih zawng zawng ah ka block veka, ka pi te in a ka awm tirh kar khat chhung khan nitin zantin a rawn kal ziah a, vawi khat mah ka hmu lo. Eng dawt nge an lo hrilh ka hrelo, hriat pawh ka duh rih lo.





Mahse ka ngai a, amah avangin zantin ka tap a, a chang chuan in a tanga chhuah a va pan mai ka tum leh ut ut hial thin.




Vanlalhriata a rawn kal leh zauh thin tih loh chu thian dangpawh ka kawm ta rih lo, ka lunglen hnem tur in kan naute bak ah naute thar kan nei ta bawk a, ka buai nileng ve ta thak thak a, a zia phian.







"Nute i phone a ri! " ka pi a rawn au lang lang a, ka patea te pindan ah naute
Kan bual avangin kan awmkhawm deuh laih!






"A pawimawh chuan ka call back mai ang" ka ti nghal nghek!




Ka naupan lai a ta tawh chhungkaw hul har tak kan nih thin avangin naupang han lawm leh awm dan vak ka thiam lo thin a, tun ah erawh ka lo lawm in ka ngaina takzet tih ka hrechhuak tawh.




Ka mut lai anih ngawt loh chuan ka kuah chawt hi a ni ringawt!





Min lo call tu chu Hlimpuia a nih avangin rang lutuk in ka call back nghal vat.





"I buai ani maw? " aw zangkhai fe in a rawn ti nghal, a hmel hmuh a hahdamthlak leh ngawt ang tih ka lo ngaihtuah nghal daih.





"Nia.. Naute kan bual a.. "



"I thiam a mi? " awih loh hmel lutuk in a rawn nui ri hawk! Ka bual thiamlo reng bawk, ka bual nilo mahse a bul ah ka awm a ka buaipui tho.




"Thiam em em lo e"




"I ba kha vawiin ah tlak la.. "




"Engtin? " ka ti nghal hu!





Khami ni khan pawisa a la duh tlat lova, nidang ah min rul dawnnia a ti tlat anihkha. Khami hnu khan inhmuh chu sawi loh biak pawh kan in be leh ta miah lo.





"Lo insiam rawh khawi ah emaw min kalpui angai"




"Khawi ah maw.. ?"




"Sawi lawk dawn lo, min kalpui la ba min rul a ni mai"




"Umm anih" ka ti thawp sap.




Ka la chhuak leh miah lo a, chhuah ka phur viau lo.




...



December thla a nih tawh avangin khua a vawt tawh a, zing lam leh zan rei lam phei chu vawt tak hi ani ringawt!






Ka chhuah tur thu ka hrilh hnu ah ka insiam zui a, kan kalna tur ka hriat miau loh avangin inchei vak ngaihna ka hrelo, jeans ha in kawr lum thei angber tur ka ha a, a chung ah jacket ka ha leh tawp, ramhnuai ah pawh khan ani mai thei sneaker bun ilang a that ka ring.





Ka insiam zawh hnu ah naute pawm in alo thlen hun ka nghak a, a rawn thleng hma hle.




"Wow hmuh i nuam lutuk! " ka ner nghal nawng nawng, nalh tih tur khawp in ka inchei miau lo.




"Khawi ah nge kan kal dawn? "




"I hre chak viau a maw? "




"Uang suh aw.. "





"Mumbai ah ka kal dawn a.. "




"Maw? "




"Naktuk tlai ah ka kal dawn a, nakum ah chauh ka rawn let tawh dawn sia chuvang in hmuh che ka duh mawle.. Ka thian neihchhun "




"Ngati teh thut nge a! "




"Tehthut lo, ka tum lawk a nia lawm"




"Mahse i sawi silo a.. " ka ti ve ringawt anih chu, min hrilh tur in a thian hnai tak pawh ka ni hleinem, sawi sual inti zet in ka lei ka chhuah nghal zauh ringawt, ka sen tawn tawn maithei ani.





"Sawi chu ka tum a, mahse biak ngam ini silo a.. "




"Maw? "




"Buaina i nei bawk sia" a rawn ti leh sup




"Khawi ah nge kan kal dawn hrim hrim a".





" ka hre lo kan leng kual anga, chuan zan ah zanriah kan ei dun bawk anga.."





"Engmaw?" Ka ti nghal nghek!




"Hlauthawng suh khawi ah emaw ka treat ang che"




"Keiman ka bat zawk kha" ka ti leh niah niah ringawt.




....





Nuam lo ka tih a hlauh em avangin kan len kual hnu ah Durtlang a an in ah kal in Ramsangi kan lam a, pastor in tih tak ah an inchhung chu a nuam in a hahdam thlak ngawih ngawih , a nu pawh a fel in anelawm takzet hi a ni tawp.






Durtlang a hotel nuam zet ah zanriah kan ei ho a, an in a let leh in reilo te ka thu ve zawk a, khua a thim tawh avangin min thlah tur in kan inzui chhuak leh nghal.





" i chhungte bul a awm kha anuam tawp" uar zet in ka ti hliai a, a nui nghal suk




"Nangpawh i chhungte bul a awm anuam alawm"




"Engtik ah maw i rawn haw leh ang"




"Ka hrelo le January thla chhung chuan ka rawn haw hman maithei enge ka rawn hawn ang che? "




"Ihh enge niang aw.. "




"Ngaihtuah rawh ka inhuam viau lai hian"




"Okay ka ngaihtuah mek"





"Bengbeh minlo hawn mai rawh! " ka rilru a rawn awm hmasa ber ka sawi ve tawp





"I beh ngai ami" tih pah in. Min thlek nghal zuk!




Ka beh ngai miah lo!



...




Ka pi te inkawt ah a ding dat a, vawiin ka hun hman dan chu anuam in a hahdamthlak takzet, Uzothana pawh ka lo ngaihtuah mang miah lo. Ngatinge tun ah ka ngaihtuah chhuah leh kher!




"Lo lut la, thingpui te rawn in la.. "




"Ka in report zawk anga ka haw leh nghal zawk ang, insiam te angaih ve tak in" nui hawk in a chhuak zui a, ka chhuak ve nghal vat.





A rawn lut zawk a, reilo te tak tak bak a thu lo, kan in zui chhuak leh nghal.





"Kan inhmu khat tawh awm sia" ti sup in a motor hunna bul ah a ding dat a,




"Nia tluang deuhvin i kal dawnnia"




"Umm... Ka rawn be thin dawn che nia aw.. "




"Tehreng mai"




"Bengbeh kha i duh tak tak maw? " ka nui nghal hak




"Duh e.. Minlo hawn ngei ngei rawh, tlawm si mawi tho bawk si a tam viau ang"




"Tlawm si mawi si maw? " a nui nghal hawk anih chu




"Umm chutiang chu a tha, man to deuh ka beh thei lo ania a rit thin a" a awih loh hmel ngang mai.




"Ka ba ka rulh dan che lah i hek tho bawk si" nui hawk in ka pan hnai a, a taksa sik hlau zet in driver seat bul kawngka chu ka hawn sak a, ka si lo thei chuang lo.




A rawn nui ri leh hawk!





"Ka tih ve theih chhun lut rawh le.. "





"Ka van lawm ve" rang lutuk in a thu lut a, ka khar leh nghal vat.




A tlan liam thleng in ka thlir zui, a bula awm kha a hahdamthlak, ka ngai reuh ngawt ang! Thian tha tak, nilo ka unaupa ni ta se anuam ngawt ang! Uzothana nen chuan unau inngeih tak kan ni ngai dawn silo.





.....




"Kha kha maw? I bialpa thar chu! "
Ka khawng nghal vek! Hawi pawh ka hawi let thei lawk lo.




Ni tam tak hnu ah a aw ka hria a, ka bul ah min hnaih tak ah a awm bawk, ka taksa hi sawifiah thiam phak bak in a danglam vek!



"Hlimpuia vang khan maw? " a rawn ti khur leh dawt!




Muangchang in ka inher a, ka hma zawn ah tak a ding khawng luah, a mah ngei a ni.




"Uzothan! " ka ti nghal tiau.




"Sawi ta che khapa vang khan nge ka nu leh pa vang!? "




Arawn ti leh hrawk!




Hlimpuia nen min hmu dun anih chuan a thikthu a chhe si, min ngai diklo dawn chiang lutuk.





"Lalchhandam" ti leh nghek in min rawn oan hnai a, ka dar a rawn vuan nghal hmiah




"Hey mi in min hmu ange? Min khawih suh" zan rei pawh ala nilova min hmu tur an la tam lutuk




"Ka ngaihpawimawh i ring a mi? " a ti thum sup.



"Min thlah phawt teh" ti sap in ka che sawn a, a rum ri nghut




"Min zui rawh! " tih leh ka ban rek a rawn vawn a rual nghal




"Khawi ah maw? " hlauthawng zet in ka ti nghal ruai




"Kan tlanbo ang, kan inru dawn"




"Aih ka duh lo" ka ban a chelh na thinthlak ka tum avangin a thinrim zual emaw tih mai tur min pawt kal nghal dawr dawr anih chu!





"Min thlah rawh anih loh chuan ka au vak dawn" hrelo ang hmak in a awm anih chu.




"Ka ban a na ania min thlah rawh"




"Ka tihpalh nakin ah ka tihdam sak mai ang che" a ti nghut!




Chak lutuk in min pawt nghal dawr dawr!




Kan inpiah Kawngkual sir ah a motor alo inhung ran a, kan thlen rual in a ding nghal chawt, min pawt dawr dawr bawk nen a ding thut chu ka nek nghal rawk rawk!




"Lut rawh! " ti nghut in kawngka a hawng a, thinrim lutuk a en chung in ka dingkhawng lah.




"Lut rawh"




"Aih a teuh lo ka zui thei lo che tih i hria.. "




"Eng tehhrep nge i hriat a.. " a ti khur dawt!




Enge ka hriat tehhrep pawh ka hrelo, ka cho chhuah ni mahse sual hmel leh pawisak neihloh hmel lutuk a awm hian min ti na zual ngawih ngawih!





Kan inhmuh hun ah chuan duat tak a min kuah tur in ka suangtuah thin. Ni e, a theih loh ngei mai, a theihlohna tak hian alawm min ti na.




Min nem lun a tum anih chu!



Nasa lutuk in ka sual let nghal hrep!




"Tawp rawh! " a tih hrawk rual in ka tawp nghal chawt!




Mittui tling khat vek chung in ka melh rum lui ngat ngat!




"Ka hria lawm ka hria.. Ka tihpalh" ti dam dup in ka biang a rawn dawm a


"Min kalsan chhan ka hria ka demlo che, ka haw lo bawk che.. I tan a harsa tih ka hria alawm chutiang chiah chuan ka tan pawh a harsa asin.. Ka duatte tun hi kan pahnih tan chance tawp ber ani maithei, chuvang in min zui rawh aw.. "




Ngenngawl lutuk in min en a nih chu!




"Tun hun chauh hi a awm tawh maithei.. Chuvang in engkim huam in min zui rawh aw.. Ka hmangaih che"




Ka mittui a rawn baw zawih a, inngaihtuah eih lovin motor chhung ah ka thu lut nghal hmiah.





(Inthlahrung chung chung in kan insawithiam leh lawk ๐Ÿ˜๐Ÿ˜๐Ÿ˜ ka edit leh hman lo a, lo chhiar kim/ dik leh pah mai rawh u aww.. Lehkhazir pah in ka type a, khawi zawk zawk ah pawh rilru pek a har hlee ๐Ÿคฃ๐Ÿคฃ๐Ÿคฃnizan ah in rilru a hah hlawm sia ka tia nuih tir leh hram che u)

๐Ÿ’œ๐Ÿ’œ Ads i la click ve lo a ni maw? A hnuaia ads milem khu lo click ve rawh le ๐Ÿ‘‡
๐Ÿ’œ๐Ÿ’œ Ads i la click ve lo a ni maw? A hnuaia ads milem khu lo click ve rawh le ๐Ÿ‘‡
๐Ÿ’œ๐Ÿ’œ Ads i la click ve lo a ni maw? A hnuaia ads milem khu lo click ve rawh le ๐Ÿ‘‡



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)