"A dik lo ami?" chik zet hian min en chungin ala ti zui a ka nuih a za tual tual lehnghal dawhkan chu ka bawh tawp a ka nui khur char char,a hrethiam ve silo a ka nui khur chu ka hnung ah min lo chul sak char char bawk
"A tawk tawh em?" bu nghauh nghauh pahin ka biang ka nuih na vang a sa vek te chu ka kut in ka vai thaw vel a "Ka thiam lo an mak em mai" paper chu la in a hrawm khawm nawk nawk a dawhkan bul lawk a dustbin ah chuan a vawm lut hmak "Ka thiam zawng pawh ti ve tawh ila" min fawh nghal mai a tum chuan a âwm ah ka lo nem vat
"Ka duh rihlo,ka chau emai" ka ti ve tlat bawk,a tum erawh ka thulh hlen tir thei chuanglo tih ka hria,ka thu lai chu ka ngal ah dawm in min pawm kang vu vu a khum lam min pan pui nghal bawk"Jeddah phakar suh,ka duh che tih mizo tawng a I thiam hma chuan sex kan hmang theilo ang" khum a min dah rualin a leh lam ah ka let liam nghal vat
"Rose...ka in fiam peihlo ania" a kut pahnih in a kawng ah a dawm a ka awmdan ning hmel zet chuan a ner nang bawk " lo kal teh," a lu a thle nghal zeuh a
" chumi hma in, tinge Rose kha I reh vak ringawt a? a nel lutuk vang che a a awmdan kha keipawn ka duhlo viau na chungin hmeichhia ve tho ania keimah ang in"
" tih lungawi loh che a tum tih ka hria, chuvang in khatiang khan ka ti a nihkha" a tih chuan muangchang in ka pan phei ta a,ka pan pah chuan min ngaihsak zia ka ngaihtuah hman vek! Rose kha a che over lek lek a keipawn ka hria chuan Jeddah hian ka lo lawm loh a hlau ve anihchu!
"Engtin nge min hmangaih theih a?" chho vah in ka en a,a mitmu rawng hring lam pâwl lek lek te chu an mawi dangdai takzet ka biang ah chuan a kut khat a dawm in keiin a âwm ah ka kut ka dah ve bawk " chuan I thinrim tawh miahlo bawk a I in sum theih dan em em te kha"
"ka hrelo a lo thleng ve tawp chuan Ka hmangaih che a, enge ka sawi tawh kha? kei min thlang anihchuan ka ti na tawh ngailo ang che tiin,ka thu kha ka sawi mai mai hleinem I hrethiam em?" vei nuih suk pahin atih chuan ka biang a dawm na kut chu vuan ve in ka nuih let pah chuan ka hrethiam tih hriat nan ka bu nghauh bawk
"keipawn ka hmangaih che" a hmel a hlim na awm te chu ka hmuh hmaih lo a nui a, keimah zawk chuan a kawr âwm ah tham in ka pawt kun a ka fawp ve hmiah,ka duhtawk a mahse ani erawh a duhtawk ve leh mai lo a duhthawh leh tan tawh chutah ka fiam chak deuh a vangin ka fawp zui leh mai a khum ah chuan nem thu in,a hma ah chuan ka thingthi a, a kekawr phelh sak ka tum chuan min lo dang vat
"nangman maw?" lawm tho si mak ti deuh bawk si chuan min en a ka hmui chu a kut zungpui in a tuai pah bawk,ka bu nghat a a kekawr phelh sak in chakna vang a a z*ng khawng vek tawh chu ka play sak a, rum ham ham pahin ka sam ah alo tham ve bawk,a so sang lai ber chuan ka tawp san thut a "What..?" la kham lo tih hriat tak hian meng de sar sar pahin min en a
"Ka duh che tih I sawi thiam hma chuan sex chu a theihloh Mizo tawng ngei in chu pawh" ka nuih a tihzat em a vang a chutia fiam vel mai mai chu ka ni, sawi kher lo mahse a pawi na a awm lo mahse a ni mipa sual lutuk a danglam theih in beisei lo hi ka inthlak danglam tir dawn khawp
" ka theilo,a har lutuk ka tan chuan" khum ah a mu zangthal nghal dawt a,a kut pahnih kham in chunglam a melh vang vang bawk, chutah tho in a âwm bawh chuan ka mu ve a "ka nu kha ngaihdam dil ka ngai.." a rawn ti chhuak tawp ringawt
"maw..?" ka hriatthiam loh deuh vangin ka ti nghal vat a mahse a sawi chhunzawm duh tawhlo
"Naktuk zan ah ka rualin I chhuak duh angem?" tiin min zawt ta daih a, thil sawi nuam anih ka rin loh avangin ka zawt lui duh ta lo a " ka pa'n Zanin ah a piancham lawm na a buatsaih dawn a ka rualin kal ang che" a thupe aw leh ta daih!
"Kal ve tur in min sawm nge min ti lui zawk?" a nui suk a min chhang lem lo " I danglam lo emaw I in tih hian I danglam lutuk a nia Jeddah,I in hrethiam lo mai mai anihkha" ka tih chuan min thawh san daih a sawi dikloh ka neilo tiin ka in hrilh nghal mawlh mawlh
"Nilo,ka sual a pawisak pawh ka neilo ka danglam thiam lo tupawh hian danglam in min hre vek, mahse ka danglam lo hmeichhia leh mipa tumah ka thliar hrang ngailo a ka dim thiam bawk hek lo,ka nun hmalam kha a tawp in zir tur tha ka neilo kha hun phiangsen vang khan sakawlh ang mai in ka nung tawh anih hi" a tawp lam chu a vin ta khawp mai
"Nilo Jeddah,I danglam lutuk,ni reilote chhung pawh hian I danglam lutuk!" ka tho a a hma ah tak chuan ka ding nghal chawt " ni e pawisak I neilo a I sual zia pawh ka hria kei ngei pawh I kut tuar tu ka ni khang lai kha chuan keipawh in ramhuai ka chan hial che mahse thlakhat hnu chuan hei I danglam lutuk tawh,I bul ah ka cheng a ka chiang a ni I danglam tih hi"
"Thlakhat chhung khan I kut vawikhat mah ka tuar tawh miahloh kha Jeddah, ngaihtuah ta che khang zawng zawng ah te khan danglam I in ti ve lo ami? keichuan nasa takin I danglam ka ti asin I thinrim pawhin ka bul ah chuan I in sum zel a, danglam lo ni la chuan I kut tuar in tun ah pawh hian khum ah ka let leh reng tawh ang"
"Ka hmangaih che Jeddah,I danglam tih hi ring rawh" Jeddah,kut vawi tam min thlak a min nghaisa thin tu ngei kha a danglam zia hrilh in ka hmangaih thu nen lam ka hrilh ta chu ania! kan in tawn aṭang in thla tam pawh anilo mahse ka hmangaih miau si, khawvel hi a mak takzet ani Hmangaih chu sawiloh ka ngaihdam theih pawh ka rin loh mihring chu ka hmangaih der tawh a!
Jeddah chuan engmah asawi duhlo a ka thusawi erawh a pawm tih ka hria,min chhang silo nen chun hun thawl a duh ka rin vangin chhuahsan ka tum a mahse a phal awkawng ka lo min kuah bet tlat a, mihring mal ngawih ngawih ngaihsak tu hmu ve ta a ang takzet
★
Ti chuan Jeddah pa Mr Modraz birthday party buatsaih na a kal ve tur chuan ka bazar a Jeddah chuan min ring tawh bawk a ka chhuah pawh a phal tawh khawp mai Jasper an min veng reng tih loh chu,min veng lo mahse Jeddah tlanbo san mai mai chu ka tum tawhlo ka hmangaih miau tawh a
"Japser,hei hi en teh" ka zawt nasa ve tawh mahse nalh tih a la nei theilo, Jeddah lah company neitu ten biak an duh vangin a lo kal ve hman silo a midang zawh ka peih bawk silo a nghak tu te lah chuan hralh duh tih hriat reng reng engkim chu ka inhmeh an lo ti ve hman ziah
"Boss chuan nalh ati vek tho ang,lei vek mai rawh" ati ve ta phian a,mahse a vai chuan ka lei dawn teuhlo mai,ka pawisa a nilo a Jeddah pawisa vek ania Hausa mahse ka hman sak vak kha tul lo ka mamawh tawk party na ami tur ka lei anga a tawk ani mai " hmun changkang dang a tam nen helai ber kher a kal I duh hi ka la hrethiam chuanglo"
Dawr ho lam ve tak a ka hruai daih chu kan luh dawn ka sawi vek tawh aṭang khan a la hrethiam thei nganglo! Dawr leh Mall lian tak tak Jeddah hming a awm pawh a awm nual a mahse chuta kal chu ka duhlo mihring an tam thei si,chu ai chuan tlem te awm na hi ka duh zawk Japser hian min hrethiam chai lo dawr ah chuan ka duh pakhat chu nalh over ti em em lo chungin ka lei ringawt a kan haw lehnghal
"Jeddah a la haw lo anih hi" ka room pan ka tum laiin thil ri dawp dawp hi ka hria a,mipa na tuar thawm in a chhunzawm zel bawk Jeddah a awm silo a tunge anih ka hriatloh vangin Japser ko a en tir ka tum laiin Jeremiah aw ngei chuan na atih zia a rawn au chhuah pui a chuveleh Jeddah kalh khum na room lam ka pan nghal
"Jeremiah.." zawi te in ka phun sap a kawngka chu hawn mai ka tum tawh Mahsela Jeddah khan tuma luh a phallo a tih thinrim ka hlau ve deuh bawk si " tihpalh,min thah kha tum kher lo la a tha tur ania Jeremiah" kawngka chu kalsan in ka thil lei te chu ka phawrh a high heels ka lei nalh zet te chu ka bun a kal te zir tha ve nasa
Thim hlim ah pawh Jeddah a l rawn kir lo massage ka dawng a Jeddah hnen atang in...in peih sa a lo awm tur in min ti a an kan chhuah n ah khan thil kan ei nast vangin engmah ei leh t lo chuan ka in siam lawk a ka luak a rawn chhuk thut "miss I tha em? buaipui I ngai dawn em?" bathroom a ka uak nghek ah chuan Jasper a rawn kal vat
" kei hi ka rai a mawn le?" darthlalang ah chuan ka in en vang vang,rai theih na chance ka ngah zia ka hria sex kan hman aṭang pawhin thla a liam tawh "Jasper hei hi I lei lawk thei angem?" lehkha ah test kit tih ka ziak a,a hmuh vel ah a nui suk
"Jeddah la hrilh suh"
"nui vur vur suh va lei vat teh" a nam in ka nam chhuak a,a kal chhungin high heels nen kal ka lo zir leh a,kal pah in ka rai leh rai loh ringawt ka ngaihtuah bawk,lo rai ta ila engtin nge ka awm zel ang? Jeddah hian rai ta ila naute chu a duh a ngem?
"I van lo thleng hma em em?" rei pawh ka in ngaihtuah hma in a lo thleng fel leh der tawh,test kit chu pakhat ai a tam alo la lei zui, pakhat chauh chu la in bathroom ka pan leh a " ka reilo ang Jeddah a lo thlen pawn lo luh tir rih suh aw" test kit melh chungin bathroom ka lut a
"Khawngaih takin ka rai anih pawhin Jeddah a hlim ve theih nan min tanpui hram ang che aw" van lam hawi in ka tawngtai hmasa phawt,tichuan ka in test a mahse a result ka nghah chhungin Jeddah a lo thleng, kawngka an rawn kik tak a vangin party na a kal tur kan ni bawk nen boruak a diklo ang tih hlau in ka haw hun a en in test tha leh tur chuan ka chhuak ta zawk a
"Dik lo a awm ami?" bathroom ah pheikhawk sâng nen a ka lut chu mak tih hmel deuhin min en a " I tha maw? bathroom ah khan enge awm?" mit ti zim nghal sun in a ti leh bawk bathroom lam a thlek reng vangin kawngka chu ka vuan reng a
"Kal tawh ang kan tlai ange aw" ka ti daih a,Japser chuan a hrilh ta tho nge tho lo pawh ka hre lo mahse min rinhleh na nei a ang deuh a awmdan hi "Kal ang,a nihloh chuan mut daih ka duh" ka ti nghal chung chung a party na hmun pan tur chuan kan in zui chhuak ta hram
" Vawiin ah nurse kha ka va hmu leh a" hmalam melh run run pahin ati a,ka thu rem sauh a,a dar ah lu ka nghat nghat bawk " engkim ka chingfel tawh hlauhthawn a ngai tawhlo" tiin ka sam ah a fawp zauh bawk
"Chhungkua neih I chak em?" ti a ka zawh chuan a ngawi deuh vang vang a "I chak lo ami? chhungkua mahni chauh nilo a min awm tir tu I duhlo ami?" ka ti leh ngat,ka lo rai thut pawhin a mi chhan dan a zir chauhin ka hrilh ang
"Chak e..mal tak a ka awm loh na tur anih phawt chuan eng pawh ka duh vek" ati ta chu ka thaw veng huai " I rai ami?" a rawn ti chhuak nghal tawl a hmalam seat a thu Japser ka zu melh nghal
"Aih teuhlo,ka hrelo e a" ka ti bah nawk nawk party na hmun kan thleng a Jeddah sawi ang chiahin mi an tam lo khawp mai,a awm chhun chu kum upa lam Jeddah pa rual vel vek an nia a bak nula awm ve te chu a lam pâwl a ṭang thin ang kha an ni deuh mai Jeddah rual vel chu awm pawh an awm mang lo
"Hi,," hriatloh lam aṭang in Rose a lo lang hlawl phur takin min lo kuah nghal vat a, Jeddah pawh chuti tho a reh vak lai te kha chu thleng lo ang maiin a awm tawh thung "I kawr Chu a va nalh ve..chuan Jeddah pawh" melh pah zeuh in ka kawrfual var hak chu a pawt parh vel a
"Ka lawm e,nalh em em pawh ka lo ti lo a tlawm deuh lei ka duh sia ka thlang ve tawp anih hi" Jeddah chuan kan pahnih in bia chu ning hmel deuhin min lo nghak ngar ngar " Kan kal phawt ang aw, Jeddah pa kan la hmu lo a" kan in biak pah a Jeddah a hnaih tial tial chu duhlo in ka idea ve zaih a
"Aw saw lam ah sawn a awm alawm va kal rawh u" tha deuh chuan a ti a a kalsawn ve mai bawk,kan kal phei pah chuan in ti ta tu deuhin ka kawng ah min chelh tlat bawk a,pawi ka ti lem lo Rose bak ah hmeichhe awm ve dang ho hian an melh nasa mah mah ani ka ta ani tih hria se la ka duh
"Rose khan a ngaizawng che" a pa awm na kan thleng phei tep tih in ka sawi leh hram a,a kal lai chu ding chawt pahin Keipawh min vuan ding nghal a a lam hawi in min her pah bawk " nakin ah kan sawi dawn nia" ka ti leh daih a
"Lawk.." ahmui a tuai zauh bawk " tun ah hian ka sawi chuan I hun hman a nuam lo vek mai thei ania Rose,mahse ka hrilh loh che a I hriat hun ah I rilru engtin nge a awm ang ka hrelo ka hrilh tlang law law zawk che pawh a tha mai thei" tiin bul a tan phawt a,a sawi dan vel in min ti hlauthawng ru tlat a, hriat ka chak rualin ka chaklo bawk
"Sawi suh" a kâ a ang zuau hman tawh tihin ka au deuh thawt a midang awm ve te pawh an lo hawi deuh hu hu bawk " ka hun hman a nawm dawn loh ai chuan engmah hriat ka duhlo" a mit ah chuan ka en a, diktak chuan enge min hrilh a tum chu hriat ka chak ru reng tho mahsela kan in kar tha chho ve chauh hi a chhiat leh nghal mai ka hlau ani
"Ok, anihchuan ka sawi lo ang" ka chal ah chuan duat takin min fawp a,min thlir leh vang vang phawt tinge a hmelṭhat em em mai pawh hi ka hrelo " Kal ang.." min fawh leh phawt a tum chuan ka lo in dang a
"party na anih hi,haw hun ah atan khek rawh" ka tih chuan a nui suk a,chutia duh zet a kan lo in biak vel lai chuan a pa alo kal a,a hmelhriat te a rawn hruai bawk Apple company neitu pawh a lo awm ve reng! " I pa hi a sumdawng thiam viau ani maw?" Jeddah chu ka nghawk zeuh a nui ringawt
"Haw ka duh tawh" a tih pahin chunglam a melh vang vang a
"Ngati maw? cake pawh an la zai hleinem..zai zo se la kan haw dawn nia" tha takin ka tih chuan a nui hak a
"He taksa tetakte hi duhtawk in ka khawih leh chak tawh,heng ho hian ka tih tur duh ang in min tih tir theilo" ka kawng a rawn vuan in ka taksa chu a chul chho a,a pa te ho chuan min ngaihven tawhlo hlauh zawk ka ip chawih chawih ringawt "Haw ila.." ka beng bul ah chuan aw thum leh pa zet hian a rawn ti sap a
"Jeddah..in sum rawh" a pa te mit sir pah reng in ka ti a,ka hn**e a rawn khawih rualin a kut ka lak thlak sak nghal vat a ka mal ah ka hum beh sak reng bawk,duh dah zet a thu in a pa te ho in kawm khawm chu kan thlir vel mai mai a
"Awle, cake chu zai dawn ila hna nei in la ni thup bawk si" Mr Modraz chuan phur takin a thian te chu a ko khawm a " ka fapa zanin chu ka ngaihsak lo khawp mai che a,minlo hrethiam mai rawh aw" nui chungin a tih chuan a fapa a ngaihtuah leh a hmangaih zia ka lo hmu a ka hnuk an ti ulh tep
"Hlim takin ka pa" Jeddah pawh chuan a lo thlah ve bawk, mahsela ka hriatthiam loh chu heti khawp hian Jeddah a ngaihsak a a hmangaih anih si chuan tinge Jeremiah chu Jeddah ang hian a enkawl ve ngailoh? a fa diktak ani velo zawk em ni?
"Lo kal teh" a lam ah chuan min pawt nghal dawrh
"Jeddah,cake zai na ah kan awm ve loh chuan a dik lo ania" ka biang ah chuan dawm in a nui hmelṭha zet chuan min en a
"Cake lawm rual pawh I ni tawh ami"nui chungin duhthawh zet hian min fawp a party ania mi an kat ve nuk bawk nen reilote bak ka fawp let lo
★
"Haw tawh mai ang ka chau tlat" cake zai hnu ah pawh rei tak kan awm leh tawh, Jeddah pawhin kei ai in a ning tawh zawk,a phone phawrh vat in Jasper chu car la chhuak a pawn a lo awm turin a hrilh a
"Ka fapa,kan in be lawk thei a ngem?" chhuah tum a kan thawh lai in Mr Modraz chuan Jeddah a rawn ko a, Mr Modraz hmel chu a hma ang kha ani tawh miahlo,vei nei deuh hmel a pu a Jeddah chuan a mah en turin min kuai her a
"Car ah min lo nghak la,ka reilo ang a tha em?" rawn kun hniam run chungin ati a,a pa meuhin a rawn koh tak si vangin fel takin ka lo bu nghauh a a pa nen an in zui pahin chhuah na tur kawngka thleng min thlah ah Kawngka ah Japser chuan min lo lam ve bawk
"Jasper, Jeddah bul ah hian engtia rei nge I thawh tawh?" Jeddah nghak a car ah ngawi reng a lo thut ringawt chu a ninawm em vangin Japser chu ka be zauh zauh a "ka tih awmzia chu a lak ah hian i rinawm hmel sia"
"College a kan senior thin ania,hna ka hmuh theih lawk loh avangin ti hian kan in hmuh leh hnu ah hna kan in offer a chutiang vel chu ani mai" zawh leh tur vak ka hriatloh vangin ka ngawi deuh vang vang a,ka rilru ah Rose a lo lan thut vangin ka thut na siam rem pah chuan
"Anih,a hma in Jeddah hian bialnu a nei thin em?" ka tih chuan hmalam glass atangin min chik zet hian a rawn melh let a " tinge,a nei thin ami?" ka ti leh nghal vat
"Ka hrelo,a tan a hna ka thawh chin bak a chanchin engmah ka hre biklo"
"A nih India ah khan engtia rawn kal nge in nih a? tinge khapa kha I kah?"
"Ka rawn chhan vang che anihkha,nilo se khami te khan pawngsual che in an that che emaw ani daih tawh ang"
"Nia ni ve tho...mahse I sawi den lutuk aw" Japser nen chuan kan ti ti ve char char a ngawi reng a awm ninawm ka tih vangin bialnu aneih leh neihloh te ka zawt ve leh ringawt thin
"Ka han en teh ang" a ninawm dawn lek lek tawh! kan a nghak rei chuanglo a mahse Jeddah aam loh chuan a ninawm vel vek tawh! in chhung lam pan in ka kal a "Japser min lo zui suh ti khan lo awm rawh,ka lo let leh vat ang" min lo zui a tum vangin min lo nghak tur chuan ka ti a
In chhung ka lut chu tum loh deuhin Rose leh midang rui zet a an lo awm ka hmu a,putar thenkhat te chu a bialpa ang maiin a be vel bawk a mak ka ti lek lek! mahse ka ngaihsak tha duh chuanglo Jeddah te kal na ka hriat vangin an kal na hnu ah chuan ka kal ve zel a Kawngka an luh na ka thlen chuan polite hmel takin kawngka ka kik a
"An awm tawhlo amawn le?" an thawm ngaihthlak ka tum a pawnlam a awm te hian thawm an nei ve reuh bawk nen engmah ka hre theilo, kawngka lock na ka herh chu awlsam deuhin a in hawng a ka au a min chhang chuang silo a ka luh tawp mai loh chuan ti rilru chungin ka lut a tumah an awm lo
"Tah sawn a niang" kawngka dang lo awm leh chu ka pan a,chumi zawn ka thlen a auh pawn ka auh hma in Jeddah leh a pa in biak na chu ka hre nghal a luh buai tum na ka nei tawhlo kawngka lock na chu ka dawm reng
"Ka pa,thawn haw tur in min duh amaw?" Jeddah zawk ni awm tak ani,chuan thawn haw a sawi chu keimah em ni?
"Ka fapa hriatthiam a ngai ani,I bul ah a awm reng thei dawnlo ania..I kiang a a awm hma nun ah khan let leh se la a tha zawk ang a tan pawh a him zawk"
"A let duh tawhlo ang,min hmangaih...ka pa min hmangaih a lawm ani khan" a chhan dan aw ah ringawt pawh a thinrim tih a hriat theih " Chuan ka thawn bo mai ang maw? chupawh ka hna vnag chauhin?"
"Aw,I hna vang ber hian I thawn bo angai..a nihloh chuan I hna te hian an la ti na anga nakin ah amah ngeiin ala kalsan ang che chutih hun tur chu kei chuan ka lo ngaihtuah thleng vek tawh,ka fapa hi a na anga engkim kan chan phah vek ang,chu chu ka duhlo ani"
"Nau a pai tawh em? a pai phei chuan" chu zawhna Jeddah in a dawng chu a chhan na Keipawn ka hre chak ta takzet,ka in test a ka rai leh rai loh ka hrelo Jeddah hrilh kher tur ani em ka hrelo,ka rai anihchuan a pa a chhan dan aṭang hian ka hrilh leh hrilh loh tur chu a chiang chauh ang
"Naute a? ka pa I a ta em ni? eng atan nge naute chu ka tih ang? ka hna tibuai mai mai turin maw?" Jeddah chhan dan zet chuan min ti na nghal,ka rai leh rai loh pawh hre rihlo mahila ka rai anih pawn Jeddah reaction tur chu ka hre ta vek,pawn lam pan in ka chhuak ta zawk a
"Japser tun ah min thlah haw rawh" tun ah chuan in test that chiah ka rilru ah a awm a ka result hriat vat ka duh tawh "Jeddah chu nakin ah I va lam mai dawn nia ka chau ania hmanhmawh ang" car ah chuan ka thu lut hnawk a,min hmangaih si in tinge naute eng atan mah a tih loh tih hi ka hrethiam lo ani,a chhan na ka duh hle bawk!
In lam pan in kan tlan char char a, Jeddah thusawi mawlh khan ka rilru a luah,rai ila enge ka hrilh ang? zep pawh ni ila thla a ral zel anga a rawn lang chhuak dawn tho si " va let tawh rawh,hei guard an awm a lawm" in chhung lam pan pahin ka ti a a tlan let lehnghal mai
Ka room ka pan hlawk hlawk a,test kit thar chu la chhuak in ka in test tha leh a..rei ngial ngan hnu ah chuan results a rawn lang ta! rilru put dan tur ka thiamlo lek lek a mahse ka hlauhthawn ang chiah in ka RAI ngei...! rin sen pahnih chuan ka lungphu te hi an ti tawp lo chauh,ka lawm si Jeddah lam ngaihtuah chuan ka lungngai em em bawk si!
" Jeddah khawngaih takin naute hi I pawm thei angem?" bathroom chhung ah chuan ka tap chiam ringawt! a chhan bul pui ber sawi tur pawh ka hrelo..mahse Jeddah thusawi khan min ti hlau vek tawh a hrilh ngaih na pawh ka hre rihlo! ka boruak rit lutuk chu in lak thawven tum in inchung ber pan ka tum a
"Jeddah ka kalbo zawk mai dawn ami?" bang chu nem in ka kun ngawih ngawih a,a chang leh ka hlauthawng nghal ringawt chu mawl in ti lutuk in ka nui leh ringawt thin
"Rose..." ka din na bul mai chu Jeremiah an khung bo na a nih vangin min lo au nghal,ka thawm a hria pawh ani mai thei,a aw te chu a chauh hmel em em lehnghal,kan in hmu lo rei ta khawp mai Jeddah khan hmuh a phal lo tlat a "Khawngaih in in hawng teh, Jeddah khan ati na che ami?"
"Jeremiah duhtawk tawh rawh,min bum nawn leh I tum anihchuan I ti sual khawp ang theih nise chuan police hnen a pek che ka duh a sin,khang min ngaihtuah na aw ka der te khan min bum a Kawngka ka hawn sak theih che beisei suh" ka ti vin tuarh a mood a lo chhe ta sa bawk nen tha tak a in chhan chu har tak ani
"Bum, bum che ka tum lo Rose" kawngka chu hawng tur a min ti in a kik keuh keuh bawk " min ring rawh,khang I chung a ka thil tih vang khan ka in haw lutuk ka in chhir takzet,min ngaidam rawh aw Jeddah I duh thuai dawn tih ka hria a sin chuvang chuan ka thik em a tiang khan rilru sual tak ka pu mai mai a nihkha"
"Dawt a nihchu..!" ka lo to let hmak Chhuah tir a ka nunna derthawng a awm tir ka tum reng reng tawhlo, Jeddah emaw Jasper emaw pawn an awm lo a risk ka la theilo hrim hrim,tun ah phei chuan keimah chauh ka ni tawhlo lehnghal
"Dawt anilo,a hma aṭang daih tawh khan ka duh che a lawm,chuan ngaithla rawh ka haw tir ang che ka tih kha I la hria tiraw? ka thusawi hlen ngei pawh ka tum a sin mahse Jeddah khan engkim a tibuai ta vek a engmah ka tih sak thei ta lo che anihkha, kawngka I hawng duhlo anih pawhin min rin na theih tur ka nei asin"
"Ai ka hawng dawnlo Jeremiah" ka ti a ka au zel,ka rilru a buai lutuk hi ka thinrim thum in ka hria pangngai tak pawhin ka tawng thei tawhlo
"Awle..awle a pawi lo hawng suh,mahse ka rintlak zia min fiah sak la ka duh,ka room ah khan kal la dawhkan a lehkhabu kha keu rawh,a phek hmasa ber ah khan I tan a ka thil pek a awm" a room a kal tur in a ngen hian min ngen a, min ti na thei chuanglo tiiin a room chu ka va lut a lehkhabu dawhkan ami chu ka keu thak a
"Ka haw theih nan khan min lo puih I tum tak tak ami?" lehkhabu kar ami chu ka la kang a, India pan na tur thlawhna ticket alo awm hlawl! hetiang anihchuan Jeddah hian naute chungchang a hriat hma leh min thawn bo hmasak hma ngei in ka kalbo thei....