I PROMISE CHAPTER -8 BY Ęlèøs Vanchhawng

Episode kal lai dah luhna

Moderator: writers

Ęlèøs Vanchhawng
Posts: 12
Joined: October 6th, 2020, 8:53 pm

I PROMISE CHAPTER -8 BY Ęlèøs Vanchhawng

Unread post by Ęlèøs Vanchhawng » October 17th, 2020, 11:24 pm

I PROMISE

BY Ęlèøs Vanchhawng


Chapter -8





Chaw kan ei kham a,room a mahni a tawm reng ai chuan tiin u tharteii chu in te ka tihfel pui a, Tv enin kan ti ti pah mawlh mawlh .



TV pawh kan on ve tak naa, Kan en lem hlei lova. Kan door bell ri avang chuan kan ti ti pawh kan tawp chat, zan inleng kan nei ngai zen zen lo, ka pa boral hnu phei hi chuan kan neilo leh zual.





U tharteiin kawngka va hawn sakin kan Tv enna room a rawn pen lut ka hmuh rualin ka ding khawng nghal at a, ka taksa a ṭang nghal at bawk.




"Enge i rawn tih dawn" a chhum ṭha hmak hmak khawp mai.

"Ka be lawk duh che " a aw chuan a hma ang bawkin keimah-ah nghawng ala nei .

"Inbiakna chhan tur kan nei em ni?" A hma ai chuan ka taksa ṭang lutuk a zia ta deuh.

"Khawngaihin min hrem tawh suh" ka melh dawrh, he mihring mipa ah pawh pa tak mai hian khawngaih min dil a nih chu, a nem nghal tih ka hria mahse he ka thinlung na hi ala dam lo.

"Keichuan biakna chhan tur che ka neilo" ka ti ve hmiah, amah ka hmuh apiang hian kha zan a pa in sawn a thlak thu min hrilh zan kha ka hrechhuak ṭhin.

"Keiin ka nei alawm, hriat fuhloh kan nei ani" a ti leh a, eng tak chu ni ang maw.

"Ka chau ania, tunah chuan mut ka duh tawh" tiin inchung step lam chu ka pan ve hmaih, mahse ban tha chak lutuk in min pawh let dawrh rualin vawi tamtak a pang tilum nghen ka chak ṭhin em em ah khan ka bei nghal thlawp.





A awmah chuan min pawm betin ka tal ve laih laih mahse ka hnehlo ngei mai. "Min thlah rawh tenawm la" ka ṭawng ringlo mahse a chamg ṭha in ka aw pawh a khur ru dar dar.





"Amelia ka hmangaih che" ka kut ka hum ruh nasa.
"Kan inneih dawn hnaiah na takin min siam a, sawn i thlak zui bawk a, Engtin nge min hmangaih thu i la sawi theih zawk?" a tawp lam chu ka ṭap chhuak ti tih tawh.
"Ka tihpalh, ka tihpalh takzet a ni," ka mita min en chungin a ti mawlh mawlh.

"khawngaihin haw tawh rawh" ka ti chhuak hrawih.

Ka awmdan chu min hrethiam takin a haw ve mai bawk. Ka room-ah lutuin ka khumah chuan ka ṭhu thla hnawk, ka mittui hi luang chhuak lo turin ka duh, kha mihring kha ka hmangaih takzet a, mahse tinge ka tan hian kawng hi a pin em em bik le.




Ka harh leh chuan ka khumah rem lo zetin ka lo mu chu niin nizan khan ka in ṭap muhil a ni ngei bawk ang.




Inhnuaiah chhukin chaw ei an lo peih sa diam tawh, ka pa boral aṭang khan u tharteii leh kan awmpui dangte hi rualin chaw kan ei ho vek tawh a nuam riau, khua pawh a harlo in chaw ei pawh tui deuh lawm.






"Bawihi, nizan khan thil hriatsual in nei a, chumi sawi un tur chuan ka lo kal ti sia, thinrimin in-in hawn san leh ta sia," u Tharteii tih chuan ka ṭhen sak.





"Thil hriatsual ka neih awm ka hrelo, a sawn thlakna nu ber a boral leh tak si ah chuan ka lam a rawn hawi leh vel mai mai a nih kha" ka lo ti hmak.




Lunglian leh luhlul deuh mai hi ka nia, ka duhlohna ah tuman min tilui theilo bawk.




"U tharte vawiin chu bazarah va kal lawk ang hmiang, thil lei tur ka nei nual a'' tiin u tharteii chu ka melh zauh a.





"Nia, min sawm te chuan kan kallo phal nang" alo fiamthu ve nghal sak.




Ka thawmhnaw bawm hawngin T-shirt Voilet rawng dal lam chu lian deuh hlek ka ha a, Jeans kekawr bul ka khup khuh pha lo hlek chu ka ha bawk a, Vans var ka bun leh tawp a,inhnuai lamah ka chhuk nghal zat a, u tharteii nen lawh kan inchei dan a inang khawp mai khua a vawt vur lova a lum em em lo bawk nen kan inchei dan chu a fuh viau mai.





Garrage lam chu panin ka bike chu ka la chhuak nghal zat a, U tharteii hian ka khalh thiam zia a hria a, a hlau lemlo , kan ina a lo awm tirh ka tleirawl chhuah tirh pawha ka phur chhuah ve vawk vawk thin kha ania ka nel hle bawk.





Kan kalna tur hla vaklo mahse helmet ka khum a, kawng sir mipa hawklak lo ding te chuan min enduh thei fu hlawm bawk si a , a zam awm lek lek viau.





Bazar kan thleng a, Naktuk hi u tharteii birthday a nih vanga hruai ka nia, naktukah bazar pui dawn ila, a duh leh dawn lo tih ka hriat vanga vawiin a hruai ka ni.





Thil chi hrang hrang kan lei a, sum lamah hian kan buai lemlo. Mahse kan hlimpui zo meuhlo chu a nih hi.





T-Shirt in ang Pathum leiin pakhat kei, u tharteii lwh kan awmpui pakhatte nena kan hak turin kan lei a. Silver thi ka lei sak bawk heihi chu a hma atanga tih ka tum sa a ni.





In khai bawr deuh tak chuan bike awmna lam chu kan pan a, Vanglai lamah ka tlan phei pui a, Serkawn lamah tlan chho zelin, Serkawn khaw thlirna nuam ka tih lai verah chuan ka din pui a, nuam a tih hmel viau bawk.



"khulai lawk khu petrol lakna ania kan la pah lawk mai dawn em ni" tiin ka bike chu ka tinung nghal a. Ka hnungah chuan rawn chuang ve in, ka darah a beng thak bawk.





Petrol te lain kan haw leh a, kan in kawt kan thleng chu bike pakhat lo ding chu mak ti zeta enin ka hawi kual nghal ruai bawk.





Garrage a bike ka hung fel chu u tharteiin minlo luh san tawh a, ka hnunga pem thawm ka hriat chuan ka hawi vat a.




"Amelia, khawngaihin ka thusawi tur hi min ngaihthlak sak hram rawh" a aw ah chuan lungaihna leh beidawnna a ri tel tlat alawm.







Ni e, vawi khat tal chance pe tur ka ni alawm ṭha famkim ka ni bik lova, chance pe turin min fel ber ka ni heklo. "A nih chuan sawi la" tiin ka en let kar a.





"Rinpuii nau pai kha ka fa anilo" teh tawp a, ka hawi dawrh a, mak ka ti alawm a mak takzt bawk .





"Engtin nge a nih theih" ka ṭawng zawi hle mahse kan in hnaih a a hrethei tho ang.




" Sawi dawn chuan sawitur a tam lutuk, Ka fa anilo tih prove na ka nei vek, chuan khawngaihin min hrem tawhlo hram rawh'' a mitmeng a rilru na hmel leh lungaihna te, natna thuk tak nei ang maia lang te chu ka khawngaih lutuk.






"Zaninah ka lo kal anga, englim ka hrilh dawn che nia, ka ngai lutuk che" ti sap in a bike hunna lam chu pan pheiin a bike a tinung a, tlanchhuak nghal puat bawk.





Malsawma POV



Amelia-i chanchin ka hre ngailo a, A ṭhiannu jessy ka zawh pawhin a hre bik der silo, dawt min hrilh emaw tih rum rum chang lah ka ngah bawk .




Rinpuii a naupai ngaihtuahin a lian mah mah deuh chu a ni, tunah thla 3 a pum awrh chauha a puar lang nghal em em bawk. Min la rawn fin leh ta lo, ka duhdan chiah a ni bawk.




Amelia-i pawh ka hmuh lohna a rei ta, ka ngai em em a, Ni e, ani kha ka hmangaih ka hmangaih takzet, a tello chuan ka hlim lova, khawvel thil awm te hian mawina an chhuah zo lo nih ber hi.




Vawiin chu tlaiah ka pa in Rinpuii chaw ei a sawm turin min tih avangin ka car chuan a in luahna veng lam chu ka pan a, A in luahna kawtah dingin stepah chuan tlem ka chhuk leh a.






A in kawngka kik in, ka au bawk a, mahse a ngawi hmiah mai, a chhungah a inkalh bawk si, ka rileu a hah viau mai.




A kawngkhar chu chartin a nawr chhia in a in luah te fel kak ah chuan ka pen lut zui nghal zat a, a room ka lut chiah chu ka ding chawt mai.





A in chung lama thing in khamah chuan hrui suihin alo inkhai a nih chu, mak ka ti tawp theilo, a in luah neitu te nwn chuan kan la thla vat , a inkhaina a la reilo tih hriat zetin a zak a la lum bawk.





Police te pawh lo thleng vatin in chu an check a, a dairy ni awm tak leh envlope an rawn hum chhuak bawk. Officer pakhat chuan chhiarin "Tunge Malsawm hi" a ti chhuak ngut a. Keimah vang em ni? A inawhhlum chhan em ni.




"Keimah hi ka ni e," tiin police te lam chu ka hawi a,

"Lo kal lawk mai ta che" tiin Rinpuii room lamah cuan kan inzui lut a.


"Heihi chhiar teh i ta tur ang tlat" tiin ka kutah envlope chu minpe a, ka lo la ve nghal vat bawk.





Ka lehkha kan ka chjiar zawh chuan ka thaw hak mai, "ka nau lai lai hi i fa a nilo" a tih tak kha ka thluakah hian a ri nawn tluk tluk ni verin ka hria.





"Ka nau pai lai hi chu hla 5 a pum ṭep tawh, Amelia-i nen in inkar ka tihchhiat avangin khawngaih takin min ngaidam dawn nia" a ti a.




Chu mai bakah HIV positive a nih thu te, a naute pa in a natna a kaichhawn dan te chu ziak nual bawk. Ka khawngaih letling takzet ani.




A ruang chu shillong lamah thawn thla.in an in ngeiah an thlahliama ṭha viau mai.




Sawn ka thlak lova, Amelia-i hnehah hrilh chak viau mah ila ka be pawl thei hauh lo bawk si.




Nî a liam a, thla ral a, kum meuh lo al ta, Ka ṭhianpa Ramdina'n Tlai khat kan Table tennis khel chu Amelia-i a hmuh thu sawiin thilng eng maw sawi nual a , kei erawhin ka awih chiah lo.




Inah ka hawng a, zanriah ei khamah chuan Amelia-i te in lam pan chuan ka in khal chhuak leh a, Ka huasenna zawng zawng sawm khawm in an inah khan k kal takmeuh ani.






Ka thusawi a ngaihthlak ṭhat duh tak siloh h chuan lung ni vaklo hian ka haw leh a, mahse a tawpna ni mai turin ka duhlo a, chu mai bakah engkim hrilhfiah ka tum bawk..






An awmpui tharteii nen an chhuak tur kha ka hmu reng a, a thawmhnaw hak inhmeh zia kha, hmeichhe nazawng neihloh zahawmna a nei ru tlat ani.



An bazar hawng pawna ka lo ngahk chu Rinpuii naupai ka fa a nih loh thu ka sawi chuan awihlo a, a chiai em em tih hmel aṭangin a lang reng mahse sawi awh vek ka tumlo. A chhan chu a hmun a nilo miau ni.







Zanah chuan leng in Engkim Rinpuii lehkha hnutchhiah te nenchuan ka keng vek a, Mak a ti tih ka hria, mahse a hriat ngai si a ni.





Ka bula a ṭhu chu kuah thut in nget takin ka kuah a, ka ngai takzet he a taksa nem leh mam han mai te hi ka kuah leh chak zia a hre awm der silo.





Vawi leh khatah a rawn ṭap chhuak hawk a, a aia ngetin ka kuah, a khabe ah chuan kuai dakin ka fawp vang vang, min chhang lo mahse ka duhthaw telh telh thung.





End of Chapter 8



Nizan ka lo ah thei ta silo a, pawi ka ti viau mai.





Chuan Naktuk sunday a ni sia, chawl phawt ang aw, kan buai vebthei lutuk a.

Chuan minlo chhiar saka minlo comment & like sak ṭhin tute chungah thinlung takin ka lawm ania.


Chuan Chapter tam.a awm tawhlo a ending kan thleng ṭep tawh e aw.



Ads kha.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply

Who is online

Users browsing this forum: Google Adsense [Bot] and 295 guests