STORYFB.COM

I PROMISE

By Ęlèøs Vanchhawng



Chapter -9




Ka la kuah a. A mittui luang te chu ka hruk sak, In biak ṭhat leh tak avanga cawi leh khatah chet vak ka duhlo avang chuan ka insum hle, Ka tho a, an fridge a tui vawt chu la chhuakin ka in khawlh khawlh mai.





Ka va let leh chuan, a ṭhut dan pangaiin alo la ṭhu a, Ngaihtuah a nei ni ngei ang a mit lawh a khap lo.






A dara vawn pahin" i ṭha em?" Ka ti sup a, zawhna nei hmel a pû a, mahse min zawt dawn lo m ni le.




"Thil ka zawt lawk duh che a" tiin min en chho ha a, a mitmeng chu a buai nak in ka hria.





"Rinpuii khan lehkhaah khan HIV+ a nih thu a ziak a, Tichuan nang nen pawh in mu dûn..." sawi zo hman lo ka lo ti tawp hmiah.








Ka helhhawlh lutuk avangin ka sawi fiah lo ni ngei ang . "Kha kha chu sawi tur tam lutuk, Rinpuii HIV+ a ni tih inzoahna medical report kha lem ni" ka ti leh sup.






Thaw hak in "a va mak teh nuaive engvanga Medical report lem siam reng reng nge a nih a." Zawhna hlir mai, mahse ka hrethiam tho mai, rin a harsat tur zia chu.






"Rinpuii siam nilo in shillonga a awm laia a bialpa siam ani, a dairy kha awm lo sela chuan thudik hi kan hre thei lovang, a tirah chuan keipawh ka rilru a hah khawp mai, kan lo mudun ve hman si a, awm.ngaihna ka hrelo a ni ber mai." Ka chawl dat, ka mita min en karin ka thusawi chu a lo ngaithla a.







"Rinpui'n HIV+ a nihloh a rin thu a dairy a iah lan nasat vangin rinpuii tisen kha an test a , a positive lo ta tak tak bawk. Mak ka ti em em a, Positive nih ka duh tihna lam nilo in, diklo awm takin tiin ka thisen ka test tir ve leh a, chu pawh a negative leh bawk."








"Shillong lama a ngaihzawng chu an chhui ta zel a, Medical lehkha lem siam tu leh, Rinpuii in test tir tura thlem tu a ni bawk. Rinpuii nu leh pa te khan a rai tih n lo la hrelo hrim hrim a, Rinpuii bialpa kha a nau pai titla tur a vo ṭhin vanga Mizoramah rawn awm a ni bawk, tih ngaihna a awm ngangloh avangin kei kha a fa pa atan min puhna chance a zawng ta nih ber chu."







"I awmbo chhung zawng khan ka ngai ṭhin em em che a, Rinpui'n a Positive chungchang lehkha ziah lan phei kha chuan zan ka mu theilo a, chaw ka ei thei bawk hek lo. Rawn let leh pawh ni la Positive anga ka inhriat tawh miau avang khan i lam ka lo hawi ngam tawh dawn silo, ka rileu hrehawm zia kha aw."






Ka sawi tawp lam phei chu mipa mah ni ila, ka natna te kha ka hrechhuak a, ka in hum ruh nasa hle,
Ngaihawma (rinpuii bialpa ) avangin mi pahnihin nuna an chan ania, thih ve hi a phu ka ti takzet ani.





Amelia-i chuan min kuahin ka tukhum samah a chul hauh hauh mai, ka thla a muang a, a kiangah hi chuan ka hlim ani.





Duh taka in kuahin kan insi rial a, a changin kan infawp a, a changin kan nui duh leh ang hawk hawk a, Hun harsa tak tawng hmasa lo ila chuan hlimna diktak hi ka chhar ka inring lo hial ani.






Kawngkhar bulah dingin kan infawp leh vang vang, a biang no chek leh tai tek ah chuan ka fawh sak zauh a. Ka car hunna lam pan chuan ka pên phei pawk pawk a. Zanin zet chu lawm loh in ka nui ka nui mai.







Kan in ka thlen chuan zan rei ni tawh mahse ka inbual leh tê tê a, khumah mu in Amelia-i nen chuan kan inbe pah mawlh mawlh bawk.






A chauh lutuk ka hlauh avangin mu turin ka ti a, keipawh ka muhil ve nghal mai.





Ka hria a ni, Amelia-i hi ka hmangaih a ni .







AMELIA. POV






U Msa thusawi min hrilh te kha ka ngaihtuah let a, rngvanga rinpuii bialpa khan HIV positive anga lantir nge a nih ang le.






A tira U Msa'n rinpuii lehkha hnutchhiah min chhiar tir khan, ni e, u msa pawhin a kai ve kha ka ring tho alawm, mahse a lo ni hauh silo a.






Eng tikah emaw test nawn tir leh ngei ka duh. Ring mah ila rin lohna a tam zawk hrih si a.







Zing ka tho a, ka pa awm lai kha chuan engmah ka ti ngailo, eirawng bawl takngial pawh ka thiamlo a nia, Pasal nei rual kan ni ve reng tawh bawk nen a zahthlak lam a ni.






Tu nu in nge an mo atan eirawngbawl thiamlo duh meuh ang ni?






U tharteii pawh alo la tho lo ve ngei mai. Apron chu hreng sauh sauh in Youtbe leh d
Google hmangain ei siam dan chu ka en kual a.





A hmasa berah Omlette ka siam a, chumi zawhah bawkbawn ka bai leh a, chi hnih chu u tharteii lo thawh hma in ka siam zo ve hman hram e.





Ka thil siamna vel sil rak rakin tui khawihna bul valah chuan ka buai ve hle a, "Bawihi enge i tih a" U tharteii mak ti hmel chu ka lo nuih let chiam ringawt.






"Eirawng ka lo bawl mawle" nui var varin ka lo chhang let a.

"khawimaw ka lo en chhin, a tyihmel hle mai, a tui ngei pawh ka ring e." nui sangin a ti let a, ka hlim zia chu






U tharteii alu fry te eh thildang a rawn siam belh nual a, chaw kan ei nghal bawk, ka bai siam chu ka hawp a, "awi a al lutuk"



"engtin nge in ri luih theih zawk"



"i vawikhat tihna a nia, ei ngei ngei kha a ngai alawm" an lo ti rual a.



Ka ngei lek lek dawn a, an fel angreng zawk.



Omlette erawh chu duhthu sam chiah lo mahse a tui ve reng e.





Chaw ei khamah inbualin U msa ka call a,

"Hello, bawihte"


"Vawiin chu va in check up ila"


"Engtin nge i awm a"


"Nangmah kha a prove na ka duh a ni''


"I tih tlat chuan kan kal dawn nia"


"Awle, ka lawm e"


"Imm...ka hmangaih che"


Ka hlim tih ka hai lo, mahse a bula hlim lutuk anga lan kha ka duh chiah lo bawk si a.




Ka insiam a, ka bike ka keng dawn chuanglo a, Kawrfual Dum tight lutuk lo, ka ha a, sandals ka bun leh tawp, a hma khan ka cher kuam a, tunah chuan ka awm te hi a lian sawtin ka hria, ka mawng bawr pawh chuti tho.





Gate pawhah ka lo nghak a, a lo thleng rang kher mai, Car a ka lut chu min en vung vung a, ka biangah rawn fawp zauhin. "i mawi lutuk, i pawnfen pawh a chhing lutuk lo a a tha e" a ti sup a.





Nui hak in. ka khup khuh hlek ka kawrfual chu ka en zauh bawk.




A tlanchhuak puat a, Ka ring dawn a nih chuan a rintlak ngei tih ka chian hmasak a ngai a, Ani pawhin ka rin a duh avangin vawiin ah pawh ka sawmna hnial lo a ni bawk .





Kan test zo a, result ngah hlek a ngaih avangin Hospital bula Restaurant tharah kan chawl a. A nuam phain lehnghal, eitur em em ka hrelo a.ka la puar viau bawk nen eng lem ka eilo, mahse a fresh khawp mai.






A rei viau tawh a, mahse result a la chhuah loh avangin kan Office lamah kan phei leh rih a, Thla leh hian hnathawk lak thar kan tum a, tuna a thawk lai te pawh hi kaisan tir kan tum bawk. An thawk rimin ka pa leh kei kan awmloh hnuah pawh nasa takin an lo enkawl a an chhuanawm hle.





Damdawiina kan let leh hnuah chuan ka thin te hi a phu dup dup ni maiin ka hria.



Result kan lam a, alo ngeative ngei e, ka lawm lutuk hi Pathian hnenah lawmthu ka sawi mawlh mawlh tawp.





U Msa chu ka kuah vang vang a, lawmna sawi sen loh ka nei miau a ni. Ka ring ngam a, ni e, ka ring eng tawh ang.




haw kawngah te chuan ka nui leh sun sun zel, U msa pawhin min hmuh chuan a nui ve leh ringawt zel bawk, rawn peng tura ka tih chuan a hnial ve teh tlat a,





'' Palai rawn tir vat ka duh tawh zawk, '' nui suka tiin "zanin ah ka lo leng anga, kan sawi ṭha dawn nia," a ti leh a, ka hmuiah rawn fawp zauhin ka inla hrang leh nghal thuai bawk.





Nikum hmasa kan inngaihzawn lai khan Min fawpin che uar ve viau ṭhin mahse ka duhloh chin a pel ngai lova ka tur lui ngai heklo, a insum thei em em te hi ka ngaisang tlat ani.







Mi tamtak in 'engtin nge i rin leh theih' min ti fo, mahse hmanagihna hi a lo mak a nih hi, ngaihdamna te rinna te leh beiseina te a keng tel tlat bawk si a.






Vawi khat lek ngaidam theilo turin hmeichhe fel leh ṭha tak ka ni bikloka famkim loh zia leh tisual thei ve tho ka nihna hriaa ngaidam mai ka ni.







U Msa'n min hrilh zel anin Rinpuii bialpa khan a fa kha tihtlak duh a, rinpuii a vo fo ṭhin niin a sawi, chu vanga rinpuii pawh Mizoram lama lo chho niin a sawi a. Chuam medical lehkha a siam avang leh rinpuii vo vangin jail-ah tang niin a sawi bawk.






Hetiang thil hi ka vawikhat hriatna a ni , mak pawh ka ti, mahse rinpuii bialpa kha a nei hle a ni ngei ang le.






Rinpuii dairy kha awmlo se police te pawhin n hriatchhuah rin loh thu sawi nasa khawp mai. Rinlo theilo ka ni a, Aizawl police-te ngei pawhin an chhui a ni a, a chiang turah ngai ang.





U msa pawhin min carin min duat em em a, Office lam ka ngaihven ngai ta lo, Ka pa te unau zinga Naupang ber in a enkawl ta a, ka pa leh ka pu te thawhrah hi a ral kan phallo ni. Share pawh kan nei nual ngge nghe.





Kar thar lamah Palai rawn tirh a tum avangin Aizawl lama ka putea te, nu leh pa anga ka en te pawh ka chah phei a, a inthlahrun awm viau nangin an ni lo Nu leh pa anga en dang ka neilo miau a ni.


End of Chapter -9

Zanin chu post hma ve deuh aw, a hmawr kan bawk thei ṭep mahse...in fel chuan kan la kal tir zel ang aw.




Ka mit a na hle mai.
In vaiin zan mut nuam u aw.

ADS HI A CHUNG LEH A HNUAIAH DAH VE VE A NI A
A chung leh a hnuai a mi hi vawi khat ve ve click tur a ni e, in lo hre dawn nia