TOXIC_LIPS Chapter - 10 By : Msi (Hmeichhe Naupang Tereuhte)

Episode kal lai dah luhna

Moderator: writers

Msi Miluhlulnui
Posts: 274
Joined: October 18th, 2019, 7:46 pm

TOXIC_LIPS Chapter - 10 By : Msi (Hmeichhe Naupang Tereuhte)

Unread post by Msi Miluhlulnui » October 20th, 2020, 11:20 pm

TOXIC_LIPS #CHAPTER -10

By : Msi (Hmeichhe Naupang Tereuhte)



Ka awmdan a dik lo, a âwmah chuan ka nem zeuh "khawmaw... ka awmdan hi a diklo tho teh kan awmdan hi a țha miahlo ania" ka ti a, ka taksa chhung rawn za mer mer te chuan awmdan tur min ti thiam hrep lo lehnghal "tun hun chiah hi ngaihtuah rawh Hming... a reilo ang" Laldinpuia chuan a rawn ti leh ta deuh deuh.



Ka nghawngah chuan a rawn fawp a, ka lo rûm chhuak hak ka awmdan a diklo tih ka hria mahse tuna kan thiltih hi dik bikin ka hre bawk si lo mahse ti tawp tur chuan ka duh ai ka thâ hi a zawiin ka rilru hian tawp a duh em tih pawh ka chiang lo "he hun ka nghah rei tawh zia hi i hria em?... I duh tawkin thawm i siam thei ang tumah an awm lo" a rawn ti leh a amah chu ka la hmufiah lawk theilo lehnghal ka meng vai ruai mai.



"Tho teh ka tih chu...." ka ti leh, a darah chuan ka nem ve țang țang a mahse a chesawn eih lo "Laldinpui tho rawh ka tih chu...." ka ti nghek, thaw hrâwihin ka beng bul chu a rawn hnek dawt! Ka phu zui zawk a "Reilotê tal pawh hun min pe theilo em ni?" A rawn ti hrâwih a ka hmai zâwnah chuan a rawn thaw nghal huam huam bawk.



"Ka ruih avang mai hian ka chhia leh țha hriatna a kiam ta tihna a ni lo ania tho vat rawh!" Ka ti nghek, ka kawchhung lam chu a sa pup pup a ka ngaihtuahna a fîm lai hian ka theihtawpa ka in thunun ka ngai a ni ka tih luih a ka ngaihtuahna a fîm lo a nih chuan ka inthunun thei dawnlo lutuk tih ka chiang hle bawk.



"I thusawi chu ka zawm lo ang... damdawi khan a rawn hneh tawlh tawlh mai ang che" a rawn ti ve hrâwih a, ka kut pahnih chu man bet lâwpin ka lu lamah chuan a dah chho a ka tal nghal nghek, mahse min ban bet hneh lutuk "min thlah rawh ka tih chu...." ka ti nghek a, ka tal a mahse keimah zawk ka zawi tual tual.



Ka kawr hak a rawn hlim rual te lek phei chuan ka theihpatawpin ka tal nghek nghek a mahse ka zawiin thâ ka nei tlem tawh lulai takzet ka lu te chu a hai muai muai bawk. Ka dul a a rawn fawh rual chuan ka tal leh a a lei a rawn hman tel rual te lah chuan keimah zawk pawh chu ka thaw chhuak leh kâwk! Ka kut chu pawh chhuah tum in ka țang ve ngar ngar a. Mahse ka hnute hnuailam a rawn fawh thlen takah chuan ka taksa a danglam țan a a thiltih chu ka feel chho tial tial.



"Laldinpui... tawp rawh ka..." ka hnute bra chhan a a rawn fawh thlen takah chuan sawi zo lo chuan ka thâwk ka chelh ngar ngar, a ni erawh chu nuam tih hmel zet hian a rûm a keipawh chuan ka taksa a a thiltih mek chu ka feel ve tial tial. Ka bra chu rawn hui liam pâwk in a kut lawng chuan a rawn khawih a ka rûm chhuak ta hak, a nui hawk a "ka lo suangtuah țhin ai pawn i nalh zawk... Hming i nalh lutuk takzet, zantin i taksa suangtuah chungin ka mu țhin hmeichhe dang ka awmpui pawn i taksa tho" ka hn*te hmur hmeh hrual neuh neuh pah chuan a rawn ti a, ka chhang theilo nuam tihna avang chuan ka thaw chhuak ham ham a, a kut in a hmur a hrut kual rual te chuan insûm theilo zet hian ka lo rûm chhuak leh hak țhin.



"Kan awmdan hi a diklo" ka phun sep, a diklo tih ka hria mahse titawp turin ka phal bawk si lo "ka îtna che rei tawh zia hi... ka ta ah ka siam che anga ka nupui ini bawk ang ka ta chauh" a hmur tuai kual pah chuan a rawn ti leh a, ka kawchhung lam rawn za mer mer avang chuan ka âwm ka kân ak ak mai. Mahse nui chhuak hawk a a rawn hmuam takah chuan ka meng deuh kâwk a ka harh kâwk thei nia.



Ka kap kar a a rawn inzep chu na zet hian ka khup chuan a kap ah ka han do sawk a au tuarh in ka sirah a rawn let thla a, a kap chu a dawm nghal chawt! Kei erawh thei leh thei lo in khum ațang chuan ka let thla a bang chu ka vuan a ka la tlu țep zui, ka lu hai lutuk avang chuan ka lu ka thing nghek a ka thaw ham ham, ka meng vai ruai a ka awmdan hi nasa takin a danglam a ka duh leh ka chak chu ka hrechiang na ngang.



Ka kawr chu ka siam țha sawk sawk a ka thaw ham ham mai, bang a innem khalh chung chuan thei leh thei lo in kawngkhar lam ka pan, ka za lutuk leh ka kawchhung hik chhuak mup mup avang chuan kawngkhar hawnna chu vuanin ka ding tawp ka awmdan danglam nasa lutuk chu thunun tum eng ang mah ila ka thei hleithei der lo thildang tih belh chakna in ka khat tunah hian.



A damdawi min pek hi ka hrechiang vawitam Hotel-ah party-naah khan kan hmang ve țhin kei hian ka hmang nasa a thawhdan pawh ka hrechiang hle bawk... khatiang ang chi dang zawng ai khan a thawhdan a dang a, muangchangin a thawk țan țhin rilru fîm put laia inthiar fihlim loh chuan chhuah ngaihna a awm tawh lo, min khawihtu in an thiam phei chuan kan taksaah danglamna a thlen nasa tulh tulh ang a a rei hnuah phei chuan chhuah ngaihna a awm tawh lo kei pawh khan ti tlang lui ngat ila chuan thil thleng tur chu ngaihtuah pawh ka ngaihtuah ngam lo zawk.



Thei leh thei lo chuan ka chhuak phei a țhutkhawmna pindan ka kalpel țep tih ah chuan ka let leh center table-a ka phone awm chu ka ban zawk a ka awmdan thunun hram hram tum chuan dawhkanah beer chu ka ban a hawng zui mawlh mawlh in ka in nghal khawlh khawlh a room lamah thawm a rawn awm avang chuan dah lawk in pawn lam kawngkhar ka pan nghal.



In sir lamah chuan ka phei a chehrual puk karah chuan ka țhu lut tawp ka thaw chhuak nghal ham ham a ka hnute țang nasa lutuk chu ka dawm ringawt a hnah ro rah rik ațang chuan Laldinpuia a rawn chhuak tih ka hre thei, ka kut pakhat chuan ka hnute dawm in ka kut lehlam chuan ka ka ka hup a maimichhing chungin ka thaw chhuak ham ham.



Ka hnute ka hupna lama ka phone ken rawn êng va va chu ka en a Laldinpuia a ni, ka lo la silent reng chu ka lawm takzet, a kalsawn thawm ka hriat rual chuan rang zetin Dr. Zorema number ka hmet chhuak a ka dial nghal zat, ka awmdan pangngai theilo lutuk chu a hreawm lutuk a nasa tulh tulh ka rilru pawh hi a fîm lo tial tial mai.



"Aw Bawihi" tiin buai hmel zet hian a rawn chhang a, midang chu a be leh rih țhin "ihmaw... hetah lo kal rawh...." sawi zawm theilo chuan ka thaw kâwk! Ka maimichhing zui nghal tâwk bawk "khawiah? Thil thleng a awm em ni? I awmna min hrilh vat rawh" a rawn ti nghal nghut a ka thaw chhuak ham ham.



"Um.. lo thleng vat rawh, englo Zarkawt-ah high field bula kawng peng awm ah khan lo lut la, in uk alo awm anga khami kawtah khan ka awm lo kal vat vat rawh...." ka ti a, a dang ka sawi zawm thei tawh lo, phone chu ka bengah nghet zetin ka dawm bawk.



"Hrep tak chuan... khawiah mah lo kalsawn miah suh aw ka rawn thleng har lo ang, ka sawi chu i hria em Bawihi?" A rawn ti a, ka thaw chhuak hak "kal duh pawh ni ila ka theilo lo thleng vat rawh" ka ti leh, hnah ro rah rik ka hriat leh avang chuan rang zet hian call chu ka hmet tawp a ka hmingpum a min au ri ka hre zawm zat bawk.



"I bike ala awm ka țawng i hrethei tih ka hre bawk, rawn chhuak mai rawh" a ti leh tuarh, ka hmui chu ka hup ngar ngar a ka bih rukna hi a pûk ve êm avang leh a kil deuh avangin min hmu mai mai lo ang. Ui bauh ri a rawn awm a, chu lam pan chuan hmanhmawh zet hian a tlan lehnghal, ka sana bun chu ka en zeuh a kan inbiakna la reilo mahse a rawn thleng har ka ti tawh lutuk takzet.



Laldinpuia rawn let hma in a rawn thleng a chehrual kawtah chuan a motor a ti ding ta dat bawk. A rawn chhuak a min zawng tih hriat zet hian a hawikual nghal bawk. A white coat nen a rawn kal mawle, mahse kei pawh chu tawi khawmuang lo chuan ka vak chhuak a din ka tum a ka ding hleithei lo. Ka thawm a hria a ni mahna ka lam pan in a rawn kal phei a.



"Bawihi" a tih sup chu ka hre zawm zat bawk "um.. kal vat ang alo let leh hma in" ka lo ti vat a, engmah min zawt chhunzawm tawh lo chuan min pawm kâng nghal lâwp a ka kawr in a khuh loh chin ka nâk chho chu a kut lawngin a rawn khawih rual leh lek phei chuan ka awmdan a danglam lehnghal der.



"Khawngaih takin ka taksa hi a lawngin khawih suh... ka tih awmzia chu kawr chhanah dawm rawh" ka ti a, ka maimichhing zui daih bawk, ka awmdan chu hrethiam ve ni âwm ang zia ângin zo zeta min pawm kâng lâwp in ka kawr chu a rawn siam țha sawk sawk a. Motor chhungah min țhut luh tira seat belt chu min hren tir nghal mawlh mawlh.



"I awmdan hi ka hrethiam in ka hria..." a rawn ti zâwi sup a ka chal ah chuan a rawn fawp nghal vang vang a, ka kut ka hûm ruh nghek bawk, awm hrang in car kawngkhar chu a rawn khar a a rawn țhut luh ve rual chuan "i duh duh naah min hruai tawp mai rawh hmun reh deuh leh thawveng deuh turah a ni mai.." ka ti a, sir lam chu ka hawi nghal daih bawk.



Ka mut a rawn chhuak țan a, ka lo bu leh lâwp țhin. Zâwi zâwi in ka awmdan pawh a pangngai țan ve tial tial a ka mut chhuak zawk a ni ka thunun hleihtheih leh tak loh ni "muhil rawh... kan thlen hunah damdawi ka pe dawn che nia" ka biang a rawn dawm pah chuan Doctor-a chuan a rawn ti sup a, a kut phah lum nuam zet chu ka feel nghal veng veng a ka hahdam huai in ka hria.





Ka dang ro lutuk avang chuan ka sir lam chu ka ban a mahse ka zawi êm avang chuan ka kut pawh ka kân hleithei lo, muangchanga la kang in ka mit chu ka kut chuan ka tuai a thawhchhuah ka tum a mahse ka mu thla leh dawt!



"A harh in ka hria" hmeichhe aw ri ka hriat rual chuan khum a rawn hniam nghal suih, ka biang a kutphah lum vung vung in a rawn dawm rual chuan ka lo vawn hnan a "Bawihi" hriat nuam zeta a rawn tih rual chuan ka nui sêih a ka chal ah chuan a rawn fawp zui nghal vang vang bawk.



"Ka tui a hal a" ka ti thâm chhâl a, tu emaw chu tui la turin a hrilh nghal zat ka meng chhuak a ka mit rawn na lutuk avang chuan ka chhing lehnghal a "tui in chhungin țhu kâng lawk rawh aw" a rawn ti sup a eng emaw chu ka lu chung zâwnah a rem sauh sauh a ka meng chhuak leh engvanga ka mit hi na em em mai nge maw a nih le.



"Țhu lawk la i mu leh dawn nia" a rawn ti leh sup a ka hnial buai peih lo, ka zak hnuaiah chuan rawn dawm in min țhut tun tira ka bulah chuan a rawn țhu ve nghal bawk "i thil in khan i taksa ala ti chau a nih kha damdawiin ka chiu tawh che a i țha leh vat mai ang" tui min rawn pek pah chuan a rawn ti a ka ban a ka in nghal khawlh khawlh bawk.



Ka tui in lai min lo en reng avang chuan ka chawl dat muangchangin no chu ka la thla a "ah... a hal tawh lutuk a" ka ti ringawt, a rawn nui suk a no chu a rawn ban nghal a "ka hmu lawm" nuih insûm zet hian a rawn ti sup a no chu a hnunga hmeichhe upat hmel vak loh chu a pe nghal bawk.



"Ka chhuk ania ka kal a ngai tawh ka nu ka rawn tir chho ang" chunu chuan a rawn ti a, ngainatawm zet hian min rawn nuih sâng a ka lo nuih let ve ringawt. "A rang lam in rawn chhoh tir la aw.. hun ka ngah lo ania" Doctor-a chuan a ti sup a, chunu chu bu nghatin a kal nghal daih bawk.



"Na lai eng emaw ila nei em? I neih chuan sawi la Bawihi" ka kut rawn vawn pah chuan Doctor-a chuan a rawn ti a ka kut chu la kangin a fawp nghal vang vang "neilo, ka zawi a chu chu a ni mai chuan ka lawm lutuk aw..." ka ti sap a, a bu nghut bawk.



Ka awmna chu ka enkual thuak thuak "khawiah nge ka awm a?" Ka ti nghal sep bawk, a ni pawh chu a hawikual ve thuak a "ka room-ah i awm mek... chuan darkar 2 dawn i muhil bawk" a rawn ti a, ka ner zui nâng a a rawn nui chhuak hawk.



"Damdawi țhalo tak an pe che tih i hria em?" Thutak zawk chuan a rawn ti leh ka bu nghat nghat a a thaw hawk "hre reng siin i in lui tihna ami?" Lungawi loh hmel zet hian a rawn ti nghut. Ka lu ka thing leh a.



"Ka whiskey in turah khan a pawlh tih ka hrelo ka in hnua ka awmdan ațang khan ka hrethiam chiah, chuvanga rilru fîm ka put lai a inthiar fihlim ka ni bawk a chuan ka taksa kawr chhan a dawm tura ka tihchhan che pawh kha ania" ka ti chhuak sep a, kan boruak chu a țan ruk ut avang chuan ka thaw chhuak nghal ham ham.



"In thunun theilo ta la i chung a thilthleng tur i hrechiang a ni tiraw? I awmna hmun kha tu in nge? Engvanga khata kal kha nge inih?" Thutak zawk chuan a rawn ti leh, ka thaw chhuak ham ham a ka kut a vawn chu amah zawk chuan a rawn hmer ngar ngar chhan ka tum chiah mahse room kawngkhar a rawn rik rak avang chuan ka hawiphei a nu ngo deuh mai a dar chen a sam dum hlap mai leh hmel fai sar rawn lut ka hmuh rual chuan ka kâ chu ka chîp leh riai riai.



"Enge in an tawh a?" Aw zângkhai leh hriat nuam zet hian a rawn ti a, Doctor-a chuan chu aw a hriat rual chuan a hawi chhuak vut a "kan țha tawh e... nu...Mami kha a kal tawh ami?" Dam zet hian a ti ve lehnghal zat a 'nu' tih țawngkam a hman chuan ka țhu ngîl nghal awt thei.



"A kal chiah a nih kha... nangpawh va kal tawh rawh keiman ka lo buaipui mai ang Remtluanga'n min rawn bia a, an mamawh tawh che niin a alang" a rawn ti leh a, khumah chuan a rawn țhu thla ve nghal bawk "ka ai ka awm tir a a duty a hun tawh a ni maithei, Bawihi ka va kal anga ka lo let leh ang khawiah mah lo kal tum miah suh aw... nu, lo vil chawt la chhuah a tum chuan lo hau la" din chhuah pah chuan a rawn ti sup a, a nu zawk chu a nui chhuak hak hak.



"Ka hria e ka hria e... va kal rawh ka lo buaipui ang i kal pah khan fimkhur la hmanhmawh luat avang khan chak tak tak in motor kha va khalh lo la" a nu bawk chuan a rawn ti leh.



"Yes boss.." thuâwih hmel zet hian a ti a, ka lam a rawn hawi a rawn kûn hniam in ka chalah a rawn fawp vang vang a nih chu a kutah chuan ka ben sak pawp! A nui suk duh chauh lehnghal, tunah... tunah la la hian a nu a awm ve reng a chumi lai chuan ka chalah a fawp a nih chu! Engtin nge a ngam zawk? Ni lo... engtin nge a tih theih zawk mawle.



"Ka rawn let har lo ang lo chhuah ruk tum miah suh ang che" a rawn ti sup a, a nu chalah chuan fawp leh zeuhin kawngkhar lam a pan a a chhuah dawn chuan ka lo en ve reng a, a rawn hawi a nalh zeta nui sukin kawngkhar a khar nghal daih bawk.



"I țha tawh maw...Mama khan a rawn pawm lut che a i zawi lutuk a kan lo ngaihtuah lutuk che a" a rawn ti a, ka rizai sin chu a rawn chûl mâm thuak thuak bawk "um.. ka țha tawh lutuk e chuan ka lawm lutuk ania aw.. hetah te min awm tira" ka ti a, a rawn bu nghat a.



"Lawmthu sawi a ngai hleinem... kan hmu thei che a a lawmawm zawk lutuk thlalak ai pawn a takah i hmelțha zawk a nih kha..." a rawn ti a, phâwk zetin amah chu ka en nghal "thlalak maw?" Ka ti chhuak nghal hliai bawk, a rawn nui hak hak a.



"Ni e... Mama'n i thlalak min hmuh tawh alawm belhchian i dawl dawn riau mai... i eitur ka siam a ka rawn lak ang che aw, Mama sawi ang khan lo chhuah ruk tum lo la" a rawn ti ve nghal zat a, ka lo nui ringawt. A rawn chhoh leh vat tur thu sawiin room ațang chuan a chhuak a ka en zui reng. An nufa khan an in chhun fuh takzet, a nu pawh kha a ngainatawm in a fel takzet bawk.



Mahse... a karah bawk hian mahse hi alo awm leh țhin, tunah hian ka nundan pakhat mah an hrelo hre ngat se zawng a fapa nun țha lutuk leh fel lutuk tan chuan kei mihring țawp leh hmeichhe nikhua lo hi min duh hauh lo ang ka chiang a ni. Ni e... tuna ka landanah hi chuan anni tan chuan hmeichhe fel tak ka ang ngei ang mahse an ngaih ang leh rin ang hmeichhia ka ni lo tih hre ngat se zawng min țawngkhum tawhin ka ring a ni.



Dr. Zorema pawh hi hrilh ka duh lutuk takzet, mahse a hriat hunah min ten a min kalsan ka hlau a ka la hrilh ngam lo zawk a ni. Tunah rih chuan engkim hi sawi lovin ka kal tlangpui anga nakinah engkim an hriat huna min duh lo leh a nih chuan ka sawi theih pakhat mah a awm lo ang mahse engkim an hriat hnu pawh a lawm taka min pawm a nih chuan ka tan chu bak bak a awm leh tawh ngai lo ang.



Keipawhin tlem tlem in ka nundan thlak ka tum tial tial ang a kei hi min ngainat ve a phurrit anga min ngailo a nih chuan ka theihtawp ka chhuah zel bawk ang. Mahse chutiang lo anga min ngai a nih chuan an rilru hahna tur leh hreawm an tihna tur siamsak ka duh lo bawk ka thlentir ngailo ang.



Reilotêah tray chawi chungin a rawn lut a, min hmuh rual chuan a rawn nui leh ver ver tawh...a chhan ka hrelo mahse ka lo nuih let ve leh tawp țhin "i duhzawng ka hre si lo a ka duh ang ang ka siam tawp mai asin a pawi lo ang chu maw...." tray ka malchunga rawn nghah thlak pah chuan a rawn ti a ka lu ka thing zeuh.



"A pawilo... a tui hmel hlawm lutuk, ka lawm lutuk aw ka tibuai âwm che si" ka ti a, a hnar a tûm dat a "lawmthu a sawi leh ta.... lawmthu sawi reng lo la eisiam hi nuam ka tia lawm ei chhin la i duh loh chuan a dang tihdan kan ngaihtuah dawn nia" a rawn ti a, ka chhang tawh lo. Dik taka sawi chuan amah han biak a han chhandan tur vel hi ka thiam thlawt loh vang a ni.



Fian chu la in a eitur siam chu ka suak a ka hâwp a, a tui takzet a dang chu ka hâwp leh a a tui tho bawk "avan tui em em... i siam thiam lutuk" ka ti a, lawm hmel zet hian a rawn nui var var a "a va lawmawm thei tak aw... huan te ka siam ve e ka tia chuta mi anțam chu ka suat a ka bai thak a a nih kha.. ei țeuh rawh" a rawn ti a, ka bu nghat bawk.



Chaw ka ei khat êm avangin min pek chu ka ei zo vek a, a ni erawh chuan ka ei lai min lo en reng, hmuhnawm min tih thu ala sawi zui bawk.



"Hei Mama'n a be duh che... lo inbe rawh u heng hi ka zu dah lawk ang e" a rawn ti a, ka malchunga tray chu a rawn chawi nghal a
"ah... ka lo ti ang ka tibuai hnem tawh che" ka ti vat, thawhchhuah ka tum a mahse a kutin min rawn dang.



"Awmpui ten an sil mai dawn alawm i taksa ala chaklo lutuk lo awm rawh... kha Mama nen inbia ula ka rawn chho leh dawn nia" a ti a, chhan letna hman pawh awm lo chuan a kal nghal daih lehnghal, zep loh chuan han awm vak ngaihna ka hrelo amah han biak ngaihna pawh ka hre bawk hek lo. Hetiang ang em em a min ngaihsaktu hi ka la tawn loh vang a ni ngei ang.



Khuma phone a dah chu zawi muangin ka la kang a, phone chu ka bengah ka dah a "hello!" Ka ti nghal sep bawk.



"I țha em Bawihi?" Dr. Zorema chuan a rawn ti sup, ka nui ringawt a ka țhat leh țhat loh hi min van zawt hnem tawh tak "ka țha lawm... i thleng tawh mi?" Ka ti a, a rawn thaw ham ham a.



"Ka thleng țep, ei chak i neih chuan ka nu bulah khan lo sawi tawp rawh buaipui tur che in ka hrilh tawh kha" a rawn ti a, horn a pe ri chu ka hre nghal zat bawk. "A ngailo, engmah mamawh ka neilo tak tak... ka harh țhat hunah ka kal ang aw" ka ti a, a rawn rûm nghut.



"Khawiah mah lo kal lo turin ka hrilh che kha... ka rawn let hunah ennawn leh che ka duh dawn khawiah mah lo kal suh ang che" a rawn ti nghut.



"Mahse..." ka ti chiah "mahse... tih a ngailo dar 4 thleng kan hawng dawn a ka rawn let har lo ang Bawihi... thusawi hi zawm rawh i taksa kha ala chak tawk lo. Chuan thildang pawh" a rawn ti a, khum lu chu ka ngheng riai riai a.



"Enge thildang chu, thil țhalo a awm ami?" Ka ti nghal vat, a rawn nui ri suk a.



"Awm e... ka ngai bawk che nang lah chuan min ngaihsak ngai der si lo tukin zinga min tih hrilhhai zia te kha i hria em? Ching tawh suh ang che... ka hna avang hian ka ngaihsak țha hman lo che tih ka hria mahse ka theihna lai apiangah chuan enkawl che a i kianga awm ka duh... ka sawi i ngaithla em?" Ka ngawih vung vung vang nge ni a rawn ti a, ka thaw chhuak ham ham.



"Um... ngaithla mahse i tan phurrit ka ni ang tih ka hlau ka sawi awmzia chu... ka nundan leh nihna zawng zawnge engkim..." ka sawi zawh hma hma chuan phone ațang chuan mipa rawn țawng ri ka hria a emergency a awm thu a sawiin ka hre bawk.



"Kan rawn kal nghal ang... chuan Bawihi ka rawn be leh ang che i phone kha lo on tawh la, nu pakhat a chau thut a nih hmel. Ka sawi leh ang khawiah mah lo kal tum suh ang che" a rawn ti leh nghut a, midangin an rawn biak buai leh avang chuan amah zawkin phone chu a off ta ringawt bawk.



Phone chu muangchangin khumah ka dah thla a, ka thaw ham ham "ka nundan hi hre ta la min kalsan ang em le... i bulah hun hmang tam lo mah ila i kianga ka awm tawh chuan ka hahdam ru țhin asin" ka ti chhuak sep a, ka sam chu tuai chho puat in ka hmai chu ka kut pahnihin ka hup a ka thaw ham ham bawk.



Tlem a ka ziaawm deuh avang chuan khum ațang chuan ka chhuk thla a ke lawng chuan kal in kawngkhar lam chu ka pan a engkim hi ka tan chuan thil thar ang vek a ni mai. Inhnuai lamah chhuk thla tur chuan step-ah ka ding a mahse hmeichhe nui thawm ka hriat avang chuan ka ding dat. Hnuailam chu ka en deuh rên râwn a.



A lang thei chin a hmeichhe pahnih rawn kal ka hmuh rual chuan ka thil vawn chu ka hmer nghek, Doctor nu leh Irene-i chu nui chung hian an rawn kal phei a a landanah chuan an in pawh hmel em em bawk nufa te pawh an ang zawk "tlaiah chaw ei nghal rawh aw Mama pawh dar 4 velah a rawn haw ang" Doctor-a nu chuan a ti leh a, an kal liam a ka hmu hman tawh lo.



Aw... ni tak e, vawiinah Irene-i leh Doctor-a kha an inhmu dawn tak e... ngaihzawng a neih loh zia a fiah dawn bawk a heta ka lo awm ve a nih chuan an tan ka hnawksak mai mai âwm si a. Leh Doctor-a nu nen khan an in ngaina em em a fanu ang chiahin a en tih a hriat theih a kei erawh chu țhian ang chiah a min ngaiin min lo be mai mai aniang.



Ka chanchin hre ngat se zawng min paih chhuak rang dawn lutuk, chu mai pawh nilo a fapa nen kan inkawp lehzel tih han hre ngat se zawng min duh dawnlo lutuk ringawt.



Inherin room-ah bawk ka let leh, khum sira ka phone awm chu ban in ka on nghal a ka pheikhawk khum bul bawk a awm chu ban in ka inthawlh sawk sawk a ka coat chu inthawlh in thawm dîm thei ang ber chuan inhnuai lam ka pan thla a in ațang chuan ka chhuak nghal vang vang bawk.



Ka bike Laldinpuia in a ala awm miau avangin ke in hmalam ka pan tawp a, thil tam tak ka ngaihtuah bawk. Ka țhianțha ber ber te zinga mi a ni a khatianga ka chunga rawng taka a che duh kha mak ka ti takzet a ni damdawi hial a hmang bawk. Ka lakah feelings a nei tih ka hria chuvang reng a amah be tam lo a hmu tam lo ka ni bawk, chutianga ka awm chuan min theihnghilh kha ka ring a ni a mahse ka lo tisual der a ni.



Ka haw lutuk takzet, mahse ka thinlung takin he mihring hi ka haw theilo ka țhian țha ber a ni a chan ka hlau hle bawk. Mahse khatianga ka chunga a thiltih avang kha chuan ka ngaidam mai mai lo ang, engmah thleng lo ang mai a min hmuh a ka laka ala awm thei a nih chuan ka pen vir nawk bawk ang.



Ka pawisa ah chhun chuan bus in kan veng lamah ka phei a mahse kan in a kal lo in nu Sawmpuii te in lam ka pan thung, buaina tlem tal ka siam loh chuan le ka awm a nuam thei nâng...dâwt heh mihring chu dâwt bawk in ti thlabar ila a ni mai alawm.



Kan veng a ka kal te chu pawn chhuak apiangin min en zui țâwk țâwk a, min sawi zui tawk lah bang lo. Ka tawn țhan tawh avangin engah mah ngailo chuan ka kalpel hmiah hmiah a an hman hi ka ti ngawih ngawih kei chu ni ilang ka chil per ka ui ngawtin ka ring.



Nu Sawmpuii te in luah Building ka thlen rual chuan step-ah ka chhuk a chhawng hnuai berah an awm bawk. Kawngka chu ka kik dat dat a au lûng lûng in a rawn hawn tur thu a sawi a kawngkhar hmaah tak chuan ding in ka lo nghak reng.



"Tunge a?" Tih pah a a rawn hawng chu ka lo nuih a a ni erawh a meng rum lehnghal "ka lo lut thei ang em?" Pangngai zet chuan ka ti sap a, mi fel ber âwm ang zia zâng chuan kawng min hawn ve mai a mahse ni lul lo e... pawn a kan inhnial a nih chuan a mualpho hrep dawn zawk mawle chu chu duh miau hek lo.



Inchhungah chuan ka lut a "in pa a awm em?" Zak map lo chuan ka ti lut thawr a, inchhung chu ka thlek kual nghal zat bawk "awm lo... iva zak lo ve a engtin nge hetah ila rawn kal ngam zawk?" A aw chu a hriam hraih mai, nui chungin amah chu ka en a.



"Heng zawng zawng hi in pa nen kan inneih hunah chuan ka thlak vek ang, i wallpaper hman te hi an țhing lutuk" in thlek kual pah chuan ka ti a, amah chu ka en leh "awi leh! I sawitur pakhat mah a awm lo chuan kan pa nen hian in innei dawnlo bawk ngawi hmak la chhuak rawh" a rawn ti vîn leh țhat a, ka bu nghat.



"Um... ngawi reng chuan ka chhuak dawn alawm mahse in pa hmuh hmasa ka van duh ve...hman zan a thil thleng kha sawipui ka duh... ka mutpui âwm ang zia zângin alo insawi bawk sia engtiang chiah a nuam leh dangdai nge a ni tih zawh ka duh" amah en kalh pah chuan ka ti leh fak a, a mitmeng chu a buai nghal nak mai mahse a rei lem lo.



"Nang kan mi hur herh nu.... mi pasal i awmpui hnuah engtin nge hetah ila rawn kal ngam zawk?" A rawn ti țhat, ka nui chhuak hak a "i pasal ka awmpui ngei tih chu i hmu em ni iva sawi confi ve âw..... leh nang pawh chu i pasal ka lo awmpui sia a uire tawh bawk sia ngatinge ila neih reng a...." ngeiawm zet hian ka ti let ve salh... heng tiang mihring hi chuan zah tak pawh a biak an phu hlawllo.



"Nangnu hi! Ilo nasa piap piap hle mai naupang te si nun țhalo takin i hmang lehnghala hremhmunah kal rawh!" A rawn ti tuarh, sir lamah ka thle zeuh a "i sawi zawng zawng kha a dik vek! Chuan hremhmuna ka kal dawn a nih chuan ka pi ka hnûklut ve nghal ang che, i pasal hnenah hian duh chuan case pawh ka file thei tih hrechiang bertu ini ang dawt sawitu inih ang bawkin. Kei min vil reng lo hian i pasal hi tih lawm tum mai ta che.... iti lo a nih erawh chuan i pasal hi ka chuhpui ang che ani'n min duh ropui si, ka taah ka siam nghal thei tunah pawh hian.



Chuan hre nawn leh rawh ka pi, thuchiang i hrelo a nih chuan dâwt belh tel suh ang che dâwt bawk a bum leh ini ang" hnai zeta amah en pah chuan ka ti a, ngeiawm zeta nuih lui in in chu ka chhuahsan nghal bawk. Tikha chuan a tihtur a hrechiang ngawt ang.



An nupa nunhlui ka hrechiang khawp a... min do țha ngam derlo ang.. an fanu mawl zet khan min hrilh vek miau țhin alawm.



Ka phone chu a rawn êng a number lawng ațanga call ka dawn avang chuan tîm daiin a hring chu ka thai chho a phone chu ka bengah ka nghat "hello!" Ka ti nghal sep bawk.
"Mami keimah i pa Thangkima kan inhmu lawk dawn em ni ang ka duty hma hian kan inah ilo kal lawk hman em?" A rawn ti a, ka awmna chu ka en kual a.



"Ok... mahse motor ka neilo taxi in ka rawn kal ang a min lo khulh la nakinah ka pe leh ang che" ka ti a, a pawm ve mai bawk. Taxi lo tlan chu ka phar a Zarkawt lam a kal tur chuan ka hrilh nghal bawk. Eng thilah nge min hmuh duh ka hrelo mahse tunah chuan he mihring hi ka mamawh rih tlat a ni, a chhan pawh ka thil tum kawng engkima min puih theih dawn vang a ni.



Ka chuan man min lo khulh a, ka nu a hruai chhuah laia a mizia ang aia danglam daih in min bia a a awmdan chu mak ka ti ang reng hle bawk. An in a ka luh rual pawh chuan intur ka duh em tih min zawt hmasa leh ber a mahse ka duh loh thu in ka chhang thung.



"Engthilah nge min biak duh a?" Ka ti nghal sep.



"I nu leh i pa inkar saw tihchhiat i duh em? Ințhen tir i duh em?" A rawn ti phawng, a thusawi avang chuan amah chu phâwk zetin ka en a "Bingo... mahse enge chutiang thu te i rawn sawi daih daih a?" Ka ti a, a țhu țha a.



"Keipawn ka duh alawm chuan kan țan rual a ngai a ni" a rawn ti leh, ka mit ko ka kân ak a.



"For why?" Ka ti sep.



"Aw... kan duh chu a chiang dun reng alawm deal kan siam thei em?" A rawn ti leh, hmalam chu ka en vang vang a "sawi ta che" ka ti leh sep bawk.



"A țha e... ka nupui emaw ka bialnu angin awm rawh! Ka fate nu ang tal pawn" a rawn tih rual chuan rang zetin amah chu ka en phei nghal bawk.
image_search_1602582613713.jpg
image_search_1602582613713.jpg (71.41 KiB) Viewed 4871 times



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)