YOU ARE STUNNING - 21 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

YOU ARE STUNNING - 21 By Bearr Chhakchhuak (Dreamer)

Unread post by Bearr » October 20th, 2020, 11:42 pm

CHAPTER - 21♥️





★ Jeddah POV ★






"Boss...miss kha a kal tak tak ania" in hum ruh tung in ka thingthi reng a,ka mi thah tak chu ka melh ngat ngat bawk "Boss...a kal " ka tho nawlh a ka thinrim lai anih vangin an ngawi nghal thap bawk









"Kal rawh se.." ti mahila ka ruak takzet tawh, hreawm ka tih thin ber chu ka thinrim na ka thunun theihloh lai tak a min dang a tum thin hi ani,ka duh vang reng a khatia ti thin pawh kha ka nilo ka in control theih tawhloh thin vang ani min control tu hi a chak tawh lutuk ka tan vawilehkhat a dan zawh rual anilo











"Pa..." Car awm na lam ah ka tlan vat a ka pa thaw tawhlo lek lek car a ka awm tir chu ka va en dik a,a thih ka duhlo a ka pawm theilo bawk,ani hian min kalsan hlen anihchuan ka tan chan leh tur Chuang awm in ka hrelo! "Pa...I tha leh mai ang thaw chuan he thil phiangsen I Chung a thlen tir tu te chu ka ngaidam mai mai dawn lo,a mal te te in ka that vek dawn!"











"Pa...! " nidang a min chhang thin in a min chhang thei ta miahlo chu ka hrethiam lo takzet ani,na ka ti a ka khawvel thar min din sak tu leh min hmangaih tu vawilehkhat ah a bo ta vek ni mai hian ka hria " Pa..." Tiin ka au leh tawp thin,tih ngaihna dang ka hrelo Rose pawh ka ngaihtuah hlei thei lo bawk tun dinhmun ah chuan! ka pa neihchhun ka chan lek lek mek ani ka tan a pawimawh zia hi tuman an hrethiam lo












"Boss..I pa ruang kha Engtin nge kan tih dawn?" Car bul atang chuan kal sawn in Jasper chu ka hnek nghal pawp a " Boss..!" Mak tiin lei atang chuan min chhoh en ngar ngar











"Ruang! tu ruang phiangsen chu nge nang hian I sawi?A la thi reng reng lo Ka pa anih saw khatiang tawngkam kha I hmang leh anihchuan nang pawh hi ka that nghal ang che.. kalbo nghal rawh" ka au khum vak a rang takin kha police ka thah tak ruang awm na lam ah a kal nghal nal nal "ka enkawl ang che.. doctor pawh a rawn kal mek ania"













Police lam nen kan in tihbuai nasat tak vangin ka pa chuan silai mu a tawng a, tihpalh anilo tih ka chiang bawk chuvang a kha police pawh kha that ve nghal ka ni ka pa min lak sak tum tu chuan dam a phu bik lo..keipawh min hrechhuak tep tawh tih ka hai lo,mahsela min rinhlelh thut chhan hi ka hrelo a ka zawn chhuah vat angai bawk,chuan police lam in hliam tuar kan awm tih an hria a,chuvang chuan hospital an lut chhuak reng bawk! Chuvang in ka pa hi hospital ah ka kalpui theilo











"Pa tuar hram hram rawh, vawilehkhat ah engkim inti danglam theilo ania! " Min chhang silo ka mangang takzet tawh! Rose in chung a tang a a tlak lai ai pawh khan ka hlauthawng mah zawk..ka sawifiah thiamlo midang bul ah chuan ani hi ka tan engtiang a hlu nge anih tih hi..ka pa a nih piah lam ah nun thar leh engkim a thar a min din sak tu a ni












"Hmanhmawh ta che..." Car bul a thawm awm vangin doctor a nih ring chuan ka vin thawt a,mahse doctor nilo in Rose ani! A kal bo vang vang tawh ka ring a sin,a thawmhnaw bag te nen ruah sur hnuai ah chuan a ding reng a " I kal tawh sia.." ka tha a zawi vek! Ka hmuh hian ka sual zia ka in hria a,insiam tha tur a min duh tih ka hriat te hian ka thei thin silo hi ka thinrim thin












"Engtik ah emaw engkim hi a danglam ka ring ani" tap pahin a rawn tlan phei a a kawr ah pawt in min rawn fawp nghal chawt,a thil tih dan chu ka hrethiam lo takzet a fawh pawh ka fawp let eih lo "zawhna tam tak I nei tih ka hria a,mahse tun a ka sawi duh zawng chu ka hmangaih lutuk che a chuvang chuan I rual a tawrh pawh huam in I kiang ah hian ka awm dawn I tihsual pawh ka thup vek ang"












"Ka thil tih thin hi I duhlo ani lawmni,kan naute tan pawh,chuan nichin a ka tih dan vang che pawhin min kalsan dawn chuanglo a maw?" A biang nen thep ah chuan ka dawm sak a,ka zawhna chhan nan a bu nghauh nghauh bawk chutih lakin ka doctor bik an lo thleng a ka pa chu in chhung lam ah hruai lut in an zai nghal sawk sawk..ka nun a thil bet tlat tawh hliam leh natna nei reng thin kan nih vangin in zai na room a tan a ruahman pawh ka nei thlap chuvang a hospital kal loh pawh pawi ti lo em em ka ni













"Ka kal hman tep a,mahse ruah leh nangmah vang te in ka thulh leh" ka kut ah chuan min kai tlat a,mahni chauh a ka pa ka biak lai ai khan ka awm a nuam tawh em em bawk,ani hi ka lo mamawh takzet ani.. " lungngai suh a tha leh mai ang" ka kut a kaih lai chu a hum nghet sauh a ka pa an buaipui na room pawn lam ah kan pahnih te chuan kan lo nghak













"Kha thil ka tih chhan kha" a ka a rawn ang zuau hman " Nilo ka sawi duh chu ka in control hman lo! Chuan ka pa hi chan ka hlau lutuk ka nun na min pe let tu ani a ka tan a pawimawh lutuk a,na a tawrh khan ka in control zo hlawl lo chuan kha police phiangsen khan a kal tih ka hriat vangin ka that ta anihkha,min dem suh aw a chhan chu thil tam tak ka chan tawh a thil dang chan belh ka duh tawhlo ani"






______________________________________






"Ka hrethiam a lawm Jeddah.." nghet takin a kut chu ka vuan a,heta ka let leh hi ka in ngaihtuah hian ka awih hlawl thinlo, mahsela ka let ngei bawk si Jeddah pa voice massage te kha hmu lo ila chuan Jeddah hrethiam lo leh hua hian Mizoram ah ka haw vang vang tawh ngei ang











A mah chu ka en thin a,hetiang reng reng a hmel hlauthawng a put hi ka la hmu lo a ke a chet sek a room kawngka chu a melh sek bawk,a bul ah ka awm ve ani tih a theihnghilh lo min kaih dan ah a hriat, diktak chuan a ruk in keipawh ka hlauthawng a pa kha a thi nasa bawk sia a dam chhuah chuan a lawm awm takzet zawk ang






★ FLASH BACK ★







Thlawhna a kan luh na kha a rei tawh nen kan thlawk chhuak har phian mai a,ka kawr huh te pawh ka thlak leh hman vek,hmai te ka phih thul Jeddah mi vit lai ka mitthla ah a rawn lan chuan tho vat in hmai ka phih pawp zel "min lo hrethiam lawk tinge kan la thlawh chhuah loh a?" Hostess lo kal chu ka lo be chat












"Aw miss,englo ania ruah a sur nasa lutuk a thlawh na hi an cancel mai thei ani thlawh na a Chuang te him na an duh bawk sia naktuk lam ah pawh ani mai thei thu Chiang zawk kan la ngaichang anih hi,tanpui I ngai em ni?" atih pah chuan lu thing chungin fuhlo ti zet chuan ka ner deuh sak a,hostess pawh chu a kalsawn lehnghal












"Tinge ka kal dawn vel ah kher?" ti chung in ka thut hmun ka rem fel sauh sauh a haw ngei chu ka tum ruh ve tlat! Jeddah hnen ah chuan ka let leh thei tawhlo, police a that ka hmu reng a report pawh ka tum chuanglo ka hmangaih lutuk vang nge ni a ka at vang pawh ka hre tawhlo ka sa him nan ka kal ve tawp ani mai











Thu khaw chang kan ngaih chan chhung in ka bag tê chu ka check mai mai a Jeddah phone min pek kha ka lo ak tel reng mai,ka phawrh a ka hmeh en te chuan ka khawih khat lutuk a helai ka thlen hnu hian.. engkim a mak ta vek in ka hria.. gallery te a ruak han mai a ka phone hmasa ve a ah kha chuan thlalak kei leh ka nau,ka nu nen lam a tam ve a sin le! Ka nu number hre mahila call ka tum rihlo India tal ka thlen hun ah ka him chiang anga ka be chauh ang











Nghah tawp chu a ninawm em vangin phone chu ka khawih kual vel a ka khawih khat tawh a ka bo deuh hu mai, internet lam ah Jeddah pawh ka hmu bawk camera hma ah chuan a hmel rum tak te kha an bo vek tualthat tu ani thei ang tih rinhlelh awm pakhat mah a hmel ah a lang lo,a nelawm hmel in a nui ve bawk a hausak zia te leh a hausak chak zia te chu tuman an hrethiam phalo tih te in an sawi bawk












"Hei enge.." voice massage pakhat ka hmu nawlh,chupawh ni 4 zet liam tawh ami ani..tunge rawn thawn pawh ka hre chuanglo ka seat ngheng pah in ka ngaithla mai mai a ruah sur thawm a bengchheng bawk nen ring zet in volume ka up amit chhing chungin ka ngaithla












"Hello ka fanu.." ka meng deuh zawk chutia min auh dan ah chuan Jeddah pa ani tih ka hre mai " thil pakhat Kum rei tak atang a ka zep tawh hrilh che ka duh ani, Jeddah pawhin a hriatloh anih vangin he thu I hriat hun ah pawh Jeddah lak ah zep tlat tur in ka duh che aw..thil pakhat sawi hmasak ka duh zawk chu Jeddah hi killer hlauhawm tak ani a tun ah hian California police ten an chhui mek zel"













"Chumi vang erawh chuan I hmangaih na kha dai mai suh se aw,ka fapa in Hmangaih a mamawh zia chu I hriat ve tawh kha...a naupan lai in a pa amah hring tu ngei in a fa anih na theihnghilh thak khawp in a sawisa thin a,a nu leh a unaupa pawh an ni vek! Chuvang a killer a chhuak thei pawh hi ani a nun ah khan zir tur tha pakhat mah a tawng lo kei min tawn hnu pawhin..mahsela kalsan phah nan hmang lo la ka duh ani.."













"Chuan ka sawi duh ber chu.. Jeddah hian a naupan lai a thil tawn avang in rilru lam harsatna a nei a bipolar disorder anei a rilru in thlak thut thut te, thinrim thut,mahni in control theihloh te rilru a awm tawh a tak ang a ngaihna te a nei thin..mal ngawih ngawih a in hriat chang a ngah anga chupawh a rilru lam fel loh vang ani mal a a in hriat chuan a sual zual sauh ang..chutiang anih a vang chuan ka fapa hi kalsan lo la ak duh,reitak a mal loh zia I lo hriattir in ilo tawn tir tawh a vawilehkhat a a bo thut chuan a rapthlak dawn lutuk!"












Jeddah pa thusawi vang chuan ka lo tang tung ani tih ka in hrechhuak chiah! Bipolar disorder vei te khawngaih thlak zia leh tanpui an mamawh zia chu ka hre ve tawh enkawl an hautak lutuk tlat " a naupan lai atang tawhin kha natna khan a luh chilh tawh a treatment a lak dawn chuan thih a duh thuna sawi zawk ziah engvang a treatment lak ngai nge a nih pawh a in hre chuanglo..chuvang chuan heng natna te hi a nei tih pawh a in hre tawhlo ani chuan.."













"Rose...ka fapa hi kalsan lo la a kiang ah awm reng ang che aw..a la dam thei ang tih hi ka ring tlat ani hmangaih tak a enkawl te,a mah chauh in khawvel a hmachhawn lo ani tih te hi kan hriattir angai ani..ka ngen takzet che eng ang pawhin ti na che mahse a kiang ah awm tlat la ka duh,anihloh chuan a boral mai ang" ka lo tawt up up a










Jeddah thil tawn em em chu a rapthlak zo zai ani,a pa tak pawh nilo in ti khawp hian a hmangaih bawk a , hmangaih na a enkawl alo ngai em anih hi, rilru lam harsatna a tawk tih hrilh hria ila chuan ani chuan a pawm miahlo ang chuvang chuan a ni ngei ang a pa pawhin a lak ah a zep tlat ni "Ka kir leh angai heti ringawt a a mah a pal tlang tir chu ka theilo!" tiin ka tho a hostess ho chu chhuak leh tur a min pui a min dil sak tur in ka ngen nghal chung






★ END OF FLASH BACK ★








"Ngati nge ilo kir?" Chu zawhna bawk chu min zawt nawn leh, a mitmeng a hlauthawng hmel ka hmuh chuan apa thusawi mawlh kha ka hrechhuak thin ka khawngaih takzet ani " misual tak ka ni..pa tha tak nih tum mahila ka thei ve kher dawn ami?" Ka kut chu a hmer salh a hreawm ati a,a in thiamlo tih ka hai lo











"Thei ang,I thei lutuk ang" a dar ah chuan ka mut dam chiahlo lam in ka vuan a " pa tha tak I nih theih ka beisei em vang leh ka hmangaih em vang che in a lawm ka lo kir leh" lawm tih hriat takin a nui ve a ka hmui ah a rawn fawp zauh bawk a pa sawi tawh ang khan engmah hriattir ka tum lo a,zawi zawi a enkawl tawp ka tum













Jeddah pa kan nghah na lam ah kan tlaivar ta lek lek,han mursan daih chi a ni bik silo a bak ah tinge hospital a kalpui loh ka hrelo a ka zawt duh chuanglo bawk..hetah chuan hmanrua pawh a awm kim awm silo a bak ah helai room hi a awm tih pawh ka lo hre miahlo " han mu hahdam rawh,naute nen duat in ngai ania" nichin mai a tawngkam chhia leh awmdan nen kha chuan a in perh san tawh takzet ani













"Kan tha a lawm..a pa bul ah hian awm ve kan duh zawk.." tiin boruak ni churh mai thlak tum chuan ka ti ve a tawi tup in a nui thung,khua a var dawn takngial tih in doctor pakhat a lo chhuak a "Jeddah doctor alo chhuak.." a kun ngul a vangin ka va nghawk zeuh a rawn hawi chhuak vat bawk











"Mr Jeddah..i pa chu a serious khawp mai kan zai hlawhtling chu ka ti thei a mahse a dinhmun hi a that phah vaklo ani heta kan enkawl reng chuan a tuar rei theilo a g hospital ah kan sawn vat angai ang a kum a upa tawh a atan chuan heng ringawt pawh hi thih pui tham daih tawh ani" doctor thusawi chu a duhlo hle tih hai rual loh in a in seh ruh a a kut a hum sauh sauh bawk, doctor chu a khawih mai ka hlauh vangin a kut hum ruh chu ka lo va dawm sak












"Doctor hospital ah chuan sawn rawh u..ti dam ngei ngei ru aw" ka ti ve ngawt a mahse a pa dam na tur anih vangin Jeddah pawhin min hnial lo khawvar tawh dawn lam ah apa chu hospital a sawn tur in an chhuah pui a Jeddah thil tih an hrelo nge a lam an tang hrim hrim tih pawh ka hre chuanglo engmah an sawi zui lo a a pa an kah chhan ah khan rinhlelh pawh an neih thu an sawilo












"Mu ve tawh ang" ti in kan room lam ah min kai chho a tun ang ah a mu tui thei dawn a mawn le..!






"Kan va zui ve dawnlo ami,ka mut chhuak pawh a reh vek tawh" a rilru chu a nuam zan biklo aniang a hmel awmdan a diklo..ka kuah ta tawp a








"I chau lutuk ang" tiin min mutpui a,engtin nge hlau leh tih miahlo hian a bul ah thlamuang deuhin ka la awm theih zawk le? Khawvar hnu ah ka muhil chauh a ani pawh a pangti lum a tang in a la tho mai bik lo tih ka hria
















"Morning.." ka zik mar vel lai in phur zet hian a rawn ti a,a pa vang khan a lungngai viau tur ah ka ngai a! Tinge zing lam ah hian a danglam tak em em? A pa thusawi kha ka hrechhuak hnuhnawh leh









"I van hlim..?" Ka ti ringawt a a nui chuanglo na in a rilru tawt lutuk ang kha a nei tawhlo tih ka hria a che vel ah pawh sawn "ka lawm e.." juice te min rawn pe thlap! A awmdan chuan min ti hlau lek lek zawk!










Breakfast te ei dun in a pa hmu tur a kal tur chuan kan in siam leh a, TV ka on pah vangin Jeddah chungchang an puang lai tak ka hre fuh.. bathroom atang a a rawn chhuah hma in ka off lehnghal police chuan an lo ringhlel ngei ani tawh kha..! An man chuan ka nun zawng zawng a tawp vek ani mai ka mipa hmangaih hi damchhung a tan angai dawn!











"Jeddah ka lu anuam lo lutuk" car lam panin kan chhuak a " ka sawi awmzia chu ka zawi thut ka chau lutuk.." car ah chuan zawi zet hian ka lut a








"A reilo ang.." rawn kun lut in ka hmui ah chuan a fawp tawn tawn a "mutna mai mai anihkha aw..hlauh tur a awm lo ania" ka chal ah a fawp zui bawk.. reilote ah chuan ka muhil ta ringawt,ka tho deuh chauh bawk sia!














"HI..." Nui chungin min lo en a ka nuih let ve na in ka chhang lem lo,car tukverh lam ka hawi lai tak a hmel danglam zet ka hmuh tak ah chuan ka mengkawk









"Jeddah.. Jeddah tun ah khan enge ka hmuh? Nilo ka mit vai ami?" Ka hath hma lam te chu ka ngaihtuah chhuak mumal thei tawhlo car tukverh chu ka down a ka dak chhuak chiah chu ka ang phuau ringawt! "Enge awmzia min hrilh fiah rawh" a kawr awm ah ka tham a ka chet a khaih lak vek ka â dawn in ka hria!











"Min hrilh teh! Tinge tah hian kan awm ka mumang ani em? Hei lai hi..." Ka thawk thleng in a pawt dik lo vek tawh,ka reaction chuan a mah lah chu a ti hlim phian bawk si "hei..hei hi Mumbai anih hi..!" Car chhung ah chuan ka au vak











"Ni e... Mumbai" pai deuh chuan a ti a " haw kha I chak thin a ni lawm ni..kan pahnih in kan haw anih hi" nui chungin ati liam mai a,kei erawh chu min shock lutuk ka â dawn! California ah kan awm reng tur ah ka ngai a mahse tun ah hian Mumbai ah kan awm.! Kan ram Mizoram pawh kan hnaih lutuk tawh!












"Helai chin bak hi kan kal thei tawhlo chuvang in i harh hun kan lo nghak anih hi.. Mizoram kal na chu nangin min hrilh tawh thung ang aw" ka hmui ah a rawn fawp zauh a " ka hmangaih em em hi ka tello a rei tak a lo khawsak tawh na Mizoram chu hmuh ve hrim hrim ka duh.." a la ti zui! Mizoram ah Jeddah hi ka hruai dawn a maw! Mizoram ka sawi khan a haw hle thin sia!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)