ADORE YOU - 2 BY 27 SENORIA

Episode kal lai dah luhna

Moderator: writers

27 SENORIA
Posts: 230
Joined: September 1st, 2020, 10:24 am

ADORE YOU - 2 BY 27 SENORIA

Unread post by 27 SENORIA » October 21st, 2020, 6:28 pm

Advertisement click tura ka hrilh ziah cheu avangin min hre thiam dawnnia aw, kan vengah hian hmeithai tar ve tawh hi a awm a,hna thawk chi a ni tawh si lova,kan theih ang tawkin kan tanpui ve thin a,mahse ,tunlai boruak avang hian harsatna neuh neuh hi kan lo nei ve zel bawk nen a buaithlak khawp mai,chu pitar tanpui nan chuan ania ka tih,khawngaihin lo tanpui ve hram ru aw,kan missionary na turah kan ngai mai dawn nia, miharsa zawkte tanpui tu nih nge, a hawisan tu nih i duh zawk??


👇👇👇👇👇
IMG_20201020_181013.jpg
A chhelo e☺
IMG_20201020_181013.jpg (90.96 KiB) Viewed 8667 times
Adore you - 2
🎆🍁🍁🍁🍁
Rosangpuia pov.

"Ihh, itha maw?? "" Tím em em a, min rawn be tu dinpuii chu ka melh zawk a, chhang lovin ka hmalam kawng chu ka melh leh nghal a, athaw hak ri pawh ka hria, mahse tawng chakna mood ah ka cheng tlat lo,lung awi lohna in min bual khat vek...


Ka ngaihtuahna ah chuan thil tamtak arawn lut a, ka thil lo tawn tawh ang kha ka nau hian a tawn ve ka duhlo,a tuar chhuak thei ve lo vang, arilru a no bawk si, ka thaw hak a,engtin nge maw ka tih dawn le,engtin nge ka hrilhfiah ang... A hmeichhe hmangaih hian a sum bak aduhlo tihhi, kha nu tu nge ni ahming kha....aw.. Lalnunfeli thil tum kha engtin nge ka hrilhfiah ang,Ms an a hmangaih em em mai bawk si...


Ka phun chhuak hluk a, dinpuii chuan min rawn melh leh nghal a,ka awmdan hi ka thinrim nge ka lungawilo pawh ka hrelo, "khawnge kan kal dawn a"" He nu min dawhtheihna hian ka thinlung hi a ti nem leh thin... Ka en a, ka nuih sak a"khawiah nge kal i duh""ka ti let nghal daih a, amit a san zeuhva, mak ati tih a hriat reng...


"Aa ka van hre mai lo, nangmah zawk khawnge i kal duh?? " A rawn tih chuan ka melh zawk a, keipawh hian kal duhna ka neih pawh ka hrelo, kha hmeichhia Lalnunfeli vang khan.... "I ril atam em"" Ka tih chuan a bu nghal a, kan hma a restaurant lian vaklo ah chuan ka luh pui nghal a,


Kan thil eitur kan nghah lai chuan dinpuii chu ka melh vung vung a,hausa in nei nung viau mahse ka hmangaih theih tur aniin ka hre bawk silo,a mahah engmah sawisel tur ka hrelo,hausa chhungkua atanga seilian ka nih vang hi ani ngei ang,ka nundan leh ka duhdan engkim hi ka tihsan em em,mi rethei ka hmusit tihna nilovin kan milpui tur mihi an awm ve tlat.... A rilru thatna hian ka rilru chu a hneh lutuk, mahse kumkhua a ka kawppui ni tura ka ngaihtuah hian ka iai leh tlat bawk si...


"Enge min en reng chunga i ngaihtuah vung vung a,?? " A mitmeng pawisawilo zet chuan min melh kar a, "thil ho mai mai ka ngaihtuah a, " Ka ti liam puat a, "imm a nih chu,, ih ka sawi tur ani em ka hre lova, mahse Bawihi chunga i awmdan kha a mak ka ti"" A rawn ti thawp sat a,keipawn ka hre thiam chiahlo, engvanga ngai sual em em nge maw ka nih chiah le, engvanga an in kara in rawlh nge ka nih????


"" A fel ka lo ti viau asin, a nun anem hmel sia""a rawn ti leh a, kalo ner sawk a""a pawnlam lan dan mai anih chu, i sawi"ka lo ti nghal a, thensakin "nia in hre thar chu kan ni tho a, mahse a awmdan leh a tawngkamah khan mi sual chu anih hmel ka tilo"" Hre chiang ber awm takin arawn ti leh nghal a, chu chu ka huat tawk alo tling phian..


Ei tur a rawn thlen pawh chuan tawng tum pawh kan awm lo, kan ei nghal mawlh mawlh a,""Rs kan ei zawhah in ah min dah thei angem, hnakhawih tur ka nei a"a rawn tih chuan lo lungawiloh sa nen , ka tan hian hun hi a in pe thlawtlo hian ka hre thar a, ka thinrim nghal tun thei, nidangah ka awm ngai tawp si lova......


"A tha alawm"" Tih leh ka thil eilai chu ka duhtawk nghal a""aa ih thinrim suh aw, hnakhawih tur hi ka nei ve zel bawk sia""in thiamlo hmel deuha min melhin dinpuii chuan arawn ti nghal a, ka awmdan hi kei pawh hian ka hrethiamlo, thinrimna tur ka zawng ni ber hian ka hria...


"Ka thinrim lo, ei zo la, ka thlah dawn che ania"" Dam thei tur ang ber chuan ka ti let nghal a, in sum ka ngai a, hahdam ka mamawh ve tho anihhi... Nuam tih hmelloh deuh chuan kan in zui chhuak a, dinpuii chuan min melh leh thin a, mahse ka hrelo der hmak thung, tawng chakna ka neilo, an in kan thlen chuan lut turin min sawm a, mahse lo hnialin ka tlan chhuak leh nghal a.

🍒🥀🥀🥀🥀🥀🥀
Malsawmsanga pov.

"Thiana, lenkual te i duh em, i thinlung kha a thlawk chhuak ang tih ka va hlau deuh ve"" Ka thian benjamin a chuan min rawn melh pah chuan arawn ti a, kan vaiin chuan kan nui ho dar dar a, "" I ho thei lutuk"ka lo ti let vat a,""nge ka ho na, Bawihi te in atanga kan chhuak tur i awmdan kha ka hmu reng ania, i tap lo kha amak ka lo ti lutuk a"nui tut tut pah chuan arawn ti leh a, alu ah ka kuk nghal a, ana ati hle aniang atuai nghal sawk sawk a.


"Ben-a, i thianpa awmdan chu ilo hmu fuh viau ani maw, kha i rí lawlh mai alawm"" Ka pa chuan a rawn tih chuan kan nui nghal vek a, "kei chu ka lawmlo tihna ni lovin, achang hi chuan kan dinhmun hi a in perhsan deuh hian ka hria, heiai hian bawihi te hi tlemin han kàng deuh se ka ti"" Ka nu chuan arawn ti a, kapa chuan a lo hau leh nghal a.


"Nu , dinhmun a pawimawh lo, khawngaihin khang thu kha sawi tawh lo hram rawh.kanin hmangaih a, chu bak a duh ka neilo,kei chuan ka thil neih ho ai hian Bawihi hi ka duh zawk" Ka ti nghal a, ka nu hian hausakna leh sum hi a ngaina ka ti dawn nge ni, achang hian Bawihi te dinhmun hi arawn sawi chhuak leh thin a,""ni e, khangthu kha sawi mawi pawh ani lo, dinhmun hian tumah thlir ngai suh""ka pa chuan ati khauh fak a...


Ben-a chu ka hmaizah khawp mai, ka zak ani.. Ka nu mizia hre chhiang hle mahse hmaichhana han tawn chuan ka zak chem chem... "Awle tha lawm ka sawi tawh lovang, Mama bak hian min hrethiam ve ngailo" A rawn ti vin hlur a, kalo thaw chhuk hawk a.. "Nu chuting anilo" Beidawng àw zet hian ka ti a, "" Enge ka duh thusam ka sawi mai anih kha, hei i u mama te chuan kan dinhmun mil a zawng thiama, dinpuii hi kei chuan mo atan ka ít ngawih ngawih""a rawn ti leh nghal a, kapa chuan duhtawk turin alo ti nghal a.


Tumah kan tawng leh tawhlo, kan boruak chu a rit tha khawp mai, in kan thlen chuan ka room lam panin ka kal nghal a, Ben-a chuan min rawn zui tih ka hria, mahse ka nu vangin ka rilru a na ani.. Ka room sofa ah chuan ka coat chu ka vawm tawm nghal a, "thiana i nu mizia chu i hriat chian kha, Bawihi hi duhlo hlawm tawp ani lova, a rawn lawi luh hunah chuan ahlim ber tur chu i nu chauh alawm"" Ka dara rawn ben thak pah chuan Ben-a chuan arawn ti a,


"Mahse, eng tiangin nge ka ngaih ang tih a ngaihtuah lo, ni e, iti dik lutuk..duhlo tawp chu anilo, mahse sawi chhuak kher tur ani biklo " Àw zawi ruih chuan ka ti a, ka dara min beng thak thak pahin hrethiam turin min ti mawlh mawlh a, "hawh, game khel ang hmiang, nupui i neih hun chuan kan khel khat tawh dawn sia" Ben'an a rawn tih chuan ka lo phur leh nghal em em a, thawmhnaw hak nuam zawk ha in video game chu kan khel nghal a.

🍇☘☘☘☘☘☘☘
Baby lalnunfeli pov.

"Bawihi vawin chu in chhuak dawn ta em?? "" Bathlar-a thingpui no nen ka ding chu ka pa chuan min rawn bia a, "aw , Ms an a hman hunah min lo call dawn a, chuan ka in siam ve nghal mai ang""khi sur sur pah chuan ka ti a, " Aw anih chu, va fimkhur ula aw, Msa ang makpa kan nei dawn a, ka hlim khawp mai""arawn tih chuan ka lo lái leh nghal em em a, ka nui ru tüt tüt a.. 😁


"" In in neih hunah chuan a duat ngawt ang che, i chhungte hi min hre tawh lo mai anga!! " Nui vur vur paha arawn tih chuan ka lo then thu a, "iti awmlo lutuk pa, ka rawn kal ziah dawn alawm" Ka ti nghal a "ni e, bawihi, mahse pasal nei tawh chuan i pasal chhungte kha i chhungte an ni tih i hre dawnnia, i in a ni tawh dawn a, lunglen avanga rawn kal mai mai te kha ching lutuk lo la aw""a rawn ti dam dap a...


Ni e, pasal neih tawh a, chhungte in lama kal ziah chu a mawilo tih ka hre ve kar, ka huphurh reng bawk.. "" Imm ka hria lawm pa, lungngai suh ngaihtuah awmin ka awm lovang"ka ti ve nghal a, ka phone rí chu ka melh nghal a, Msa alo nih avangin ka pickup nghal a.


Ka pa chuan hna kal tura a in siam tur thu sawiin min kalsan nghal a, ""bawihi i in siam tawh em? " Ka pickup rual chuan arawn ti nghal a, a hmanhmawh viau bawk "ai siam chiahlo, iva hmanhmawh hmel ve" Ka ti let vat a, "imm , min hrethiam rawh aw, vawin chu kan chhuak leh thei lovang Delhi lam atang kan pu a rawn kal dawn a, min rawn thlawh dawn bawk sia,engtik hunah pawh arawn thleng thei sia, kalo awm loh chuan... " A rawn ti tawp sat a, thinrim chu sawiloh ka hrethiam nghal vek...


"Awle, apawilo chutiang ah ka hriat thiamna i dil kher angailo ania, i hna ani a, apawimawh hmasa zawk , ka sawi fo tawh kha.. I hna aia pawimawh engmah an awm tur anilo keimah pawh ni ila"" Rilru dam dap chuan ka ti a, athu kawk ri ka hriat chuan alo in thlahrung hle tih ka hria, chu chuan keimah zawk min ti hreawm nghal...


"I duhawm em avang hian ania ka hmangaih em em che🤭"" A rawn ti tak daihah chuan ka lo khi vur vur a, "" I ho thei e mai aw, ihna thawk rawh, kei chu min ngaihtuah suh kan in neih hma in ni li ala awm alawm""ka ti vat a, ka sawi zawh rual chuan ka zah avangin ka mur chem chem, in neihvat ka chak tawh zia leh Ms a nupui nih ka chak tawh zia hi ka sawi thiamlo...☺


A rawn nui sak a, "ka nupui tur te hi aw"" A rawn tih chuan ka lo ner khum nasa ngang mai... "Awle ka dah phawt ang aw, i lai chhe leh dawn emai, i duh chuan i thiante nen pawh lo leng kual mai ru aw, hman velah ka lo text ang che"" A rawn ti dap chuan ka lu bu nghal a, phone ka dah rual chuan ka khi vur vur a.... Chhuak dawnlo pawh ni ila pawi ka ti em em lo, ina awm hi nuam ka ti a, ka ngaina bawk...

######_________

Ka phone ri chuan min ti harh a, en pawh en lovin ka pick up ve mai a, "aw hello, hei he phone neitu hi a chatthla a, i unaupa a nih hmel"" Mipa àw chuan arawn ti a, ka harh kawk in ka hria, ka phone ka melh chu ka cousin muanpuia number alo ni reng, hepa hi zu ain leh tawh a ni chiang mai, "" Aw engtin maw, kapu""thu chhuak pah chuan ka ti nghal a.


"Aw hei i unaupa hi hetah a motor ah hian alo chatthla a, kalsan tawp theih ani si lova, i hming hi sister tiin a save sia kan rawn hrilh che anih chu" Tiin an awmna hmun chu a rawn sawi nghal a, awi ka ngei lutuk tlat Aizawl khaw pawn daih ani bawk si, sihphir road lam daih daihah enge maw ahan tih le... 😖


"Aw ka lawm lutuk e kapu, min lo hrilh a, " Ka ti nghal a, "chuan i rawn hruai dawn em" A rawn ti chang rut a, ni dawn tak""aw dawn e, khawngaih takin ka pu min lo ven sak theih a ngem? ka rawn thleng har lovang""ka tih chuan arawn thaw hawk a, ka lo in sangmar tún a,"a tha alawm, mahse rawn kal nghal la"a tih chuan lawmthu sawi nghal mawlh mawlhin ka off nghal a..


Ka nu ka hrilh chuan hman hmawha han hruai mai turin min ti nghal a, Lalmuanpui a han buaithlak zia hi chu aw""in siam vat la, chuan inah hian i rawn hruai haw dawnnia, anu ten an hriat chuan an thinrim leh dawn emai, keiman anu te chu ka lo hrilhfiah ang, han kal vat rawh""ka nu chuan min tur nghal a, ka peih loh zia hi aw, lalmuanpui ka chhuang so dawn che, i chak lo vang...


In siam sawk sawkin sihphir lam kal turin taxi ka hire a,a to phian leh nghal, hmanhmawh turin ka tur chen a, Ms an min rawn call chuan ka pickup nghal a, "" Bawihte , ka hman lai tak ania, ka rawn call che, ka ngai tawh lutuk che, enge itih a??, "" A rawn tih chuan ka thil tih tur sawi chi ani bawk silo, ka cousin rui chatthla ka hruai dawn ti ila, mak min ti dawn si.. "Aw ni maw, keipawn ka ngai lutuk che, hei ka chhuak mai mai a, ila buai dawn em"" Ka ti ta ringawt a...


"Aw hei nilengin vai putar kan nghak anihhi"" A rawn tih sup chuan ka nui chhuak hak a, "ava rawn thleng har ve a, dar 3:30 a pel tawh ania"" Ka ti a, "nia ka hne ngawih ngawih ka ni hman tur a ti che vek leh nghal"" Nui suka arawn tih chuan ka lo then sak a, "" Han nghak leh hram hram deuh la arawn thleng ve mai ang""ka ti a, thawhakin in enkawl tha tura min chahin kan in biakna chu kan ti tawp nghal a,


"Ka phone chuan muanpuia number ah chuan ka call nghal a, " Ka taxi chuan na number vel te ka hrilh a, minlo phar ding mar turin ka ti a, chu pa lah chuan hmanhmawh turin min ti rawn ti chen a, ka ngei ru phian ka hmanhmawh zia hi a hrelo amaw ni le... 😒

||||^^^^^||||

Kawngsir atanga taksa lian ve pangai tak mipa chuan taxi alo phar chuan kan ding a, muanpuia car ka hmuh rual chuan taxi driver chu ka chhuhna hmun tur anih thu hrilhin pawisa ka pe nghal a, engmah ngaihtuah lovin muanpuia car lam chu pan nghalin engmah hre lova alo mu zawi ngul mai ka hmuh rual chuan ka thinrim zia chu, ka hruai haw lo mai dawn em ni!!!


"" Nangmah hi maw , a unaunu ve chu""tia ngeiawm ru taka min ti tu chu ka melh nghal a, Rosangpuia hmel ka hmuh rual chuan mak tih avangin hawisawn na chang pawh ka hrelo... "Nang maw, hetah enge itih a, khawnge nichin ami kha" Tiin ka hawi kual a, mahse kawng reh tak leh ka hma a min melh kur tu Rosangpuia leh a bula hmeichhe pakhat ding bak hmuh tur a awm lo.. Chutah awm nawmlohna in min rawn bawhchilh nghal a..


"" Kei hi alawm, hei i unaupa tlaktlailo zet , lo awmpui tu, i unaupa ani tih hria ila chuan ka hawsan na arei tawh ang""a rawn ti thum but a, taxi ah chuan chu hmeichhia lo awm.ve chu a kal tir daih leh nghal..engemaw tawngtam a phuh chhuak zup nghal a.. "" Ka lawm e, ilo awmpui avangin , keiman ka hruai haw thei tawh ang""ka ti a, hepa bula awm reng hi ka duhlo, ka hua ani... Mahse ka huatna tih lan in awmzia a awmlo..



"" I kal thei ka la ti reng renglo""a rawn ti leh fak rual chuan zawhna mitmeng chuan ka melh vut a, "" Ka thusawi kha ilo ngaihtuah tawh em?? "A rawn ti chuan , kan in hualni a thil thleng te chu ka hre chhuak nghal vek a, rilru natna chuan min rawn tuam nghal a, hep lakah hian insawifiah tum engang mah ila, a awi dawn chuanglo tih ka hriat chian avang hian in sawifiah tumna pawh ka neilo..



" Ka then dawnlo, " hnuai lam melhin ka phun sap a "" Engmaw, "a rawn ti zawm zat a, " I duh duh tirawh mahse ka then dawn lo, ka hmangaih a, ka kalsan theilo""melh kar pah chuan ka ti a, mahse ka hawisawn rang ngei mai, a mitmeng a ka en hian ka zam thar ziah.. "" Eng ang khawpa luhlul nge inih a, awle a tha lawm, i thuthluk na chu hre rengla, ka thusawi ho pawh kha theinghilh suh ang che""tih leh a car lam pan arual nghal a..



Thaw chhuak hakin "" Thinlung neilo Mi sual tak ani,,"ka ti chhuak sup a, cara luh tum chuan car khawngkhar chu ka hawng a,mahse tu emaw hian rawn khar chawrhin min nem bet nghal a, "" Eng maw i sawi kha""thip em em a min melh pahin Rosangpuia chuan a rawn ti. Kei lah ka phu nasa lutuk ka khur ala reh chiahlo bawk nen "" Ihh eng... mah.. n. i.. lo""ka ti bah ta nawk nawk a, arawn then suk chuan min ti hrilhhai lek lek..


"" Thinglung neilo , misual maw ka nih?? " rawn hnai pah chuan arawn ti a, ka melh zau kawk a, ""ka sawi dik em"" A rawn ti leh chuan ka zak chem chem""i hriat reng chuan nge min zawh nawn kher, "" Melh zuk zuk pah chuan ka ti a, muanpuia rawn harh thut se ka ti takzet, hepa bula awm ai chuan ka thlang zawk, "" Khawngaihin awm sawn teh"ka tih rual chuan a awmsawn ve nghal a.


"" Car i khalh thei em ni?? "Pangai deuha min rawn zawh chuan mak tiin ka lo melh nghal a, "" Min chhang dawn nge, tikhan min en reng dawn""a rawn tih chuan ka harh zawk a, "" Aw, keiman ka khalh ve thei reng""in ti thei ka ang viau, ka chhan let dan chu, akhi suk a, "" I theih loh thu ka sawi loh kha"a rawn tih chuan ka ngawi hmak...


"" Ih kal tawh rawh, ka cousin ilo awmpui avangin ka lawm lutuk""ka ti a, min melh kur pahin a kekawr ip zen pah chuan ading a, min melh kur avang chuan en pawh ka en tha ngamlo.. "Ka duh hun hun ah ka haw thei, "" A rawn ti mar pat a, hepa han nelawm loh zia hi aw, ka nui chhuak huk a,ka in hup nghal a, "" Nuihzat thlak ka sawi ami?? "Lawmloh hmel tak chuan min rawn zawt a..



Ka lu ka thing nghal a, a thusawi dan kha a naupang chhe thusawi lutuk a, chuvanga nui chhuak ka ni.. Lawm loh hmel deuhva min melh chuan ka tí leh nghal pang a, ka phone a rawn rik rual chuan ka en nghal vat a, Msa alo ni.. " Pickup suh ang che, i mizia diktak a hriat i duhloh chuan""Rosangpui'an a rawn tih rual chuan, ka melh vat a, ka pickup awm tho e...


Ka phone ka melh rual chuan a rawn la lawk a, kawngpuiah a vawm nghal a, a chetdan teh thut chuan min ti hamhaih chiang teh e... Ka phone darh nuai lam chu ka pan a, a keh darh nasat avangin anung thei lo va, Rosangpuia chu thip em em hian ka melh a, ani lah chuan a thil tih chu engah mah angailo tih hriat zet hian min nuih suk a, acar lam panin a kal daih zui..



Ka thinrim lutuk chuan ka bula lungtum lian vaklo chuan ka vawm a, a car tukverh ka vawm fuh a, akhi nghal charh a, Rosangpuia chuan thinrim hmaisen hian a car turverh khi ruih chu a en a, min rawn pan phei nghal a, tlan thutin muanpuia car lam chu ka pan a, vawileh khatah ka hnunglam atangin min rawn man thut a, kalo tal ve bawk nen kawngpui ah chuan ka let dun ta a.



Ka chungah min thut run pahin ka kut pahnih chu a vuan bet a, ahmer na bawk nen a sa nghal vawng vawng thei, """ I thil tih saw i hria em""in seh ruh tih hriat em em hian a rawn ti khur hlak hlak a, "" Nangpawn ka phone min tihchhiat sak alawm, "" Ka lo ti let ve nghal a, "" A man saw engzat a tam nge anih i hria em,ni?? "A rawn ti leh hmuk a, min delh run bawk nen a rit takzet, ka talna lamah ka hah tawh bawk nen ka thaw hak hak a.



"" Ka phone kha vawm lo la, ka vawm bik lovang""ka vin ngailo ka tih tawh kha,àw pangaitak chuan ka ti a, thawhakin ,,"Ka nau bulah khan helai hmuna i awm chhan leh kan awmdun tihhi hrilh i tum em ni, arilru natna siam ka duhloh vang zawk ani""a rawn tih chuan ka lo ngei ngawih ngawih""chungte chu ka hre ve lutuk, "" Ka lo ti hmanhmawh a, "a nih chuan ka vawm chhiat chhan chu i hre tawh, ka car siam that nan sawn eng zat nge ka sen ngai dawn i hria em?? " A rawn tih chuan ka lu ka lo thing a.



"Ka phone i vawm chhiat man anih kha, ""///" Tawng suh""tih leh ka kut chu a hmer na zual sauh va, kawngpuia in bawhbet run kan ni bawk nen ka tukhum leh ka hnunglam a na vek tawh,,""ana, ania awmsawn vat rawh mi an lo kal ang""ka tih pawh chuan lungtum biak ang chiah, "" A teuhlo zankhua in hetah hian kan awm ang, ka car i siamthat hma chu""seh chilh nawk nawkin a rawn ti a, chu ti khawpa khi nasa pawh nilo, rilru chhe lutuk...



"" Aw anih leh, a siamthatna ka lo tum ang, tho tawh rawh""ka tih chuan arum ngut a, minmelh vung vung a, chu chu duh lovin ka tal a, tho turin ka hrilh a, a tho ve tuah tuah nghal a, a car tukverh chu ka melh a, "ka phone a chhe daih zawk sia"" Ka tih sup a, hepa ka kalsan theihna tur anih chuan ka chawi mai angai dawn ani""engzat nge ka pek ang che""ka ti a, khua athim tan tawh bawk nen, ka chhungten min ngaihtuah dawn lutuk...


Min melh vung vung in "" Haw rawh, lo ngaihtuah suh""a rawn tih chuan ka melh haw a, mahse a tha zawk ka chawi a ngai dawnlo tihna,ka kalsawn nghal a "" Hrethiam ve ta, ama tihsual hmasak ani reng sia, nge ka phone avawm chhiat reng reng.. aphu tawk ve hrim hrim""keima hriat tawk lek chuan ka phun a, driver seat lam chu ka pan phei nghal a,ka bana min pawt letin ka hmui chu mipa hmui lum thar thar chuan a rawn chuktuah nghal a.



Rosangpuia chet dan teh thut avang chuan ka ding khawng ur a, ahmui lum thar thar chu ka feel veng veng thei... Min thlah rual chuan a hmui chu a khawih zeuhva""hmeichhe tawngthei lutuk ti tawp nan chuan atha ber""a rawn ti a, ka thinrim lutuk chu ka khur hialin ka hria""i duh duh a i khawih kual theih ang turah khan min ngai suh, "" Ka mittui tla tur dan pah chuan carah lutin ka tlan chhuak nghal a.



Ka chunga a chet dan avang chuan ka huatna chu azual a, ka haw so bawrh bawrh thei,thi daih se ka tihzia hi...chak thei ang ber chuan ka tlan piap piap a, inthlen vat ka chak , in bual fai ka ngai ani, Lalmuanpuia muttui lutuk pawh chu ka haw hlauh hlauh, Msa hnenah engtin nge ka sawifiah tak ang ang le.ka phone a chhe vek bawk si..!!!


Advertisment 👇👇mawlh hi aw☺☺

💜 ADS HI A CHUNG LEH A HNUAIAH DAH VE VE A NI A 💜
A chung leh a hnuai a mi hi vawi khat ve ve click tur a ni e, in lo hre dawn nia 👇👇



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)