BOUND BY HONOR translated by Puii Sailo

Episode kal lai dah luhna

Moderator: writers

Puii Sailo
Posts: 126
Joined: October 21st, 2020, 8:05 pm

BOUND BY HONOR translated by Puii Sailo

Unread post by Puii Sailo » October 21st, 2020, 8:12 pm

Proloque

Ka kut zungtangte chu thliin thinghnah a chhem phe hlawp hlawp ang maiin a khur a, ka lung lah chu a zuang chhuak mai ang tih hlauhawm khawpin a phu rang bawk a. Luca kut chak leh nghet charh chuan ka kut chu chelhin inneih zungbun, white gold leh lunghlu tha mi 20 zeta chei mawi chu min bun tir a. Nupa thenkhatte tan chuan chu zungbun chu hmangaihna avanga inpumpekna leh pumkhata insiamna entirna tur anih laiin keini tan chuan a duh duha a hman theih tura neitu anihna entirna chauh a ni. Ka tan chuan chu rangkachak tanina tang ka nihna min hrilh nawn fotu tur a ni bawk. Thihna chauh lo chuan min then suh se tih thutiam chu nupa dangte tan chuan awmze nei, thinlung leh taksa pahnih ni thinte thianghlim tak leh ropui taka inzawmna thuthlung a ni ngei ang. Ka tan chuan inzawmna leh inpumkhatna tih velin awmzia a nei ve lo, ka thawk tawp hma loh chuan Luca ta ka ni tawh ang. Ka tan chuan heng thil zawng zawng hi mipa hoin mafia pawl an zawm dawn a thutiam an lak thin " Nungdamin lut mah ila, nungdamin ka chhuak tawh lo ang" an tih nen thuhmun reng a ni.
Hun tha ka neih lai khan lo tlanbo daih tur a nia. Tunah chuan Chicago leh New York Familia mi sang chuang zet turte mit chu kan chungah a fu thup tawh si. Thlawhbo emaw inthren tih vel chu ngaihtuah buai loh tawp a tha zawk. Kan khawvelah hi chuan thihna avang lo chuan nupa inthenna a awm ve lo a. Luca leh a naute venna atrang hian lo tlanchhuak thei ta tehreng pawh ni ila, keimah avanga mafia chhungkaw pahnih kara inremna thuthung indonaah kan chantir tihna a ni ang. Luca familia ka tih mualpho vanga an thinrim phuba lakna lak atrangin ka pa hian min hum thei dawn hauh lo bawk.
Ka ngaihdan leh rilru put hmang hian awmzia a nei lo a, a nei ngai bawk hek lo. Ka seilenna khawvelah hian duhtlanna hian awmzia a nei lo a, a bikin hmeichhe tan phei chuan thil awm lo ang a ni.
He inneihna hian hmangaihnate, inrintawnnate leh duhthlanna tih vel a keng tel ve lo a. Tih tur anih vang leh chawimawina chi khat ang chauha ngaih anih vanga thleng a ni. Pawl pahnih inremna thuthlun nan. Mi à ka ni bik lo, sum leh thil tih theihna um vang chauh a ni tih ka hria. Heng thil hi Russian Mob 'Bratva' an tih maite, Taiwanese Traid-te leh pawi lian tham deuh khawih thin pawl tamtakin an lalrem zauh zel an tum vanga hluar ta em em a ni. Chuvang chuan America a Italian mafia chhungkaw awm ang angten an lalram hum tur leh an chakna chhuhsak an nih loh nan inremna thuthlung hmanga an tan ho a ngai ta a ni. Mafia pawl pakhat New York Familia neitupa fapa upa zawk pasal ka nei thei chu ka tan ropuina anga ngaih a ni a. Chu chu Luca nen kan inneihna tur remtih anih ruala inhualna a awm dawn tih an hriat ni atrang khan ka pa leh kan chhungkaw zinga mipa ho min hrilh hnem ber pawh a ni.
He hun lo thleng tur atan hian inbuatsaihna hun min pe miah lo chu an nilo a. Mahse ka chunga thil thleng mek leh lo la thleng turte hriat lawkna avangin ka taksa pum mai chu hlauhnain a tuam tlat a ni zawk.
Puithiam chuan " I nupui hi fawp rawh le" a tih avang chuan ka hawi chhuak a. Ka mitmengah chuah hlauhna emaw zamna emaw a lang chhuak tur a nilo. Dawihzep hmel ka pain a hmu anih vaih chuan a thinrim hle dawn tih pawh ka hria. Chu chu Luca Familia-te tan ka pa laka helna remchang tak a ni dawn tih pawh ka hrethiam ve bawk a. Mahse ka seilenna khawvelah hian keini hmeichhiate tan chuan kan ngaihtuahna leh rilru diktak kan hmela ti lang lo tura kan lemchanna hmaikawr chu kan inhumhimna ralthuam tha ber a ni. He thil thleng mek hi pumpelh theih ka duh zia chu tuman an hre lo ang, Luca chauh lo chuan. Inthunun tum eng ang mah ila ka taksa khur der der chu ka ti tawp thei der lo. Luca mitmeng paw vawt ruih ka hmuh rual chuan hlauhna avanga ka taksa khur ru dar dar chu a hria tih hai rual a nilo. Vawi engzat nge midangte hlau hlawpin a siam tawh ang? Chu chu a nihphung pakhat ve chauh a ni? Ka mit taka min en reng chung chuan zamna avanga ka hmui kher der der chu a rawn hnaih zel a, a mitmeng hmang chuan a ta ka nih chian zia min hriat chian tir hle bawk



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)