Bound by honor. - 2

Episode kal lai dah luhna

Moderator: writers

Puii Sailo
Posts: 126
Joined: October 21st, 2020, 8:05 pm

Bound by honor. - 2

Unread post by Puii Sailo » October 21st, 2020, 10:15 pm

Chapter 2

Ka pa hmel atrang chuan ka thusawi chu a pawm lo tih ka hre thei. " Rem ka ti anih chuan i nei mai ang, dan rorelna hnuaiah kan awm ngai em ni?" Ka kut chang a var pap thlengin chair vawnban chu ka hmer a, mah se engmah na ka hre lo. Ka taksa chu a chawmawlh vek tawh ni maiin ka hria. " Mahse Savatore hnena ka sawi tawh angin kum 18 i tlin hunah chauh inneihna buatsaih a ni a nga, school pawh i kal chhunzawm thei ang. I nuin school kal chhunzawm tur leh i kum tlin hun nghak turin a ngen sak che a, Fiora pawhin a rem ti anih kha." Boss in ka pa a hrilh vang chauhin ka hian ka kum tlin nghah a remti tihna a nia, tunah pawh hian ka pasal tur hnenah chuan min nawr liam duh dawn tih a chiang reng. Ka pasal... Chu thu avang chuan damlo thei mai dawnin ka inhria. Luca Vitiello chungchang thil pahnih chiah hriat ka nei. A pa chawlh hunah emaw a thih hunah New York mob a enkawl chhunzawm dawn tih leh kut lawngin mi pakhat ngawng ruh a thuai tliah sak vangin
The Vice tiin a hming an phuah sak tih zawng a ni mai. Kum engzat nge anih pawh ka hre lo, ka cousin pakhat Bibiana pawh kha amah aia kum 30 zeta upa an neih luih tir a. Mahse Luca chu chutiang em ema upa ala nilo ang, apa pawhin hna ala chawlhsan hleinem. Chu chu ka beisei theih chhun a ni. A nunrawng viau angem? Kut lawngin a mihring pui ring ruh a thuai tliak duh a nia. New york mafia pawl hruaitu tur a ni bawk. " Ka pa" ka ti sap a. " Khawngaihin hepa hi min neih luih tir suh." Ka pa hmel chu a nelawm loh takzet. " Luca Vitiello hi pasalah i nei dawn. A pa Salvatore Vitiello nen thu kan thlung a, chibaiin kan nemnghet tawh. Luca tan nupui tha tak i ni anga, inhualna party kan neih hunah pawh nula fel tak angin i lang tur a ni." "Inhualna party maw?" ka aw chu a zawi kher mai, hla taka ri ni maiin ka hria. "Ni e, keini chhungkaw hnih inzawmna tur a thil pawimawh tak a ni tlat a ni.
Luca pawhin he inremsiamna avanga a thil neih tur hlut zia hi a hmuh theih phah bawk a nga. A lungawi loh kan hlau teh a nia." " Engtikah" ka aw chu thian ve bawk mah ila, ka hrawk a min hnawhtu a awm tlat. " Engtikah nge inhualna party chu?" " August thlaah, a ni tur kan la ruat fel lo." Thlahnih chiah hun a awm tawh, awmze nei lo zetin ka bu nghut a. Love story ka chhiar thinte anga hmangaihna vanga inneih thuchham ka chham ve hun turte ka lo suangtuah ve thin a. Hmeichhe naupang suangtuahna atthlak leh awmze nei lo mai a ni. "School kal chhunzawm min phalsak maw?" Zir chhuak pawh ni ila enge a tangkaina? College kal phalsak ka nih dawn loh bakah hnathawh phalsak ka ni ngai dawn lo. Ka tih min phalsak tur awmchhun chu ka pasal khum luahlumpui a ni mai.
Ka ngaihtuahna avang chuan ka hrawk a tawt nghal up up bakah ka mittui a hnai ta mai a. Mahse ka mittui hi a tla tur a nilo, ka inthunun thei lo anih vaih chuan ka pa hi a lawm dawn hauh lo bawk. "Aw. Vitiello hnenah Catholic hmeichhe school-ah i kal dawn tih ka hrilh a, ani pawh a lawm ve viau kha." Ni e, a dik chiah. Mipa dang hnaih a ka awm chu an remti teuh lo. "Thildang ala awm em?" " Awm tawh rih lo." Ka hriatna chawl duk chung chuan ka pa office chu ka chhuahsan a.
Kum 15 ka tlinna birthday kha ka tana ni pawimawh leh ka hmalam hun atana nun hlimawm tak herhchhuahpui tura ngaiin nghakhlel takin ka lo thlir thin. Atthlak lutuk. Nun bul ka tan hma hauhin tih tawp sak ka ni a. Ka duhthlan ang ni lovin, ka nuna thil thleng tur chu thlansak ka ni. Ka tap bang thei lo. Gianna mal chungah ka bawk a, ka luah duat takin min chul sak a. Kum 13 a ni ve tawh, kei aiin thla 18 chauhin a naupang. Mahse chu thla 18 chu nunna leh thihna tluk zet a inhlat a ni. Zalenna leh hrem hmun. Ka thil tawn mek avang chuan inthiamlohna leh tawrhna siam sak ve kher ka tum lo, a thiam loh a ni hleinem. " Ka pa chu be leh chhin la, a rilru pawh a thlak leh duh maithei a sin" Gianna chuan zawitein a ti a. " A thlak lovang" " Anih chuan ka pa chu ka nuin bia se, a hmin thei maithei a sin." Ka pa hi hmeichhe thusawi mai mai vanga rilru thlak duh tur chiah a ngai anih hmel. " He thil ti danglam tur hian tuman tih theih leh sawi theih an nei
lo." Mangang zetin ka ti chhuak a. Ka pa office a kal tur a min hrilh hnu khan ka nu hmel ka la hmu leh miah lo. Ka rilru a na dawn tih hriat lawk vangin min hmu ngam lo pawh a ni maithei. " Mahse Aria..." Hawichhuah pahin ka hmaia ka mittui luang chu ka tuai puat a. A mitmeng, nupui laia van dumpawl thiang kuk ang mai chuan lainat tih hriat zetin min melh kiau a. Ka sam hi rangkachak rawng anih laiin Gianna rawng rawng erawh a sen a ni ve thung. Achang chuan ka pa pawhin dawithiam pitar a tih phah thin a, a koh duatna erawh a hi hauh lo. " Luca pa nen chibai meuhin thu an tlung tawh." " An inhmu tawh maw?" Keipawhin mak ka ti viau anih kha. New York Familia boss hmu tur a hun a neih laiin, kei a fanu hi nawhchizuar ang maiin min hralh dawn a ni tih min hrilh lawk tur pawhin hun a nei lo a maw?
Thinrimna leh lungngaihna ka awm chhunga inbuan mekte chu an rawn vah chhuah mai loh nan inthunun tum takin lu ka thing nawk nawk a. " Chu chu ka pa min hrilh dan a lawm dan a lawm." " Engemaw tal chu tih theih kan nei ang." Gianna chuan a ti a. " Tih theih kan nei lo." " Mahse chupa chu ila hmu bawk silo, eng hmel nge a put pawh i hre hleinem. Putar tawi tet tut, hmelchhe deuh pawh a lo ni maithei a sin." Chu chauh chu Luca vanga ka buaina tur nise ka ti takzet. " Google chhin ang, internet-ah hian a thlalak hmuh tur a awm ngei ngei ang." Gianna chu zuah thawh pahin dawhkana ka laptop dah chu a man nghal a. Min si chetin ka bulah a rawn thu a. Luca chanchin ziahna leh thlalak chu a tam ngiang mai. A mitmeng ang reng reng a vawt chu ka la hmu ngai lo.
A mi thah turte lu a silai mu a thun dawn a a hmel landan tur pawh ka hre thiam nghal maiin ka hria. " Amah aia sang an awm ngai miah lo" Gianna chuan thlalak enkual pah chuan mak tih hmel zetin a ti a. A dik chiah, a thlalakpuite zingah amah anga sang an awm miah loh bakah a dar a pharhin thahrui ngah hmel tak a ni bawk. Chu chuan mi thenkhatin amah an sawina tawngkam The Bull tih pawh chu a sawifiah nghal vekin ka hria. Article thenkhatah chuan sumdawng mi leh club tamtak neitu Salvatore Vitiello fapa, a roluahtu tur tiin an ziak lang a. Mi zawng zawngin Salvatore Vitiello nihna an hre vek, thudik sawi chhuak duh tur khawp a mawl an awm lo mai zawk a ni. " Hmeichhe ngai thla a lakpui ngai miah lo anih hi." Ka pasal ni mai tur, a hmel atanga engmah hriat theih loh chu ka en reng a. Chanchinbu lam chuan dollar sang tamtak rochuntu tur, New York tlangval man to ber tiin an ziak kur ngei nguai a. Gianna chuan, " Karei... Nula ho hian an van bawr nasa em em, a hmeltha viau anih dawn hi" a ti hluai a. " Nei daih rawh se" ka lo ti fak a. Kan khawvelah hi chuan mipa hmelthatna chu an chhunglam a an sakawlh khawi khuh mawitu mai a ni. Pawnlam nulate hian sum leh hmelmawina chauh an thlir a, tlangval nungchang tha vak lo pawh nise infiamna chikhatah an ngai mai thin. An thil tih theihna hmanga hip khawmin an awm a, ramsa kawlh ang maiin an sa seh tur chu an lo thlang tawh mai thin. Mahse hriat loh an nei, an nui hmel mawi tak phenah hian thihna leh thisen a luang a ni.
" Umberto biak lawk ka ngai." Umberto chu kum mi 50 vel, ka pa sipaite zing a rinawm ber a ni hial ang. Kei leh Gianna bodyguard a ni bawk. Mi zawng zawng a hre vek ti ila a dik ber ang. Ka nu phei chuan mi thuruk hretheia a ti hial thin. Mahse Luca chanchin ka hre duh anih chuan ani tluk a hrechiang tur an awm chuang lo. " Kum 11 anihin mafia member nghet nihna pek a ni tawh" Umberto chuan nitina a tih thin dan pangaiin a chemte tah hriam hauh hauh pah chuan a ti a. Chokaah chuan tomato leh pudina kan rim nam chek chek mahse nidanga rimtui ka tih angin ka ti thei der lo. Mak tih vanga ka awki danglam tur chu thup tum tak chungin, " Kum 11-ah maw?" ka ti a. Anihna takah chuan kum 16 an tlin hma loh chuan mafia member pangai anga chhiar tel an ni ngai lo. Umberto chu ti lui tih hriat zetin a ha dar lang vek chuan a thawn sawng a. "Boss fapa anih vanga duhsak bik leh kum naupang te a member nihna pek angah i ngai a ni maw? Kum 11 anih laia tual a thah vanga member nihna hlawhchhuak a ni." Gianna chuan thawk halh pahin, " Ramhuai anih chu" a lo ti vat a. Umberto chuan ngaipawimawh lo tih hriat zetin a dar a chhin ak ringawt. " Hetiang mi hi anih a ngai, New York mafia enkawl tur leh roreltu ni tur chuan mi huaisen tak a nih a ngai a lawm." Inthiam loh hmel pu deuh lek lekin Umberto chuan min nuih sang a. " Karei leh!" "Enge ni ta?" Hriat belh zel ka duh em pawh ka hre thiam tawh lo. Kum 11 anihin tual a that a, a hnu lam kum 9 chhung khan mi engzat nge a thah ang?



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)