BOUND BY HONOR -3

Episode kal lai dah luhna

Moderator: writers

Puii Sailo
Posts: 126
Joined: October 21st, 2020, 8:05 pm

BOUND BY HONOR -3

Unread post by Puii Sailo » October 21st, 2020, 10:26 pm

Chapter – 3



Umberto chuan a lukawlh tul chu thin mat mat pahin, a bek atanga a khabe thlenga ser kual raih chu a hiat nauh nuah a. Sa pan lam leh hmeltha lem lo ve tak mai a ni a. Ka nu sawi danin ani tluka chemte hmang thiam hi an tam lo a ni awm e. Mahse, a insual lai leh a chemte hmang lai ka la hmu lo. “Ka sawi thei lo, New York lam hi ka hrechiang vak lo tlat”. Hlauhna avanga ka pum ti deuh nghulh chu tih reh ka duh vangin rilru lak pen nan kan eisiamtunu rawngbawl lai chu ka thlir reng a. Umberto chuan ngun taka min eng chungin “A neih chi viau ang, nakin lawkah chuan East Coast lama thil tithei ber a la ni dawn a, a venghim thei dawn che a sin”, a ti a. “Ama lakah chuan tunge min venghim ta ang?” ka thaw hawk a. Umberto chuan min chhang lo, thil chiang sa reng a ni tlat. Kan inneih hnuah chuan Luca lak atangin tuman min venghim thei dawn lo. Ka pa phei chu beisei chi pawh a ni lo. Kan khawvelah hi chuan nupui chu pasal ta a ni tawp mai. A ta chu a duh duh a a tih a thiang tlat.

Hun chu chelhdin theih duh viau mah ila, nidang zawng aiin a kal chak ni main ka hria. Inpuahchahna hun mamawh belh viau mah ila thlahnih chu a liam leh ta der mai. Inhualna party neih ni tur chu nihnih chiahin a dang tawh.

Ka nu lah chu in leh a vel mikhualte mithmuha sawisel bo a a lan theih na hnathawktute tih tur hrilh reng rengin a buai a. Diktak chuan ropui taka lawm tur pawh a ni lo. Kan chhungkua leh Luca-te chhung bakah Chicago Outfit leh New York Familia hruiatu lawk zualte chuah sawm an ni. Umberto sawi dan chuan kan hum tlan zawk theih nan a ni awm e. Kum tam tak hmelma lo ni tawh thin kan nih avangin engngemaw inhmuh thiamlohna a chhuah mai an hlauh vang a ni ber. Inhualna zawng zawng nen hian thulh vek se ka ti ngawt mai.

Fabiano chu insiamchhe chungin ka khumah chuan a zuang vak vak a. Kum 5 chauh a la ni bawk a harh tha vet vet tak a ni.

“Ka infiam duh a lawm”.
“Ka nu in inchhunga tlan kual a phal lo, mikhualten sawisel tur an neih loh nan engkim peih a ni tawh”.
“Mahse an lo la thleng chuang hlei nem”.
“Ka van lawm tak”.

Luca leh New York lam mikhualte naktukah chauh an lo thleng dawn a. Kut lawnga mi ringruh thruai tliaktu, ka pasal ni mai tur ka hmuh hmain zan khat chiah hun ka nei tawh. Ka maimitchhing a, “I tap leh tawh a mi?” tih pahin Fabiano chu khum atanga rawn chhukin min rawn pan hnai vat a, min lainat hmel zetin ka kut a vuan a. A sam buang uk deuh kharh thur bam chu tuai mam sak ka tum chu duh lovin a thle tawn sek a. “Engnge i sawi awmzia”, ka tap tih hre lo se ka duh. Ka tah pawhin zan khaw thim, ka mittui hliahtu tur a awm hunah chauh ka tap thin. “Luca-in a lei che avangin i tap reng thin Lily-in a ti,” a ti chu ka khawng nghal awt mai. Chutiang thu chu sawi tawh lo turin Lily hrilh vat a ngai. Buaina ka tawh phah thei tlat. “Min lei hleinem”….Dawt ka sawi, dawt ka sawi. “A in ang reng a lawm”, room kawngka atang chuan Gianna-in a rawn tih chuan ka lo en hau ringawt a. “Shhh… ka pa in hria se engtinnge i tih ang?” ti a ka zawh chuan Gianna chuan a dar a chhin ak a. “Ran ang leka a hralh che hi ka lungawi lo tih a hria a lawm”.

“Gianna” Fabiano melh ralh pah chuan ka ti thrat a. Min rawn melh chhoh vat pahin “Min kal san suh aw”, a ti sap a. “ Reilote bak a ni dawn hlei nem, Fabi..”, ka tih chuan a lungawi veleh mai bawk a. Mahse a hmel landan inthlak nghal vat atang chuan pawi a khawih ngei dawn a ni tih a lang chiang reng. “Min man rawh!” tih pahin kawngka bula Gianna ding chu a nemsawn dawrh a. Gianna kut thlawn ba duh lo chuan a um chhuak nghal a. “Ka vel dawn che, ramhuai note”, yih pahin corridor lamah chuan a um phei zel a. An thawm avang chuan Lilianna pawh a room kawngkaah rawn dakchhuakin a unaute pahnih tlanna lamah chuan a liam ve nghal bawk a. Chhungkaw rohlu an tarmawite an tik eh leh a nih vaih chuan ka nuin ka lu a tan duh hial tawh ang. Inhnuai chhukna kailawnah chuan ka thlawk thl ave nghal vat a, Fabiano chu a hmasa berah chak takin a tlan a, Liliana lahin man ngei tumin a hnung lawkah a rawn um bawk a. Ka nuin inzir nan pheikhawk sang min bun tir avangin Gianna nen chuan kan tlan chak ve thei lo a.

Fabiano chu khawthlang lam hawi zawnga corridor indawhah chuan a tlan zel avangin keini ho pawh chuan kan umzui ve zel a. Ka pa office awmna lam anih avangin ding tura auh vak mai ka duh. Mahse kan in um kual lai hi min hmu vaih se chuan hremna kan tawk ngei ngei dawn.

Fabiano hi puitling anga awm tura hrilh a ni. Engtinnge naupang kum 5 mi lek hi puitling angin a awm theih tehlul ang?
Buaina tawk lo a ka pa office kan tlan pelh theih avang chuan ka thaw huai hman, mahse corridor tawp kilah chuan mipa pathum hi an lo ding bial tai a. fimkhur tura Fabiano auh tuma ka ka ka an zuau lai chuan ka tlai hrat tih ka hmu nghal. Fabiano din tum chu Liliana tlan laklawk chuan a hnungah a va su-in an hmaa mipa ding chgu an va su chawrh a. Mi pangngai chu nise an su thlu tawp thei hial ang, mahse an va sut chu mi pangngai ni lovin 6.5 ft vel zeta sang leh ramsial ang maia thahrui ngah a ni tlat.

Ka bul vela boruakte chu an ding ta thuap maia ka hriat avang chuan keipawh chu ka ding ve nghal a. Gianna chu ka bulah thaw hlawp hlawpin rawn ding ve mah se ka hmaa ding ka pasal ni mai tur chauh chu ka en a. A kut chak tih hriat takin a chelh mek ka nau sam buang thar chu a melh chhuk run a, mihring ring ruh a thruai tliahna kut ngei mai chu!

“Liliana”, hlauhna avangin ka aw pawh a khur hialin ka hria. Ka nua hian pawi lian tak a khawih emaw, a chungah thil tha lo tak a thleng anih loh chuan a hmingpumin ka ko ngai lo. Ka hlauhthawnna chu thup thei ila ka ti takzet.

Luca leh midangte pawh chuan keimah min melh thup a. Luca mit meng paw vawt ruih chuan ka chip atanga ka ke ler thlenga chik taka a melh kual hnuah ka sam chu a thlek leh a. Karei! A sang takzet. A bula mi pahnih dingte chu ft 6 vel zeta sang ni mah se a lakah chuan mi te ang chauh an ni.

Lily darah chuan a la vawn reng avangin, “Liliana, lo kal rawh,” tih pahin Lily chu ka ban nghal a. Luca hnaiha awm turin ka duh lo. A tawlh hnung hrat hnuah ka lamah a rawn tlan phei vat a. Him ta ni a inngai niawm takin ka dara hmai phum chungin min kuah hle hle mai. Luca chuan a mithmul dum hlap chu a san deuh ak a. Gianna chuan thawk chhuah kawk pahin,”Luca Vitiello a nih aw”, a ti a, a huatna chu thup buai pawh a tum lo. Chu veleh Fabiano chu sakeibaknei thinrim rum ang maia rum chhuahin Luca lam pan chuan a tlan phei nghal a. A ban phak chin chin chu hnekin a ke-ahte chuan a pet sak bawk a.

“Aria hi tihbuai tawh suh, i nei dawn chuang lo”.

Luca bula ding pakhat zawk a rawn pen chhuah takah chuan thawk pawh ka thaw than ngam tawh lo. A kawr chung hak chhunglama a silai pai kawm pawh chiang takin a lang thei. A landan atanga chuan Luca bodyguard a nih ngei ka ring. Mahse ani ang mihring hian bodyguard a mamawh ve dawn em ni????

“Ti suh, Cesare”, Luca chuan a ti sap a, chupa pawh chu a ding nghal a. Luca chuan a kut pahnihin ka nau kut chu a vawn beh sak tlat a, ka nau kutthlakna kha hre awm pawhin a lang lo. Lily chu Gianna bula ding tura ka nemsawn lai chuan Gianna chuan a lo kuah vat a. Luca lam pan chuan ka pen phei chhat chhat a, hlau viau mah ila Fabiano chu ka hruai chhuah a ngai si. New York leh Chicago-te hian inremna siam tumin ruahmanna siam mek pawh ni se, mit khap kar lekah chu ruahmanna chu tihchhiatin a la awm thei tlat. A hma pawhin a thleng fo tawh thin. Luca leh a naute hi kan tan hmelma an la ni. “Min lo lawm dan chu a lawmawm hle mai, mikhualte chunga Outfit ho chetdan hi ka duh zawng a ni nek love”, pakhat chuan a ti hlak a. A sam chu Luca sam rawng ang tho a dum nimahse a mitmeng erawh chu Luca mit rawng aiin a thim zawk.

Luca aiin a hniam zawk bakah a sa a pan deuh zawk bawk a, Mahse unau an ni tih chu hairual a ni lo. “Matteo”, Luca-in awki hniam tak leh ngaihnatawm hauh si lova a rawn tih chuan ka khur leh der tawh. Fabiano chuan beih let tumin tal chiam chiam bawk mah se Luca ban sei zetin a dawm beh tlat avangin a pha lo a. “Fabiano”, a bana vawn pah chuan ka ti a, “A tawk tawh, hetiang hi mikhual lawm dan tur a ni lo”, ka tih takah chuan a tawp ve mai a. Hnunglam rawn hawi pahin, “Mikhual a ni lo, ruk bo che a tum a lawm, Aria” a ti a. Matteo chuan nuih kur kur pahin, “A tha dawn e, helai hmuna kal tura ka pain min ngen kha ka lawm khawp mai”, a tih chuan “Thupek zawk mawle” ti a Luca-in a lo hnial lai pawh chuan ka lak atangin a mit a la sawn duh chuang miah lo.

Chutia min en reng avang chuan ka biangte chu a sa deuh hat hat thei hial a, mahse ka melh let ve ngam chuang lo. Ka pa leh a bodyguard-te hian min ven ngun em avang hian mipa bulah kan awm tam ngai lo. Kan awm chhunah pawh chhungte leh putar ho bulah a ni deuh ber. Luca hi chu chhungkua a nih loh bakah putar a ni lo. Kei aiin kum 5 chauhin a upa a, mahse a landan hi a puitlin mai bakah a bulah chuan hmeichhe naupang ang lek ni maiin ka in hria. Luca-in Fabiano a thlah takah chuan ka lamah ka pawt hnai nghal vat a. Hnung zawngin ka taksa si cheta ding turin a awmah ka kuah bet nghal bawk. Ani pawh chuan Luca chu a melh rum kher mai. A huaisenna ang hi neih ve ka chak takzet. Mahse ani chu mipa a nih bakah ka pa roluahtu tur a ni bawk a. Boss tih loh chu tu thupek mah a zawm ngai lo. Huaisen taka a awm a ngai.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)