BOUND BY HONOR - 4

Episode kal lai dah luhna

Moderator: writers

Puii Sailo
Posts: 126
Joined: October 21st, 2020, 8:05 pm

BOUND BY HONOR - 4

Unread post by Puii Sailo » October 21st, 2020, 10:54 pm

Chapter – 4

Ti tak tak lem lo mah ila “Pawi ka ti khawp mai”, ka ti ve hram a. “Ka nau khan a zah loh vang che u a ni lo, a tihpalh a nih kha,” ka tih mek lai chuan, “Ka tih luih a nih kha,” Fabiano chuan a lo ti thrat a. Ka kuta a hmui ka hup sak nghal vat vang chuan ka kut chu pawh thlak a tum a, mahse ka thlah ngam tawh lo.

Gianna chuan, “ Ngaihdam dil suh,” a lo tic hang fak a. Mit mei hmanga ngawi tura ka hrilhna ngai pawimawh duh loin a sawi zawm leh a. “Kan thiam loh a ni hlei nem, a bodyguard-te hi kan kalna tur awm lo khawpin corridor-ah hian an ding tlat a nih kha. Fabiano thusawi kha a dik chiah, mi zawng zawngin an hlauh tlawn a, nakin lawka a nihna tur vangin, ka p…….,’ “Gianna!” ka lo ti vin tuarh a. Sawi zawm ta lo chuan phawk fein min rawn en a. “Lily leh Fabiano te an pindanah hruai rawh, tunah!”. Lily leh Fabiano te chu an banah kaiin a kalsawn pui ta nghal a. Ka pasal la ni mai tur nen a kan inhmuh hmasak berna hi hetiang teh hrep hi a ni ang tih ka ring pha bik lo. Inti pachang luiin amah leh a naute chu ka hmachhawn ta ran a. Luca thinrim hmel hlauhawm tak hmuh ka in rin lain nuihza hmel a pu deuh zawk tlat. Zahna avang chuan ka hmaite chu a sa deuh hat hat mai.

Tunah chuan heng mi pathumte hi keimah chauhin ka hmachhawn tawh tih ka hriatchhuah leh rual chuan zaman avangin ka pum chu a in let nghal but but bawk a. Ka pasal ni mai tur nena kan inhmuh hmasak bernaah hian hetiang thawmhnaw hi ka ha a ni tih ka nu in hre vaih se chu a a thei hialin ka ring. Ka kawrfual ngainat e mem, a ban kiu chena sei ka ha a, taks lang tam lo tur ber chi ka lo hak vang chuan ka lawm hle thung. Tih mai tur ka hriat loh vang chuan kuangkuah atin ka ding a, “Ka naute pahnih vang khan ngaihdam ka dil e. Anni kha….” Mawilo taka tawng chhuah ka hlauh vangin sawi zawm mai dawn tur ka hre lo. “Ven him che an tum a nih kha”, Luca chuan a lo tis am et a. A aw kia tang chuan a thinrim nge rim lo pawh ka hrethiam lo. “Hei hi ka unaupa, Matteo a nih hi.” Matteo chuan engmah sawi lovin a then sak ringawt a. Min chibai a tum lo chu ka lawm kher ma. A tute pawh hian min rawn hnaih a nih vaih chuan ka in thunun zawh ka ring lo.

“Chuan hei hi ka thachhang dawltu, Cesare a nih hi.” Casare chuan a lu min buk khum zauh hnuah corridor vel enfel turin a kal ta nghal a.

Eng thil nge hmuh an in beisei le????….An mahni that turin tutee maw kan lo chan ruk tur pawh ni hlei lo. Luca biang chu ka melh ran a, a mit taka melh let ve ang deuh a ka lan theih ka neisei. “ Ka nuate bulah ka hank al tawh ange.” Luca hmel atang chuan a hrethiam tih ka hria, mahse a bula awm hi nuam ka ti lo hle a ni tih hre mah se pawi tihn apawh ka nei lo. Min tihlau lutuk tlat. A phalna ka dil pawh a ngai lo. Ka pasal emaw ka pasal hual emaw pawh a la ni hleinem. Rang taka inherin ka kalsawn ta nghal a. Tlan lo tuirn ka inthunun hram hram.

Engngemaw ni bik deuha hak tura ka pa in ka nu a lei sak, min hak tir chu a fual deuh theih beiseiin ka pawt chat chat a, mahse a fual phah lem hlei lo a. Gianna phei chuan taksa show-na kawr a tihsak hial. Ngaihtuah mumal pawh nei loin darthlalangah chuan ka in en reng a. Hetiang thawmhnaw, taksa lang tam lutuk hi ka la ngai lo. Kawrfual dum chhingte, ka malpui thleng awrh tur, a awm bawr rawngkachak rawnga chei chu hnute khuh phat awk tawka zau a nib awk a. Darbah dum sinte chu a khaikangtu awmchhun a ni mai. A kawng leh mawng bawr chu min phuar trang a nih vangin ka pianzia a lang chiang khawp mai.

“Hei hi chu ka ha thei lo ang, ka nu,” ka nu chuan darthlalang atang chuan min rawn melh nghal vat a. A sam, ka sam rawng aia duk deuh hlek chu a kilh bet vek a, kawrfual mawi tak,chhuat hnuk dalh thei a ha bawk a. Hetiang tal hi ha ve thei ila ka ti. “Ti hian i lang puitling sawt a lawm,” a yi sep a. Ner deuh nang pahin “Inzuar ka ang.”

“Inzuar hoin khatiang thawmhnaw an ha pha lo”.

Ka pa hmei kha chuan tutee maw car man aia to mah tur thawmhnaw a in bel thin reng sia. “I thawmhna whak hian i kawng fek rat hi a ti lang chiang bawk a, i bawp pawh a sei hmel khawp mai, Luca duhzawng tak a ni dawn tih ka chiang”. A nghawng zau taka tanga ka awm bawr lang phir thraih chu ka en a. Ka hnute a len lem loh avangin push-up bra ka hak pawh chuan hna a thawk tha tehchiam lem lo. Kum 15 mi nula puitling anga tura chei ka ni.

“Kha le”, tih pahin ka nu chuan pheikhawk 5 inches zeta sang chu min pe nghal a. He,i bun chung hi chuan Luca khabe pawh ka chen pha ve maithei. Ka bun zawh hnu chuan ka nu nuih lui sak pahin ka sma chu ka zut mam nghal thuak thuak a.
“Fiore Cavallaro meuh pawhin Chicago nula hmeltha ber i ni a tih che kha. Hawisang vah la, New York-ah pawh ang aia nula hmeltha leh duhawm zawk an awm lo tih an hriat ngei theih nan Muca leh a chhungte hi hmuhtir ang che.” A tawng dan atang hian chanchinbu lamin nula laka Luca tlaknatzia an ziahte kha a lo chhiar ve ngei a nih hmel. Ka pain engngemaw hrilh a nei pawh a ni maithei.
“Ka nu’ tim deuh tak chuan ka ti a. Mahse min chhang lo chuan a tawlhsawn hret a, “Kal tawh rawh, ka rawn zui ang che. Mahse vawiin hi i tan ni bik a nih angin pindan chhungah nangmah chauha il uh a ngai dawn a. Mipa hoin an lo nghak tawh ang che. I pain Luca nen a inhmelhriattir che anga, chumi hnuah chuan chaw ei turin dinning roomah kan kal khawm vek ang,” he thil hi vawi tam tak min hrilh tawh.

Tunah tak hi chuan ka nu kut vuan chuanga min kalpui tura ngen chiam mai ka duh a sin. Mahse chutianga ti ta lo chuan pindan atangin ka pen chhuak ta zawk a. Ka nuin tih luihna hmanga pheikhawk sang bun min lo ziritr kha ka lawm hnuhnawh kher mai. Chhawng khatna mipa ho meilum aina nik thin pindan kawngkhar ka thlen chuan ka thin[hu ruala ka hrawk phu ve zawt zawt chu ka hre thei a. Tunah tak hian Gianna ka bulah awm thei se ka ti takzet. Mahse awmdan mawi hrilh pahin nunphung pangngaia awm turin ka nuin a zilh mek ang.

Keimah chauha ka paltlang a ngai. Vawiin angah hi chuan kei aia mi mit la zawk tur eng thilmah a awm thiang lo. Tlanbo daih duh rum rum chungin thjing kawngkhar dum, lianpui chu ka thlir reng a. A chhunglam atang a mipa nui ri ka hriat chu ka pa leh Boss an ni tih ka hre thei nghal mai a. Tunah huan America rama thiltithei leh hlauhawm ber berte awm khawmna pindana lut tur ka ni. Chinghne rual zinga beramno awm ang main. Ka lu ka thing nawk a, hetianga ngaihtuah hi ka bansan a ngai.

Ka innghah rei tir lutuk mah mah tawh, kawngkhar hawnna chu vuanin kla herh hawng ta a. Rang taka lutin hawi kual hmasa lo chuan ka khar leh nghal a. Ka huaisennate sawm khawmin mipa ho lam chu ka hawi ta a. An ngawi ta thup mai, engngemaw ka sawi a ngai tihna a mi le? KHur nas hle mai ila, an hmuh loh hram ka beisei. Ka pain min rawn hmuh chuan a lungawi hle tih a hmel atanga chuan a lang thei a. Luca mitmeng vawt raihin min lo melh reng tih ka hmuh chuan ka khawng ngjal vekin ka hria. Thawm dang engmah a awm loh avangin a no dawm lai dawhkana a nghat ri rak pawh chu a ring khawp mai. Thawk pawh ka thaw than gam tawh lo.

Tu emaw ber hi a tawng chhuak vat lo a nih chuan helai hmun atang hian ka tlan chhuak daih dawn. Inthunun tum takin pindan chhunga awmte chu ka melh kual a. New York mi leh sate chu Matteo, Luca leh Salvatore Vitielli bakah an bodyguard pahnihte Cesare leh tlangval la naupang takte chauh chu an ni tih ka hrethei mai a. Chicago Outfit lam atangin ka pa, Fiore Cavallaro leh a fapa, nakin lawk a Outfit enkawl zuitu tur Dante Cavallaro bakah Umberto leh ka cousin Raffael, ka ngei e mem, a hmela huatna leh a thinchhiatzia hmuh theih rengte chu an awm bawk a. An sirah chuan ka nau khawngaihthlak, Fabiano chu puitlingte hak ang suit dum hain a lo ding ve kaka tih ka hmu tel bawk a. K abulah lo kalin amah thlamuan turin min mamawh tih pawh ka hria, mahse ka pa thinrim dan tur a hre sa vek.

A tawp a tawpah chuan ka pa chu rawn pen chhuakin ka hnungah min rawn kuah a. Beramno talh tura an hruai ang main chung mipa hlauhawm tak takte awmna lamah chuan min hruia phei a. Chulai hmuna thil thleng mek avanga ning hmel pu tak awmchhun chu Dante Cavallaro chauh a ni, a scotch no dawm chuah a melh a. Thla hnih liam taah khan a nupui vuina hun hmang turin kan chhungkua pawh kan tel ve a. Kum 30 mi lekin nupui a sun a, lainat viau tur ka ni tih hre mai ila Luca min tih hlauh thinna ang maia min tih hlauh thin avangin ka ngaina thei tlat lo. Ka pa chuan nakin lawka ka pasal la ni mai tur dinna lamah chuan min kai phei a. Ka pa hmela chapona lo lang chu, lawm avanga a hmaa Luca thingthi duh hial tur khawpa beiseina a ni ngat mai. Chu chu Luca pawhin a hmuh hmaih bik lo tih hai rual a ni lo. A mit meng vawt ruih chuan ka pa mit takah a melh let ve kar bawk a.

“Hei hi ka fanu, Aria.. a nih hi”. Vanneih thlak takin Luca chuan kan lo inhmuh tawh dan zahthlak tak kha a sawi chhuak bik lo. Fiore Cavallaro chu rawn tawng chhuakin, “ Thil tha ka tiam che a ni lawm ni khah?” a rawn ti lung lung a. Chhuat chu rawn inhawngin ka pum hian min dawlh daih se ka van ti tak em! Hetiang tak hian mi mit ka chungah a la fu ngai lo. Raffaele min melh dan chuan ka hmulthi a ti ding ur ur thei nia. Tunhnai lawka member puitling anga lakluh a nih bakah karhnih liam taah khan kum 18 a tling ve chaih bawk. Khami ni atang khan a hma zawng aiin a chimawm zual bawk a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)