TOXIC_LIPS Chapter - 11 By : Msi (Hmeichhe Naupang Tereuhte)

Episode kal lai dah luhna

Moderator: writers

Msi Miluhlulnui
Posts: 274
Joined: October 18th, 2019, 7:46 pm

TOXIC_LIPS Chapter - 11 By : Msi (Hmeichhe Naupang Tereuhte)

Unread post by Msi Miluhlulnui » October 21st, 2020, 11:10 pm

TOXIC_LIPS #CHAPTER -11

By : Msi (Hmeichhe Naupang Tereuhte)



"I fiamthu em ni? Fiamthu na hun pawh a ni lo" ka ti hlak a, mahse a hmel chu a thutak fû si "fiamthu ni ila ka sawi fak dawn em ni... kawng awmchhun a nih hi i pawm dawn nge dawnlo?" A rawn ti ve leh chat.



"Um... engvanga deal min siampui tum nge inih ve ngawt, engthil chiah nge tih i tum a? A landanah chuan an pahnih chauh saw țhen hran tum niin i lang lo" ka ti a, sofa hnung chu ka ngheng nghal ar ar bawk. "I fing e, i nu pawh neih let ka duh rualin a fa pai lai leh i pa saw țhen hran ka duh, tichuan a chiang mai em?" A rawn ti a, ka nui sak.



"I thei dawn em ni? Bakah dân pawh a va ni lo ve nangpawn i hrechiang ang chu pafa chu engtikah mah i țhen hrang theilo ang, an awmna hrang mahse engtik lai pawn a fa a ni reng ang a a pa pawh a ni reng bawk ang a danglam ngai lo ang like you... i fate i bulah an awm mek hi. Hrim hrim in i thil tih tumah hian engvanga min hnûh luh tum ve nge i nih? Enge ka țangkai ve na?" Ka ti chhuak sep.



"I țangkai lutuk mah mah zawk mawle, a hmasa berah chuan i nu leh i pa te inkara buaina siam turin ka mamawh che i hnehsawh tih ka hria alawn. Chumi hnuah erawh chuan i nu hnenah ka kianga rawn let tura hrilh turin ka duh bawk che, heng thil hi ka fate tan chauh a ti ka ni ka fate hian i nu an ngaina in nu tak angin an ngai a a awm loh hlek pawn a hming an lam reng țhin, henghi ka fate tana ka ti tih min hriatsak la min pui turin ka duh che" a rawn ti a, ka kut chu ka hmer kawp a amah chu ka en a.



"Duh lo ta ila... bakah i fate tan a ti ini mahse i tan a ti i ang mah zawk" ka ti leh kher a, a ang tak tak bawk. Vawitam a fate hi a nupui hlui bula an awm ka hmu fo țhin a chhan pawh ka nî te dawrah an pathum in an lo kal fo țhin a ka nî phei chuan a huat ruk êm avangin alo buaipui ngailo hrim hrim.



"Ka tan pawh ka ti tel tho, i nu hi ka Hmangaih a neih let ka duh mai chauh a ni a dang zawng erawh chu ka fate tan... ka fate hlim theih nan chauh a ti ka ni. I duh chuan inngaihtuahna hun ka pe ang che naktukah chhanna min rawn pe dawn nia in a ka awm lai i nang lo a nih erawh chuan message hmang khan min rawn hrilh dawn nia ka Whatsapp khawihna a nih kha" a rawn ti nghal zung zung a, a phone a rawn ri a, a la a "aw sir" tih pah chuan a tho chhuak a ka thaw nghal ham ham mai.



Dik taka sawi chuan keipawn an mahni pahnih ka huat êm avang hian țhen hran duhna rilru ka pu daih tawh, ka nu leh pa te mah nise hreawm tak leh inchhir ngawih ngawih in hun hmang ve se ka duh a kei min rawn ngaihsak tawh lo mahse tlem tal pawn inthiam lohna nei ve tal se, an tan a ka thiltih zawng zawng te kha min hmuh thiam sak se ka ti ngawih ngawih bawk.



Mahse chumi karah chuan he mihring bialnu emaw fate nu ni tur êm chuan ka in duh lo bawk, ka in phal hek lo, hetiang mihring kianga awm ai chuan he deal hi pawm loh pawh ka thlang zawk, buaina dang a inhnuh luh belh leh zel ka duh tawh loh bakah ka hman bawk hek lo, mahse deal pawm lo in amah hi chu ka pui thung ang a fate nu ni kher lo pawn he thil hi chu ka ti thei chiang alawm le.



"Sawi duh ila nei em ni?" A țhutnaa rawn țhut thlak leh pah chuan a rawn ti a, ka țhu ngil a "ka inngaihtuah fel tawh chuan deal kha ka pawm lo, deal tello pawh khan ka pui ang che a harsa vak lemlo ang mahse deal kha kal tlang pui țalh i tum a nih chuan ka pui ngai lovang che" ka ti a, hahthlak min tih hmel zet hian a thaw ham ham a.



"Deal tello hian i thei ang tih i chiang chiah maw?" Chiang zeta min rawn en pah chuan a rawn ti nghut, ka bu nghat a "a harsat loh zia chu nangpawn i hrechiang ang chu mawle... in pahnih inkar pawh ka tibuai fo alawm ka theihtawp ka lo chhuah dawn nia a nih loh chuan keima duh thu in ka che ang thurâwn min pek eng ang emaw thil tihdan tur min hrilh chhen te kha ka ngai lo ang ka thiam ve lo khatiang kha" ka ti a ka ding chhuak a, ka coat hak chu ka siam țha nghal mawlh mawlh bawk.



"Min mamawh chuan min lo ko dawn nia" ka ti a, min chhanna pawh nghak tawh lo chuan kawngkhar lam ka pan phei nghal bawk. An fanu pawh engah mah min ngai lo a hetianga min ti thei a nih chuan keipawh hian ka ngaih pawimawh bik nachhan tur ka hrelo, ka nun nun in ka nung ve mawp mawp anga ka thih hun hunah ka thi bawk ang chu chu a tawk chiah.



Tlaiah chuan ka thawmhnaw leh bungrua zawng zawng ka private room lamah ka lak phei tira ka bike pawh a ruk thei ang berin ka la phei bawk. Laldinpuia pawn min rawn biak a tum reng a mahse ka chhang duh lo țhianho group-ah pawh zanina inhmuh khawm an rawt a ka seen ringawt thung.



Mama pawh ka lawmpui takzet, an chhungkaw hnih in zanin tlaiah dinner an ei ho vek dawn a. A mawhphurhna a hria a a kalsan loh avang te pawn ka chhuang takzet, Nunui hi a duh ngailo chhungte avang mai mai a inkawp anni tih pawh ka hriatpui vek a mahse a tu mah mah a be chhe ngailo, mipa tam tak chuan hetiang hi tawng ta se ti tla tura hrilh emaw an nei duh lo ang mahse Mama erawh rilru puitling tak a pu a, a mawhphurhna a hria a ka lawm takzet bawk.



Tun ațang chuan amah tihbuai loh hram hram ka duh tawh ka va tihbuai reng chuan miin min lo ngai khawlo ang tih pawh a hlauhawm zawk mahni in ka nun nun in ka nung ve mawp mawp ang a ka theih ang ang ka ti ve bawk ang hmeichhe pangngai tak anga nun ka tum chho zel anga ka bike te pawh khalh loh ka tum tial tial bawk ang.



Hna ka zawng ang a mahni inchawmna tur chu ka thawk chhuak ve mai bawk ang kha leh chen chenpui nei reng si khan mahni chauh ang in ka nung a tunah pawh hian ka thei dawn tih ka chiang hle bawk, tum chuan kawng a awm an tih kha. Mi angin pangngai taka nun ka zir zel anga ka theih hunah Doctor-a hnenah pawh ka in lan leh chauh ang, hmeichhe pangngai leh mi anga nun ka neih hnuah chuan lawm takin min pawm ve tawh mahna.



Ka account-a pawisa awm zawng zawng ka la chhuak vek a thawmhnaw dawr hrang hrang ah lut kualin thawmhnaw leh pheikhawk țhenkhat ka la khawm nual bawk. In luah tur ka hmuh hma chu ka private room-ah ka awm hrih ang a ka hmuh veleh ka inthiar chhuak nghal bawk ang ka mamawh engkim a awm vek miau alawm thildang vak ka mamawh belh vak lo ang.



Sim card thar ka lei a ka number neih zawng zawng chu ka note chhuak vek bawk a mahse ka țhiante number bak ka dah lut leh chuang lo bawk. Sim card hlui chu ka tichhe nghal bawk a tikha chuan Doctor-a chen in min rawn be tlang thei tawh lo ang ka inpeih hunah a hmaah ka in lan leh ngam chauh anga mahse chutah chuan ka tlai loh hram ka beisei, ka lo tlai a nih erawh chuan hreawm ka ti kumkhua tawh bawk ang. Mahse tunah rih chuan hetiang nun nen hi chuan a kiangah hun hman ka duh rih lo a ni, tih mualpho ka duh lo.



Chuan zanin erawh ka nundan țhin anga ka awm tawp berna zan tur a ni a, ka kal ngei bawk ang.



Zan a ka thawmhnaw hak tur zawng ka dah chhuak a ka thawmhnaw țhenkhat chu suitcase-ah ka khung bo a closet-ah chuan ka thawmhnaw lei țhenkhat leh ka neih sa tlem a zawng chu ka khai a pheikhawk vel chu ka dah fel nual bawk.



Ac-ah pawisa ka lo la neih nual avangin pheikhawk pawh ka lei thei a mahse to tak tak erawh ka lei chuang lo tikhan ka neih zawng zawng deuh thaw a zo vek a hna ka zawn vat vat a ngai bawk. Zaninah midang sawipui ka tum ang hna min hmuh tur an lo nei nual maithei.



Dar 7 vel ah chuan ka intifai a ka sam huh te chu chhem ro in ka insiam nghal sawk sawk a t-shirt dum ha in jacket dum ka ha leh mai a cotton jeans dum ha in addidas sneaker ka bun bawk. Ka cap ka khai tlar dulna lam chu ka pan a ka en vang vang a henghi ka khum tawh dawnlo chu a ni si a âwih har ka ti takzet. Theihtawp a hna ka thawh a ka thawh chhuah ve chhun a ka lei hlawm an ni a, ka țhian ang chiah an ni ka kiangah an awm reng mihring angin min kalsan ve ngailo keiman ka tichhia emaw ka paih bo a nih dawn loh chuan.



Nike black cap chu ka la thla a ka en vang vang "engtikah emaw chuan ka la khum leh ang che... mahse tunah chuan i pi hi hna nasa takin kan thawk leh phawt ang aw... lo inenkawl țha la" ka ti sep a, darthlalang hmaah chuan ding in cap chu ka khum a drawer chu hawng in ka mask pakhat chu ka la chhuak nghal bawk.



Room ațanga ka chhuah chuan lehlam thawm pawh alo ring viau tawh a an țhahnem viau niin a lang. Madam hnen ațang chahbi ka la tawh bawk a tuman an hmang thei tawh lo bawk.



Madam pawn let leh turin min ti a mahse ka hnial fi thla țhak, kan hmel sorry-i pawh a hming vawrh lar tawh thu a sawi bawk a. Ka ai a awh a ni mai tih zawngin ka chhang a nih kha, ka private room hi a awmna a fâl deuh bik avangin tuman an kal pawh ve zen zen ngai lo a mahse thawm erawh a hriat theih hle thung.



Party-na hmun turah chuan ka inkhalh phei a midang zawng erawh chu an thleng vek tawh thung, kei chiah min nghak țhin. A hmun ka thlen rual chuan tawi khawmuang lo in ka pan phei nghal a an lo zi leh hut hut tawh bawk. "Hey, i țha maw? Inhmuh ava khat ve" counter bulah chuan țhu in Oscar-a chu ka be nghal a beer ka lamah a rawn nawr phei a kei lah in ka lo nawr phei leh thung.



"Zanin chu ka ti dawn lo la let rawh..." ka ti a, a ngaihna hriat loh hmel zet hian min en reng chungin beer ûm khat chu ala let leh zâl zâl a "i rawn kal khat tawh lutuk a Famkimi te țhianho iti hrilhhai alawm" a rawn ti a, ka nui ringawt "hrilhhai deuh a awm hi a țha ve reng reng ania" ka ti zui sep.



"I țhiannu nen khan kan inbe ve zeuh zeuh zela ka rin ai a fel phian mai" a rawn ti a, midangin in tur an rawn dil avang chuan a pe zui leh zat "Siami chu fel deuh mai hi ania, a rilru a țha a mi a ring hma bawk chuan a țah belh bawk ania in inngaihzawn palh takin ka hrilh che a nih chu" ka ti a, a rawn nui chhuak nghal hawk hawk.



"Ka hrilh țep tawh ang... lo haw phawt se" a ti zui ve sep a, a lai reuh zawk nge maw ni.



"Um... enkawl țha viau rawh aw a natna neih zawng zawng kha tuam dam sak tum la i thei dawnlo a nih chuan kalsan ang che, a tuar hnem tawk tawh lutuk mahse nang chu i fel a i enkawl țha dawn tih ka hre reng ka ring che nia" ka ti a, lai zet hian a rawn nui a a tukhum thak lo pui ala hiat zui lehnghal bawk hahthlak țhin hian aw...



"I țhiante pawn an nghahna che a rei tawh... Arema pawh vawithum lai a rawn kal hman nia mawle hei intur hi ken phei sak rawh" tih pah chuan whiskey ûm khat chu a rawn nawr phei a "ka stock a nih kha" a rawn ti ru zeuh a ka nui chhuak hak bawk.



Whiskey ûm khat chu la in kan țhianho awmkhawmna lam chu ka pan a thlen phei hma chiah mahse an lan kim theihnaah chuan ding in ka en reng a Mama pawh alo awm ve leh reng tawh a a hma ang chiah khan a hmel pawh hmuh a nuam leh ta bawk. Arema leh a bialnu ni âwm tak in play lai chu au dar dar in an lo en vek a Arema chu tihdan an hrilh hlawm bawk.



Inchung lam a infâwp chho ngawng ngawng pawh an bang lo, hetiang hian a hma zawng khan ka nun ka lo hmang țhin kha a ni a ka bansan tawp mai tur hi âwih har ka la ti lutuk takzet a ni. Ka hun hman tawhna ka mitthla zuai zuai a ka lo nui leh ringawt țhin bawk.



Ka țhiante lam chu ka hawi phei leh Mama chuan min rawn hmu ve leh chiah a, an lama kal tur chuan min hûi zeuh a ka nui a, bu nghatin an lam chu ka pan phei nghal a ka seat-ah chuan țhu whiskey chu dawhkanah chuan ka nghat thla a.



"Kan lo nghak che a" Asawmi chuan a lo ti nghal var a ka nui a "ngatinge min lo nghah duh a țan ula, zanin chu ka tel ve lo ang ka lo en ang che u țan rawh u" ka ti a, ka nui lui sak bawk. Laldinpuia erawh ka melh duh lo ngar ngar a min en reng tih ka hria. Ka chunga a thiltih kha ka theihnghilh theih mai mai ring suh se... chutiang bawkin amah hua anga lan ka tum bawk hek lo.



"No no no... i tel ngei ngei a ngai kan inhmu khawm khat tawh bawk si tel ngei ngei rawh" Lalmama chuan a rawn ti a, a țawngkam hman avang chuan ka nui chhuak hak "ni e... tel rawh, i tel loh te chuan a nuam hleinem mawle boruak siam tu ber inih kha" Arema bawk chuan a nula pawm țhat leh pah chuan a rawn ti a, ka thaw ham ham.



"Nope! Zanin chu ka tel lo ang ti rawh u... kal loh aiah ka rawn kal a nih hi ka mood a fuh teh chiam lo a in tih luih a chi miah loh ang aw..." ka ti a, an vai chuan min en țhap "i mood fuh loh chhan i sawi dawnlo em ni?" Laldinpuia aw ri ka hriat rual chuan amah chu ka en phei nghal vat a amah pawh chuan min lo en reng mahse rei pawh en lo in muangchangin ka hawisawn a midang pawn ka mood fuh loh chhan min zawt ta sek bawk.



"Nakinah ka hrilh dawn cheu nia.... hun nuam tak in hmang lai ka tibuai cheu in ka hria ka lo va kalsawn ang a nakinah ka rawn let leh ang" ka ti a, ka ding chhuak a bathlar lam pan in ka phei nghal daih bawk. Bathlar-ah chuan ding in thli thaw vûk vûk in thingkung a chhêm bûk suau suau chu ka melh reng a ka thaw leh hak țhin.



"I țha maw? I awmdan a dik leh tawh lo ania" Mama aw ri ka hriat rual chuan ka bul mai ah chuan a rawn ding chawpchilh nghal a hmalam chu ka la en reng "um.. ka țha lawm zanin chu ka awm a nuam teh chiam lo a chu zawng chu a ni mai... in zanriah ei chu enge a an?" Ka ti nghal a, thli chu a rawn thaw nghal vûk vûk bawk.



"Um... a nuam a ni mai, ka rin ang an lo ni lo. Diktak chuan a chhungte saw han sual viau leh mahni fate pawh ngaihsak lo turah ka lo dah ve ngawt a mahse chutiang chu an lo nilo nasa mi hi kan hmuh leh hriat dan ang hi an lo nilo nasa a nih hi ka ti ta" a rawn ti a, ka nui sak bawk.



"A ni reng asin...keipawh chutiang chu hmuh tir ka duh țhin alawm mi hi an pawnlam landan ang ngawt an ni lo tih, belchiang hmasa lo in kan han sel ve rawk țhin a mahse han belchiang nah se chuan an thusawi kha lak let an duh rum rum țhin ang. Mahse țhenkhat hi chu a in let leh thawk tho pawnlama țha fû si chhunglam sual leh em em te pawh an awm a nang ang te" ka tih rual chuan ka lu ah a rawn kuk fawk.



"Chutia mi tih le ka thlak thla daih dawn che maw ni le" a rawn ti nghut a ka nui chhuak hak ringawt "ka sîm hman ka thlak a nakinah ka rawn bia che anga group velah khan min lo add țha leh rawh nangmahni ho number bak ka save lo a" ka ti a, ka cap khum chu la thla in ka sam chu ka tuai chho puat bawk.



"Chuvang a nih chu ka call theih reng reng lo che, in luah tur ka hmu a ka lo biak sak dawn che mi thla khatah 8000 tur ania. Building ania chhawng chung ber a ni bawk khaw thlir a nuam asin a hmun a thawveng bawk" a rawn ti a, tlaia ka sawi kha alo bawhzui nghal a ni ngei ngei ang hepa tak hi chu aw....



"Pawisa pawh ka la neih loh hi mawle hna te ka zawng ve phawt anga mahse inchung ber a nih chuan ka duh tho a... hna te kan zawng phawt ang" ka ti a, ka lu ah chuan a rawn tuai zeuh a "a pawisa lamah kha chuan buai duh suh... ka in thlang lawkah khan ania an mahni pawh an awm vak ngailo in luah man pawh account-ah thun tawp mai tur ania an fel lutuk" a rawn ti a, amah chu ka en a.



"Ilo bawhzui nghal zat a ni maw... mahse kei pawh i hmu tak rau rau ah chuan en ve ka duh a vang leh dawn bawk si naktukah min en pui la i hman ang em?" Ka ti a, a bu nghut "ka hman ang mahse chawhnu lamah aw... chawhma lamah chuan Nunui Damdawiin lamah kan kal pui phawt ang a, bungrua pawh a awm nual a chutiang anga in lei vak a ngai lo ang aw" a rawn ti a ka bu nghat nghat.



"Ka lawm lutuk aw... min lo hmuhsak a" ka ti sap a ka lu ah chuan a rawn tuk leh fawk rum zet hian ka melh zui nghal bawk. "Lawmthu sawi ziah a ngailo ka tih tawh kha ka tih ve theih chhun a nih hi... midang lah sawn zawn sak tih che an nei dawn der si lo an mawl mawl in an mawl ve tawp a nih saw" a rawn ti a, a chet zui hluk a ka nui chhuak hak.



"Pa țha tak ni ang che, pa inih tawh dawn avang mai hian i țhiante hi min theihnghilh lo la, min han theihnghilh hlawm nah teh i mumangah kan rawn in lar vek ang tih hria ang che" ka ti hlak a, nui chhuak hawk hawk in ka tukhum samah chuan a rawn tuai a "ka theihnghilh țan tawh cheu chu a nih hi" a rawn tih rual chuan a dul ah chuan ka nghawk sak pawp a a rawn nui chhuak hawk bawk.



Midang mood ka ti fuh lo vek nge ni, beer in in eng eng emaw an sawi khawm neuh neuh ta ringawt a keimah zawkin nuamlo ka ti leh ringawt tawh bawk. Laldinpuia'n min biak phet a tum a mahse pakhat mahin ka ngaihsak lo, a tawp a tawpah ngaihdam min dil ta ringawt a chupawh ka uk sak vak lemlo bawk, ka ngaidam mai mai thei rih tlat lo a tin ni.



Dar 10 velah chuan an inkhalh haw sap sap a Arema lah chuan a kal dawnah keimah vang a nih thu ala sawi hram zui lehnghal a, hepa hi chu a mizia hi a mak ve thei hrim hrim "um.. ke a kal chungin kan leng khawthawng lawk dawn em ni ang... eng emaw kan sawi dun leh ang a" Mama chuan ka helmet ka la tur chiah chu a rawn ti a, ka dah thla leh riai riai.



"A chakawm mahse in nu khan min țhuai sawm palh ang" ka ti a, a rawn nui chhuak hawk.



"Țhuai sawm bik êm nang... lo kal rawh keipawn bike ka keng alawm kan let leh dawn nia" a rawn ti a, ka zui ve leh ta nge nge. Footpath-ah chuan kan kal dun a khua a vawh ve deuh avang chuan ka jacket iptêah ka kut ka dah a street light êng chuan kawngpuia motor lo tlan te pawh a chhun pha vek a a chunga April kung lian zet chu a chhun nalh hle bawk.



"Eng hna nge ka zawn ang tih ah ka la buai a nih hi... hna a vang ropui si ka thawhna hluiah phei kha chuan ka thawk peih tawh bawk si lo a thawhna tur te i hre mial em?" Ka ti sep, thli a thaw vûk vûk a ruah sur tur ang maiin khawpui a ri dur dur bawk "hnalam hi chu ka lo ngaihven lem lo a mahse i zawn dawn rau rau chuan hahthlak deuh deuh kha thlang lo la hahdam si hlawh țha tur si kha zawng la aw" a rawn ti a ka bu nghat.



"Thingpui dawr velah hian ka thawk dawn maw ni le ka ti a hahthlak vak bawk si lo a hlawh a țha âwm tho sia emaw thildang ka ti zawk dawn... Oriflame te hi ka khawih ve mai dawn maw ni inzir nan zel" ka ti a, nui chhuak hawk in min rawn tuk leh fawk "Oriflame te chu a sawi pawh sawi teh suh khai... make up pawh hmang ngailo hmeichhia hian eng mah chin châng i hrelo ang restaurent vela thawh chu a hlawk thlak zawk ang" a rawn ti a keipawh chu ka nui chhuak ve hak bawk.



Make-up lampang kan hriat loh mai si zia chu sawi ngaihna pawh ka hrelo zawk mawle.



"Dr. Zorema chu engtia tih nge i tum?"



"Um... hetiang ang ringawt hi chuan a kiangah ka awm theilo a tin ni, ka mawl pawh iti viau thei a mahse ka theihtawp ka chhuah anga nun pangngai leh țha tak leh hmeichhe pangngai ang tak tak a ka nun ve theih hunah chauh in lan ka duh tawh a ni, ka nunhlui chu eng pawh nise min pawm theih dawn phawt chuan pawi ka ti lo mahse zahawm tak leh sawisel reng ni lo a amah hnaih ka duh ve... ka nunhlui hian ala ti mualpho dawn tho ka hrechiang, hmeichhia chu i hriat kha nun uluk kan ngai teh asin" ka ti a, min rawn kuah a.



"Engpawh chu nise, i chimawm leh ngêng na hi i thunun thei meuh ang nge maw" a rawn ti a ka nui chhuak hak "chutak chu ni harsa tur chu" ka ti a, kan pahnih chuan eng eng emaw sawiin kan nui dun a dar 11 velah kan inkhalh haw bawk. Ka țhiante hi ka tan chuan ka chhungkua te an ni.




Zingah chuan ka tih ngai loh dan takin hma deuh ah ka tho a, hma deuh ah ti ila dar 9 a ri dawn tawh🤣. Ka intifai sawk sawk a pangngai thei ang ber tur chuan ka inthuam a. Ka sam chu ka thlah mawl tawp a ka clutch neih ve chhun chu dawhkanah ka dah a darthlalang hmaah chuan ka in en vang vang.


rps20201021_230658.jpg
rps20201021_230658.jpg (47.44 KiB) Viewed 5329 times


"Hmeichhia ka nih hi... ka inthuam danah hian diklo a awm lo" ka ti sap a, ka âwm chu dawm in ka thaw nghal ham ham bawk. Ka tih dan ziah a ni bawk a ka chhuak tur chuan ka helmet kan ban zeuh pek a ner nângin ka dah thla leh "vawiinah chuan ni lo" ka ti a, rang zetin kawngkhar chu hawng in ka chhuak nghal daih bawk.


Ke in bus stand lam ka pan a ka thawmhnaw hak hi ka hak ngai loh a nih avang chuan ka awm thiamlo, a khat tâwkin ka in en leh zeuh zeuh țhin a mi te chuan min en duh riau a hriatna ka nei tlat zel lehnghal. Bus stand-ah chuan ding ve vângin bus chu ka nghak a ka thawmhnaw hak chu ka thlêk thla leh nge nge țhin.



Hetiang hian ka inthuam ngai zen zen bawk si lo a ka awm thiamlo chuan keimah hi kimlo riau in ka in hre bawk. Bus a rawn thleng a ka lut a tu vak mah an lo awm lo bawk, damdawiin peng a chhuk turin pawisa chu ka pe a ka țhu tawm châi bawk. Thil hrechhuak thut in ka phone chu ka phawrh chhuak a hnunglamah țhu keimah chiah ka awm avang chuan thla ka in lak zeuh a dp ah ka hmang nghal daih.



Doctor-a thawhna damdawiin chu kan tlan pel vû vû a, a lan theih chhung chuan ka en zui țâwk țâwk a ni ber. Nimin khan lo chhuak miah lo turin min hrilh a mahse ka chhuak leh tho bawk a min rawn biak a tum ngei ang a keiin ka sîm hman ka thlak daih bawk a a hrilhhai ve ngawt ang.



"Doctor.. min lo nghak rawh, theihtawp ka chhuah ang kum khat pawh a ngailo ang hmeichhe pangngai tak angin min hmu tawh ang tih ka tiam a che" tiin mahni hriat tawk lek chuan ka phun sep a.



Damdawiin peng ah chuan ka chhuk a, Mc lam chu ka pan phei nghal bawk dawr hrang hrang chu ka enkual zela thawktu an mamawh em tih chu ka zawt kual ve nual bawk. Restaurent changkang ve zet pakhat ka kalpel tur chiah chu ka ding dat, kawngkhar chu ka en vang vang a hnathawktu an mamawh tih alo intar kuau a rang zet hian ka lut nghal thawr.



"Enge i duh ang lo țhu rawh" hnathawk pakhat chuan alo ti nghal var a ka lo nuih a "ah... hnathawk tur in mamawh thu inziak kha ka lo hmu a chuan ala thawh theih em le tih rawn zawh cheu ka tum a" ka ti a, hetiangah hian țawngkam thiam tak nih ve ka chak lulai takzet.



"Aw... boss lo hmu la lo kal rawh ka lo hruai ang che" a ti a, ka bu nghat a a kalna lamah chuan ka zui phei ve nghal bawk. An boss office ni ngei tur kawngkhar bulah chuan a ding a a kik dat dat a kei erawh chuan a sirah ka lo nghak reng. Mipa aw thum lampang hian lut tura a rawn tih rual chuan kawngkhar chu hawng in a lut zui nghal a kei pawh chuan a inkhar hma chuan ka zui lut ve nghal a.



"Boss.. hei biak che a duh a" chunu chuan a ti nghal sap a "engthilah nge?" Chupa chuan a ti nghal sup bawk, a aw thûm lampang leh nghet lutuk chu hriat a nuam takzet "hnathawk tur kan duh thu kan tar kha alo hmu a chumi chungchangah chuan biak che a duh a" chunu bawk chuan a ti leh.



"Ok... kan lo inbia ang e i hna va thawk leh tawh rawh" chu pa chuan a ti a, chunu chu rawn inher in keimah pawh min be tawh lemlo chuan a chhuak zui nghal daih bawk. A chhuah hnu chuan sawi tur ka hrelo lutuk chu ka ngawi rân a a ni lah chuan min biak a tum lo tih hriat zet hian lehkha a bih ngur ngur. Enge ka sawi hmasak ber ang aw...



"Țhu la" țawng ka tum rual chiah chuan a rawn ti sup a, bu nghat in țhutthleng pakhat chu ka nawr chhuak deuh a ka țhu thla nghal vat "i tlin chiah ang maw... ka tih awmzia chu i thawk dawn rau rau a nih chuan chawlh lak reng te chhuanlam ho mai mai avanga chawlh te kha ka phal dawn lo a chuan hnathawh laia thatchhiat bik emaw lo zawi fal bik emaw midang biak phêt tum ang te kha ka duh lo bawk. Customer te țha takin ilo be tur a ni a i ngaihsak țha bawk tur a ni" a rawn ti dap dap a ka lo bu nghat nghat.



"Hnathawh leh mimal nun chawhpawlh lo bawk la ka sawi zawng zawng bak leh thildang pawh i ti thei dawn lo a nih chuan i thawk lo ang mahse i thei dawn a nih erawh chuan i thawk thung ang... nangma thu a ni tawh e" a rawn ti leh sup a ka thaw nghal ham ham "um.. ka thei ang, nilo... ka thei dawn alawm" ka ti a, ka țawngdan vang chu nge ni a rawn nui suk a.



"A nih chuan vawiin ațang i țan nghal mai dawn nia. Nichina lo lut kha Țhai ania amah kha va bia la ani'n engkim alo hrilhfiah vek ang che" a rawn ti leh a, ka bu zui leh nghat.



"Engmah i sawi dawn na nge?" A rawn tih chuan ka hawichhuak a lehkha alo bih tawh lo min lo en reng tawh zawk, ka hmel a hmuh rual chuan a mitmeng a danglam nghal zawk a mahse rei a ni lo "um.. ka lawm e" ka ti sep a, a bu nghut ringawt.



"I hming sawi la" a rawn ti a, lehkha pakhat leh pen pakhat chu a la nghal a "Hmingthanzuali" ka ti ringawt a, amah pawn engmah min zawt chhunzawm tawh lem lo a bu nghut a a lehkha ken ah chuan a ziak lut nghal bawk.



Nichina min hruaitu nu kha ka bia a ani'n engkim min hrilhfiah vek bawk. Ka nun bul ka țanna hmasa ber tur chu vawiin ni hi a ni a, ka țan dan erawh țha fû lo mahse a tawk lutuk rih tlat a ni. Ka rin ai customer an ngah a rawn lut an awm reng bawk. Ka theih ang ang in ka lo buaipui a ka thlan te pawh a tla ve hluam thei. Hei pawh ka vawikhat tihna a ni a han tih vak ngaihna ka hre lem lo.



Ka nî te dawrah kha chuan ka kal ve fo țhin a mahse hetiang ang em em hi chu ka ti ngai lem lo ka thiamlo, ka țawngkam thiamna pawh in a daih chuang lo tuna ka thiltih pawh hi ka ti ve țang țang a nih hi, pawisa ka mamawh miau alawm.



Customer rawn kal an awm tak loh ah chuan ka chauh lutuk avang chuan țhutthleng pakhat chu pawt chhuak in ka țhu thla dawt a, min rawn hau mahse pawi ka ti lo tunah rih hi chuan ka chau rih êm a tin ni, thaw ham ham in ka phone chu ka phawrh chhuak nghal bawk a Whatsapp-ah chuan ka lut nghal a.



Ka țhiante message chu ka chhang mawlh mawlh a Lalsiami ka bawl a min la hrelo hrim hrim tunah pawh hian mipa angin ka insawi a a chanchin ka hre lutuk te chu mak a rawn ti rapthlak lutuk, min zawh apiang ka lo hre zel sia kei lah in a chanchin ka hriat hmang chuan ka bia a mak a ti lutuk chu a rawn call tawp zela mahse ka pick duh chuang ngailo.



"Tho rawh... boss in a rawn hau ang che" titu nu chu ka en chho a Țhai alo ni, ka hawikual thuak a "amah pawh a awm loh hi bakah tumah an lo kal chuang lo a reilotê tal chu kan țhu chawl ve lawk ang" ka ti țha ve mai a ka phone chu ka bih zawm lehnghal zat bawk.



"Chupawh nise CCTV a awm a, kan che lai vel a hmu thei vek tunah pawh hian min en mekin ka ring, tho vat rawh" a rawn ti leh a ka mit sir chuan bang vel chu ka melh kual leh hram a sawi ang tak tak chuan alo awm kiau bawk a ka thaw chhuak nghal ham ham, avan hneawm ngai em em ve mawle hengtiang te chu jail-a inkhung nen danglamna pakhat mah a awm lo hrim hrim.



Tlaiah chuan ban hun an tih veleh chuan ka apron awrh lai chu ka la thla sawk sawk a dawhkan ka hrukfai hnufual bik avangin midang chuan min hawsan vek a dawr khar tur tu pa nen tlawng kan awm tawh bawk "ka kal dawn asin... lo khar mai rawh aw" din chhuah rual chuan ka ti a mahse tumah ka hmuh tak loh avang chuan ka hawikual ruai a.



"Hetah a awm reng sia" tih sep pah chuan hnunglam ka hawi a mahse eng emaw ah chuan ka in tauh deuh chawrh "i țha em?" Rawn titu avang chuan ka hawichhuak a kan boss chuan chiang fahran chuan min lo melh reng chu niin ka mit ko ka lo sân khum ak "ka țha mahse ka hawina turah ilo awm a nih kha" ka ti a, ka tawlhsawn nghal bawk hna kan bang tawh a zah taka han biakna chhan tur ka nei lem lo, dawr chhungah kan la awm tih te mai chauh a ni.



"Ok... sorry, tunge i zawn a?" A rawn ti zawm ve zat a a aw pawh a nêlawm ta deuh "dawr khar tur tupa kha... hetah kan ding dun reng a mahse ka hmu tawh lo i hmu em?" Ka ti a, a hnunglam chu ka enkual nghal deuh bawk.



"Hnathawk ten dawr an khar ngailo keimah hlirin ka khar țhin, i hman chuan kan chhuak dawn em ni zan a rei hma in" a rawn ti a, ka bu ve mai. Kan chhuak rual a be tawh lem lo chuan kal ka tum a mahse ka banah chuan alo vuan "enge a?" Ka ti nghal hlak bawk.



"Min lo nghak rawh... kan phei rual dawn nia" a rawn ti ham ham nia, ka ner khum nak a "engvang ngawt chuanin maw kan phei rual ang a phei rual nachhan tur pakhat mah kan neilo" ka ti a, ka kut chu la thla in ka inher a kawng chu ka kân nghal daih bawk. Kha mihringin min melh danah khan keimah min hriatchian hmel, mahse min hrechiang turin kan vawikhat inhmuhna a ni bawk si... aw, ngaihtuah zawm tawh lo teh ang.



Ke in bus stand lam bawk ka pan phei leh a thla a sik ve deuh ruak tawh avangin zan lam boruak pawh a vawt sur tawh mai lunch kha ka ei hnem ve êm avangin ka ril pawh a țam em em lo a mahse eng emaw eitur chu ka lei leh nual thung.



Kar khat hlawh tawp in min pe zel dawn a țha ka ti tho tho, engzat pawh hlawh mah ilang ka inkhawl ve bek bek anga ka tuak ngah vat theiin ka ring bawk. Chawhnu lamah Mama a hman loh avangin in pawh kan en theilo a mahse min lo hauhsak tawh miau avangin chutiang em em in ka hlauthawng fahran chuang lo.



Kan veng lamah ka in khalh phei a, kan inkawtah chuan ding in kan in chu ka en chho vang vang a thaw chhuak hak in kawtzawl chu ka pan phei a chhunglam êng kung ah chuan an awm tih ka hre thei bawk. Kawngkhar bulah chuan ka ding vâng a a hawnna chu nghet zetin ka vuan bawk.



He inah hian ka lut leh tawh lo ang tiin thu ka intiam a mahse ka luh leh ngei a ngai si, ka nu leh ka pa pawh hmuh ka duh chuang lo mahse ka hmuh ngei a țul bawk si ka huphurhna leh ka chakna hi a inzat vel ngeiin ka ring deuh.



Pawn ațang chuan nui dar dar thawm ka hria a zawimuangin kawngkhar chu ka hawng a mahse inchhung chu alo reh leh ang țhuap bawk si, kawngkhar chu thawm dîm thei ang berin ka pawt chîp leh a lut pheiin choka chu bang phen ațang chuan ka en a, dawhkan an lo kil far hlawm a ka ni, patea leh chhan bottle-a te pawh an awm bawk, ka en lai reng chuan an nui dar dar a bang chu nghengin ka maimichhing vang vang.



Tisawn kei chu min ngaihtuah lêk lo in hun an hmang a ka tello pawn an hlim em em a kei chu an tan chuan mithi ang vel ka ni tawh ang, an nunah pawimawhna ka nei ve tawh lo tih chiang takin an ti lang a tiang hian chhungkua angah chuan an inngai ve ngei âwm si. Mahse eng ang chhungkua nge ni ngai mahni fate pawh theihnghilh țhak thei hi, heihi chu a rapthlak lulai takzet a ni.



Thawm dîm thei ang berin inchungah ka chho a, thawm siam ka hlau hle bawk. Ka room kawngkhar bulah chuan ka ding leh rên râwn a, a chhungah thildang an dah tawh ang em tih chu ka ngaihtuah zawm nghal zat ringawt bawk. Ka ngaihtuahna chu duh lo zetin lu ka thing nak a kawngkhar chu hawng in room chhungah chuan ka lut a mahse mak deuh mai chu engkim chu ka chhuahsan ni a an awm ang khan an la awm vek.



Kal pheiin ka khumah chuan ka țhu thla a ka room chu ka enkual nghal bawk. Heiham... tunah hian he inah hian engvanga kal nge ka nih tih ka hrelo, ka kal ve tawp mai tihna em ni nge ni a buaina chawh chhuah ka tum zawk... tum pawh nei em em lo in ka kal ve tawp chu a ni a chuan kei min theihnghilh țhak a hlim taka an awm lai ka hmu lehzel bawk a.



He inah hian engmah tihtur ka nei ve tawh lo, an inkarah pawh ka inrawlh bawk hek lo ang chutiang chiahin an awm awm in awm rawh se kei min theihnghilh thei a nih chuan keipawh hian ka theihnghilh thei ve ngei tur a ni, a hma pawn ka thei alawm enge tunah ka theih loh bik ang... ka thei ngei ngei tur a ni.



Thaw chhuak hak in khum ațang chuan ka tho chhuak a room chu chhuahsanin thawm dîm thei ang ber chuan inhnuai lam ka pan thla leh mahse step pathumna ka rap chiah ka pa aw ka hriat avang chuan ka ding dat a muangchangin ka hawi thla a an vai chuan min lo en vek a "fanu tlanbo a lo haw e" tih chu a sawi nawn lehnghal zat bawk.



"Bawihte...." ti a ka nu rawn kal a tum rual chuan "rawn chho suh!" Ka ti nghal tâwk! Ka kut chuan ka lo dang nghal bawk a, a dinna ngaiah chuan a let phei leh riai riai bawk "enge hetah i rawn tih a? Ilo haw duh tawh em ni Bawihpui?" Ka ni chuan a rawn ti a ka lu ka thing mai.



"Ka rawn kal mai a ni e ka chhuak lehnghal dawn ka tibuai palh ang che u" ka ti a, step-a ka chhuk thla tur chu pa Sanga thusawi avang chuan ka ding leh dat "i sawi awmzia ka hrelo" ka ti nghal sep bawk, a ni hi chu ka zah a ka pawi engmah sawi a neilo bawk chuvang chuan ka biak chhiat nachhan tur lah a awm hek lo.



"Thil hi felfai leh in pawh tlang takin i sawi ho ang u khai Engzuala te pawh... in fanu a ni a in ti lutuk mah mah a ni, thil reng reng ah hian chintawk a awm ve ania Bawihpui nangpawh lo kal la thil i sawiho ang u" patling fê hian patea chuan a rawn ti a, ka lu thing nar nar in ka nui lui sak.



"He in chhunga ka sawi tur zawng zawng chu ka sawi zo vek tawh a sawi leh tur pawh ka nei tawh bawk hek lo, a ngaithla tur pahnih pawn an ngaithla tawh a ka rawn kal mai mai a nih hi eng teh ual ah lo ngai suh u tun bak chu min hmu tawh lo bawk ang, ka kal ang e" ka ti a step-ah chuan ka pen thla leh chhat chhat, chhuat ka rap chiah a ka pa chuan "chesawn tawh suh. I dinna ngaiah khan ding reng rawh" nêlawm loh fahran hian a rawn ti nghal bawk.



Nuih lui sak in amah chu ka en a "ni lo e... thu min pe turin ka engmah ini tawh hleinem tiraw? Nangpawn i sawichiangin i chetziaah pawh i tilang alawm...i sawi duh zawng zawng i sawi ve tawh bawk a ni lawm ni... a ngaithla turin ka ngaithla tawh bawk a a tawk mai alawm" ka ti a, an mahni chu ka kalpel nghal a.



Kawngkhar ka hawng tur chiah ka hawi let leh "pa..." ka ti sep a, rang zet hian a rawn hawi let a beisei net zetin min en bawk "tuna ka nu pum chhunga naute awm mek kha i fa ngei a ni tih i chiang em ni? Pa Thangkima fa pawh alo ni maithei asin tiraw? Paternity test pawh inti âwm tawp si lo a. Mahse, ah... ka rindan mai mai ania in rilru tih hah nan hmang duh suh u mangțha ule" ka ti a, kawngkhar chu hawng in ka chhuak zui nghal daih bawk.



Buaina siamsak ka tum a ni lo thil nih theih dan ka sawi mai chauh a ni. Ka nu chu a rai ngei alawm mahse a rai avang hian ka pa fa pawh alo ni ngawt lo thei pa Thangkima fa pawh alo ni reng thei bawk a chuvanga khatianga sawi mai chauh kha a ni, an mahni ka hmuh leh hunah chuan fanu lak tlak tak angin min hmu tawh ang.



Zanah chuan room-ah ka tawm ngar ngar a beer emaw whiskey emaw tal ka in chak lutuk chu room chhuatah chuan ka vei kual sek a ka ti țhang tawh lutuk a ngaiah ka nei a ti lo chuan ka awm thiam lo tawh.




Zingah chuan hna kal turin ka insiam leh a dar 11 velah dawr hawn chauh tur a nih avangin ka hmanhmawh lem lo hle bawk. Simple leh hmuh nuam thei tur ang ber chuan ka in thuam a, ka insiam zawh chuan dawr lam pan tur chuan bus stand lam chu ke bawkin ka pan lehnghal a.



Ka thlen chuan hna kan thawk zui nghal mawp mawp a, an thil ei zawh chiahna dawhkan chu ka hrufai mawlh mawlh a kawngkhar inhawng ri ka hriat rual chuan "lo kal rawh u" en pawh en lo chuan ka lo ti vat a, ka hru zo ka hawichhuak deuh chiah chu ka hmaah tak mai a mipa lo ding ka hmuh rual chuan ka tawp nghal chawt a!.



A hnungah chuan kan Doctor-a chuan a rawn zui lut nghal bawk.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)