BOUND BY HONOR - 6

Episode kal lai dah luhna

Moderator: writers

Puii Sailo
Posts: 126
Joined: October 21st, 2020, 8:05 pm

BOUND BY HONOR - 6

Unread post by Puii Sailo » October 22nd, 2020, 12:08 am

CHAPTER – 6

“Hei hi engnge a awmzia?” ka pa chuan a ti a. “Ka thil neih veng tur a i thlan chhuahte hi biak lawk ka duh mai a ni”. Ka bula thu Gianna chu a lo thawk chhuah halh avang chuan ka sik vak a. An inbiakna hi kan ngaithla ru a ni tih tumahin an hre tur a ni lo. An kawng ruk siam hi keimahni vanga midangin an hre chhuak a nih chuan ka pa hian min ngaidam hauh lo ang. “Sipai tha tak an nia lawm, Rafaele hi Aria cousin a ni bawk a. Umberto hi thangkhat lian aia rei mah kan hnenah a thawk tawh.”
“Ka rin dawn leh dawn loah chuan keiman thuthlukna ka siam mai ang”, Luca chuan a ti a, ka lo ip chawih mai. Ka pa a hmusitna tilang lo mah se a tawngkam chuan a chaldelh zia a tilang chiang hle. Ka pa pawh chu lungawi chiah lo mah se a bu ve ta nghut a, mahse pindan chu a chhuahsan duh ta bik lo. Luca chu Umberto hmaah chuan dingin, “Chemte i hman thiam zia ka lo hre tawh a.” “A thiam ber”, ka pa chuan a lo ti nghal vat a. Ka pa lo inrawlh sek vang chuan Luca chu a in seh ruh deuh tawlh2 a. “Titi leng vak atangin ka lo hre ve a, i unaupa ang em a thiam chu ka ni love”, ti a chhan pahin Umberto chuan Matteo chu a buk khum nghat a. “ Mahse ani tih lohah chuan il al ram chhungah pawh min khum tur an awm bik hauh lo ang.”

“Nupui i nei tawh em?”

“Kum 21 chhung kan in nei tawh”.

“A rei tawh hle mai. I nupui lakah chuan Aria hi angel ang maia itawm a ni dawn a nih chu”, Matteo chuan a lo ti a. Ka thaw chhuak halh mai. Umberto pawhin a kawr chhung lama a chemte pai hnaih thei tur ber chuan a kut chu a dah nghal a. Midangte pawh chu chu an hmu vek a, ka pa pawn a melh ve kar..mahse inrawlh a tum bik lo. Umberto chuan aw a thian kharh a, “Aria hi a piantirh atangin ka hre tawh a, naupang mai a nih hi”.

“Naupang a ni reng tawh dawn lo”, Luca chuan a lo ti a. “Ka mitah chuan naupang a la ni reng ang, chuan ka nupui tan hian ka rinawm reng bawk ang”, Matteo melh ran pah chuan Umberto chuan a ti a. “Ka nupui hmusitn atawngkam i chhak chhuak leh a nih chuan i pa ka dil anga, ka nupui zahawmna humhim utrin chemte hmangin ka in bei ang. Chuan hre rawh.. ka that ngei bawk ang che”.

Hetiang hi chuan a tha dawn lo tawp mai. “Tum chhin ta che”, a ha var lang thaw khawpa then chungin Matteo chuan, “mahse i hlawhtling chuang lo ang” a ti a. Luca chu muangchanga inkuangkuah pahin Matteo lam hawiin a bu nghat a. “I rintlak dawn khawpin ka hria Umberto”. Umberto chu a tawlhhnung hrat a, mahse a mit chuan Matteo a hawisan hauh lo thung. Luca chuan nelawmna tel reng reng lovin Rafaele chu a melh run mai a, a din hnaih em vang chuan ka unaupa pawh hnung lamah a eu deuh awrh a. rafaele chu mahni inringtawk leh hlauh nei lo ang maiin lan tum ve bawk mah se Luca lakah chuan ui note in sakei tih thaih a tum ang chauh a ni.

“Chhungkaw zinga mi a ni a, Aria ngaihmelh tur chuan i ringhlel hauh lo ang tiraw?’ ka pa chuan a lo ti vat a. “Aria a ml;eh dan kha ka hmu reng a lawm” Rafaele en reng chungin Luca chuan a ti a. “Theite hmin tai tha tak , it vanga lawh ngei tum angin”, Matteo chuan a lo ti ve vat bawk a.A thusawi lai chu sawi nuam am tih hmel kher mia. Rafaele chuan amah tanpui turin ka pa chu a melh nghal ruai a. “Phat buai tum suh. I mit meng atang hian engnge i duh ka hre vek. Aria hi i duh a ni”. Luca hmel chu a rum lehzual. Rafaele pawh chuan a pha buai ta bik lo. “Khatianga i melh kha ka hmu leh emaw pindanah in pahnih chauha in awm lai ka hmu emaw, a kut hmawr chuah paw hi khawih a ni tih ka hriat vaih chuan k athat nghal ang che”. Thinrim vangin Rafaele hmai chu a sen deuh hlar tawh a. “Outfit member pawh i ni lo a, lo pawngsaul pawh ni ila tuman an hrilh lo ang che”. Karei! Rafael tawng tawh suh. Luca mitmenga tualthah duhna kha i hmu ve lovem ni?

“I hmuh ve atan vedio in ka lo record dawn nia”. Rang lutukin Luca chuan Rafaele chu chhuatah a theh thlu nghal thuai a, a khup chuan a hnungzang ruhah a do nghal a. A ban lehlam chu hnung lamah la in a herh zui nghek. Rafaele chu chhuah tumin a tal chiam a, anchhia alawh pah tuarh tuarh bawk. Mahse Luca vawnna atanga chuan a talchhuak zo lo. A kawr chhung atanga chemte a phawrh chhuah lai chuan nghet zetin Rafaele banrekah chuan a chelh tlat. Ka kete chuan min zo tawh lo. “Kal rawh”, tiin Gianna chu ka hrilh ru a. Mahse min ngaithla duh lo. Hawisawn rawh Aria, ka en lo thei si lo. Tawp turin ka pa sawn a hrilh e mem ang. Mahse ka pa chuan Rafaele chu ten hmel zetin a melh thung. Luca chuan mitmeiin ka pa a rawn a, Rafaele hi a sipai a ni lo, hei hi a lal ram pawh a ni lo, Chicago a nih hi. Mahse zahna tilang turin ka pa phalna a dil thlap bawk si….

Ka pa in a remti tih lantir nan a lu a buk tak nghauhah chuan a chemte chu nawr hniamin timna awm miah lovin Rafaele kutzungte a tan sak a nih chu! Ka khawhmuh a thim thleng chuan ka unaupa te ri chuan ka beng a luah khat a, thawm ka chhuah loh nan ka kutin ka ka ka hup a, Gianna chuan a ti ve lo. A luak chhuak lutuk chu ring takin a uak ta thawt mai. Min luak khum loin step lamah chuan a luak thla ta hlauh.

Kan thawm an hre tawh. Gianna zakah chuan la in kawngkhar ruk chu ka nam hawng nghal a, ka hawi chhuah rual chuan ka pa thinrim hmai sen chu ka hmu hmasa ber. A hnungah chuan Cesare leh Romero te pawh silai kengin an lo ding ve bawk a. Gianna nen min hmuh dun takah chuan an silaite chuan an kawr chhungah an thun leh nghal. Gianna chu a tap miah lo, a tap ve mai mai ngai lo. Mahse a hmel a dangin a taksa zawi deuh ng uai chuan min ngheng chungin a ding ve hram hram a. Min rinchhana ding nilo se chuan keimah takj pawh hi buaipui ka ngai ngei ang. Mahse ka intih chak luih hram2 a ngai.

“Nang bawk maw!?”, ka pa chuan Gianna chu a vin tuarh a. “Buaina i siam leh dawn tih lo hre sa tawh tur ka nia sin”, tih pah chuan min ngheng a ding mek Gianna chu a rawn pawt sawn dawrh. Lounge lama hnuk pheiin a hmaiah a beng ri chawrh. Rang takin an awmna lam pan chuan ka tlan phei nghal a, ka nau hian ka puihna a mamawh. Ben leh tuma a kut a lek leh lai chuan ka nau chu kuahin keimah ka in dawh ta ringawt mai. Luca tha chak zet chuan akut veilamin ka pa banrekah a lo man a, a kut dinglam chuan Rafaele kutzungte a tanna chemte kha thisen kai hnuangin a la hum reng a.

Mak tih vangin ka meng phawk kawk. He inchhunga thuneitu ber chu ka pa a ni a, kan chunga thuneitu pawh amah tho a ni. Luca chetdan hian ka pa zahawmna a ngainep tihna a ni. Umberto chuan rang takin chemte a phawi vat a, ka pa pawhin a silai a lo vuan ve nghal. Matteo, Cesare leh Romero te pawhin an silai an chuh ve nghal vek. Rafaele na tuar chu chhuatah chuan a lo let tawn ve sek a, a na tuar rum ri tih loh thawm dang hriat tur a awm lo. Hetiang inhualna hi a thleng tawh thin a ngem? “Ka zah loh vang che a ni lo”, Luca chuan a ti dam thliam a. “Mahse Aria chungah hian thuneihna i nei tawh lo. Ka nupui hual ni tura ka kuta i hlan hnu khan a chungah eng hremna mah i lek thei tawh lo. Ka ta a ni a, a chungah ro ka rel tawh ang”. Ka pa chuan ka kutzungtanga zungbun chu a melh vang vang hnuah a thle deuh bak a, Luca pawhin a kut a vawnna a thlah ve nghal. Pindan chhunga awnm ve dangte pawh an inthlahdul ve ta deuh. Mahse an silaite chu an la hum reng tho. “A dik a lawm”, tih pahin ka pa chuan rum zetin min rawn melh a. “Anih chuan nangman zirtirna i pe dawn lo’m ni?” Luca mitmeng vawt zetin min rawn melh chuan thawk pawh ka thaw tha ngam tawh lo.

“Ka thu a awih lo ve hleinem”, a tih chuan ka pa chu a lo ner deuh sak a. “I sawi dik. Mahse in inneih hma chuan Aria hi ka inah a la cheng reng dawn a, chutia a chunga thununna ka lekkawh theih tak si loah chuan ka thupekte zawmtir dan ka zawng tawh mai ani’ang chu”. Gianna chu enin vawikhat a beng leh a. “Aria, thil tihsual i neih apiangin i unaunu hian a tuar zel tawh ang”. Ka mittui tla tur dan nan ka hmui ka pet fan fan ringawt. Anmahni ka huatna ka thup theih hma loh chuan ka pa emaw Luca emaw pawh ka melh duh lo. “Umberto, Gianna leh Aria te hi an pindanah hruai chho la, chhuak tawh lo turin veng tlat ang che.” Umberto chuan a chemte chu khung thain amah zui turin min mit mei a. Ka pa chu kal pelin kun deuh ngaiha ding Gianna chu ka kai vat a. Chhuata thisen baw nuaih leh kutzungtang let reng kan kal pelh lai chuan a in hnit faih. A kuta tanga thisen chhuak reng tih tawp tuma buai mek Rafaele chu ka mitsirin ka melh zauh a. A kut, a kekawr leh a kawrte chu thisen chhuak nasa lutuk avang chuan a sen ngei nguai vek tawh a. Gianna luak chhuak chu a insangmar leh teuh tawh.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)