Naktuk chu ka u thihna kum khat pualin hunserh kan buatsaih dawn a,hmun dang atang chhungkhat laina te an rawn kal ve dawn avangin ka buai nileng dawn a, ka rawn dah theih loh pawn min lo hrethiam hram hram dawn nia aw, mahse lo dah hman chu ka tum tho ang,
Adore you -8
Baby lalnunfeli pov.
Rosangpuia office kal hnu chuan tihtur engmah ka hriat loh avangin in hnuai lamah ka chhuk thla a,Lucy i chuan chhuat lo nawtin puih nghal ka tum chu alo phallo ngang mai,engmah tih a phallo bur a, awm mai mai chu hreawm ka ti zawk. "" Bawihi, lo kal teh""rawn ti tu ka pa chu ka leh hawi vat a, min nuih sakin room pakhatah chuan min koh lut zui nghal a, chu room chu ka lo hmu ngai miah lova, a te fel àt a, athianghlim em em bawk.. Kil khatah lehkhabu tlem leh file tamtak alo in rem dal a, an rem dan(style) pawh chuan mit ala hliah hlaiha..
"" Tah khan thu rawh, engemaw sawipui che ka duh a""ka pa chuan thutak hmel rún a min en pah chuan arawn ti a, dawhkan hma ah chuan ka thu thla ve nghal a, kapa chuan min en vang vang a, "" Ka fanu, ka lawm e, ka fapa i neih duh avang hian, nanghian kan chhungkua hi i siam that ngei ka ring tlat ani""a rawn tih chuan ka bangbo chiang ngei mai, mak tih hmel deuh chuan ka melh a, "i lakah hian lawmthu sawi sen loh ka ba ani, Ms an min kalsan kha ka lawm tihna ni lovin, mama nenin in tawn nana pathian remruat anih ka ring tlat asin,Ka fapa hian eng ang rilru pu a nei che nge anih ka hrelo mahse tunah chuan nupa in ni tawh a, hun harsa ah pawh ka fapa hi kalsan lo turin ka duh che ani, i nu hian ala pawm theilo va, mahse beidawng lo turin ka duh che, i thatna hian engkim a siam that vek ka ring tlat a, eng harsatna pawh lo tawk mah ula, in nupa in karah pawh ni se, i pasal hi then lo turin ka duh che ani,chu chu min tiam thei angem?? "" Dawh kana ka kut chu rawn vuanin khawngaih min dil a, ka hnial hlauh hmel zet chuan min en vung vung a.
"Paa ,, ih... Ngati nge chhung thu te i sawi a, "" Ka ti bah deuh nak nak a, kapa chu a rawn thaw deuh kawk a , "" Kan chungkua hi pawmlamah chuan that hmel viau si hi chhungril ah chuan kan khi ru tlat a, silvia-itang pawh hian i hre thiam ang,, heng te avang hian kei chu ka bei dawng tawh ani, mahse nang hian beiseina thar min pe a, Engkim hi nangmah hian i siam tha leh vek thei ani, keini chuan kan dampui reng thei dawn lo cheu a, mahse ka dam chhung ngei hian kan chhungkaw hlimna hi min pe let la ka duh ani,, Mama nen in in karah pawh eng buaina pawh lo thleng mahse, kalsan lo turin ka duh che a, ka fapa hi ka hre chiang ve tawk a,i laka asual a chhuah pawhhi ka hmuh hmaihlo, mahse nangmah ahuat vang ah che ngai suh aw, hetiang ang hian dinpuii lakah khan a awm ngailo,ka sawi awmzia chu nangmah a melh dan che pawhhi ka hre thiam vek ... Ka fapa hi i kalsan lovang tiraw..min tiam hram rawh ka fanu""ka kut rawn hmer na zual sauhin a mitmenga a natna in phum chu ka hmu thei nghal vek...
Engtik lai pawha min support char char tu anih vang hrim hrim pawh hian a thu hnial chu ka hreh em em a, kan nun hman dan tur chu hun in ahril tawh mai ang chu!! "" Awle pa ka tiam ache, engpawh thleng se, Rosangpuia hi ka then lovang, mahse pa kan chhungkaw siam that kha ka tih theih loh lam daih ani"" Ka hmelah pawh ka beidawn zia alan ngei ka ring chhungkaw khat siam tha tur hian engmah ka nilo.. "" Nilo bawihi i thei tih ka hria, engmah i tih a ngailo,, i thatna leh i rinawmna hian kan chhungkua hi min ti danglam dawn tih ka hria, chuvang chuan kei chu engtik lai pawhin i lamah ka tang zel ang""a rawn tih chuan ka thaw chhuak deuh hak a,ka thatna in a siam that chu ka ring chiah lo ani...
"" Ka lawm e ka fanu,kal tawh rawh inleng neuh neuh kan nei leh dawn sia""a rawn tih rual chuan kawngkhar chu a rawn in hawng ri rawp a, ka hawi phei chu ka nu chuan mak tih hmel deuh chuan min lo melh dun a,a hmel chu thinrimna hian a rawn in thlak nghal a, "" Hetah te enge in lo tih a?? "A àw pawh a chang tha khawp mai, kapa chuan kal tura min tih avangin ka chhuak zui nghal a, ka chhuah pah chuan ka nu tawng chu ka hre hman vuai a, " Engtin nge helai hmunah hian pawnlam mi i luhtir theih zawk""a ti ri chu ka hre hman a, ka hre sual emaw ka ti hial, keihi a monu ang pawn min ngailo tih chu alang chiang khawp mai,, ka mittui tlak loh nan chuan ka in dang hram hram a,engtin nge maw ka tih dawn le.....
_____::::::_______
"" Hei min lo ngai em.. "" Hlutei chuan ka hnung lam atang chuan min rawn beng pawp a, athip nghal vung vung thei... Rum deuh chuan ka lo melh nghal vat a, A hnunga moses rawn lang nghal chuan eng emaw min ngaihtuah tir//""min zawt suh nakinah ka hrilhfiah ang che""Rohlupuii chuan arawn ti nghal a, ka nuih nghal a, an veng in perhsan lutuk an lo kal rual thei chuan eng emaw tak chu min ngaihtauh tirlo theilo ani...
In leng an awm ve nak nak avangin ka khawhar lutuk tur chu a zia awm phian a, a then chu ka pi leh pu rual ngawih ngawih an ni a, anfel hlawm phian bawk.. Kanin kawm thei phian a, an bula awm a nuam ka ti bawk.. "" Bawihi tu nge ni i hming kha?? "" Pitar ve tawh tak chuan ka kut rawn vuanin a rawn ti a, "" Baby Lalnunfeli ka nia, pi i van nula em em ve, ilo kal a ka lawm e aw"""ka thinlung tak chuan ka khawngaih ve deuh a ding mar thei silo, mahse min rawn lawmpui hrim hrimna chuan keimah ah in ngaihhlutna min neih tir thei..
"" Ee , a mawi hle mai, nangpawh i hmel a tha bawk si.. Ka tupa nen in lo in tawng hmasa lo ani""rawn nui ve pah chuan arawn ti chhuak a, keipawn lo nuih letin ka titi pui a, a vanglai chanchin te min hrilh chuan ngaihnawm ka lo ti em em mai leh nghal.. "" Bawihi, hei inleng an lo kal belh sia thingpui va siam ta che"" Ka nu chuan a rawn tih chuan rang em em in ka tho nghal a, Hlutei chuan min rawn zui nghal zat bawk a. """ Keiman ka lo siam sak ang aw, cake kha lo buaipui rawh""ka ti nghal zung zung a, kan in ah awmpui kan neih ngailoh avangin in chhung chet vel chu ka hneh sawh ve viau, ei siam nghat phei chu nuam ka ti a, min ti hlim thin..
Silvia i kitchen a rawn luh chuan hlutei chuan min rawn melh nghal a, "" Silvia, hei cake i duh ve em ka siam ania lo ei ve la""biak loh em em chu ni theiin ka hre silo, atawng tlem lutuk hian biak a ti huphurh awm . A rawn ner sak a""ai ka duhlo""a rawn ti sap a, meizial tan nghalin a zu khu nghal a, "" Hei ka nau, i va lian tawh ve a, heng hi atha lo""tih pah chuan moses a chuan silvia i meizial chu a pawh tlak sak nghal a,Hlutei ka melh chuan Moses ate pahnih hlir chu alo en reng a, "" Khawi maw Moses , kha bak ka nei lo ania""tih pah chuan a pawh tlak sak a, meizial khu rim ka tih theih vak loh avangin hreawm ka ti takzet..
"" Bawih va sem ila""hlutei chuan a rawn ti zawi(thawm zawi a, zawi kha aw) sap a, bu nghal vatin keiin thingpui ka chawi a, hlutei chuan min rawn zui ve nghal a,in leng an la tam ve ang reng bawk nen, kan in chhung chu a reh lo khawp mai, hetiang hi nithei reng ila ka ti takzet.. "" Khawi ka duhve a rim atui hle mai""Moses a chuan ka cake zai a rawn la nghal a, hlute i'n lungawi loh hmel taka a melh pawh a hrelo ani ngei ang.. "" Khawnge silvia i kha?? "" Moses a en pah chuan ka ti nghal a, "" A chhuak, zanah ka lo haw dawnlo ati""awlsam ét chuan arawn ti a, Hlutei lungawilo hmel ngawt mai chuan min ti hreawm ..
"" Hlu, ka thawmhnaw leh bungraw thenkhat alo thleng tawh a, min han rem pui ta che""tia hlutei ding ngur chu khawihin ka pawt nghal a, chhan pawh min chhanglo chuan min rawn zui ve nghal a, "" Nu, room ah kan han in tifel ange aw""ka nu chuan min lo melh reng avangin hreh tak chungin ka hrilh a, alu a bu tawp a, "" Ka lo kal ve ang""moses apawh chuan plate chawi pah chuan arawn ti a, hnial pawh kan tum lem lo ngawi rengin room ah chuan kan lut a.
"" Bawihi, khawnge in pa hi, ka la hmu miah lo""moses a chuan sofa a thut thlak pah chuan arawn ti hluai a, min zawh atan ka duhlo ber ani a sin le.. "" Nia office ah a kal a, thil pawimawh a awm atia, hmanhmawh deuhin a a insiam a a kal nghal""mawi hnai deuh chuan dawt chu kan sawi ve a, mosesa leh hlutei hmela mak tihna chu ka hmu chawp chilh nghal.. "" Enga!!! Vawinni angah te chuan i bulah a awm tur ania sin.. Lo haw rawh se keiman kan bia ange""a àw ah pawh ka thlavang a hauh zia a lang reng...
Hlutei nen chuan ka thawmhnaw te chu kan ti fel zung zung a, moses-a pawh thil chawi ngai deuh a awm chuan kan tir nghal bawrh bawrh zel a, phun nawi miah lovin a ti ve nghal zel mai bawk a.. "" Heihi eng thil nge?? "Moses an a rawn tih chuan kan hawi phei nghal a,ka kekawr te (panty)chu a rawn lek kang va a,"" Hei he thil karah hian a awm a, "" Tiin ka makeup bag chu a rawn khai kang leh a,, ka van ngei tak, hlutei chu a lo nui khur char char a, "" Khawi lo la rawh, nge i khai vaw vaw,""tih leh pawh thlak ka rual a,
"" A te sia engtia hak tur nge?? "" Bangbo tih hriat tak chuan a rawn ti leh a, ka zak bawk si ka ngei bawk si.. Ati der ti dawn ila a hriit loh hmel mai bawk sia.. "" Maw sawi teh kha kha engtin nge i hak dawn naupang size ani lo ami??? "Hepa hi amawl tak tak anihhi.. "" Awi i à van à tak, heihi hak chi nilovin hei a suihna a awm hi""hlutei chuan nui uar uar pah chuan arawn ti a, keipawh thinrim ai mah chuan ka nuih ati za zawk a hrelo leh a bangbo hmel lutuk chuan nuih ati za ru tlat..
"" A nih chuan a point bak ahlaih dawnlo tihna ani maw?? "Ka thil ken rawn en vung vung pah chuan arawn ti leh nuah nuah a, awi he mihring hian atna a nei ngei anihhi!! "" Awi i à lutuk Moses lu lian""ka ti ta tawp a, ka kekawr te ken chu ka dah tha nghal a.
"" Tlaiah chaw ei ve nghal ru aw, moses haw kher tum lo ula, "" Ka tih chuan, han in hnial der na pawh awmlo chuan apawm nghal thlap a,""zanin party kha khawiah nge kan tih dawn, Rs an eng tin nge a tih?? "" Hlutei chuan min rawn melhin a rawn ti a, "" Aa ka van hre mai lo ve, a mah lo haw phawt se, atih dan dan ani mai""ka tih chuan a lu a bu ve nghala. "" Tihdan ka hria in chung khi a zau va, a thawveng bawk.. A tha mai lawng maw?? "" Moses an a rawn tih chuan keipawn ka lo pawm nghal thlap, kal chhuah kher angaih dawn loh chuan a tha vek ani mai..
Eng emaw sawi a kan titi lai chuan Rosangpuia chu a rawn lut a, ahmel chu chawp leh chilhin arawn thlak danglam nghal a, min rawn nuih sen senin ka bulah chuan arawn thu a, "" Vawin enge ilo tih a, a hreawm iti em?? "" A rawn tih chuan ka chhan hma hma in Moses achuan min rawn tawng khalh a""thiana iti awm anglo khawp mai, vawiin ni angah chuan in ah i awm ka ring asin , a dan tur ani bawk.. I hna chu eng pawh ni se , i thil tih hi a diklo ani""a rawn tih chuan ka lo tàng ru ngei mai, nuam lo ka lo ti rilru viau bawk.. Ka bulah awm lo se , hmu reng lo ila kei chuan ka duh daih zawk.
"" Nia, a zialo khawp mai, vawiina tihfel ngei ngei ngai thil anih vang ania, hei ka lo haw hma alawm""Rosangpuia chhuan arawn ti a,ka thawmhnaw thleh lai ka kut chu a rawn vawn hnan nghal a, "" Ka tihpalh aw,tun thla chhung chu ka hman vek tawh ang, chawlh ka nei dawn a""a rawn tih chuan ka lo nuihsuk a, ka lu ka bu liam ve tawp a, "" Awi a van tha dawn ve nih chuan honeymoon in hmang thei dawn tihna anih chu""hlutei chuan phur hmel fe chuan arawn ti hluai a, Rosangpuia pawn rawn zawm ve nghal zatin min ti lai leh khawp mai..
"" Zanin chu engtin maw kan tih dawn""moses an a rawn tih chuan Rosangpuia chuan min rawn melh nghal a, hrethiam lo zetin ka lo melh let a""sawi la i thu thu ka tih tawh kha, i duhna hmun apiangah a ni mai""a rawn tih chuan min ti hamhaih chiang khawp mai, dawt mawi lutuk arawn sawi chu a zak miahlo leh nghal. "" Bawihi khan ilo haw hunah a ti bawk sia""hlutei chuan rin hlelh hmel deuh chuan a rawn ti a, nichin khan ka lo sawi hman tawh sia, "" Nia ka lo theihnghilh alawm, kei ma thiam loh anih chu,in chhungah khian ti mai ila""tiin Rosangpuia chu ka melh a, alu a rawn bu nghal a, min care hmel zeta min melh chu ka ngei ru takzet.
"" A nih chuan in chung chu kan tih fel angai dawn anih chu,Thiana in thlak la, hlute lo han chho ang""Moses an atih rual chuan hlutei pawh chuan min signal zeuhin a zui chhuak ve nghal a.. Rosangpuia nen chauh kan awm leh ta, a in la hrang nghal a, nin hmel zet chuan a thaw chhuak a, """ Min pui turin i awm ani lawm ni ka pheikhawk hi lo phelh rawh""a rawn tih chang fak chuan ka melh phawk em em a, a kawr kilhna chu a phelh ve mual mual a, ngawi rengin a pheikhawk hrui chu ka phelh sak nghal a.
"" Ka lo han kal ang aw""tiin min chhan let hma chuan ka kal sawn nghala,""mi à inih loh chuan ka rualin i kal tur ani, "" A rawn tih sup rual chuan ka ding dat a, ka hawi let nghal a, "" Mahse ka lo han tih fel pui zung zung dawn alawm""ka tih chuan mawl min tih hmel zet chuan a rawn hawi a, "" I bula awm hi ka chak bik turah ngai reng reng suh, loh theih loh thil anih vang anihhi, thiante hnena in sawi fiah ka peihlo""a rawn tih leh hmuk rual chuan sawi tur pawh ka hre tawhlo, ngawi rengin ka lo nghak a.
Kekawr bul ha in t-shirt var sar chu aha leh tawp a, a in hmeh hliah hliah a palian bawk nen,a zahawm takzet.. "" Kal ang, "a rawn tih rual chuan kan in zui chho hnak hnak a, a rim chu a tui takzet.... Kawng khar bulah min lo nghak a, "" Ti nge a""a bul ka thlen rual chuan ka zawt nghala, mawl min tih hmel zet chuan a thaw chhuak hawk a, tawng miah lovin ka kutah chuan arawn vuan a,min kai chhuak zui nghal a, hlutei leh moses a chu an lo buai dun malh malh khawp mai,tlema han chei mawi ve an duh avangin kan tih pui nghal a, moses a chuan eng emaw sawiin fiamthu a thawh reng a, keipawh ka mood a rawn fuh leh vek tawh, moses abula awm hi chu a nuam ngawih ngawih, ka pasal ni zawk se tih chu ka lo ngaihtuah neuh neuh hman a...
"" Moses mi an tam dawn em?? "" Pangpar vel ka chawisawn lai chuan ka ti a, "" Aw tam ve pangai turah chuan ka ngai""a rawn tih chuan ka huphurh ngei mai,, "" Lo ti vak suh, i in tina palh ange, achi dawn miahlo ania""a rawn tih chuan ka lo nuih suk a, mipa fel anihna chu tu hmeichhia pawh a care thiam hi ani.. A mawi tawk a hria ka tihna a nih chu.. "" Bawihi, hlutei hian bialpa anei em,, eng ang mizia nge anih, in in hrechiang awm sia""ka beng bula arawn tih chuan ka lo then khum nghal vak a, min nuih sukin a kal sawn nghal daih lehnghal .
"" Ka hrilh i duhlo ami, i kal sawn daih a??"a hnunga ben pah chuan ka ti a, ahmel ka en chuan a lai ve tih ka hre nghal thei,, "khai a mipa puitling tawh chu nula pakhat a duh ruk avangin a lai chhe hle mai a""" Nuih pah chuan ka ti a, Moses amizia hian min ti hlim phian zel.. "" Enge in sawi a, nangni pahnih chu""hlutei chu kan bulah chuan arawn thleng chawpchilh nghal a,, "" Englo moses a hian.. "Ka ti chiah chu ka kà a rawn hup nghal a,min hnuk sawn daih leh nghal"" Hei i à em ni , engvangin nge hrilh i tum a?? "" Lawm vaklo hmel chuan min melh a, "" I van à tak sawi ka tum reng renglo, khatia i rawn tih khan a ringhlel zual dawn che asin,,""melh let pah chuan ka ti a, sawi ka tum tawp si lova..
"" Enge in tih a, "" Rosangpuia chuan a rawn ti chang fuk a, ka en chu a lawm hmel teh chiam loh. """ Engmah a nilo thiana""tih leh moses a chuan kal sawn pui a tum a, mahse Rosangpuia chuan ka lam rawn panin min rawn din chilh nghal a,moses a chu melh in ka nuih sak a, a hrethiam ani chek ang chu hlutei lamah chuan a kal sawn nghal a, "" Dawt sawi lo turin ka tih tawh che kha""a rawn tih khauh fak chuan ka zam chhe leh nghal vek, hepa mi uap na lutuk hi ka haw lutuk.
"" Tak tak alawm, engmah kan sawilo, thil min zawt mai mai alawm""ka ti let nghal a, "" Ka ngaihsak lem lo, mahse mipa dang awm fal pui tawh suh ang che, pasal nei inih tawh kha, kei leh ka chhungte mualpho na tur in engmah ti suh ang che""a rawn ti khauh fak a, ka chhang let peih hlawllo rilru chhe lutuk mai. "" I hre thiam em""a rawn tih chuan melh rawm rawm pah chuan ka lu ka bu let vat a.
"Zan inah pawh min ti mualpho zawnga i che anih chuan hremna i hmu ngei ang,, zalenna ka pek che kha ka sut let nghal bawk e!! "" A rawn tih khauh fak rual chuan a kal sawn nghal a, "" I tha maw, tinge a?? "Hlutei chuan min ngaihtuah hmel deuh chuan arawn ti a, kalu thing vatin a that vek thuin ka lo chhang nghal a, "" Imm kan zo thaw khat tawh a, in tifai turin chhuk tawh ila""a rawn tih leh chuan bu nghalin in hnuai lamah chuan mipa pahnih chu kan chhuh thlak san ta nghal a.
Rosangpuia pov.
"" Thiana rawn ON chhin teh le, a kal em?? "" Moses an light fit pah chuan arawn ti a, ka bula plug chu on nghalin a eng nghal uar a, decoration light ho pawh chu a eng nghal vek a, "" Imm atha vek chuan ka hria, kan zo ve""a rawn tih chuan ka lo bu nghal vut a, "" In in chung hi chu afuh ve thlawt ani ,tlak hlauhawm na tur a awm bawk silo, chhuk ve tawh ila""a rawn ti leh nghal a,"" Imm, kal ang""ka tih rual chuan min au ding leh nghal a.
"" Bawihi hi eng vangin nge i neih a, ka hre chiang ve tawk che chuan ka hria mahse...i hmeichhe hriat ngai loh nupuia i nei ngawt hi enge a chhan?? "" A rawn tih rual chuan ka en zeuh va, hepa hian min hrechiang mah mah ani.. "" Engmah anilo, kal ang"" Tia kal ka tum chuan min dang leh nghal a, "" Ka sawi tur a ni em ka hrelo, mahse eng pawh ti dawn la ngaihtuah chiang hmasa thin ang che""a rawn tih rual chuan a chhuk nghal a, enge maw a sawi awm zia kha le,, Lalnunfeli laka ka phuba lak turhi a hria amaw ni le... ??
Chhuk thla ve nghal mai lo chuan ka awm khaw muang a, van lam hawiin Ms a chu ka ngaihtuah a, min en ve reng ni hian ka hria, min nuih a ka bulah hian a awm reng thin hian ka hria,, "" I hmangaih ka neih avang hian min nagihdam turin ka ti lo che , mahse henu hian a bum che ani,i nunna la tu hi ka ngaidam thei ngai lovang, a tihnat ang chiah che khan ka tina ve dawn ani, min lo dan tum reng reng suh ang che, unaupa..... Ka ngai lutuk che""ka ti chhuak a, mipa mah ni ila in sum hi ahar ve thin.
Room lam panin ka chhuk thla a, mosesa leh hlute chu sofa ah thuin an lo in kawm malh malh a, "" Khawnge bawihi?? "" Hawi kual pah chuan ka ti a, "" A in bual a, a zo tep tawh ang""hlutei chuan arawn ti nghal a, "" Imm chaw ei nghal ru aw, "" Ka tih chuan bawihi'n alo sawm tawh thu leh an ei nghal tur thuin min chhang nghal a, "" In bual te in duh ve lo ami, induh chuan ka room piah ah sawn mi khual room a awm ania""tiin ka room ms a room nilo lam zawk chu ka kawk a, "" Imm duh ve tho, hlu kan va in bual hmasa ange aw""moses a chuan tiin a chhuak zui nghal a.
"" I kal ve dawn na nge""ka tih chuan hlutei chuan a lu a thing nghal a, "" Bawihi khan min lo nghak rawh a tia, eitur kan zuk siam pui ve ang chu, chuan ka in bual chauh ang""a rawn tih chuan keipawh moses a awmna room ah chuan ka phei ve nghal a. ""In bual vat rawh ka in bual duh ania, "" Ka ti lut nghal a, moses apawh alo in phelh ve mek bawk, "" Ti nge i room ah in bual mai la""a rawn tih chuan ka lo melh let nghal "" Aw ka hre thiam e, ka rei lovang, chuan zanin chu zungbun kha a ngai dawn ania aw"" A rawn tih chuan ka lo melh deuh haw a,
"Ti nge zungbun chu"" Ka ti nghal a, "" Aw zanin ah in in bun tir leh em ang chu, kan programme neih chan tur ber alawm""a rawn tih chuan batroom lamah a lut nghal a, van tul ber kher lo tak em aw,tullo tak ani. rin ai a in bual rei phian a, keipawh lut ve nghal in tuia ka in phuh tir chu ka harh nghal sawng sawng thei..
____"""""
"" Kan chhuk thla ve dawn em mi ?? "" Moses an a rawn tih chuan ka peih vaklo bawk nen ka lo hnial nghal a, "" I mak thin,hetah chuan tih tur a awm lo e""a rawn tih leh chuan game khelh ka sawm nghal a, achin than leh tun thlenga a la tih thin anih avangin alo phur leh ngang mai, video games chu khelin a chang in kan in hnial leh thin..
......!!!!
"" Moses in lak lawh loh chuan chaw ei kan hman tawh a""lalnunfeli chuan kawng khar atang chuan arawn ti a, keima hming lam lova moses a hming arawn lam chu ka ngei ru phian::""awle, kan lo kal nghal""moses a chuan a ti let nghal a, "" Imm lo kal har lo ula aw"tih pah chuan a chhuak zui nghal a, moses a chuan dahtha nghalin a ding vut a, "" Kal ang, ka ril atam tawh""tih pah chuan min chhuhsan nghal a, zui mai ve mai loh chu tih theih dang ka neilo.
_____+++____
Moses a nen chuan mikhual room ah kan in siam mawlh mawlh a, keimah lo ang takin zanin party chu ka phur teh chiam loh, moses-a anga phur leh harhvang tak nih ka chak"//"enge i ngaihtuah vung vung a? "Moses achuan a rawn ti a, "" Ms a ka ngaihtuah mai mai, vawin chu enge maw ka hriat ni ka ngai thar thut a""ms a ngaihtuah pah chuan ka ti chhuak sup a, ka phut loh zia pawh a lang chhuak hial ang""thiana ti teh, nang ber kha tia i awm ten a nuam lovang, insiam vat rawh mikhual lo chawn tur ber i tlai palh ange"" A rawn tih chuan peih lo zetin ka in siam chhun zawm leh nghal a.
"" Lo kal rawh hmeichhe awmna lamah phei ang""moses an arawn tih chuan ka zui ve nghal mai a, kan room kan lut chiah chu min thawng ngei mai Lalnunfeli chuan kawrfual sen awmze nei deuha thui chu a ha a, a ma puala thui ni awm ani, zep rual lohin a in hmeh a, ahmeltha takzet bawk.min en in a then sak a, khaw dang ka hawi mai theilo, ka hma ding hmeichhia hian min hip bet tlat ani.
- FB_IMG_1603768921428.jpg (74.72 KiB) Viewed 1934 times
Lalnunfeli nen chuan mi lo kal apiang kan lo chawn a, ka rin ai mi lawmdan leh tawngkam a nei tha phian leh nghal, ka lo melh leh zeuh zeuh thin, thil pek pawh kan dawng nasa malh malh khawp mai, dinpuii leh a thianpa vaipa rawn in zui lut ka hmuh chuan ka lo thinrim nghal tun thei a, lalnunfeli chuan min melh zawk tih pawh ka hria,vaipa chu arawn ri leh nghal hlut a, amizia hi ka ngei ru phian bawk. "" Awi in nu te hi a va chhelo reuh ve a, awi mipa duh chi tak anih dawn hi,, a zei hmel reuh sia""a rawn tih chuan dinpuii chuan alo dang chat nghal vat a , Lalnunfeli chuan nuam ti chiah lo chuan a lo chhang let ve nghal a.
""" Kha hei aw, "" Ti pah chuan dinpuii chuan present box chu a rawn lek kang nghal a, ahmelah chuan na tih avanga rum vawng vawng hmel apu, mahse a tilang chhuak chuang lo, amah a in thunun theihna leh a chunga thleng apianga apawm mai thei thin a ka chuang ru takzet bawk.. "" Lo han chho ru,keini pawh kan rawn chho ve nghal ang""dinpuii en pah chuan ka ti a, alu bu zeuhvin min nuih sak a, a thian vaipa nen chuan an chho tlang nghal a.
Rin ai boruak a nuam phian a, tumah ruih avanga che mawilo an awm lo bawk a, lalnunfeli nen chuan 1fit khat pawn kan in hlat ngailo, ka hlatah awmtir ka duhlo ani.. Ani pawh tlem chuan a tlangnel ve deuhin ka hria, cake zaina te neiin thla te kan la kual a, ka thawhpui te lo kal pawh an tam phian , an ti hlu ve takzet... Mahse kei hian diklohna ka nei ani..nuam tihna em em pawh nei lovin pawn lang takin ka nui chhuak a, lemchan ngai hringnun ka thlang hi a hreawm takzet..
Engkim kan tih fel sa avangin Moses a chuan anouncer hna athawk a, zungbun in bun tir na kan neih lai te chuan hreawm ka ti ru ngawih ngawih, Lalnunfeli hi ka nei duh tak tak em??.. Ka phuba lak duh avanga mi pakhat hringnun tih chhiat hi ka tidik angem?.. Mahse a bul tan tu chu lalnunfeli hi ania , a chhungah hian engpawh ti dawn ila, ka thiam lohna a awm ka hrelo.. Zungbun chu ka bun tir a, ani pawn hreh hmel tak chuan min rawn bun tir ve nghal a.
- Hei hi aw,
- FB_IMG_1603768963902.jpg (31.91 KiB) Viewed 1934 times
"" Awi, ""tih ri ka hriat rual chuan dinpuii chuan min rawn bawhtlu nghal a, kan hmui chu a in tawng chiang teh e! Rangtakin a in siam tha nghal a, "" Awi ka tihpalh lutuk, in na em"??"vaipa bawk ani, he mihring ka ngei zia hi chu aw, heta tang hian ka paih thla mai dawn em ni. "" Yush,fimkhur ve la, Rs ka tihpalh lutuk aw,""dinpui'n a rawn tih chuan ka dam leh nghal in ka hria,, henu lakah hian ka thinrim rei thei derlo.. Mahse tihpalh thil thu a kan in kiss kha ka duh lo, nupui nei tawh ka nih mai bakah ka tan pawh hian a mawilo ani.
"" A pawilo, nangmah zawk i tha em, i na lo maw? "" Ka ti nghal a, alu thing nghalin a that vek thu in min chhang a, "" Rs khawnge bawihi"""hlutei chuan min melh dunin arawn ti a, Vaipa ner chu ka hmu hman zuai""a chhuk thla tawh anih kha""ka tih chuan engmah sawi lovin a chhuk ve nghal a, "" Keini pawh kan kal tawh ang aw, nidangah kan la rawn kal dawn nia""tih pah chuan dinpuii chuan a vaipa thian chu a kai sawn nghal a. Ka hawi kual chu min lo en deuh thap a, mahse mi nawl pui an haw darh deuh tawh avangin a zia phian zawk..
-----++++-------
"" Zanin chu kan mut dun a ngaih hmel, hmeichhe pahnih ten then hran an duh si lova""moses a chuan in thlak mawlh mawlh pah chuan a rawn ti a, "" Ti nge khawnge hlutei hi""ka ti nghal a, ka room lam chu kawk zeuhvin a rawn then suk a,lalnunfeli bula mut ka chak turah angai ani ngei ang, "" Awke a pawi loh chu...tha lawm, mu vat ang ka chau lutuk""ti pah chuan khumah chuan ka in thawlh nghal a, "" Zanah min khan suh ang che""a rawn ti a, a rawn mu ve nghal a.
"" Thiana dinpuii hi ila duh reng ami?? "A rawn tih chuan a lam chu ka hawi phei a, inchung melhin a kut a lo kham a, "" Eng vangin nge min zawh a? "Ka ti let ve nghal a, "" Zanin a i melh dan ka hmuh khan ka ring deuhva, i hmela i ngaihtuah ngawih ngawih na hmel rawn lang kha tupawn hmuse an hre thiam vek ang, lalnunfeli pawh tiamin""a rawn tih chuan tlem chuan nuam lo ka ti ve tho.. ""Engmah ka sawi peihlo, bawihi chungchang emaw dinpuii pawh ni se" Ti pah chuan ka in siam tha a, ka lu ka khuh nghal a,.
"" Muttui aw thiana""a rawn tih chuan chhan pawh ka chang let lo, athaw hak ri chu ka hre vut tho, keipawh engmah ngaihtuah duhlo chuan ka mu ve ta nghal a.
- FB_IMG_1603852553514.jpg (65.91 KiB) Viewed 1934 times
