MY TREASURE Chapter #8 by floria laldansangi

Episode kal lai dah luhna

Moderator: writers

Floria
Posts: 522
Joined: August 28th, 2017, 12:07 pm

MY TREASURE Chapter #8 by floria laldansangi

Unread post by Floria » October 28th, 2020, 9:21 pm

MY TREASURE
By
Floria laldansangi



Chapter < 8 >


MAYA....POV (Malsawmdawngzeli)


"Ka lu hi a puak dawn, ka naute," Ka melh zawk a, "hmmm, khawizu tui hi inrawh," Ka bula khawizu tui ka siam chu nawr hnai in ka lo ti vat a


"Yes, i fel zia hi," Ka melh zawk a, a bek dawm deuh vang vangin, "ka luak dawn," Tih leh kitchen toilet a tlanluh a rual nghal rawk rawk bawk a


Nui tut tut in, "ṭhing e, i in zin nen," Ka tih chuan uak deuh ṭhawt ṭhawt pah chuan, "nang ang ka nilo," A rawn ti vin deuh hlar bawk a, kei erawh ka lo nui deuh kar kar thung


Mittui tla phung a a uak hnu ah, ka bul a chair ah rawn ṭhu hnawkin, khawizu tui lem khawlh khawlh chuan, "i lu ana ve nange?" Min rawn melh a, fanghma no zai pah chuan ka dar ka lo sân khum ak ringawt


Nizan Nunhlima haw hnu khan beer cane 4 ka in zo leh vek a, Jamie-in cane 3, dar 3 rik dâwn thleng kan ti ti bawk a nia, ka lu chhe te a ana deuh tihloh chu ka engah a thawk lemlo


Mak tak maiin, beer hi tui ka ti em em mai a, kâ chhung a a khakfak hnu hian a thlum dek dek hian ka hre tlat pek a, ka inhnem thei viau bawk, chuvangin in ngun atan phei chuan ka duh hauhlo, a ngawl ka vei hma dâwn lutuk tlat, tui ka ti ropui mai si a


"Taka, engtin nge Angela-i nen in inhriat daih daih a?" Ka melh zawk a, ka thil zai lêp rawn ban zauhin, "fb aṭangin, a takah vawi 1 kan inhmu tawh bawk, nikum a Mumbai Mizo awm te kan inhmuh khawm kha ila hria em? Ka sawi kha, Mizoram a in haw ṭum khan a rawn kal ve a, Nathan-a nau a ni ang tih rin ngaihna ka hrelo reng reng, hmeichhe ṭhenkhat kha chuan U mipa chhelo zet, nupui nei tawh a neih thu an sawi chu ka hre tho na in," A rawn tih duah chuan ka bu nghat nghat a


"Nathan-a sawi takah chuan a nupui thlalak hi hmuh tur a awm miahlo em ni? Nizan pawh khan ka melh ru deuh tawh," A rawn tih zawm a, ka lublo thin khum mat matin, "keipawhin kala hmu biklo," Ka melh zawk


Ner nawngin, "Nathan-a hian a hâl ral ve a nilo maw?" A nui zui kur kur bawk, "ka hrelo le, a nih pawh a ni maithei, emaw a room ah sawn a awm ka ring," Nathan-a room lam chu ka melh zawk a


"Lut la."

"Aa... A awihawmloh emai, mi nupa room a luh ka duhlo ; Mahse, ka tihfai sak chu a ṭul ve in ka ring," Ka ti zawi sap a, a lo bu nghat nghat a


"I nu leh i U chu biak i tumlo tak tak em ni?" A rawn tih chuan, Ka lo thaw nghal hak thung, "tum rihlo," Ka ti zawi sap bawk a, ka chhungkaw neih chhun ang a ka chhal, ka pa boral hnu pawh a an bula awm a, pasal ka neih thleng a anbul a awm ka rilruk ve na hmun, ka pa U, ka ni ngei ngei pawh kûr duhlo a, ka nu leh Eunice-i thlang ve kha ka nia, chutiang ka ngaihtuah a, ka nu in ka chung a a thil tih duhdan ka ngaihtuah chhuah phei chuan, ka mawl zia ka hre chhuak thar hnuhnawh tlat ṭhin


Ka thinrim hi a rei ngai miahlo; Mahse, ka theihnghilh mai mai tawh ngailo bawk, tun a ka awmdan chiah hi a ni

"OMG, heihi eng nge a, 'How do you know if a boy like you, 'How to find out if a boy like you, love or secret crush," Ring lutuk a a rawn nui chhuak chuan rang lutuk in ka en a, a kut a ka phone chu ka phih thla sawk bawk


"Ahahahaa...." A dir nghal char char a, "Malsawmdawng, ka thi dawn...." Za lutuk a nui dir char char chu rum tawk a melhin, "eng nge ka phone i khawih a?" Vin hlar chuan ka melh hrawk bawk a


Nizan a, Google a ka thil search alo hmu pek chu ni in, ka hriatloh ka search a ni ve mai a, nuihna tur pawh a awm em ni le...?


"Ka hnungzang hi rawn chûm teh," Ti deuh awl awl chuan a eu a, a chang leh a dul dawm chuanga a nui khur hlawk hlawk chu ngei lutuk a a hnungzang a chum dawt dawtin, "i mawl lutuk mai," Ka'n ti thla rawk bawk a, tlemin ka zak ve deuh, ka biang a rawn sa zui deuh hat hat bawk



"Min zawh tur che a lawm, awiii... Ngawiteh ka thaw a chham dawn," Tih leh dul dawm a nui dir tlawk tlawk chu a hnungzang a chum awkin, "bialpa i ngah zel zul lutuk a, ka ringlo zawk che alawm," Ti hlar chuan keipawh chu ka nui zui ve nghal ṭhû tho mai


Mittui tla phunga rawn ṭhu ngilin, "awiii ka hnungzang, ka thae theilo," Tih leh dir leh nghal char char chuan, thaw ṭha theilo tih hriatzet a, boruak hip tum chuan an thaw deuh kawk kawk a, min en a nui leh nghalin, "a reng rengin Korean te, Thai leh Chinese drama chi hrang hrang i en a, i hrelo em ni?" Za tih hriat lutuk a a nui leh kiah kiah chu, "i ninawm, a tak nen a in anglo, bakah nizan ah a message khan minti confuse deuh alawm," Ka tih hlar chuan a chil lem khawlhin a lu a thing mat mat a


Thaw kawk kawk a la nui ṭhû chuan, "eng nge a rawn sawi?" Ka melh vak a, fanghma no ka zai lêp ah chuan vinegar tlem telh pahin, "Ronan-a kha eng nge ang itih' minti," Ti hu in Jamie-i chu ka en a, nui nghal uar uar in, "in mawl dun e," Tih leh a dul a dawm lehnghal ngawng ngawng chu rum lutuk in ka melh vak ringawt a

Ani angin kan lerhlo tih te hi hriat tur a nia; Bakah, Nunhlima hi chhelo ka ti ru ve tho a, minlo duhloh tak khan awmdan ka thiamloh ka hlau a, Google hmangin ka zir chiang ve a ni mai a, thilmak pawh va nisuh..!


Nuih insum tum tih hriat tak a, thaw chhuak ham ham chuan, "ka hah lutuk," Tih leh ala nui reng tho, kei erawh ka nuih a za ve eih chuanglo

"Ka phone hi ka thu lovin khawi tawh suh angche," Ti deuh hmuk chuan Brayden-a room aṭang a rawn chhuak chhat chhat chu ka en a, mit nuai deuh nak nak a ka hawi rawn hawiin, "Morning Bray.." Ka nui var var a, a mit pawh ala meng hlei theilo, "Mamma," Ka lam a rawn pan chhat chhat a, ka kut huh deuh chu ka kawr a tat deuh nawk nawkin ka pawm kâng lawp bawk a


"I mu tui em?" Bu nghat nghatin, a rawn nui ver ver bawk, avahan duhawm tak....! Hemi te unau hi thawhphan sual pawh an nei ve lemlo, ka vannei takzet hetiang kawngah hi chuan

A bianga fawp zauh a a chair a ṭhut tir chuan, "wet tissue kha min rawn ban teh," Jamie-i la nui ṭhû en chung a ka tih chuan, min pek pahin, "i thil search dang zawng ila, 'how does it feel like if your horny' tih te a nia ka rin ni," Tih a a nui dir leh char char chu, Brayden-a tui in tir pahin, "i ninawm a, i breakfast kha ei vat rawh, vai dawr ah khuan i zuk bazaar teh ang, chawhmeh kan nei tawhlo," Ka tih chuan la nui dir dawt dawt pahin a bu nghat nghat a


A nui nasa lutuk chu keipawh ka nui ve ṭhaw tawh mai, naupang ho rawn tho chu ka lo ti fai a, breakfast ei tir in an thawhnaw thlak sak chuan, "i hman dawn em?" Jamie-i bathroom a awm chu ka au zui lang lang bawk a



"Ti khan maw i chhuah dawn," Ka in en thuak a, "A hla lo emai, helai phei chu vai hlir hmuh tur an awm, inchei vak a ngailo," Ti awlsam et chuan kawngkhar lamah naupang ho chu ka nawr nghal a, "thlakhat lek ka hmulo che a, ivahan danglam chak em em, nula senior confi lutuk te pawh i ang alawm," Ka hnung a min rawn zui pah a a tih chuan, ka in en tha leh a, ka nui zui hak bawk


Keipawh in ti em em a thlakhat chhung lek a ka inthlak hlawk mai hi mak ka inti, ka inla senior nghal em em ringawt hian ka hria. Mahse, ka naupang enkawl nen hi chuan inlak senior ve deuhloh chuan a puitlin theih bawk siloh a tin ni..!


"Nathan-a hian a hma in eng hna nge a thawh ang le?" Jamie-in a rawn tih chuan ka lu ka lo thing ringawt a, "ka hre biklo, awm theilo zawk zawk chu an nilo ang; Mahse, ka hriat danin ka pa vangin Mizoram a, a pa inhmun hnutchhiah a hralh phah antia, Henry-a sawi ka hriat a nia, ka inthiam chiahlo, ka pa thiamloh a tel ve tho si a," Ka ti deuh hap hap chuan uluk fahran in Jamie-i chuan minlo thlek a


"Eng nge?" Ti deuh hlar in lift rawn in hawng ah chuan naupang ho ṭhutna Triplets Stroller chu ka nawr lut a, "i duh deuh a nilo maw? A hma a a hming i lam lai a i hmel leh tuna i hmel chu vanram leh nawhfe a ni ringawt a lawm," A rawn tih chuan ka hmel lo ti ner nung in, "a teuhlo e, vawikhat pian ve man a Putar pathlawi, running chawp ngai neih ka tun aw zawnglo," Uar fahran a ka tih chuan kan nui dir nghal char char a, "running chawp alo ngailo maithei a sin, a sek ṭhat nelh nulh êm kha," Nui pah a a rawn tih chuan, mittui za zet a nuiin, "hmel en aiin tiang ho hi khumlai zawlah an in fit-lo anti a nia," Ka tih chuan a ai nasa in a rawn nui chhuak a, keipawh ka ni tho


Nathan-a chu a hahchhiau nasa ang chu aw..! Kan rel nasa emai. Kan ṭhian dun a kan awmdun tawh hi chuan kan he ti ziah hi, kan thil sawiduh te hi a pui thei a nia, sawitîm deuhlah hi kan nei eihlo lehnghal, vawikhat phei chu, a bialpa hlui a ṭhen tak chiah awmlai khan, kan mipa it zawng kan sawi dun tak tak mai chu, a bialpa khan kâ hau in minlo en ringawt kha a nia, a nghal hi chu kan nghal dun ve chiang alawm....!


^
^
^
^

Nathan-a....POV



"Eng nga tinge in rawn kal duh kher a?" Henry-a leh Tlana chu ka en a

"Naktuk tlai hi kan flight a ni tawh si a, rawn hmuh hrâm che kan duh mawle, eng nge ilo an?" Ka bu nghat a, "ka ṭha lutuk, Bawiha thil mintihsak la ka duh," Henry-a chu bu nghatin, "engthil nge ni a?"


"B-Large Investment company-ah nuai 10 kha lo invest angche."


"Whattt..." An pahnih chuan min en deuh kawk a


"I fiamthu lo maw Nathan?" Tlana chu ka melh zawk, ka lu thingin, "lungngai suh u, chuti maiin bankrup an tawk dawnlo," min ring chiahlo tih hriat takin an ner deuh nung a

"Tuna an dinhmun i hria em? Investors ho pawhin an sum an withdraw sap sap lai a, lova invest kha a chi dawn em ni? I chân vek zawk ange?" Thaw deuh ham ham in, "nilo e, nuai 10 khan share holder lianber nihna ka chelh a nih chuan, ka rawn chhuah meuh chuan khitah a ni mai, min ring rawh u, Malhotra hi ka hrechiang a ni," Ka inrin tawk êm avangin ngaihṭha zanlo chuan an bu nghat a


"Thildang leh, Delhi in let anih chuan Franky kha ila hria em? Minlo ngaihven sak teh u," Min en deuh hâ in, "Maria-i bialpa hlui kha maw?" Tlana'n a rawn ti chhuak a, ka lo bu nghat bawk


"Eng nga tan nge itih? Bakah college kan zawh hnu khan khawnge a awmbo ka hre tawhlo reng reng," Henry-an a tih chuan, "keipawh, bakah an inṭhen hnu deuh lawkah Maria-i nen khan in inzui mai si a, khawilamah nge a awm tak ni, eng nga tán nge itih reng reng?" Ka nui suk a


"Min zawn sak ula ka ti."


"Huhhh.... Maria-i vang tih sawi miah suh," Ka nui tawi tak a, "Chutiang a nilo, minlo ngaihven sak dawn nia," Ka tih sup chuan an bu nghat a


Bryan te hi ka fa an nih han ring nghet viau mahila, ka chhungril khawi emawlai hian fiah duhna min neih tir tlat, Franky-a fa alo nih chuan, Maria-i ka nupui a nih kai ngei khan a fa a pai tih a hre reng em tih pawh ka hre tel duh a ni

Nge ni a, keihi meng reng chunga bum ka lo ni tak tak zawk....?



^
^
^
^

Maya...POV (Malsawmdawngzeli)

Han tih nak nak chuan hun hi ava lo reilo tak êm...! Nathan-a in a ka awmna pawh kum 1 lai lo ni ve leh ta reng mai


Vawiin hi naupang ho kum 3 tlin na champha chiah a ni a, Angela-i lo rai ve bawk nen, Nitin-an annu a rai tih hria in a, lawm lutuk in ei tur leh thil chi hrang hrang mai a rawn lei ṭeuh lehnghal, inchhung zimte chu khat hneh tak a ni


"Ka vahte u, happy birthday u, awii thla 2 lek ka hmulo che u a, inva han lian tawh si êm, inchhung te chu i sâwi danglam elaw Maya?" Ka nuih var var a



Bryan-a a fawp zui zat chu en in, "nia mawle, a chang a han in siksawi te hian inchhung a ti nuam ve a, a tilang thar ve alawm," Ka tih chuan bu nghatin, "a dik chiah alawm, kanpa rawn tel a tum ve nen Singapore lamah a kal a ngai leh thut sia, keimah in ka rawn kal ta mai," A tih chuan, "heng zawng zawng hi a rawn dah tir tawh alawm le, naupang ho lah chuan an phawrh zawh nghal vek hi," Nui pah chuan ka ti let a


"Jamie-i te hi an rawn la thleng na nge?" Ka lu ka thing a, kawngkhar a rawn ri zui ve zat bawk, " anni tawh ang," Tih leh kawngkhar lam ka pan a, sawi ang tak takin Nunhlima nen, ohhh kan sawi leh ange Lalramnghaki pawhin bialpa thar a nei leh tawh tih hi, chuan keipawhin a vawikhat nan...!


Ka hma a ding ka bialpa hmasaber, ka first love a ni em chu ka hrelo, chhelo zet mai chu ka nuih var var a, ka biang a rawn fawp zauhin, "kan rawn tlai em?" A ti sup a, nuih sen sen a ka lu thingin, "Angela-i pawh a rawn thleng deuh chiah, lo lut rawh u," Nunhlima chuan ka darah a kuah zui zat bawk



Nunhlima Delhi a let hnu khan phone aṭangin kan inbe chhunzawm fo a, phone aṭang a in try leh nizui kan niber angchu, a fel a, min hrethiam em em bawk, naupang pathum ngawt ka enkawl avang hian duh angin atan hun ka neilo tih ka hre tho na in, tih theih ka nei silo a, a chang chuan ka inthlahrung ve lek lek ṭhin


Mahse, amah zawk hian, "keichu puitling ka nia, mipa ka ni bawk, naupang ho kha i theihtawp in enkawl la ka ti, i hman hun hunah keichu ka hman a ni mai," Hi a ti mai zel bawk a, heihi a mizia a ka duhna lai pakhat a ni bawk

Nikum June thla aṭang khan kan inzui ve ṭan a, thlathar ni 3 hian kan kum 1 ve dêr tawh dawn tihna a ni. Nikum Christmas pawh kha Mizoram a haw lovin, Mumbai a rawn letin a rawn hmang ve vang vang a, bialpa nih a tlin takzet, ka vawikhat bialpa neihna a nih vang nge ka atchilh deuh bur mai hian ka hria



"Hi, Nunhlim, Jamie andddd...." Jamie-i bialpa chuan, "Jay," A rawn ti sup, Angela chu bu nghatin, " J & J," Tih leh, "tun ṭum chu fân thui tir ve deuh tawh ila," Nui nghal kar kar pah a a tih chuan, "awii lutuk," Uar fahran a tih leh, "cake hi fridge-ah ka'n dah ange," Ti chuan choka lam a pan nghal a


"Angela hian ka bawkbawn bai a ei chak a, kan siam sak ange," Ka tih chuan, "umm, naupang ho hi ka lo infiam pui ang," Tih leh ka bek a fawp zauh chuan ka pensawn nghal a


"Ee... Keimah chiah kawppui neilo ka awm a nia, zanin chu khang kha min hmuh tir reng reng suh u," Angela-in a tih chuan an nui dar dar a, choka aṭangin ka nui ve sun sun tho


Tam kan ni lo na in, mipa naupang 3 nen kan ri ve nak nak mai, rin ai takin kan bengchheng mah mah zawk a ni


"Maya, ka U hian a rawn la be miahlo em ni naupang ho hi?" Angela chu ka melh zawk a, lu thingin ka thleng sil lai chhunzawm chuan, "Christmas a a rawn biak bak kha, a rawn la be leh lo reng reng, nang zawk?" Ka tih chuan, a lu thing deuh mût mût in, "be nang, hmu tur a ka kal pawhin min hmu duhlo, a chhan tur âwm ka hre silo a, nge ni a jail a tâng hian a rilru lamah a nghawng zawk aw, a hma a ka hmuh ṭhinlai phei kha chuan Bryan te unau hi a fate an nihloh ka ring em tih min zawh a ching a, amah a chherin, a rilru a hah hmel thei bawk s, ka ngaihtuah takzet a ni," A hmelah pawh a ngaihtuah hle a ni tih alang thei


Ka thaw hak a, naupang ho leh Nunhlima a infiam rak tuar tuar lam hawiin, ka thlir deuh vang vang a, diktak chuan naupang ho hi ka khawngaih ru em em mai a ni


"Angela ngaihtuah tam lutuk suh, chutiang engmah a awmlo ang, Henry-a khan a sawi kha investment ati tih, chung velah te chuan jail aṭangin ruahman na a siam duh tih a hriat a, rilru pek a duh te pawh a niang chu," Ka tih chuan bu deuh nghat nghatin, "ka hrelo le," A ti zawi sep a


Kawngkhar rawn ri ral ral ah chuan, "ka lo hawng ang," Jamie-in tih leh kawngkhar lam pan a rual nghal zat bawk


"Angela i ṭhiannu a nih hmel," A rawn tih lang lang chuan Angela-in min en haw in, "ṭhian, chutiang heta rawn kal tur ka nei em ni?" Ti deuh nung nung chuan a pensawn a, keipawh ka thlengsil lai ka chhunzawm ve nghal mawlh mawlh bawk




XxXxXxXxXxXxXxX


"Min rawn zui rawh," Ti deuh hrawk a kawngkhar a ding Maria-i chu a pawt sawkin, Jamie-in mak ti fê a lo en chu en let zawkin, "Jamie naupang ho kha rawn chhuahpui suh angche," Tih leh Angela-i chuan Maria-i chu pawt chhuak nawk nawkin, "eng nge hetah i rawn tih dawn?" Angela chu a thinrim thut tih hriat takin Maria-i melh ram ram chuan a ti vin hlar a



"Ka fate piancham rawn lawmpui ka tum mai chauh a ni Angela," Angela chu a nui hul hak a, "zahna hi ineilo ka ti U Maria, ka U, i pasal ni bawk chu tual thattu ah i puh thlu hmiah a, i fate kum 1 tling awrh chu i kalsan bawk a, tunah an birthday rawn lawmpui i tum amaw...? Engtik ah mah an hmel i hmu tawh ngailo ang, i ngam a nih chuan han tum chhin angche, 'naupang ruk tum' tiin case ka file ang tih i hre dâwn nia, kan in lam hawi zawng pawh hian rawn thaw ve tawhlo la ka duh," Ati tawn tawn a, a sawi zawh meuh chuan a thaw zui ham ham bawk



"Ka tihpalh; Mahse, naktuk hian ka pasal nen New York pan kan tum a, a tawp nan hmuh ka duh takzet a ni, khawngaihin Angela, nangpawh in nau i pai mek a, ka rilru tur i hriat thiam ka ring, ka fate an nih angin," Angela-i chu a nui hul leh hak a, "aw, ka hrethiamlo, mahni fate leh pasal ai pawh a SUM thlang zawk tu thinlung chu ka hriat thiampui lo a ni, nang leh i pasal kalna tur chu kan buaina a ni phalo, ohhh... Bakah, i fate hian annu ini tih an hrelo, hriase ka duhlo bawk, 'NU' ti a koh dang an nei, i hrethiam em?" tih leh a chhan na pawh nghak tawhlo chuan a inher san hmak a


"Zaktheilo lutuk mai," A ti zui deuh hrak bawk.....



<><>~>~>~>~>~>~>



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)