lo dah loh ka in thlahrung sia, ka rawn dah ve hram hram.. 
- FB_IMG_1603853677341.jpg (98.17 KiB) Viewed 7700 times
Adore you - 9
Laldinpuii pov.
Zinga ka harh rual chuan nizan thil thleng khan min rawn nangching leh nghal a, nuam lo ka ti takzet bawk.khatiang khawpa zahna kha ka la tawng ngai miahlo.Nuamlo ti zetin ka tho chhuak a, kitchen ah chuan Yush a chu alo thu kur a, a hmel phelh phang ka hmuh rual chuan ka nuih chhuak thut a, min ngei hmel tak chuan min rawn hmel a, "" I tho ve thei maw?? "" Fiam ti tih deuh chuan ka ti a, "" Nui suh, ka lung awi vaklo ania""a rawn tih pawh chuan arukin ka then ru char char a.
"Nizan i mu thei maw,i dawlh hnem mai sia, "" Ka ti a, min chang lovin alu a rawn bu a, nizan khan aruih tawh em avangin kan inah ka hruai haw ve ta ngawt kha ania,a pentawng hmel ngawt mai chuan ka nuih ati za ru takzet.. "" Yush nizan i thil tih avanga ka zah zia kha i hria em?? Engtinnge Rs a ka hmuh ngam tawh ang?? "" A bula thut thlak ve pah chuan ka ti a,a hmel a min ngei zia chu ka hmuh hmaihlo..
"" ka tihpalh pawh anilo ka tilui anih kha,, nang lahhi i à ropui si, inla in duh tawn tawn ve ve tih ka hre thei""a rawn tih chuan ka lo ner khum a,ka ring chiahlo ani, Rs an vawi leh khata min hawisan nghal theih avang hian ka ring chiahlo. "" I awi na nge, tunah hian thih thamin damlo ta ang la, a nupui kalsanin arawn pan nghal ang che""a thingpui lem zeuh pah chuan a lu chu a dawm a, "" I ring tak tak ami,??? "" Ka ti let a, keimah pawh in ka rinloh chu engtin nge a thlen ngawt thei ang...
"" I mit chu atha viau si a, i bula a awmdan atang khan i hrethiam mai lo vem ni,, anupui ai pawn a ngaihsak zawk che kha,i hmangaih anih chuan bansan suh""thutak fe a arawn tih chuan ka melh kar a, "" Chutiang... Ka.. ""///"" Thil dang sawi tum suh, nangpawn i hmangaiha I hmangaih chu neih i tum tur ani lovem ni, i sawi angin Rs a nu pawn a duh che a , i tan pawh a awlsam dawn asin""a rawn tih chuan ka ngaihtuah na a luah khat nghal vek thei.... Ka kalsan ngawt thei bawk silo, ka theih nghilh thei bawk silo... Ka van buai tam em!!
""Min hmangaih theih i ring em ni?? "" Beidawng zet chuan ka zawt a, arawn thaw hak nghal a,, ""a mah i hmangaihna hi hmangaihna dik anih chuan pathian pawn a pe let em em ang che, min hmangaih tu te hlut zia a hrethiam anih chuan a hnar reng bik lovang che.. Mahse athinlung hneh tur chuan nangpawn i beih ve deuh angai ang... Abulah awm tam la, a tan i awm reng dawn ani tih kha hriat fiah tir la, a result chu enge kan hre mai ang"""chiang fek fawka arawn sawi chhuah chuan keipawh tlem chuan ka rilru a khawih ve takzet..
"" I duh chuan ka pui thei che ania, enge ka tih theih hi ka hmuh tir ang che""ding chhuak hlawl pah chuan a rawn ti a, "" Ka in bual teh ang ka rim a chhia "" Tih pah chuan in chung lamah a chho tlang nghal a, athil sawi chuan ngaihtuahna a ti thu duh viau mai,kan nun hluite ka ngaihtuah leta, nizana min biak dan zawng zawngte nen phei chuan min la duh ve reng ani tih rinna tur tamtak ka nei thar a, mahse mi nupa inkara tla zep duh tur khawpa rilru chhia pu ka ni bawk silo, chuvanga kalsan thlang kha ka ni reng ani.. Mahse kei hian min hmangaih reng tu ka lo tina ani zawk mai thei bawk..
Rs an lalnunfeli a huat zia leh tihnat ringawt a ngaihtuah lai in inneih a duh thu a sawi kha ania, eng emaw thil fello chu a awm ngei ani. Rs a hian eng e maw tak tih atum ani ngei ang??? Ka zawh fiah ngei angai dawn ani.. Min kalsan a a mi huat ngawih ngawih nupuia aneih chhan hi!!! A chhanna ka dawn dan a zirin keipawn eng emaw chu ka ti ve dawn ani.
"" Bawihte, iva tho hma ve a, nizan i rawn haw pawh ka hre miahlo""ka nu chu ham bai bai pah chuan a rawn lut a, kalo nuih nghal sen sen a""nia tho hma ve tawp, thingpui ka siam a i duh em?? Kalo ti nghal a, ka bulah chuan rawn thu in thingpui chu ka pe nghal a, "" Rs a chuan nupui anei ta maw?? "" Min ngaihtuah hmel tak chuan min melh a, kalu ka lo buk khum nghal a, "" Bawihte , ka chhuang lutuk che ania aw,i tuar chhel hle mai...rei lo te chhung zin khawthan te i duh lo ami,?? """ A rawn tih chuan ka thil tih tum chu hre chhuak nghalin ka hnial nghal vat a.
"" I duhlo tak tak maw,?? I duh chuan reilo te chhung zin bo ta che... I awm anuam zawk maithei asin""a rawn tih chuan ka rilru tak chuan ka chak ve tho, mahse engmah chiang lova awm reng chu ka thei bawk silo,, "" Aii nu ka tha lutuk alawm , min ngaihtuah suh "" Hmel hmel taka nuih in ka ti a, mahse ka nu hmelah chuan a awi vaklo tih chu ka hmu nghal thei. "" A va nuam em em ve "" Yush a chuan min rawm zawm ve nghalin a rawn thu thla nghal a, kanu nen pawh an in hriat tawh avangin an in kawm thei phian.
"" Ehe!! Yush i rawn riak tihna em ni.. I dam tha maw tunlai chu i va reh ve a?? Ka nu chuan alo ti nghal bawrh bawrh a, "" Aw nizan khan dinpuii nen kan lo haw a, damtha ani ve mai,, Delhi-ah ka awm char char a, kalo letna a rei lo,, nangzawk i dam tha maw?? "" A ti let ve nghal zat a, tawngduh leh tawng peih an han in kawm chu sawi tur an hre ngei mai... Engmah pawh ka sawi ve hman meuhlo ani.
""Kei pawh ka han in siam tan ve ange aw, yush hetah chaw ei la, kan kal rual dawn nia ka hotelah pawh ilo kal khat tawh e mai"" Ka ti nghal bawrh bawrh a, ka room lam pan chuan ka chho nghal a, lehkha pawimawh leh tihfel ngai te ka ti nghal a, tunkar chu mikual neuh neuh ka neih ve dawn avangin ka buai kar tluan leh dawn sia, ka peihlo sa takzet... Ka tih zawh meuh chuan sana pawh alo liam chak leh ngei mai in bual nghalin in hnuai lamah chuan ka chhuk thla nghal a. Kanu leh yush a chu an lo nui dun nasa leh ngang mai, annuih chhan pawh hrelo chuan ka khi ve nghal suk a,
____+++____
"" Ka thu sawi kha ilo ngaihtuah em? "" Ka hotel lam pana kan kal lai chuan Yush a chuan arawn ti a,ka melh zeuhva""aw ngaihtuah ve tho,, mahse Rs a hmuh hmasak phawt ka duh""ka tih chuan min hrethiam ang tak chuan alu abu nghal a, "" Lung ngai suh hmangaih ka la neilo nan , hmangaihte then aia na a awm ka ringlo, kapui dawn che ania""a rawn tih chuan ka lu ka lo bu nghal a, "" I fel ber mai""ka tih chuan min ner khum nasa ngang mai. Hotel kan tlen thleng chuan yush atiti ngai thla in hun ka hmang leh a, ka ning ve tep thin a chang chuan...
Baby Lalnunfeli pov.
Dan pangai te in zingah hi chuan ka tho tlai ngai lo, ka harh rual rual chuan min khan run tu chu Rosangpuia emaw ka ti hman a, mahse ka best hlutei zawk alo ni, henu han mut chiat theih zia hi chu aw... Tihharh hlau tak chuan ka tho va, inphih fai nghalin in hnuai lamah chuan ka chhuk thla nghal a, kitchena Rosangpuia lo thurun ka hmuh chuan min ti phu chiang ngei mai,ka rak that a, a mitmeng thip tak chuan min melh zeuhvin a hawisawn nghal a, ka lut laklawh tawh nen chhuah leh nghal mai chu a tih chi bawk silo, ka awmdan lai lutuk chuan min ti hreawm takzet..
"" Lo thu rawh, thilsawi dun lawk ang""a rawn tih khauh fak rual chuan mawng hawlh ang mai ka thu nghal a, "" Ka neih chan che i hria a, kati ngei bawk dawn ani, kanin karah eng in zawmna mah a awm tur anilo,nangpawh i duh duhin i nun i hmang thei anga, mahse amawi chin i hre tur ani.,.... Kan nun hman danah buaina kan in siam tur anilo,, ka thiltih ah in rawlh ngai suh ang che... Amaherawh chu mipa dang kawp kha chu bansan i tum dawn nia, minti mualpho tu nupui neih ka duh lo ania, hrereng ang che""a rawn tih chuan sawi tur pawh min ti hre hlawllo, heti khawpa min ngai diklo tu mipa lakah hian in sawi fiah chakna ka neilo..
"" I kal chhuak dawn anih pawn ka chhungte tu emaw tal i hrilh thin tur ani, chuan dawt sawi ngai suh ang che, eng emaw thu ah dawt min hrilh tih ka hriat chhuah chuan i chhunga ka thil tih tur ka sawisa theilo, ka sawi hi i zawm vek thei anih chuan I pa chu ngaihtuah suh, engtin mah ka ti lovang,,""a rawn ti chang leh rut a, ahmel ka en min eizawh vek duh ang mai hian min en kur a, """ Chuan thil pakhat mi hma ah chuan nupui tha ber ang in awm ang che,ka thu engkim a kawi ngilin i zawm thin tur ani bawk, kanin kar thu hi tuman an hre tur anilova,, ka chhungte ngei pawh hian"" A sawi zo chu a ding chhuak a, min su deuh pah chuan akal sawn ta nghal daih a.
Hetiang khawpa mihring sual hi an awm thei dawn em ni?? Ramhuai fapa ni awm ani.. Ka haw takzet mahse engmah tih theih ka nei bawk silo,, "" Awi ka u ilo tho tawh ani maw, i van tho hma em em ve""Lucy i chu tho pang tak chuan amit a rawn nuai nuah nuah a, kalo then khum sak a, a sam a hnawk bawk nen in sual zo hlim a ang ber. "" Nia , ka tho hma ve mai mai,, thingpui kan siam ang aw, kanin dawn nia""ka tih rual chuan min rawn dang nghal a, mahse keiman siam ngei ka duh avangin ka siam lui ta tho va.
"" A nih chuan eirawng kan lo bawl tan ange aw, nang enge i ei ve duh zawng? "" A rawn ti nghal siam siam a, rin ai a tawng duh a, abula awm a nuam phian bawk. "" Aa dik tak chuan ei theihloh ka ngah lutuk hi ka buai phah thin eng emaw ni khua ah hian a hreawm duh thei lutuk""ka ti let ve nghal a, a chek tlak tlak chu ka hre chhun zawm nghal.. "" Awi keichu ei theih loh ka neih pawh ka hrelo, "" A rawn tih chuan kan nui dun a, eng emaw sawiin kan titi a,a nuam ve phian mai..
Kapa te pawh an rawn tho ve a, kanu hmela min lawm vaklo ka hmuh chuan a hreawm takzet.. Kapa chuan nuamlo ka tih hlau takin min be ve reng a, Lucyi pawh a tawng ve reng a, tlem chuan azia deuh, mahse, kanu min nin hmel leh huatna mitmenga min en reng chu hriatloh der a har takzet... Thingpui ka thlit chu hmulo derin Lucy i chu a in thlit tir a, mahse ka pa chuan lo hrethiam ngahlin keiman ka lo in mai ang a rawn ti nghal a, Lucyi chuan a hrethiam vaklo ani ngei ang,,a thil tihlai ati zawm mial mial a..
"" Vawin chu ka thiante an rawn leng dawn a, zahawm deuh hlekin lo in thuam ang che, "" Ka nu chuan a rawn ti chhuak a, ngaihthlak anuamlo chiang khawp mai, "" Awle ka nu""ka tih rual chuan a kalsawn nghal a , "" Chaw ka ei peihlo""a rawn tih leh rual chuan ka thaw chhuak hak a, "" Bawihi pawi ti suh, arei anga a reh mai ang""ka pa chuan hreawm ka tih hlauh hmel tak chuan arawn ti dam dap a,. Mahse min hnem vak chuanglo.
Hlutei pawh a rawn tho chhuak ve a, arawn ri leh nghal bawrh bawrh a, abelh chhah turin Moses a awm bawk nen tlem chuan min ti zang khai deuh, mahse Rosangpuia hmel chang rut chuan awm ati nuam lo , ka nu lo ni bawk nen a hreawmtak zet!! Silvia i chu a rawn pai lut deuh char char a, kan vai mai chuan kan lo melh a, eng ah mah ngailo ang tak chuan thingpui in thlitin a room lamah a chho tlang nghal a. Rosangpuia chu tho vutin a zui chho ve nghal a.
"" A van hahthlak thin ve, "Moses a chuan ham buai buai paha arawn tih chuan kan melh dun nghal a, "" Ka sawi awmzia chu Silvia i hi tun hma chuan hetiang hi ani biklo, a rawn danglam deuh thut ani mai, thusawi a ngaithla duh silova, Rsa hian a zilh ve thin mahse awmzia a awm thei tak tak lo""a rawn ti chuan Silvia i chu ka ngaihtuah a, kum naupangte nia he tiang anga nun a hmang hi a pawi ka tihpui takzet ,kawng a bo ve hle niin ka hria.
Chaw te kan ei hnu chuan Moses aleh hlutei chu an haw a, ka lung a leng nghal derin ka hria,awm ve reng turin duh mah ila , a theih ngawt silo min hre thiam a min ti hlim thei tu te an nih avangin hian ka tan chuan an hlu takzet...Rosangpuia chu a lut nghal vut a, tunlai a awmdan hian min ti hrilhhai thin, ahma ai nasa khan ka lakah a che a, sualtho thin mahse tunlai a chet dan hian ka awm ati nuam chiah lo.
Kan nupa room a ka luh chu Rosangpui a chuan laptop leh eng emaw file thenkhat lo in chhawp in hna alo khawih neuh neuhva, tih tur ka hriat loh avangin ka thawmhnaw thenkhat chu suk ka tum ringawt a, ngawirengin ka che a, Rosangpuia mi uap leh a awm ve reng tih ka hriatna chuan ngaih ngam tak pawhin min awm tir theilo.. "" Ihh ka in su dawn a, "" Ka va ti dek dek a, enge ka hrilh chhan pawh ka hrelo.. """ Chuan enge? "" Duh ai a chang mah mah, ka chil ka lem khawlh a, Rosangpuia lah chuan min melh kur mai bawk si.
"" Ih i thawmhnaw suk tur te a awm em?? ""Ka tih rual chuan a phone chu a rawn ri nghal a , tu emaw athianpa ani ngei ang a biak danah, anin be zo chu a rawn tho thut a, kalo din hnaih bawk nen lo ken ka tum na lamah kan in su chawrh a,kalsawn ka tum chu ka kawngah vuanin min pawt hnai dawr a, ka thinphu ran zia chu, ka hlauthawng ni ber hian ka hria.."" Eng maw i sawi kha? "" Ka mit a min melh zeuhin ka hmui lam chu a melh thla leh nghal a, a chil lem rual a ahrawk bawk che rulh chuan min ti zam chhe vek.
"" Ih ,, eng.. Lo.... i thawmhnaw suk tur i nei ve em?? "Ka ti bah nawk nawk a, min hnaih lutuk chuan ka thawk pawh a ti pangai lo vek.. A rawn nui suk a,"" Nupui anga awm i tum ve deuh tihna ami? "" A thusawi chuan min tina ve dat thei... Ka pa thusawi chu ka hrechhuak nghal a,hepa hi then duh hle mah ila, kati thei silo... "" I duh duhin i ngai thei alawm, mahse dan ang chuan ka pasal i ni,""ka thusawi chuan a thawng hle tih a landan chuan a sawi nghal vek. Min thlah a, min rawn melh nghal hrawk pah chuan "" Iti dik e, nanghi ka nupui chu i ni ngei alawm, mahse kei chuan nupui ang ni lovin ka sal angah ka ngai zawk che, i duh chuan nupui awm angin i awm thei, mahse engmah asawt phah chuang lovang""a rawn ti let nghal a,a tawngkam tin mai chuan min vaw na takzet.
"" Chuan ka thawmhnaw hi i khawih tur anilo,, hriat ngailoh hmeichhia hian ka thil engmah an khawih thianglo,I HRE THIAM EM?? "" A tawp lam chu a chang mah mah bawk!! "" Chuan ka chhuak dawn a, zanah ka lo haw lovang, i pasal hi lo ngaihtuah suh khawlai hmeichhia bak ka kawp lovang""a rawn tih chuan khawi lam atangin nge ka mittui a rawn tlak hman pawh ka hrelo,, ka khur a, ka nà ngawih ngawih thei.. Batroom lamah chuan alut tlang nghal a, ka tah chhuah loh nan ka in sum hram hram a,min tina takzet ani...
Lucy in min rawn koh avang chuan in hru fai nghalin ka chhuk thla a, kapa ka hmuh rual chuan ka nuih sak a, "" I tha maw bawihi, i mit chu... Itap em ni?? "" A rawn tih chuan ka lu ka lo thing nghal a, "" Aii teuhlo pa, ka thil tihfai laiin ka mit a mim a, ka nuai na lamah a sen vek anihhi, enge ni ta""hlim hmel taka lan tum chuan ka ti nghal bawrh bawrh a,mahse ka pa chuan min ringlo ani.. "" Bawihte hetah lo kal teh,, ka fanu ,,i ko ah hian thil tamtak ka nghat tih ka hria, mahse khawngaihin i in tiamna kha theihnghilh suh aw, ihre reng dawn nia""a bula ka thut thlak pah chuan a ti a, ka chhang let lo, chandan tur pawh ka hrelo!!.
""Bawihi tunah hian lung natna ka nei a,nizan khan ka doctor khan in test tha leh turin min rawn ti a, mahse ka duh lo"" A rawn tih chuan ka meng phar deuh àwk a, "" Pa ti nge, in test that chu i duh lova??, "" Ka lo ti nghal vat a, arawn khuh deuh khar khar hnu chuan "" Keimah ah hian ka hre thei ani, he ka natna hi ka neihna arei tawh a, mahse ka reh deuh vang vang hnuah a rawn na leh a, ka chhungte erawh chuan an hrelo,hrilh pawh ka tumlo, an rilru tih hah belh ka duhlo ani, "" A rawn tih chuan ka lo hlauthawng nghal em em a, "pa chutia chianglo deuhva awm ai chuan test chu ti tha la, chuan a tlai hma hian in enkawlna kan la dawn alawm""" Ka thu sawi chu a hnial ang tih ka hlau ngawih ngawih, mahse Rosangpuia ang chiah ani, a luhlul ve takzet.
"" Nilove, a result chu engpawh nise ka dam chhuahpui ka ring tawh lo, ka taksa danglam dan atang hian ka hre thiam vek, kei hian cancer ka vei ani tihhi""a rawn tih phei chuan tawng tur reng ka hrelo, ka rilru a ahah a, kapa hmel ka en in ka lung a chhe bawk si, "" Pa,, ti hian ti ang, i hnen atangin thu tiam min lak tir a,nangpawn ka thu i zawm ve tur ani, ifanu anga min ngaih tak tak chuan test chu ti tha leh ila chuan treatment pawh kan la nghal ang,, ka thusawi i zawm dawnlo anih chuan keipawn ka zawm thei bik lovang""ka ti ta tawp a, hetia atawrh tlawk tlawk hi ka duhlo, a lo cancer anih phei chuan treatment kan la nghal anga, adam ve phah ka beisei tlat ani.
"" Hetah alaw ilo awm a,ka zawng che a, ka kal dawn asin, ka pa chu lo hrilhfiah mai rawh aw"" Rosangpuia chuan a rawn tih rual chuan min chhuahsan nghal a,ka pa chuan a chhan ka hrilh beisei tak chuan min melh a, enge ka hrilh ang le... Eng chhuanlam nge ka siamsak tak ang... Ka khur ru der der thei hial a, chawp leh chilha dawt mawi han sawi pawhhi ka thiam lo. ""Enge atih dawn a, ava hman hmawh hmel ve? "" Kawngkhar lam en zeuh pah chuan min zawt ta ngei a... Lalpa min pui teh eng thu nge ka sawi dawn...
"" Ih ,, athianpa tu emaw ni khan a rawn bia a, an thiante zing ami a excident ani awm e,""ka hmel zawng zawng nen chuan ka tang vek a, awi hram teh se!! "" Aw ani maw, ava zialo thei ve,""a rawn tih chuan ka thaw nghal hawk thei... "" Pa nangpawh lo in siam la,i thianpa clinic ah chuan kal ang""ka rilru ah chuan ka pa bak a awmlo,, enkawlna dawng vat se min dampui reng se ka duh ani. ""Bawihi kha lam kha... "" A rawn tih rual chuan ka lo hnial nghal a, "" Pa min hnial dawn anih chuan keipawn i thu min tiam tir kha ka hnial ve ang che,, pa khawngaih takin test chu ti tha ang aw""a kuta vuanin ka ngen tawp a, cancer avanga thi mai tur chuan ka phal lo.
"" Awle, ka fanu i thu thu ni rawh se, keipawn test ka ti anga, nangpawn mama hi i then tur anilo, alakah hian i beidawng thei bik lovang.. Chuan he thu hi kan pahnih chiahin kan hre tur ani, inu pawn ka natna hi ahrelo ania, a theih hram chuan tumah hian hrelo se ka duh""a rawn tih chuan ka lo bu nghal a, a chhungte pawh hrilh hreh a, kei khawvel dan a thlir a an monu ve mai min hrilh a, min rin ngamna chuan amah ai mahin keimah ah hian lawmna ka nei a,chu chuan chakna min pe bawk ani...
"" Aw, lo in siam la, kan kal dawnnia aw""tia kan room lam pan ka tum chu ka nu nen kan in tawk a, ka phu zuk lehnghal""nu,,, thil leia chhuah ka lo tum a"" tí dak chuan ka ti a, kapa nen chhuak tur ang chuan ka in sawi theilo ani.. "" Nunfel ka thu sawi kha i hre tawh lo nge, i ngai pawimawh lo zawk... Ka thian te an lo kal dawn ka tih kha, tun thleng ila in thlak na nge""a àw kí chu a rawn san nghal a,ka lo theihnghilh hman chiang lutuk, ka pa a rawn tawng ka ring ania mahse angawi reng.""nu ka tilhpalh ka lo theihnghilh a""ka tih chuan a thinrim hmel ngang mai, """ Ka han in siam ang, nidangah pawh ka la chhuak thei alawm""tia kalpel ka tum chuan min pawt ding dat a.
"" I lawina phu tawkin rawn in duang ang che, "" A tih chuan ka bu nghal vat a, tinge ka nu hian heti em me hian min huat le, Msa nen kan in ngaihzawn lai khan ti em em hi ani ngai bawk silo, Rosangpuia nen kan in nei a, a mizia ka lo hriat thin te kha chu a bo vek, ngawi rengin room ah chuan ka lut a,Ka nun fair lo lutuk chuan ka tah a ti chhuak takzet... Lalpa ti nge hetiang hringnun hi min pek bik kher,...!
Rilru chuan peihlo mah ila, ka tih ngei angai bawk si, peihlo zetin ka in siam a, kawrfual darkblue(colour blindness ka nei ve deuhva, arawng hi ka sawi dik em ka hre chiahlo,ka ziah dawn hian ka ngaihtuah nasa rapthlak) a var sin te te a spot chu la chhuak in ka in bel a, a taiah suihna a awm a, a nghawng a 'v' shape bawk a, inchei ual nilo mahse awm hnum hakah chuan a nalh ve phian.
- IMG_20201029_160038.jpg (92.09 KiB) Viewed 7700 times
"" Bawihi, i nu leh paten enge an thawh a?? "Nu mazuali zawk chuan arawn ti a, " Ih ka pa hi Aizawl college ah sawn Geography lecturer ania, ka nu chu house wife, "" Ka tih chuan a rawn nui chhuak thut a, hrethiamlo zetin ka lo melh kiau va, "" A nih chuan thla khata in chhungkaw hmuh chu ka tupa car man ai pawn a tlem ani maw""tiin a nui ta vak a, "tak takah ka ti mai mai anih kha, ilo la thu tak ange"" A rawn ti zawm zat a, dinpuii nu (biaktei) chuan alo khap vat a, mahse engkim a tleng tur chu a thleng vek tawh, tuin nge khang thu kha fiam thu ah la thei ang,, ka fiam thu ti mahse a natdan chu apangai reng.
Ka nu chu ka bulah thu in angawi reng a,tlema ka thlavang ahauh ve ka rin nen ka beisei sang mah mah ani. Nuih luih hram tumin athusawi chu eng ah mah ngaihloh ka tum a, mahse ka bengah hian ari nawn àwn àwn a, hriat loh tum pawn a cham reng. Enge an sawi pawh ka hre mumal lo, kan chhungkua min hmusit rukna tawngkam rawn chhuak khan min vaw na takzet ani.
Inleng an haw meuh chuan tlai lam alo ni leh der tawh, "" Khawnge mama hi? "" Ka nu chuan a thiante thlah zo rawn luh pah chuan arawn ti a, "" Ih a chhuak a, zan lamah chiah ka lo haw hman ang ati""ka rilru a awm ang ang chu ka sawi ve tawp tawp a, kanu chuan chan pawh min chhang let lo chuan room lamah min luhsan nghal a, a reh tlawk tlawk nghal.. Lucy i chu ka zawng nghal a, ka hmu mai bawk silo, room lamah chuan chhoin khumah chuan ka muthla tawp a, nichin a nu mazuali thusawi kha ka bengah hian arawn ri nawn a, hlim taka nuih chu har tak ani..
Rosangpuia pov.
In atanga ka chhuah hnu chuan ka thian sawmkima te in lamah chuan ka kal nghal a,ka thuthlukna hi ka kaltlang pui dawn ani, Lalnunfeli lakah hian that ka chuah tawh lo ang a, Msa hnena ka in tiam ang chiah khan bul ka tan dawn ani,a ngaihtuah chin ngailoh khawp a hreawm in ka siam anga,a lo piang ve hi a inchhirna turin ka siam dawn ani...... Engmah ka in dal tir tawh dawnlo, ka unaupa tana ka tih theih awm chhun ani tlat..
Sawmkima te in ka thlen chuan thian dang te nen kan ri leh hlut a, ka nupui neih min lawmpui thu an sawi te chuan ka thinrim rú tun tawh, Msa hlir ngaihtuah pah chuan ka thinrim lo theilo,, zan party na tur an hriat avangin party na a kal tur chuan kan in sawmkhawm leh te te a, mahse thil nang tih neuh neuh tur an neih hlawm avangin tuman an lo peih chiah lova, kei leh sawmkima leh maliana chauh chu a phur fal kan ni, mahse apawi tawp lo zanin chu haw ka tumlo ve sa hrim hrim bawk nen, keimah chiahin kal dawn pawh ni ila pawi ka ti lemlo.
Sawmkima hi police officer anih avangin a lo stock sa diam a, thianho kal khawm kan nih avangin kan han ti leh rih a, party ti nuam tu atan pawh atha ve hrim hrim, kalu chu ahai deuh chiai chiai tan a, party naah ka in leh duh dawn avangin ka in belh duh tawh lova, sawmkima te in atang chuan zan dar 9 ah chuan kan in phur chhuak nghal a, pathum chauh ni mah ila a boruak chu anuam khawp mai, engmah pawisak ka nei tawh lemlo bawk a, ka free ni ber hian ka in hria, tibuaitu leh rilru hahna pawh ka neilo.
A hmun kan tlen a, kan han par tak tak chuan zanlai alo ni leh der tawh, nula mawng lian leh awmbawr kawh ve tak tak te pawh an tam ngang mai,in ha chhing fe fe leh kil khata lo in hrual rak pawh an awm ve bawk.. Keini thian thum chu dawhkan kilin kan in thlit tawn char char a, maktak in ka chatthla thei derlo, ka harh tawlh tawlh hian ka hria, ka tha a za em em mai leh nghal,chutah hmeichhe rak ri ka hriat chuan engmah ngaihtuah hman lovin ka pan nghal a, mipa pakhatin alo pawt lai chu ka hnek nghal pawp a, insum tumna pawh ka neilo chak ka in ti a, huaisen ka in ti ru em em bawk..
Ka thian ten min rawn pawh hran rual chuan ka in hrosa vak vak a, police horn ri chu kan hre chawp chilh nghal , police pathum chu rawn lutin thil awmzia chu min rawn zawt fiah a, "" Ka pu , hepa hian min rawn hnek hmasa anih kha,engtin mah ka ti hmasa lo""ka hnek pa chuan arawn ti a, lalo melh rum tha khawp mai, "" Eng vangin nge i hnek a?? "" Police pa chuan a tiang a min rawn sawhin a ti a, "" Hmeichhe duhlo chhung a pawt anih kha""ka lo ti ve nghal a, "" A nilo, heihi ka farnu ani a, a unaupa ka nih angin thu neihna ka nei ani""a rawn tih chuan tawng tur reng ka hre tawhlo,u nau an lo ni tak tak bawk nen police pa chuan kawl min bun tirin an motor ah chuan min nawr lut nghal a.
--____-----***
""" Engtin nge kan tih ang? "" Ka thianpa chuan beidawn hmel zet chuan arawn ti a, keichu lockup ah min khung fel der tawh. "" Ti dan ngaihtuah rawh police ve tho inih kha, he lockup ah hian zan hun min hman tir suh ang che""ka thinrim bawk si chuan ka ti hrawk a, mahse ka thianpa chuan thil awmzia min hrilhin a theih loh thuin min hrilh a, ka thinrim chu azual tawlh tawlh mai hian ka hria, thir kawngkhar chu vawi thum vel ka hnek pawp a, na pawh ka tilo ka thinrim na chuan a hlaih khuh vek. Malian a pawh khawnge awm ka hre tawh lo..
"" Hei nangkha beng chheng siam suh ang che, naktuk thleng lockup ah khan awm la i zia deuh mai ang""police pakhat chuan a rawn ti vin tuar a, ka hnek pa pawh chu awm ve in leh kha eng emaw chu a tifel ve bawk a, "" Sawmkim zanin hian min la chhuak ngei ngei ang che, engtin pawn ti rawh""ka ti hrawk a,lockup ah hian ka awm theilo, miten an hriat chuan ka mualpho dawn lutuk, ka sawisak pa leh a farnu chuan min melh leh zuk zuk thin bawk nen ka thinrimna an ti zual viau bawk.
Engmah ngaihsak lo chuan ka tei tei kual a, sawmkima pawh a kalsawn na arei tawh,he jail ah hian zan hun ka hmang theilo, ka sana bun ke en chuan zinglam dar 1:00 alo ni tawh a, mut tum pawn a harsa mah mah ani,, ka kut rawn na ut ut chu ka hre thei mahse ka ngaihsak thei thlawt lo, ka chhungten an hriat chuan engtin nge an ngaih ang.. ""Ilo chhuak thei e""" Ka thianpa sawmkima chuan nui vur vur pah chuan arawn ti a, rang taka tho in ka chhuak nghal a.
"" Engtin nge min lak chhuah a, "" Ka tih chuan min nuih suk nghal a, "lo kal rawh ka hmuh tir ang che" A tih chuan min kalpui nghal a, police dawhkan bula Lalnunfeli lo ding ka hmuh chuan min thawng ngei mai, min zah hmel tak chuan min en a, "" Hetah hian sign rawh le, "police pa chuan arawn tih chuan sign na turah chuan ka sign nghal a, "" Ka va phone tawp alawm, innu khan engtin nge a biak pawh ka hrelo, mahse hei i chhuak thei alawm, "" Sawmkima'n a rawn tih sur sur chuan ka melh nghal vat a.
Lalnunfeli chu melhin pawnah ka chhuak nghal a, "" Ti khan in hruai haw mai ru aw, a leh pekah chuan a thlen tawh loh hram beisei ang, hei dar 1:23 ania, mut ka mamawh lutuk, anih ule""tih pah chuan sawmkima chu chak takin atlan chhuak nghal a, tlem chuan Lalnunfeli chu ka hmaizah ve deuh, mahse a pasalin buaina ka tawk anih chuan heihi a tihtur ani reng ani. "" Kal ang, lut rawh""ka tih rual chuan ham biai biai pah chuan a lut ve nghal a, a thawmhnaw hak chu a in hmeh ka ti ru em em bawk.
- IMG_20201029_160038.jpg (92.09 KiB) Viewed 7700 times
"" Mu rawh, sofa ah ka mu dawn""ka tih chuan min chhang let ka rin teh lul nen tawng miah lovin a in lu khuh nghal a, keipawh in thlak in sofa ah chuan ka bawk thla nghal a.
- IMG_20201028_073204.jpg (90.26 KiB) Viewed 7700 times