My Kitkat❤

Episode kal lai dah luhna

Moderator: writers

Lal Rinsangi Bee
Posts: 59
Joined: October 30th, 2020, 11:16 am

My Kitkat❤

Unread post by Lal Rinsangi Bee » October 30th, 2020, 11:32 am

My Kitkat❤
☆Episode-1☆

BY: Lal Rinsangi Bee






Hmanhmawh deuh leh thinrim ru țunin kan in lam panin ka kal mawp mawp a,ka nu vang vek bazar-ah thil lei kawi tur tih kha lo sawi se chuan bazar a let leh kher kha a ngai tawh miah lo ang.
kan in ka thleng țep tawh tih chuan ka hnung lam atangin aw thum dapin "Kitkat" a rawn tih chuan ka phu deuh zuk,a hmel en tum a ka hawi let chu a hmel ka hmuh hma hmain ka hma lamah a rawn ding nghal a,min en vang vang a,keipawh chuti tho,kan nunhlui zawng zawng kha ka mitthla-ah a rawn lang nghal uar uar a,engmah sawi tur kan hre lo kan in melh ngawt ngawt ringawt.

A țawng chhuak hmasa-ah rawn tangin "i dam țhin maw?" a rawn ti a,ka lu ka bu nghat a,sawi tur ka hre thlawt lo,a hma ang thovin a mi uap chu a na hle mai,December thla khaw vawh em em lai ni mahse ka thlan te a rawn chhuak,"khaw nge i kal a?"amah bawkin a rawn tih leh chuan aw then kharh pahin"Bazarah ka kal lawk a khaw nge i kal zawk"
"In awmna lamah hian ka thianpa a awm a ka rawn tlawh zawk mai mai,anih ka kal phawt ang e,chaw ei tui aw"
"Nang pawh le" min kalsan chiah chu ruak huai ang mai hian ka awm,hmanhmawh phelengin ka tlan haw nghal in chhung ka lut chiah chu chaw min lo ei san tawh lehnghal,"Ti nge chawhmeh a awm reng sia min lei tir leh kher a?"ka tih chuan anu in ka bia tih a hria a"naktuk zing a mi tur anih kha" ka van ngei reuh tak,engmah pawh sawi tawh lovin ka thleng tur ka la a ka ei ve nghal bawrh bawrh a,ka vanneih ve na chu chaw hi khawrh khat aia tlem ka ei ngai lo,ka chaw ei a tui loh viau pawn,ka nu hian chaw nghei a phalloh bur vang hi nih ka ring.

Zanah ka tih tur leh inbual vel ka tih zawh vek hnu chuan khumah mu in vawiin tlai a ka hmuh tak ka bialpa ohh...tunah chuan ka bialpa hlui ni ta Lalhmachhuana nen a kan nunhlui ka ngaihtuah mai mai a.



_______Flashback_______
♡Three Years Ago♡



canteen a lunch kan ei laiin ka thiannu ka best friend Zamzami chuan"Hlute,Hmachhuana hi i duhna rei ve tawh e...bem ve pawp ta che"ka nui mai mai nang a keipawn ka duh zia leh vei zia ka hrilh chak lutuk mahse ka sawi dawn hian ka ngam leh lo ziah,"Nang pawh Samu-a i duh em ema i hrilh ngam bik a mi?"
"Hmm...kei te chu kum khat pawh ka la star ve hleinem" a tih chuan ka nui tawp.Dik tak chuan keipawn Hmachhuana hi duh tawh loh tumin ka bei thin,duh tawh loh tum veleh hian ka hmu zing em em a,ka duh huam huam lai hian ka hmu khat thei em em thung.


Ka hming chu Lalrinhlui a ni a,Aizawl khawpui a veng pakhat a awm kan ni,ka pa hi police officer niin a hming chu Vanlalhruaizela a ni a,Hruaia tiin an ko thin,ka nu hming chu Zarzokimi niin Kimi tiin an ko mai thin chuan ka nu hi high school zirtirtu ani bawk,unau hi pathum kan ni a kei hi a naupang ber leh hmeichhe awmchhun ka nia ka chhungte pawn min duat hlawm lutuk a kan thenawm te phei chuan "in duat lutuk hi a sual phah ang e" an ti fo thin,chhungkaw harsa lutuk a piang kan ni lo bawk a,kan duh ang ang chu kan nei ve thei zel tho.

MZU-ah ka thiantha ber Lalthanzami,Zamzami nen kan kal mek a ni.
Zamzami nen hian kan tet lai atangin tawh a inkawm kan ni a,kan thenawm chiahah hian an awm bawk,kan tet lai atang tawhin kan school luhna ala inang char char bawk.

"Hlu,Hmachhuana alo kal ve enteh saw"a melhna lam ka en chuan an amah ani tak tak,mak ti deuhin ka lo en reng a,ka Kitkat ei lai pawh ka theihnghilh daih,he lai restaurant-ah hian Hmachhuana a rawn kal ngai miah si lo a.

Thutna tur awl a zawnga a hmu mai lo ni a tur a ni,kan lam panin a rawn kal phei ta mai,in control vatin hmalam ka hawi nghal a,kan dawhkan bulah chuan mihring pakhat hi a rawn ding chat,tu nge a nih pawh hrilh ngai lovin ka hre nghal,"Ka lo thu ve thei ang em" a tih chuan Zami chuan "Lo thu rawh chhuah kan lo tum vel chiah a mahse Hlui hian lassi in ang a ti leh tlat a" ava han daw heh ber tak Lalthanzami mai mai chuhhh...a bul hnaia ka awm duh a rin vangin thil tha ti-ah a in ngai ngei awm sia,ka bula ka awm hian a hrehawm thawk pawh hi ka thaw tha ngam lo thin,mahse ka hnaihah awm reng se ka ti tho.
Zamin ka hma a kut a rawn vai lauh lauh chuan "Eng nge"tih hu pahin ka va melh a,"I melh ngai i melh vung vung i chatthla ta emaw ka tia"tih pahin a nui hawr hawr a,ka van zak tak rum deuhin ka melh nghek kha.
Zami chuan Lassi chu a chah a Hmachhuana chuan Momo a chah thung,Momo ei ve ziah tawh tur anih hi hehe.
Lassi in khawlh khawlh pah chuan Zami chuan "Hlu,ka va zung lawk min lo nghak rawh aw" tih pahin a mit a rawn siai keuh,mahse Hmachhuana chuan a hmu ve hman lo ang,chutia Zami a kal tak daihah chuan sawi tur ka hre lo lutuk chu ka bag ka hai rak rak a,Kitkat pakhat alo la awm hlauh,ka kheh a,muangchangin ka ei a,Hmachhuana chuan ngawih reng chu a ning ve deuh aniang "Ka hmuh che apiang hian kitkat hi i lo ei ve ziah" tih pahin a nui suk a,"A tui em alawm"tih pahin kan nuih let ve sek a,awiii...a nuam zahthlak kan awm dan hi,"Kitkat i heh em mai kitkat ka ti tawh ang che" hha...ka duh dawn mawn lee...a sweet teh chiam lo ee...min koh a tum dan hi,mahse inngaizawng pawh kan ni chuang lo a.."Kitkat tihte chu ka duh bik lo"
"Nih leh My dear ani mai aw"a tih chuan phu zukin ka va melh phawk hra a,a inthlahrung leh deuh aniang "ka ti mai mai nih kha" a ti lehnghal a,Zami a rawn phei chiah avangin kan chhuak nghal a,kan haw kawngah lah chuan Lalzami lah hian min chhaih sek lehnghal.Keipawh chawhma lam a ka mood fuh loh tehreng nen chawhnu lam chu ka nui vur vur reng mai.Zanah kan dream leh tak tak teh ang.
In ka thleng chiah a inchhung ka lut chu ka la nui phei vur vur tluang zel a,kan awmpuinu in "Hmuh tha i hmu a ni maw i rawn nuih vur vur danah khan"a tih veleh ka tum leh hmuk a,a ni alo nui chhuak leh hawr hawr thung.

Zan a kan chaw ei kham kan chhungkua a sitting room a kan thut khawm thap laite chuan ka lo nui leh suk suk thin,mak tih hmel deuh deuhin min lo en leh zuk zuk thin,a tawp a tawpah ka pa in "Bawihi thil lawmawm lam a awm ami eng nge ni i nuih suk suk reng mai a" a tih chuan "Pa engmah ani lo ka han mu teh ang" tih pahin ka tho hlawt a,ka room-ah khum a bawh thlawp pahin vawiin a kan awm dan vel ka ngaihtuah a,kan lai thar leh vel a
Awiii ka ning Lalhmachhuan min ti a zo dawwnnn....

Ka room kawngkhar rawn kik tu an awm chuan "eng nge" ka lo ti nghal,ka û chiah Carlos-a alo luh chuan min en vung vung pahin "bialpa i nei ami" a teh deuh thut chuan "Ka neih i ring ami" ka ti let ve nghal,ani lahin "Ring e...Ring tak ka ni vawiin i chhuah dawn a i tum nasat tehreng nen Nu Sawmkimi(kan awmpuinu)pawn kawngka atanga a rawn lut ka hmuh atang a ka haw dawn thleng khan a hmel a hlim sarh a,a nuih loh aiin a nuih a tam zawk a ti che" a tih chuan ka lo nuih leh tawp,eng ang pawn min zawt nasa mahse ka sawi dawn lo tih a hria aniang ka room atang a chhuah pahin "Nuuu paaa....Lalrinhlui hi par huanah dah rawh u,a â tawh anih hi" a tih chuan ka la nui reng tho,ka hlim ve em a ni.

Restaurent a kan awm dun avang mai mai pawn tiang khawp hian ka hlim ania,han in ngaizawng phei ila chuan awwiiiii.
Ka phone ka en a Whats app message vel ka check kual chu ka phu chiang lutuk Hmachhuana hnen atangin message 2 ngawt alo awm anih chu...a phone number hi cheng 50 ka lei ngat ka delete phal teuh lo,"Hello" tih a rawn thawna a hnuaih "Kitkat i mu tawh mi" tih alo awm,ka thin phu a rang a ka za cheng mai.









☆To be continue☆



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)