DESTINY AWAITS-22 by NUTTY GIRL

Episode kal lai dah luhna

Moderator: writers

Nutty girl
Posts: 151
Joined: May 2nd, 2020, 11:28 pm

DESTINY AWAITS-22 by NUTTY GIRL

Unread post by Nutty girl » November 21st, 2020, 9:34 pm

DESTINY AWAITS



BY:


NUTTY GIRL


16-47-10-images.jpg
16-47-10-images.jpg (17.64 KiB) Viewed 2106 times

CHAPTER-22



"Kan inbiak a ngaiin ka hria,"Hmangaihi melh khui chung chuan a ti sup.Professor chuan min rawn melh zawk a,a mitmeng aṭang chuan a lungawi loh zia a lang chiang lutuk mah mah.



"Anu i haw tawh dawn mi?"ti tu Marcus-a chu ka en reng ringawt. "Umm..i nu hi a haw dawn a,ka va thlah lawk ange. I u Omi bulah va phei ve rawh,"a fapa a biak chuan a aw chu a dang leh hlauh thung,a thinrim tih thup a tum nasa lutuk tlat.Marcus chu thuawih tak chuan an room lamah chuan a kal phei a.Boruak rit luk chu a hrethiamtu tan chuan hrehawm tak a ni.Tih ngaihna hre lo zet chuan ka dinna ngaiah ka ding reng ringawt.


"Ka fate hmu turin ka lo kal a,ka duh hunah ka haw mai ang,"thip rama min melh chung chuan Hmangaihi chuan a ti ve tlat."Ka thusawi zawm la a ṭhat zawk ka ring,min lo zui rawh,"thupe aw zet chuan Professor chuan a ti chang rap a."Kan fate hi rui chunga i hmuh ka rem ti hauh lo,"Professor chuan a ti leh hmuk.


"A tlai tawh emai keipawh ka haw nghal dawn,"ka sawi chhuah lai pawh ka hre lo! He laia awm reng chakna ka nei lo,ka awm chhan tur pawh ka hre lo. Engvanga thinrim em em nge ka nih pawh ka in hrechiang meuh lo.Professor chu rawn inherin hriatthiam har zetin min melh run.



"Lo awm rawh,"a ti hmuk. Nichina ka awm ve lo ang maia a khawsak vanga na ka ni tih ka in hre chhuak nghal zat. Ni e,nichin kha chuan ka awm ve tih hria awm pawn a lang lo. "Ah... ei rawng bawl ka ngai,thil lei kawi te ka ngai ka kal zawk ang,"ka ti leh sup. Min kal tir zawk se ka awm pawh a nuam deuh zawk ang.



"Lo awm rawh,ka lo let har lo ang. A ṭha em?" a hma aia zaidam deuh zawk a a tih chuan ka thaw nghal hak. A mitmenga min ngenna chu ka hmuh thiam avang chuan ka bu ta nghauh. "Ka rei lo ang,"a ti leh sup a,ngawi rengin an in zui chhuak chu ka melh ngawt ngawt ringawt.
Awm nuam lo zet chuan ṭhuthlengah chuan ka ṭhu a,ka ngaihtuahna a vak kual nasa kher mai.



Tunah an fate vangin an mit hmuhah ṭha takin an awm dun a,an fate vangin inneih leh ta se..ka ngaihtuahna vang chuan ka lu ka thing nak nak. Eng tiang pawhin inṭhenin awm hrang mahse fa hial an nei tawh a,engtik niah emaw chuan sawi zawm an ni leh tho dawn a, chu chu pawm thiam ve ka ngai dawn! Ka ngaihtuahna vang chuan ka thaw nghal hak, ngaihtuah zui duh loin thil dang chu ngaihtuah ka tum ṭang ṭang.



"I la awm maw?"Omi ka lampana rawn kal pawh chu a ṭi dek mai,amah en chuan nui lui var varin ka bu nghauh."Khawnge Marcus-a te?"ka tih chuan in hnunglam huana an infiam thu a sawi a.



"Khatianga rui khan a lo kal ngam pawh ka ring lo hrim hrim a, tun anga a thinrim kha chu vawikhat chiah ka la hmu,Marcus te awm lo phei se chuan a thinrim viau ang,"a rawn ti nghal bawrh bawrh. Ka rilrua zawhna lo lang nghal zawk chu zawh ka duh,ni e Professor in min sawi pui dawn lo tih ka chiang. A nupui nena an chanchin sawi a duh lo,Omi aṭang a nih loh chuan ka hre ngai dawn lo.



"An inneih lai velin hetah i awm tawh em?"ka ti hmasa te te a,a bu nghauh.Ka van lawm tak. "Tinge an inṭhen ah..ka hre tho nangin an boruak ka hrechiang chak a,"inthlahrung ru tak chuan ka ti a. A sawi duh lo ang tih ka hlauh tluk zetin thudik hriat pawh ka hlau tho. A nupui nena an chungchang ka hriat chuan Professorin a hmangaih zia ka hrechiang miau atin ni. Bakah Hmangaihin mipa dang a um an ti a mahse ka bulah erawh Professor bula kir leh a duh tih a ti lang miau a. Hmangaihin kir leh a duh a nih chuan Professor hian a lo pawm leh mai angem?



"Ka hrechiang lutuk bik lo. An inneih tirh vel kha chuan an hlim thei tawp a. Marcus pian hnu phei chuan an hlim tawp,aa...an in hmangaih hmel thei lutuk,"a tih chuan ka nui lui vur vur mahse ka chhunglamah erawh Professor leh Hmangaihi an awmdun tur ngaihnmtuah ringawtin a lo na ve em em thung!!



"An boruak ṭhat loh pawh kha ka hrechiang lo
Christy a pai lai vel hi a niin ka hria,..E aw a ni,nau tih tlakna damdawi kha an drawer ah Professor in a chhar a chuan ta ṭang chuan an buai tawh. U Hmangaihi pawh kha a rilru a hah aniang kha ta ṭang khan mut theih loh te a nei a,chuan Christy a pai hma aṭang daih tawh khan peels te a lo ei ṭhin a chuan a hnuah phei chuan in aṭang a leng chhuak ta fo a. Professor khan a en liam tawp a ni mai,Pi Thanpuii te Aizawl lama an awm lai a ni bawk sia,Professor khan a buaipui reng a.



Christy an neih hnu lawk khan thla 6 vel ah a niin ka hria,nikhat chu thinrim deuhin Professor a lo haw a,tah chuan an in hau ta vak a,u Hmangaihi khan mipa a hmuh ṭhin thu vel te a niin ka hria an in hauh chhan kha,chuan Professor hian am fate vang tala ṭha taka awm turin a hrilh tawp. An in hauh chhan kha ka hre vak bik,naupang an awm avangin an ṭawngkam pawh an uluk thei viau. Pi Thanpuii te inbiaah chauh hian ka hre ve ṭhin a. Chuan kar pawh ral loah u Hmangaihi a chhuak a, Christy kha a damṭha bawk si lo a,kan buai hlawm lutuk,"a ti nghal bawrh bawrh a.




Dinpuii min hrilh ai kha chuan tlemin a kim chang deuh. "Awi...ka sawi ringawt sia,"a rawn tih chuan ka sawi chhuah loh tur thu ka sawi vat. A la naupang bawk a engmah pawh a ngaihtuah zui tawh lem lo a.



Professor chu ka nghak rei phian a,darkar khat dawn ka nghah hnuah chuan a rawn thleng ve thei hram. A rawn pen luh pawk pawk chuan a mitah ka lo en rana mahse a ngaihtuahna tur awm ang engmah ka hrethiam lo."Ka lo let hma thei lo a ka.."a sawi zawh hma chuan ka lu ka thing nak nak ringawt. "A pawi lo,"ka ti sup. "A rawn kal dawn a ni tih ka hre lo a,"tiin a hmui a pet sawi zeuh.Ni e a hre bik lo tawp ang a ni pawn.


"I hmu chak vak lo ang tih pawh ka hrethiam mahse naupang hmaah khatiang kha thleng fo lo se ka duh.A thleng nawn tawh lovang,"a ti sup. 'I hmu chak vak lo ang tih pawh ka hrethiam mahse,'tih a sawi chu ka bengah a rawn ri nawn tlut tlut. Khatia kan inhnial kha khanu ka hmuh chakloh vangah khan a ngai tihna em ni?? Engmah sawi lo chuan ka bu nghauh ringawt.



"I fel e,khawnge naupangte?"a tih chuan in hnunglama Omi te nena an inhmuh thu ka sawi a. Thatchhe zeta ka bula rawn ṭhu thlain chunglam chu a melh vang vang,a chezia chu uluk takin ka lo en a,'a rilru a hah hmel' chu zawng chu a ni mai.Chutia ka melh reng min hmuh chuan min rawn nuih suk a,rawn tho in min kuah nghal hlun a. Hahdam hmel zetin a thaw nghal ham ham,keipawh chutiang tho chu ka ni.



"Ti hian ka hahdam,"a rawn ti sup a. Darzat ka en chuan ka harh chhuak zawk mai. "Professor,khi a tlai tawh ka haw tawh mai dawn,"ka ti sap. Min kuahna aṭanga ka awm sawn deuh chuan min en vung vung chung chuan "Haw loin tah lo awm ve mai rawh,"a rawn ti sup.



"Naa...a chi loh theih e,ka haw vat vat a nga kan inhmu leh vat vat zawk dawn nia,"nui sak chung chuan ka ti ve sap,ka bianga dawm chuan min rawn fawp a,a uar ṭha khawp mai.A mal chungah chuan ka ṭhu ran tawh. Naupangte an rawn phei thut ka hlauh avang chuan ka in la hrang vat. A mit a tih kan uk uk chuan "Naupangte,"ka ti sup,a rum nghuta min rawn fawp nawn leh tho.



"Zanin ka rawn kal thei dawn lo,"tiin a rum leh nghut "Zanin ai,"ti supin ka hmuiah a rawn fawp leh tawn tawn a. Ka thaw a chham lek lek,ani chu chutiang awm pawh chuan zu han awm lo a!



"Ai tih kha chu sawi tum tawh suh,ka haw thei lo ang,"tiin ka nui hak hak,min melh run a a nui ṭha duh lo leh nghal a. "Ka ngai ang che,"a ti leh sup chuan ka lo nui hak,keipawh ka ni ve dawn tho. Naupang rawn tlan phei thawm ka hriat chuan Professor mal chung aṭang chuan ka chhuk rang lutuk tlat,ka insiamṭha nghal sawk sawk a. Ka chet dan vang chu a ni ngei ang Professor chu nui hawk. Christy rawn tlan phei chuan pangpar pahnih a rawn keng phei a,a pa nen chuan pakhat ve ve in min pe a.



"A lo tla daih a,magic atan in hmang dawn nia,"a tih chuan ka nui hak hak. Ka sawi tawh em? Christy hian pangpar han lawh te hi a phal lo reng reng,a tla a lo awm hian a keng kual reng a mahse pangpar han lawh hi a duh lo reng reng thung. Naupang dangdai tak chu a ni.



Min thlah a tum uk a ka scooty chahbi ka hmuh chuan a rum nghut. "Khawiah pawh kal dawn la,ka tel ve a ka awm ve dawn a nih chuan kha thil kha i ken a ṭul lo,"a ti hmuk. "Kan awm dun theih hun a ti tlem mai mai,"a tih leh hluk chuan ka nuih a za ang reng viau.



"Vawiin thil thleng vang khan ka tihpalh,"a ti leh ta. "Theihnghilh rawh,a ho lutuk. I thiam loh a ni lo,"ka ti sap a,a lo bu nghat. A mita ka en chuan vawiina thil thleng kha a ngaihtuah a nih ka ring. A nupui...oh a nupui hlui..



"Professor."



"Ummm." Zawh tumin ka ang hman zuau a mahse thudang ka sawi ta daih."Naktukah kan in hmu dawn nia,"ka tih chuan nui sukin a bu nghut,ka kut a rawn hum vang vang. A nupui hlui a la hmangaih leh hmangaih loh zawh ka tum a mahse ka ngam ngang lo a ni. A hmangaih reng tih a sawi chuan ka na dawn si a. Scootya ka in khalh phei chuan vawiin a kan awm dan ka ngaihtuah let a, ka na tho tho.



~~~



Pa Zuala a phing a cancer avangin Aizawl lamah an zai mek a,Nu Thanpuii lo haw in Professor in a va awmpui thung Professor nen inhauhna kan nei hran lo a mahse amah hlat riaua in hriatna ka nei. Ni e khami ni aṭang khan a in ṭan tawh.



A bulah ka hlim lo tihna a ni lo a,a bulah chuan ka hlim lutuk tlat a lawm. Midang bula ka awm ai chuan a bulah chuan ka hlim daih zawk ang. A bula ka awm chuan ka rilru hahna pawh engmah ka hre chang ngai lo mahse ka hriatthiam si loh hian kan in hlat lutuk tlat. Ka lakah zep a nei ni a hriatna ka nei a,sawi duh miah loh thil a nei niin ka hria. Keiin a laka ka lungawi lohna pawh kha ka sawi chhuak ta lo hrim hrim bawk.



Kan induh tawn a,kan hlim tawn a mahse kan pahnih hian,ka hrethiam lo kan inkarah hian engnge maw kim lo a awm. Mahse chu chu enngnge a nih ka hre lo.



Ka pite lamin Nunpuia puteate damdawiin a thawh chungchang vel kha an lo hriat avangin ka nu leh pate an lo be fo a. An ina awm a,damdawiin aṭang pawh a a hlat loh thu an sawi fo ṭhin. An inbe thawm ka hre nguna mahse engmah hre lo angin ka awm hmak thung. Mahni tawka rilru hah sa nen chuan a inhmeh lo tak zet.



Sawi chhuah pawp pawp ka chak a mahse ka sawi chhuah ngam na ve ber Tluangi lah Rda nena an inkar ṭhat ve lai a ni a. A rilru han tihbuai vel ka duh lo a,keimah in ka tuar ngawt ngawt a. Ka hah ngawih ngawih a ni ber.



Christy lunglen vang chuan Marcus school bang lam chhung chu Nu Thanpuiin kan dawrah a lo dah a. Ka hmuh phei chuan Professor ngaih a ti zual. Ka mal chungah chuan pawmin a ti ti bawrh bawrh. A pa a ngaih theih zia chu a sawi ngei a.



"Apa magic kha apu khan a mamawh a,a pumte a nat avang khan mahse maw a u apa ka ngai tho,"fiah lo zeta a tih chuan ka nui hak hak. "Apa pawh khan 'Bawihtei hi ka ngai tawh e,'a ti ve ngei ngei ang. I pa i ngaih chuan i ṭap ngai em?"ka tih chuan in la fel zetin lu a thing nak nak.



"Apa chu ka ngaia mahse apain 'Lo ṭap suh, i ṭah chuan helai hi ana ang atia,'"tiin a awm zawn chu a kawk ve ngei. "Apa helai kha a nat ve phei chuan magic a hmang thei dawn si lo a,apa ka ngaih chuan ka zai vak zel,"a tih chuan ka nui vur vur. Naupangte ni siin midang a ngaihtuah em em reuh a,a puitling reuh em em leh nghal a.Ka nu pawh chuan a thusawi chu mak a tih thu a sawi reng.



Christy te haw hnu lawk chuan Professor chuan min rawn call a,ka pick nghal vat. Nizanah kan inbe ta lo hrim hrim a,tunah chhunah min lo call hman leh chiah bawk,a buai ngawt ang. Tlaia an zai hlawhtlin thu leh a la harh loh thu a rawn sawi zawng kha an chanchin ka hriat hnuhnun ber ani.



"Bawihi,"mutchhuak aw zeta a rawn tih chuan ka nui suk. A aw ka hriat chuan ka ngai zual hle mai,tunah khan ngaih em em i nei ve em? I hmuh theih si loh mahse ngaih em em i nei ve em?"Bawihi,"a rawn tih leh sup chuan ka chhang lo a ni tih ka hre chiah. "Umm..thil ka lo ngaihtuah daih a,"ka tih chuan a thaw ri ham ham chu ka hre nghal zat.



"Thildang ngaihtuah suh,keimah chiah min ngaihtuah rawh,"thupe aw zeta a tih chuan ka nui hak,amah lo hi ngaihtuah pawh tum ila ka thei lo chu a ni ber a. 'Min ngaihtuah tawh suh,'tiin ngunhnamin min tin pawh nise ka thei chuang kher lo maithei a ni.



"Ka ngai che,ka ngai lutuk che,"a rawn tih sup chuan ka ngaih thu ka sawi ve vat. "Nizan te in mu ṭha em?"ka tih chuan "Ka mu lo a,ka pa chu a mu ṭha viau,nichin khan ka mu a ka harh chiah ka rawn call che," a tih chuan ka nui suk a,a aw aṭang chuan a mut a chhuah hmel lutuk tlat.



"I taksa te enkawl ṭha la,nangmah thlak tu tur che an awm chuan hahdam zel bawk la."



"Yes boss."Christy in a thil min hrilh ka hrilh chhawn chuan a rawn nui ve huk. "Mike, khawnge he laia ka dah kha,"rawn ti tu hmeichhe aw chu ka hrechiang lutuk tlat. Engnge saw tah a tih ve ang?



A va thui lo si tak em!Nizan kha chu ka naute ka exam pui vang ania,vawikhat leh chiah tihpui an ngai dawn. (Mahse engtik nge ka hre lo😂)Chuti a nih loh chuan damlohna te a nih loh chuan ka chawl tawh lo ang aw🙃


Chuan thil pakhat Nutty tih hi naughty(chimawm,sual) tihna a ni a. I chimawm/sual vang ami min lo tia😂Nutty Girl ka intihchhan hi😝mahse chu chu a chhan a ni bik lo ania🙃tih zawng ka lo sawi aw💜🖤




Ads in la click loh chuan han click leh zuai la😉



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)

Post Reply

Who is online

Users browsing this forum: Google Adsense [Bot] and 85 guests