RAMDINSANGI BY Puitea Libra

[Puitea Libra]

Chapter 1






A tuka school tan hun anih tawh avangin Ramdini chuan anu chu zingah kai tho turin a hrilh a. Khum ah chuan a tuka hun hman dan tur vel chu a ngaihtuah neuh neuh a, school kal a chak tawh bawk a, chu zan chu phur takin a muhil ani.






Zing dar7 rik hmain anu chuan a kai tho a, a in tihfai zawh hnu chuan anu chu a pui ve a. Chaw an eikham hnu chuan school kal turin a insiam nghal a, a insiam zawh chuan," nu ka kal w bye" tih leh in atanga tlan chhuah chu rual nghal a.





An school hi hla vak lo mahse kea kal atan chuan darkar chanve kal ani. School a thlen hma chuan a thiante chu an lo thleng diam tawh a, an thiante zingah chuan thleng tlai ber ani.




Thian pathum a nei a, Jenny Mami leh Tetei te an ni. An fel a, fiamthu an duh bawk nen kawm an nuam phian. A thiante hi khawsa thei deuh vek an ni a, an chhungten engmah thawh pawh an phal lo.






Ramdini thla 5 vel a tlin khan apa chuan accident avangin boral san a, anu nen chauh in an khawsa ani. Mi inhnuai thla khat ah cheng 2000 in an luah a, anu hi thingtlang lamah chawhmeh vel lei khawm in khawpui ah a ti ral leh vek thin. Hlep tlem a zawng chuan an inluah man leh an ei leh in chuan a fanu mamawh engkim leisak thin.






Chutia a thiante nena fiamthu thawh a, an nui ho dar dar lai chuan tan dar ari a, room ah an lut nghal vat. Tlar hnung an ngaina bawk a, an thu leh ta ran mai.




An sir Lalrindika( Sir Rinna) tia an koh thin chuan amah chauh in class ah chuan a rawn lut a.




" Tanni te ni bawk a, voin chu introduction ka nei neih zawh ah school vel kan tifai ang a chuan kan bang ang" ati a.



Chutia an sir Rinna'n thu a sawi lai mek chuan Ramdini te thian ho chu a rukin an inbe leh tawh. An sir Rinna chu hre pha lo turah an ngai a, mahse a hre vek sia, amah hi fel ve hrim hrim a, hriat ve anga lan pawh tum chuang lo.







Introduction chu an nei nghal a, class 11 lama classmate deuh vek an ni a, mahse tawp lamah chuan," ka hming chu Lalhruaitluanga ania a, Tluanga tiin min koh thin. Chanmari veng atanga lo kal ka ni" tih leh thut a rual nghal a. Chupa chu Ramdini chuan alo melh char char chu niin Tetei chuan, " i star chiang" ati a. Ramdini sawi tur hre lo lutuk chu a lei a chhuah ringawt.






Ramdini thian chuan an class ah mil lo deuh an nei a, Mary lalngaihawmi ani. Mary tiin an koh thin a, anu leh pa hi sawkar hnathawk an ni a, khawsa lamah chuan rual pawl tak an ni.
An unau zingah chuan a hmeichhe awmchhun leh naupang ber ani a, a u te pahnih chuan an duat hle ni.




A chapo ve angreng a, tuman an nel lo ani ang thian kawm tur pawh nei ve lo. Nge ni ang a, amah hian a kawm peih lo zawk? Tuman hriat va ni suh..... A duh loh na ah chuan zirtirtu te pawh hnial ngam kha nia, zah nachang lah hre hek lo. He nu rapthlak zia hi chuh......




Tluanga ve thung chu mi hausa fa mah nise a fel a, thian kawm tur pawh ngah phian. A chapo ve lo a, miin engtin pawh ti se engmah sawi ngai lo. Mahse a thinrim tawh hi chuan buaithlak ve deuh ani.




Tluanga Ramdini leh Mary hi veng khat ah an awm a, mahse Ramdini chuan a hre ve tlat lo. A chhuak ngai lo ve em ani. Mary leh Tluanga erawh hi chu Baptist kohhran ve ve an ni a, Sunday school ah lah an department a inang bawk nen an in hreciang dun lutuk tlat.



Mary hian Tluanga hi a star na rei tawh a, chu chu Tluanga pawn a hrereng a, a hmel duhzawng ani lo aniang Mary chu thian ang bak in a en lo hrim hrim. Mahse Ramdini chu class ah a hmuh khat a lo star hman leh pek nih kha, chutiang bawk chuan Ramdini pawh a awm ve. Hehe tunge sawi hmasa ang le?





Chutia introduction an neih zawh hnu chuan school chu an tifai tan ta a. Ramdinite thian ho chu staff room tifai turah koh an ni. An tihfai mek lai chuan Ramdini chuan kawngkapui lam chu a melh a, Tluanga leh a thianpa muanga chuan dustbin kengin an mahni lam chu an rawn pan ve mek a, Ramdini chuan alo melh leh char char tawh.




Engemaw a ngaihtuah neuh neuh lai chuan Tluanga' n " dustbin ah hian bawlhlawh in dah ang a, keinin kan lo paih ang" tiin Ramdini melh chung chuan a sawi a.



Ramdini lo lai leh ringawt tawh. Chhan dan tur vak hre lo aniang" uhhhh ihhhhh awle" ati ringawt.



School an tihfai zawh chuan an bang ve ta a. In a thlen chuan a hun hman dan vel te chu anu alo hrilh leh char char tawh. Anu pawn eirawng pah in afanu thu sawi Chu alo ngaithla ve bawk a.




Tichuan school pawh an kal chho ve zel a, Ramdini leh Tluanga pawh an innel tawh a, break ah te hian an inkawm a, chang leh tiffin eidun chang pawh an nei. Chu chu Mary chuan a lo thik ve a, Ramdini chu puh chhiat ah Tluanga'n kawm peih lo tura Ramdini puh chhiat dan tur chu lo ngaihtuah ve char char a.






An class room ah tumah an awm loh hlan in Mary chuan Ramdini bag ah chuan a instrument box leh Exercise book la hman loh chu Ramdini bag ah chuan a khung a. Class an tan hma chuan engmah sawi loa, Ramdini pawn a bag chu check duh lem lo.




An class teacher lo luh chuan Mary' n a exercise book leh a instrument box chu a bo a, tih leh Ramdini bag ah khan a awm reng a mahse a lalsak ngam loh thu an class teacher chu a hrilh a. Chutah Ramdini bag an check chu Mary thusawi kha lo dik vek a, Ramdini zak lutuk chu tumah a melh ngam lo. Tluanga pawn mak ati ve bawk a, a chhan chu Ramdini nen hian engtik lai pawn an inkawm reng kha nia. Ramdini ruk anih chu ring bik lo ani.






Ramdini thiante pawh chuan a ruk anih an ring lo a, tetei thinrim lutuk chu Mary Sam ah va keh hrep a Chak a, mahse Ramdini khan engmah sawi lo turin a ti a. Chhan chu Mary pa leh an inluahna neitu hi unau an ni a, an inluahna thleng a buaina awm theih kha nia, chuvang in Ramdini chuan ru lo mahse engmah sawi ve duh loa. Chu thil avang chuan Ramdini chu an class ah chuan tute pon rukru nu an tih phah kha nia. Mahse a thiante nena an awm lai chuan tuman an ti ngam lo.




Chutiang a Mary'n a puh chhiat hnu ah pawh chuan Tluanga nen chuan an inkawm ngei phah a, Ramdini chuan Tluanga lakah pawn a inthlahrung tawh a, mahse amah tluanga zawk khan Ramdini chu a hnaih zel kha nia.




Chutia Tluanga'n Ramdini ala kawm peih hi Chu mak ati a, Ramdini hnena a tih tur lo ngaihtuah hman leh tawh he nu han rapthlak zia hi chu tluanga a duh na hian ati a zo tawh ani ang e.




School ah rukru nu an tih thin avangin Ramdini chuan school kal a chakna kha bo ta vek in a hria a, in ah pawn khuma a awm deuh char char thin. Anu chuan afanu mizia dang daih mai chu a hrethiam lo hle a, dik lo a awm chiang ti erawh a hai lo chiang kher mai.





Alo rei ve leh ta bawk a, rukru tia an koh thin pawh kha tunah chuan tuman an ti leh tawh lo. School pawh nuam ati chho leh tan ta e. Tluanga nena an inkawm hian sawitur pawh hre chuang lo Tluanga thu sawi Chu ngaithla a, anui ringawt zel.




A nuih lai hmel chu Mary'n a hmuh harsa ati ngei mai. Chutah class room ah Ramdini amah chiah a, a thut lai chuan banah inhmuh lok a duh thu a hrilh a, Ramdini chuan alu bu nghut ringawt. Banah chuan Mary'n Ramdini chu mi awm lohna ah chuan a hruai a, ti hian a hrilh ta ni.


"Tluanga hi ka hmangaih a, ani pawn min hmangaih thin mahse tunah chuan nagmah vang hian min hlat zel chu ni hi. Chuan nang ai hmeithai fanu ve mai hian Tluanga hi beisei duh reng reng suh anu leh paten an duh pui lovang che tun hnuah chuan Tluanga hnaih ah hian awm tawh suh w" tih leh kal chu a rual nghal a. Tluanga leh a thianten he thu an hriat chuan engtin tak awm ang maw?



Continue................