MUKTI....... POV
Zing ka harh chu ka tih loh dan deuhin phone ka en nghal a. A morning wish a lo awm a , ka nui nghal ver ver mai.
Tunah dar 6 a ri dawn chiah a dar 5 vel a min rawn thawn kha a nia , a tho hma ngawt mai.
Ka wish let ve nghal vat a.
Inphih fai turin bathroom ah ka lut nghal a.
Ka va chhuah leh chuan ka phone a lo ri chiah a. Will-a tih harh hlau tak chuan ka la nghal vat a.
Amah a lo ni a. Ka lai chhe nghal teh e.
Ka bialpa neih vawi khat na ka tih tawh kha. High school kan kal lai vel khan ngaihzawng ka nei miah lo. Harhin nghal viau mah ila min bem tu te kha pakhat mah ka chhang lo. Achhan chu class-10 pass hma chu ngaihzawng ka neilo ang tih ka in tiam vang a ni.
Ka țhiante nei pawh ka nuih liam pui mai mai nih kha. Mahse a tawpah thurawn lak nan min rawn hmang leh ziah kei experience neilo ber kha....
"Hello" ka lak rual chuan ka ti nghal thuai a.
Room ațang ka chhuak nghal țhem țhem bawk a.
"I van tho hma ve" a rawn ti sup a.
Zing kar atan a aw hriat chu a țha mah mah ni.
"Nangpawh" lai zet chuan ka ti nghal a.
"Nia. Keichu ka workput a bakah ka duty ngai sia ka tho hma" a rawn ti leh sup a.
"Ummm.." ka ti nawi nak ringawt a.
Dik tak chuan a vawi khat na vek a nih vangin awm dan ka thiamlo a ni.
"Vawiin nge i tih ang" a ti leh sup a.
"Vawiin chu school ah mi ai ka kal leh țan ang" ka ti sep a.
"Aw... min lo ngai viau lo la" chimawm deuh hian a ti a.
Ka nui hak hak ringawt a.
Ka lai lutuk a sawi tur ka haihchham zawk a ni.
"Bialnu lai hma deuh ka nei tih ka theihnghilh leh țhin."a rawn ti leh dut dut a.
"Nia..." ka ti nawi nak a.
"Ok... i lai chhe dawn lutuk tlat. Kan inbuak daih nge aw" a ti ta sup a.
"Ummm... keipawh rawngbawl ka ngai a" ka ti sep a.
"Tui deuh kha i bawl dawn nia. Dah rual ang aw... chuan ka ngai che" a ti leh sup a.
Lai zet chuan ka phone chu ka dat ta ngawt a.
Hei hi niang ngaizawng neih an tih ngei chu.
Zai rat rat chuan rawng chu ka bawl mawlh mawlh a.
Dar 7 velah Ephraim-a pawh a thil sem a rawn haw a.
"Mam vawiin țangin school ah khan ka thawk leh dawn a. Vawiin friday nia karleh țangin i nau pawh a school leh thei nga maw chuan vawiin chu i nau ilo awmpui a ngai dawn a" ka ti sep sep a.
"A țhat chu i kal leh theih dawn chuan. Will-a chu ka lo awmpui thei lutuk lawm" a ti sup a.
Unau thum lek a khawsa kan nih vang hian in ngaihtuah a na duh em em a. In chhuahsan pawh hi ka hreh phah takzet a ni.
Mahse kan thawh loh chuan eitur kan neilo a ni mai si a.
Dar 8 velah chuan chaw kan ei a. School lam pan chuan ei kham chuan ka tlan chhuak ta vat a.
Scooty keng thei reng chu ka ni mahse inah thil pawimawh tih nan hmang se ka tih vang hian ka keng ngai lo a ni. Bakah ke a kal ka tih țhan vang hian nuam ka ti zawk a ni.
School ka thlen chuan min lo wish sap sap a.
Mi ai kal chuah mah ni ila min zah thiam em em a a nuam a ni.
Ka thawhna hi kg to class-10 a ni a. Private school a ni a a hmun a țha bawk sia. Mi ai kal mah ni ila ka hlawh pawh a țha zek a ni.
Staff room ka luh chuan kan chanchin min lo zawt sap sap a thawhpui teh. Kan țhat thu chuan ka chhang luam hlawm a.
"Miss Mukti chu i rawn kal leh thei a ka puisui sawt" sir Rama kan thawhpui zinga tlangval awmchun leh phawk zet hian a rawn ti a.
"Ka awmloh pawn in puisui sa lawm" nui vur vur pah chuan ka ti a.
"A nia lawm class-7 naupang phei chuan Miss Mukti vangin english ka thiam phah lutuk an tih nasat kha" nui deuh vur vur pah chuan a ti a. Ka nui ve leh ta ringawt a.
Tuna ka thawhna ah hian english hi middle chin ka la a. Class-12 chauh pass mah ila english ka pianpui țawng ang mai a ka hman thiam vang hian ka thawk thei rih phah a ni.
"Sir Rama hi chuan a melh arsi che ka tih kha" sir Rama kal hnu chuan ka dawhkan bul a țhu miss Siamtei chuan a rawn ti a.
"A... awihawmloh emai a keini ang te chu duhtlak kan nih loh hi." nui hawk hawk pah chuan ka ti a.
"A ni lawm. I hmelțha a , i pian a lo nalh bawk nen chuta karah i la naupang bawk sia" a ti leh sur sur a.
"A... miss Siamtei hi i ti anglo e a" ka ti leh ta ngawt a.
Ka phone ka hmuh chuan school ka thleng tih Isaac-a ka hrilhlo tih ka hriat chuan ka hrilh nghal vat a.
Class lak hnaih thu nen ka hrilh nghal vat a.
"Keipawh ka thleng chiah. Chhun chawlh hunah ka rawm bia ang che" a rawn ti let a.
Ka nui nghal ver ver a.
Dar a ri hnu chuan class-7 room ah chuan ka lut nghak vat a.
Class ka luh chuan min lo wish sap sap a.
"Awle. Ka rawn kal lo rei deuh hlek a min hrethiam dawn nia. Chuan ka kal tawp ni ber khan in lama zir tur ka pe che u in ka hria" ka ti nghal vat a.
"Na... miss chu i hre rei thei e" an ti nang nang hlawm a.
"Ok.. a nih chuan monday ah ka zawt ang che u. Mahse in thiam ngei ngei tur a ni , in thiam loh chuan inhremna a awm ang in hria maw" ka ti nghal țhak a.
"Yes miss" an ti rual dal a.
"Vawiin friday a nia. Vawiin chu țum dang a kan tih ang in zirlai piah bak kan zir ni a ni a. Eng nge kan zir ang" ka ti zui a.
"Miss hmangaihna chungchang sawi la" Lalruatdiki an class a thiamthei ber chuan a rawn ti ta mai a.
Ka hawi hai țep a ni. Țum dang ah chuan knowledge zau na lampang min zawt țhin si
"Ok... hmangihna maw. Hmangaihna he țawngkam hi chu tu tan pawh dawnsawn a nuam a ni tirawh u. Hmangaihna hi sawifiah dawn ila sawifiah tham pawh a nilo a sawifiah rual pawh a ni hek lo. Miin tu emaw a hmangaih chuan a tan engkim a huam a mawilo an tih pawh a ti ngam a ni. Hmangihna chuan hausa leh rethei a thliar hek lo. Hmangihna he thu hi i mi huat ber chungah han sawi teh a en dan a dang mai ang che. Tu emaw hmangaih tur hian hun tam a ngailo. Pathian pawh hi hmangaih Pathuan kan ti a ni lawm ni. Hmangaihna ngah lo se chuan a fapa kha kan tan a phal lovang. Chuvangin hmangaihna hi engkim a ni." nui vur vur chuan ka ti ta sep sep a.
"Awle. Monday ațang chuan class pangngaiin kan la tawh a nga. Zir tur kan in pe leh țan ang. First term a fail ho pawh kha second term ah chuan in pass thei a nia chuvangin tun ațangin nasa zawk in zir tur aw" ka ti leh a.
"Yes miss" an ti ta dual a.
"Ok. That's all for today stand up"
"Thank you miss"
"Miss Mukti chu naupang ho in Miss Rami aiin awm reng zawk se an ti nasa mai che nia aw" Miss Siamtei chuan lunch break lai chuan a rawn ti a.
"A... awihawm loh loh emai" nui deuh tih tih chuan ka ti a.
"A nia lawm. Miss Rami chu a thinchhe ve a naupang ho hian a hlauh in an hlau zawk a" miss Jenny chuan a lo ti ve a.
Ka nui ta tawp a.
Tunah lunch break a zo țep tawh a Isaac'n min rawn la phone lo a va phone hmasak lah ka inthlahrung ve tho sia. Ti huam huam ang a min ngaih ka hlau mah zawk a ni.
"Miss Mukti chu phone i bih deuh chhen a call i chang mi" min fiam deuh ti tih hian Sir Rama chuan a rawn ti a.
"Aih chang em em lo e" nuih za vak lo hian ka ti a.
Ka chhang zo chiah chu ka phone a rawn ti nghal a ka phu chiang teh e.
Sir Rama chuan mit kan ak hian min lo melh a. Ka nuih tawi tak ta ringawt a.
Phone chhang tur chuan a fal deuh lam chu ka pan a.
"Tihpalh Bawihi patient an tam deuh a lawm" inthlahrung deuh hian call ka pick up rual chuan a ti nghal a.
"A ho lutuk. I buai a nih ka ring deuh tho a." ka ti ta sep a.
"Thil i ei tawh em" ka ti leh a.
"Hei ka ei hma in ka rawn call zuaih che" a ti thum leh dup a.
"Umm ei vat rawh" ka ti leh sep a.
"Ban dawnah min rawn call dawn nia aw. Ka lo lam ang che" a rawn ti leh sup a.
"A... lam ka ngailo. Ka haw thei lawm" ka ti nghal bawrh bawrh a.
"Keiman ka lam duh che lawm. Bakah hruaina tur che ka nei a." ngenngawl deuh hian a rawn ti leh a.
Ka aw ta hram a.
Haw hun ka ngahhleh rual in ka huphurh a ni.
Friday ah hi chuan dar2:30 ah kan bang țhin a.
Kan ban hun tur chu message chuan hrilhin class leh tur chuan ka lut ta nghal a.
Dar 2 a rik chuan ka za cheng mai. Ka thawhpui ten min chheih dawn chiang sa sia.
Kan bang chu school gate bulah chuan a car a lo awm vang tawh a. Ka duhloh dan deuh in a lo la chhuak zui.
Ka lut nghal vat a. Thawhpuite min hmuh hma in ka chuang a ni mah zawk .
A rawn țhu lut chu a nui suk a.
"Khawiah maw kan kal dawn. Ihhh rawngbawl ka la ngai a" inthlahrung deuh chuan ka ti a.
"Kan reilo ang lungngai suh. Kan dawr hawn tharah ka hruai duh mai che" kiai deuh suk pah chuan a rawn ti a.
Ka bu ta ngauh ringawt a.
An dawr kan thlen chuan a nuam reuh teh e. Restaurant hi a lo ni a. A hmun chu a ual au tho nang in a thawveng tho bawk sia. Ka sawi thiam lo a ni.
"A nuam em. Hei chu keima pual bik a ka siam a nia" min melh vung vung pah chuan a ti a.
"Doctor i ni bawk sia" hawihai zet chuan ka ti a.
"Nia. Hei chu ka ruahmanna a rei tawh a ka ti puitling chiah nih hi" mit siai zeuh pah chuan a rawn ti a.
Ka lei ka chhuah ta zeuh ringawt a.
Soft drink ringawt ka duh vangin min chah sak a.
Tun a thil ka ei chuan zanriah ka ei theihloh ka hlau a ni.
Chu tia thil kan in mawlh mawlh lai chuan hmeichhe pahnih in ha tight deuh te chuan an rawn ko a.
"Wow Isaac doctor ni bawk tiang lam i run tel bawk a nia. I pui tawp. Mahse nangchu i nih dan ve kha nia tiraw" makeup chhah zet inbek nu chuan no hnap hian a rawn ti a.
A hmel chu ka en vang vang a ka hriat hnu a ang takzet mahse a makeup hman nasat vangin ka hrechhuak theilo a ni.
"Nia." nui suk chuan Isaac-a chuan a ti ve mai a.
"Oh... țhian i nei law. Min in hmelhriatir dawn lo mi" in la no deuh chuana ti leh a.
"Bawihi Remremi leh Nandini chuan ka țhiante chuan hei hi ka bialnu Mukti" nui deuh suk chuan a ti a.
Chibai tum chuan ka kut ka phar chhuak a min melh no vak lo teh e mahse min chibai ta tho a.
"Oh.... bialnu i duh tuihnai vaklo ni maw" fiamthu ti tak deuh nui deuh hawr hawr pah chuan Remremi chuan a ti leh a.
Ka melh deuh kawk a.
"Wait... min hre tawhlo a mi. In khuaah ka pa comtractor in kum reilo te a awm kha school kan luh ho kha" min nuihsawh zet chuan a rawn ti leh a.
Ka hre chiah Remremi a star pa in min bem vanga min haw tlat tu kha maw.
"Ka hre leh si che" nui tawi tak chuan ka ti a.
Isaac-a erawh a hawihai teh e.
Isaac-a bulah kher a a țhut chhan ka hre leh ta chiah bawk. Henu hian Isaac-a hi a duh bawk. Chuan min tihbuai dan a zawng leh char char dawn tih ka hrethiam nghal.
"Mukti i nu a dam maw" mei nei deuh hian a rawn ti a.
Ka kut chu ka humruh ngar ngar a.
Isaac-a erawh chuan engmah a hrelo nge min entawn chhen a.
"Oh... tihpalh a uire san tak che u" chinawm deuh chuan a rawn ti leh a.
"Remrem a tawk." hriam hraih chuan Isaac-a chuan a rawn ti nghal vat a.
Ka en dawrh a.
Ka ip zawk bawk.
"Bawihi tirawh ka thlah haw ang che" dam dap chuan a rawn ti leh daih a.
Min rawn kai ta vat a.
Remremi erawh a nui leh hak hak.
"Ti teh Isaac ka fiam mai mai lawm. Kan țhianho te chu kan fiamthu a sang tih i hriat kha" in la inno tak chuan a ti leh a.
Fiamthu sang ha.
Pawi ta ber chu henu hian kan khua a ka chanchin zawng zawng a hre vek a ni.
Min haw ber tu a la ni zui bawk nen.
"Khatiang khan tumah fiam tawb suh" thinrim thaw hrawih pah chuan a ti leh a.
Kei erawh ka â muai a ni.
Isaac-a chuan amah rinchhan chuan min kaichhuak a.
Hun rei tak hun rei tak pawh liam mahse kha thu kha chuan mi ti na reng mai a ni.
Uirenu fanu nih hi ka duhthlanna a ni bik lo si.