Beauty's Dew (8) last

Episode kal lai dah luhna

Moderator: writers

Atei Ateuh
Posts: 45
Joined: September 20th, 2016, 5:06 pm

Beauty's Dew (8) last

Unread post by Atei Ateuh » November 12th, 2016, 9:54 pm

(Atei Ateuh)
.
Chapter-8
.
IBM building lianpui atang chuan rilru na em em in ka chhuaka, ka hma lawka motor lo dingah chuan Thomas-a leh Margaret-i Chu an luta an tlanliam ta nghala Keipawh Chu inlamah ka haw veleh a ka ngaihtuah na Chu atawp chiang khawp mai engchu nge ka tih leh tak ang tiang em em hian ani maw ani kha ka lo hmangaih theih le, ka inhal tak te kha chanchin tharah chuan an puang Chur chura mihring Chu tunge anih an hriat loh thu leh thil thlen dan an chhui zui mek thu an puanga ka rilru te te chuan ka hlauthawng ve khawp mai chutia news ka enlai tak chuan Margaret-i hi alo kala thinrim em em hian min rawn din chilha.
.
"Engvangin nge i thah? Ka chhuah miah lo angche"
.
"Min that tumin ruahmanna an Siam hmasa zawk anihkha engvangin nge ka thah mai lohang nangpawh kha lo inveng tha rawh I thiltih dik loh zawng zawng hi ka hai lang leh vek dawn tih lo hria angche"
.
"Police hnen ah ka report dawn che jail ah i tang khawp ang"
.
"Ka hlau reng reng lo damchhan ka nei tawh hleinem ka tang dawn anih chuan nangmah nen kan tang dun tur a ni kha mi ni a thilthleng kha ka chhui zui angnga CCTV an dah veka ka hai let ngei ngei dawn Thomas-a hi min lak hlensak thei chuang loang"
.
"Tu zawk nge chak tih Chu kan la hria angchu lo inring reng rawh I nun hi ka ti chhe vek ang, ka nu leh ka u te Phuba Chu ka la ve khawp ang"
.
"Nangni pawn ka pa kha in that ve tho Phuba Chu la dun chiah ila ani mai lawm, mihring pawh ka ni nek tawh lo e, thih ka hlau reng reng lo"
.
"Engnge ka tih theih Chu ilo en dawn nia" a ti a. Thinrim zet hian achhuak lehnghala. Keipawh Chu ka lungawi lo khawp mai kha tiang Khan engting nge min tawngkhum theih zawk kha leh Chen kha ka nau dik tak ang maiin ka lo en ve a, ka lakah that achhuah loh Chang pawn anaupang zawk anih vangin ka enliam ve mai thin, mahse tunah chuan ka hmelma Lian ber a ni tawh engtin nge kha mi ni a thil thleng kha ka chhui zui ang aw tiin ka inngaihtuah nasa maia, engpawh nise Thomas-a hian engtin nge min hriat loh theih zawk le ani nen khan inang viau mahila hriat chhuah Chu a hun tawh asin, engpawh nise mu hahdam phawt mai teh ang.
.
Atuk zing ah chuan IBM kawtah bawk chuan ka ding leh a, pawna thingbuk hnuaiah thutna an dah ah chuan ka thu renga, ka bag a lehkhabu Chu ka lachhuaka ka hmangaih em em Thomas-a Lem chu ka ziak mai maia, ahna-a alo kal hun Chu ka lo Chang renga darkar chanve hnu velah chuan arawn kal ta ngei a, motor atanga alo chhuak ka hmuh chuan ka va pan hnai vata min hmu chiah Chu a phu deuh zawka min hlauh hmel zawk mahin ka hria.
.
"Thomas khawngaihin min lo ngaithla lawk teh imit athat loh laikhan hehmunah ngei hian kan intawnga thuziak tu tha tak nih ka duh thu pawh ka hrilh che kha engtin nge min hriat loh theih zawk ka....." ka sawizo hman tawh lo, police an rawn thleng nghala an bulah chuan Margaret-i hi alo ding renga amitmeng ngeiawm zet chuan min rawn melh kual vela min nuih sawh deuh hian mi rawn melha chutah police te Chu ka bul an rawn thleng chiah tih chuan Margaret-i chuan lemchangin amittui ati tla zawih zawiha.
.
"He nu hi ka nu leh ka u te that tu Chu anih hi man rawh u finfiah na pawh ka nei vek thu hretu pawh ka nei, kha mi zana ataxi chuan na pa kha ka zawng chhuaka ka bia a engkim achiang vek tawh min ti buai reng ringawt mai man vat rawh u"
.
A thusawi chuan min thawng takzet engtin nge ka awm zel tak ang, jail ah chuan ka tang duh lo pawh anilo ani kha thil tisual tu ber ani tih hi tuma hriat loh in a thamral vek angnga, kei hian a ma thiltih sual zawng zawng chu ka tel vek dawn tih na maw? Ka ngaidam hauh loang.
.
"Hey, ala tawp mai dawn lo ania, ka la rawn ti buai khawp angche"
.
"Ha ha...engthu nge maw asawi le I thusawi awmzia ka hre lo reng reng mi â ani hial lo maw?" Ngei awm deuh chuan min ti a. Mahse police ho in min hruai dawn takah chuan Thomas-a Chu thilhre chhuak ni awm tak hian arawn che hrawta.
.
"Lawk in, Helen unau nu inei Khan ka hre sia ani hian Helena-i angin a in sawi tlat bawk sia Khawnge I unau nu Margaret-i Chu a awma?"
.
"Ma....Maw....ih englo a nia, hmani lawk Khan ramdang ah akal a ka nu leh ka u te pawh kan vui na ah arawn kal thei lo a, Flight an cancel sak hlauh maia, Japan ah a awma thlipui tleh nasat avangin arawn haw thei loa hreawm ka ti khawp mai, ahma pawn ka hrilh tawh che sia ihre tawh lo ami?"
.
"Ooh, min hrilh lai ka hre lo reng reng"
.
"I rui deuha ihre tawh lo aniang"
.
"Aw in kal thei tawh ang"
.
Police in min lak hnu chuan Thomas-a chuan min la rawn en zui char chara ka mittui Chu Dan rual loh in atla a, tunah chuan ani kha theihnghilh tum tawh ila atha zawk ang Margaret-i chungah Phuba Chu ka la khawp ang jail ah chuan ka tang Chu a ni si a. Ka nu leh pa te kha ladam Chu nise tiang hi Chuan ka awm miah lo tur ania, court ah chuan ka inlan Zak zaka ka thiamthu pawh ka sawi buai peih lo ka ngaihtuah na Chu abuai vel vek a nimai, atawp ah chuan thuthlukna ansiam ta Margaret-i chuan mi chi hrang hrang tham na pe in achhe thei angber in min heka, kum 3 chhung tang tur chuan min ti ta a. Ka hmel te Chu adang bela ti nung lai reng reng pawh ka nei tawh lo engtin nge ka pa Khan kha tiang mihring kha nupui ah alo neih theih zawk le ka nun min tih chhiat sak veka hreawm takin min Siam bawka keimah in ka mal tan bawk si.
.
Nitin hian hna chi hrang hrang kan thawk thin a Thian pathum ka chhar thar ve bawka an ni chu ruk ruk te damdawi tawlh ru te an ni nawk ka thil tawn te Chu sawi chhuak ngailo a, mahse thla 3 ka tan hnu chuan ka sawi chhuak ve ta a, an ni pawh chuan an theih ang tawk tawk in min hnem ve thin vawikhat Chu staff room kan tih fai laiin police pakhat hian hmuh tur ka neih thu min rawn hrilha, tu chuan nge min hmu duh le he ti laiah tumah min hmu tur in an rawn kal ngai silo a, ka va thleng phei Chu Thomas-a hi alo thu ngawi renga min hmu chiah Chu ading nghal vata.
.
"Ilo tha maw? Engnge I an a?"
.
"Mm, ka tha hetah engnge I rawn tih dawn a?"
.
"Englo a nia, thil hrilh tur che ka neia"
.
"Sawi ta che"
.
"Kha mi ni a ka driver pa nen a inchhuah ni a thilthlen Dan kha ka chhui zuia, thudik Chu ka hre vek tawh ka lo ngaidik lo che kha ka inthiam thei lo a, ihmel pawh ka hmu hreh khawp mai, keimah avanga buaina I tawh zozai te hi engtin nge ka rulh ang che ka ngaihdam dil na che hi min pawm sak hram rawh"
.
"Thudik I hria Chu ka lawmkhawp mai mahse ka thinlung hian apawm thei tawh lo che a ni, kha lehchen ka lo tawrh tawh na Khan ka thinlung ah ser min siamsaka I ngaihdam dil na Chu ka pawm thlap e, tunah chuan iduh apiang I ti thei tawh ang keichu min ngaihtuah duh suh tualthat hmang ka nih tawh hi itan chuan ka bawlhhlawh tawh"
.
"Chutiang lam Chu sawi ka tum pawh a nilo, hria la ka duh Chu ka mit that loh lai khua ka hmuh theih loh chung pawha ka hmangaih ang tho che Khan ka la hmangaih che a ni tih hi min hriat sak dawn nia, Margaret-i Chu tun ah chuan athil sual tih man atel ve mek anih hi"
.
"Athat nasat Chu Keipawh ka thilsual tih man ka tel lo bik ami?"
.
"Ka sawi awmzia Chu nang te Chu ti lo thei lo din hmunah I ding a keiman hma ka lakpui vek angche ka tanpui angche"
.
"Tuma puih ka ngai lo keimah in ka inbuaipui thei"
.
"Anih chuan ka ti lui thei lo che a mahse..."
.
"Khawngaih in kal Bo rawh ka rilru ti thar leh tur chuan rawn in lan leh tawh lo la ka duh keiang tualthat hmang te Chu hriat pawh min hre duh tawh suh"
.
Ahmel Chu a ngui khawp mai, min lainat takzat tih pawh ka hria hrilh hai tak chuan a chhuak ta a, ka tan chuan engkim tih tawp veka bul tan that leh hi thil tha ber zawk Chu a ni, ka tan hun chhung tur ka ngaihtuah in min nghah theih ka ring lo bawk engti kawng mah in min nghak thei chuang loang ka rilru nat leh natur reng reng hi engmah tih ka duh tawh lo tunah chuan ka pa Phuba Chu ka la zo tawh bawka ngaihngam tak in ka awm thei tawh ang. Chu jail chhung ah chuan ka hring nun a ka thil tawn rapthlak tak te Chu nitin hian ka ziak thina ka hun tawn hreawm tak tak te Khan ziaktu tha tak ah min chhuah tih reng ka hre lo, Thomas-a Chu nitin in ka ngaihtuah fo thin engnge a tih ang khawiah nge a awm ang Adam tha em, hmangaih atawng tawh ngei awm si a, ahlim ngei ka beisei amah ngaituah chung zelin hun Chu ka hmang Liam ve mek zela.
.
.
Jail chhung ah chuan ka nungchang a that avang te, hotu te thu ka awih thin avang te leh ka hna ka thawh that theih em avang te in ka tan hun tur min pawh tawi sak hlauh maia, kum 2 chhung tang tur in min pawh tawi saka, ka thian te pawn min lawmpui khawp mai ka thuziah te Chu atam thei angber ka ziak khawl ve thina ka chhuah hunah chuan lehkhabu pangai takah achhuah theih ngei ngei ang tiin ka chhuang ve em em thin, ka hun awl neih Chang apiangin ka nun ti hlim tu leh ka nun kaihruai tu tur thil danglam tak tak ka tawn te, jail chhung ngeia ka awm laia ka laka ka thiante ngilneih zia leh mi tum ruh tak tak mi hratkhawkheng ho chanchin te Chu chhinchhiah in ka ziak khawm zela, mi te tan a tanpui tu tha tak fuih na thu leh huaisen taka dinchhuah theih na tur keimah ni pawh in a kan thiltih na-ah kan tawn kher loh pawha kan hman nghal theih tur thu tha tak tak ka ziak zela. Jail atanga ka chhuah alo hun meuh chuan lehkhabu pathum lai ka ziak zo ve thei a, keimah pawh ka inchhuang ve khawp mai. Jail atanga ka chhuah dawn zan chuan ka thian tha tak tak te ho nen inthlaha te kan Siam ve laih laiha jail atanga ka chhuak tur Chu ka lawm rual rual in ka hreh hle thunga achhan Chu ka tanpui te tel loa ka chhuak tur bik Chu hreawm ka tiin ka lawm akim thei lo a ni. Mahse an chhuah hun chuan min la hriat reng tur thu te min hrilha keipawn engpawh thleng se ka zawn hmuh tur thu ka hrilh a, in ngaitak chung chuan hreawm tam tak ka lo tawrh na kara hlimna min thlen tel tu Jail thim tak atang chuan ka chhuak ve thei ta a.
.
.
AFTER 1 YEARS.
.
.
"Miss, Helen he I lehkhabu ziah hi nangma thiltawn tak tak atanga I ziah a ni tih kan lo hria a Heihi a dik reng em?"
.
"Aw ni e, ka thiltawn ka Nun-a thilthleng tak tak atanga ka ziah anih kha Jail a ka tan chhung zawng Khan ka ziak thin a"
.
"Chuan Jail a itang kha ahreawm viau lo maw?"
.
"Hreawm tehreng e, mahse kha Jail ah Khan lut lo ta ila chuan tuna lehkhabu 'GET UP' tih hi arawn chhuak loang he lehkhabu hian mi pangaiah min chhuah leh chauh a ni"
.
"Chuan heta mipa I hmangaih em em hi tunge a nih min hrilh thei angem?"
.
"Kha lamchu sawi chi pawh ani lo he he"
.
"Anih chuan I lehkhabu hi tunah copy nuainga in chhu tawh a ni a, ahlawhting hle maia mitam tak rilru a khawih bawka, nangma chanchin mai piah lamah mi chanchin ngaihnawm tak tak I tarlan te kha a ropui ka ti khawp mai, inkawm na hun tha tak min pek avang in kan lawm lutuk e"
.
"Keipawh ka lawm lutuk e"
.
Tunah chuan mite hriat hlawh tak ka lo ni tawh a, atir kha chuan tuman ka thuziak min pawmsak duh loa, tunah chuan khang ka thuziak duh lo tute Khan min ngaisang let tawh zawk a ni, kha tih hunlai kha chuan mi â ang mai in ka khawsa a, Jail ka tan tirh te kha chuan mahni intihhlum hial duhna rilru ka pu hman tawh kha a ni a. Mahse ka thian tha tak tak te zarah ngatuahna thar ka neih phaha thuziak mi tha tak khawvel huap pawha hriat hlawh ka lo nih phah ta a ni.
.
.
Chhun ah chuan STRAND bookstore ah ka lehkhabu lei te Chu hming ka lo sign sak zela mi an tamin an intlar put maia, ka kut pawh akham tawh khawp mai, chutia ka sign char char lai chuan hawichhuak lemlo hian lehkhabu Chu ka lo sign hmiah hmiaha, an hming te ka zawt paha lehkhabu ka keu chiah Chu zungbun mawi leh nalh em em mai rangkachak zungbun hi alo awma ka hmu chiah Chu bangbo deuh hian ka hanhawi chho vata, ka thilhmuh Chu mumang a mawni ka ti hial ka ding hluaia zungbun Chu ka la vata.
.
"Thomas, nang maw?"
.
"Mm, keimah khawngaih in kha zungbun kha min pawmsak hram ta che Miss Helen?"
.
"Maw zungbun maw?"
.
"Mm, I lehkhabu ziah hi ka duh lutuk ka lo chhiar a, aropui takzet mahse heta changtupa hi mi zawng zawng hian nei leh turin an duh vek che asin, thil kaltawh Chu hriat reng tur pawh ani hleinem"
.
"Maw?"
.
"Mak iva tih hmel ve a, ka lo la nghak reng che asin min pawm thei tawh angem? Tunah chuan mi hmingthang tak I ni tawh si a"
.
Ka mittui Chu Dan rual lohin aluanga, ka hlimna belhchhah turin hun Chu engang pawn kal Liam tawh mahse hmangaih taka min lo la nghak reng tu Chu ka hnar thei lo a ni, ka bulah chuan rawn kal hnaiin duhthawh takin min rawn fawpa mipui zawng zawng chu kut bengin an lo au bawka.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)