MUKTI......... POV
Kan in lam pan chuan kan thlan chhuak nghal a.
Min melh leh deuh zawk țhin tih ka hria.
Kan in peng luh thlak reh deuh laiah chuan a ding a.
Chutah ka kut a rawn hmer ta vang vang a.
"Mukti ka tihpalh" a ti ta thlawt a.
A hmel chu ka en a inthiamlo hmel hi a pu ngawih ngawih a ni.
"A ho lutuk i thiamloh a nih loh kha. Chu bakah ka nih na ni a chu chu i hriat ve ngai lawm" nui lui sak sak pah chuan ka ti a.
Dik tak chuan ka rilru chu a na ve lawm mahse a thiamloh a nilo a dem chhan tur ka neilo bawk a ni.
"I hmel ah khan a ho i tih loh zia ka hria. Chuvangin dawt sawi chu tum buai suh" min rawn kuah thut pah chuan a ti leh a.
Ka thaw chhuak hawk a.
Nia ka na ve a ni. Thudik hi chuan mi a ti na reng a ni.
"I thiamloh a awmloh kha aw..... chuan inthiamlo duh suh. Thudik a ni a kan pha thei chuanglo chuvangin engmah tih theih awm chuang hlei hnem. Ok... kan țha tiraw" awm hla deuh pah chuan ka ti ta duah a.
Min melh vung vung a.
"Bawihi" a ti leh sup a.
Lu bu ngauh ngauh pah chuan ka nuih seih a.
A thaw ve ta huai a.
A țhu țha a a tlan chhuak ve leh ta mai bawk a.
Kan in kan thlen chuan Zomuana motor ding ka hmu a , ka inthiamlo nghal ringawt. A chhan pawh ka be lo rei lutuk a. Ka mamawh chang chauhin ka be sia ka inthlahrung zawk a ni.
Motor a din chuan chhuk nghal mai ka tum a , ka kut ah a rawn vuan vat a.
"Leng turin min sawn dawnlo mi" nuih za aw deuh hian a ti a.
"A.... ka chhuah hunah sawi ka tum a" lai zet chuan ka ti ta ringawt a.
"Ok. I bialpa ka nih hnuah ka lo len hmasak ber" nui deuh suk pah chuan a ti sup a.
Ka nui ta hak hak ringawt a.
Nizanah kan in ngaizawng chauh a. A nghal ve ngawt mai.
Inchhung kan luh chuan Zomuana chu țhutkhawmna ah chuan a lo țhu ngei a.
Isaac-a nen kan inzui lut a hmu chu a meng phawk teh e.
Ka hmu sual nge na tuar hmel hi a pu zawk in ka hria a. Mahse a reilo em a ka hmu sual a nih ka ring.
"Zo i va haw hma awm ve i rawn len hman teh mial a" țhut thlak tharh pah chuan ka ti a.
"Nia , vawiin te chu august 29 nih hi" nui lui deuh suk chuan a ti a.
Oh... ni tak a birthday. Lalpa engtin nge ka theihnghilh pumhlul theih zawk. A birthday in chaw a lo ei țhin bawk. Lalpa le...
"Lalpa.... tihpalh lutuk.. tihpalh lutuk.... Zo eng nge ka tih ang" inthiamloh deuh chung chuan ka ti ta zung zung a.
"Ka fiam che nih kha. Chaw ka ei nga ka duhtawk a ni mai" nui chung chuan a ti leh a.
"Kha chu chiang sa tui deuh kha siam mai ang che" la inthiamlo tak chung chuan ka ti leh a.
"Chuan Isaac eng nge hetah te i tih ve nawlh a" Zomuana chuan Isaac-a nen min en tawn zak zak chung chuan a ti leh a.
"Kan in ngaizawng a" a ti ta ngut a.
Ka phuzawk in ka hria.
Tlang deuh a a chhan ngam ka ringlo asin.
Isaac-a chuan min rawn nuih suk nghal a. Kei erawh ka ip chawih thung.
Ephraim-a a awm ve kur sia ka zak lehzual a ni.
Hrilh chu ka tum tho nang a tiang a a sawi mai hi ka zak. Mahse ka lawm tho min zahpuilo hi.
"Oh.... Mukti min va hrilh lo ve" mit rawn kan euh pah chuan a ti a.
Lai deuh chuan ka nuih ta ringawt a.
"Chuan Isaac tan chaw ka ei dawn a ei ve nghal la" Zomuana chuan a ti leh nghal zat a.
"I piancham te ni sia ei ve nghal ila" Isaac-a chuan a ti leh ta ngut a.
Hemi te pahnih hi eng nge an hriat ni.
"Ok... lo inkawm ula ka va inthlak lawk nge" tho nghal ti tiu chuan ka ti a.
Dik tak chuan an boruak hi ka zo lo. An inpawh viau emaw ka tia an in melh dan lah a no lo si a. Eng nge an hriat ni.
Chawhmeh leh sa leisa kan neih nual vangin ka siam sawk sawk a.
Dar 6 velah chuan ka ei ve ta hram a.
Kan chaw ei boruak chu rinai a nuam phian. Will-a a țawng zat zat reuh bawk nen.
"Bawihi emergency a awm thut a ka kal a ngai" chaw ei na vel ka sil fel hnu ka va țhu tur chu Isaac-a chuan inthlahrun hmel deuh hian a lo ti a.
"Umm.. va kal rawn a pawilo" nui ver ver chuan ka ti sup a.
Pawn thleng ka zui chhuak nghal a.
"Ka zawh veleh ka call ang che" min melh vung vung pah chuan a ti a.
Ka lu ka bu ngauh ngauh a.
A kal zet tawh a a rawn hawi let a min kiss ta thut a.
Ka meng nghal kawk in ka hria. Kan awmna velah mi awm lo mahse ka nau ten min hmuh ka hlau a ni. Ka nam deuh a mahse thuk zawk a a lei a rawn tihchet leh takah chuan ka hmui chu ka ti che ve ta a.
Rei ngial min fawh hnu chuan min thlah thei hram a.
"Ka chak na a rei tawh lutuk" a hmui kan infawhna vang a la hnawng deuh chap liah zeuh pah chuan a ti a.
Keichu ka la pangngai theilo takzet a ni.
"I lai emai kan kal vat nge ka lo call ang che" ka lu a min tuai zeuh pah chuan ti sup in motor ah chuan a lut nghal a.
Ban min rawn vei zauh in a tlan chhuak nghal a.
A kal chu ka ruak nghal huai in ka hria. Ka hmui chu ka khawih zeuh a ka nui leh ta sen sen a.
Inchhung ka lut chu Zomuana leh Ephraim-a chuan politics lampang an lo sawi nasa mai a.
Will-a erawh tv a lo en thi nasa mai a.
"Politics lampang in khel ve teh mial a" Will-a bul a țhut pah chuan ka ti a.
Ka nuih a za deuh zawk a ni.
"Bialpa nei kan kawm peihlo" Zomuana chuan chimawn deuh chuan a rawn ti a.
"Ka beng ang che" kut tin uaih pah chuan ka ti a.
"Awi... hmeichhe kuttlak hrat" nui vun vun pah chuan a ti leh a.
Ka hawi tau der hmak a.
A nui ta hawk hawk a , keipawh ka nui ve ta tawp a.
"Mukti dar 8 a ri tawh tlat ka va phei a nge" dingchhuak hluai chuan a ti a.
Will-a te an la men vang chuan thlah tur chuan pawn thleng chuan ka zui a.
"Mukti i hlim a ngem" Zomuana chuan car a a luh hma chuan min melh vung vung pah chuan a ti a.
"Maw... eng ah maw" hawi hai zet chuan ka ti a.
"Isaac-a bulah hian i hlim a ngem" tak deuh run chuan a rawn ti leh a.
"Ti maw ka hlim loh ang" la hawihai deuh chuan ka ti a.
"Ummm i hlimloh ka hlauh mai a ni. Nang i hlim chuan ka hlim a nia. A tih lungngaih che chuan hnek turin min ko dawn nia" nui lui deuh chuan a ti a.
Ka bu ta ngut ringawt a.
Car a chuan lut in kut vai zeuh pah chuan a tlanchhuak nghal a.
Zanin a mizia chu a mak takzet a ni.
Inchhung ka luh chuan Will-a chu a lo muthlu nasa mai a. Nui suk a pawm in room ah chuan ka luh pui nghal a.
A cher viau e tilo chuan han pawm a ralah chuan a rit ve zek a ni.
Kan mut hnu reilote ah chuan Isaac-a chuan min rawn phone ta ngei a.
Ka nui ta nghal ver ver bawk a.
"In zo tawh mi" ka ti nghal sep a.
"Um... rinai a buaithlak daih a mahse kan zo thei e." chauh hmel zet chuan a ti a.
"I van chauh hmel" ka ti ta nghal thlawt a.
"Nia chau ve det. A haw tawh mi" a ti leh dut a.
"Tu maw.. e.. Zoa maw haw tawh e" ka ti a.
"Ummm keipawh ka haw nghal ang." thawp sup hian a ti leh a.
"Haw nghal daih rawh i chau ngawt ang. Va haw la mu nghal daih rawh" ngaihtuah deuh chuan ka ti leh sep a.
"Ka ngai che" a ti leh daih a.
Ka nui nghal suk a.
"Kan inhmuhna la rei loh kha" nuihza aw deuh hian ka ti a.
"Engtik lai pawn ka ngai che" thuk zawk hian a rawn ti leh a.
Ka nui ta tawp a.
Dik tak chuan sawi tur ka haihchham takzet a ni.
"Bawihi car ka khalh dawn chiah a , in ka thlen hunah ka rawn phone leh ang che aw" a ti leh ta daih a.
"Awle" ka ti ta sup a.
Kar hnih zet kan in zui ve tawh Isaac-a nen pawh. Rin phak bak in min care a ni. Ka ngaihzawng vawi khat neih na a nih vang nge ka hlim em em bawk.
Mahse Zomuan'n min rawn be khat lutuk erawh ka ngaih a ti țhalo.
Khami zan ațang khan a țuk fe a lo chuan min be ngailo nih kha.
Mak ka ti takzet a ni.
Vawiin ka thawhna schhol bik ah school neitu te lam ațang in tih tur awm avangin kan chawl a.
Chu chu hmang țangkaiin Isaac'n chhuah pui ah min sawm a ka hlim ve takzet chuan ka hria.
Mahse a hna a chawlh phah erawh a țha ka tilo takzet a ni.
Kan buai dun em avangin kan chhuak thei ngailo a chu chu chance ah vawiin hi a la a ni.
Will-a te an lo school ve bawk nen.
Inchei dan tur thlawt ka hriatloh vangin t-shirt var turtle neck leh boyfriend jeans ha leh tawpin sneaker var ka bun leh tawp a. Chuan summer jacket a chungah ka ha leh tawp mai ni.
Dar 10 velah a rawn thleng a. Ka hmu chu ka incheina a sual loh zia ka hre chiah.
A ni pawn t-shirt var ngawng V leh kekawr dum leh sneaker lawk zet nen. Kan in match phian e.
Mahse a thawhnaw chu a brand thawkhat tih a hmel en ringawt pawh in a hriat.
"Chuan khawiah maw kan kal ang" nui deuh sen sen chuan ka ti a.
"Lo nghak rawh thil țha deuh ka hual lawm" nui deuh sak chung chuan a ti a.
Motor chuan kan tlan chhuak a kan tlan thui tawh khawp mai.
"Khawchhungah kan awm tawhlo a nia" hawihai zet chuan ka ti a.
"Lo nghak tawp rawh" a ti lek duh leh chauh a.
Khawiah tak chuan min hruai dawn ni maw. Eitur engmah ka keng silo nen.
Rei tawk fang ka tlan hnu chuan hmun zawl nuam hi kan thleng a.
Ka hawi phawk hra a.
"Le chhuak ang le" rawn nui suk pah chuan a ti a.
"Khawi lai hmun nge a" ka ti ha a.
"Lo chhuak la" kawngka rawn hawn pah chuan a ti leh sup a.
Ka hawi kual nasa e. A hmun chu a zawl nuam sia. Thingkung a tam tho sia. A boruak chu dai nuam tak a ni. Mizoram chu august thla vel pawh a la lum em hi mahse hei lai hmun chuan min ti dai sawng sawng a ni. Motor tam tak awmloh na.
Boruak chhia awmloh na hmun.
Ka hawi kual vak vak chu ka hnung ațang chuan min rawn kuah thut a. Ka phu zuk lenghal a. Che chukchu thei nia.
"Ka hruai te te che a min theihnghilh daih" vui aw deuh hian a ni nang nang a.
Ka nui chhuak teh e. Amah anglo deuhin a khawsa nia. In la pa viau chungin a vui ve nang nang a nia.
"Ha.. eng nge nuihzathlak" min kuah nghet sauh pah chuan a ti a.
"Engmah" nuihza insum deuh hian ka ti a.
"Min nuih chiang" min melh run pah hian a ti a.
Ka nui chhuak ta hawk hawk a.
"I hmel kha baby lutuk" nui hawk hawk pah chuan ka ti a.
"Ti khan i duhawm lutuk nui reng țhin rawh mahse mipa damg bulah chuan nui ve suh" min melh vung vung pah chuan a ti ta daih a.
Ka nui tawp nghal hmak a.
"Timaw mipa dang bulah ka nuih ve loh ang" ka ti nang nang a.
"Ka bialnu i nih hi mipa dang bula i nuih chuan an duh ve ang che" ner nawng pah hian a ti a.
"Awiii mi â emaw min ti nga sin ka nuih ve loh chuan" ka ti ta sep a.
"Â mai rawh" a ti ngut a.
Thikthu chhe reuh lutuk mai.
"Ok ka â mai ang" nui deuh suk suk pah chuan ka ti a.
"Chuan khawilai hmun nge hei hi Aizawl chu a la ni maw" min lo kan ak ak pah chuan ka ti a.
"Umm Aizawl chu la ni e mahse khawchhung ațabg chuan a hla ve deuh a. Chuan hei hi ka pu min rochun" min en vung vung pah chuan a ti sup a.
"Wow ram nalh tak a ni" bu ngauh ngauh pah chuan ka ti a.
"Bawihi i hria em ka tawng lo ang che tih ka hlau" thu tak deuh hian a rawn ti a.
Ka melh vung vung a.
"Kei feee" uar fe hian ka ti a.
Min kuai herin min fawp ta vang vang a.
Uar fe chuan ka chhang let ve ta tan tan a. Chu chuan a ti phur a niang min zut kual sek a ka kawrchhung zenluh a tum ta a. Ka harchhuak nghal zat a , ka in la hrang nghal a.
"Kan kal thui theilo" aw khur der der chuan ka ti a.
"Ka tihpalh a ni" insum zet hian a ti a.
"Keipawh ka tihpalh mipa in nia in taksa a lum hma tih ka hria mahse kan insum hram hram a ngai a nia aw. Nupui pasal neih hma a sex hman chu Pathianin a duhlo a hremna nasa tak min thlen thei. Chuvangin min tiam rawh sex kan hmanglo ang tiin" aw la khur der der chuan ka ti ta duah a.
Bu ngauh pah chuan ka chhip ah chuan a fawp ta vang vang a.