MY NAUGHTY GIRL CHAPTER - 2 By Ęlèøs Vanchhawng.

Episode kal lai dah luhna

Moderator: writers

Ęlèøs Vanchhawng
Posts: 111
Joined: October 6th, 2020, 8:53 pm

MY NAUGHTY GIRL CHAPTER - 2 By Ęlèøs Vanchhawng.

Unread post by Ęlèøs Vanchhawng » November 30th, 2020, 9:56 pm

MY NAUGHTY GIRL


BY Ęleøs Vanchhawng



Chapter - 2






Dawhkana chhangthawp Butter tah an lo dah chu la in thingpui no chu ka ban nghal zat a.




Ka nau chhangthawp duh dan em em hi chu a mak lek lek ka ti,a hne thei lo reng reng.




"Bawiha, tunlai enge in zirlai te a an" ka nu chuan thingpui no dawm pah hian min rawn en a.


"A panngai " ka nu bu nghat chu ka en zauh a, ka thingpui in lai bawk ka buaipui leh.



"Engtik nge in exam dawn?" ka hawi a ka nu en chung chuan "Thlaleh lehpek ah" ka no ka dah a ka room lamah ka lut leh nghal.




Ka laptop a ka thil tih lai pawh ka tih zawm tawhlo, Ka insiam a chhuah ka tum ani.


"Ka chhuak lawk dawn ania" ka nu chu ka melh zawk a, min chhan hma in kawngkhar lam ka chhuak nghal hmak bawk.




Ka thinrim lam a nilo, ka chhungte pawhin ngaiah an nei tawh, Ka tawng tlem em em a, ka tawng ve chhun hi nem leh pai nuam tak a awm hran lo.





Ka bike tinungin ka tlanchhuak puat a kawng kawi ka tlan tur chiah chu scooty ka su teuh kher mai ka brake ri thuai a.



Ka hawi let a ka bike dahtha in ka pan thuai, Scooty tlu chu tun din sakin kal mai ka tum a mahse A khalh tunu khup lo tet leh thi hniang avang chuan ka ding leh dat a.




"A zialo hle mai" ka en a, kha nu bawk kha, engvanga tunlai ka nun hi story ang em em nge a nih pawh ka hrelo.




Vai film ang deuh khan a changtunu leh a changtupa intawn hma pawhin an inhmuh sek zel kha, ka nui suk a.




"I tlanchak em a nih kha" helmet khum lo zawk chu a rawn tawng leh a.



"Ka tlanchak em ni?" ka en let kalh a, hemite hi hmeichhe nasa tak an nih ka ring.



"Aw" min melh let kar a, ka chhang buai peih tawhlo. Ka ipte ka zen a ka hankey phawrhin ka sira ding a khup thi tiam tiam chu ka tuam sak a.




"A ngailo, a na lemlo ania" a aw a tham chel a, a nu ru riau bawk. Ka melh zawk a ka tuam luih sak ta tho.





"Ka lawm e" ka tuam zo a zawi supin a rawn tawng chhuak a, Ka nuih suk ringawt .




"Shelly ka lo khalh zawk ang a hnungah lo chuang rawh" thinchhete-i khan a ti lang lang a.




Hawi let tawh chuanglo hian ka tlansan ta diah, an pahnih bula ka awm khan ka danglam tlat zel.




Kalna tur lem pawh hre chuanglo chuan ka tlankual ta vel mai mai,Lunglawn atangin ni tla tur ka thlir a, rin aiin a nuam phian lehngha.




Ka rilruah Grace-i a rawn lang, kha zan atang khan vawikhat mah ka be leh tawhlo,Min dah hniam lutuk te kha kei mipa a zawnga lunglian ve tak mai hian ka ngaithei lo.





Ka thikthu a chhia a ni maithei, mahse mipa dang ni se, ka en liam ang mai mai hian an enliam ka ringlo.



Engtin emaw tak tawngka an chheh khum ngei ang, mahse keichu ka ni ngailo ang.




Vawiin pawh class kal a ngai leh a, a chang hi chuan class kal ngailo hian in lam atang hian test a pass theih ni thin se ka ti ngawt mai.




"Hey, bro" Hmangaihsanga aw ring zet ka hre leh nghal pang mai.


Basket ball an lo khel leh niin, keichu Game lam hi ka tui vaklo mahse ka khel ve leh thei mai zel.




"Lo kal rawh khel lawk ila" ka darah a rawn beng thak thak a, ka bike atanga chhukin Court lam chu kan pan a.



"I thap ngam em?" ka en ralh a, ka nui suk a, hepa teh thlawt hian min hneh ngai miau lo ani.



A ipte zenin cheng za a rawn phawrh a, "heihi chu ka ta a ni leh mai lovang maw?" ka miko ka san ak a, a ni lah chuan eiloh hmel fahran hian minlo en bawk.




Hmangaihsanga phur leh lutuk chuan hmeichhe ho a pur khawm leh pek kha. A chang hi chuan a over hret em mawni aw tihtur hi a ni thin.




Kan han khel a, ka sawi ang tak tak in a ni aiin ka point a sang hret zel. A chaklo leh ta nge nge.



Collage court ah hian kan khel khat viau a, Kan veng field ah hian kan in bat tlangpui.



"Ila fit tha hle mai" a nui pah suk a, a ban puama hnek salh pah chuan ka kalsan ta daih a. Kan classah ka lut a, Ka dawhkan bawhin ka mit ka chhing vang vang.




'I zak miah nange?'

'Nangni hi chu kan class a awm ve lo tur in ni asin'

Ka meng chhuak a, kan class a inla model-i leh bawk, mut san leh mai ka tum laiin an bawr laih chu ka va melh zauh a, a tu zawk nge ka hre chiah lo, mahse a mittui a tla ni ngeiin ka hria.




Ka pan phei a, hmeichhia hian an hmeichhe pui hi hmuhsit theihna dan an neilo. Hmeichhia te hi inang tlang vek an ni. Enganga hosa pawhin mi rethei fanu kha tluklo na lai tamtak a nei thin.




Hmeichhia hi mak tak an ni."Thlah rawh" a chang tha tih ka hria, Remsangpuii chu phawk zetin a rawn hawi nghal hra a.



"Eddie, Engtinmah ka tilo ania, kan lo kawm ve mai alawm" zaktheilo hian, hmeichhe tawngthei deuh ka ngaina lo.




"I tha em?" phr te zing ami pakhat zawk kha chu a ni ngei a, mahse ka hrehrang miau lo ani.




Remsangpuii te thian ho an kal kiang tawh a, roomah kan pahnih chiahin kan awm tihna a nih chu.




"Aw ka tha e" a mittui tlakna a ni ngei ang a mit a sen ram a, inno reuh lutuk.



"I hming min hrilh thei em?" ka en chhuk rum a, a thu tawm tak a,a kut tang sei sang mai var fai sar chu a khal niap niap bawk.




"Shelly Lalrintluangi" a zahzum hmel em em mai lehnghal a, ka lungphu a diklo leh tan der mai.



Ka kut ka phar chhuak a, a vawn theih tura dahin "Eddie hminghluzuala ka ni e" ka kut a rawn vuan ve nghal mai bawk a.




Kawm tlangnel tum viau mah ila a zakzum rih emai keipawh inthlak deuh ka ngai, mipa nelawmloh tak nih ka duh bik lo.





SHELLY LALRINTLUANGI. POV



Remsangi min tihdan chu na ti viau mah ila engmah sawi ve a chhang let ve thei ka nilo.



Mahse eng tikah emaw chuan he ka dawhtheihna hian tawp chin a la nei ngei ang tih erawh ka hria a ni.





Kan class bang chu ka scooty awmna lam ka pan a, kan chhungkua hi hausa lutuk tiha sawi tur kan nilo nain Pathian Malsawmna vang liau liauin nghei lovin kan awm thei a.




Ka scooty ka start a ka tlanchhuak zui ve nghal bawk, vawiin juliet-i (Ka phirpui) class a kal loh avanga remsangpuii te khan kha tia min ti ngam mai kha an ni tih ka hria.





Eng tikah emaw chuan heti mai mai hi chuan min namnul tawh hauh lohvang.



In ka thleng a ka scooty dahtha in inchhung lamah ka lut nghal a.



"Nu ka lo haw e" ka nu choka lama eirawng bawl a buai em em pawh a lo nui leh var var tawh.




"Bawihte i lo haw tawh maw, hei thingpui siamsa ka nei rawn in ta che" minlo ko leh vat, ka nu baka hmangaih hi ka nei lovang.




"Awle " inthlak hmasa ta lemlo chuan choka lam chu ka pan a, ka nu thingpui lum tui leh sial em em mai chu tui ti takin kan in leh phawt a.





Ka in zo a, kan room lamah ka chho leh a, "juliet" Kan room kawngkhar ka hawn rualin ka ti lut nghal.




"Aw Shell, Enge vawiin a an?" Vat thin hian ka uanunu thinchhe hlik hlek tak mai ka mize letling chiah nei hi ka ngai thin ka pangkhing lehlam a ni miau ani.




"Vawiin chu minlo bia asin, chuanin min in hmelhriat tir bawk a" ka nui pah sen sen a, ka pheikhawk bun ka phelh pah bawk..



"Shell i ti tak tak em?" Khum atang chuan a ro tho hluai a, Sawi tur tam tawk neih a chakawm thin.




"Sawi tur vak a awmlo chu zawng chu a ni mai. A nih nang enge i an, damdawiin a chhawk em?" a kut leh a nghawng vel bawr chu ka en sak pah a.




"A reh theilo a, ka nu in min jection leh mai" a ti niah niah a, inbual turin ka luh san ta daih a.



Ka mitthlaah Eddie Lalhriatzuala kha a hmel zawng zawng leh a tawng zawnga a hmui lian lam hlek ahse secy em em si che ralh ralh zel kha ka muthla a.




Nilo kei hian ka duh theilo, ka phulo lutuk. A hmai sin lutuk silo fresh leh hmuh nuam em em kha ka hmu leh chak em em mai bawk si.





A sang em em a 5.8 dawn a nih ka ring. Kei hmeichhia 5.3 tan chuan kan chho en ha mai alawm.




End Of Chapter - 2

Ka Whatapp Group lam pawh lo join zel ru le💜👇
https://chat.whatsapp.com/CIlZCxeLRiaGvbHZc5GLJ5



Tun chapter hi chu a ngaihnawm loh maithei, ka feel hleithei lo.


Next chu ngaihnawm takin rawn tih ngei ka tum ang😇


Comment leh like min pe leh ngei turin ka ngem a che.💜
Attachments
IMG_20201130_215325(2).JPG
IMG_20201130_215325(2).JPG (154.33 KiB) Viewed 2293 times



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)