UIRENU FANU - 15 BY FAMKIMI CHENKUAL

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

UIRENU FANU - 15 BY FAMKIMI CHENKUAL

Unread post by Bearr » December 1st, 2020, 9:22 pm

CHAPTER-15💞




MUKTI..... POV





Chu lai hmunah chuan nileng deuh thaw chu kan awm a. Dar 2 bawr vel ah min haw pui a.

Rawngbawl leh Will-a ngaihsak ka ngai tih a hriat vang te pawh in min haw hma pui a.



Vawiin thil vang ringawt pawh hian Isaac hi ka ngaisang takzet a ni.
A duh chuan vawiin te khan min ti lui thei reng , ka taksa awmdan ațang khan ka hnar rei theih ka ringlo. Mahse ka thusawi zawmin min ti lui lo a ka ngaisang thar takzet a ni.


Hmeichhe tam tak a awmpui tawh pawh ka ring insum atan pawh a har viau ka ring mahse mipa takin ka thu zawmin a insum a nih kha.

Tiang mipa vek hi kan mipa te hi ni se sawn pai leh nau ti tla hi kan awm ka ringlo a ni.



Ka biang ah chuan a rawn piai deuh hlawk a.
Ka țeu hlar chiang teh e.


Lungawilo deuh hian ka en phei a.


"Thildang min ngaihtuah san daih a nih kha" ner nawng nawng pah hian a ti a.


Ka nuih a za teh e , amah tho ka ngaihtuah reng si a.


"Na...." ka ti ta nang nang a.


Chu chuan a nuih a ti za a niang a nui ta hawk hawk a.


Keipawh chu ka nui ta suk a.


"Kan kal lam aiin haw lam chu kan thleng hma deuhin ka hria" nui deuh suk chuan ka ti a.


"Min ngaih vang nih kha" chinawm deuh hian a rawn ti let a.

Lei ka chhuah vak ta ringawt a.


"A nia lawm dar 2 bawr vel khan kan chhuak a tunah dar 2:30 a ri țep a nia. Kan kal lam ngaihtuah chuan kan thleng hma lawm" ka ti leh sup a.


Ka nui deuh ta suk a.

A nghal ve nia.


Traffic jam a kan la tam vangin in ka kut chu a rawn vuan leh rih țhin a. Ka nui ta suk suk a.


Dik tak chuan ka lai ve takzet a ni.



Ka phone a rawn rik thut vang chuan ka en a. Will-a te class teacher hi a lo ni a.

Tunah an ban a hun dawn tawh a ti nge min rawn phone le. Ka chiai nghal vek in ka hria.


Ka awmdan Isaac'n a hmuh chuan min rawn ban rawk rawk a.


"Bawihi hahdam rawh khawi ka lo bia ang thil țhalo a nilo ang" min thlamuan tum tak chuan ka phone rawn lak pah chuan a rawn ti a.


A mitmeng chuan hahdam turin min rawn ti a. Ka thaw ta hawk a.


"Awle. Kan rawn kal ang" a ti ta sup a.


"Eng nge awmzia a damlo leh mi engtin" bah deuh nawk nawk chuan ka ti a.


"Hahdam la Bawihi engtin mah a awmlo. An school a mi a lo hnek a ni awm e" nui deuh suk chuan a ti a.


Ka meng deuh kawk a.


"Maw Will'n maw..." ka ti ta vak a.


A bu ngauh ngauh a.


Kan awmna țangin Will-a te school a hlat loh vangin kan pan nghal a.


Amak takzet a ni. Will-a naupang te in a classmate a hnek a nia. Mak lo tih chi pawh nilo vawikhat mah tharum thawh tum ang pawh in a la awm ngailo a nia.


"Isaac a ni thei dawn mi" ka ti leh nawk nawk a.


"Bawihi hahdam rawh mipa a ni a. Naupang té pawh ni se thaza rual tho an nih hi. Engtin mah tisuh ang che aw." hahdam se min ti tak hian a țawng a.


Ka hahdam phah em chu ka hrechuang law. Mahse ka phi sek tih chu ka hria.

School kan thleng chu a zuan in ka zuang chhuak nghal a.

Office pan chuan ka thlan chho ta sawk sawk a. Isaac-a pawh chuan min rawn zui ve nghal a.


Office chhung ka lut chu Will-a leh naupang țap deuh pur leh nutling pakhat nasat hmel deuh leh teacher te ho chu an lo awm țhup a.


"Mukti i lo thleng maw. Will-a hi kan be țawng zo lo a" an class teacher Miss Enkawli chuan ka lut min hmuh rual chuan a rawn ti nghal a.


"Hei hi maw a u chu(h)" min ngaihnep hmel fe leh rum fe hian naupang pakhat nu chuan a rawn ti a.


A hmel ka en chiang chu Remremi nu kan khua ah pawh min hmusit thei deuh nu kha a lo ni a. Ka thaw ta hawk a. Khawvel hi chu a va han zim tak.


A hmel ațang sawn min hria tih pawh ka hria a ni.


"Mukti han be ve chhin teh a. Ban dawn a ruai ah ti hi kan ti ta sia" an class teacher bawk chuan a rawn ti leh a.


"Will le... eng nge thleng min hrilh thei a ngem. A ma hi i ring em" zaidam deuh chuan ka ti ta a.

Thinrim a biakin awmzia a neihlih vang a ni.


"Ih maw... Edward-a sawn maw i nu in i tet laiin a duhlo che a a kalsan che a chuan pa pawh i nei tawhlo. Chuan i nu kha a hur vangin mi pasal a um' a ti nih kha. A ni lo ka tih pawn a ni a ti lui zel a chuan ka hnek tawp a" hnuk ulh lek lek chuan Will-a chuan a ti a.


Ka mittui chu a hnam sawk a.

Lalpa engthil nge thleng leh ta hi ni.


"Dawt dawt a nih chu. Kan Edward-a hian tiang țawngkam a hmang ngailo. Bakah uirenu fa te in ni tho a ni lawm ni" Pi Mali chuan ten hmel zet a min en pah chuan a ti leh a.


Ka thaw hawk a.

Engtin nge hrim hrim in ka pa boral na lehzel an hriat ni. Khawvel zim lutuk hi chu.


"Ka pi khatiang țawngkam hmang tur khan dikna i neilo. Chuan Will-a hian dawt a sawi ngailo. I fapa kha he school ațang a hnawhchhuah a nih i duhloh chuan Will-a hnenah ngaihdam dil ang che u" Isaac-a chuan hriam hrak chuan kan hnung ațang chuan a rawn ti tia țhuai a.


Ka melh nghal haw a. Mahse ka insiam țha ta vat a.
Dik tak chuan min chhantu ka mamawh lai tak a ni.


"Ni e , Pi Mal tiang țawngkam inhmusitna rawngkai lampang kha chu he school ah hian hman khap tlat a ni. Chuan tun a chin ah chuan kan duh tawhlo a ni" Will-a te class teacher chuan a rawn ti ve fak a.


"He school chauh hi a awm hlei hnem. Ti rawh Edward kal ang he school a luh chhan tur i nei tawhlo" tiin a fapa kai sawk pah chuan pi Mali chu hawisang vah pah chuan a chhuak nghal a.


A thisen kha chu a sang ve ni.


"Mukti nangni paeh in duh leh haw nghal ru. An bang vek tawh tho a. Chuan Will i pa lutuk a nia" an miss chuan nuih suk pah chuan a rawn ti a.

Lawmthu sawi pah chuan kan chhuak nghal a.


Motor bul kan thlen chuan Pi Mali te chu an motor ah an lo lut dawn chiah a. Min rawn hmuh chuan a ding chawt a.


"Isaac kha nu lam i țang kha chu a diklo khawp ang. I pa nen hian engtiang a inkawm ngaih nge kan ni i hriat kha. Chuan Mukti mi pasal hual kawp ngam khawp in i awm a nia. I nu ang mai a zamlo i ni" rawn ti fak fak in motor ah chuan lu zo vah in a lut nghal a.


Keichu ka mit sulh in ka hria. Mi pasal hual a tih lai tak khan min deng na a ni.


Isaac-a lam ka en chu a hawi buai nak ka hmu hman a.


Ka chiai zual a ni.


"Will lo kal rawh le , au doctor khan kal na tur dang a nei a taxi la mai ang aw" Will-a lam en pah chuan ka ti a. Ka kai nghal zat bawk a.


"Bawihi tiang hian awmlo teh. Ti teh ka thlah ang che ,engkim ka sawifiah ang" ngaihdan nihloh hmel deuh hian a ti a.


Ka lu ka thing ta nawk nawk a.


"Isaac hun ka duh min be rih suh. Insawifiah chuan a ngai pawn ka hrelo" mangang zet chuan ka chhang let a.

Will-a chu kai hlawk hlawk in taxi chu ka phar ding a. Isaac-a min rawn umzui hlau in ka lut nghal vat bawk a.

Taxi tlanchhuah rual chuan ka thaw chhuak hawk a. Hnunglam pawh ka hawi let duhlo a ni.


"Nu... a na ka kut i hmer na lutuk" Will-a chuan na ti hmel deuh hian a rawn ti a.

Ka thlah nghal vat a. Ka țang lutuk in ka lo hmer vak hi a lo ni a.



In kan thleng chu Ephraim'n rawngbawl vel chu a lo ti ve mial mial a.



Ka rilru tih lan loh tum tak chuan ka awm a.

Ka chezia leh awmdan a ka dikloh na an hriat ka duhlo a ni.


"Mam zanin tlai chu bawl tlang mai teh a" choka a va luh pah chuan ka ti a.

"Ka lo tum sa hrim hrim a. I chauh ka ring a. A nuam em" nui deuh ver ver chuan a rawn ti a.


"Ummm nuam a ni mai" nui tawi tak a ti chuan hnunglam ka hawisan nghal a. Ka awmdan ah a hriatthiam ka hlau zawk a ni.


"Will min lo zui lut nghal ta che" Will-a lo țhu zum zut en pah chuan zaidam deuh chuan ka ti a.


Room ah chuan ka lut nghal a.


"Will miin engtin pawn ti che se kut hi lekchhuah ngawt lo tur aw. Mipa chu a tawpkhawk ah bak chet loh tur aw. Mipa kut lek fo hi hmeichhia in ka ngaisang lo a , a pa in a duhlo bawk a. Mipa chu in pa sa a in ti pa chawp leh tur chuang in ni lo chuvangin miin engtin pawn thil sawi se insum hram hram tur aw." Will-a melh kar pah chuan zaidam zet hian ka ti dap dap a. Hrethiam ngei se tih melh hian ka melh bawk a.


A bu ta ngauh ngauh a.


"Ummm a ma hian maw a hmangaih lutuk che nia chuvangin ka țan reng dawn che a mahse kut thawt tawhloh tur aw a tawpkhawk ah lo chuan" ka ti leh sup a.


"Awle" min melh kar pah chuan a ti ta sup a.


"In ti fai nangmah in intlak mai rawh aw. Ka mu hahdam lawk ang aw" ka ti sup a.

In ti fai tur chuan a chhuak nghal a.



A chhuak chiah chu ka mittui a tla nghal zawih a.


Ka mittui chu duhlo zetin ka ru nghal tawk a.


Tinge hlim na hi ka tawn tluan ve theih ngailo le. Maw Lalpa ka hlim dawn chauh a tinge lungngaihna bawk min thlen leh tak.
Hlim hi ka phu ve thlawt lo em ni.



Hmeichhe thinlung sak tak kha tunah hian mipa khat vang mai mai ka țap a nih chu.



Will-a chunga thil thleng kha chu thinrim in lungawilo viau mahse thudik a ni a tih danglam theih a ni lo. Mahse Isaac-a mi pasal hual maw a lo nih a.



Ka nu ang mai maw ka lo nih ni.


Ka nau ten ka thawm an hriat hlau zetin ka ka chu ka hup vak a.



Ka lo țap muhil a niang.


Will-a chuan chaw ei turin min rawn kai tho in min sawi dat dat a.


"Aw... Will ka rawn tho ang lo si ru" tham deuh țuak chuan ka ti chhuak a.


Peihlo zet chuan ka thochhuak a.
Dik tak chuan loh theihloh ah lo chuan chaw ei loh tih vel hi ka ti ngailo a. Tlem sa nen chaw ei rual loh hi ka duhlo a ni.


Ka nau te pawh hian a zawm țha khawp a ni.

Ka pa awmloh hnu ațang phei chuan kan tlem leh zual a chaw ei ho loh mai mai ka duhlo a ni.


"I nuam vak na nge" chaw ei tur a ka țhu chu Ephraim-a chuan a lo ti nghal a.


Will-a pawh chuan inthahrung tak chuan min en nghal a.


"Nuam e. Ka chau deuh mai a ni" nui deuh pah chuan ka ti a.


Isaac-a vang mai mai a chhungkaw tih hlimloh ka duhlo a ni.


"School a thil thleng Will'n min hrilh a" Ephraim-a chuan chik deuh a min en pah chuan a ti a.


Ka thin a phu dawt dawt nghal in ka hria.


"Tu nge ni reng reng a a tihbuai chu" a rawn ti leh hlauh a.

Ka thaw nghal huai in ka hria.
Isaac-a nen kan chungchang a thil thleng hre lo se ka duh vang a ni.


"Pi Mali kha mawle kan khua mi kha" chaw thai kual pah chuan ka ti a.


"Um... ka hria e , nasa deuh te kha maw" ner deuh nang pah chuan a ti a.
Ka en nghal kawk a.


En kawk lo chi ka nilo a lawn. Achhan chu tu chungchang mah a chhe lam in a sawi ngailo miau a ni.


Ka bu ta ngauh ngauh ringawt a.


"Will i van pa hrim hrim" a nau en pah chuan kan boruak thlak tum tak chuan nui vur vur chuan a ti a.

Ephraim-a chu rum deuh hian ka melh a.


"Amak tiang zawng kha chuan in fuih suh u" lungawi lo deuh chuan ka ti nang nang a.


An unanu chuan an nui ta hawk hawk a.

Ka va han ngei duh mai mai tak.


Kan chaw ei kham ka phone ka check chuan Isaac-a missed call tam lutuk tak mai hian a in tlar put a. A message tam țha zet nen.
A message chu chhiar lo chuan ka clear pawp a.


Ka phone chu ka off hmak bawk a.



Will-a lehkha ka zirtir sawk sawk a. A rawn kal ka hlauh em vang in ka mu nghal hmak bawk a.


Mahse ka mut erawh a chhuak hauh lo a ni.


Ka pa ka ngai takzet zawk a ni. Engmah ti theilo mahse kan bulah la awm a ka manganna te thlenna atan ka la mamawh takzet a ni.


Pathian thurel dan hi zawng keini tan hian hriatthiam a har takzet a ni.


Hriat loh karin ka mittui bawk a lo tla leh a.


Tunlai chu ka țap hnem takzet a ni. Chupawh Isaac-a vang vek.

Hun reilote chhung khan min ti no takzet a ni.


Dar 9 bawr velah chuan ka nau chu ka room ah rawn kal in Isaac-a a rawn kal thu min rawn hrilh a.


"A mut tawh thu hrilh rawh" ka ti sup a.


"A muhil lo ka ti vek tawh sin" a ti nang nang a.


"A muhil leh si va ti rawh" lungawi lo deuh chuan ti leh a.


Ner nawng nawng chuan a chhuak a.


Ka va han tho awmlo tak e aw.


Naupang chhia pawh min ti mahse pawi ka ti lo.


Thudik hriat a nat nawn leh ai chuan tia awm hi ka duh zawk a ni.






💞Note : weekend chhungin ka rawn dahlo a min hrethiam hran dawn nia aw...
Chuan comment kha lo uar ula. In comment hian ziah leh chakna nasa tak min pe a ni. Mahse chhiar a engmah feedback in pekloh hi chuan hnual hi a awl ve em em a chuvangin lo comment ve hram hram ru aw... chuan ads click mawlh kha💞



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)