Never Be Enough - 9 BY 27 SENORIA

Episode kal lai dah luhna

Moderator: writers

27 SENORIA
Posts: 230
Joined: September 1st, 2020, 10:24 am

Never Be Enough - 9 BY 27 SENORIA

Unread post by 27 SENORIA » December 2nd, 2020, 7:15 pm

Fakna lem click hi i uar hram hram ang aw🙏

FB_IMG_1606097724887.jpg
FB_IMG_1606097724887.jpg (40.67 KiB) Viewed 5390 times
Chapter - 9

Mary lalnunsiami pov.

Multipurpose hall kan thlen chuan an lo tam ve khawp mai.. Athen te pawh kei aia nalh fia fia an tam takzet... Mahse ka confi loh phah chuanglo.. Achhan chu Lalawmpuia hi ka in venna ani tlat.. Ka bula adin hian ka thla angam hliah hliah ani... Gate ah chuan hmeichhe leh mipa pakhat hian lehkha cheimawi hi min lo pe zel a, ""In hmeltha dun hle mai"" Hmeichhia zawk chuan nui sen sen chuan arawn ti a... "" Bawiha min lo nghak rei tawh em? "" Nunu-i rawn au avang chuan ka hawi let a.. Ramdina nen an rawn kal tlang a... Ramdina chuan min rawn nuih suk nghal.. "" I va han chhelo em em ve a.. Hawhlut ang""tih leh Arvey a chu kaih luh arual nghal a.. Gatea ding pahnih te chuan min en deuh hu leh nghal ka zak ve det.







"" Kal ve ang hmiang""ka beng bul setah chuan Ramdina chuan arawn ti a, phur fahran lo chuan ka zui lut ve ta nghal a... Ka ni hman dan tur zawng zawng pawh a chhe leh vek ta e... Programme chu tan in blood donation chu kan nei nghal a.. "" I hlau lo tiraw"Arvey-a chuan a bungrua vel rawn chhawpin a rawn ti sup a.. "" Ai hlau love""lo khi sur sur pah chuan ka ti let nghal a.. "" Keiman ka lo ti zawk ang chu""Ramdina chuan a rawn tih chuan Arvey a chuan min rawn melh zeuhvin min nuih skak a.. "" Awle tehreng mai... "Tih leh thawh arual nghal a.. " I fel hle mai a, i thisen dawngtu chu an rilru pawh atha viau ang""fiamthu ti tih deuh chuan Ramdina chuan arawn ti sur sur a, kalo then suk ringawt ka phur teh awrlo ani..







Sana ban vai achawlh miau loh avangin darkar aliam zel a... "" Mary ka be lawk duh che a""Nunu-i chuan ka hnunglam atang chuan arawn ti a... "Imm enge ni ta... "" Ka lo ti let nghal a.. "" Khawngaih in Arvey ahi lo hnaih tawhlo hram rawh aw.. Ka thian tha tak ini a.. Ka hmangaih hi min laksak lo hram rawh.. Tunah hi chuan engthu emaw vangin kan in ti lungawilo deuhva mahse in then erawh kan tum lo ania.. I tilui anih chuan keipawn kan in thian thatna theihnghilhin ka rul let ngei ang che""arawn tih deuh fak chuan anuam duhlo khawp mai.. Ka tan a fel zia ka hria a.. Hetia a bialpa ka lo duh leh Arvey an min duhhi a hreawm tihna chin chu ka neilo theilo..







"" Nunu enteh.. //"ai ka la sawi zolo dik tak chuan maw i nu vang hian kan in kar hi a chhe vek asin" amittui chu arawn luang thla nghal a.. "" Chuan chu mai duhtawk lovin nang leh zelin ka hmangaih rilru chu ilo kuai her a... Eng ang thian nge inih hrep le... Bansan vat la ka duh ani... "" A rawn ti leh fuih fuih a.. "" Chuan Arvey a hi ka ta anih theih loh chuan tu ta mah anih ka phal ngai dawn lo ania,chuan tunah hian a fa ka pai mek tihhi hre bawk ang che.. thlakhat ani tawh a,pa tellova sei len tir ka tumlo bur" tih leh fakin amittui chu a hrufai a.. A kalsawn ka daih a.. Thaw chu a van ipik chiang tak em!! Engtin nge ka rilru hi thunun turin min duh le... Chuana rai bawk amaw!! Engthu nge ka hriat hi...Mahse Nunu-i chanah ka in dah hian ka natdan tur ka hria a, atihdik lohna ka hre bawk silo... Ti nge a hma atang daih tawha kan lo in tawn loh le...








Chu hmuna ka kal kher kher chu ka in chhir chiang khawp mai.. Function kan tan a.. Report pe tur ka nih hre map tawh lovin ka rilru ka kawm a.. Ka rilru buai lutuk leh hah lutuk chu awm ngaihna ka hrelo... Ramdina'n min rawn biak harh chuan ka phu zuk a.. Ka hawi chhuak chu mi zawng zawng mit chu ka chungah hian a fu thup a.. "" Report pek i ngaih kha""Ramdina chuan a rawn tih sup chuan tho kang nghal hluai in ka chelai khawp mai. Report ka pek chhung chuan ka rilru tak tak erawh chu Arvey a leh Nunu-i thutna hlirah chuan a awm a.. Minti lui nge Arvey a chu a be reng , abanah avuan reng bawk a.. Ka thiltih pawh chu ka ti tha em pawh ka hrelo.. Ka buai ru takzet ani!!








"" I tha em? I awm ava nawm loh hmel ve a.. Haw i duh em?? "" Function zawh rual chuan Arvey a chu ka bulah chuan arawn kal nghal a.. Ka tím ta tlat anih chu.... Ti nge hepa hian beisei awm taka min melh thin "" Bawiha ti nge i kal sawn daih a?? "Nunu-i bawk chuan a banah rawn vuan salhin arawn ti sur sur a.. " Nunu enge maw i hriat le.. enteh helaiah hian zahna in siam ka duhlo ania""a ban la sawn nghal dawrin awmpuia chuan ati fak a.. Atawng ring lemlo.. "" Ti khan awm lo la.. Kan inneih tep tawh kha""rawn ti nur nur in min rawn melh suk chuan ka ngaithla thei tawh ngang lo.. "" Min lo hrethiam rawh u"" tiin ka kal sawn nghal a.. "" Mary "Arvey-a aw chu ka hre hman zuai mahse ka hawi let duh tawhlo..








"" Awi ka tihpalh lutuk... "Mi tu emaw nen chuan kan in su dawt a... "" Khai a... A pawilo i tha zawk em? "" A àw chu a pa mah mah... Ka en chuan min lo melh let kur a.. "Imm ka tha i tha zawk em?? " Ka tih chuan arawn nui suk a.. "" I chiang maw.. I that hmel siloh ve.. I kawt kha "" Tiin ka kawr a rawn kawhna zawn chu ka en a.. A lo huh hniang leh nghal.. "" Awi pawi lutuk.. "Tih leh toilet lamah chuan kal ka rual a.. """ Ka lo pui dawn che ami"" A rawn tih chuan ka ding dat a.. "Ai a ngailo " Tih leh luh ka tum chu ka banah chuan min pawtin a nawrin min nawr lut nghal a.. Ka auh loh nan ka kà chu min huh sak nghal a.. "" Che miah suh... I nalh zia hi i in hria emm.. Nangmah avangin ka taksa pawh apangai theilo asin""ka hmai vel rawn nul kual thuak thuak pah chuan arawn ti a.. Ka sual let thin a mahse ka hneh lo mah mah khawp mai..








""Thlah nghal rawh hmela"" Kawngkhar rawn in hawng ri rawpah chuan Arvey achu rawn lut nghalin chupa chu arawn phih sawn nghal a.. A hnek chhunzawm nghal bawk a.. "" Eng tin nge ilo khawih ngam zawk a? "" Tiin a thut bet a a hnek pawp pawp leh nghal.. "" Duhtawk tawh rawh . . . A thi mai ang"" Dan pah chuan ka ti chhuak a. Mipa insual ka vawi khat hmuhna ani bawk a ka khur hial thei.. "" I tha em , engtin nge atih che"" Ka biang tawn tawn amin rawn vuanin arawn ti nghal bawrh bawrh a.. Ka taksa vel chu min en kual a... "" Ka tha e... Engtin mah min ti hman lo.. "" Ka hlauh em avanga chuan ka mittui chu arawn tla nghal a.. Min kuah chawtin a thinphu dawt dawt ri chu ka hre thei.. Ka thla amuang nghal veng veng thei..








"Lo kal rawh , engtin mah i awm ka phal lo ania" Rawn thaw hak in chupa let reng chu a melh hrawk a.. Min kai chhuak ta nghal a.. "" Mary ka lo zawng che a.. Enge in tih a""Ramdina chuan min rawn nang ching ve nghala. "" Ka lo awmpui mai ang""Arveya chuan ti supin min kal sawnpui atum chuan Ramdina chuan min rawn ti ding dat a.. "" Keimah zawk in aw""" Arawn tih chuan an pahnih chuan min rawn en nghal a... "" Tu zawk nge i zui dawn"" Ramdina'n a kut rawn lek kan ve paha arawn tih chuan ka chil ka lem khalh a. "" Ramdin... "Tia hnial ka tum chiah chu announcer Nula hmeltha zet chuan thil rawn puangin game khelh arawn rawt nghal a.. An phur tlang ania aw...








A hmasa ah chuan Teacher nula leh doctor te chuan kan khel hmasa dawn a.. Peihlo viau mah ila ka tel ve ngei angai ani.. Kan hming theuh chu paperah dahin a in kawp tur chu an pawt dawn ani.. "" Le a hmasa bera in tum tur chu Miss Mary i leh kan doctor chhunvawr em em mai Lawmkima te an ni e.. Khawngain lo chhuak rawh u le""a rawn tih lang lang chuan peihlo zet chuan ka chhuak a.. Mahse ka kawppui tur pa chu a rawn lang thei derlo.. A lo chhuak hman ani mai thei ani.. "" Aw kan doctor ai hi tu nge rawn awh dawn le.. "A rawn tih rual chuan Arvey a chu arawn ding chhuak nghal nalh a, Ramdina chet hrut chhungin arawn ding hman tih ka hria... Avan che rang tak em aw..








"" Heihi sweet ania miss Mary hian a seh bet anga chuan kan doctor hian a seh tla dawn ani a sei emaw atawi pawh nise a seh tlak hrim hrim angai dawn ani""tiin sweet tawi leh te tak te,chang em em chu min pe a... Awi van buaithlak tak em!!"" Minute khat chiah hun in nei aw""a rawn tih leh rual chuan seh nghal vatin Arvey a pawh chuan min rawn hnaih nghal a.. a tet em avangin ka zam lo theilo min en tu an tam mai si a.. Zahthlak ve tak chu ani.. Arveya chuan min hmaizah ve deuh nge a rawn seh dawn thina mahse a ti ngam vak bawk silo""second 30 "a rawn tih leh rual chuan thaw hawkin min rawn vuan a.. Ka sweet hmuam mai bakah ka hmui chu rawn tawk zeuhvin a rawn seh thla nghal a.. Au thawm pawh a tha ngang mai..








"" Miss mary zawhna tlem.. Khatia arawn seh chiah khan i rilru-ah enge awm hmasa ber""announcer nu te in arawn tih chuan ka kà hau va, han chhan dan tur pawh ka hre mai lo leh nghal.. "" Aa ka engmah a awm hran lo.. Ka hlauthawng deuha ni mai""a rawn tih chuan mipui chu an au ri dur dur nghal a... "Awle kan lawm e in kal thei tawh ang.. Chuan adawt lehah chuan Doctor Ramdina leh kan miss hmeltha em em mai Zonuni kan sawm leh e"" A ti chhun zawm nghal mawlh mawlh a.. Rinai a boruak anuam phian mai.. Toileta min pawt lut tu erawh kha chu ka hmu leh tawh miah lo... Adawt leh ami tur chu photo shot lampang an ti leh a, tute nge in post zei leh sexy ber tih an zawng leh dawn ani.. Lawmman te an siam vel thlap leh nghal.. Aho reuh ngei mai..








"" Tun a mi-ah hi chuan in kawp tawh ang aw"" Ramdina chuan ka ban rawn vuanin min pawt dat a.. "" Mahse announcer chuan couple ngai vek tur a rawn tih tlat avangin ka hnial nghal a.. Lalawmpuia lo chu kawp chakna ka neilo.. Mahse Nunu-i mitmei ven ngai reng chu ka hne ve det thei.... "" He thil avang hian i hlim reng lovang"Nunu-i chuan rilru nat hmel deuhva min rawn melhin a rawn ti a.. Amit sen ramah chuan a rui deuh ani ngei ang.. "" Game mai anihhi"ka tih chuan a rawn khi suk a.. "" In in melh dan kha ka hriatloh ring miah suh... I in la hrang vatlo anih chuan ka che rapthlak ngawt ang""a ti khur hlak hlak a..







Arvey a kan lam pana arawn kal takah chuan a ngawi ta diah a.. Min melh dan pawh athlak nghal vek thei.. "" I tha maw.. "Min rawn melha arawn tih chuan lo bu zeuhvin ka nuih suk a.. "" Haw i duh hunah sawi mai rawh aw" A rawn tih leh rual chuan ka kutah rawn vuain min nuih ver ver a.. Nunu-i a awm tih ahrelo nge atilui tih pawh ka hrelo.. "" Duhtawk rawh u"" tia rawn au tuarin Nunu-i chuan a no ken chu a vawm darh nghal chuai a.. Mi zawng zawng chuan min rawn en thup leh nghal mawnga za duh rep rep khawp mai.. "" Mi zaktheilo pahnih.. In tenawm hle mai.. Mahse ka ti chhe vek dawn khawp che"" min rawn kawk sawk sawk chuan arawn ti a.. "" Duhtawk rawh i thil tihhi a puitlin zia lo khawp mai"" Arvey a chuan ha chang thial pah chuan a ti chhuak nghal a..








Ka zak lutuk chu awm ngaihna pawh ka hrelo.. Ka hawi chhuak ngamlo hrim hrim """ A tha e.. Mary-i chak ta e.. Ka thian emaw ka ti che a mahse hnunglamah ka hmangaih min lo chhuhsak a... I ropui hle mai... Lo hre vek rawh u ... Hei he nu Miss Mary Lalnunsiami hi mi chak leh thil ti thei ber ani... Ka hmangaih leh nakin lawka ka pasal ni mai tur pawh min laksak hmak thei a.. Hmeichhe ropui ber chu i ni chiang alawm.. "" In sut hruih hruih pah chuan arawn ti a. Mipui phun mur mur te chuan Nunu-i lam an tang vek tih mai tur hi ani."" A tawk e, ngawirawh.. engang hmeichhia nge inih a.kan in karah hian engmah a awm tawhlo tihhi vawi engzat nge hrilh nawn i ngaihdawn""Lalawmpuia àw vin lutuk te pawh chuan ka thlavang hauh mahse ka zahna chu areh tawh lo hrim hrim ..








"" Mahse engtik laiin nge kan in kar chu atawp a, keichuan ka la then ve reng reng lo che.. A nih leh heihi sawirawh kan in kar tawp chhan hi tu vang nge, he nu vang hi ani em?? "" Tiin min rawn kawk a.. "" Aw iti dik e.. Chu chu ani lawm ni i hriat duh chu.. Tunah chuan Mary hi ka hmangaih a.. Ka nei ngei bawk ang""a ti let ve hrawk a.. Nunu-i in hrosa leh thinrim chu a rak chiam a.. "" A tawk duh tawk rawh"" Ramdina pawh chuan Nunu-i rawn dan pah chuan arawn ti a.. Kan boruak chu a chhe vek thei alawm le.. "" Aii min dang reng reng suh.. Saw nu vang sawn ka hmangaih hi ka chan dawn lo.. Min thlah rawh eng vangin nge ka hmangaih min laksak ... Mi tenawm Nu""rawn tiin a tal vak vak a.. Ka en tawp chhan let dawn pawn ka tawng chhuak ngamlo zahna hian ka khat vek thei.. Hetiang hi ka chungah a thlen ka ring pha lo..








"" Lalnunsiam engtik ah mah ka hmangaih hi ka neih tir ngai lovang che. Chu chu hre rwng rawh eng thil pawh ka ti ang.. I chungah eng thil sual nge ka tih a, ka mipa hmangaih ber min laksak hi ka ngaihtuah chhin ngailo asin... Kan naute avang tal pawh hian min pe let leh rawh""tiin atap chu a thu sawp nuai a... "Eng maw? " Arvey ati rí chu ka hre nghal thei.. Mipui pawh an phun ring leh khawp mai.. ""Aw i fa ka pai mek asin.. Thlakhat ani tawh a... Kan fa hi ti fahrah lo hram rawh"" A rawn ti leh hluam hluam a.. Tullo zetin ka mittui chu arawn tla nghal thei. Chutah Lalawmpuia chuan ka kut avawn chu thlahin Nunu-i chu apan a... Ka tan chuan dan ngamna a awm lo.. "" Iti taktak em? "" Tiin Nunu-i chu a zawt a.. "" Aw ka ti tak tak hei i duh chuan test kit pawh ka hmuh ang che, khawngaihin min kalsan suh i tello chuan ka à thei mai ang""a kut vuanin ati a..







"" Thiana Mary saw lo haw pui la Nunu-i hi kan va thlah lawk ange""tiin an in kai chhuak nghal a.. A tawpah chuan keimah chauhva khawvel hma chhawn turin min kalsan leh ta... Ka zak lutuk chu inches 1 pawn ka pen sawn ngamlo.. "" I tha em?? Lo kal rawh "" A coat min rawn hak tirin Ramdina chuan min kuah sawn nghal a.. Mipui tawng thawm awm lohna lam min panpui nghal.. "" Haw nghal i duh em? "" Ramdina pawn sawi tur a hrelo a ni ngei ang keipawh ka bang biklo ka zahna chuan min fang chhuak chiang em bawk ani. Ka thu thla hnawk a.. Ka tihtur ni a ka hriat leh ka in hnem na ber chu tah tawp mai ani.








"" Mary a zialo hle mai, Nunu-i thusawi te kha chu engah mah ngai duh suh"" Ka bula rawn thu hniam ve nghalin ka darah chuan arawn vuan a.. "Ramdin hmeichhe tenawm ka nilo... Chuan ka duh vang rengin Arvey ahi ka hnaih lo"" Kati hliam hliam a.. "" Shiihh a tawk e, ka hria alawm hmeichhe tha leh fel ber ini alawm , theihnghilh tum rawh"" Rawn tiin min rawn kuah nghal a.. Mahse min hnemlo khawp mai tunah hi chuan Lalawmpuia ngeiin min hnem se ka duh ani.. Engtia rei nge ka tah ka hrelo... In a min thlah hnu chuana kir leh ta nghal a.. Ka room lam pana ka chho chu Arvey apawh arawn lut ve nghal a.. A hmel lan danah chuan a rilru abuai hmel takzet tih ka hria..








Min rawn hmuh rual chuan a ding dat a.. Hreawm atih hmel viau leh nghal.. "" In be lawk ang""a rawn tih chuan min kalpel in aroom ah chuan a lut nghal a.. Keipawn zui lut ve nghalin min hnungchhawn zawnga ding run chu ka melh a.. "" Nunu-i khan ka fa apai a... Kafa hi ka ti fahrah thei lo ani""a rawn tih chiah chu engkim a chhiang nghal vek thei.. Sawileh tur pawh a awm tawhin ka hrelo.. Atawpah chuan hnawk zawk ka ni leh ta tho e.. "" Mahse mary ka.... 'Atawp dat a... "" Tlan bo mai ang.. Tuma min hriat lohna tur ah tlan bo mai ang""a rawn tih chuan ka en kar a.. "Khawngaihin eng emaw tal sawi teh.. Eng thil ti turin nge min duh.. I sawi apiang chu ka awi ang"" A rawn ti leh nghal a..








Ka ngaihtuah na-ah chuan Nunu-i nen ka in buk chhin a ka chak zawk tlatlo nunu i chuan chanvo anei sang zawk tlat a.. Chu bakah kum eng emaw chen alo kawp tawh hmeichhia hi a thlah theih tak tak ka ring lova, Keipawh hetiang dinhmunah hian ding ila Nunu-i tih ang hian ka ti ve mai thei asin.. Lalawmpuia hi ahmangaih takzet ani.. Chu bakah an ni chuan hmabak hlimawm tak an nei tlat.. Chuvang chuan ka kaltir angai ani.. "" Ka sawi a piang iti thei ang maw? "" Ka tih chuana lu arawn bu nghal a.. "" A nih chuan Nunu-i hi nei rawh.. I fa lo piang tur nen hian ka pawt hrang thei lo che, ka sawi apiang iti dawn anih chuan Nunu-i hi nei ngei ang che""ka ti chiah chu ka dar a vawnna akut chu dah thla riai riaiin rilru nat hmel tak chuan min melh a.







"Kei ai chuan Nunu-i leh i fa hian i puihna an mamawh zawk ani.. Hetah hian tawpsan tawh mai ang.. Kan nat tak tak hma hian,chu lovah kei chuan nangmah ah feeling ka nei lo.. I bula ka awm dan kha chu ka lo àt vangah i ngai dawn nia,duhsakna ka hlan ache"" Tiin ka in her a...ka thinlung rumri ahriat loh nan ka in thup thiam viau chuan ka hria, mi in kar ti chhe duh tur khawpa hmeichhe rilru chia ka nilo...Ka mittui chu asur hian arawn sur chhuak nghal.. Ka room ka luh rual chuan kalh nghalin ka thu hnawk a.. Ka tapri ahriat loh nan ka ban sehin ka tap char char nghal a.. "" Nu min pui rawh ana takzet ani""tiin ka tap a... Kanu ka ngai ani.. In thlak lemlo chuan ka nu room lamah chuan ka tlan thla nghal a.. Alo mutui bawk nen kir leh mai ka tum chu min rawn auh avang chuan ka ding leh dat a.







"Bawihi in lo haw tawh ani maw. Enge ilo tih dawn a?? " Rawn tho chhuk pah chuan arawn ti tuah tauh a.. Ka mitttui chu hrufai nghal sawk sawkin ka en a""aa ka lo en mai mai che, ka rawn ti harh ringawt che sia""ka tih ner ner chuan a lu thingin "a pawilo, buaina i nei em ni"" A rawn tih chuan hnaih nghal vatin ka kuah a, "" Nu ka ngai lutuk che a""tap chung chuan ka ti chhuak a.. Hmana ka nu kha ala ni reng mai. "" Khai a, ka fanu thin hi aw.. "Rawn tiin min chhul heuh heuh va.. Ka van thlamuang tak em!! " Nu , champhaia ka bula lo awm ve chu i duh tak tak maw? "" Ka tih chuan a lu arawn bu nghal a.. "" I chung kaw neih chhun ka ni sia lawm, bawiha hi chu mipa te ania a awm thei mai ang hei a pi te bulah hian.. Mahse nang chu awmpui tur i nei ve si lo va""arawn tih chuan lo nuih sukin ka bu nghal a.. "" Nu anih chuan engtikah nge kan chhuah ang""ka ti nghal a, he inah hian ka awm reng thei tawhlo ani..








"" Kha kha chu i thu thu ani mai"a rawn tih chuan "naktuk chu in siam nen tukleh lamah kan chho dawn nia aw"ka tih chuan alu bu in min nuih sen sen a, keipawh ka room ah chuan ka lut chho nghal a.. Mut te chu thil harsa ber ani.. Mary lalnunsiam harh teh.. Tuman an hmangaih ve tak tak lo che... I hringnun chu hetiang hian atawp dawn anihhi.. Eng vangin nge mi pawm lai kher chu ilo hmangaih a? A rem dawnlo tih i hre chiang viau ani lawm ni? Ti nge i rilru hi i thunun mai theih loh? Mahni in be mawlh mawlh chuan khumah chuan ka mu a, ka lehlam chiaha awm ka thinlung neitu Lalawmpuia pawh a muthilh ka ring biklo tawp mai.. Ka muhil dawn siar siar tihah chuan ka kawngkhar chu arawn in kik karh karh a.. " Lo hawng lawk teh"Arvey a aw ka hriat chuan hawnloh tumna chuan min rawn nang ching nghal.







Ka hmu leh tawh tur anilo.. Bihruk ngai pawh nise ka biru mai tur ani, ka kawng hi buai nuai turin ka phal tawhlo.. Ka chhang lova, mahse ka phone ah bawk chuan min rawn call reng a.. Lak mai chu chakawm tak ani""mary ila muhil lo tih ka hria.. Khawngaih takin .. rei lo te chiah "" A rawn ti leh rut a, atawngrim lem lo.. "" I rawn hawn loh chuan ka pi ka kai tho anga, ka rawn hawn tir dawn ania"a tih chuan a ti leh duh tak tak ang tih ka hlau bawk si.. "" Awle ka pi chu kan au ange""tiin a pen ri ka hriat rual chuan ka hawng nghal a.. A ni a kalsawn awzawng lo mai kawngkhar bul ngheng chuan min lo melh reng a... Min tihder ani chiang mai.. Rang em em a khar leh ka tum chu a ke chu rawn dahlutin a rawn lut tlang nghal a.. "" Eng vangin nge i rawn hawn vatloh? "" Kawngkhar kalh rí dat paha arawn tih chuan ka lo melh nghal a.







"" Ka duhdan chu ka sawi vek tawh, chuan ka hmu duh tawh lo che.. Kanu nen naktipah kan haw dawn""ka tih chuan a thaw hak a.. "" Ai i haw lovang... i haw na chhan tur a awm lo.. he tah hian awm reng rawh""min pan pah chuan arawn ti a.. "" Ai he hmuna awm hi ka duh tawh lo""ka ti let ve nghal a.. "Eng vangin maw.. Engvangin nge nangmah chauhhi i in ngaihtuah thin a?? I rilru duhdan kha i thinlung hian a duhpui kher che em ni"" Ka bula rawn thleng nghal.. "" Engmah ka sawi peih tawhlo.. Khawngaihin chhuak rawh"" Kal sawn ka tum chu ka banah vuanin min pawt ding dat a.. Ka hnunglam atang chuan min rawn kuah nghal a. "" I bula awm hi eng vanga remti lo nge inih?? """ Ka beng bula rawn ti sur sur chuan arawn ti chhuak a.. "" I hrethiam lo ani... Nang leh kei chu kan kalkawng adanglam lutuk.. "" Ka ti let nghal a.. "" Anih chuan i kawnga kal ve turin eng thil nge ka tih ngai.. Ka nunna hlan i la a tawk angem""a rawn tih chuan in la hrang datin ka beng a.. Mahse ana vak lovang..







"" Khatiang kha vawi khat pawh sawi tawh suh.. Nunna hi maw eng nen mahah tehkhin chi anilo "" Ka ti vin hlara, ka rilru erawh chu arum vawng vawng. "" Ti khan a chiang takzet .. Nanghian min duh ve tih ka hria.. Engvangin nge i pawm duh tlat loh""a rawn tih chuan ka hawisawn hmak a.. Ka mittui tla chu hru fai nghalin ka in sangmar a""ai i ti diklo, ilakah engmah'" ka ti chiah chu alam hawi zawngin min kuai her lawp a.. "" Dawt sawi suh.. Ka rilru anghi i pu ve ani tiraw.. Nunu-i vang ani em hetia min hlat i duh.. "" Min sawi data arawn tih chuan ka melh tawp a.. "Anih chuan min en chungin ka hmangaih lo che min ti rawh. Ka rilru ang hi i puve lo tih sawi ta che"" A rawn tih chuan ka nam sawn dat a.. "" Aw ka hmangaih lo che, ka hmangaih ngai lo che a, ka hmangaih bawk lo ang che.. Lalawmpui heihi hre rawh i lakah hian eng ang feeling mah ka nei lova, ka nei ngai bawk lovang... Ka tan chuan ka nu enkawl tu Doctor satliah mai ini.. "A mita en kalh pah chuan ka ti piap piap a, mahse thudik pakhat mah a awm eih lo.. Dawt vek ani lawi si.. Mahse mi chhungkaw ti chhe tu hmeichhia ka ni duh lova, ka chunga thlenga tan pawh ka duh lo bawk.








"" Ka thiannu Rintei kha i hria em? Khami nen khan kan in chawi a, nanghi ka in hmangaih tir theih che chuan a thlahnih hlawh min pe dawn ani.. Chuan hei tunah chuan ka hlawh tling thawkhat viau chuan ka hria.. Apawi hle mai khang zawng zawng kha ka lem channa vek ani.. A tir kha chuan bansan mai ka tum a, mahse mipa rilru tih kual chu ka thiam zawng ania hnehna chu hei ka chang ta reng bawk anihhi.. Kan in puangvek law law ange, Nunu-i nen in in then theih hi ka ring ngai lova, chona lian tak pawh ani.. Mahse sawi leh sawi hnu thiam thil ka lo nei tha em anihhi tiraw.. Nangpawn ilo awi a.. Rei tak ilo kawp tawh chu keimah avangin i then phah hial ania.. Mahse apawi khawp mai kei chuan in chawi nan chiah ka hmang che, ka lawm tho e.. Nangmah avangin nuai tel ka neih phah dawn tho va, "" Min huat ngei ngei theih nan chuan ka ti chhuak piap piap a.. A hmela mak tihna leh hrethiamlo hmel mawlh chu en ahar ani.








"" Ka awilo"a rawn ti sup a.. "" Ti nge i awi loh.. A prove nan Rintei call a biak i duh em?? Kan bia ang aw, chuan i ring mai ang.. "Tia phone ka lek kang chu rawn vai per sawkin a hawisawn nghal a.. Lalawmpui ka tihpalh aw.. Mahse keima hmeichhe pui ngei leh ka chunga thil thleng tur atan ka duhloh chu midang chungah ka tive theilo ani.. Thaw haka a rawn hawi chu a mit atang mittui chu a rawn luang chhuak hial a.. Engmah asawilo min en ngawt ngawt a, keilah lemchan chunzawmin ka lo nuih let suk a.. "" Mary ka thinlung hi in fiamna tualzawl ani em ni? Khang zawng zawng kha lemchan vek maw... I ropui hle mai.. Ka hmangaihna chu nang hian i hnuai chhiah a.. "A mittui chu a hru zeuh va.. "" Ka hmangaihna chu suma leitheih lek maw alo nih ?? "" A rawn tih sup chuan in seh ruh in ka mittui chu ka dang kir a.. Chunglam ka hawi leh zeuh zeuh thin.






"" Aw a dik chiah ka tan chuan hmangaihna hi engmah ani lo.. Engkim i hre tawh a, i chhuak tawh mai dawn em ni.. Mut ka duh tlat ka chakna ka lawm angai sia""tiin kawngkhar chu ka kawk va a.. Engmah sawi lo chuan a chhuak zui ve nghal mai bawk a... Arawn hawi let miahlo... "Lalawmpui, i mawl e mai, ka thinlung rumri hi i hre thei lovem ni?? "" Kawngkhar na ban chu hmer ngawt ngawtin ka tap a.. Ka kawng thlan hi adik em tih ka hrelo.. Mahse ka tihdik ngei ka ring ani.. Chhungkaw ni mai tur ka ti chhe theilo ani.. Ka ú i bulah min hruai ve tawh mai rawh.. A nà em ani""tiin ka tap a... Min hnem turin tumah an awm lo.. Ka natna ai maha Lalawmpuia na tur ka suangtuah phei chuan ka tah pui hial thei.







Ka dairy ah chuan engkim chu ziakin ka tap bawk a.. Hetia rilru natna leh engkim ka ziah chhuah hian a nuam ve deuh thei tlat ani.. Ka thian neih chhun ani rih tlat bawk a... Ka phone la kangin Rintei chu ka hrilh fiah vek a... A ni pawn min dem lo.. Ka thian a nia .. Min khawngaih lutuk leh min lainat lutuk chu min tahpui hial thei.. ""Rinte tinge Nunu-i ai hian kan lo in tawn hmasak mai loh le? "" Tiin ka tap a.. Rintei pawn tih vak ngaihna a hrelo.. Zankhua deuh thaw chuan tap chungin kan in bia a... Ka rilru natna leh hreawmna chu min hriatthiam pui chiah em chu hrelo mah ila.. Ka in hnem ve theih na ani miau ani.





Arvey lalawmpuia pov.

Zing kawvar chuan lungngaihna thuah hnih chu arawn her chhuahpui chiang khawp mai.. Zankhua in mipa ka tap tlaivar zak a.. Ka rileu leh thinlung na chu tihdam dan reng ka hrelo.. Hetiang khawp hian ka la na ngai lova, natleh pawh ka duh tawh lo... Chaw ei tura min rawn auh pawh chuan ka chak thlawt loh avangin ka kil pui lova, Hna kal tur chuan phurlo zetin ka in siam a.. Choka-a an awm thap lai chuan ngawi rengin ka chhuak nghal a.. Hna kal loh duh viau mah ila in ah chuan min tina tu hmuh reng kha ka theih ka in ring lo ani.







*engtin nge i theih zawk Mary.. Ka thinlung hi sum hmuh nan mai mai ilo hmang a, thinlunghi in fiamna chi ani em ni.. Tuna natna min pek hi maw eng natna mah hian ahen tawh kher lovang... A tihdam nan eng damdawi mah a la awm lo asin... Mi thiam tak tak te pawn an la hnu chhuaklo... Engvangin nge itih kher a, natna ka dawn duhloh leh ka mikhual duhlo ber ani asin**ka rilru na chu ka vai ruai hian ka hria.. Hospitalah pawh chuan ka thleng har reng a, kawng lakah ka din loh leh ka in ngaihtuah lungpuam bawk a.. Engvangin nge ka hmaah i rawn inlan kher kher ...hospital kawtah chuan Nunu-i chuan min lo nghak ran a.. Doctor thenkhat leh nurse ten min en duh viau leh nghal nimin thil thleng vang kha ani tih ka hre chiang viau bawk.







"" Bawih i van lo thleng har ve a""tia ka kut rawn vawn atum chu lo awmsawn datin ka kalpel nghal a.. "" Ti khan awm tawh lo teh, mi hmuhah tal hi chun""min rawn umzuiin ka banah tho chuan arawn vuan leh nghal a.. "" Enteh Nunu nizan khan ka sawi chiang viauin ka hria.. Min tibuai suh"ding thuta melh hrawk chuan ka ti a. "" Ai ka duhlo Mary min pansan ang""a rawn ti deuh nar nar a.. Min en duh lutuk avang chuan tawng pawh ka tawng ring ngam lo.. "" I hria em, i hmeichhe huat em em hian maw nangmah nei tur che hian min ti asin.. Itih theih ve loh thil anih chu""ti let nghalin ka luh san nghal a.







"" Min hmu apiang chuan mit tla lek lo chuan min en zui a, anawm loh dan tur chu in hrethiam ve em?? "" Doctor, i office ah nghak tu che an awm a""Nurse a hming pawh ka hriat loh chuan arawn ti a.. "" A nih chuan lut ila""rawn tiin Nunu-i chuan Room chu ahawng nghal zat a.. Nurse nu ner sak chu ka hmu hman hram.. Kan senior Sir manuna chu alo thu run a, ahmel chu a nelawm loh leh pek khawp mai""sir min hmu duh em ni?? "Tiin a zawt nghal a. "" Awmpui, nimin thil thleng avang khan kan mualpho zia hi i hria em.. Zawhna chhan sen loh kan dawng reng a.. Nangchu i special avangin i chanchin chhui tu hi an awm reng tihhi i hre lo vem ni, chuan nangpawh khang thil naupang chhia lutuk i tih avang khan i mawng i hlim tih in hria ang chu"" Nunu-i melh paha arawn tih chuan Nunu-i chu aphun hluk a.







"" En teh ka pu khatia min zilh lo khan i fate va zilh zawk ta che.. Ka hmangaih ka neih theihna anih dawn phawt chuan eng thil mah hian min dang thei lo vang.. Ka chhungte ngei pawh ni se.. Nangpawh tiamin""a rawn ti let chiah chu ka melh hrawk a.. "" Eng ang hmeichhia nge maw i nih le.. Doctor Arvey hetiang ang hmeichhia nen hian Relationship in nei amaw""a aw ah pawh mak ati hle tih alang reng.. Ka zak khawp mai ""Ka tihpalh ani sir, nundan mawi ka lo zirtir dawn nia"" Tiin min vawnna chu ka thing tla nghal a.. "" A tha e, thil pakhat hetiang boruak reh hma hi chu hmun dangah ka post dawn che em ni.. Champhai leh hnahthial ah sawn ka sawn thei reng che a""a rawn tih chuan ka rilru-ah champhai chu a ri ring leh khawp mai. Mahse ka theilo ka natna in tanna bul ani miau ani. Mahse ka hlat ngam bawk silova,






"" Ka pu sawn kher chu enge angaihna, tihian ka zir zawhah kan in nei dawn alawm.. Bawiha hian keimah lo chu hmangaiha nei hleinem.. Tiraw?? "" Min rawn pawt dawt paha arawn tih chuan ka en mawl tawp a.. "" Nidangah kan sawi leh dawn nia""tiiin sir chu achhuak zui nghal a.. "" Eng vanga lo tawng ve ngam nge inih a.. I chetdan avang khan zahna min siamsak tih i in hria em?? Chhuak nghal rawh""nam sawn dawr chuan ka ti a.. "" A teuhlo mai i ngam chuan min theh chhuak la , bengchheng ka siam lo anih chuan zahna tawpkhawk ka siam leh ani mai.. Ka sawi tawh kha keilo chuan tuman an nei lovang che""a rawn tih chuan rapthlak ti zetin ka chhuahsan nghal a.. Engang hmeichhia nge maw a nih hrep le..







Tlai a nih meuh chuan hawn hrehna leh huphurh na hlir chuan ka khat nghal ... "" Bawiha haw ka lo sawm che, i haw ahun tih ka hria ania"" Kan mi nghali bawk chuh... A zahtheih loh zia leh pawisak aneih loh zia ka hriat chuan hnial pawh ka peihlo.. Ngawi rengin ka zui chhuak a in lam chu kan pan nghal a.. "" Bawihte ilo haw a, mahse khawnge Mary bawihtei""in chhung kan luh rual chuan ka pi chuan arawn ti nghal a.. "Pi enge i sawi awmzia, khawnge mary chu a kal a"" Ka ti ve nghal a.. "" Enge awmzia nangman i rawn call a, file rawn pe tur che in i rawn chah ani lawm ni?? "" Ka pi in arawn tih chuan ka kà ho nghal a,







"Ai teuhlo, ka rawn phone reng reng lo , engtikah khan nge arawn chhuah a"" Ka tih chuan"" Dar 2 velah daih tawh khan ania, aphone a la thei bawk silo.. Bawiha engtin nge ni ang""ka pi chuan min rawn tah khum ti tih a.. "" Pi a kalna tur a sawi anga i hre sual ani lo maw? "" Nunu-i pawh chuan arawn ti ve nghal a.. "Ai ka hre chiang lutuk.. Arvey an file pe turin min rawn call atia, atlan chhuak nghal alawm"" In sut pah chuan arawn ti chhuak nghal a, "" Ava mak ve engtin nge chutiang anih ngawt theih a"" Nunu-i bawk chuan rawn tiin kan vai chuan rilru hahna chuan min rawn chim a.. "" Pi mahriatin a awmlo tih ahre tawh em? "Tia ka zawh chuan ka pi chuan" Ai hrelo ka hrilh ngan thlawt lo ani""a rawn ti nghal a, tlem chuan ka thaw hak nghal thei..







"" Ka pi zawng turin ka kal dawn, kalo haw har pawn min lo nghak suh "" Tih leh tlan chhuah ka rual a, a number chu hmet chhuakin ka call a, mahse a in switch-off hmak.. "" Ka lo kal ve ang aw, ka thian ala ni tho""nunu-i chuan cara luh pah chuan min tur nghal a.. """ Ramdina call chhin rawh ahre mai thei asin""a rawntih chuan hre chhuak thutin ka call nghal a.. Ka rilru thlaphang lutuk chu a ziawm thei der lo.. "" Ramdin Mary i bulah a awm em? "Pangai tak chuan ka ti sap a.. "" Ai awm miahlo mai.. Tinge ? "" A rawn tih chuan eng eng emaw chhuanlam siamin ka off nghal a.. "" Khawnge kan zawn ang.. "" Arawn ti vawt ruih a.. Ka beidawng lutuk chu tah tawp mai ka chak.







Chutah ka phone chu rawn riin number hlang chauh alo ni. "" La vat rawh"nunu-i chuan rawn tiin a pickup nghal a, "" Lalawmpui, i bialnu hi i duh let chuan nangmah chauhvin rawn kal ang che.. Nuai 2 i rawn keng bawk tur ani.. Police rawn hruai i tum chuan i bialnu vun nem tak hi ka hming ziah nan ka hmang ang.. "" Tiin a off nghal a.. "" Tu nge, enge a rawn sawi? "" Nunu-i chuan rawn ti nghalin phone chu min laksak nghal a.. "" Awi ka duhlo.. Mary"" rawn tap a , arawn tih chuan a phone ken chu la hlawkin Mary chu brazier leh panty nen chauh chuan khumah chuan an thlung bet a.. Ahmui bul vel var deuh thatah chuan drug an pe tih a chiang nghal .. "" Arvey kal vat rawh, hmanhmawh rawh""nunu-i chuan rawn tiin a hmun an rawn thawnna lam pan chuan ka chhuak nghal a.. "" Mary , ka lo kal ania, khawngaihin Lalpa engtin mah lo khawih tirlo hram rawh"" Tiin ka tlan puat puat a.







Ramhlun veng tawp leh kil takah chuan ka tlan lut a, "" Hetah hian lo awm ang che,, "tia chhuah ka tum chuan a rawn chhuak ve nghala "" Police hrilh mai ang.. "A rawn tih chuan ka hnial vat a.. " Tunah pawh hian min en thla vek mai thei asin... Lo awm ang che"""tia kal ka tum chu min rawn zui nghal a.. "" Ai , ka rawn kal ve dawn.. Kan puihna amamawh alawm""a rawn tih chuan hmanhmawh angaih avangin kan kal nghal a.. Inlian ve lampang , rawng pawh la in hnawih lohah chuan kan lut a.. "" Hei mister lalawmpui, special Doctor leh sumin a ahual chhuah pa kan lo lawm a che.. Helamah hian aw.. Eheuu kan tan hmeichhia i rawn hruai leh ani maw"" mipa hmai tuam vek pathum chuan silaia min tin pah chuan an rawn ti nghal a.








""Hmelchhe pa, khatiang khan min ti reng reng suh Mary kan hmu duh,mary rawn hruai chhuak nghal rawh"" Ka tawng hma chuan Nunu-i chuan a ti nghal a.. Chupa chu chek tlak tlak pah chuan a rawn kal hnai a.. "" In sum rawh bawihte in la hmu dawn alawm.. Khawnge kan pawisa tur chu""a rawn ti nghal a.. "" Kan la chhuak hman tawhlo va, ka ATM Card hi avai hian nei mai rawh, Nuaihnih ai chuan atam daih zawk ang, khawngaihin mary chu rawn hruai chhuak rawh... A him ngei tih ka fiah hma chu ka pe bik lovang che""ka ti chiah chu ka wallet chawp chuana rawn pawt thla nghal a.. "" Hmela" nunu-in pawt let atum chu alo beng thlu pawp leh nghal..







"Che miah suh, lungngai suh i pawisa bak hi chu duh kan neilo... Mahse heihi min han hrilh teh tu zawk hi nge i tana hlu zawk hrim hrim"" Nui hauh hauh paha arawn tih chuan ka che hrut a. Mahse athian pa khat zawk chuan min rawn tin ve nghalin "" Pawr vak tum suh aw, kan pathum chauh hi kan ni miahlo ania,, kan naute chu I bialnu bulah nuam an tawl anih kha""a rawn ti chiah chu "" Hmela, engtin mah ti suh ... In ngam chuan mipa leh mipa chu in bei ila.. "" Tiin ka in hrosa a... "" En teh hepa hi ain la pawr ngam anihhi, he tah hian a lu hi kan phum nghal dawn em ni?? "" Tia a silai aload chiah chu""ai khawngaih in kap suh, enteh mary kha ka thian ani a, khawngaihin...pawisa pawh in hmu tawh a, min kaltir rawh u""Nunu-i chu ka hmaah chuan rawn dingin a rawn ti chhuak nghal a.







"" Nang hmeichhia lo in rawlh hlek suh, hepa hi alawm kan thah chak leh ka kut thak tihreh na tur ber chu"" A rawn ti chhur chhur a.. Mi pahnih dang chu rawn chhuakin pakhat chuan chemte sei tha leh hrim hmel em em chu a rawn lek chhuak nghal a, mi engzat chiah nge maw an nih le.. "" En teh, ka ngen a che, mary chungah chuan engthil mah ti suh.. Ka sum zawng zawng pawh nise ka pe vek ang che, khawngaihin Mary chu min hmuh tir rawh""a hmaah chuan ka thingthi thla hnawk a.. Nunu-i pawn min rawn zawm ve nghal.. An vai chuan min nuih sawh a, mahse pawi tihna ka neilo.. Rooma tang mek sawn ka rilru zawng zawng a luah vek, atha angem??.. "" Aw ti hian ti ang, ka pheikhawk hi han liak fai ve ve phawt teh u""tiin kan hmaah chuan arawn lek chhuak a.. Avan har tak em! Mahse ka hmangaih tan chuan ka ti ngei tur ani.

FB_IMG_1606097724887.jpg
FB_IMG_1606097724887.jpg (40.67 KiB) Viewed 5390 times
Dawhthei takin aw👇click mawlh hi.
Attachments
FB_IMG_1606096893562.jpg
FB_IMG_1606096893562.jpg (32.3 KiB) Viewed 5390 times



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)