It's always you chapter_18

Episode kal lai dah luhna

Moderator: writers

Mrs.Oh
Posts: 49
Joined: October 31st, 2019, 2:58 pm

It's always you chapter_18

Unread post by Mrs.Oh » December 2nd, 2020, 8:08 pm

DAISY



Be my man, I’ll be your mine






May thla kan chuangkai ta reng mai, a la reilo hle a ka hriat laiin exam kan zo leh tep tawh zawk chu ani si a. Semester thar ah chuaan nitin in Andrey hmel hmuh a theih tawh dawn silo a, chu hun chu ka huphurh hle a ni. Mizoram ah a zir zawm loh phei chuan…. ka ngaihtuah zawng ringawt pawn amah chu ka ngai nghal in ka hria.





Mahse chu chu buaina ber pawh a nilo. Thla hmasa atang khan Andrey hi hmuhtur a awmlo tluk a ni, ka biak chang lah hian a mut lai anih loh leh chauh hmel zet hian min chhang a, rei pawh be ngamlo in ka duhtawk mai thin. Atir chuan min ngaihsakloh avang khan ka thinrim a mahse tunah chuan ka hlauthawngin ka rilru a na tawh zawk.




Engtik lai pawn a buai reng a, exam lai ani a ka hrethiam mahse tunah an exam zo tawh a mahse ala buai reng tho si, a awmdan hi ka hrethiamlo. Min hlat tial tial a hnaih tum a ka pan pawn min kalsan zel ni mai hian ka hria a, ka rilru a min kalsan dawn ni a ka hriatna te hi dawt ni se kati a mahse a ni tel a min hlat zel na hian rinloh harsa min tih tir thung.



Andrey hi rin theih ka duh a mahse rin theih turin a awm silo, ka mangang a ni.



Tunah pawh amah chiah ngaihtuahin lehkha ka zir leh ta lo , ka rilru ah a luh theih miauloh avangin ka zirlai chu ka dah a ka mu ta zawk a. Naktuk a exam tur ka ni bawk nen menrei loh a fuh ber ringin ka mu a mahse mutthilh chu harsa tak ani thung. Ka rilru a hlauhthawnna tam tak awm te hian minti hlauin mut hmunah min tah tir leh ta.




Zan dar 3 a rik chuan ka mangang tawh takzet, engkim huamin Andrey chu ka call ta tawp a mahse a chhanglo. Vawiruk lai ka call hnuah pawh a chhan tak siloh ah chuan beidawngin ka duhtawk ta a.



Zankhua chuan ka mu ta miahlo, ka lu na lutuk leh exam ngai bawk chu thil inmillo ber ani hial ang. Andria pawh exam ve tur tho anih avangin Andrey ka hmuh beisei in ka va sawm a.



Inchhung ka luh chuan Andria pawh alo inpeih ve chiah a, Andrey ala mut thu a sawi chuan a room lam chu ka pan nghal a. Khum a tui tak a muhil mek chu ka en a, amah ngaihtuah em em a ka mut theihloh lai a tui tak a alo muhil bik te chuan minti thinrim hlut thei. Amah chu ka pan hnai a zu rim a nam hak mai, zu a in ngai ka hre silo a ka rilru ati buai zual takzet.



Nizan lamah engthil nge a tih ang tih chuan minti buai tawp theilo. A thiante nen a hun an hmang ho anih chuan Zomuani leh Mahruaii an tel ve ngei anga tih ka ngaihtuah phei chuan ka taksa chu a na nghal ngawih ngawih ni mai hian ka hria.



A room atang chuan ka chhuak a step ah chuan ka chhuk thla hnak hnak a. Step bula minlo nghak tu Andria hnen ah chuan dar engzat ah nge Andrey a haw ka zawh chuan “dar 2 rik hma deuhin ka muhil a chutih lai chuan alo la hawlo” tiin min chhang a. Engtiang a rei nge chung hmeichhia te nen chuan hun a hman ang chuan zu a rui bawk a min ngaihsak miahlo in a khawsa a. Ka thinrim bawk nen ka rindan te chu an dik vek ni mai hian ka hre tawh.



“Tunlai chu hna a ngah lutuk a nizan ah pawh an thawk rei leh aniang” min hnem nan a Andria'n atih te chuan ka thin ati rim zual. Andrey ka rinna chu tihchhiat in a awm ta ni mai hian ka hria.



Exam kan zawh rual chuan ka haw tlang nghal a, ka thiante'n leng tur a min sawmna ah pawh ka tel peih ta lo. Chawhnu pum chuan ka mu a tunah chuan ka tap tawhlo mahse a hma zawng aiin ka na zual. Kalsan ka duh a mahse kha leh chen kalo tawrh tawhna te kha a thlawn mai ni tur chuan ka phal silo. Nep minti tiraw, ni e in ngaizawng dangte chuan an bialpa te bulah kal in an thinrimna an sawichhuak anga kei ang hian an tlanchhe ve hauhlo ang.



Keichu enge thleng ka zawt fiah ngamlo a ni. Ka rindan te hi lo dik ta se loh theihloh in Andrey hi ka kalsan a ngai dawn a chuthil chu ka ngamlo a ni. Kum kha leh chen ka nghak a natna tam tak ka tuar a, hliam tak tak karah pawh ka hmangaih tang tang a. Vawi tam tak beidawn rum rum chang nei mahila beiseina ka zawng char char a.



Vawi tam tak min hnawl thintu vang a hmuhsitna leh nep tia ka hnunglam a nuih ka nih thin na te. Mi min hmuhsitna leh Andrey natna min pek avang a ka thiante thinrim em em a ka siam fo te, ka thiante'n kalsan tur a min hrilh chung pawh amah ka vawn tlat avanga thinrim, rilru leh min lainat bawk si a ka thiante ka siamna zawng zawng te kha a thlawn mai an nih ka phallo.



Hun rei tak ka nghak a ka tih duhloh tam tak kati a, zahna neilo leh mi a ang mai a ka tawrh tang tang na te, natna tam tak ka tawrh hnuah a ngaihzawng kani thei hram a chu thil chu heti mai hian ka chan phal nganglo a ni.





Kapa leh kapi chaw an eichhuah dawn avangin eirawng ka bawl har a chawhmeh pawh ka siam mumallo. Khua a thim deuh hnu chuan chaw ei ka rawt a mahse kani chuan “ei rihlo ang” ati deuh tlat a, a chhan ka zawh lah chuan min nuih suk ringawt a a awmzia ka manlo.




Kani chaw ei duh hun nghah pah a tv kan en lai chuan Andrey alo lut hlawl a, atir chuan ka hmu lawklo. Kanu in “Andrey teh hlawl chu tunlai chu I vang khawp mai” a tih rual chuan kawngka lam ka hawi nghal a. Kan kawngka bula min en chung a nui ver ver a ding chu ka en ngawih ngawih tawp a, a hmel ka hmu chiah chu ka ngaih zia ka hrechhuak a amah kuah vawng vawng lo chu engmah ka ngaihtuah theilo. “Lo len ka chak theihzia mahse ka buai lutuk a” tih pah in ka lam alo pan a.


Ka bul alo thlen chuan ka ban ah chelhin min pawt ding a “nu Jovial hi ka ru lawk dawn chaw lo ei san ru” tih pahin min kai chhuak a. Ka ni in “nuam deuh in” a tih ri chu ka hre leh ruai a. An in lam min pan pui a, Andrey chu hmalam pan in hmanhmawh zet in a kal a, amah chu ka en ngawih ngawih a, a bulah hian sawi duh tam tak ka nei.




An in chhung a lut ta mailo chuan inchung lam kan pan a. Step a kan chhoh lai chuan a ding thut a rawn in her in chal tichuar chung chuan min en a , amah chu ka en let ve kiau a. “Kan kalna tur emaw enge kan tih dawn te min zawt ve la maw, movie ah te chuan an zawt ziah ania” tiin a hawi let lehngha a. Kal chhunzawm pahin “kan kalna tur min zawt anga chuan ka sawi duhlo ang te kati ve a” tih pahin a phun cho mawlh mawlh a, a duhawm takzet. Engthil nge tih a tum tih ah hian ngaihdan ka nei miahlo.


In chung zawl kan thlen chuan a alo êng uar a, bang siamchawp ah chuan 100 DAYS tih in ziak in ka pangpar duh ber DAISY leh light hmanga cheimawi chu ka hmu nghal zat a. A bulah chuan dawhkan leh thutthleng pahnih in hung in dawhkan chung ah chuan eitur alo inchhawp nual bawk.



Andrey ka en chuan “Happy 100 days” nuisang a ti chungin min pan hnai ah ka chalah chuan a fawp vang vang a, mahse ka la hrethiamlo. “I theihnghilh ani maw” tia min zawh chu “eng chu” kati let hu a. A hmai a tuai puat a “vawiin hi ni 100 kan in ngaihzawnna chiah, keimah chiahin ka hria ania” a lawmloh hmel ngang mai. Ka kuah thlawp a “ka lawm e” ka tih chuan a tum hmel chu reh in nui ver ver chungin min kuah let a.




Nizan thil thleng kha ka rilru ah alo lang nghal a mahse tunah chuan sawichhuah ka duhlo, ka sawi anih chuan a nuihmel pawisawilo zet hi a bo dawn si a. A hlimna siam hi thil harsa tak ani a, a hlim em em lai a a lungngaihna tur sawi chu ka theilo a ni.




Dawhkan lam chu kan pan a, ka thutna tur chu pawtchhuak in ka thut fel hnu chuan zanriah chu kan ei a. Andrey zawhna ka chhang a mahse keichu ka tawnglo. Ani pawh tawng zawm tawhlo in a ei mial mial a, boruak kati chhe vek tih ka hria mahse ka ti lui thei hlawllo min delhtu hi a rit em a ni.




“I nu bulah 'ka ru lawk dawn' katih avang khan I thinrim ami” kan eikham hnuah kan ngawih vang vang lai chuan ati a engtin mah ka chhanglo ka thinrim chhan diktak hi ka sawi thei silo a.


“Ka tihpalh lutuk ka phur lutuk a ka insum hmanlo anih kha bakah I ni in a hre tho a zep kher pawh hi a tullo e” a tihzawm a, amah chu ka en a ka ngawi reng thung. A kun ngal a a thinrim leh tawh ani ngei ang mahse thlem tumna ka nei chuanglo. “Ka ngaihsak hmanlo che a pawi kati, hna ka ngah lutuk a exam ani bawk nem thinrim tawhko la” kun chung chuan ati a ah!!! A thinrim lo tehmial.



“I lungawi hma chu ka hmel tha zet hi I hmu tawhlo ang” a tih chuan ka nui hawk a, ka nuih a zat vang ani hauhlo ka kalsan theilo a engmah ka zawtfiah ngam heklo, chuvang chuan thinrim reng hian awmzia a neilo tih ka hria chuvang chauh chuan ani ka nuih ni.



Min en a a nui leh ver ver tawh. A tho a Shania Twain hla Teddy Swims cover zawk “you’re still the one” chu a play a. Minlo pan in min pawt ding a ka ban veilam chu a darah dahin lemlam chu a vuan a, a ban veilam chuan ka kawngah kuahin a taksa si chet chuan min pawt hnai a, a rimtui zet pawh ka hrethei. Music rem chuan min insawi pui a.



A hla thu tin te chuan tuar zel turin min fuih ni mai hian ka hria. A hma a a khawsak dan chu engpawh nise Andrey hian minti hlim turin theihtawp a chhuah tih ka hria, chu chuan atan ka pawimawh ve ani tih ring turin min pui bawk. Min hmangaihlo ni e… min hmangaihlo mahse min hmangaih tumin a bei ve mek ani tih hi thil dang zawng zawng aiin rin ka duh a, chutah chuan lungawi rih theih ka duh.


A nghawng ah chuan ka kuah a ani pawn a ban pahnih in ka kawng ah a kuah ve nghal zat a, kan taksa in hnaih zual sawt chuan thawk ati harsa, ka taksa chu an mur chem chem ni mai hian ka hria. Rawn kun hniam in ka awm ah a rawn kiss a, ka za chhuak vek thei hial alawm le. Ka kawr chhan a ka hnute zawn a alo kiss leh ngat phei chuan a eu chungin a sam chu ka tham a. Muangchang a ka nghawng a a kiss chhoh lai te chuan hei aia hun nuam hi a awm theih tawh ka ringlo hial.




Tunah chuan a der ni miahlo in ka nui thei ta, hla nalh zet ngaithla in Ka hmagaih taksa si chet chungin ka lam, hei aia hun romantic hi ka suangtuah thiam chuanglo. Hei aia hlu leh hei aia hlimna hi mipa dangin min tihsak theih ka ring hauhlo. Hei aia tha hian ti theitu chu an awm ngei ang mahse ka hmangaih in ka tan a a tih anni ve dawn silo, ka hmangaih Andrey Vanlalhruaitluang'n ka tan a a buatsaih anih avang tak hian ka tan a hlu in minti hlim bik em em a ni.



Andrey nen anih chuan engkim hi a hlu in hriatreng theih ka duh thin a. Tun a min kiss dan nuam zet te, he ka rilru hlim veng veng leh a dang duh belh zelna ka neih te, amah ngai a ka tam huam huam reng zel te, a kut in ka taksa a khawih lai apiang nuam veng veng bik thin te hi. Mipa dang min pek ve theih anilo a chhan chu amah chiah hi ka hmangaih a ni.




Mahse a hma a thil thleng kha ka theihnghilh tihna anilo a, haider in hlim ka tum mai chauh a ni.


Ka hmangaih bula awm thei tur a tihsual ka haider chu thil sual ani dawn em ni?










Hanabi



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)