By Zuãl's Khiangte
Ka pu chu Lunglei ka thlen zan dar11:30 ah chuan min kalsan a, a dawm hlum tu pawh ka ni ,ka tap theilo ka bim mup mup ringawt.
Ka pu an mutna bulah chuan ngawi reng in ka thu a,a kut ka la vuan reng ka thlah theilo ,khawvela pu tha ber ka thilsawi a piang tih hlawhtling tum thin tu ka dik emaw dik lo emaw min tan tlat tu, engmah ka tih sak ve hma a min kalsan hi a na ka ti ngawih ngawih, reilote tal enkawl ve hman ilang chuan ka inbuatsaih ve hman tur a nia.
Ka pu an phum dawn pawn ka la tap eih lo min hnawh pup pup mahse ka tap chhuak theilo.
Ka pu an phum na lei char chungah chuan ka thu a ka bulah Duha pawh a ding ve reng.
"Pu.." min chhang tu tumah an awm lo a reh in a reh tlawk tlawk
"I lo zin leh hunah kan in checker leh dawnnia i tih kha" ka biang a lum thla pap nghal.
"A fairlo emai "tih pah chuan ka tap chhuak nghal hawm hawm a a hma a ka tah ai zawng zawng kha ka tap ni ber in ka hria,ka rilru natna min rawn tawmpui ni awm tak in ruah a rawn sur a,reilote ah ka huh zawr nghal vek.
"Bawihi"
"I tha em?" A tih chu ka hre ruai ruai,Thawklehkhatah ka kang dawrh a fiah lo ruai in Duha chu ka hmu a,a hnu chuan a thim mup ringawt.
Ka mit kan meng chu ka taksa hi a kham them thum mai,ka kut kan en chu drip min khaisak tih ka hre chiah.
"I lo harh tawh maw,na te i la nei em?" Tih pah chuan Duha chuan ka lam chu a rawn pan a,a in bual zo chiah ni tur ani,a sam pawh a la hnawm chap mai.
"I la haw nange?"
"Zanin chu tah ka riak mai ang"
"Ka muhil rei em?"
"Darkar4 vel i mu in ka hria,Thlanmualah khan nikhaw hrelo in i tlu a,I BP a hniam lutuk vang leh i mut that loh vang niin doctor Khan a sawi a" a tih chuan ka lo bu nghut nghut a.
"I ril a tam em?" A rawn tih chuan ka riltam zia ka hre chhuak leh chiah Lunglei kan thlen hnu ah chaw mumal ka ei pawh ka la hrelo.
Duha nen chuan chaw chu a tlai a tlai in kan ei a ,a ni pawh hi lo ei ve mai tur nia nikhawhrelo a ka awm chhung khan ka bulah a lo awm char char ani awm e.
____________________
"Bawihi vawiin chu leng ila" a tih chuan a mah chu ka en vat a,Lunglei ah pawh karkhat deuh tho ka awm leh tawh naktukah kan khaw lamah ka phei leh tawh dawn a 2nd term exam a hnai tawh bawk nen.
Duha nen chuan nileng deuh thaw in kan leng a, kan leng tih lem ah kan bazar a ni zawk mah, Hoodie in ang te,Sana/Sona in ang te kan lei a Kan hlim dun kher mai tudang kan ngai biklo khawp mai.
An in a min hruai chuan ka ka hau ringawt , an in chu a mawi a ni tawp mai, hetiang nei si engtin nge kan khua ah a rawn haw peih le,a pa bula awm hi a nuam daih zawk awm sia.
A pa leh a pa nupui a nuhrawn pawn an duat hmel khawp mai fa an la neilo tih Duha khan min hrilh tawh bawk a Duha hi a nuhrawn pawh hian a fa ang takin a ngaih ve kan ring a duat emai,mahse Duha chuan a be lemlo.
An in a chaw eitur a min tih ve tlat a vang chuan ka chhungte bia in Duha te in a chaw ka ei tur thu chu ka hrilh a an lo phal ve mai bawk,Duhan min buaipui nasat zia kha an hria a an ngaina ve tawh lutuk.
"Zuali a fal in ka be lawk thei che ngem?" Kan chaw ei zo,Duha intih fai zawh ka lo nghah mek lai chuan Duha pa Pa Lawma chuan a rawn ti a,bu nghut pah chuan a kalna lamah chuan ka zui a.
"In la inkawp rei vak lo tih chu ka hria a mahse Ka fapa in a duh zia leh a hmangaih zia che hi ka hmu thei ani" a sawi zawh chuan a ngawi deuh vang vang a.
"Ka fapa hi a tetlai atang a mal em em a,keipawh hi min pawh lo tih chu i hriat mai ka ring, a duh ang a piang pe thei mah ila atan chu chu engmah a nilo,
Bawiha nu nen kan inthen hnu lawk ah nupui dang ka nei leh a Bawiha pawh ka ngaihtuah tha ngailo,Bawiha nu tak pawh hian duat viau mahse a ngaihtuah thalo tih ka hria chuvangin a rawn thangsual ka ti mai ang chu ruihlo lam a khawih tan a, hau mah ila a sawt lo,
Mahse ilo lan a tang a ruih awm hi ka la hrelo,Bawihi ka fapa hi a mal em em a mahse i bulah chuan a hlim, khawngaih tak in a bulah hian awm reng ang che aw kei chuan rei ka dam pui thei kher tawh lo mai thei chuvangin ti hlim turin a bulah awm reng ang che aw"a tih chuan amah chu ka melh vat a.
"A mak i va tih hmel ve, ni e kei hian pumpui cancer ka nei a, karleh a tang hian Chemo khai tan kan tuma" min nuih suk pah chuan a ti a.
"I damtha leh vat nan ka lo tawngtai pui ang che"
"Ka lawm ngawt ang, He thu hi Bawiha hrilh hrihlo la aw" a tih chuan ka bu nghut a.
Room a tang a kan chhuak chiah chu Duha chuan min rawn pan nghal.
"I tha em? Enge thleng" A rawn ti nghal zawt zawt a.
"Tha lutuk, haw tawh dawn ila" ka tih chuan a bu nghut a, Duha nu leh pa te chu mangtha in an in atang chuan kan chhuak a.
A bike khalh lai chuan a kawng ah chuan ka va kuah a,a nui nghawr dat mai, hetia ka kuah hian nuam a ti tih ka hria keipawn nuam ka ti.
Kan inkawt ah chuan a ding dat a, ka lo lut kawi tawhlo mai ang a tih a vang chuan kan in mangtha a,inchhung ka lut tur chu alam ah chuan ka va phei leh a.
"Duha" helmet a khum tum mek lai chu a chawl dat a.
"Umm"
"Ka hmangaih che" ka tih chuan a bike chu dahtha in min rawn pan a.
" Keipawn ka hmangaih che ka Vantirhkoh te" tih pah chuan min rawn fawp a.
"Min kalsan suh aw" ka tih chuan a nui nghawr dat a.
"Min kalsan pawh tum mah la ka umzui char char tho ang che" a tih chuan ka kuah vawng vawng ringawt,he mipa hi ka hmangaih ka hmangaih tak zet a ni.
- 20201202_202650.jpg (70.99 KiB) Viewed 3468 times
(Keipawn a boring lek lek ka ti, naktuk zan a tang kan kal pawp pawp tawh ang
Chuan hemi story hi a Chapter a tam dawn lo aw, comment leh click keuh kha theihnghilh lo ula aw, mi hmeltha inni mai
)