UIRENU FANU - 17 BY FAMKIMI CHENKUAL

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

UIRENU FANU - 17 BY FAMKIMI CHENKUAL

Unread post by Bearr » December 3rd, 2020, 7:52 pm

Chapter-17 💞



MUKTI.... POV



Isaac-a thusawi chu awih tur nge awihlo
tur pawh ka hrethiam teh nuaih tawhlo a ni.


A mitmeng chuan a thusawi chu awih ngei turin min duh tih ka hria mahse ka chiai tlat a ni.



Ka pa chungah tiang kha a thleng tawh a. Ka pa chung a thleng ang kha tu chungah mah thleng lo se ka duh a ni.

A chung a thleng ang kha thlentirtu nih ka duh hek lo a ni.


Mahse tun atan chuan he a kuahna thlamuan thlak tak hi ka mamawh rih a ni. Chakna ka lak țhen a ngai a ni.



"Bawihi min ring em" min kuahna phelh pah chuan a ti sup a.


"Ka hrelo. Ihhh i hria em rin che chu ka duh mahse ka tihsual ka hlau. I hria em kan chung a thil thleng ang kha tu chungah mah thlenglo se ka duh vang a ni" melh deuh kuau pah chuan ka ti a.


"Bawihi tih luih che ka duhlo mahse min rin ngei theih nan engpawh ka ti ang" rilruih chuan a rawn tichhuak a.


A mitmeng ațang pawh chuan a ti ngei dawn a ni tih a hriat.


"Ka haw thei tawh a ngem" ka ti chhuak sep a.




"Zanah ka lo kal thei a ngem" inthlahrung deuh chuan a ti a.


Motor ațang a chhuah ka tum chu ka hawilet zawk a.


A hmel chu a inhmeh lo zawk. Ka nui chhuak teuh e.


"Doctor ho hi in hman reuh e" nui deuh chuan ka ti a.


"Hman bik vak nang" lu tuai nauh nauh pah chuan a ti a.


A lawmawm letling zawk a ni.


"I duh a thu" tih pah in ka chhuak nghal a.



A tlanchhuak chu ka ruak nghal huai in ka hria.
Ka hriatna la reilo hle mahse ka thinlung ah hian hmun a chang thuk hman em a ni.


Thawh halh chuan inchhung ka lut a.

Rinloh deuh maiin Zomuana a lo țhu kur mai.


Hemi te pahnih hi doctor ah chuan an hman ber awm e.


"Doctor hman ber of da year" nui vur vur a melh pah chuan ka ti a.


"Ka rawn tlawh tawh tawp lo mai ang che" ner nawng nawng pah chuan a ti a.


"Nia lawm i hman e" nui deuh uarh uarh pah chuan ka ti a.


A nui ve ta suk suk a .


"Khawnge naupang ho hi" hawi kual pah chuan ka ti leh a.


"Will-a a school bang kha a bazar pui a nih kha a u in" nui deuh suk pah chuan a ti a.


"Nge i nuih kher" ka ti nang nang a.


"Aw... nupuiin a fate awmna a pasal zawt i ang em a" nui deuh suk suk pah chuan a ti a.


"I ngaihtuah ho sia e" nui deuh vur vur pah chuan ka ti a.


"Ho vak mi. I pasal ka lo ni mai ang" kiai deuh suk chuan a ti leh a.


"Awi... pasal hman deuh ka duhlo" la nuih vur vur pah chuan ka ti a.


"Nupui thinchhe deuh ka nei dawn nih hi" la fiamthu reng pah chuan a ti a.


"Fiamthu renglo teh" va ben kawrh pah chuan ka ti a.


"Nupui kutthlak hrat" a ti leh vat a.


"Awiii... Zomuanpui i nghal lutuk ka pen fawk mai ang che. Ka inthlak daih dawn ti khan nangmahin awm daih rawh" tih tan tan pah in ka thawh san daih a.


A nghal ve chiang a ni hepa hi chu. Mi bulah in hmuam up viau si hi ka bulah chuan tiang mizia hi nei leh daih țhin si a.


Hmeichhia zawng rawh i kum in a chaldelh tawh che tih pawn a duh thei țhak lo nih chu. Hmeichhe hmangaih a neih thu hlirin min chhang țhin bawk nih kha.



Ka inthlak zo ka chhuak chu phone hi a lo bih ngur a.


Naupang chhia tak hian a țhu niai bawk sia a lawmawm letling zawk.


"Zomuan ka țhiannu kha ka tihpui ang che" a bul a va țhut pah chuan ka ti a.


A rawn hawi chhuak zawk nghal a.

"Rawng va bawl mai teh" chek hlawk pah hian a ti a.


"Maw... i hmeichhe duh pawh min hrilh duh bawk silo. Ka țhiannu kha a țha mai a ka tihpui ang che" siai zeuh zeuh pah chuan ka ti a.


"Ngaihzawng i neih vang khan min neih tir ve tum ngawt suh" ka chalhah rawn pen fawk pah chuan a ti a.


Ka melh rum teh e.


Tho nulh in rawngbawl tur chuan choka lamah chuan ka phei nghal daih a.


"Ngaihzawng nei nu chu a titau ni maw" rawn nui deuh vur vur pah chuan a ti a.


"Ka titau leuhhhhh" ka ti nghek a.

" ka nau duat hi lo titau tawh suh se" tihpahin ka bul dawhkan chu a rawn nem khalh a.


Ka nui ta nghek nghek ringawt a.


"Chuan Hniangi chu" ka ti leh vat a.

"Hmeichhe hmangaih ka nei ka tih kha" a ti leh nang nang a.


"Naaa... i ti ve ziah a. Min hmuh i tum bawk silo" lungawilo deuh chuan ka ti a.


"Ok. Karleh ah ka hmuh tir ang che" nui deuh suk chuan a ti ta a.

"Yes. Thutiam hriat reng tur" nui vur vur pah chuan ka ti a.


Ka rawngbawl chu ka phur sawt in ka hria.


Diktak chuan Zomuana hi a len tar ka hlau takzet a ni. Tlangval hmelțha zet a ni a , a hna in a lo zir nen hmeichhia hi chu a vailo ve lutuk mahse tumah a be ngailo a ni.

Ka u ang a ka en vang hian ka lo lungngai zawk țhin a ni.


"Ka va phei a nge. I phur ta emai" a ti a.

"Chaw i ei dawn maw tia" ka ti hu a.


"Aih țumdangah." a ti sup a.

Ka bu ta ngauh a.

"Min thlah lo mai rawh thil i chhuan kha. Bye" tih pahin a chhuak nghal a.


A chhuak chiah chu ka phone ka la switch off tih ka hrechhuak a , ka on nghal vat a.


Isaac-a call leh message nizan a mi ka clear bang kha a lo la awm. En ka tum zet a ka țhulh leh ta zawk a.




A vawi khat nan teh meuh ngaihzawng ka nei a tiang hian buaina kan nei nghal a nia.


Amah ring tur khan min ti a. Rin ngei chu ka duh mahse tisual ta ila tih ringawt hi ka rilru ah a awm a ni


ZOMUANA... POV




Zinga Mukti te in a an thil tur pe tur a ka va kal chu Mukti mit bui deuh luk makeup hmanga thup tum tak ka va hmu a.

Ka thinlung hi a na nghal zawk in ka hria.


Achhan zawt lemlo mah ila Isaac-a nupui hual neih tawh chungchang vel a ni tih ka hrethiam nghal.


Hmangaih viau si hian ka ta ah ka la siam ngam silo.
Dik tak chuan ka hmangaih thu hi hrilh ila min hlatsan mai ka hlauh vang zawk a ni.


Mipa hi tiang tak hian a lo dawihzet theih a ni tih ka hrelo a ni.




Hospital ka thleng patient ho ka en zo chhun chawlh lai chuan Isaac-a chu ka va hmu ngei a.


A ni pawh hian Mukti ka hmangaih tih a hria a ni.


Mipa hian kan mipat pui te rilru put hmang hi kan hre thei hle a ni.


Mukti vang hian hmeichhe tam tak ka hnawl a. Amah ngei pawh hian ka hnawl vangin min dem fo zel a nih kha.


Ka rilru put hmang hi hria se engtin tak awm ang maw.



Tlai a an in a ka kal chu a lo la haw lo a. A nau te an chhuak duh nen in ka lo nghah sak a.


Pawn a thawn ka hriat chuan ka va en a.


Isaac-a ngei chuan a lo thlah a.

Ka rilru hi na lo ka tih chuan a na ve a ni.


Isaac-a chhungten engti kawng mah in Mukti an pawm dawnlo a ni tih ka hrechiang viau bawk si.

Chung chuan Mukti rilru a la ti na dawn chauh.

Chung vang te ringawt pawh chuan ka ta ah siam a neih mai duhna rilru a lian țhin.

Mahse Mukti rilru erawh a chiang ropui si.


A rawn luh dawn chuan țhutthlengah chuan ka țhu thla dawt a.


Min hmu chu hlim hmel deuh hian min be nghal a.

A mitmeng ațang sawn rilru buaina a nei a ni tih ka hmuthiam nghal vek si a.


Mahse keipawh chuan ka fiam ta tho a.

Nupui pasal chungchang vel a ka fiam pawh hi ka rilru dik tak a ni tih hria se min hlat mai a ngem.


A țhiannu min tihpui a tum chu ka duhlo e. A â ve sia e. Ti khawp hian ka rilru ka ti lang a nia a hrethiam lo a nia.

Ka hmeichhe hmangaih chu ka hmuh tir ang che ka ti ngawt bawk a.



A la phur em em zui si.

Hmeichhe â ve tak chu a ni.





Ka haw in ka thleng chu nidang ang bawkin ka lu chu a rawn hai leh muai nghal a.


Ka in test vek pawh ka natna tur awm ang hi an hrethiam silo mak tak a ni.



A dik Mukti lakah pawh ka hmangaih thu ka sawi theihloh chhan pakhat pawh. Natna hriatloh ka vei vang a ni.


Doctor ka ni a ka dam rei tawh dawnlo tih pawh ka hria mahse chuti chung chuan beiseina ka la insiam fan chu a ni si.


Kum kalta khan ak thluak hi a function țha hlei theilo leh thut țhin a. Chu chuan lu hai leh nikhaw hrelo a tluk thut na a thlen țhin.


A natna kan hriat loh vang hian treatment pawh a lak hleih theihloh a ni.


Mahse ka bei a nung tur tak meuh meuh in. Mukti tan tal pawh nun ka la duh a ni.


He ka hmeichhe hmangaih hian min hmangaih let dawnlo mahse a kiangah a nat hun a tidam tur tal a awm ka duh a ni.



"Bawiha i lu a hai leh tawh mi" khum a ka mu bam chu ka nu in min hmuh chuan a rawn ti nghal a.


A mangang ve thei nia.


"Nu a reh mai dawn lawm. Doctor zawk pawh ka chiai loh hi" țhen sak sak pah chuan ka ti a.


Tun hnaiah hian lu hai mai nilo lu na leh beng chhung thleng na ka nei țan chho leh a ni. Mahse ka natna neih thar hi ka chhungte pawh ka hrilh duhlo a ni.

An hlauhthawn lutuk ka hlauh vang zawk ani.


"Bawiha damdawiin ah thawk tawh lo mai rawh" ka nu chuan min lainat hmel tak chuan a ti a.


"Nu i hriat kha doctor nih hi ka nunna tluk a hlu a ni tih" harsa tak chuan ka ti a.


"Ka muhil lawk nga ka zia mai ang" tih pah chuan ka meimit chhing nghal a.





💞Awii vawiin ah aieng kan cho nileng a ka type hmanlo a. Type loh ai ah ka rawn dah hram a a thui lih pawn min lo hrethiam dawn nia aw💞



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)