MY NAUGHTY GIRL CHAPTER - 4 By Ęlèøs Vanchhawng.

Episode kal lai dah luhna

Moderator: writers

Ęlèøs Vanchhawng
Posts: 111
Joined: October 6th, 2020, 8:53 pm

MY NAUGHTY GIRL CHAPTER - 4 By Ęlèøs Vanchhawng.

Unread post by Ęlèøs Vanchhawng » December 3rd, 2020, 8:20 pm

MY NAUGHTY GIRL

Chapter - 4





Ka alarm a rawn ri a,Peihlo rilru zetin ka thu chhuak hlawl bawk, ka taksa ah hian ka mamawh lemloh thauchhia a awm ang tih ka hlauh êm avangin exercise hi ka la nasa a. Juliet-i angin karate khel lo mah ila kei erawh basketball hi a nuam ka ti a thiam ka inti ve tawk em em bawk.





Kan veng field ah ka tlan phei a ka skipping rope leh ka ball nen ka in pawm phei tan mai. Jacket purple leh kekawr tight lutuk lo ka ha a, sneeker zâng leh bun nuam em em mai ka bun bawk.





Pheikhawk te hi a nalh ngawt zawng lovin bun nuam tur ka zawng zawk thin, thing deuh deuh ka lei thin tihna a ni chuanglo naiin a hmel mawihnai deuh chu a awm ve bawk.





Mual ka thlen pawhin tu vak mah an la thleng lo, skipping chuan ka zuang nghal fia fia a, Kan practice naah zuan dan kan zir thin angin hniam te te ah rang zetin ka zuang a, taksa a lum hma a a hahthlak loh bawk.






Ka thlan tlak bawrh bawrh thleng rak ka zuan hnuin ka ball kengin Basketball court lam ka pan a, inkhel tur an la thleng lo bawk a, lo shot vel mai mai ka chak ani.




Ka inkhel lai chuan mipa an lo thleng khawm tak tak a, mipa hmuha inkhelh em chu ka zak ve deuh thin avangin ka ball chu vawikhat ka hui zeuha ala lut chaih lehnghal.




Haw tuma ka ball ka lak lai chuan ka piaha lo awm ve te avang chuan ka phu deuh zawk a, mahse ka insiam tha leh vat, min en reng tu an awm tih hriat zetin ka tukhum a za mer mer a, ka zak em em bawk.




"Lo ding lawk teh" ka hnung lam atang min be tu aw ka hriat rualin ka taksa a tang nghal at a, engvanga hetia awm hi nge a anih ka hre hauhlo.




Zawi muangin ka hawi let a, ka in pawm bawr angreng sia ka zak viau bawk.

"Min bia em ni?" zawi sap hian ka ti a, jacket hring kekawr dum jocker pants leh Air Jordan a bun a ka lo en uluk leh lutuk chu ka in thiamlo hnuhnawh viau.




"Purple maw, shelly zawk tiraw?" A ti leh a, ka nui ru suk min hmu ang tih erawh ka hlau viau thung.



Ka lu ka bu nghat a, A nui suk ka hmu zuai, mahse nelawm loh hmel zetin a insiam tha leh nghal ka haw rum rum.





"Haw mai i tum elaw?" ka ball ken a en zawk a a kiai suk bawk.


"Tum deuh reuh" ka chhang sei vak peihlo ka zak ve rih a ni mai ni.


"Game khat khel leh lawk ila" Ka rin loh deuh a sawi avang chuan ka lo phu deuh zawk a, khel chu ka chak ve reng a mahse ka zak ve deuh bawk si.




"Kal ila" min mitmei zauh a, ka khelh pui ve ta mai bawk a,thiamlo viau e tilo chuan ka score ka score ve lehnghal a, hmeichhia ka nih vangin min kian deuh te in ka hre lehnghal ka zak ru khawp mai.





Game kan zo a, kan chak bawk nuam ve reuh phian lehnghal a. Hmelhriat pawh ka nei thar nual mai.



Ka haw dawn chuan eddie ten haw rual an tih deuh avangin ka lo nghak rilru ve a, a thiante nen kan haw rual vek dawn emaw ka tih laiin kan pahnih chiahin kan haw leh si.





"Khawnge midang hi" ka en pah ha a, ka nui suk a, engvanga nui nge a nih ang? Ka lo ngaihtuah char char .




"An inal zei ve lawk a nih kha" a nui suk a, ka lo ngei leh hman tep.



Ka ball ken lai chu min ken sak a, a tisawt zeuh zeuh bawk a, ka lo en leh reng thin.




"Ka hmuh dun cheu kha chuan inan lohna chu in nei ve a mahse a hranga hmuh cheu hi chuan hriathran in har takzet a nih hi" teh duah a, a sam buk lam deuh mahse ti pa em em tu ni si chu a tuai phir pah suau bawk a.




A bulah ka din meuh chuan ka te reih reih mai, than belh ka va chak tak.



Rin aiin sawi tur a hre reuh phian lehnghal a a mak riau mai. Kan ti ti a, min en leh vung vung thin tih ka mit sirin ka hmu ru reng bawk.




Kan in kan thleng a, kan in kalpelin kan veng hmar lam a pan nghal an in awmna zawh kher ka tumlo. 'Hmeichhia ka nih hi ' ka ti deuh ngat.





Ka zeilo turu buru lutuk hi, mipa ni ila ka zei zawk te ka inring hnuhnawh a. Mipa tan hi chuan chet a awlsam dawn em alawm le.




In ka thleng a eirawng ka bawl nghal bawk a, ka nu rawn thawh hnuah inbual turin ka insiam nghal bawk.




Julieti pawh a la mu tui sak sak khawp mai, a ni tan hi chuan zing thawh hmat chu sawiloh class kal dawna kaihthawh pawh a har takzet.




Ka inbual zo a, ka phone chuan hla play pahin ka thawmhnaw suk tur ka lakhawm pah bawk.



Ka mesaage tone lo ri avang chuan ka phone chu ka han hmet eng a, noti chu thai thla in ka message dawn chu ka en zawk zawk a, Eddie a message ka hmuh avang chuan engtin emaw ni tak hian ka phur ru riau bawk.




Ka seen a, "Class kal turin ka lo sawm ang che" tih zawng engvanga minlo sawm tum ngawt nge a nih ka hrethiam lo hle mai.




"Juliet-i nen scooty in kan kal ka ring" tih zawngin ka reply a a rawn seen nghal a typing a inti nghal zat bawk.




"Ka rualin i lo kal ve mai dawn alawm"

"Engvangin" min star em mawni hepa hian


"Juliet-i kha hmangaihsanga rualin a kal dawn miau alawm"



"keimah pawhin scooty in ka kal thei tho alawm" ka ti ve tlat a

"Ka lo sawm ang che sawi buai tawh lo teh" Engvanga in nel leh in pawh em em anga awm nge a nih ka hre hauhlo.


Reply tawhlo chuan ka thawmhnaw chu machine ah ka khung a, ka thuai tir nghal bawk, ka insu zo a ka insiam a julieti pawh a lo tho ve tawh hram, mak tak ani. .



"Morning, i tho â a nilo maw?" julieti mit bui chak chu ka en a ka nui ru tut tut bawk.



"Eddie an a lo bia che em?" a rawn ti nghal tawng a, ngaihna hrelo zetin ka dar ka kan auh a.



"Hmangaihsanga khan 'eddie a rualin shelly a kal dawn' a ti ve sia" a ti niah niah a, ka hmui ka lo ti sawi nawng thung.




"Hmangaihsanga rual chuan kal la i duh chuan" ka en zauh a, ka kekawr ka inthawlh nghal sawk sawk bawk.




"Ka kalo phal dawn em ni?" a tih leh ka ring reng a, hei pui hi chu lerh ve tak kha ania a awm tho e.




Chaw ei turin julieti nen kan chhuk a, ka nu in tukthuan tur a lo peih sa diam chu nuamlo ti zetin kan kil ve a, zing lam hi chu hun awlthawng tak hi ka nei hman meuh lo.




Julieti hmangaihsanga'n a lo sawm dawn miau avangin keichu scooty in ka kal hmasa a, eddie a khan minlo hmu ang tih ka hlau viau bawk.




Gate-ah ka tlanlut chiah tihah ka hnungah bike ri ka hre zawm ve nghal zat ka scooty park in kan room lam ka pan tur chu ka banah vuantu an awm avang chuan ka hawilet nghal vat a.





"Ka rawn sawm ang che ka tih kha" min en chhuk run a midangin min hmu ang tih mawlh ka hlau.



"Ka kut hi thlah teh, engvanga hetia awm hi nge i nih, i tan eng chiah nge ka nih a" zawi sapin ka ti ka awki erawh a sang hret.




"Min pehhel tum suh, ka rilru puthmang hi i hrethiam a ni lawm ni?" ka ban a vawnna chu tlemin a thlah duh deuh a.



Min awmlohna lai deuhah chuan min kai phei pah sawk sawk bawk. "Min thlah teh, tihtur ka nei ania" ka en chho ran a, mipa nelawmloh lutuk anga a awm phei hi chuan ka tim sung sung thei ni maiin ka hria.




"Sawi rawh i hrethiamlo tak tak em ni?"zawhna mitmenga min en chung chuan a ti leh sup a.




"Aw ka hrethiamlo" ka kut chu tal pitin ka in saseng vat bawk, diktak chuan hriatthiam chin chu ka nei alawm mahse ka ring ngamlo mai zawk ani.




Room chhungah ka lut a, juliet-i a la rawnbthleng ve bawk silo mahni chiaha thut chu a nuam lem vaklo.




Julieti a rawn thleng a, a rawn ri nghal chul bawk, a sawi tur te hi ka ngaithla peihlo takzet mahse ka ngaihthlak sak leh tho a ngai dawn.




Lunch ei a hun a, Canteen lamah kan inzui thla leh a, Muanawmi pawhin minlo zawm ce nghal thuai bawk.




Thil eitur min chah kep vek a, kan dawhkanah an raw?keng phei bawk, ei chak vaklo chung chuan tlem chu ka ei lui ve leh hram a.




Ka tukhum a za leh mer mer zel a, min en tu awm ang deuha hriatna ka nei thin bawk. Ka hawi chhuak ngam chiah silo, ka dinhmun han laklawh zia chu..




Rei vaklo kan thut leh hnuah hmangaihsanga a rawn lang nawlh a, juliet-i bulah a thu nghal than bawk.





Juliet-i chu zawhna mitmenga melin a ni lah chuan mit minla siai khum zauh lehnghal, henu zet hi chu a che reng thin e, rei an inkawp rinna erawh ka nei lemlo thung.




A hnu ah Eddie-a a rawn thleng ve leh a ka piah chiahah a thu a, ka en lo hrim hrim hmangaihsanga nen chuan an infiam zauh zauh a.




"Tu zawk nge hmeltha i tih?" tih vel te an nui ang huk huk lehnghal ka tho nalh a, Canteen pawna thutna awmah chuan ka thu nghal tharh a.




Diktak chuan ngaihzawng hi ka nei khat ve a, ka hriat theih chinah kan tleirawl at laia ka neih ve bak kha sawitur mumal ka neilo.




Pakhati erawh a single hman meuhlo thung.
Ka awt lemlo , chu bakah ngaihzawng neih hi a buaithlak dawn emai care a ngaih phei chuan ka thiam leh dawn silo. Ka rilru te hi min tih nat sak ang tih ka hlau ani.




Ka bulah muanawmi a rawn thu tharh a, ka lo in ngaihtuah ngut ngut bawk nen min rawn nem deuh a ka phu ang zawk lehnghal a.




"Inva ngaihtauh ril awm ve a" min en a ,a nu suk suk lehnghal,

"Enteh u eddie-a sawn a duh che in ka hria" henu pawh hi a a tawh tak tak a nih dawn hi.


"Thil awmlo deuh deuh rawn sawi suh u" ka nghawk pah sawk a, ka sam sang angreng taka ka tawn a hmawr lam in ka hnungzang pel lek lek chu hma lamah ka hui a.





Ka khal pah niap niap bawk. " A ni alawm a awmdan vel leh a melh danah che khan a hriat vek alawm le, duhleh awih suh, zeilo nu" teh hrep zel hian aw.





"Saw tiang mia inla Gentleman deuh saw ka ten'' ka ti ve ngat a, mahse ka rileu tak tak chuan a nui suk lai hmel leh a sam buk lam deuh hawi zawng nei bik lem lova kawi niai kha hmuh leh ka chak a,a mitmeng mawi zet leh hmui nalh tak te, a khabe phir lek lek te thleng khan hmuh a chiang taka en nawn leh vek ka chak thung si.





End of Chapter - 4


A tawi in ti em? 😂

Chak tawkin ka type ve ania aw, ka hah rap😅 a hnuaia mi hi minlo chhiarsak leh la a pawimawh aw.

👇📢
Zanin atangin zan khat danah ka post a ngai tawh dawn a, Lehkha zir te ka ngai ve tawh bawk si a, chawlhsan ngawt ai chuan tiin. Zankhat damah ka rawn dah dawn aw.


Minlo hrethiam leh hram hram turin ka ngem che u ania💜 Tha taka ka pass a nih chuan hei aia story tha leh ngaihnawm zawk te inla hmu zel ang🌹
Attachments
IMG_20201203_201907.JPG
IMG_20201203_201907.JPG (193 KiB) Viewed 2112 times



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)