The Truth Untold chapter-16 Hlutei Jocund Pachuau

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

The Truth Untold chapter-16 Hlutei Jocund Pachuau

Unread post by Hluhlutei » December 3rd, 2020, 10:34 pm

Ka tlâi hle mai zan in chu😁

1153848615138a239cd00fe8d56b4b0d.jpg
1153848615138a239cd00fe8d56b4b0d.jpg (45.71 KiB) Viewed 2483 times


Mama chu ka call nghâl a, Video in call ka tum ûk a, Joseph-a'n a duh tlat loh vângin ka call leh ta lo, ka hna thar neih tepawh ka hrilh chuan an lâwm hlawm khawp mai,thil ei melh melh pah chuan TV kan en dûn a,vawiin leh nimin chu kan inzui nasa malh malh khawp mai, mahse a bula awm hi ka ning ngai chuang lo.


"I unaupa chu damtha vat se tha tûr a nia aw"


Ati deuh vawng vawng a, ka lo nuih sak.

"Ni e tiraw....ka ngai thei asin aw....kan awm hrang rei tawh sia"



Ka tih chuan ka samah arawn chuk zauh a,


"Phîr techu unau ang hi an ni velo an ti thin a"


Arawn ti ve sup a,

"Nia, Pumkhat ang kan nia, hla taka hmu lo renga awm chu harsa ka ti thei khawp mai"


A âwma bei chung chuan ka ti sep sep a,


"Ilo tuar nasa thîn âwm hle mai"


Tihpah chuan min kuah nghet sauh a, ka hmûi ah chuan arawn fâwp zui vawng vawng bawk, a duhthâw leh viau tawh, rang tak chuan ka in la hrang vat a.


"Inneih hnû ah chauh mipat hmeichhiatna chu kan hmang tawh dawn nia"


Ka tih chuan thâwk ala deuh hawk a,


"Âaaa....kan inneih dawn tho sia, enge pawina?"



Arawn ti deuh nung nung mai,


"Ka duh lo ni mai"



Tihpah chuan ka tho ta daih a,


"E...leng ve ila, Hmuifâng vêlah"



Thil hre chhuak ni âwm tak hian arawn ti thut a, ka rilrem zâwng tak a ni.


"Tak tak maw? Ka kal châk lutuk, vawikhat mah ka la kal ve ngai lo a"


Ka lo ti nghâl hluai a, arawn nui suk mai, ka inbual fai sawk sawk a, Ka insiam a, kan kal leh nghâl, Ka phûr lutuk chu min nuih min nuih mai.



____________


Kan tlân vang vang hnû chuan hmuifâng chu kan thleng mai a, nuam tak a ni, thlî atamin phûl a tam bawk si, Ka ri chêl chûl reng a, Naupang chhia min ti ngei mai.


"Awi anuam e, iti ve em?"



Waiting shed a kan thut lai chuan ka ti a, shades vuah chung hian alo meng dur khûih mai,

"Ti tho e, mahse ka kal ngun tawh e"


Tihpahin sprite chu a in zui khalh a, ka lo ner sak ringawt.



A reh viau amaw ka tia, kan chhak kawng atang chuan hmeichhia leh mipa in be thâwm arawn ri thla nak nak hlawm mai.


Hmeichhe pakhat sam eng zet hi arawn lang hmasa ber a, a dawt ah ka rei!....Thartea te ho an ni, Birûk ka tum chu Joseph-a chuan ka kutah arawn vuan a.


"Birûk reng angai tawh lo ang"


Ati deuh sup a, an rawn hnâi zêl hlawm a, kei erawh ka lo kun ngal thung.



"Ehe!...sir enge i tih ve a?"


Thartea chuan arawn ti a, ka lo ner sak.



"Kan lêng mai mai"


Joseph-a chuan alo ti thûm dût a, an rawn pên ri khap khap atang chuan an rawn lût ve tih ka hre mai.


"Tunge a?"


Lalhlima âw a ni, ka lo inhûm ruh tlawk tlawk ringawt.


"Ka nupui hual a nih hi, Zak mah ta che ka naute ho an nih hi"


Joseph-a'n atih chuan muangchângin ka hawi chhuak a, min hmu chiah chu an phâwk hrâ hlawm mai.


"Ehe!...Zo Lubuka nen inva in ang"


Thartea chuan arawn ti chhuak hlawl a, Lal Hlima pawh chuti bawk.


"Zo a Unaunu chu nih hi, A phîrpui zawk"


Joseph-a chuan ati deuh sup a, ka lo kiai sak ringawt,


"In in ang hle mai, mahse engtin nge?"


Thartea'n arawn tih chuan Joseph-a chu ka hmer ru tlawk tlawk ringawt.


"Thawnthu sei tak a ni"


A ti zui sup a, zawhna dang min zawt tawh lêm lo in min chibai zui sap sap hlawm a, an kalsawn veleh ta mai a, Fela erawh in min en duh fâl hle.


Inkai rialin pipu lam chu kan pan a, mahse hmeichhe pathum vêl hi an lo uai tlat, min rawn hmû chu an ngawi thap hlawm a, an in hrilh ru zui sap sap hlawm mai.


"Aw....saw mi techu"


Joseph-a chuan ati deuh sup a, a hmêl chu ka lo en nghâl kar mai.


"Tu te nge i hmelhriat te ami?"


Ka lo ti hâ,

"Hria e"

A ti zui sup a, mahse kan kal lui zêl tho,


"I dam maw?"


An bul kan thlen rual chuan an zînga pakhat hmeltha zet hian nui sâng hian arawn ti a, keini lo in Joseph-a abia tih ka hre mai,


"Dam e"


Alo ti deuh hmuk a,

"Khawilam hmeichhia nge i hruai leh pek a? Model thing zet zet ho zîng ami kha chu anih loh hrâm ka beisei"


Ati deuh ngat a, Joseph-a chuan a chhâng dawn maw ka tih laiin a ngawi daih nia.


"Uai ve la, i châk êm kha"


Arawn ti deuh sup a, an bula uai hi ka châk teuh lo, Joseph-a an zîng ami nu in a hriat vâng hrim hrim pawh hian ka châk lo, nuilui sakin ka lû ka lo thing ringawt.


"I ngaihawm e, Picnic ho leh ila i body nalh si"


Zâm lo zet hian arawn ti a, ka lo melh rum nasa ngang mai.

Joseph-a nui suk ka hmuh phei chuan ka thinrim zual,

"Kal ang"

Tihpahin ka nghawk zauh a,

"Joseph-a hi a fâl a biak lawk ka duh a, i rem tih chuan?"


Chunu bawk chuan arawn ti leh a, ka thinrim vâng nge ka sa hat hat mai.

"Awle, remtih loh tûr a awm hleinêm"


Ka lo ti mai a, Joseph-a chuan min rawn en zawk in ka hria,


"Ti hian sawi mai rawh"


Alo ti deuh hmuk a, kei erawh ka lungâwi lêm loh vângin an inbiak nachu ngaihsak loh luih ka tum ngial a, Lehlam chu ka hawi deuh hmak, mahse ka beng erawh ka chhi kar tho.

"Hmânni ah ka hmu a, A tap nasa teh mai nia aw, in in ngaizâwng rei ve tawh sia han then kher, i sual ngawt mai"


A tih chuan ka lo inhûm ruh ngat ngat reng a, an sawi chu Joseph-a bialnu hlui kha a ni tih ka chiâng.

"Nakinah kan sawi tha dawn nia"


Min vênthâwn hmêl zeta rawn tih pahin ka kut ka lo hûm ruh tang tang chu arawn vuan vat a, ka lo thaw hak ringawt.


"Joseph, ngaih thah ngawt chî a ni lo ania, a inring hlel deuh lehnghâl"



Min kalpui mai tûr chu a ding dat a, chunu lam chu a hawi vut, kei erawh ka ngawi reng, hlauhthâwn na in min rawn tuam a, ka lungphû te hi arang dut dut mai, a bialnu hlui kha a rai tihna em ni ang?


"Nakinah ka rawn bia ang che"


Tihpahin min kaisawn dawr dawr a, sawi tûr pawh ka hre lo, ka hlauthâwng in ka na vawng vawng mai, amak ka ti zawk, hetiang em em hian ka duh ka in ring phâk lo, car a tih nun lai techuan min rawn en leh zauh zauh thin tih ka hria,mahse enge a chhan ka hre lo, ka tawng thei lo, sawi tûr ka hre lo a, zawhna zawh tûr pawh ka ngah lutuk, mahse chhânna ka dawn chuan min tina dâwn tih ka hriat vângin ka zawt ngam lo zawk ni berin ka hria.



"I thinrim em?"


Kawngpui lam uluk taka en pah hian arawn ti a, ka lo bu nghauh nghauh ringawt, mi pangngai tan thinrim lohna chî pawh va ni suh.


"A rai tak tak angem?"


Ka enkar a, a hrawk bâwk kal chho ralh atang chuan chil a lem tih ka hre mai.


"Ka hre lo le, engpawh thleng se ka rilru hi a danglam ngai dawn lo, hre reng rawh"


Tihpahin ka kut chu rawn la in a fâwp zui zauh a,


"Mahse lo rai ta se"



Ka tih chuan a Car chu kawngsîr rem laiah chuan ati ding dat a, thâwk ala hawk,


"Nei zâwk la tha ang"


Tihpahin ka kut chu ka la sawn hmak a, tukverh lam chu ka hawi hmak, ka mittui arawn hnâi kuar mai, a awmdân hi ka ngei tlat.


Ala ngâwi reng tho, ni e, lo rai ta se a fa hiâl thlauhthlâk nachhan tûr khawpin kan la nghet lo, keichu ka nghet hlê a, ani erawh ka hre lo, ka hmeltha ve lo a, ka hausa bawk hek lo, a duh ang nawmna ka pe ve thei lo bawk, ka thianghlim tawh lo lehnghâl, ka ngaihtuahna vâng chuan ka mittui chu arawn hnâm tiâm tiâm a, ka hru fap fap reng ringawt.


"Hey....lo hawi teh"


Damthlup a tihpahin min rawn kawih her a tum chu abânah ka lo chum sak sawk a, a râk deuh thawt,


"Ava mak e aw.."


Arawn ti khûih khûih a, a phone arawn ri hlauh mai, a ipte atanga apawrh chu ka lo enkar, Barbara i alo ni, min rawn en zawk a,


"Chhâng rawh, Loudspeaker ah khân dahla"


Ram hmak hian ka ti a, ka sawi ang chuan a ti ve nghâl mai.


"Sawi tûr ka nei lo ka dah dawn"


Ati nghal deuh hmuk mai.

"Ngaw rawh, la dah suh Joseph, ka rai ania, engtin nge niang?"


Tap âw deuh tiau hian arawn ti a, ka lo maimitchhîng sawk, ka tliâk hnâwp in ka hria, ka mittui arawn luang zui a, vawiin hi ka lucky day a nih ka lo rin ve vei nen.


"Ka fa a ni lo tawp ang, nakinah kan la inbe tha dawn nia"



Tihpahin a off zui hmak a,


"Ka fa a ni thei lo, dâwt mai mai a nih kha"


In ring tâwk zet hian arawn ti a, ka ner sak, ka mittui luang ngiai ngiai chu hru in ka nui hak a, ka buai vek tawh mai.


"Haw ang, mut ka duh"


Tih ringawt chuan ka chhâng a,

"Hey....ka tihpalh a ni, a rai ang tih rin ngaihna ka hre lo hrim hrim, ka tihpalh,"


Damthlup a tihpahin ka mittui chu duat zet hian min rawn hrûk sak a, ka tah a chhuak zual sauh, mahse ka la tap êm lo.

"Kan inthen mai angai dawn nih chu"


Amah enkar chuan ka ti a, ka tah loh nân ka hmui chu ka pet fan fan bawk.


"Teuh lo, ka then dawn lo che ka tih kha"


Dur khup hian min rawn en a,

"Nei la tha ang, keichu ka la rai ve êm hleinem"


Ka lo ti hlak a, car atang chuan ka chhuak daih, thâwk ka la hawk a, ka âwm lah chu a tâwt up up reng lehnghâl,



Kawngkhâr chu arawn inkhâr ri bur a, ka bula hnahthel ro tla chu arawn ri rak mai.


"Ka nei dawn lo, engemaw i hriat le?"



A rawn ti deuh hluk a, a awm dân chuan min khei zar mai.

"I fa apai tawh a engtin nge i tih ang? Ti tla tûrin iti dawn nge i thlah thlam dawn"


Awki sâng lek lek chuan ka ti a,


"Ka hre lo, ka ngaihtuah mêk a nih hi mawle"


Arawn ti leh hluk a, ka nui hak.


"Kan inthen hi atha zawk"


"Ka inthen dawn lo sawi tei vet suh"


A rawn ti leh hluk a, thâwk ka la hawk, ka mittui arawn tla leh ringawt tawh, ka thinrim bawk si nen tah vak ka châk lutuk.

"I lêrh kawh lutuk anih kha, Hmeichhe tello a awm thei lo"

Tap âw tiau chuan ka ti khûr hlak hlak a.


"Ka lo ngaihtuah chiang lo a ni, ka thiamlo hul hual tih ka hria"


Dam deuh zâwk a arawn tih chuan ka lo insût ri hraih,


Ka kutah chuan arawn vuan in min pawt hnai deuh dâwrh a, min kuah nghâl vawng vawng mai.


"Ka then dawn lo che, engtikahmah"


A rawn ti sup a, ka lo maimitchhîng sawk ringawt.



Car seat hnungah chuan ngâwirengin kan thu dûn a, khua a thim thet thet tawh nghe nghe, a mal chungah chuan thu in a nghâwngah chuan ka kut khinghnih ka suih a, ka thu kun lap reng mai, ani pawh ngâwirengin ka nghâwngah zawnah chuan a thaw lum hak hak reng a, a châng leh a fâwp zauh thin.



"I fa chu nu leh pa kara seilian ngei ni se keichuan tha ka ti khawp mai Joseph"


Ka ti sep a, a rûm hawk, mit meng phak chual hian min en vut a, a chal lah hi a ti chuar reng mai a,


"Ka hmangaih miah loh nupui ah ka nei dawn asin, chhûng kaw hlim tak ka dinpui theih ka ring lo a ni"



A tih chuan ka chil ka lem khawlh,


"Anih kei?"


A mita enkar pah chuan ka ti a,

"Ka hre lo, mahse, nangmah nen chuan engkim tih dun ka châk, chhûng kaw din te, fa neih dun te, engkim a ni mai"


A tih chuan ka nui lui sak a, min la hmangaih thei lo erawh ka na ru veng veng tho mai.


"Ngati nge?"


Ka tih chuan nui sukin ka hmui ah chuan arawn fâwp zauh.

"A chhan chu nangmah nen chuan engkim a special bîk riau"

Nui chung hian arawn ti ve sup a, ka nui sak.


"Kum 30 hmalam khân tinge ka lo tawn daih tawh loh che le? Ka nu khân a hmu ve châk ngawt ang che"


A ti deuh duah a, ka nui sak ringawt, hlim ve thin viah mahila ka hlim rei thei tak tak lo, chhûngrilah hrehawm ka ti ru veng veng mai, ka âwmbawr ah chuan na vak lo hian a rawn thâm zauh a, kan in en a kan nui hak, ka t shirt tight zet hâk chhanah chuan ka awmbawr chu a fâwp zauh a, ka lo îp deuh châwih mai.


"Haw ang"

Ka lo ti sap a,

"Lawk"


Tihpahin min rawn fâwp a, ka nghâwngah techuan a fâwp thla dun dun mai, hetianga ka lo dawh hiam hiam reng anih chuan kan tâwpna tûr a hriat vek,


"Haw ang ka tih chu"


Tihpahin ka nam sawn lawp a, car atang chuan ka chhuak hmak, min en zui vung vung reng tih ka hria, a hma ah chuan ka insawn ta daih a.



Lungâwi loh hmêl zet hian arawn thu lût ve mai bawk.


"Ka tihpalh"


Dam thlup hian arawn ti leh sup a, ka lo ngâwi ngal thung.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)