KA NA A NI....MAHSE

Episode kal lai dah luhna

Moderator: writers

Twins Mom
Posts: 159
Joined: May 12th, 2016, 7:43 am

KA NA A NI....MAHSE

Unread post by Twins Mom » May 12th, 2016, 12:41 pm

KA NA A NI....MAHSE
.
True story based
.
.
" Kha i thaw a uih em mai hei hi ei rawh"
.
Deuh kher chuan le ka thaw a uihlo ti pah in ka hnek chawrh a Lalvenpuii chu.
.
" Eih ah a,,,, Lalruathlu, enge tun a tak a i huat a. Nang pawn min tih ve zia tho kha "
.
Mi kar chu ni lo se ka thinrim miahlo ang....mikar ah ka ti ve ngailo kan thian ho bul ah bak ka ti ngailo.
.
" E....Ka tih luih palh. Min ngaizawng rah "
.
" A nih tak chu, i birthday ni ah i hre mai ang "
.
Venpuii nen hian tet te atanga in kawm leh in tan em em hi kan nia. Kei aiin thla 4 chauhvin a nau a Kum 15 na kan hmang mek ve ve a. Serchhip ah ka pa hna thawhna avangin ka pian hlim in kan awm a, ka pa hi a hna thawh ah a rinawm avangin kan awm rei ta phian a a penson hnu thlengin keiphei chuan ka in ti khua hle. Ka pa hi Bank a thin a nia ka nu chu inlam ah hna a thawk ve thung a. Unau Pa nga kan ni a kei hi a lai tak leh hmeichhia Pa hnih a a naupang zawk ka ni. Ka naupan ngaih tuah hian ka lian zek a ka rualpui te zingah pawh ka lawr bik a min fiam nan min hmang thin. Ka nu ka chhun em em bawk a, ka nau te pahnih hi chu an bulah zawng pawh awm se Zawng zawk chuan mak ti in a en veng veng duh ang. " Kei aiin an har daih zawk male " a ti hrim hrim bawk ang. An harh lutuk avang hian mi pawi hi kan sawi hnem in ngaihdam kan dil zing malh malh hle. Hostel ah kan dah a mahse an lo day out chang hi chuan an ninawm dan chu ka sawi peihlo zawk.
.
Sava thlawk lai tih tak ah ka luck ve fu, ngaihzawng pawh ka nei ve tawh. Tunlai ah chuan 1990 hnulam piang te hi chu inla si ve hlar tawh mai zel a, 2000 hnulam apiang ho hi an nau en ve vat tawh.
.
Ka chhungte hian keimah hi innghah na tlak ber ah min ngai a. Min fuihin min thlamuan nasa thin hle mai. Mahse tunlai khawvel ah hi sodom leh khawmawra a iang zo tawh a Ngaihzawng neih loh hi zahthlak ah kan ngai tawh zawk emaw ni tih mai tur hian vengtin hmun tin ah kan hung fur hlawm tawh a nih ber hi. Keipawh ka bang chuanglo, lehkha hi thiam ka thiam theih avang in ka vannei mai mai. Ngaizawng bak ngaihtuah kan nei hman meuhlo.....Whatsapp, facebook, Hike, Vedio Call.....etc Ka phone ah ka ti thei vek a. Duh duh in kan tuaivir hneh sawh hle. Ka pa lah hian min hauh nan hian min hmang ber thin....chuan ka phone hi all ready Silent tawp chi ka nia. Ka pa hian hemi chungchang ah hian min hau tam ber nikhat ah vawihnih tal chu ngei ngei. A chhan chu min mamawh a min biak dawn pawn ka silent daih avangin ka hre thinlova ka mit nen an in charbeh lai anih loh chuan call vel hi ka hre ngailo thin. " I phone neih khan enge awm zia a neih....mamawh hun ah biak theih ngai reng reng lo mai. Di de che hian " min ti thin. Keilah hian ka lo nuih liam mai zel bawk a athinrim hmel hi ka duh muk muk lutuk ka pa hi" kan tih tawh hi chuan kan in umkawi nasa thin hle.
.
Class tan dar a ri a, venpuii chu a kal tau nasa mai. Class x kan nia ka bul ah a thu bawk a ka thlem lungawi leh mai ang.
.
" Venpui, hawh ka treat ang che ngaihdam dil nan "
.
" Yes.....Chow full in aw "
.
A va zak lo reuh e, ka sawi hma ka ngai rum rum mai. Kan kal nghal a tikha ni mai kan thinrim inthlem dan tha ber chu.
.
" Mate, Tlai kha a ngai ah khan o "
Chiks 1 chuan min lo text leh tawh e. Venpuii ka hrilh nghal a min phurpui leh ngei mai. Kan ban hnu chuan venpuii nen chuan kan tlang nghal vang vang a. Ka chhass te chuan min lo nghak tan tawh a thianpa leh venpuii an ni ve thung bawk a. Kan inthurual hlawm hle .....ka sawi ve duh leh chu ti hian ngaihzawng nei ve nual tawh mah ila kan la Virgin chiang khawp mai. Pasal te tan ti in kan in serh ve thin.
.
" Mass ( Masthanga ) , Min lo nghahna a rei tawh fu em ? "
.
" Reilo ve, kan thlenna pawh ala rei vak bik lo. Lo thu ru hei in thil duh chi pawh kan lo keng "
Tih pah in Savawm hi alo lek chhuak va va a pahnih hi. Kan thu a kan in nghal char char a....mahse school uniform nen hian kan vawikhat in na chiah a ni. Kan ril atam bawk a kan kai hma hle....ei tur an lo ken lah puarna chi a ni silova. Mass te thiandun chuan eitur min va lei sak a kan chungah chuan an in pe dun hle.
.
Ei tur te kan ei zawh hnu chuan kan haw ta hlawm a zan a inhmu leh tur chuan. In ka thlen hma in ka rim an hriat loh nan thil ka ei a ka lut a inchhungah chuan. Min hria ang tih ka hlauh avang in home work kan ngah lutuk a ka tia room ah ka tawm char char a..
.
" Ruat, an hau che em? Keichu Fader an min bauh chiang ngei mai. Ka nau min lo hria a alo hrilh a "
.
" Va pawi ve, keichu min man lo hlauh room ah ka tawm char char a. Home work kan ngah lutuk a ka tia tunah pawh ka la inla zir mek "
.
" Ok, that chu....Mangtha le "
.
Venpuii hi luck lo thei sia bakah a naute hi an tawng thei Ar ek ve bawk sia. Ka nu in min lo kov mahse ka chhuah chuanglo.
.
Zingkar ah in lak mark that nan ka tho va eirawng ka lo bawl vel a ka nu lo thawh chuan mak min ti fu mai. School ka kal chu kan school thlangah ka phone ka dah that tir leh a dawr ah. Venpuii nen ka chho nghal a class room kan thleng chu an lo ri mur mur mai, test tur an lo chhiar a keini chu ka thiam tho avang in ka en nawn hranlova. Class ix ah kan phei a Veni chiks pakhat kan va hmu leh zuai a.
.
Break ah ka phone kan en chu ka chhass te in chawhnu lam chu chawlh dan lo ngaihtuah ula chuan kan leng dawn nia tih sms min lo thawn a. Kan pahnih a kan dil chuan min phal dawn silova keiman ka dil anga chuan Venpuii hian min hawpui mai tur in kan dil ve thung ang kan ti ta a. Class tan hma hret in ka pum ka ti na der ta ngei a, Principal Office ah min kal pui a Venpuii chuan. Inla na khat tawp bawk sia Principal chuan dil ngai lovin Venpuii hnen ah min haw pui mai tur in alo hrilh chu ka lawm lutuk ka nui chhuaklo chauh. Kan bag venpui in ava la a kawmthlangah kan Phone kan la a kan kalna tur hmun ah chuan kan kal ta vang vang a.
.
" E....damlo chuan hetiang hi a ngaih tawp "
Ka chhass te chuan min lo tih pah in damdawi mum var pahnih chu min pe a. Kan hmawm nghal thak a meizial ka zu nghal hlarh bawk a, venpuii pawn a ei nghal a. Minute reilo te ah chuan kan thlawk veng veng ang mai hian kan zang nghal huai mai. Men lah a nuam sia ka thil hmuh lah nuam tawp ani mai. Kan thiana te pahnih thung chuan damdawi chu ei tho mahse Kanja an zu hlar hlar a. Ka chhuh sak a kan zu ve chiah chu aia nuam in ka awm a khawvel ka ngam sawt mai. Mahse hawn hun ah min man chhuah ve chu ka hlau hle.
.
Mass a te thiandun chuan min thla tak na awm zia a awmlo ngei mai. In a ka thlen in ka pa in min lo hmu a
.
" Lalruathlu, Room ah lo lut teh o "
.
Uileh....Councilling class ka kal leh dawn ta e.
.
" Lalruathlu, vawin khan school kal lovin khaw nge i kal ? "
.
Ka chil ka lem kalh a chhan dan tur avang ngei mai.
.
" Chaw hnu lam khan ka pum a na a chuan Venpuii te in ah kan awm a "
.
" Dawt sawi suh, i pum chu na ni se PWD peng thlangah khan in awm lo ang. Chuan kalpui ka neih avangin ka lo kal duh lo mai mai anih kha. Ti nge nang mah hi kan in nghahna ber i ni kan tih kha "
.
Ka ngawi reng min man chiang lutuk a chhan leh dan tur pawh ka hre tawhlo. Hnuailam ka melh char char ka thil ruih pawh ka harh vek min man chiang lutuk. Min hau hnu ah room ah ka lut a hreawm ka ti ve det. Ka nu in min hau bawk ka u ten min hau bawk nuam lo duh ngei mai.
.
Ka mu chu ka vir nasa ngei mai ka luak te a chhuak nghul mai bawk si, a hnu ah phei chuan ka luak nasa mai. Ka muthei lo hrim hrim Venpuii pawh chu ti tho kan in be char char whatsap in. Dar 4 vel ah ka mu thei hram mahse dar 6 vel ah ka nu in min lo kaitho leh nghal a lu na bur in ka awm.
.
" Ven, kei chu ka sim hmak. Ka pa in min man leh nghal a "
.
" A ni maw engtin nge i tih ? "
.
" Ka chhang ngam teuh lo min lo hmu chiang lutuk a "
.
Class kan tan a kan test leh nghal pakhat mah ka thiam silo va min hrem chiang ngei mai. School varanda ah min thingthit tir leh nghal a ka zak ngei mai. Kan class teacher phei chuan mak min ti zawk....hrem zing a kan tel ve kha. Ka tel ve ngai silova.
Chawhnu lam ah lah class la lovin kan sport a engah mah ka tel peihlo ka lu ana bawk sia. Harh vah thin kha ka han nguai tak ah chuan ka thianten min zawt sup sup zui.
.
School ban in kan chhass ten min lo nghahna lam.ah chuan kan kal leh a, damdawi mum pa hnih chu kan han hmawm leh phawt a....mahse weed erawh kan ti ngam tawhlo.
.
In ka thlen in inla mark tha takin ka awm a lehkha ka zir nasa mai.
.
" Ruat, In vengah khan Aizawl ami hnathawk in thla thum chhung lo awm tur a awm kha "
.
" Engtin nge chungte chu i lo hriat leh hman hmawh a. I entena lah hi a tha phian bawk sia "
.
" Ha3....Hmeltha te hi chu kan hre thei alawm. Chu ai chuan i duh tur chi nia lo ngaihven chhin rawh "
.
" Nia.....ka lo tum dawn nia o. Chuan i lehkha kha zir la test tur kan.neih kha. Ka hrilh ve dawn miahlo che nia "
.
" Ka thiam tep tawp.....Bye "
.
Kan in biak zawh hnu chuan Venpuii thil sawi kha ka ngaihtuah thar leh vel a ka hmu chak top. Van neih thlak takin kan ti dawn nge Mitthi kan nei ta hlauh mai le, kal ve ka tum ruh hle Venpuii sawipa kha alo kal ve tak in.
.
Zan dar 10 ah tlaivar tur in ka kal nghal a ka u te pawh kal mahse kal ve ngei ka tum ruh hle. Venpuii ka sawm a kan kal ta nghal a, venpuii te hi kan veng tawn tirh lam ah an awm a keini veng mawng lam ah kan awm thung a. Veng hran a awm ang in kan in fiam nan inveng kan in ti thin.
.
Mitthi in kan thlen chuan pawn ah midangho pawh an lo awm thup a an in a tet deuh avangin ka pawn ah kan thu hlauh va. In chhung atangin tlangval pathum hi an lo chhuak a chung zingah chuan Veni sawi pa chu alo tel ve a. Venpui in a hmuh chuan.min kheuh zeuhva min kawh hmu nghal a. Ka rin aiin alo tha phian a ango vut lova a palian hle bawk. Thlathum chhiah awm dawn mahse ka rilru in ka kherhthluk theih ngei ka beisei.
.
Chutia ka lo dream tui lai chuan kan bulah chuan chung tlang val te chuan thut ve min lo dil a, phal tak in leh hawihhawm tak in thu tur in ka lo ti a. Ka be leh zawm ta lem chuanglova hmelthar bul ah hi chuan zia hi thum ve a ngai thin avangin ka in la ngawichawi hle. Venpuii nuih ka ti za hle kei erawh ka inla thu tak hle thung.
.
.
Tlangval hmeltha bulah kan thu chu kan bul vel ami te chuan min lo en duh in min lo rel leh nasa tawh ngawt ang. Min en sep sep chungin an phun leh nasa tawh mai, a ni lah tak a mikhual tlangval kan neih reng reng in ka ta hi an ni ringawt zel a. Kan in ah an lo leng in min ngaizawng nghal zel sia.
.
" Thiante u kan lo thu ve ngawt a mi pawi kan sawi em lo ang chu maw "
.
" Ha3.....Sava thlawklai te chu tu ta mah kan ni bik hleinem. A phawi rang rang an ni mai a, tu pawimah in sawi lo ang. Nang mah ni lam zawk kha buaina tur alo awm a nge "
In la zei khat top in kan be vel a ka bulah an thut zawk avangin.
.
" Keini lam chu buai tur an awm lo, in bul a kan thut avang hian min melh hrek hrek in kan hria "
.
" Deih mai a.....kan bula in lo thut ve avang hian saw en kual ula nula ho mit a sawt a thi nasa nia. Min melh hlum mai tih te pawh an hlauhawm alawm "
.
Mitthi in a kal e ti lo chuan kan ti ti nasa mai, kei leh veni chu damdai mum kan hmawm leh tawh avang in khawvel kan ngam khawp mai. Mahse kan hmel ah min hria ang tih kan hlau ve khawp mai.
.
Dar 2 vel ah veni ek chhuak in min kalpui rawh a tia kal kan tum a mahse kan tlangval hmeltha a te chuan min lo zui ve a. Mitthi te awm na thlang lawk a kan thiannu in ah kan zuk in thiar pui a. Pawn ah kan lo inkawm hlawm a kan awmna te min zawt a len ka phal leh phal lo te min zawt vel a nuam tops.
.
.
Kan let chho leh chuan inchhung lam ah kan thu lut ve thung a min lo en duh leh hlawm ngei mai. Khawvel hi chu aw a mak a mak hian a mak tawh a ni. Mahni nih na hre hawt si lo hian mi nih na kan hre leh bik lutuk hi a mak a ni. Thil pakhat lo ti sual ta ila an hre reng a an mah nin han tisual ve se an thil tih sual kha an hre leh duh thak silova. Mi rel leh sawi lah hi kan thei phian bawk si, Mi kan rel zuah zuah a an that na lai chu kan hmu kan a an chhiatna lai chiah kan hmuh sak duh a. Kan ka in Chunglam kan chawimawi nan hla kan sa a biakin ah kan lam dup dup a. Kan han bang chiah a thusawi tu a tang in bul kan tan a, A hnu ah biak in a kan thil hmuh leh hriat te atangin kan han tui chho tan a. A bik in hmeichhe ho an hmeichhiat pui te incheina leh Puan an bih vel chungchang Pu Mapuia Hauhnar in hneh sawk bests a Fiamthu an thawh ang zeih zeih mai hian kan sawi zuah zuah peih. Chumi hnuh ah a khar nan kan in bul hnai ami leh kan awmpui te leh kan eizawnna a kan thiante ah kan tawp a. Kan thinlung erawh chu Farisai te ang mai in Mi elrel leh sawi chhiah na in kan khat lawi si a. Mi hmelma kan siamna ber chu kan thinlung atang a chhuak ni lo kan hmui ka reh zau tak atanga chhuak hi a ni.
.
" Hei i va kulh muk bik ve....zai ve ta che "
Min lo nghawk zeuh pah chuan zawi te in ka beng bul ah Veni chuan a rawn ti zal zal a. Ka harh chhuak chiang ngei mai. Ka nui suk a ka zai ve ta nghal a, rin aiin zai tui a lo awl phian. Zing dar 4:30 ah kan haw a school leh tur kan nih avang in. Kan tlangval a te chuan min thlah haw ve ngei bawk a hming inhre tawn miah lovin kan inkawm ve tawp a ni. In ka thleng lut chiah tihin ka u te pawh an lo lut ve nghal a kei chu ka in phihfai nghal a damdawi nachhawk ka ei a ka muhil nghal a.
.
Zing ka tho chu ka lu ana bur mai, ka cousin in palh a neih dawn vangin ka chhungte chu an kal vek a. Keichu ka kal ve lo va school kal ka in ti ngaih pawimawh avangin ka kal ve ta lova. Mahse ruai theh tur a ka kal tho a ngai dawn ni a peih awmloh khawp mai. Venpuii ka sawm a school kan thleng chu kan Sir Hruai an min lo la hau ve ringawt zui leh nghal a. Ka ngei dan chu kan damdawi hmawm kha kan hmelah a hria nge ni thil ruih in nei ami minlo tia. Midang in min en thup bawk sia mahse zan lam a mitthi in a kan tlaivar kha kan chhuanlam thei hram.
.
" Ruat, nizan ami te khan chhelo an ti khat tawp che a. Ka sawi ber pa phei kha chuan i no te min dil vel "
.
" Chuan i pe ta ti na mi "
.
" Ka pek mai loh vin min dil nasa em alawm. A lo be tawh che em ? "
.
" La be nang....a no i nei leh pek tawh lo maw ? "
.
" Nei dawn lawm ni o....bike i lawm bawk a bike i nalh tih ang chi kha ala nei zui male "
.
" Ha2.....chu ai chuan Pasal te hi neih ve daih mai te hi ka chak. Taka ka cousin pasal neih na ah khan kal ang aw "
.
Dar a rik avangin kan inline a eng thil eng eng emaw ni hi an sawi a kan class ah theuh kan lut ta hlawm. Class lak lai in ka lo muthlu leh pek a ka damdawi hmawm avangin kan dawhkan ah min ding tir zui.
.
Ruai theh an lo tam ngang mai, mipa lam ah kan theh a. Kan tlangval hmeltha te ho pawh an lo phu sa nasa mai. Mopa lam an ni ve a tih chi leh ngei mai, chhass lam pawh kan theihngilh hmuihmak. Mi thar an lo lan tawh hi chuan a hmei a pa in kan mit kan len nghal ruai zel.
.
Kan theh zo chu len an rawt a kan leng ho ta a.
.
" Hming in hre miahlovin kan inkawm ngaih ve em em ringawt a. Kei hi Ruati ka nia, ka thiannu hi venpuii. Nangni lam le "
.
" Nia, keini pawn kan lo ti be mek a. Kei hi Remsanga ka nia, hei hi Dika nia nizan a kan lo hruai kha chu kan thlenin pa te nau nia "
.
" Eng ti tur a lo awm nge in nih hrim hrim a "
.
" Office lam thil a lo kal kan nia, chuan thla thum vel chu kan cham ang "
.
Kan ti ti char char a kan nui nasa hle bawk. In a ka haw chuan ka chhungte pawh an lo haw vek tawh a kan room ah lut tlang nghal a. Ka phone a lo ri ral ral a kan en chuan Remsanga message a lo nia. Tha min tih thu te leh kawm kan nawm thu te a rawn sawi luam a. Min bem nghal bawk a chiks no 2 atan kan chhang nghal thuai anih kha. Ka lo duh ve tho sia han hnar em kha chu ka hre ve det.
.
Remsanga nen kan nih atangin pasal neih chak na in ka khat a, amah hian min duat in min ti thiam em em bawk a. Min bual â hneh khawp mai, zu a in ve zeuh zeuh va tih loh chu thil dang a tih awm ka hre lo. Thlakhat kan nih hnu phei chuan kan in hmangaih dun in kan in pawh leh zual a kan in ah te a khat mawi tawk in alo leng ve thin. School kal min tibuai ang tih hi ka chhungten an hlau hle. Mahse keimah hian ka tih thiam em avangin min hau ngamlo mai mai.
.
Remsanga te chu an awm hun a tawp dawn hnai ta, ka huphurh in ka ngai lawk sa khawp mai. Zui haw ve mai te pawh ka duh rum rum hial ani. An haw hma kar khat vel a awm tih ah in ru mai ang min ti a....kei lungmawl leh pasal neih ve lo chak chuan ka lo aw rang hle. Naupang te e ti lo chuan khawvel hi ka dai zua ve ang reng a.
.
.
Remsanga chu ka zui haw ta nge nge a, ka chhung ten an hriat chuan an rilru a na in an thinrim hle bawk a ni. A bikin ka pa a thinrim zual hle mai, a rilru lah na tak ani ka sawifiah thiamlo zawk ani. Keipawh ka inthiam lo tak zet a ni ka tap nasa khawp mai kei pawh.
.
Aizawl veng pakhat ah kan awm a, an.khawsak pawh a tha in an hausa bawk. An chhungkua ah hnathawk lo an awmlo keimah chiah ka ni mai. A chhungte an fel ve hle. Kan in neih atang a thla 3 vel chiah ala tling ang tih in kan pa chu a danglam hneh hle mai. A office kal lo haw te hi ka chik thin a amizia a mak tih mai loh chu sawi ngaih na pawh ka hre lo. A mizia a lo inthup thiam in a insawi ang in a awm ngai heklo bawk. Zu a in a kut min thlak a ching tan a ka rilru hi a na thin hle a ruk in ka tap nasa thei hle. Zan ah lah min len chhuahsan a phone in ko eng ang mah ila awmzia a neilo. Tlai tak ah alo haw a nga chhuan lam fahrah te te a siam a nga a ruih vangin min mutsan nghal daih thin. A bialnu hlui te emaw a hmeichhe thian te emaw hi min biaksan a a nih loh pawn a ruk in sms in an inkawm a nga ka hmuh hma in a delete daih zel.
.
Zan khat phei chu a ruih em avang in a chat thla a a phone ka check sak a ka rilru a ti na hle. Ti hian a duh duh hmeichhia min biak khum a, kei in ka thianhlui mipa tu emaw ten min han be hlek se a lo thik leh hle sia. A thiantha te an lo len emaw changte a min biak te hian an haw hnu ah a zu rui hian i ngai zawng tih zawngin ala a a thik em em bawk. Ka tan chuan awmngaihna hi a awm thlawtlo a ni. Kan inngaih zawn lai khan a thikthu a chhiat awm hi ka hre silova, hetia kan in ngaihzawn hnu hian a thikthu hi a chhe em em tawp mai a ni. Kan in a athiante lo leng chang pawn ka be ngam tawhlova min biak pawn a rul tawk chhiah in ka chhang ngam tawk. A mizia lo thup nasa lutuk hi a pawi a ni, Ka tan chuan tah na ti tam tu mai a ni si. Zan ah a ruk in bathroom ah ka awm a ka tap ru keuh keuh thin.
.
Ka hmangaih em avangin ka dawh tang tang thin. Ka nulat lai khan hetiang ang deuh a ka nun thin vang a niang ka chungah a thleng ve ta ah ka ngai. Mahse anu ang em em hi chu ka ni ve lo. Hmangaihna atang khawngaihna. Khawngaihna atangin hmangaihna an tih ang khan ka hmangaih em avang hian ka khawngaih tawh zawk.
.
Tichuan ka thiannu pakhat hnen ah ti hian va sawm ta a. Mipa lem ah a lo chang a dawn a roomantic deuhvin kan inbe thin dawn a ni. Keipawh hetia ka awm hma khan ka luck ve thova chupawh chu a hre vek. Tichuan ka thiannu nen chuan kan in be tan ta, a ni office a kal thin a achhuah hma hian kan in be ta thin a. A hming pawh Mipa hming in ka dah daih a ( True story leh zual ....he2 )
Ka chhuah dawn phei chuan inhmuh na tur te kan in hrilh thin a nuam thei tawp. Kan pa chuan ka sms a lo hmu ta a niang chu a thinrim ngam silo vel hmel leh thik tawp bawk si hmuh a nawm dan chu a hmel vel kha. A mizia pawh a dang deuh ta, a call thin a Mipa in an lo chhang thin sia awi khawp mai. Ka thiannu min hrilh leh dan chuan kha tia kan pa in a han call khan a bull hnai ami mipa tawh phawt chu alo biak tir mai thin. Keiman ka sawisa hrim hrim a kei chuan ka lo call che emaw sms che chuan ka lo miss call hmasa thin ang che ka tia....a nih loh chuan kan pa a ni mai ka ti a. Keipawn ka theih tawp in leh ka thiam ang tawk chuan ka bei leh ta a. Kan pa nen pawh tlem chuan kan in pawh leh ta deuh va.
.
Mahse ava reilo lulai em....karkhat pawh a tling awr ang tih in an office ami nen an in text na ka hmu leh ta ka beidawng ta. A hmeichhia a te chu ka thik a nilo kei ai a ngaihsak bik na hian rilru a tina ani. Chuan ka hmangaih thin tun ah chuan ka khawngaih tawh zawk.
.
Tha takin engmah hre lo ang in ka awm tawp a, a nun nun in a nung a engmah ka sawisel tawhlo. Sawisel mah ila awmzia anei dawn chuanglova ka sawi peih tawhlo ani. Nupa inhauhna awm hlek se an fapa an chhan a keimah min diriam hrep hrep zel a mi bulah min rel leh hrep a nga mi en hrek hrek ka hlawh leh dawn a ka peih tawhlo. Ka suangtuahna thin khan a chhumpui angin min liam san tawh. Ka sawisel loh chin chu a nasa tual tual a. Zu a in nasa in thil ho te te ah a thinrim a kut min thlak loh leh ka muttui lai te hian min lo zun khum thul tho lo theilo din hmun ah te min siam a. An unau nu pakhat hmundanga pasal nei tawh lah in ro a rawn rel a, in dang mai rawh se te a rawn tia. Ka vanneih na em em chu nau ka la pailo chu ani, ka tan nuthlawi nih kha a zahthlak dan a zia deuh dawn tih mai loh chu.
.
Ka nun hi hreawm reng reng in ka hmang ta a, mahni leh mahni in thah duh na hial te ka nei a. Ka ban ah pawh ka inzei nasa khawp mai, mahse awm zia a awm chuanglo. Thildang chu ka hrethiam thei mai, a lo haw hun nghak chhuak zo loh palh a ka lo muhilh palh changa ka hmai ah tak min zunkhum kher thin hi chu ka rilru hi a na tawp theilo. Tichuan le min sawisak lam ah a tuan leh ta, an chhungkua an chapo si ka tan chuan meidil te nau a ni ringawt. Nitin zan tin kut min thlak tak.ah chuan ka tlin ta lova damdawi in ah min dah tawp a. Tuman min kan ngailo va ka pasal tak ngial pawn min lo kan ngailo. Thla 3 chuang teh meuh mai damdawi in ah ka awm a nia, ka pasal chhungte pakhat pawh an lo langlo. Bill lah a tam si ka chhungte lah ka pa hna atangin a pension tawh avangin an khawsak a harsa tawh si. Keiphei chu an rilru ka tih natsak em avang in ka be ngam silo. Ka vanneih hluah mai doctor pakhat ka hriat ngailo tun thleng pawh a ka la hriat chhuah tak loh chuan ka damdawiin awm man zawng zawng chu min pek sak vek a. Chuan kan khua ka thlen theih nan pawisa min pe bawk a ni, Chunglam ami hi chu kan tan ka tan hian a tha tak zet ani. Ka phuba lak kha a rem lova nakin ah chunglam ami in min lak sak mai ang ka ti thei ta.
.
In thlahrung tak chung in ka bungrua engmah hawn lovin ka chhungte awmna lam ah chuan ka haw ta a. Ka haw in ka lut thut chu an lo thinrim a nga min lo um chhuak leh mai duh ang a ti a ka lo suangthuah kha chu a thlengdik lo chiang khawp mai. Ka chhungte chuan ngai takin min lo kuangkuah a hmangaihna nen min lo lawm lut leh ani. Ka lawm lutuk hi ka rilru in ka tawngtai nghal char char. Ka pa pawn lungngailo tur in leh dam tak a kan inhmu leh thei hi a lawm hle. Mahse ka taksa a ser an hmuh erawh chuan an thin a rim ve tho.
.
Ka chhungte pawh an khawsak alo harsa ve tawh hle.mai. Ka nu in kuhva te a siam a thei te a deng a azuar kual thin. Kei in puih dawn pawh ni ila ka kal tha thei rih silova, ka khawngaih thei tak zet ni.
.
Thla 2 aliam leh meuh chuan keipawh tiang hawl in ka kal ve leh thei ta. Ka nu chu ka theih tawk in ka pui a, ka la chak tha teh chiam lo na ka kal ve thei zel mai. Bus ah te sumo ah te leh dawr hrang hrang ah ka nu thil siam chu ka zawrh chhawk ve tan ta a. A tir ah chuan ka zak ve thei khawp mai, mahse a hnu ah chuan ka zak tawhlo hrim hrim.
Zak theilo nih ai chuan zaklo thei nih kha a tha zawk fe. Mahni thawhchhuah hmang ngei a mahni mamawh vel lei hi ka tum ber a ni thin. Mahni thawh chhuah pawh ni hleilo nu leh pa te hlawh chhe te neih tak avanga in tih lulen ve bar bar kha ni lo, chhungte min pek pawh tlem la ti a nu te emaw u hmeichhia te emaw ro hlu an dah that ruk chhuah a Pa te thawh chhuah hmang a Bike lei a ving tak tak a zan mi mut reh hun lai a ring mang khenga tlan.khuk luih luih kha ni lo. I thawh chhuah ngei a i lei a nih erawh chuan ka ngaisang ang che.
.
Tlai khat chu Bus pakhat a ka zawrh kual na lam ah ka pasal nau leh a thiannu chu ka hmu fuh hlauh mai a. Mahse min hmuh khan ka bia ang tih hlau awm hmel hi a pu a, min be peih lo tu chu tupawh ni se ka biak na tur chhan bik ka hrelo ka tia ka hmel hriat ngailoh kal san miah miah a bus chhungah chuan. Ka vuhva chu a bul a thu a thiannu chuan a lei ve a en pawh ka en lo amah zawk chuan a ruk in min lo en zeuh zeuh tih ka hria. Kan inpek zawh hnu chuan hnunglam chuan ka kal nghal vat a. Ka chhuak chu ka thaw huai thei, ka thin a rim hle bawk. Min zahpui hle tih pawh ka hria hetiang hi ka ni reng bik lo ang ka tia ka kal nghal vang vang a.
.
Ka nun hlui ngaihtuah chuan a zahthlak ve chang a tam mai. Mahse mihring te chu kan dinhmun ngai reng ah kan ding thei ngai hleinem. Tan ka la zel a keimah ka tha chho zel a ngai ka awh leh ta ka hmel te alo tha leh ta.
.
.
Ka hmel leh pian in alo zir bawk a, min iai lo tu lah an tam. Keichu ka chungah nasa tak diriam a ka awm avang khan mipa tawh phawt hi chu ka hlau vek tawh mai ani. Thian tha biak bak in ka be ngailo, hmeiho lah hian min lo eilo vel in min lo hmusit in min rel peih em em a. Ka nulat lai a ka thian te ho lah pasal nei in hmundang ah te min awmsan tawh hlawm bawk si a. Thian pawh ka kawm ngailo ang a ni kohhran ah ka theih tawk in ka inhmang leh a. Kohhran lam a min kawm ve tu te tih mai loh chu thian ka kawmlo. Mahse mi rel nasat ber ka la ni tho.
.
A mak hi ka tia lawm, tih khawp hian tumah ka kawm fal in ka be fal ngai silova min sawi peih em em tho zel nia. Naupang te in pasal ka neih avang in min hmusit em em a min deu khum vak vak lah an tam. Ka nu leh pa te min fuihna vang liau liau in tumah ka khing let ngailo. Engkim hre tu ka nei a kei a lo tih ve hrep a ngailo tlat ani. Kan mi er te bak hi kan sawi peihlo, mi â nileng ni lo tan chuan a kham awm ve thin. Thenawm khawveng a bik in kan inbul hnai ami te hian kâ an ngah bik ka ti. An kamte hi a kham ve em em lo thin ami le, tlangau hlawh neilo ho hi a bik in an ngei awm phian lawi si. Mipakhat in thil a ti sual hlek a, minute 5 pawh a liam hman lo ang tih in han kal chhuak ila min lo en hrek hrek nghal a. Kâ pakhat atang in beng 10 chuangin an lo hre nghal zan a, kan tih sual dan aia uar in leh awiawm ve deuh si in min han sawi uar em em leh nghal a nga. Khawvel tak hi chu aw buaina tham ni e, hetiang mi an awm lohva kan awmloh chuan khawvel ti famkim tu hi an awm dawn silo.
.
.
Kan ram ah kan kal a, ka hahchawlh lai in ka hunliam tawh hnu te ka chhuikir a ka mipa hmangaih hmasak ber in nun hreawm tak min pe a, thi chhawngin damdawiin ah chhung leh khat neilo ang mai in min hnutchhia a. Thla thum teh meuh mai damdawi in ah ka awm chhung khan kan pa khan.min lo kan a tum lo reng reng. Midang ho pawh an ni tho. Mahse Tlaingaillo ka neih avangin tun din hmun tha tak min pe a ka lawm a rual in ka rilru na lutuk hi Depresion ka neih phah a hei hi inkawn thawl hi a har ka ti hle. Ka kut a ka inzei na lai te kha a ser ve nuai bawk sia a chang chuan ka rawmawl in ka ban ser kha ka tuam bo thin. Naupang te ni mah ila ka nun ah mi tawrh ang..... mo nih hreawm reng pawh hreawmlo ang a lan a ngai bawk si, a nawmna chu a awm ve tho. Kan theih kan thiam.ang tawk in thil ti ve mah ila kan bul ah chuan min fak " AR EK " tawp. Mahse midang beng a ri tur chuan kan chhiatna lai chhiah an sawi duh leh lawi si. Han in khawm ila kan thawmhnaw hak reng reng min ER awm hrin mai a min sawi peih tu lah bo lo. Khawiah mah hian thil tha lo vawikhat kan chunga athlen tawh chuan min hnu ni khua lo zo vek. Min fuih a min tanpui tur zawk a kan ngaih ten min sawi peih peih an tang a.
.
Tun ang lai ah phei chuan nula leh tlangval innei thar holah hi ni reilo te te hi kan inkawl tawh zawng a nih hi.
Thla hnih khat an in nei hman awr chauhva eng emaw maw ni hlek a inthen leh nghal mai a. Kan Nu leh Pa ten min hmangaih em avangin mi hmuh a kan mawiloh bik hlau in leh Thuam chhawm that loh hlau reng reng a min buaipui na an senso te kha a luangral leh mai sia. Chutah nu leh pa te rilru tihah leh zual tur in abikin hmeichhia.....Nu thlawi ka ni tih vang a Ruihtheih thil lam abik in Zu lam ah kan tlan nghal zel a. Mi min hmuh hniam tawh naklai in aia nasa in kan han che bawraw leh a. Mipa an nih tih hre reng si lo ngaihzawn sak tal lah kan bo silo. Chungte hmuh loh kan han awm ve dek dek a midum, mingo ho kan han inkawm siak zawk em ni. In tih theih nan kan hmang zawk emaw ni ka ti thin. Chutah in lak nalh nan underte pant lang dawn dawn in kan in ha sexy a hnamdang bul ah leh nghal. Tenawm na chi tin reng in kan khawsa a, Mizoram ah kan lo haw a in ah.....khawtlang leh kohhran ah mi fel ber leh tha awm fe fe in kan awm leh sia. A then phei chu Sex vedio te an lo nei hman thul. This is khawvel ......
.
Uiha!! ka thingpui chhuan a ut rim a nam rum rum mai. Ka pa te an lo la chho hman lo hlauh mai, ka ngaihtuah na alo kal thui lutuk a ka theihngilh chiang lutuk. A dang siam leh vat pah chuan ka nui tuih tuih a ka zak ve tho thingpui chhuang ut tu nih kha. Mahse ka sawi chhuah loh chuan tuman an hre dawn chuanglova. Ka thingpui siam zawh chuan ka chhungte chu ka ko nghal a thingpui in tur in.
.
Kan in kan thleng chu kan chau hlawm tlang aniang tumah che chan peih kan awm lo. Kan thlam ah ka pa in chaw ei nghal a lo rawt kha a ti fu hle mai. Kan in bual fai hlawm sawk sawk a kan mu ta tham hlawm a.
.
Ka pa chu zingkar ah atho harh peih meuhlova, hnarim a thawk khat ve tawh avang nge ni a tar lam tawh nge a chau zual bik hle mai. Dam dawi te kan pe a zia niang a muhil siai siai a. Chhun ah engmah tih tur ka nei lem lo bawk a ka kal chhuak mai mai a. Thil zawrh chhuah ngai tawhlovin ka nu in dawr te tak te mai a siam ve a. Chu chu kan chhungkaw inhnang fak na awm chhun a ni. Ka hman changin ka pui ve thin a, inhlawh na tur hi chu a lo awm ve zel mai Pathian zarah.
.
Ka insiam zo ka chhuak tur leh kan pahlui leh anu pui ni awm tak raipuar lo inkai chhuak taxi atangin ka hmu a. Ka rilru a na zawk thei....ka hmangaih na chu tun ah chuan boruak ah atham ral zo ta.
.
Ka en reng a mahse an ni chuan min hmu ve lem lo, min hmu pawh ni se ka danglam ve deuh avangin min hai mai thei. Ka sam ka cut tawi a ka ti ngil sang a ka lang naupang leh zual ani.
Ka kal na tur hmun ka thlen chuan ka thiannu chu alo awm der tawh a, kan pa hlui te ka hmuh vang vek ka tlai. Aizawl ah keichu ka awm ta daih a company pakhat a interview tur in. Ka thiani chuan min lo ko vat a
" Lo tlann teh thil hrilh tur che ka nei ania. Nuam i ti ngawt ang "
" Enge leh ta vak vak thin a che "
.
Ka thleng ka thu fel chiah chu eng tak sawi ang maw tih naklai in ngaihzawng chungchang bawk alo ni leh pek. Interview tur a rilru pek tum nak laiin. Mahse vanneih thlak tak in interview turin min lo ko hlauh mai le.. .zia bang bal khawp mai.
.
Ka interview chu rin aiin a ho phian, ka tui na lam Company ah Product hralh chhuah lam mah ni se ka tui na lam ania ka phur hle. Mahse ka tling ngut emaw ni dawn ni tlinloh pawn ka pan dawr i nu i nghahpui anga ti thova ka pawi ti lo hle mai. Ka haw tlai hle ka thiannu nen khan an thiannu leh chhawngte in ah min kal pui a. Beer an lo nei teuhva ka in ve a rin aiin ka lo lem ve niang ka haw ngam lawk lova. Thianten vawithum vel i zung anga i reh vek mai ang an tih avangin ka awm tawp a ka zun chhuak ka nghak tawp a. An sawi ang chuan ka zun tak sek hnu chuan ka harh leh mai bawk a. Ka haw in ka thleng chu ka tri dak mai ka mizia kha mak an lo ti zawk a. Ka nauvangin ka rim a hria a ka nu beng alova thleng hman pek a Min ATTA chang pher kan miah miah mai chu nuam ti a har ngei mai. Leh pek a thlen leh chuan ka pa beng a thleng dawn a ni. Ka chil ka lem kalh a ka nu chu ka nuih tlawn vel a chuan ka sim hmak ang tiin ka inthiam ve ngei a, thei tak ang maw. A hmel hmuh leh rim hriat a thianten nuam ti tak leh tui ti tak a meizial pak khu pat pat chung a an lem tawh chuan insum hi a har em ani. Lo in ve zeuh zeuh tawh hi chuan Setan ka hnu ah awm rawh tih kha a sak talh tawh thin.
.
Ka mutna ah ka inngaih tuah vel mai mai a, tun a ka interview na ah hian ka tlin chuan tha tak in ka thawk anga ka pasal hlui ka hmangaih em em bulah ngaihdam ka dil anga ka let leh ang tiin ka rilru ka siam ve nasa hle mai. Ka dream tui bawk a ka mumang phei chu nuam singkhaw hi a ni tawp. Ka pasal hlui khan misual lak ah min lo chhan vel a nuam tawp a ni mai.
.
Zing dar 7 -8 inkar ah a tling chu kan lo be mai ang che u an tia, ka tlin ka rin loh avangin ka uk sak vak lova. Ka mumang nuam bawk si nen ka nu in dar 5 vel ah min lo kai tho va ei rawng lo bawl rawh o a tia min kal san leh mai a. Keipawh chu ka muhil zui leh mai a ka mumangah chuan a tak ang mai in ka lo tho va eirawng ka bawl zo vek a ka lo lam vel ham ham a. Ka nau vin U dar 6 a ri tawh ania tho vat teh anu a awm silova panhnah a chang a rawn ti se chu ka tho lo chiang teh ang chu. Ka mumang ah ka lo bawl diam tawh kha atak nise ka ti ngei mai.
.
Ka tho va ka bawl nghal vat vat a, dar 7:35 ah chiah hian ka phone alo zai ral ral mai. Kan en chu ka no neih ngai loh hi a nia kan pic up chu Company a ka tlin thu leh product alo thlen thu min lo hrilh a. Kan interview na chhan kha chu Manager nih kan tlin leh tlin loh hriat nan ania. Ka thian i kha chu min kalpui ve mai mai a. A ni pawh ka hrilh nghal a min lawm pui ve hle mai. Ka chhungte pawh an lawm hle mai hlawh nei tur in tan ka lak hle a ngai dawn a ni.
.
.
Ka hna ti mai ang office kal vel kha nilo mahse nitin a ka hralh tur kha ka hmuh ve ngei kha angai sia. Ka phone beih chhun te in Facebook lam ah ka zuar a ka deliver a ka haha thei hle mai. Ka nu phei vhuan min duat hle Zo Artui leh khawizui nen a mix hi ka mut dawn ah min in tir thin. Ka hlep tha reng biklo va kan chhungte leh thian tha te bul ah hi cguan zawrhna ang in ka min leu sak ve ngailova an ni bak ngam tlak ka nei vak si lova. Ka hlim ve tawh khawp mai mahse ka nun hi a hma ang em em kha chuan ka hmang tawhlova. Ka pa lah kal tha hlei thei tawh bawk silo nen ka nu nen a kan thawh chhuah hi a ni tawh mai si a, nun chu a hautak hle mai. Ka nau te lah school la kal rual chiah an ni si a an thei tawk in ka nu dawr nghak an oui ve thin. Ka nu hi ka khawngaih thin tak alam ah an hna rim a han tawk ta hi. Ka hna lam ah chuan ka in sawr bik em em a ka nu lah chu ti bawk. Ka naute ho lah hi han rin ngam chi lah hi an ni silo. Ka pa vengtu atan bak an la tlak silo....ka u te lah pasal nei inhmun dangah an awm bo tawh si a. Ka rilru chu a hah ve thei hle mai.
.
Nikhat chu damdawi in ah ka inentir ve a, kan pa hlui leh a nupui chu an lo inentir ve a. Hmuh ka duh loh avangin ka hel char char a. Ka rilru chu a na ve thin reng engvanga min hmusit a min diriam bik reng nge anih le kan inneih lai khan. Tun ah lem zawk kehthei dawm tak meuhvin a dawm leh si a ka thik na vang chuan ka inseh ruh nasa mai. Ka in entir zo ka chhuak chiah vhu ka hma ah tak an lo ding run mai biak loh theih tawh hek lo le, tui lo zet chuan kan be ve liam a. Ka kal san hnu un an nu chuan min zawt ve ngei aniang ka hming an lam ri pawh ka hre thei. A thiannu chiah maw ka lo nih thin a, hmangaih tak leh zaidam tak a vuan thun tu kha a thiannu chiah ka lo ni a nih chu. Ka rilru a na thar leh hle mai in ah ka haw nghal vat a ka khum ah ka tap ta char char a.
.
Ka lo zan tho chu ka mit a bui chuk mai ka tah na vang in. Inleng ka la nei dawn zui hit lo thei a nia tarmit ka neih kha ka hre chhuak zuk a ka bun nghal vat a. Ka thiannu leh a thiante pahnih an nia, pakhat zawk chu ka hmuh tawh hnu a nia mahse ka hmuh na ka hre chhuak theilo thung. Kan varanda pawn lam ah kan in kawm a kan thu bial a an han insawi tak chuan ka hriat chhuah theih loh kha kan maneger lek a lo nia. Vawikhat chiah ka la hmuh vang nge ni ka hre lo hma hle. Kan in an hriat duh vangin an lo kal ve hi ania kan inkawm tui hlawm hle mai. Kan Pu ber ni mahse kan bul ah chuan fiamthu a duh in a nui ve nasa hle mai.
.
Ka order hmuh te min en pui a ka bulah a thu a a fel hle. A ma order hmu te min pe a ka chungah a tha tak zet ani. Min haw san hnu chuan chaw ka ei a rei vaklo ka awm hah dam a ka mu ta nghal a.
.
Ka order hmuh te ka sem kual char char a, kan sir min pek order te pawh ka sem char char a. A tawp ber ah ka kal na tur ah ka lut a kan pa hlui u te in lek alo nia ka hmu thut phei chu a ding dawt thei. Biak ngei ngei ka sia " Enge ni vai ni an Monu pawh ka ni tawh hleinem. Chhungkhat leh Sumdawn na chu thliar hran tur an tih kha " ti rilru chung in nuisang in ka bia a. A ni pawn tha tak in min lo dawng sawng a kan in dawr zawh chuan ka chhuak ta nghal a.
.
Ka haw lam ah ka hnunglam hian motor pakhat hian min zui tlat a, ka leh hawiin a driver chu a kun hniam zel sia. Ka kal leh a alo tlan ve leh a ka ning lutuk ka ding lawk a lyng ka chhar a kan vawm pawp mai a Motor chu a ding chat nghal a. A chhung atang chuan tu pawh lo chhuak se ka hlau lo ka ti vel pawng pawng a. Kan Pu ber lek alo chhuak mai chu ka hlau lutuk hi tlan chhiat ka tum a. Mahse ding tur a min tih avang chuan ka ding leh ta zawk a.
.
" Ti nge tlan chhiat i tum ngawt a. Ka motor i vawm man kha min pek angai ang "
.
" Engvang ngawt chuan maw ka pek ang che. Ti ngein lo zui char char ta ei ei "
.
" Ha.... tinge ka motor hma zawn ah i kal char char a nih kha "
.
Ui....a sawi ang tak tak kha alo nih vaih chuan aw ka thi a ni mai. Kan nui tlawn vel phawt a a nui hmel a va han tha teh reng em ve le. Min ti à zo dawn in ka hria ka hma ah tak alo ding a " In in ah ka lo leng dawn a i phal em ? " min ti mai chu ka Aw rang chiang teh e. A chhan chu a motor ka vawm na kha a khuar duk in a rawng a khawk sia. Ka chawi dawn chuan sum tam tham tak pek a ngai sia.
.
Aizawl ah awm mah ila kan khua nen a inhlat loh avang in zirtawp ah te ka haw thin a tumah inleng ka nei ve ngailo ani. Ka thiannu erawh a nei zing khawp mai mi hrang hrang hi an lo in len chhawk a ni mai. Amah a luck bawk a hmel in a zir ve bawk a duh duh a thing kual vel mai mai ani. Hna a ni pawn a nei a mahse a la beitham em avangin hna dang a thawk kual nasa hle mai.
.
In kan han lut chu ka thiani leh a thianpa pakhat hi an lo awm a. Kan inzui lut chu ka thiani chuan mak min lo ti hle mai. Kei lah chu zah vangin room lam ah ka lut nghal deih a. Min lo zui lut nghal a a chhan min lo zawt nghal ngei a. Keulah chuan hrilh duh lovin dawt thianghlim ka sawi ta zawk a. Kan chhuak dun a ka lai ve hle mai a bul ah ka va thu a ni danga alo kal hmasak khan ka zak der silova. A nui hmel mawi tak ka hmuh vang khan nge ni ka thinlai zawk.
.
Thingpui te kan lum dun a ka hlim ve hle. Mipa hi hetia ka kawm leh hmasa ber na nia kan pa nen a kan in then hnu ah. Kan sir hian min care in min suh sak bawk a nuam bik tawp.
.
Hmangaihna ah hi chuan bum in leh hnuaichhiah na tam tak nen hreawm takin ka awm tawh avangin hetiang lam hawi zawng a awm leh ka tum tawhlo a ni. Office pawh ka tlawh ve zeuh zeuh thin a kal hian awm zia nei tlem hle mai inreport a ngai ve ziah thin hi ka ning. Ka hlawh hnem ve hman tawh hle mai, in ah lah ka haw khat tawh bawk a chhungte ngaih pawh a tha zanlo. Haw loh hlau reng reng a khawsa thin a tun ah chuan ka ni tawhlo. Ka nun ka thlak thleng leh ta ka nun hlui ah bawk ka tlan leh ta. Mahse mipa lam chu ka hnaih teh chiam lo ka peihlo....ka pa alo kal chuan kan fel thei raps. Damdawi mum kan ei a kan fel lutuk hi min en tawp. Ka pa a han haw iah a kan hnawk leh rum zel tumah ti felfai ta nge tih kan tum lo. Mahse kan chawlh ve chhun hian kan tifal a ni mai. Ka khawsa ho tan a mahse ka in thup thiam khawp mai tun man min hre lo ang ani. Ka hna lah ka ban san a chhungte bul ah chuan hna dang ka thawk ka ti ve zeih.
.
Ka thiani hian Party na tur hi a hre thiam phian a kan kal ve zel a nuam kan ti thei phian. Min bem tu lah ka tawng awllo, mipa lam chu khawsa ho viau mah ila ka buaipui peihlo. Min khawih luih tum lah an lo awm ve chhen a ka duai bik lo an Center ah tak ka pet sak hrep zel. An sim ve ram ram ngawt ang chu.
.
" Mate, zan in kha Party lian tham anih kha aw. Kan hlawh pawh a that fu dawn kha aw. Kal kual te mai mai kan hneh sawh bawk a ti leh par par i la ni mai lawm...."
.
Ka lo nui sen sen a, a ni hi chu tlanval mi tak tih tak ah nuam hi a ti thei phian. Mihausa Party ah hian thil sem leh sexy deuh va in chei a kha ni mai a. A hah thlak chang a awm ve tho ninawm tih chang nen.
.
Zankhat phei chu kan pa hlui nen pawh kan in hmu a lawm ka zak ve an reng khawp mai. Mahse ka thiannu vangin ka bei fan fan a ka hlawhtlin theih nan min pui nasa hle. Zan in Party phei hi chu nasa fe fe an tam leh dawn sia Jeans body fit tha tak leh tshirt laklawh deuh mai hi ka ha a ka sam sang vah in ka tawn a ka lang tha phian.
.
Kan party na hmun tur kan thleng chu rin aiin an lo tha hnem phian a. Ka tum loh deuhvin ka pu ber kha hmu thut mai vhu ka zak ve tawp. A ni chuan tha takin min bua a kei erawh chuan ka be tha ngamlo nasa. Ka pa min hrilh kha ja hre chhuak zawk leh nghal a vhi loh ngei mai. Ka chau khawp mai in ka thleng vhu ka inbual harh a chaw ei leh kan ngaih tawh loh avangin kan mu mai mai a. Ka phone lo zai rat rat thawm ah chuan ka dream min ti buai vek.
.
.
" Hello "
.
" I mu tawh em ? "
Kan Sir ala ni zui
.
" Aw, tawh e "
.
" A nih chuan ka lo text ang che"
Tih leh dah a rual nghal a. Ka ngei reuh tak tak ni mahse chhe te in. A sms alo thleng nghal a kan Open a " i Whatsapp kha en rawh " tih hi alo nia. Kan en leh a " Happy birth day " tih leh pic min lo thawn a. Ka hna thawh chiah ka rilru ah ka lo dah leh pek a ka birthday te ka lo theih ngilh vel. Dar 10 pel tawh mah se leng tur in ka sawm a....kan inbul a a awm thu min la hrilh zui. Hepa yak hi chu aw ngaihna a awm lo.... a sital hi a uih tawp.
.
Ka thiannu pawn a thianpa alo kal ve tur thu min hrilh phei chuan kan phur thar leh vel a. Ei tur kan siam sawk sawk a. Sir, Masiama chuan min en char char a ka che vel chu. Ka nun dan lah hi engmah hriat anei der silova. A awmherh zawng vhuan ka khawsa hauhlo mahse a ngeiawm zawng in ka khawsa thung.
.
" I van han fel em em....khang tiang te kha i thiam alaw. I la naupan ngaih tuah chuan i fel zek ka ti "
.
" Sir ( Sir min ti tawh suh Masiam min ti rawh. In u pawh ka duh lo )....a nih vanlal Masiam lo pa, ka naupang vang hian thiam loh ka neih i ring ami ? "
.
Kan nui vak vak a, kan thiannu bialpa chu alo lut ve chiah a. Present box lian deuh mai hi lo keng a. Ka hawng sak sia an la phal silo ka ti tau vel. Masiama lah chuan min ti buai in min runluih char char zel bawk sia. Ka thinrim rei thei thlawtlo kan nui ho leh ta dal dal a. Ka ei tur siam ho lah chu kan siam tam lo va kan eikhawp chiah zel ka lo siam a min fiam fiam zui leh. Uikawm nih ka hlawh vhiang ngei mai suah nawn lak nawn tur awm lo vin ka siam a. Beer leh voca kan mix a ka kai ve hle mai.
.
Kan sir haw tur te ka lo phallo va ka lo kuah bet tlat vel a, kan sir tih ngaihna hre lo chuan khum ah min lo kuah muhil vel. Zung dar 4 vel ah ka tui hal ka harh a kan hmu thut mai chu ka khum atangin ka tla thla chiang ngei mai. Ka zak bawk sia ka midang ho pawh chu an lo harh ve bawk a. Nizan a ka chet dan min han hrilh phei chuan ka zak lutuk hi ka hmai leh beng a sen in a sa vek thei
.
Office ka thleng chu ka order hmuh te pek a lak angai sia ka hmu ang tih hi ka hlau a nia o. Van neih thlak tak in kan in hmu lo hlauhva tih chi ngei mai ka tlan nghal hlawk hlawk mai. Ka order hmuh te kan sem kual a ka mi hmu hreh deuh mai Kan pa hlui leh a nu bike a rawn in phur nen kan in tawk a ka chhe lo tawh bawk a min lo en ve nasa mai. A nu lah lah khan min kal pelh hnu thleng pawn min la rawn en zui tawng tawng nia.
.
Ka thil tawn teh nuai avang khan ka awm a nuam theilo. In ka thlen chuan kan sir chu alo thu vang tawh mai, ka hmu phut bawk sia ka lai ngei mai nizan thil avang pawh khan. Thingpui te kan in a kan in kawm hlim ta hlawm a. Ka thiannu min mut san hnu chuan kan in kawm ta a, min duh thu te leh nupui a min neih nghal a duh thu te a sawi a. Keiin lo pawn ringawt pawh ni ila engtin nge ka chhungte hian min tih ang, an rem tih ka ringlo hrim hrim a ni. Mahse ka duh ve thu chu ka hrilh a mahse a nupui a ka tan duh thu erawh ka la hrilh lo.
.
Ka pa ka bia a ka nu ka be leh a ka nu bulah chuan ka sawi a arem tilo na mai. Keimah hian ka duh ruk ve tho avang hian pasal ah nei leh dawn ta ila ahma ang khan ka ti sual leh a ngem le. Khatiang em em mi nun rawng kha a ni leh ang tih ka hlauhna hian min nei tir leh ngam lo thin. Hmangaihna hrethiam ngailo tu bulah kha chuan ka nun kha meidil a awm ang vel ka ni.
.
Thla 8 vel kan in ngaihzawn hnu chuan ka chhungte rawn hmasa lovin kan Sir nen chuan kan in ru leh ta nge nge a. Ka pa phei chuan min tuithlar hial a mahse ka nu hnen ah hian ka chanchin hi an mut hnu ah alo zawt ve thin.
.
A hma ang kha chuan ka nun a awmlova, hmangaih na in min kuah a. Ka nunhlui zawng zawng pawh a hre vek a chuti chuan ka chung ah that a chhuah in min duat hle. Kan in dang nghal a amah hi a mahte a lo awm sa nia Aizawl khua a nilova Aizawl ah hian Company pakhat enkawl in Pu ber nihna a rawn chelh a ni. Tichuan kan la valai tha dun bawk a Dawr te siam in ei chawp tawk chu kan in hmu ve thei zel a. À ni chu a hna ah a la kal reng a kei in kan dawr ka lo enkawl a ani dar 1 vel ah min lo nghah pui bawk thin.
.
Kan nupa chu kan hlim thin hle, inhau vin intih tauh khum ve thin mah ila rei lo te bak kan in be lo va ahnu ah in ngaih takin kan awm leh thin. Kan sum dawn na chu Chunglam Malsawm na zar ah kan kal tluang zel emaw kan tih lai in bumna thang ah kan in tat awk ta.
.
Tlak chhiat bak hmabak kan nei talo kan tan chuan khawvel eng tak thin kha tun ah chuan thim lal ram an lo chang zo ta. Kan dawr te kan ti ral a engkim kan hralh theih ang ang kan hral a chu chu kan ei in a ni ber mai. Karah fanau awm loh mahse kan hma ah lawm na in min lo hmuak ve leh zel bawk a. Harhsat mangan lai hian Hmangaih tak a min kuah reng tu chuan hlim na min thlen thin.
.
Nau ka pa ta.....ka va han lawm tak em. A hma khan nau ka pa loh avang khan ka diklo a nih ka in ring a, mahse a ni nen hian thla rei vaklo kan innei a nau ka pai lei nghal mai bawk sia. Nau te neih ve ka chak tawh bawk a rilru hah leh mangang mah ila ka nau te avang chuah hian ka la hlim thei a ni. Chaw chhum tur awm loh chang pawn tui sik leh thingpui te chhang te nen kan inhnawh puar mai thin. Kan puar ve em em tho, damdawi pawh sub Center atangin ka la mai thin. Thla khat a tlin hma atangin kan pa phei chuan a che te a ti vel a kan hlimpui tan tawh der. kan pa hian ka nunhlui engkim kan pa hlui in a min tih thin dan zawng zawng te ka hrilh vek a min khawngaih khawp mai.
.
Chutia hlim tak a kan awm mek lai chuan Kan pa hlui chu a Accident thu a ma bike ngei in tih thu kan hre leh ta. Hetah hian kan pa min hmangaih na ka hriat chian na chu. Kan pa hlui chu min kan pui thlap a keiman kan ang pawh ka tih miahlo amah zawk in min tur zawk. Mak pawh ka ti hle " Tun ah chuan ka ta i ni tawh a, I ta pawh ka ni tawh a lawm. I nun hlui kha theih ngilh la Mi hrang chhungte ang in en rawh" min ti te kha mak ka ti zawk. Kal ka duh mai lova mah se aman min tur sek a vangin kan han ta nge nge a. Pawisa kan nei miah lo kha engtin nge khawi ami nge cheng 100 a rawn phawrh a Kan nan a pe bawk. Mak ka ti lutuk hi ka thin rim zawk. Ei chak neih pawn ka sawi ngamlova, mahse he mihring.....Mihring pawh ni lo sakawlh pa tan lem zawng heti zah hi a nei thei kha ka thinrim ngei mai.
.
Kan pa hlui chu a ke ruh leh ban ruh a tliak a, a hmai te pawh a sawh nasa khawp mai. Ka rilru te te in kei a Phuba lak ngailovin Chunglam in min lak sak a nih hi ka tia. Khati khawp khan min hnai sa a ramsa ang lek in min en a kei ai chuan a la tuar nep ka la ti. Biak vak ngaihna awm hek lo kan haw san leh thuai a, kan haw kawngah chuan kan pa chu ka hauva a ni lah chu a nui mai mai zui.
.
Kan pa hian hna thawh hreh a neih loh avangin mi huan te kan enkawl hlawh sak thin a. Kan nau lo piang tur chu hmingte kan in phuah siak a phuah kan in chuh nasa mai. Ka pa nen pawh kan inbe tha leh ta, mahse kan khua ah chuan ka la haw ngam chuan lo.
.
Kan hlim thin mahse harsat na dang in min tlak buak leh thin. Kan inluah man te kan pe tha theilo tan ta. Bum na kan tawn atangin kan chan a lo chhe ta a. Kan harsat lai phei chuan Tumah chhung leh kua kan lo nei miahlo te hi a mak pawh ka ti lo. Mahse harsat lai leh mangan lai ber pawh a min pui hreh miahlo tu kan neih avangin ka lungngai ngailo. Mangan chan nei thin mah ila amah lam ah ka tan tlat chuan engtiang pawh sual in thil lo ti sual mah ila ngaihdam theih loh a neilo.
.
Mitha famkim hi kan awm lo khawvel ah hian. I thian pakhat in a sum dawn na lam ah emaw a tlak chhiat avang ngawt khan hmusit ringawt suh. A duh vang reng a Mi rinawm lo a ni bik hleinem, Tu te pawn vanduai na hi kan tawk vek thei a sin.
Kan pa chhungte lam lah in min hriatthiam pui ve silo, ka chan chu a vhhe tak zet a ka cher em em mai bawk.
.
Sum dawn na na chuan mahni sum neih tun loh chuan mahni sum ringawt chuan sum dawn chu kan tan mai theilova. Kan han tan a mahse Duh am chu channa tih hi a dik zia ti chiang tur in kan chungah a tla ta a. Tun ah chuan hmangaih na in kan la invuan tawng tawng tawh a ni. Ba kan lo nei veh nual a vangin min lo thing a, hreawm hi ka va ti thin em. Naupai lo ila chu keimah leh keimah hi ka in that daih tawh ang. Ka naupai te chu a thang mawh hle mai, damdawi in ah en tir ka ngai si pawisa kan nei si lo Kan thil neih that ka Puanchhawm ho kha kan hralh leh ta nge nge a. Chu chuan kan in en tir ta a, damdawi tha tak tak in lo chawh a ka chaw ei lam ah a kal tan a ei ka thei si ka riltam reng bawk si ava han hreawm duh tak em. Kan pa thawh chhuah t chauh chu kan rin ber a ni tawh si ka inthla hrung thei a sin o. Kan Ba avang chuan Kan pa te chhung lam beng alo thleng ve ta, engtin nge min tih pawh ka hre zo zai tawhlo. Keiphei chuan ka la hmu miahlo ania, mak ka ti hlawm nghal ngei mai. Kan pa hi zin ka ti thin a a remchan hun ah a tih zel chhungin thla a ral zel kei lah in ka lo hre reng bik tawh thin silova.
.
Tun ah chuan mi rethei eitur nei ve tawk tawk kan ni ta, mi rinawm thin kha mi rinawm lo ber ka ni ta. Hreawm ka ti in depresion ka nei phah a ka nun hi dam reng si Nung si lo ang mai hian a awm a. Ka thil tih reng reng ka ning zung zung a rilru mumal ka phu theilo. Chaw lah kan pa nen no khat te in ei tawm a theih ang ang in kan khawsa a naute erawh chunglam zar ah a tha a harsat na ka nei hran lo.
.
Kan Bat na ten min rawn thing nasa tawh si, min tur ut ut tawh si. Min Ba tu te han dil ila min lo pe thei bik bawk silo. Dawt sawi chan kan chanģ zel si nun khua hi a vai ruai ani mai. Kan pa hi zu in mi chu ni se ui ka chan tur hi ka dawn thiam lo.
.
Ka chhungte pawh engmah an ni lo, mahse an fanu ka nih na hi an hre reng a engtiang a harsa pawh ni se min pui hre ngai lo. Min ring em em tu te pawn min tin tawh lo phah a, khua hi ka hawi tha ngam lo zawk a ni. In ah ka tawm chawt a ka rilru ah hian engmah a lut theilo. Mi à ang mai in ka khawsa tawp mai ani, thenawm khawveng ten enge kan chungah thleng tih pawh hre hawlovin min han rel a min sawi chhiah a min en hrek hrek nghal a.
.
Thu belhchian dawnlo tak tak hi an hria a thu dik hre chiang hauh si lo hian min han ngai nep ve nghal ngawt zel a. Enge kan hran na ni a ti a zawh pawh awm silovin min sawi zui a nasa thei ang ber in. Biak in ah lem zawng a Beram pu tha ber awm zia zang hian an awm leh sia. Chutah thil pahnih khat an han ti sual a.
.
" I ka atang khan Pathian Pathian ti ve tawh suh i inhmeh lo " te hi min han ti ngawt a.
.

A nih leh kei aia i that bik na Point khat han sawi teh ti ila an sawi thei awm bik tawp si lo. Tumah hi insawi chhe thei kan awm lo he khawvel ramzau vah hian. Mi te hi dawheh si chuti kha ti tih ngawt pawh a nilo, kan nundan an lo chhuichiang a engmah fak thlak i ni bik lo thei.
.
Hmel chu a siam that theihloh, Nungchang erawh a siam that thei. Mi hring kan in vek lo, thil sual ti thin khan a nun a sim a tha tak a anun a hman leh chuan mitha a ni leh mai.....Ngaihdam thei loh a nei lo Chunglam ami in.
.
Kan khawsak pawh a hma ang em em in a chhe zawk zawk ta lo, ka nau neih nai ve ta. Naupuan man tur kei in a puar apuar in inlam ah vur ka lo zuar ve a. Mi khawlh ah dah hawh in ka zuar kual ve lawp lawp thin. Ka nau neih na mi tur chu kan pa hnathawh hlawh nen kan inkhawl ve tun ta. Kan hlim dun ngei mai nau nen hun kan nghak hleh tawh khawp mai ka dul hi kan zut reng tawh mai a ni.
.
Vawin ka vur zuar chu ka hah zual bik khawp mai, exer ka la tha bawk a ka in fit teh reng nen. Ka la zuar zo lo deuh bawk si nen ka tha hnen ngaih avang in haw mai lo chuan ka kal kual leh tang tang a. Mahse rei pawh ka kal tam hma in ka pum chu a na ta vak mai, ka tai lam ah a rawn na tan a. Ka nau nei hun a la ni silova ka chhiat dawn a niang ka tia. Thla tawp lam an ti sia thla tir chauh a ni sia ka hlau thawng ngei mai. Pitar pakhat in min lo hmu hlauh va min lo pui nghal a a fel khawp mai an varanda ah min awm tir a. Keilah ka na tulh tulh mai si kan pa ka phone tir a alo kal mek bawk si a hna thawh na tangin. Nau bawm an ti amaw ni kha a keh ta niang ka kap ang in in thil tui hi alo luang chhuak ta thisen nen. San a pe nghal ka van han mangang tak em, mi varanda a awm ka nih avangin min pui tu tur pawn an lo pum khawm zel a. Zak hle mah ila zak thei ka ni silo ka hmelhriat an awm bawk silo ka tah avan han chhuak tak em. Kan pa chungah chuan ka thinrim hlur tawh mai a ni alo thleng har bawk si. Nau lu a lo lawr an han ti ta.....Kei lah san a pe nasa tawh mai si. Vanneih asiam in Nurse siniar lam nau pawh lo chhar ve thin tawh hi Duty bang alo kal hlauh va min buai pui nghal a.
.
Kan pa lo thleng pawh A hah pawh a sawi hman lo an tir kual nghal zung zung a. Midang han tih mai tur tleirawl an awm silo va kan pa chu a la tleirawl that ve tho avang chuan ka bulah pawh awm tha hman lovin an kual nasa mai.
.
Varanda an hual phui vek avang in tu man kan bul a awm te bak chuan min hmu theilo va. Chhuat ah puan an phah a chu tah chuan ka mu a Nurse chuan puan lian tawk bedsit in min khuh a amah pawh chu a in khuh a naute chu a buaipui ta a. Damdawi in a kal hman pawn ka khawsa tawhlo, a ni teh thut lutuk a. Naupuan lah tu te naupuan nge pawh hriat loh la thar tha tak mai an in chhawp bawk a. Kan tan hian he khawvel ah hian thiantha kan nei tawh lo emaw ka lo tia an lo awm ve reng tih ka hriat chhuah pah a ni.
.
Nau te chu tluang tak in tha tak in ka nei ta. Hmeichhia an han ti chu a Pa alawm ngei mai... ka nui nasa mai. Ka in hliam miah lova a hmingte in a kak ve tih mailo chu. An lawm hlawm khawp mai a ngo reuh sia " i hram nghal ringawt alawm " an ti fiamthu nasa mai. A meng nghal kar mai bawk sia a lo chhuah hlim atap tih mai loh kha chu ala tam leh miah bawk silo.
.
In ah kan han haw chu naute en tu neuh neuh kan nei nghal a kan lawm tlang ngei mai. Kei ai mah in a pa a hlim a a chhan chu Hmeichhia a duh zawk a chuan hming a phuah thei dawn avang in.
.
Tichuan hlimna ten kan hmalam ah min hmuak ve tawh beisei ran chuñg leh kan fanu hmalam tur thlir reng chung in leh kan hma lam hun tur thlir reng chungin kan hun leh ni te kan hman mek ani.......
.
.
.
A TAWP TA



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 12th, 2016, 8:57 pm

hnehsawh vel ltk, ngaisang tawp che :)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)