ONLY YOU CHAPTER-9

Episode kal lai dah luhna

Moderator: writers

Hmuakteii Fanai
Posts: 95
Joined: May 18th, 2020, 7:27 pm

ONLY YOU CHAPTER-9

Unread post by Hmuakteii Fanai » January 13th, 2021, 10:39 pm

ONLY YOU




Ka phone atang nasa lutuk a duh ang pawn a type hleih theih loh, chhiardan tawk min lo thiamsak hram ru aw😊 ka in type thinrim tun a rilru akalding thei lo zo vek aa😀chuan athui vawng vawng bawk aw... Chhiar tui vek ule🥰




CHAPTER-9 (18+)




Ka 18+ tak nangin a nasa lo aw😂








Thik tur ka ni chiah em tih pawh hi ka hre lo. Mahse awm nuam lovin min siam chu anih si hi. Steering chum leh dawtin seat hnunglam ka ngheng a mit ka chhing zui vang vang. Mipa dangin a taksa nuam tih hmel zeta an khawih kual tur vel ka mitthla zawng ringawt pawn ka so bulh thei. Thil theih a ni lo, ka nupui anih chhung chu a taksa hi kei lovin an dai ka phal ngai lovang! Muanpuii no ka hmet chhuak a ka call zui nghal zat.







"Zorini a awm em ni?" Arawn chhan rualin ka ti nghal tawng. Ṭawngkam han thluaithlumna hman a awm miau lo.






"Aw awm ee...hei a muhil a, i rawn hruai dawn em ni?" Ngaihthlak nuam zet hian arawn ti dam thlap mahse ka ṭhu hle hle thei tawh lo.






"Ka rawn hruai dawn" nem lem lo taka ti hlukin ka phone ka hmet hlum a, hmalamah bawk ka thehkai leh nawlh. Ka car tinungin dawn awm miah lo hian ka dawk chhuak nghal zawk.






Engtin chiah nge an khawsak, engtiang chiaha rui chhia nge anih ka mit ngeia ka hmuh hma chu ka hahdam thei dawn lo tih ka hria. Boruak duhthawh zetin ka hip luta ka thaw chhuak leh ham ham phawt. Hriatzuali lakah hian bul kan ṭantirh emaw tun thleng pawh hian tiang teh hrepa ka awm ngai pawh hi ka hre lo. Zorini erawh thla reilote ka kawl chhung pawh hian min tidanglam hneh hman viau a ni.






Chak zetin Muanpuii te in lam ka pan a. A khat tawka traffic tawt leh zauh ṭhin chu ka hma lama tlan ho sut darh vek mai ka chak hlur.






Ka speed ahniam lem lo bawk nen Muanpuii te in pawh ka thleng rang kher bawk. Car aṭanga pen chhuak vutin ka hma lama in ding chu ka thlir vang vanga ala danglam miah lo. Muanpuii, Hriatzuali, Rinhlua leh kei hi tleirawl chhuah phat aṭanga inzui kan ni a, innel pawh ka innel hlawm viau. Muanpuii erawh hna lam vanga min awm bosan hnu hian ka vawikhat hmuh lehna tur chiah a ni.







Kawngka bula ding runin door bell ka hmet a, chumi nghah chhung pawh chu rei ka ti viau. Enga mah hma luh tlang mawp mawp mai ka chak zia lah chu pui tak a ni.






"Hahdam rawh" rilrua inhrilh mawlh mawlh chungin thawk ka la leh hawk, awmzia a awm tam lo kher bawk.






"Ehe! I lo thleng hma sia Hriatzuali pawh a haw chiah asin" kawngka bula ka ding run Muanpuii'n min hmuh rualin hriat nuam zet hian a rawn ti var. Ka bu nghut chauh. Ka ṭawng lua chak lo tepawh a ni mahna. Ka mizia chu an hriat ṭhan tho anih vangin a ngai pawimawh dawn lo tih ka hriat vang a ni tel tho bawk.






"Khawiah nge a awm?" Kati nghal tawl. Kawngka hawnsaah ka inzep lut nghal a, an inchhung ka melh kual nghal vek bawk.






"Ka room lamah" nuisang hian a room lamah athle zauh a. Engmah sawi lovin chu lam chu ka pan zui mawp mawp.







Muanpuii room ka penluh rualin khuma  Zorini mu bam mai ka hmu a, midang tumah an awm lo bawk. Hriatzuali thusawi kha athleng em tih fiahna pawh ka nei chuang lo chung hian ahmel ka hmuh ringawt pawn ka hahdam huai anihchu!






"Lawma'n arawn hruai haw a" Muanpuii thusawi bengkhawn hlek lo hian khum lam ka pana ka ṭhuthla zui nghal hmuk. Hahdam zetin thawk kala zui suai suai bawk a.







"Eng emaw zat chu a in a nih hmel" ati leh sap.






"Thil thleng a awm em?" Zorini melh run chung hian ka ti nghut a.






"A awm leh awm loh chu aharh hunah i zawt thei ang chu, ka hriat zawng chu rui lutukin Lawma'n arawn hruai haw a"  Muanpuii dinna lam ka melh vut a inkuangkuah hlan chung hian Zorini amelh ve reng.






"I nupui a ni tih kalo hre miah hleinem" ati zui leh sap. Hriatzuali'n uar taka thu min rawn fah kha sawilan kher ka tum lo mahse engvanga khatiang rawn sawi chiam nge anihchu hriat kala duh ngeiin ka ring. A sawi anga engmah thleng leh silo chuan min ti lawm ru viau lawi si.







"I hre tawh alawm" za vak lo hian ka nui suk.







"Hriatzuali nen hian inneih loh hi ka ring ngai lo" aṭhen deuh sak a.







"Chu chu lo dah ṭha ta ila i nupui hi i duh viau a ni ngei ang maw min rawn phone lai khan biak i hahthlak tlat" a chek tlak tlak a, anui zui hak hak. Keipawh ka nui ve ta suk. Ka awmdan hi kei takngial pawn ka hrethiam lo chu anih hi, midang tana hriatthiam chu ahar ve ang.






"Duat viau rawh hmeichhe duhawm tak a ni, e chuan aban kha a sen ṭul mai a kha khan khawsik asiam deuh bawk a" ngaihtuah hmel zet hian arawn ti a. Zorini puan sinlai keuin aban na lam ka ensak nghal vut. A sen deuh ṭul mai bakah atui deuh hliam bawk. Ahil hlei thei tlat lo hi amak ve deuh chu a ni, hmanzana gate a atauh zui leh vang pawh kha a ni mai thei.







"Ka birthday party-ah pawh khan arawn kal asin, nang ka ṭhian hnaiin i rawn kal hman loh thu i sawi laiin. Chuan Lawma hian i nupui anih thu asawi der bawk silo. Anlo inkawm ṭhin tih pawh asawi lo hrim hrim zawk."






"Mipa ho tak hichu ṭawng tlem hi in intih hmuh deuh amawni" a nur nang nang a, a nui zui leh var var.







"I nau hian min hre pha lo deuh anih ka ring" ka ti ve sup. A û tenen kan inkawm nasat zuallai khan mipa naupang chauh kha ala ni miau a, keipawn hmu pawh ni ila ka hre kherin ka ring lo.






"Nive tho mai"







"I nau chu" mitko ka san uk.






"Oh! Aṭhianpa pakhat kha thlah turin achhuak leh anihkha lo nghak duh suh." Nghah tumna ka nei hran lo amawiah ka zawt mai chauh a ni.






"I lo buaipuia alawmawm, ka hruai haw ange" ka tho zui vut a, a puansin lai thehhlimin ka pawmkang nghal nawlh a. Arawn rum deuh ṭiah ṭiah chu ka nuih zui suk. A zanlai hun hman der anih hmel.






Zorini pawm chungin pindan aṭangin kan inzui chhuak a, kawngkharpui lam ka panpui nghal vut.






"Sawmkim." Kan chhuak fel chiah ka hawilet leh vut a.






"Hriatzuali"angawi leh dat a.







"Ngai leh lo mai fimkhur ru aw" inchhunglam alut bo zui nghal. Ahmel aṭang khan a sawi tum chu ka man thiamin ka hria. Hriatzuali'n Zorini lakah feelings ka nei ṭan tih ahria, ka thlauhthla anihchuan angawih mai mai loh tur thuin min vau zui bawk. Keihian eng emaw tak chu ka ngaihtuah angai dawn a ni. Hriatzuali engkim ka hrilh kha mawl ka inti ru viau tawh. Keimah chauha tlatfal dan kha lo zir ni ila aṭha tur. 






Car hnunglam hawngin ka ṭhutluh tira, ka jacket haklai hlipin ataksa ka khuh zui nghal zat. Apang ka deh saka sa vur chu a ni hran lo. A heh ro riap leh aṭahna tih hriat zeta abiang rang deuh niai leh lang dang pap chuan ka awmchhung a mi hi ati che ve pha hial mai.






He hmeichhia hi kehsawm vekin siam zui ta ila keihian nuam kala ti fan angem?






A na lai hmuh nuam ka ti angem?






Pik zet hian ka thawk kala hrawih!Ka nu leh pa thlarau hahdam turin ka duh a, an tana ka tih theih hnuhnung ber hi tih puitlin ngei ka duh bawk!





Ka awm ka khawih a, hetah hian amah vangin eng te takte alang ṭan tih ka hria. Heihi chhem alh tir tur nge ka hmet mit zawk ang. Engtin nge ka  thunun ang tih pawh ka hrethiam tawh lo chu a ni ta der mai. Kan nun hman zel dan tur chu hunin ala hril mai ang chu.





A ṭhutna lam dim zeta kharin hmalam ka pana ka ṭhulut zui vut. Hnunglam melh lehin thawk kala leh suai suai phawt a ka inkhalh chhuak ta chauh. Puba lak tumna nei lo mipa pangngai tak anga nun hmana hmangaih ber tekianga dam chhung hun hman chaknain avawikhat nan min luah ve ta hial bawk. Ka ngaihtuahna ṭul lo zet lak ata chhuak turin ka lu ka thing nghut a, car tinungin muangchang hian Muanpuii te kawt aṭangin ka tlan chhuak ta chauh.




"""""""""



"Zorin" abianga dawm run hian ka ko zui sup.  Arawn meng siar siar a, chauh hmel zet hian avawt atih thu arawn sawi ve sep sep mai.






A pang ka dek leh a ahma ai khan a sa tawh zawk tih ka hre chawpchilh nghal.






"Tui ka duh" ti zuai raih hian a heh ro hil riap mai aliak hnawm zauh a, amit achhing zui leh nghal.






Aṭhutna aṭanga pawm chhuak nawlhin in chhunglam ka panpui mawp mawp. A khawsik ti ziaawm thei tur eng emaw tal ka ei tir angai dawn. A ban ṭhoh kual vel a ni tih ka hriatthiam tel tho avangin chiai lutuk ngaiin ka hre hran lo. Mahse khaw en laia a rui chhe viau erawhin lawmna chu min thlen chiam lo. Heihi chu aharh chian hunah ṭha taka sawipui ka duh ngei bawk ang.






Khumah ka muttir a, a pheikhawk phelhsakin blanketin ka khuh nghal vek bawk. Hmeichhe hmelṭha tak a ni, nungchang mawi tak nen nun hmang phei sela chuan hei aihian alang mawi zual ngei ang. Hmeichhe hmelṭhatna phena ti mawi leh zualtu chu an nungchang a ni. Nungchang ṭha lo tak nei hmeichhia hichu pawnlam landan ṭha vur mahse an mawi tluantling thei lo.






Tunlai ṭhalai hriat atana pawimawh chu hmelah nilo nungchangah kawppui zawng zawk tur kan ni tih hi a ni. Pawnlam landan hian ṭhatlai hun bak adaih lo, chhungril lam en zawk hi kan tih tur a ni. Hmeichhe nungchang mawi tak chuan a pawnlam landan thlengin mawina athlen ṭhin. Pumkhat nihpui tura i thlan kha pawnlam landan chauh nilo chhungril nun pawh chik ṭhin ang che.






Nachhawkna sang lote ka pek hnuin ka mutthlaktir leh a, a ban ka buaipui lai pawn a harh chiang hlei thei lo chu a ni ber e. Biak erawh ahria tih hriat zet hian amit a phut zauh zauh thung.






"A vawt" a hmui hnuai lam a che dar dar mai, a inkuah khawm ve chial bawk a. Ka pheikhawk bunlai tlawh phelh hlawkin khumah ka lawnkai a, a blanket sinlai keuin ka inthawlh zui ve nghal zat.






Ka lama pawt hnai hretin ka ban akham theih turin ka siamrem a, ka taksa chung deuhah ka kuah khawm nghal vek bawk. Ka awm zawna a muhil thaw sek sek chu thlir nuam ka tih mai bakah chhungrilah min fantu a awm chu chu phat theih a ni lo!


"""""""""""'''

*Zorini's pov*



Chiang lo ruai leh phelh phang hian ka meng chhuak a. Ka awmna hmun ka hai ṭhelh. Ka vir deuh mup mup hian ka hre bawk. Pindan thim deuh ṭhiapah chuan zan lam hun a ni tawh tih achiang. Ka dang a ro lutuk tui ka mamawh a ni. Ka pum sa deuh huam huam chuan ka awm ati nuam lo deuh nghulh a, pum ruah laia in ka nih vang tih ka hre tel bawk.






Ka taksa ka chet dawn a, ka dul chunga min kuah bet tlattu chu tudang ni lovin Malsawmkima a ni tih ka hre nghal thuai. Engtik laiin nge min rawn hruai ka hre hauh lo. Chuan eng chen nge engmah hre lova ka mut pawh ka hre chuang lo, engtin nge ka hriat tehlul ang ka rui miau a. Lum ka tih vangin talsawn ka tum a mahse min kuah hneh lutuk em vangin ka chesawn hlei thei lo. Ka bawp akhan bet tlat bawk nen tawlhsawn ngaihna a awm der lo.






Lawma'n an in lam min panpui kha chu kala hre thei. Abak kha mumala hriat ka nei ta miah lo. Tunah pawh hian kala hai chhulh chu a nih ber hi.






College aṭang khan bân nuam lo sa a ka awm chung khan ban hnuin kan in zui ta nghek a. Rilru tih thawven ka mamawh vang a ni pakhat bawk. Ka thlalak darh hluai vanga mi kawhrawn ka tawh te, principal beng athlen hnu a warning ka dawnte khang zawng zawng lak ata reilote chhung chauh pawh thawk lakna hun tur neih kha ka mamawh takzet vang a ni.






Ka lukham sira phone letbal chu ka ban a, ka hmet eng nghal pap. Dar 12 alo hnai thuak tawh. Ka rilṭam vanga ka pum ri rawk rawk chu ka nuihpui hak. Engmah ei miah lovin tiang chen chen hi engtin nge ka mut theih zawk ni.





Malsawmkima arawn chet hrut rualin mit ka chhing zui nghal vat a, thawk alak hawk rualin ka chhip alum pap thei.






Ka sir lam ruak deuh huai aṭangin a inbengkang anih hmel. Ka lu awmna zawn arawn hniam thlak deuh rualin ka pangah a kut lum thur thur arawn nghat nghal zat a ka kut ka hum ruh nghal ṭai mai. Hmangaihna vanga ka neih ka pasal ni tase engkim a famkim tur zia ka ngaihtuah hmanhmawh bawk, inhriatna mumal nei lo a innei kan ni chung pawh hian atheih chin chinah min ngaihsak ve hle chuan ka hria. Kei hmeichhe khawsa ve mai mai tan chuan abak a awm chuangin ka ring lo. Mahse athin chhe ve hret tih mai loh chu.






"Khawsik a awm tawh lo" phun deuh sup hian min si chetin arawn muthla leh a, hneh lutuk hian min kuah khawm leh nghal vek bawk. Thawk pawh kala ngam meuh tawh lo. Ka ṭang ta ṭung mai.






Thaw deuh ham ham hian ka kawrchhungah arawn zen lut a, ka nak chho a kuta achul deuh hah hah chu ka bawl nghal ar ar thei anihchu! A kut chet zelin ka dul lam achul zui dalh dalh a. Ka awm chhung ami hi aphu zui nghal dup dup a chet pawh ka che ngam lo hrim hrim zawk. Ka taksa awmdanah atawhna ka feel zia chu a hrethiam ngeiin ka ring mahse ka muhil der laklawh tawh vei nen ka awmdan alai hu vek tawh.






Ka awm lamah akut asawn chho a, ka bra chhana ka akut anghah dat rualin kut hum ruh nghek chung hian ka ip chawih! Ka thawk ka hip let nghal tlat bawk!






"I harh tawh tih ka hria ania" ka beng bulah arawn phun sup. Anui nghawr deuh dat bawk. Mahse ka mit kala chhing ta fan. Ka meng ngam tawh lo ani ber mai.






Ka bra chhanah akutin athai kual riak riak a, ka za deuh chuai thei anihchu! Rapthlak zawk hian! Mipa hian ka taksa an khawih ngai lo. Ka inneih hma aṭang tawh a min tawk hmasa bertu pawh amah tho hi. Mo kawr kan en ni phei kha chuan kalo dawngsawng ṭha em em zawk anihkha!






Ka awmdan phung athlak vek dawn takngiala ka hriat vangin ka meng chhuak a, ka kawrchhunga akut awm phih chhuak hlawkin sirlam ka hawisan ta hmak. Ahlat deuha mu turin ka tawlh deuh hret bawk.






Engvanga thinrim khuma thawhsan mai lo nge ka nih pawh ka inhrethiam bik lo. A tawhna kha keihian kalo mamawh zawk nge. Hepa laka ka rilru put hmang hi adanglam ṭan tih phat theih a ni lo. Keihian chu chu pawm duh lovin hel tlat mahila anihdan a ni tlat si.






Hnunglam aṭanga min rawn kuah lehin ka kawrchhungah bawk akut arawn zen lut leh a, ka bra haklai nawr tawm chho nghal tawkin engmah khuhtu awm tawh lo chu arawn hum nghal chat anihchu! Ka mu khawng nghal lah mai!






"I kut hi la chhuak rawh" thei leh thei lova alam hawi deuh ha chung hian kati vin hlar a, chimawm zeta nui suk chung hian aṭham nghal tawk. Ka rak zui ṭhat bawk.






"La chhuak nghal rawh" a banreka vuanin ka pawt sawk a, min kuaizangthal lawp hian ka chungah arawn inbengkhalh nghal run mai. A hmel awmdan ka hmuh rualin zam lutuk hian ka chil ka lem zui dawk!






"Nupui nei reng chungin ka khawih theih si loh hi hrehawm ka ti" ti chhuak hrawihin a rawn kum hniam ruai ruai a ahmuiin ka hmuiah arawn nawr nghal tawk. Ka meng nghal awk bawk. Zanin hi enge a hriat teh hrep nidanga min khawih tumna pawh nei ngai lo khan min khawih theih loh vanga hrehawm atih thu asawi chhuak a.






Duhthawh lutuk hian min fawp zui a, keiin nemsawn ka tum ṭang ṭang thung. Zanin hian ka inveng zolo anihchuan ka inchhir palh mai ang tih ka hlau a ni.






"Zanin chauh" kan hmui la insi reng chung hian arawn ti thawp sup a. Ka nem ve ṭang ṭangna kut chu chelh kawp lawpin ka lu chungah a avuan bet nghal vek.






Duhthawh zet hian min fawp zui ngawng ngawng a, keiin ka dawh mawl tawp thung. Ka fawp let lova lo ṭan tumna pawh ka nei hek lo.






Dam raih maia min fawhdan athlak rualin, hnuailam aṭangin ka chhang let ve zat chu a rum chhuak hrawih. Ka taksa ka thlahdul tih ahriat rualin ka kut avawn kawp athlah a. A nghawnga kuah let chial chhung hian ka fawp let ve ngawng ngawng bawk.







A kut ka kawrchhungah bawk zenlut lehin ka awmbawr dinna tel hauh lovin ahrawm zui tawn tawn. Lo dan ahnekin duh belh zelnain min fan zawk anihchu!







Ka kawrchhung ami akut la chhuakin hnuailamah azutthla delh delh a, ka kekawr kawng avawn rualin thawk kala hak thung. A kut zenlut tur chu ka talh deuh faih a mahse a hmui thil ti thei zetin ngaihtuahna mumal hmang thei lova min siam leh rualin dan tumna pakhat mah ka nei tawh lo.






Ka kekawr chhunga akut achet rualin min fawhna athlah a, ka tukhum a lukham nawr tawkin thawk kala zui halh halh mai. Akutin athlen chin apiang duh khawp lo ang hrimin keiin ka taksa akhawih theih turin ka lo dawh rem ve sauh sauh chu mak ka inti hial zawk. A mit tawhna hian rilru mumal pu thei lovin min siam miau si.






Ka thawmhnaw haklai min pawh phelh sak vek a, a ni chuan boxer chauh a inbel thung. Nakina inchhir lehna tur ka insiam dawn tih inhre reng mahila dang turin ka ngaihtuahna afim thei tawh lo, ka ngaihtuahna thlengin min thunun vek. Engtiang chiahin nge ka taksaah nawmna min siamsak ang tih hriat belh zel chaknain min fan bawk!







"Inchhir turin ka duh lo che" a ni pawh eng a ang chuang bik lo a aw a khur ru ve hluk hluk tho. Kei ang thovin a mumal lo tihchu amitmeng aṭang hian ka chhiar thiam ve. Sir zawnga min mutthlak tirin ka bawp achawi deuh hlek a.  Abanreka vuan ṭung chung hian min siamrem dan ang angin ka awm mawl tawp thung. Ka zei lo, ka zei hlawl lo tih ka hria, ka vawikhatna anih vang a ni bawk. Mahse chunglam chuan ka ngaihtuahna achang tam pha tawh lo.







"A na rei lovang" ti supin ka nghawngah a fawp tawk a, a m****** ka taksa chhungah a thun lut nghal ruai ruai. Na ka tihluatah ka mittui ahnam sawk a, a banrekah ka hmer ngawt ngawt bawk.


***********XXXXXX***********




"Ka ti na che em?" Ka sirah a rawn mu zawithla nghal hnawk mai. Ka melh ngam tawh teuh lo. Awlsam lutuka ahnena ka thianghlimna ka hlan hi ka inchhir zui loh hram ka beisei. Ka tana mipa hmasa ber a ni, a ni tan erawh ka nive lo tih ka hre thung mahse pawi kala ti chuang lo fo. Ka tih tawh chu inchhir zuiin awmzia a awm dawn lo tih ka hre tel bawk.







"Kan ṭawng thei tawh lo animaw"






"I ṭawng peih" kati vin hlar chu anui chhuak hawk mai. Puan ka awma ka bawm beh vek chuan ka inkhuh nghal daih bawk. Ka hmel hmu thei ngat ila chuan ka sen vekin ka ring, ka biang pawh asa pup thei ania.






"I zak maw" nuihza insum tih hriat zet hian arawn ti a, amalah ka tlawh nghal sawk mai.






"Ka lawm e aw" thutak zawk hian arawn ti sup a, ka puan inkhuhna arawn keu a sir zawnga min melh run tuchu kalo melh let ve kiau thung. Malsawmkima hian ka thianghlimna ka hlan vangin lawmthu min hrilh. Zanina thil thleng vang hian lawmthu ka hrilh let ve thei dawn nge dawn lo tihchu hunin ala hril ang chu.






"I ril aṭam em?" Ti dam dap chung hian ka kutah arawn vuan a. Ka lu ka buk nghat rualin ka pumlamin ahna rawn thawk ve chiah bawk. Zinglama ka thil eibak kha vawiin hian engmah kala ei leh miah lo. Chhun lamah khan canteen chu ka lut ve taknain ka ei thei thlawt lo anihkha.






"Eitur siam ila kan ei dawn nia, keipawh aṭam" ka hnarah arawn piai zauh a, lei kalo chhuah khum zauh chu anui che dawt mai.






Hun lo la awm zel turah pawh hmangaihna vanga innei kan nilo tih hi hriat chhuah fo lohna turin hlim thei ila tih chenin ka ngaihtuah ve ta hial! Keiin mipa dang ka neih loh ang hian Malsawmkima hian kei chauh hi min en sela tih ka ngaihtuahnaah arawn lut tel bawk. Chu thil chu athleng thei anih ngai chuan buaina awm lovin ka hmalam hun kan thlir thei bawk anga.







"Enge i ngaihtuah?"







"Ka ril aṭam" kati sep.






"Chu zawng chu maw?" Ka bu nghal nghat chu kiai sukin min tung thova. Engmah kala inbel lo tih ka hriat rualin ka muthla leh rang ngang mai.






"Lo awm rawh" tho chhuak vutin a closet lam apana hnunglam aṭangin kalo thlir thung. Mipaah pawh pa tak a ni tih chu ka hmuhtirh khan ka hre tawh, ka huat em avang khan khatiang lam khan ka thlir lo mai chauh zawk mahse tunah chuan kala haw cheu em tih pawh hi ka hre tawh bik lo. Mipa rintlak tak a ni tih ka hria, mahni chauha awm chungin eizawnna ngialnghet tak ala nei tel cheu bawk.






Ka ngaihtuahna chu duh lo zetin ka lu ka thing zui nar nar a.






"Dik lo a awm em?" Khum sira ding chung hian min lo melh run tawh. Arawn let leh lai kalo hre miah lo.






" Heihi ha rawh" tshirt dum hi arawn thehthla a kalo ban ve vat. Inthawlh sawk sawkin khum aṭangin ka tho chhuak a. Mahse ka let leh rang lutuk. Ka mutna hmuna thisen val kulh chu ka bawh nghal rawk rawk. Ka taksa pum a sa hat thei.






"A zahthlak loh" anui tel suk. Kei ka zah em em laiin anichuan engah mah angai lo tih ahriat reng mai.






"Mahse" ka ti ban chat.






"Lokal rawh le" akut ka vawn turin arawn lek chhuaka, vawn mai nachang pawh hre loin khuma ka bawk reng chu a mitko asan uk. Muangchanga tho chhuakin ka vuan veta chauh.




"""""""""""


Nizan thil thleng vang kha nge class a kan awm chhung zawng pawn zirlai ka ngaihsak thei meuh lo. Nidangah pawh ka ngaihsak lua chuang lo chungin nidang aiin ka rilru abet lo zual.






"Zorinpui" Remsanga aw rawl ring lutuk ka hriat rualin mawl hmel zet hian ka hawi chhuak haw.






"Bengdar hi engzah man nge?" Ati pawr hlar mai.






"Eng atan?" Hrethiam lo lutuk hian kalo zawt let hu bawk a.






"Awi mihring, mawli, bengngawngnu" thinrim tih hriat lutuk hian arawn ti ta nghek.






"Haw ve i tum lo ami nge hetah hian i riak dawn?"






"Ahhh.....haw dawn e" buh nuai hian ka ti a, ka hawikual nghal vat bawk. Class ah awm abar anlo awm tawh lo reng reng chu niin. Keihi ka â zo vek tawh anih hi.







"Aaaa kan haw thei der tawh animaw" tlawn ti tih hian za lo fahran hian Remsanga ka nuih a. Rum lutuka min melh chung hian akal tau nghawng nghawng mai.






Ka lehkhabu ah chhuah ve chhun ka bag ah ka khung sawk sawk. Mawl inti lutuk hian ka luah ka kuk zui fawk bawk.






"Min lo nghak rawh" gate pawn kan chhuah thleng pawn min nghak duh der lo. Keiin thaw hlawp hlawpin ka um zui thung.






Remsanga bul ka thlen rualin adara kuah chung hian ka awm ka dawm a ka thawchhuak ham ham thei. A tih tauh hichuan akal chak thei kher bawk a.






A scooty a lawnkaiin ati nung hlut hlut a hmanhmawh zet hian ka lawnkai ve tharh bawk.






"Hmanhmawh rawh aw in thlen vat vat ka ngai ania" kati hliai a. Malsawmkima'n thuawih turin min duh a thuawih dan ka thiamzia tihlan ka duh ni berin ka hria. In lam haw ka phur tharh sarh mai bawk. Hahthlak zawk hian.






"Nidanga haw hreh thei hle si" ti hlar hian atlan chhuak ve mai bawk a.



"""''''''''''"""




Remsanga'n in thleng min thlah hnuin a nu nawm loh deuh vangin min letsan leh nghal a. Phur em em hian in chhungah ka penlut thung. Ka hawina lam apiang hi hmuh an nuam em em veka ka hriat vang anih ka ring ka hmui ka chip thei meuh lo.






Pindan chhunga lutin ka intifai sawk sawk a. Ka pasal lo haw hun hetia lo nghah tawp hi a ni tawh mai.






Ka thawmhnaw hak tur ka thlek kual dan dan laiin ka phone arawn ri a ka dahna lam ka pan rang kher mai. Ka beisei ruk ang ngeiin ka pasal a ni bawk. Ka pick hmain khum lam ka pana lukham pakhat lakangin ka hmaiah ka nawr beta ka khek chhuak nghal chiam.






Ka awmdan siamṭhain ka phone dahna lam ka pan zui leh. Ka aw thian kharh kharhin ka chhang zui ta chauh. Ka khawsazia kha min hmutu chu awm ngat se mawl min ti viauin ka ring. Mahse mihringin hlimna kan tawn hian kan chetdan a atthlak em tihlam kan ngaihtuah hman tawh ṭhin lo, rilrua lang ang anga chet chhuah hi a awl em atin ni.






"Ka rawn haw tlai ang" lehlam aṭanga arawn tih nghut rualin ka hnual nghal rawih rawih thei. A rawn haw hma beisei em emin hmanhmawh zetin in lam ka pan ve chu a ni sia.







"Aw le" ka ti zuai raih. Engmah sawi belh tawh lo hian ati tawp hmuk bawk. Enge sawi se kalo beisei chiam ni. Keihi ka â takzet tawhin ka hria. Nizan thil thleng avang khan min ngaihsak zui chiam tura ka dah vang zawk nge pawh ka hre hrep tawh lo.






Lungawi lo zet hian khumah ka phone ka thehthla a, ka ṭhu zawi thla nghal hnawk.






"Mawli i beiseina tisang viau suh" ka luah ka kuk nghal fawk.






Ka phone bawk rawn ri leh chu awm dawm meuhin ka la kang leha mahse Lawma alo ni thung. Malsawmkima call bawk ka beisei leh a ni chek ang chu chhan chakna pawh ka nei tawh lo.







"Aw" phone ka benga nawr betin ka ti nghal tawng.







"Dinner ei chhuak ila"






"Kan pahnihin maw?"







"Nih mai lohchuan. Nge midang beisei tel i nei a mi" a nui tel hawk.






"Aaa Remsanga" kalo ti fan raih thung. Ka sawi zawh rualin a nu nawmsam loh ka hrechhuak leh si.






"I hman em?"







"Aw lo nghak la Usawmkima hi kan dil phawt ange" ka ti ve thunga.






"Pasal te thuawih Zorinpuii" arawn ti zauh. Min fiam tih hre reng chungin ka pawr hlar tho.






Ka phone hmet tawpin Malsawmkima no ka call nghal zat a. A ring ral ral reng chu ka nghak ran, a pick thei lo. A remchang chiah lo anih ringin ka call nawn leh a. Ala pick thei chuang lo. Heichiah ti chung hian ka call leh chhanna a awm ta lo cheu chuan min ti lunghnur ta thuai.






Lawma ka call back a ka hman thu ka hrilh ta ngawt. Phalna ka lakna tur berin phone achhan theih miau loh chuan a phal tihna animai. Mahse in a kalo awm loh vangin athinrim ka hlau tel tho bawk si. Ka ngaihtuah buai peih lo. Thinrim se ka thiam lohna awmin ka hre tawh lo.







Phur lo zet hian Lawma zui chhuah tumin ka inbuatsaiha, la hma viau tho mahse ka rilru la peng tur thil tih ka duh vangin ka insiam zui zel tho.






Hmeichhe pangngai tak khawsakin khawsa ta ila ka pa hian pasal nei tur hian min tirlui kher angem tih ka ngaihtuah rauh rauh. Malsawmkima min neihtir ngei ngei tuma ṭawngkhum dante, kut hial min thlakdante ka ngaihtuah chhuaka thin lo ur deuh sa nen ka thin ur azual hle bawk.






Ka closet kawngka khar ri burin Malsawmkima closet lam ka pana, phih hawng hlawkin ka khar zui leh ṭhuai. Ka thinrim hrikthlakna awmze nei lo lutuk hi ka nuih tepawh aza zawk hian ka hria. Ka chala dawm vang vangin ka nui hak a, a closet hnuailam drawer ka tlawh zui bur.



"""""""'''''''


Lawma'n dar 7 rik hma hretin min rawn lam a. Kalo nghah chhung khan Malsawmkima arawn haw ka beisei ru viau mahse arawn haw miah lo. Ka missed call kha ahmu anihchuan min rawn phone let ka chang tel tho bawk mahse ati chuang lo. Thinrim ru ṭun hian Lawma nen kan inphur chhuak ta chauh.






Kawng lakah kan school kallai hun vel sawiin kan ti ti chiam a, ka thinrim ṭun pawh ka zia ta deuh. Lawma leh Remsanga bula ka awm hichuan ka thinrim rei thei lo chu a ni ber e. Ka thinrimna sawi chhuak lo mahila ka mitmeng aṭang hian an man thiam ṭhim, min ti zangkhai thei tur titi hi an vawrh thuai zel.






"Kan thleng e" hmalam melha nui suk hian arawn ti hluai. Kan lo titi tui viau a ni chek ang chu tlan chhung arei lo kati kher mai.






"Ka pi lo nghak rawh kawngka ka rawn hawn ang che" seatbelt hmet phelha chhuah ka tum uk tawh chu nui hak hian ka ṭhu ṭha leh.






A car hmalama kalhualin ka ṭhutna lam arawn hawnga ka pen chhuak zui nghal zat.






Kan hmalama restaurant changkan hmel zet chu ka thlir zui dauh dauh. Hetiang restaurant hi a awm tih pawh ka hre lo, ka vawikhat kalna a ni bawk.







"WHALIEN" luhna lam chung deuha ahming an tar chu ka lam chhuak sap.






"A hming chu ava dangdai ve" Lawma lam hawi chungin kati hliai. A dangdai takzet, eng emaw tal awmzia aneih ka ring tlat bawk.






"Nia danglam, whale leh alien sa chiah an siam ṭhin" nui suk hian arawn ti zauh a, a mitko a san uk bawk.






"E ka va ei sawk sawk ange chung sa chu" ti hlarin hmalam ka pansan a, min rawn zui ve zat.






Achhungah kan penlut a, mit tla lo chauhin ka hawikual thei. A changkan mai bakah achhungah hian ka hahdam sawng sawng thei. Engkim mai hmuh anuam em em vek mai. An eitur siam pawh atui viau ngei ang. Chhungkua a ṭhutlang dal an awm nual bakah inngaizawng niawm tak an awm far bawk.






A killam deuha khawhawi nawm hmel zet lamah Lawma'n min kai phei dat dat a. Kan ṭhutna tur kan thlen dawn thlengin at hmel zet hian kala hawikual  zui leh hram. Anuam em bawk atin ni.






"Hawi hu hu suh mi ang lo emaw an ti palh ang che" kan ṭhutfel rualin nui suk suk chung hian arawn ti zauh chu ka melh nghal rawm rawm. Min tih thinrim dan lah hi a hre ve si.






"Le alien nge whale chu i ei dawn?" Mit ko san uk uk hian ati leh zat. Ben tuma ka kut lek uaih rualin alo indang nghal vat a, ka nui leh ta ringawt.






Lawma'n eitur achah a. Nghah chhung pawh a rei lo takzet. An restaurant service ṭhat zia ka hmu nghal pang mai. A hmun anuam em em a, achhunglam pawh hawikual tham fe a ni chung hian athawk reng reng felfai leh hmuh nuam lutuk hi an lun em em chhanah ka ngai ta hmiah.






"Uhriatzuali" Lawma a rawn phun chhuak sup a, ṭhensak chung hian ka hnunglam amelh bawk. Luhna lam hmu thei lo zawnga ṭhu ka nih vangin Lawma hawina lam rem lo zet hian ka melh zui ve thuai.






Malsawmkima leh Hehseni induat tawn hmel zeta rawn inzui ka hmuh rualin ka hawilet rang hle. Ka awm anuam lo nghal vek anihchu. A rawn haw tlai tur thu min rawn hrilh chhan chu hei vang lek hi maw.






"Lawma"






"Ehe Zorini pawh" kan table bul an rawn thlen rualin ati no nghal duai. Kan actress chhuanvawr. Lehlam hawiin ka ner zui nak. Henu hi ka ngai na lo ka ngai na ngai lo bawk ang. A mizia a engkim hi ka ngeifai vek.





Lawma'n akut a lek zauh a table chunga ka kut dah chu ka malchungah ka sawnthla a ka hum kawp ta ngawt.






"Min rawn zawm mai ula" Lallawmtluanga ka ngei ber ṭum a ni hial ang. A keah ka tlawhsaka min rawn melh zawkin Malsawmkima te dinna lam amelh zui nghal daih. Ka ṭhutna lam ala rawn insawn ang hlauh bawk a. Hepa hi amawl zo vek tawh anih hi, ka mitmeng aṭanga engkim hrethiam vek si.







An rawn ṭhuthla a melh khat pawh ka melh lo. Ka hma a eitur pawt hnaiin ka ei zui mial mial. Atui leh tui loh pawh ka hre hrep lo ve.






"Heihi Muanpuii nau chu" Hehseni'n arawn ti a. Ka hawichhuah ve chiah rualin table chunga Malsawmkima kut a vuan zui nghal zat. Ka lam rawn hawiin a ṭhen zui sak.







"Sawmkima hichu i hre mumal lo mai thei. Mahse i û tenen hichuan kan inkawm nasa hlawm ania" Lawma lam hawi hian nunnem hmel zetin ati dam thluam. Ka luak ati chhuak zawk. Henu ka mil loh dan em em hichu mak tak a ni.






Ka hmui hru thuakin Malsawmkima ṭhutna lam ka hawia tak ngul hian min melh reng. Midang thusawi bengkhawn awm pawn a awm lo. Chu chuan nuam lo min tih zualtir bawk.






"Zorin in lam aṭangin ami ilo kal?" Hehseni bawk, adak peih char char.






"Aw" tih zawngin ka chhang. Ka be chak lua lo tih hi hria se min be peih bikin ka ring lo.






An eitur chah alo thlenga, a inlak no hun a inṭan leh chiah bawk a. Malsawmkima'n a thlawh bosan hlau ang hrimin akutah a chelh ran reng. Ka awm anti nuam lo zual takzet tawh. Ka chhuak tawp anihchuan ka awmdanah Malsawmkima'n engkim aman thiam vek dawn tih ka hriat vanga ṭhu ṭang ṭang ka ni.






"Zorin" lehlam hawiin ka ner nak a. Nuilui var hian hehseni ṭhutna lam ka melh zui nghal vat.






"I ziaawm tawh em?"







"Ka dam lo si lova i sawi awmzia ka man lo" ka ti let ve thung.







"I thlalak lam zawk" ka kut ka hum ruh nghal nghek. Sawifuh intih hmel lutuk hian ahawi sang vah a, Lawma'n titi dang arawn sawi zawm vat chu ka thaw huai mai. Helai hmunah hian inphawrh mualpho tur ni lovin thil ei tur a kal kan ni. Chuan kha thil kha hriat nawn fo pawh ka duh lo.






"Class te ila chhunzawm thei em?" A ṭawng chhuah duhdan hi mak kati takzet.






"Vanduai thlak takin thei hlauh mai" zangkhai vah hian ka ti hliai a, ngaih pawimawh loh hmel zetin ka nui sang bawk. Malsawmkima ve thung chu ka nei lo ang hmakin a ṭhu ngawi run reng. Nge ni a henu min ṭawngkhum vanga ka awmdan vel hmuh achak zawk pawh ka hre hrep lo ve. Nizan thil thleng kha ka inchhir ṭan ta viau mai.







"An hnawtchhuak lo che chu i vannei hle mai" amit tung it et a chet kual ralh a. Lawma kut kut ka vuan nghal chawt. An eitur lam reng reng ngaihtuah lovin ala dak char char thei hi ahmui khawn fawk ka chak zia chu pui tak a ni.






"Hriatzual" Malsawmkima'n arawn tih hluk rualin angawi zui hmak.







"E lehlawk" a ngawi leh dat a.







"Hmeichhe khawsa ho zet hichu khawiah mah antla na ngai lo ania, pangngai takin nun tum rawh" ka dawhtheihna hian tlin tawk anei ve tih hi ahre lo a ni ngei ang.






Ka ṭhutna aṭanga ding chhuakin table chunga glass no tuikhat veka awm chu ka lakang lawk a ahmaiah tak ka teh zui ṭhawt chu a rak zui chiam.






"Zorinpui" ti hlukin Malsawmkima' ka kuta glass no arawn phihta hlawk a, hehseni abuaipui zui nghal zat chu ka thaw hak. Lawma rawn ding chhuak vein ka kutah arawn vuan a ka thingthla zui hmak. Hemi te pathum hi tunah tak hichuan ka haw ngawih ngawih.






Ka ṭhutna nawr sawn nawk nawkin ka pen chhuak a, pawnlam ka pan zui nal nal. Min ṭawngkhumna zawng zawng pawh ahre ve vek chung khan ṭawngkam khat pawh achhak chhuak miah lo thei kha mak kati lutuk.






"Zorin" hnunglam aṭanga min ko tu chu tunge anih ka hria, din tumna ka nei lo. Hmalam ka pan zui hlawk hlawk.






"Zorinpui" ti chang bawlin ka banah arawn vuan a min phih let nghal dawrh.






"Min thlah rawh" sehchilh ran hian kati hlak.






"Nungchang mawi i hre lo ami" asawi zawh rualin za lo lutuk hian ka nui hak. Keihian khanu thu sawi zawng zawng kha polite takin kalo dawngsawng vek ang maw. Mihring rilru na thei, hrehawm ti ve thei, thinrim ve thei ka nihna hre lo leka min ṭawngkhumtu chu engaiah nge ka dawh bik ang.






"Ka nungchang amawi lo ka hria" dak deuh vahin ka melh chho haw.






"Chuvang chuan min thlah vat rawh!" atirlam zawi viau mahse atawplam chu ka au khum a ni ber. Khatiang taka mawi lo min ṭawngkhum hnuah pawh keihi nungchang mawi hre lo zawk kala ni fan a.







"Nangni ho hian thawklakna hun takngial pawh min siam sak lo. Min tibuai reng, engvangin nge zalen tak hian min awmtir ve theih loh" hrawk phiar tawn tawna tileh tuarhin ka ban avawnna ka phih sawk a, athlah duh chuang der lo.






"Min thlah rawh" ka ṭap lo chauh tawh. Ka thinrim lutuk vangin ka sa pup bawk.






"Chhunglamah sawn keini lo midang an awm ve tih i hre lo a mi" ati chang bawng mai.







"Nang ang lo takin mi pangngai ka ni a ka zak ve thei" a ti hrawk a. Malsawmkima thusawi chu ṭek tla ri aipawn ka bengah ari ring zawk. Min hmusit, hepa hian min hmusit takzet tih tunah hian ka hrethiam ve chiah. Kan indinchilh reng anihchuan ka ṭah khum thei takngial dawn.






"Lawma" Lawma rawn penchhuak chu mangang zetin ka ko nghal ruai.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)