ELECTRIC LOVE - 7 BY PAPUII SAILO

Episode kal lai dah luhna

Moderator: writers

Ruatpuii Sailo
Posts: 100
Joined: November 22nd, 2020, 10:57 am

ELECTRIC LOVE - 7 BY PAPUII SAILO

Unread post by Ruatpuii Sailo » January 17th, 2021, 11:31 pm

ELECTRIC LOVE - 7
_Papuii Sailo






"I ni ang tih rin ngaihna ka lo hre lo reng reng, i khelhna club aṭangin ka ngaihtuah chhuak chiah"Ṭhianpa chuan a ti hluai a,pakhati lah a lo nui sen sen reng bawk nen ka tawt ru ṭun ringawt.






"Keipawh ka hre tawh miahlo che alawm,kan inhmuh lohna a rei ve tawh em a ni.Bakah i naupan lai hmel i paih vek bawk sia,mahse ila ṭahbelh tho in ka ring".Nui chunga a tih chuan Hmunsanga a phun nghal hluk.An ṭawngkam aṭang chuan an inhriatchian hmel hle mai.







"Inah kan han chho lawk ang e,nakinah kan peih tak leh kan lo chhuk leh ang"A ti leh a,







"Lo chhuk leh ngei ngei ru,kan inkhel min en ve ang chu le!" Hmunsanga'n a tih chuan lo chhuk leh an tum thu chuan an chhang a,a ṭhiannu nen chuan an inzui chho a.Ka khuh lui kharh kharh chu Hmunsanga chuan min en deuh há in a ṭhen nghal suk.Hepa hi ka awm ve tih a theihnghilh a ni chiang lutuk.






"Lalhmunsang ka awm ve tih i theihnghilh ti raw?"ka ti zui hluk chu nui hui chungin a bu nghat.Hmela mai mai chu'h ka tuai vir nawk dawn a mawni ,hmeichhia vanga ṭhiante theihnghilh ṭhak mai chu'h.






"Kan naupan laiin a lo zin ṭhin a,a lo zin tawh chuan min um kawi det det zel maw le,mahse tun ang hi a ni lo reng reng.Kha tih lai kha chuan a zak zum thei lutuk ringawt. Chuvang aniang ka hriat tawh loh,a naupan lai mizia nen chuan tun a a mizia hi chu lei leh van ang a ni."A ti zui sup sup a,mihring te chu ze ngai reng pu thei kan ni hlei nem.Kei pawh ka naupan zuallai te chuan nungchang ṭha lawm man te ka dawng ve fo tho.Ka ngaihtuahna vang chuan ka nui nghal suk.Dawt ni miau hek lo.








"U Zir,miin i phone number min dil ania,ka pe dawn asin i phal em?" Hmunsanga nau Nupuii chuan kan bul a rawn din pahin a ti reuh a,






"Nupui, tu in maw dil che?" a u in a lo tih chuan sawi chi bik nang a ti ve tlat.






"Lo dil tu che hnenah chuan maw, 'a phone number chu tui ang mai mai a sem a phallo' iti dawn nia" Ka tih chuan a ner nghal nawng nawng a,a u a lo nui ri hawk thung.







"Va kal rawh,ka sawi ang chuan sawila.Chuan pe miah suh ang che chuti lo chu chocolate ka lei tawh lo ang che" Nui suk suk chunga ka ti chu a ngaihdan a nih loh hmel teh e.







"Chocolate ka ei ngai tawh bawklo aw " ti ṭeu hlar chungin a kal zui nal nal. "A inti nula ve ṭan tawh a,naupang chhe fiam a fiama duh tawh bik teuh lo" Hmunsanga'n a lo ti zauh chu ka nui chhuak nghal hawk.Kum 17 chauh ala nia,kan tan chuan naute a la ni tho tho.








Chawhnu lamah kan khel ve a,kan tum pui te an ṭha bawk nen boruak aṭang ṭha viau.Mipui an eu leh dar dar ṭhin.Ka service dawn a ka hawi kual nalamah kil khata Malsawmi ṭhu ka va hmu hlawl,vur a lo pet fun reuh a,a bul a mi te nen an inbia nge a bu pah leh nghauh nghauh ṭhin.








"Ngati nge?" Ti ri ah ka hawi chhuak a,min lo en deuh ṭhap,kei hi whistle ri theihnghilh ṭhakin Malsawmi ka lo thlir a nih mai mai chu.Referee-in warning min pe nghal zat,ka service a,an ṭhutna lam ka va hawi leh zauh chuan kan mit a intawng chat.







A vannei zawkah ṭangin kan chak hram e.







"Asawm,zanah kan lo leng dawn ania aw" kan haw dawn chuan Hmunsangan a ti leh zauh, hepa puihi enge ahriat a a biak reng.







"Lutuk,thingpui tui tawk ka lo lum ang" ve ngei chuan a,thingpui lum a thlak tur pawh a hre tawpin ka ring lo e.







An chhungkua an rual sa ve bawk nen,pasarih laiin kan belh leh phei chu,kan ri deuh laih laih reng.Mahse kan chhungkua pathum te chauh kan nih vang hian chutianga kan awm deuh laih laih chu nuam ka ti riau.Naupang chhia an awm tawhlo na in,a pu te nupain an tute an la naute en zia a hriat,Nupuii phei chu a pang ber a ni bawk nen,engmah atih ve an phallo a,an bulah an awmtir deuh chawt.Mahse ṭawng fiah chiahlo,naupang chhawn chhaihnan a kan hman ang ṭhin a an be leh ṭhin chu a duh bik teuh lo.A tum nghal bar zel a,an nuih pui leh hawk hawk ṭhin.








"Vawiin ni a sa ang reng sia,i chau viaulo maw? Zira" Chaw eikham kan ṭhu khawm chu Ka pu chuan a ti charh charh a, ka chauh loh thuin ka lo chhang nghal vat,pa ṭha tak niin ka hria,a fate ho in an zah thiam danah.







"U Zir,vawiin khan enge i ngaihtuah a,whistle ri i hriat miah loh a"Nupuii chuan a rawn tichhuak hlawl,Hnar hmuh len a awl ngei mai.A chhan sawi chi ni heklo ka nui tawi tak ringawt.







" Tak a,kha pu beiseia te club a khel ve number 7 ha kha mikhual a ni em? U" A û melh pah chuan ati leh a, " Ni chiahlo ni deuh tho,a tunu a nih kha"A lo ti nghal vat.







"Ava han chhelo mai mai,amah tawp kha ka aim in life,ih maw pu bike a nei mawle, tlaiah khan a lo khalh a,ka duh ve e..kinah min lei ve ru aw.."a pu ngheng ṭha sauh sauh pah a a ti hluai chu kan nui nghal vek.A thusawi laia a hmel pek dan zawng zawngah khan bike neih a chak ve zia a hriat vek.







"Mipa ho pawn an star hlawm lutuk ringawt,a thla pawh an lakruk sak ṭeuh mai.A sang ṭha bawk sia,volleyball a thiam bawk si,a hmelṭha tel bawk nen a nuam awm bik e" a ti leh vawng vawng.







Rei vaklo kan ṭhut hnuin Malsawmi te ina leng turin kan inzui chhuak a,apu te in aṭangin a hla hranlo nen ke in kan inzui thla chhat chhat.







"Buddy,a chhelo iti ve em?Asawmi hi" a rawn tichhuak hlawl.Sawi ngai lova chiang sa alawm chu zawng.








"A bulah chuan zum leh hriam kara leng reng ang vel kan niin ka ring,a danger emai"tiin ka chhang daih thung.A nui ri nghal hawk.







"Ka first love anih hi"a tih sup chuan ka nghilh deuh dupin ka hria,mahse a chhan erawh ka hre lo.Chutiang a awm ve ringawt tur ka nilo tih ka inhrilh nghal char char bawk.Kawp lai nei ka ni kei chu.








"Mahse middle kan kallai daih ani tawh,mahse a hre kher lovang,khang lai kha chuan a rilru a thianghlim em a,ṭhian angin min kawm a,kha lam angaihtuah pha lo ang.Kei erawh tlangval ka hre ṭan daih tawh.An rawn zin te khan nuam ka ti thei ania aw"A hun kal tawhah a cheng tih hriat takin a nui pah vur vur bawk.Engmah sawipui ve tur ka hre lo,ka inhrethiam biklo chutianga a sawi chu ka lo tawt ṭun ringawt a,an tetlaia an inkawm ṭhin bik te chu ka thik ni hialin ka hria.







An in kan thleng zui a,kawngka a kik nghal karh karh a,inchhung lam aṭangin min lo chhawn vatin kan lut zui nghal.







"Ee..kha khawilam khual ṭha nge in nih? Lo leng ṭhu rawh u" Pitar hian meizial zial malh malh pah chuan a lo ti charh charh a,an bula ṭhutnaah kan ṭhu thla nghal zat.







"Ka pu te chu in va la ṭhalai ve,min hria em?Pu Rodawla tupa kha ka nia"A ti var a,An hria a nimah na eng eng a maw an sawi nghal hlut.Ka ṭhianpa hi heti em em hian a lo polite thei tih kum 6 leh tlem kan inkawm tawh chung hian ka hre ve chiah.







An titi luam laiin kawngka a rawn inhawng a,Malsawmi leh a ṭhiannu kha an rawn lut hlawl a.Keini ṭhiandun lo ṭhu run min hmu chu an meng deuh awk.






"Ehee ! Inlo len duh tak tak pawh ka ringlo ania" ati hliai a, "Len loh ten le,mahse kan lo len chhan ber ilo awm silo va"Hmunsangan a lo fiam let nghal zuk.







"Nia,dawrah kan kal lawk alawm,choka lama awm ang u hmiang"a ti zui zat a,kan inzui phei ṭham ṭham a. "Bawihte,i pi nen thingpui hang min lo thlit la aw" a ti lang lang.







Dawhkan kilin chairah kan ṭhu a,a pu te thingpui a pe zo a rawn let leh hnu chuan"hei hi ei pah mai mai ang u"tiin plate hian enge mawni hi a rawn chhawp a,thei tih dawnin a nichiah bawk silo.A tung sawl deuh rat a,chutah Hmunsanga chuan "A va tui dawn ve "tih pahin aban nulh a,a kheh zui mual mual a,a hmawm nghal hmiah.








"Hei hi enge ni a?"Ka ti chu Hmunsanga a nui chhuak hawk.





"I hre lo maw? " a rawn ti chu ka lu ka thin khum ringawt.






"Laui mu anih kha,laui mu"Ṭawng leh a tum lai takin Malsawmin a rawn ti hlak.






"Enge chu chu?"ka ti leh phei chu,hahthlak min tih hmel lutuk hian a chek nghal tlak tlak.Mi hre lo na na na.








"Ihmaw,, Lamkhuang hi i hria em? Lamkhuang hi, a kung lian deuh a rah chu bawl ṭek ṭek ṭhin kha.A hnah pawh kel chawah an hmang ṭhin.Chu phei chu i hre lovang.Lamkhuang a ni tawp mai.Lamkhuang anih chu aw"Min melh ram ram pahin ring leng lawng a a ti lang lang chu ka melh nghal khui.Kha ti vakvak loh khan a sawi theih.







"Bawihte,in va ṭawng ring ṭha ve enge in lo sawi a" choka a rawn lut nu la ṭhalai lampang mah chuan a rawn ti hlut a,








"Eng ni lo ve ni,hei Sanga ṭhianpa hi a beng a ṭha vaklo a biak rin angai deuh a,chuvang mai mai mawle,vawiinah pawh whistle ri a hriat ṭhat loh kha" min melh ralh pah chuan a ni chu a chhang a,Hmunsanga leh a ṭhiannu an lo nui dir char char.Kei erawh ka nuih aza ve hauh lo.









"Ava zia lo ve aw,,ala naupan hmel nen"a ni lah chuan min en vung vung pahin ala ti zawi sap zui.Chutah Malsawmi ka en chu nuihza insum tih hriat lutukin min lo melh ngawt ngawt.Ka khaw chhungah hian mei an chhem amaw tih mai turin ka thinrim lutuk chu ka sa vek thei.








Ani chhuahhnu chuan an insum thei nganglo nge an nui ri nghal hawk hawk a,chair nawr ri deuh rawk a ka ding hluai chu an nui lai tawpin min en nghal ṭhap.Choka aṭang chuan ka pen chhuak a Min au zui pawh chu ka hria mahse chhang buailoin kawngka pui lam ka pan a,ka chhuak nghal.








Kha tiang teh fa ko a inhmuhsitna kha ka la tawng ngailo.Anni kha chuan fiamthuah an la thei pawh a nimahna,mahse ka thei ve lo.Malsawmin min nuihzat hmel taka min melhna khan min ti tlawm ngawih ngawih niberin ka hria.Mahse a lehlam zawnga ngaihtuah chuan rilru te min ti ngawtin ka ring.Nilo khatiang a,hmelhriat ngailoh bula beng ṭhalo anga in chhuah kha tu pa fa mah an lawm biklo ang.Thinrim lutuk in lei chu ka chhuih khu luih.







"Zira"tim dai a rawn titu lam chu hawiin ka melh tur nghal khai a.Zum hmel deuh hian ka lam panin a rawn pen chhet chhet.







"I pawi ka sawi chuan tihpalh lutuk,i thinrim ka ringlo a"ka bulah a rawn din rualin inthlahrung dêkin a ti nghal sap.Ka thing nek dawn a maw ni.







"Lokal rawh lut ang,i beng aṭha tih pawh ka ni kha ka hrilh nghal vek" Ti lehin a hmui a pet sawi zauh,a ṭawngkam hman danah hmeichhe ngeiawm thiam tak kha a lang tawhlo hrim hrim.Chu ai chuan hmeichhe nunnem tak leh mi pawi sawi hlau tak a ang zawk mah.A sam sei hniang chu thliin a chhem leng dar dar bawk nen,a hmai a zar leh ṭhin chu a kutin a hui kiang leh zauh zel bawk.







"Lut vat ang ka tan a nuamlo ania"a ti leh sap a,a ṭawng zawng a a hmui che vel chuan ka mit a la tlat a,ahmui chu ka melh ding ngar thung.







"Ka ning,i rawn luh dawn loh chuan..."a ṭawnglai chu ka hmuiin a hmui ka khar sak hmiah a,ka chet dan chuan a ṭhawng bawk aniang a taksa akhawng nghal lah.





Hmmm ngati nge a tawi theih em em.....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)