Ka pu te in kan thlen chuan an awmpui te pahnih chuan min lo chhawn vat a " Ka tuni hi VIP room kha lo buatsaih sak ta che u" a ti sup a."bawihi i chawlhhah dam duh chuan a theih reng a nia, hna tlem thawh tur ka nei a,ka han ti zo ang e"
"Awle ka paw" nuih sang pah chuan ka ti a.
Ngo veng te ve lam chuan nui sanga ka pu chu chhawn varin ka bag lak pah chuan "min lo zui rawh ka pi" ti in kan dinglam chu a pan a. Ka zui ve ta nghal a. Room lian leh zau tak chu ka en kual ruai a, ka in zahve tiah dawn kha a a ni.
"Ka pi mamawh i neih chuan ka awm reng a nia"
"Zozo ti in min ko thei ang" ka lo ti a
"Awle ka pi ah...Zozo" nui sang chuan a ti a.
Khum lian leh dup nuam zetah chuan thu in thil chu ka ngaihtuah nauh nauh a. Haw leh mai te chu duh rum rum mah ila ka pu ka phatsan ngawt thei bawk si lo. Ka rilru hi a hah ngawih ngawih, tukverh pawn lam chu ka thlir vang vang a. Eng thawl taka sava thlawk delh delh mai te chu ka awt rum rum hial a ni "lalpa min pui lul ang che" ti in ka phun sap sap a.
*RAFAEL ZOMUANSANGA* POV
In ka thlen chuan an lo reh thap a "Nunun khawge ka nu leh ka pu hi?" Ti in kan awmpui nu chu ka zawt a.
"Pu chu a officeah awm a, pi chu ka hrelo" ti chuan min chhang a.
"Awle, ka nun min lo zawn chuan ka in bual thu i lo hrilh mai dawn a nia" ti in in chung lam pan chuan ka kal ta nghal a.
"Awle, ka pu"
In chung lam pan chuan ka kal ta nghal a, ka in ti fai zo tih chuan chokaah eitur zawng turin ka kal chu hmeichhe pakhat thleng lo sil ni awm tak a tuidehna a eng nge maw lo khawih neuh neuh chu a hnung atang chuan kawngkhar biang hngeng chuan ka thlir reng a.
A sam awmze nei taka kir deuh chiat,senduang deuh tar sei sang mai te chu a in hmeh hle mai. A kawngfek rat leh a bawngbawr nalh leh lian lam tak chuan a mi hip dan a dang zar mai. Ka bawiha che tual tual chu ka feel thei
A kut hru a, a lo hawi chu a phu zawk a ka nuih a za ru viau, a hmelthat zia chu(h).....
Ka en loh theih loh a awmbawr khawh lah te chuan ka bawiha a kaitho tha lutuk chu a mak zawk. Awmpui thar a ni ngei ang, nawm chen nana ka hman loh chuan a mak khawp ang "tunge? Awmpui thar em ni?" Ti in mit ko san ak chuan ka ti sup a..
"Aa..." A tih lai mek chuan
"U Zozo....thleng i lo sil law? Tinge i lo sil duh" ti in Nununi(ngoveng kha) chuan a lo ti a.
"Aaa..tih tur dang ka nei chuang hleinem" ti in a chhanga.
"Chuan ka zawhna ve kha?" Ti in ka lo zawt a.
"Aaa..ihh eng lo..ih ka" ti a sawi a tum chiah tih in
"Bawiha tah nimaw i lo awm, Sarah chaw eiah ka sawm a" ti in ka nu chuan a lo ti a.
"Zodin hetahte eng nge?" Ka nu in a tih lai chuan
"In awm kim tawh a maw...thutkhawmna pindanlamah lo phei rawh u ka tunu nangpawh" ka tunu!! a nih chuan ka cousan tih na mawn le!!!
Thutkhawmnaah chuan kan thu thap hlawm a "ka pu thil pawimawh a awm em ni?" Ti in ka pu chu ka zawt a.
"Bawiha, thu khuh vak hi ka thiam ve lo tih i hria a, nupui nei turin ka duh che a ni" ka pu thil sawi chu ka hresual a nih te ka ring mah.
"Ka pa, eng nge awmzia sawi lawk pawh awm si lova?" ka nu chuan a lo ti vat a
"Pu eng nge awmzia ka va hrethiam lo ve? Chuan tunge ka neih tur chu?" Zodini tia an koh chu ka pu chuan en in "Zodini hi i nupui atana ka duh chu a ni"
"Ka pu, nupui neih ni ka la duh reng reng lo, heihi chu ka duh thlan tur a ni dawn lawm ni" lungawi lo zet chuan ka ti a.
"Thlang thei pawh ni la thlan i tum dawn chuang lo tih hre lo tur khawp in ka tupa hi ka ngaihthah lo" ni e a sawi dik thlang thei pawh ni ila ka thlang dawn lo, a chhan chu nupui neih ka duh lo.
"Ka pa...." "Nang chu lo ngawi rawh" ka pu chuan ka nu chu a melh run a.
Chu nu Zodini an tih pawnlama angel chhunglama dawithiam pitar chu ka melh run a. A ni pawn min melh let ve kar saw a hmel pawisawi loh ang tak phena phakarna\vertherna saw ka hmuh hmaih hauh lo. Engtikah mah ka nei lul lovang.
Lawm lo tak in thutkhawmna pindan chu ka chhuah san a, kawngkhar chu na theih tawp in ka khar bur a. Ka bike chah bi la in ka chhuak ta daih a.
*ZODINPUII* POV
Rafaela chu a thinrim hle a,he inneihna hi a hrie lawk bik lo tih ka hre chiah. A mitmeng paw chial mai mei alh ang maia sen vam ta hiam maia min melh ngur na chuan ka ti ril a fan mahse tlawm mai erawh ka tum bik hauh lo. Mahse ka tha khur dar dar leh ka thlanfim bawl tiam tiam vang chuan thupsen rual a nilo.
Rafaela nu lah chuan nangmah vang tih melh in min melh a. A fapa chu au in a um zui nghal a.
Sofaah chuan ka thu thla hnawk a, ka malchunga ka kut dah te chu a khur dar dar a "Pu khawngaihin min haw tir leh zawk mai rawh heti chuan ka awm thei lovang" tap tiau chuan ka ti a.
"Ka tunu,lungngai suh eng kim a tha leh vek ang ka tiam a che chuan nangpawm i hria ni lawm ni ka tupa hi a in siam tha lai ngei hmuh ka duh a ni tih hi?"
"Mahse ka pu...."
"Shhh....lungngai reng reng suh engkim a tha vek ang a la pawm thiam lo em a nih kha" ti in ka hnungah chuan a beng thak thak a.
Khumah chuan ka in ngaihtuah ngut ngut a. Ni eng zung in ka hmai a rawn chhun takah chuan ka meng tlang tih ka hre nghal. Tho tiah tiah in in ti fai tur chuan washroom lam chu ka pan a.
In hnuaiah chuan chhuk in ei siamte chu puih tum in, choka chu ka pan a. Nununi chuan min lo nuih leh sang tawh,pakhat hi chuan min nel vak lo a nih hmel "tinge hetah te i lo kal duh a? Pu in a hriat chuan a lawm lo khawp ang" ti in nui sen sen tho si chuan min lo fiam a.
"Rawngbawl te hi chu ka thiam ve zawng tak a nia lawm" ti in nui sang chuan ka lo ti var a.
"A nih chuan salad i siam thiam em?"
"Aw thiam e, khawi kan lo siam ang" ti in phur tak chuan ka che sat sat a.
Nui hak hak chuan Nununi nen chuan kan ti ti a. Tomato ka chan lai mek chuan "Helai hmun hi i chhuah san dawn nge ka pet chhuah kher i ngai zawk dawn" ti in nelawm na awm hauh lo chuan Nu Siami (Rafaela nu) chuan a rawn ti a.
Ka thil chan lai chu ka dah ruai ruai a "Nang ang thingtlang nula mawl mang zirtirtu satliah ve mai mai hian eng tin nge ka fapa hi i beisei ngam zawk a?" Ti in a tui ken lai chuan min rawn theh thawt a. Te thawtin ka thutna atang chuan ka tho hluai a "kha kha i chan tawk a nih kha" ti in no chu dah ri chawrh in choka atang chuan a chhuak a.
"Awi..!!! U Zozo a van pawi tak" ti in puan fai chuan Nununi chuan min rawn hru a.
"Aih, a pawi lo ka chan tawk chiah a nih kha" ti sap in keimah chuan ka in hruk chhunzawm mawlh mawlh a. Ka mittui chu a tlak loh nan ka khap per sak sak a.
"Chuan nangmah hi maw? Pu in U Rafaela nupui tur a tih chu" Pakhat la ngawi char chàr chuan a ti a.
"Aw ni e"
"Ha...nang ang thingtlang nula ve mai mai tan chuan a sang bawk em a ni" a tawng duh dan chu ka haw tak zet.
"Hlui.." Nununi chuan a lo ti vei that a. He nu te hi chu ka lawm reuh ngawt mai a tet ang ai hian a huai zek leh nghal ah...
"Pu in i tih dan kha hria se chuan a ban duh hial ang che" melh rum pah chuan a ti ve ngei a, lawm awm leh lutuk. Ka nui hak chu hrethiam lo tak chuan min en ha a
"Min hrethiam rawh mahse i duhawm lutuk a" tah nuih hak chuan ka ti a.
"Hmmm....duhawm ka duh lo, chhiatloh ka duh nangmah anga chhiatloh hi" ner nang chuan a ti reuh a. Ka nui ta hak hak a "taktak in u Rafaela nupui i nih chuan a nuam ngawt ang" ti in min hnem tum tak chuan a ti a.
"Nia, mahse a mah hian min duh ve vak lo a nih hmel" ka ti sap a.
"A hriatchian hunah che chuan i zunah hian a la tuiral lo ang tih pawh a sawi theih loh, hmeltha bawk piannalh bawk" ti in a nui vei hak hak a.
*RAFAEL ZOMUANSANGA* POV
In ka chhuah san hnu chuan barah kal in whiskey chu ka in nghek a mahse ka rui thei hauhlo. Ka sira hmeichhia min beisei lutuk a, rawn in kapparh hawr hawr te chu ka engahmah a thawk lo "e he...Bro hetah eng nge i tih a? Inah tih tur hmanhmawh nei ang khan i in sawi sia, hei tunah hetah i awm leh daih bawk si?" Ka Bff Zico chuan ka hnunga rawn ben thak pah chuan a ti a.
"Bro thil diklo a awm a mi? Nge mi in i lung an ti awi lo zawk ? Min hAn hrilh teh" ti in a kawr ban chu a hlim chho vel a. Hepa hi chuan thutak a pai hlawl lo
"Hmeichhia kut i thlak ngam dawn mi?" Ka tih chuan ka bulah rawn thu in hnaiset sawta min en chung chuan
"Hmeichhia?? Hmeichhia maw? Bro eng ang hmeichhia nge hetianga siam thei tu che chu ka hmu ve duh" phur fahran chuan a ti a.
"Kal teh hmela chutiang lam a nilo" ti in ka nam dawt a.
"Tak tak in hmeichhia maw? Tu hmeichhia mah i thutak pui ngai silo a" mak tih hmel tak chuan a a ti a.
"Ka pu in ka nupui tur in hmeichhe pakhat Zodini ni ta in ka hria kan inah a rawn hruai lut a" ti in whiskey chu ka tlak pawp a.
"E khai a!!! Ka pu chu a va man ve" a thil sawi vang chuan ka melh hrawk a "tak tak a, a va ti mak ve ka pu chu a rawn hmasa miah lo che a maw?"
"Rawn kil kel lo"
"Ka rawh bro kha ti ber bur chuan engmah i siamtha chuang lovang in tih hlim tum phawt zawk teh ang" ti in min pawt dawr dawr a.
"A va mak nawk nawk ka kal ve thei" ti in min pawh na chu ber per in a mah chu ka zui ta a.
Hotel pakhatah chuan hmeichhe pathum te nen chuan kan kal ta a.
"A mak e, bro ti teh kha ti ber bur khan awm lo teh kha i bula mi te i ti phur lo" sofaah chuan thu in ka melh ngai chu ka melh run a. Zu chu ka tlak leh pap thin ka rui thei hlawl lo, ka mitthlaah kha nu hmel kha a lo lang a. A hmel angel ang mai phenah khan dawithiam pitar verther tak a awm chu a ni si. Eng ber hian nge ka thin ti rim em em pawh ka hrelo e a.
Tho thurhin "ka mu dawn" ti in room lam pan chuan ka kal ta nal nal a.
Lu na bur chuan ka tho chhuak a. Keimah chauh in ka lo mu a nih hi.
Ka phone ring ral ral chu peih lo zet in ka chhang a "aw hellow"
"Khawnge i awm rawn haw nghal rawh" ka pu aw chu a nel awm teh chuan loh.
"Kha nu kha ka nei chuang lovang, nupui neih ka la duh lo" ka ti bung vut a.
"A tha e duhthlan tur ka siam sak ang che mahse lo haw hmasa rawh, i duh thlandan a zir in thil a kal ang"
"Neihloh ka thlang tho tho ang" ka la ti fan a
"Kan hria ang chu" ti in phone chu a off a. Peih lo zet a tho chhuak in washroom ah chuan ka in tleuh a. Ka zia hawk in ka hria. Hotel chu chhuahsan in kan in lam pan chuan ka in khalh chhuak ta nghal a.
In ka thlen chuan ka nu chuan min lo chhawn vat a "Bawiha ka ngaihtuah zia che i hria em? Phone i chhang thei bawk si lo" ti in a lo vui nang nang a.
"A pawi hle mai nu"
"Chawte i ei tawh em?"
"Aih, ka pu ka hmu phawt anga ka lo kal ang" ti in in chung lam chu ka pan san ta a.
Zodini'n min lo en reng tih ka hmuh chuan melh hrawk in in ka pu room lam chu ka pan ta a.
Ka pu room chu ka kik karh karh a "lo lut rawh" ka lut nghal vat tukverh atang chuan pawn lam chu a lo thlir vang vang a "tah khan lo thu phawt teh" ti in thutna awm rawn hawi phei pah chuan
a kawk zeuh a
"Pu i thil sawi tur chu?" Ti in ka zawt daih a.
"Chu ti tut tut tur maw? A tha a lawm" chairah chuan a thu leh te te a "he inneih na hi i pawm a nih chuan hein ka ro sum zawng zawngi hminga awm sa hi ka sut lovang" a ngawi dat a "a mah erawh chu he inneihna hi i pawm lo a nih erawh zawng in engkim i hminga ka dah sa hi ka sut vek ang,companya i share thleng in" ka pu thusawi vang chuan ka in seh ruh tawlh tawlh a.
"Ka pu chutiang thil chu i ti duh hauh lovang" ti in sehchilh lek lek chuan ka ti a.
"Ti e, ka ti khawp ang" tumruh hmel tak chuan a ti a. Ni e, ka pu hian a ti duh tak tak ngei ang.
"Ka pawm e" kun lap chuan ka ti a. Pa kut chu ka hum ruh tang tang a.
"A tha e ka tupa, kha ti mai tur kha a ni" ,"Zuala in hualna tur kha lo buatsaih tir ta che, ka tupa leh a nupui la ni mai tur Zodinpuii hming in" ti in a secretary chu a tir nghal zat a "a nih chuan ka tupa min chhuah san tawh mai ta che hna ka ngah lutuk tlat" ti in leh kha pawimash chu a en fel mawlh mawlh a.
Ka pu room ka chhuah chuan ka thaw hak a "bawiha eng nge thleng a inneihna chu i pawm em lo tiraw?"
"Nu tunah chuan engmah ka sawi peih rih lo" ti in in hnuai lam pan in ka chhuk thla a. Kan in chu chhuah san in Zico te in lam pan chuan ka in khalh chhuak ta a.
"E khai mo pa tur chuh...." Zico te in ka thlen chuan Zico mi nghal zek zawka chuan a lo ti hluai a.
"Rafaela chu min sawm ve ngei a ngai ang, nupui i nei hmeltha dawn ropui si" ti in nute Maruati (Zico nu) chuan a lo ti var a.
"Niah, kan la sawm ang chu" ti ringawt in ka nui tawi tak a.
"Kha tin awm vel reng reng suh nang chu nupui hmeltha lutuk i pu in a zawn hmuh sak che a, hei Kan Bengtulula ve hi chuan tu hmel min hmuh tir reng a tum ve lo a nih hi" ti in nute Mahruaii chuan Zico chu a melh ram ram a.
"Eeee...nu lung ngai reng reng suh i fapa hian Rafaela aia nupui hmeltha ka nei dawn a lawm" ti in in rin tawk hmel tak chuan a awm chu an pho vei lah a.
"Chhe ve siah, veng thlang nuthlawi bak ruk tur i hrelo ange" ti in nutei chuan a la melh ram ram a.
"Aaa..nute Zico hi luck ve lutuk tunlai tleirawl duh chi a nia" chhan a beisei em vang chuan ka lo tih sak sup a.
"Nupui i ruk ve hunah ka u kan tih a ngaih loh hram ka beisei" ti in nutei chu chokaah a lut ta daih a. Keini pawh Zico room ah in kawm turin kan chho ve ta nghal a.
"Bro, zeplo chuan i nupui tur chu a chhiat loh em kha khatiang i pu in a zawnhmuh sak che a lawm zawk tur i ni in ka hria" Zico chuan a ti sup a.
"A mah ngawr ngawr kha buaina a nilo, nupui neih hrim hrim hi ka duh lo" ti in ka chhang a beer chu ka in pah khawlh khawlh a.
"Aaa..i nun dan chu a tih buai phah vak chuang nang, a zaidam hmel kha"
"Kha a hmel pawisawi lo ang tak phen a dawithiam kha ka hmuh hmaih lo, min nei hi in chhir ram ram tur in ka la siam khawp ang" ti in tumruh tak chuan ka ti nghet charh a.
(A leh pekah chuan hei ai hian a sei deuh tawh turAh ngai ang aw....khawngaih in ka story te hi i lo ngaina a i lo chhiar ve thin a nih chuan likes,cmt te kha min lo kep sak hram tur in ka ngen a che..
