By~Natasha Hrahsel
Caroline pov.
Ka awmzawna lu nghat chunga "ti mai mai lo la ka ti" ti sup tu vang chuan ka thlarau a thlawk chhuak dawn maw ka ti hman ..Nizana ka chet dan te kha ..uh .. Mi mawl nu ..
'Professor'
"umm" arawn ti sup ..enge ka sawi tum ber pawh ka hre chuanglo !ka awm dan laikual vel lutuk vang hian ka tung tho nawlh mai dawn mawnle.Chu em chu tih chi ani chiah bawk silo .Huiham ka atchilh lutuk pa vang hian ka che buai vek chu anih ber hi!
"sawi la ,bawihi" rawn dak chhuak in a ti sup.Tiang em em a in hmuh hnaih te chu..
'ih..haw tawh ila ,ka nu leh pa ten minlo ngaihtuah tawh ang' kati sep.Nui sukin luthing nghutin a tho ve mai bawk a ,ka thaw huai thei! Min delh pêr thei ang min delh reng se chuan..
Ka tho ve thuai a ka thawmhnaw hak chu ka insit leh laklawh.Professir chuan min rawn vutin a kawrchungin min rawn khuh a .Ka ngaihtuahna ahria ani mahna !
"kal ila" ' umm ' tisepin kan inzui chhuak a ,ka zurui in ka duhthu ka hrilh chiam bak kha chu engmah ka hre zui lo kha nia!Helai hmuna kalo awm rikngawt dan pawh ka hrelo ! Ka car tekha khawi ah nge maw a awm ni.Buaithlak ve aw..ka rilru buai in zu kalo in ve ngawt vang vek.
Professor chuan kan in thleng min thlah a .Ka nu leh pate chu hna an kal tawh ka ring lo la awm pawh nise min hauh ka ringlo ..Chhuk thurhin kawngkhar ka khar tur chu a thu rawnsawi vang chuan ka tawp chawt..
"Nizan anga rui khan awm tawh suh ang che ,chuan khatiang thawmhnaw kha inbel tawh suh ang che ka bulah lo chuan " tisupin mit min sia suk! Na tawkin kawngkhar ka khar dawp..Min van tilai hnem tawh tak! Kan inlam ah chuan a tlan in ka tlan lut ani ber .Motor instart thawmin a zui nghal a .In ka lut chu ka nu leh pate pawh hna lamah anlo chhuak tawh tak tak.Anni tluka mahni hna tlin hi chu an awmlo ve viau ang.An fanu ngei pawh hian ka tluk lo.ka room lam ka pan chho a.Room ah lutin ka inbual fai nghal zung zung a,bathroom atang a ka chhuak chu ka ph a lo ri chiah.Ka pick up vat..lehlam atang chuan Mary'n
"Nizanah Professor nen khan enge intiha ,min ti buai lutuk?Nanghi abulah i riak ami?Tinge ka call zo zai che kha i chhan loh a?" a rawn ti phiar phiar
'engtin nge ka riak chhuak tih i hriat?' a zawhna zawng zawng chhanglo in ka zawt let huu...Ka riak chhuak tih engtin nge a lo hriat le!
"Mi â nu ,Proffesor in min rawn hrilh" a rawn ti hrep.Ka bengdar a thlawk chhuak lo chauh.A aw han that zia mai chu!
'ihmaw nizanah ka rui vak a ,min buaipui a' thudik leh dawt tlem phuah belhin ka ti ta tawp.Anihloh chuan min ngai khawlo lutuk palh ang.
"nge chutiang te a zu i in a ,engpawh nise tihtur ka nei a ka dah phawt kinah kan sawi zawm leh dawnnia" tiin ph a titawp nghal ,min zawt nawn tawh lo se ka ti takzet.Ka nungchang inthlak danglam ta lutuk chu ka ngaihtuah rauh rauh,ahma chuan tiang em em hian thian ka kawm ngailo a ..thian pawh Dhanvi lo chu ka nei heklo.Tin ka tawng mawh hle bawk thin a ,Ka kâ tanga thu chhuak reng reng tan bulh ang mai in a bul hmuk thin bawk.Mi ngainat ka hlawh ngai lo a ,hnam dang zinga tal tam ta nafam chuan midang ka pawh lo bawk.Ka u thiante lo lên chang pawhin ka room ah tawmin rilru ka kawm mial mial thin a nih kha!
Nilengin ka room ah ka tawm a,achang leh ka mu a ,achang leh inhnuai lamah ka zuk chhuk leh ang nawlh zela ..Tihtur em em kan nei silo,nei pawh ni ilang ka ti ngai chuang tawp silo.Kan awmpui pakhat zawk pawh alo awmna a rei leh deuh tawh.Kan driver ka hman bik thin pawh kha zirna lama insawrbing a duh a ,a bang a.Ka pan driver dang min ngaihtuah sak a tum nangin keiman ka khalh thiam tho vangin a tul loh thu ka sawi anih kha.
Zanriah te kan eikham hnu chuan ka room lamah bawk chho lehin zirlai ka zir tan a ,darkar khat dawn ka zir hnuah ph call ka dawn vangin ka khup thawka ,ka ph ka ban nghal vut ..nb lawng atang anih vangin lakloh ka tum zet a ,ka pick up ta tho..
"Bawihi" ka phu chiang lutuk !Professor aw ani chiang lutuk! Engtin nge ka nb a neih theih le..
"i nb ka neih dan chu ngaihtuah duh suh"ka rilru hria ni awm takin a rawn ti vut....
'aw..Professor tinge minlo biak' ka ti bah nak.
"ka biak nan che chhan a awm kher angai a mi" arawn ti sup
'Ngai chuanglo e ..mahse minlo be sia ' sawitur dang ka hre thlotlo...a bul hnai a ka awm lo chung pawn ti khawp hian minti buai ania! Hahthlak hian..
"ka ngai che ti ila i awih angem " 'umm...ah.. Ka sawi awmzia chu englo min ngailo ..oh..sorry ' ti vutin ka dah nghal hmak ..pawi lutuk ka buai zo vek .Enge maw a sawi kha le!..Aaaa Professor hi chu abuaithlak..A bula ka awm leh ka che buai a,ka hnaiha a awm loh in ka buai bawk! Hahthlak..
Ni chu a liam zel a,kar khat dawn a ni tawh Professor kha a reh ta vung vung a,ka ngai takzet! Min rawn biak ve tur ania tih ten ka ngaihtuah leh lawi a! Ve ngawt thin hian..College pawh ka kal pangai khawp. Mangchhia vangib ka mu mumal leh talo fo thin. Ka taksa pawn a tuar leh deuh tan a ,ka nunchang harhvang tak kha arit leh lûk tan tih ka hrethei! Mak takin Professor bul hnai a ka awm khan ka z*ng huai thin a! Ka hmuhloh rei deuh leh ka rit lûk leh ang lawi a! Kan zanriah eikham ka room lama ka chho chu ka ph inring zo chiah tih ka hmu ,ka pan vat a..Mary missed call sawm dawn alo awm! Ka call back vata
"aw minlo call let chu avan tih zia tak..thil hrilh tur che ka nei chuan tinge ka call ilak loh a?" arawn ti nghal tawn tawn..
'sorry ,ka ph room ah ka dah daih a ,chuan engmaw min hrilh duh' ka ti sep..
" ih maw i awihlo ve ngawt ang ,Professor Abarim te nupa an inthen " 'maw..' ka ti nghal nghek..
"aw.. An inthen chuan an inthenna pawh ni li dawn ani tawh.Atir chuan ka awih biklo a ,mahse a nupui u Atlani kha a uire lawm .Chumai anilo a uire na pa chu Professor unaupa... nilo a cousin zawk lakah ala ni zui...An tenawm dun iti ve em ,u Atlani pawh Professor te ang mipa tha lutuk han uire san" a sawi chhung zawng chu ka ang pham hi ni ringawt ! Mak kati lutuk tlat." hello Caro i hre thei em" 'umm tunge an in then chhan hrilh che ' ka ti nghal vut..
" ih maw keipawn a tir chuan ka awih lo ve lutuk a maw mahse Kimi sawi ani sia awihloh ngawt tur thu awm silo U atlani nau ngeiin a sawi chuan"
' umm Mary kinah kalo be leh ang che aw' a rawn chhanlet na pawh ngaihsak lo in ka dah daih.Professor te chu a mak hle mai .Chu ai maha mak ka tih chu Kimi'n tinge a unaunu sualna thup pui miahlo a a uire chungchang a sawi darh chiam mai le! Henu hi chu a mak thlawt!
Professor te nupa intthen vang chuan kalo hlim rilru ve ngawt a.Ka rilru han chhiat zia hi chu aw! Mahse dem theih ka nibik pawn ka hrelo.An in then chhan pawh ka ni lo a,bakah kilkhat a lo atchilh ngawih ngawih tu tan chuan thu lawmawm tak tur ani ringawt.Kei pawh hi an inthen vang ngawtin kalo hlim a ,Professor in min duh ve ngawt dawn tawp silo..
Monday ni a ni a,College kal turin ka insiam mek ka ph lo ri chu Mary anih ring in ka ban thuai a ,Mahse Professor Abarim maw! Areg vang vang a alo lang leh ang nulh zel a.'Hello ka ti nghal sep'
"Caroline " a rawn ti dam raih ! A aw ringawt pawh hriat chak khan karkhat ka hmang liam ringawt tih hi a hreve der silo..
'umm Professor' ka ti sep..
"Professor.." arawn ti ve sup.." Khatia koh theihna turin nihna ka chelh tawhlo,Mahse i ka tanga Professor tih thu a rawn rik hi chuan ka lawm viau lawi sii" enge maw a sawi tum ber le ..?
"Vawin lam enge itih dawn" a rawn ti leh sup,vawin te chu college kal angai tih a hre ve awm tho sia..'College ka kal ang' tha tak chuan ka ti tha ve mai tho bawk a.
"ok, ka rawn lam ang che ...Chawhma chu kal lo mai rawh" ti vutin a dah daih nia! Khawnge maw min hruai a tum le?
Professor ka hmuh dawn vang mai chuan kan in chei tha leh ta ringawt a..ka torn jeans hak chu cotton jeans tight tha tak in ka thlak a,ka offshoulder hak pawh kamis var sar taksa phuar lam hret aban lase chuan ka thlak nghal vut..darthlalang a ka in en chiah erawh office kal tur ka ang lutuk chu ka kamis hak ka phelh a ka hak hmasak zawk ka ha leh ta ringawt.Ka in en leh ngial pawn kala lungawi chuanglo! Pawilo kal tawp mai ang .ka bag lain inhnuai lah ka chhuk a pawn ah chhuakin gate lam ka pan .Professor chu bolero kawnkhar nghengin alo ding rûn tawh!
'ka rei em' ka aw tehrep chu phur lutuk aw a ang takzet.
"Nope ,lut la" tiin kawngka a hawng zui a ,ka lut ve mai.Easy minti lutuk angem le?a thu vawi khatmah ka lo hnial eih lo kha ka inchhir leh hnuhnawh.A mawihnai tal ah lo hnial ve deuh tal ila..huizz amah anih tawh hi chuan mawilo pawh ka hrechang tawh thinlo!hahthlak hian..
Khawnge maw min hruai dawn le? College lam kan pan leh bawk sia! Professor lam ka melh vut,a motor khalh chiah ngaihtuah ni awm takin hmalam a melh ngûr..
'Professor khawnge kan kal dawn ,tinge min hruai chhuah a'ka ti sep,khi sak chungin min rawn melh zawk a hmalam a hawi leh nghal..
"ka inah ka hruai dawn che" 'maw..' ka ti nghal vak
"Calm down bawihi..hrilh duh che ka nei mawle" chu pawh nise tinge a inah kher ! Hmun dangah pawh min hrilh thei tho sia ..Ani pui hian an nupa inthen chhanah min puh a tum a mawnle ! Mahse chutiang chu anih ka ring chiah silo.
Tuikual lamah chuan min tlanpui zel a.Motor ti dingdatin Watchman ni awm tak a au a gate lo inhawng riai riai ah chuan a tlan lut nghal .Professor in chu lian ve tak ani,chhawng hnih niin a felfai thlup bawk si ka sawi thiam dan berah chuan sap milar ho in enkawl uluk tih hriat taka thianghlim leh felfai thlup nen ka tehkhin ber.Kawtzawl anei zau tha bawk a,tin awmze nei zetin thingkung buk thazet a in phun thlap thlap bawk.
Ka banah min kai in inchhung lamah min luh pui a .Lalpa! Awihawm loh khawpin a chhung cheidan a mawi ,tin a fai hle bawk .
"enge i hmuh dan"rawn ti supin ka hnunglam atang min rawn kuah! Ka taksa a tangru nghal teuh ..'ih a mawi lutuk' tisepin ka tal eih a ,min thlah ve mai bawk .Min rawn kal pelh chuan 'ih Professor enge kan tih dawn?' ka ti leh sep ..
"enge kan tih ang ..Movies en nge eitur siam i duh?"ka zawhna zawhna bawkin min chhanglet leh a! Vawin a chetdan hi amak takzet.'I nupui nen inchungchang kalo hria a ,pawi ka ti lutuk' ka tih chuan "takzet "a rawn ti hluk...a hua anih ringin inthlahrung dekin ka melh a "keichuan pawi tihna ka nei hauhlo" ti sup in ka banah a rawn pawt thut a,couch ah chuan ka bawh ti tih!
"Pathlawi ngaihzawng nih i duh em?"nui huk chungin a rawn ti thum dut!A nuih zawng chuan a taksa ka bawh miau avangin ka che ve det det bawk a.Mahse enge a sawi awmzia kha! 'enge awmzia' ka ti thlawt..
"Ka sawi chu nang pumchhum tham lek te hian kei pathlawi nihna chelh tan mek hi ngaihzawng atan min duh em tih ka zawt che"
Awi! ka lai hû ringawt !ka tihngaihna hrelo chuan a awmah ka hmai ka phum ta ringawt..Rawn nui nghawr leh datin ka sam a chul hliau hliau a. Aw ka ti ang nge engtin nge ka tih ang ? Aih tih chu khawilam ,ka phal mawlh lo.Ka duh leh âtchilh em em in a ngaihzawng atan min sawm a aih kalo ti anih chuan mi â let der ka ni ngei ang.
"Bawihi ,i chhanna ka nghak ...i duhlo tihna anithei ngem"
'ka duh reng' dak chhuak meuhin ka sawi a ,rangtakin a awm ah bawk ka hmai ka phum leh nghal .Professor chu rawn nui chhuak hawkin min kuah bet ta hlûn a .Ka pian a hnu lama ka la hlim tum ber ani ngei ang.Easy minti angem tih lam chu ka ngaihtuah peih lo law law,ka ngaihtuah chhungin a thusawi a thlak hman ang tih ka hlau zawk.
"Anih chuan Pathlawi ngaizawng tunu,reilote muhil lok ang" khi suk chunga tiin a chehrut a ,a kil lamah saisirin ka mu der .Atawt lutuk chu a tla daih ang tih ahlauhawm zawk! A mamitchhing zui a hrehawm atilo ani mahna ,a pangtilum huam mai nek telh telh chung chuan ka mit ka chhing ve zui a.
Hetiang tak hian nun hi ahlimawm tih reng kalo hre hauhlo.Professor Abarim nen pawh kar hnih dawn kan inzui tawh! Kan chungchang erawh Mary chiah ka hrilh,chuan tunhmaa kalo duh zia leh vei thin zia ka hrilh hnu khan min lawmpui ve thei ta hram .Ani chuan tlangval pangai tak ngaizawng turin min la duhpui tho ,mahse kei chuan Professor lo chu Mipa dang melh pawh ka melh peih eih lo thung.Ka nu leh pa te erawh ka la hrilh lo , pathlawi chupawh nupui thenhlim hlawl an fanu nen an inngaizawng tih hrilh ila engtiang takin nge an awm ang tih ka ngaihtuah apiangin hrilh tuma ka awm ka thulh leh thin.Nakinah chuan hrilh hun te ala awm ve mahna .
College kal turin in ka chhuahsan a ,Car chu parking vel a buaithlak em vangin scooty ka keng ta zawk .Professor pawh tukin atang kala be theilo a buai viau ani mahna .Delhi ah sumdawnna vangin ni hnih chhung cham turin akal a ,nizanah rei ngial kan inbe bawk a.Kan inngaihzawn hnu hian nitin inhmuloin kan awm mang lo.ka college kal tur min hruaiin min thlah leh thlap a ,a chang zeuh zeuh in zan lamah kan inhmu thin bawk tlai lamah erawh kan inhmu ngûn malh malh hle! Min fiam kual mai mai anih rin chang ka nei fo a ,mahse chutiang tur chuan ka ngaihtuah thui duhlo.
Traffic ala tawt vak loh vangin leh Mary an khaw lama a haw zawk nghah a ngeih loh vangin College ka thleng hma hle.Chuti chung chuan zirlai anlo tam leh hman tho.ka scooty chu park tha in ka helmet seat hnuai ah ka dah a,college ah ka lut nghal.
"induh nu ,minlo nghak" rawn titu lam chu ka hawi chuan awmpuia alo tlan dawr dawr.Hepa pawh hi Mary a awmloh chuan ka bulah a tal chawt! Thiante pawh a ngah nen min ngai viau ani mahna .
Ka bul a rawn thlen chuan ahah em vangin kan ding leh rih .Mipa ve si in fit lo reuh lutuk. A hahdam deuh hnu chuan muangchang in corridor ah kan phei a chutih lai tak chuan kan hnung lam atang Kimi rawn tawng dan vang chuan kan ding chawt!
"Ka sawi chu i hria em Caroline ,mitenawm nu ..huh i hming tehhrep pawh hi ka lam peih hrep lo.Mi pawmlai ngaihzawn chu enge a an . ka unaunu dawt a puhin U abarima i chhuh sak a .Tenawm lutuk ,tiang mihring hi emni ilo nih a ,nge ni a itaksa nalh tak hmang khan ilo lem kual vel zawk"
'ngawi hmak rawh ' ka ti hrawk.Zaklo lutuk Professor te nupa inthen chhan chu amah ngeiin chiang takin a sawi kha mawle! Chuan tunah an inthen chhanah min puh leh a.Zirlai tamtak te chuan mi tenawm melhin min melh ni berin ka hria!
"Thudiklo sawi ka nei em ni? Nge i nihna ka sawi chu i haw viau zawk" a rawn la ti ham ham !ka thinin a tuar tawh thlawtlo,pan hnai vutin a samah ka kek ta nawk nawk .Ani pawn min khawih let nual .Student dang te chuan min rawn pawt hrang ta hlawk a ,ka thinrim lutuk insum chu ka puak keh mai dawn in ka hria .Min dawm behna chu thing nawkin ka scooty dahna lam ka pan mawp mawp.Awmpuia mi rawn auhna pawh ka hre chang tawhlo.
Thinrim zeta inkhalh haw in ka room ah ka lut a ,ka thin phu dup dup rawn chhuah tum ni awm fahran khawpa phu nasa chu hrawm tawkin ka theih ang anga na in ka bungrua ka sawi sa ta chiam ..Ka chet peihloh hnu chuan bang nghengin ka thu thla dawt a ,ka tap khur ta ngawt ngawt..
Khatiang taka zahna kha kala tawng ngailo! Engtin nge ka student pui te pawh ka hmuh ngam tawh ang..Ka ph rawn ri chu in hnit hrut hrut chungin ka en a ,hming rawn lang ka hmuh chuan ka tah a chhuak zual sawt...Professor..Muangchangin ka pick up a
"bawihi class intan tawh em" lehlama tang chuan a rawn ti sep.A aw ka hriat vang ringawt chuan ka in sût ri nghal hraih..rang takin ka kâ ka hup bet ta vat a..mahse Professor chuan alo hre hman tho
"Bawihi i tap ami,enge chhan " arawn ti ta vut renga ...chhan pawh chhang talo chuan ka trap chhuak ta nghek ...
'Professor' ka ti tiau a
"sawi rawh bawihi ka ngaihtuah che nia " arawn ti chang hrawk! A aw atang chuan min ngaihtuah hle tih chiang takin ka hre thei..
'ka..keihi..' ti chhuak supin ka sawi zawm thei thlawtlo..Ka awmah hian hnawhtu awm ang mai hian min phuar tlat a ..hrehawm khawpin ka thawk a ipik takzet..
"Ka rawn haw nghal ang ,khawngaihin hahdam tum hram hram rawh aw" keimah vanga ahna kalsan a alo haw tur chu hrehawm ka ti mahse abula awm tluka mamawh ka nei miau silo.'Umm' ti sepin ka ph ka dah thla riai riai.
Ka melh ngai ka melh ngawt ngawt a ,engtia rei nge ka thut tawh ka hrelo ..ka melh ber pawh ka hre lo!Professor ka biak zawh atang khan kala che sawn eih lo hrim hrim! Ka nu leh pate champhai ah zan khat riak turin an kal bawk nen ,Kan awmpui pakhat hruaiteiin zanriah a ei theih thu min rawn hrilh khan kalo ankhum hrep a rang takin a let lehnghala nu muani zawk pawh atu amah an rawn chho leh tawh lo hrim hrim.A reh tlawk tlawk ani ber ...
Ka room kawngkhar chu a rawn inhawng riai riai thawm ka hria a mahse mi â ang mai a awmin ka ngaihven eih lo .Chutah "Bawihi" rawn ti thum sup tu chu ka melh vut!! Professor!!
Ads click khu min lo click sak ve hram la. Thank you