BLEEDING LOVE Chapter-16

Episode kal lai dah luhna

Moderator: writers

Christina's pachuau
Posts: 38
Joined: December 20th, 2020, 1:14 pm

BLEEDING LOVE Chapter-16

Unread post by Christina's pachuau » January 24th, 2021, 7:29 pm

BLEEDING LOVE





Chapter-16





A pang ka va deh chuan alo sa vur mai, a puan sin chu ka hlip a. Oiiiii, nilo eng nge ka hmuh hi!! Ka rap lutuk. A nak lai ah chuan thil inthui hi ka hmu a, chhuatah chuan first aids kits chu a lo let nuai bawk. Andrew kut ah chuan thisen a kai nuai bawk.





Hmanhmawh lutuk in Leavy room lam chu ka pan nghal a, a room kawngkhar chu ka beng ri dawt dawt. Tho phang hmel tak chuan a rawn hawng a.
"Leavy in chhungkaw doctor call teh" mangang tak chuan ka ti a.





"Buaina a awm em ni?"





"Aw, Andrew saw....." tiin kan room lamah chuan ka kai phei nghal a. A hmu chiah chu a buai ve deuh, mahse kei ai chuan a zia zawk.





"Doctor chu call la" ka ti a. Hmel buai tak chuan min rawn en a, ka hrethiam lo, hlauh nei a ang ka ti.





"Ihhh.....ka call thei lovang" a rawn tisup

"Engvang in?" ka lo ti vat.





"Andrew hian doctor pan a duh ngai lo, a thin a rim zawk mai ang. Ani chu a dam leh vat mai ang" a ti a.





"Mahse doctor in en se a dam hma zawk dawn alawm"





"A hliam kha a septic loh nan tui lum leh damdawi in dehsak la, a zia mei ang" a rawn ti leh a. Ka hrethiam thei lo.





"Ngati nge hetiang hian a awm?" ka ti a, a hmel chu a tlanchhe leh ruai tawh.





"Andrew hi sumdawng hausa a ni a, itsik tu leh er tu a ngah alawm" a rawn tih chuan ka awih chiah lo, mahse ka zawt zui ta lem lo.





"Tui lum rawn la rawh" ka ti a, ani pawh a chhuak zui nghal. Towel tê chu ka la a, hliam silfaina tur ka zawng nghal a, a awm lo. Mahse a hliam a hnawih tur hydroheal chu a lo awm, ka la vat. Leavy tui lum lo lak chuan a hliam leh a kuta thisen kai te chu ka hruk faisak hnu chuan, ka damdawi ken chu ka hnawih nghal a, a septic tur a ven ka ring.





"Denna hei vang hi a ni, ka u hi kalsan lo tura ka tih chhan che" a rawn tih chuan ka bo hle. Ani hian min mamawh lo, sum leh hausakna, hmeichhia engkim a nei. Eng nge neih loh a neih.





"I u hian min mamawh lo" ka ti a.





"Nilo, Denna a mamawh lutuk zawk che asin. Andrew hi ka hmangaih lutuk mahse unaunu hmangaihna chiah chu a tawk zo lo" a thil sawi lai chu ka en kar.





"Andrew chanchin hi tlem te chiah i la hria, nakin ah chuan amah ngeiin engkim a la hrilh vek ang che. Denna i hrelo anih kha Drew hi i lakah hian a danglam asin. Nang chu i zaidam a, i ngilnei em em bawk. Heihi a ni Drew hian a mamawh chu. Amah hrethiamtu, ngilneihna leh hmangaihna nena enkawl theitu hi a ni" a ti deuh duah. Ka laka a danglamna pawh ka hre hran lo, mahse Leavy hmelah chuan hrethiam turin min duh tih ka hria.





"Drew hi hmangaih harsa tak angin a lang a, mahse amah i hriat chian pauh leh hmangaih a harsat lohzia i hria ang" ka la chhang chuang lo. Leavy thil sawi awmzia hi ka hre lo 'Chanchin tlem te', 'Hmangaih harsa'.





"Leavy hriat thiam theih turin sawi teh" ka ti hak.





"Drew hi kalsan suh, a mamawh che" a rawn tisup a, ka zawt peih tawh lo, ka bu ta ringawt.





Leavy chhuah hnu chuan khum a mu mipa lian leh hmeltha zet chu ka en reng. Eng hi nge a buaina ber? Engtiang chiah a tam nge thuruk a neih?





A rawn rum deuh ham ham a, ka pan nghal vat. A rawn meng diar diar a.
"I tha em?" ka lo ti vat.





Thawh a tum chuan "Thawh angai lo" ka lo ti a. Ani pawh a mu ve mai. Lungawi lo tak chuan ka en kar a. Thaw hawk in a ban chu a chal ah a han nghat a.





"I riltam em?" a lu a rawn thing a. Mahse in hnuai ah chhuak in thil tui ril lam deuh chu ka laksak nghal a. Ka luh leh chuan phone a lo hmang, a dah hnu chuan





"Kha hei ei ang che" min rawn melh rum ngang mai, mahse ka hrelo lui ve tlat.





"I ei dawn nge ka barh dawn che?" a tawng kam hmang chuan ka ti ve a, a hmel rum lutuk pawh a zia.





Kawngkhar inkik ri ka hriat chuan lut turin ka ti a, Rex a rawn lut nghal. Andrew chuan min rawn en a





"Rex hi biak ka duh" a ti sup. Keipawh ka chhuak ve nghal.






ANDREW LOVATA POV





"I tifel vek tawh em?" Rex hnen ah chuan ka tisup





"Aw, dan lo ang a property leh mi a thah tawh te file pawh police te hmuh theih turin ka dah tawh e"





"Dam chhuak an awm em?"





"Awm lo"





"Kha naupang kha chu nung dam in awmtir rawh u" ka ti leh sup. Nangpang thah chu ka ti thei lo a ni.





"Pawl dang pahnih hi chu ka thu hnuai ah ka dah thung ang"





"Mahse i thu an zawm dawn em ni?" Rex chuan a rawn ti a, ka lo nui suk.





"Pakhat ka chhe zo vek tawh a, tuman min hre lo. Ka tih tur awm chhun chu an boss leh an hnuai chiah a mi te thah a, hruaitu thar thlansak a ni mai. Chu chu mafia dan pawh a ni" ka ti a.





"Ka hrethiam e" tiin a lu a bu zeuh a.





"Mr Grande kha lo enthla tan tawh ang che. A thil tih thin engkim hriat ka duh"





"Yess, boss" tiin a chhuak zui nghal. Golden mafia ka tichhe tawh a, tun ah chuan adang pahnih. Denna in a hriat ka duh lo vang a riah chhuahtir kha ka ni.





DENNA LOVATA (Grande) POV





Ka rin aiin an inbe rei daih mai. Celia tih tur ka hrilh lai chuan Rex chu a rawn chhuk a, pan nghal vat in
"Rex" ka ti a.





"Mamawh i nei em ni, Madam?" ka nui hak.





"Rex pitar ka ni em ni?" ka fiam pah zeuh, a hmel ah chuan zam hmel a lang miah lo.





"Madam ni lovin Denna aw" a lu a rawn bu nghut, hei pawh Andrew ang tho.





"Drew hi ngati nge hetiang hian a awm?" min chhang mai lo chuan Leavy chu a va en zeuh a.





"Engmah a nilo, amah er tute mai an ni e, tunah hian kan chhui mek" an thusawi hi awih tur nge awih loh tur pawh ka hre tawh lo.





Room ah chuan chho in ka lut nghal a. A lo ei zo ve vek e, thleng vel chu la sawn in ka melh kar.





"Ngati nge doctor pan i duh loh?" ka ti a.





"Doctor ka mamawh lo" nelawmna tello chuan a ti nghut.




"Andrew hriat thiam i har em mai" ka ti hap.




"Min ngaihtuah ve em ni?" a rawn ti a




"Aw, ka ngaihtuah che alawm"




"I lak a ka sual chung hian maw!?" thinrim tih hriat tak hian a rawn nui lui a.




"Ka laka i sual vangin i chunga ka sual ve kher hian eng nge hlawkna ka neih?" ka tilet ve ta kher. Min en reng a, ka zam lek lek.




"Thleng hi ka zuk dah tha ang e" tiin ka chhuak zui nghal.





Zan ah chuan chaw pawh a ri tam ve deuh, a hna thawk lai chu ka en reng. Sual kir ker lutuk mai, luhlul ropui si.





"Hmeichhia in min umzui thin i ti tiraw?" ka tih chuan a rawn hawi nghal.




"Buaina a awm em ni?" inkuangkuah chung chuan a rawn ti a.




"Um zui ve ta che ila......" ka tih chuan nui hmel pu chung hian




"I inchhir zawk ang" a rawn ti a.




"Duh ta tlat ila" ka tih leh chuan a rawn nui hawk, a nui mawi lutuk. Hetiang ang hian nui reng se chu tuman an hlau lo ang a, thian pawh a ngah ngawt a. A palian a, a ban ringawt pawh hi thlamuan pui tham a ni. Ka en reng lai chuan




"I nunna i hlut anih chuan min hlat rawh" a rawn ti nghut.




"Heyyy.....ka um zui hi i duh lo em ni?" thinrim deuh tak a ka tih chuan




"Tu um zui mah ka mamawh lo" a rawn ti chang bal, a thinrim leh ringawt tawh. Chhang duh tawh lovin ka mu nghal daih. 'Thinchhelian-a' a nih saw.





Hna pawh a kal chhunzawm nghal a, 'kal suh' pawh ti mah ila a kal dawn tho tih ka hriat avangin ka dang buai peih lo. A awm ngai rengin a awm a, a tawng tam lo. Keipawn pawt ve chu ka la tum ve reng mahse a tih hleih thei thin loh.




Chhun ah chuan Andrew call ka dawng a, mak ka ti lutuk. Ka nunmber pawh ka pe miah lo
"Hello"




"Zan ah party na ah kan kal dawn, lo insiam ang che" a rawn ti a.




"Khawi ah maw?"




"Denna zawhna ngah viau zel lo teh" ning hmel taka tiin a off nghal daih. Thinchhe lutuk mai





Celia chuan kawngkhar chu a rawn kik a, ka va hawn chuan
"Nangmah chei tu tur che an lo kal a " a rawn ti a. In hnuai ah ka chhuk nghal vat.




"Miss, Mr Andrew in min rawn tir a" hmeichhe hmeltha tak chuan a lo ti a, artist a ni ngei ang. Bawm eng emaw a rawn keng teuh bawk. Hengte chu Andrew pawh min hrilh ve tur a nia.





Rose tui a min inchiah tir hnu chuan min chei nghal zung zung a, min che rei phian. Thawmhnaw an en leh char char a, a tawp ah chuan kawrfual dum, off-shoulder man to hmel zet chu an rawn la a. A hnu te zawn ve chu sahmul in nal zetin a inchei a, ka pum chu net hian a hliah a, mahse a lang tho. Net chhung ah chuan ka mal te vel thleng satin dum in a inthui leh a. A nal tak zet.





Pheikhawk dum sang min buntir a, ka sam chu roll kir in, sang tak ah min tawn sak bawk. Pheikhawk sang bu ngailo ta na na na chu ka kal thiam lo khawp mai.





"Miss, Sir in in hnuai ah a nghak reng tawh che" an rawn ti a, min kai tho in ka chhuk nghal. Ka chhuk lai chuan Andrew chuan min lo en reng, ka zam lutuk. Tuxedo dum a taksa fit thlap ha in, pheikhawk nalh zet a bun a. A sam chu a inhmeh hle bawk, a tie dun awrh chuan a tilang smart zual, a chhelo hle mai. A bul ka thlen chuan





"Kal ang" tiin a kal nghal daih. Pheikhawk sang ka bun bawk si a, ka kal chak thei lo. Car ka thlen chuan a lo thu fel vek tawh, Rex chuan kawngkhar min rawn hawn sak nghal. Kan tlan lai chuan




"Eng party nge ni a? Engmah min hrilh bawk si lova"




"Kan thleng ang a, i hre mai ang" a ti ringawt. Lungawi lo tak chuan ka inkuang kuah than. Kan thlen chuan chhuak hnasa in min rawn hawnsak ve nghal a. Tih thinrim ve ka chak avangin ka chhuak duh mai lo.




"Denna pawm chhuah i duh em ni?" a tih chuan ka chhuak chiang ngang mai, min la nuih suk zui. Ka va han hnek chak tak.





A kut a rawn phar chhuak a, melh rum hra chung chuan ka lo vuan a.
"Sumdawnna a ka thawhpui a te, an company an hian ka invest a. An company a 10percent hi ka ta a ni. A inneih vawi 25 na anih hi" ka beng bul ah chuan a rawn ti a. A mit ah ka han en vat, a mitmeng atang chuan eng nge a ngaihtuah ka hre lo.





"Ngati nge min hruai ve? Heng ho hian nupui i neih tih an hria mi?" ka tisup.





"Zawhna ngah viau lo teh" a ti nghut. Nge maen le chhan a har viau a mi? Amah hi a hneawm daih zawk sia. Min inhmelhriattir teuh a, mahse a bialnu angin min sawi zel, min inti neitu takin ka kawng ah a kuah ran bawk.





A bialnu anga min sawi chuan lawm viau tur ka ni. Mahse ngati nge ka lawm miah loh? Ka awmdan pawh hi ka hrethiam tawh lo. Hepa hi ka duh zawk em ni? Ni lo....nilo.....ka rilru a buai mai mai a ni. Denna harh teh.





Dar 9:30pm velah kan hawh a, ka chau lutuk. Hrisel loh sa bawk nen, tunlai phei chu ka rilru leh taksa, ka engkim hi a chau.





Kan room a kan lut, bathroom a kal nghal ka tum chu
"Denna " a rawn tisap, ka hawi let vat.





A mitah chuan ka hriatthiam si lih hian chauhna ka hmu. Min rawn pan hnai a, ka hnui ah chuan a rawn fawp chawt, mak ka ti lutuk chu ka meng kawk. Mahse a hmui chu a tiche miah lo. Min thlah a, mit meng dul tak hian min en ran. A kut pahnih chuan ka biang ah dawm in





"Denna ka mamawh che" a rawn ti a. Andrew hian min mamawh thu a sawi, a ka atang a chhuak ang tih pawh ka ring pha lo.






Ole zanin chu a sei ve deuh e.....ka regu thei vak lova sorry lutuk. Mahse ka regu vak loh chhan hi chu ka buai vang a ni a, rawngbawl chung a type chu a har lutuk s, lo hrethiam teh u.


ChUan Denna zaidam lutuk hi a boring in ti em?
Heihi min lo chhang teh u.....ka lo ply vek ang che u. A ninawm ang tih ka hlau ve a



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)