*LOVE Psycho* ch=9 by ~Natasha Hrahsel

Episode kal lai dah luhna

Moderator: writers

Natasha Hrahsel
Posts: 193
Joined: January 14th, 2021, 11:50 pm

*LOVE Psycho* ch=9 by ~Natasha Hrahsel

Unread post by Natasha Hrahsel » January 24th, 2021, 7:35 pm

*LOVE Psycho* ch =9
By~Natasha Hrahsel




Ka mitvai emaw tiin ka mit ka nuai chawt chawt a,mahse alo la ding reng!


"Bawihi" a rawn tih leh vut chuan a tak ngei ani chiang ta ,ka mittui rawn tling leh nghal pam mahse ka nui hak tho!Ka mittui a rawn far fep chuan min rawn pan vutin min pawm bet nghal hlun .Nghet takin ka kuah bet ve tai bawk a.



'Professor nang chu i zin daih sia !' ka kianga a lo awm ringawt chu mak la ti tak chung chuan ka ti sep.



"Min pawttu ana em a,nang tereuh vang hian ka hna kalsanin ka rawn thlawk haw leh nghal alawm" a thusawi chuan min fan rawih rawih ..tunah ka kiangah hian ka mamawh ngawih ngawih a awm mek ta chu nia! Ka hahdam nghal sawng sawng..




Rei ngial kan inkuah hnu chuan kan inthlah ve ta hrâm .Professor chuan ka biang ah chulin min en ngawih ngawih a



"Ngatimaw ph ah khan i rawn tah hliam hliam chuan i room pawh hi" ti supin a hawi kual a aner nawk ,ahnawk nuaih ani ber ka khum techu mut ngaihna awmloh khawpin a hnawk ! Tiang tak hian kalo che hman tih pawh ka hrelo..



'College ah mi ka intihbuai pui a ' kun ngûlin ka ti sep..ka khabe ah a rawn dawm vut a ..



"a pawilo bawihi,i room ah chuan i riah theih hmel loh chuan khawnge i nu leh pa?" aw dam raih chuan ati leh sup.



'an zin ' tih ringawtin ka chhang


"ka inah riak mai rawh" ti sepin min kai chhuak a ,hnial en ah pawh ka en lo.Abula awm hi ka mamawh ber hrih.



Nu muani chu Professor in abia a ,kei erawh kalo ngawi reng.Kimi min sawidan ringawt khan ka rilru ala luah..Khatiang taka intih mualpho chu tu pawn hmachhawn dan kan thiam kher lo ang.



Professor nen chuan a motor in a in lam kan pan a ,pawn lam hawiin ka maimitchhing tlata ,akhat tawkin Professor chuan ka kut rawn vuan in a hmui zawnah a dah leh zeuh thin .Kei erawh chuan ka ngaihtuahna kawmin ka ngawi reng thung.



A in kan thlen chuan lut nghalin a room ni ngei tur lam panin inchung lamah min kai chho a ,a tih ang ang chuan ka awm tawp.Room ah chuan min kai lût zelin khumah chuan min thut tir dat a.



"Bawihi inngaihtuah ngut ngut lo la ,kan inti fai ve lawk ang aw" ti sepin ka chhip samah a fawp a ,bathroom lamah a lut nghal.


Professor room chu anuam takzet ,a zau thain closet changkan hmel tak tak a awm a. Sofa pawh pathum ngawt a inhûng.Abungrua zawng zawng chu enkawl uluk tih hriat takin a hnûm hlarh vek bawk a.Mi khirh ve tak anih ka ring.



Bathroom kawngkhar chu a rawn ri khep a ..Professor chu towel chauh vengin alo chhuak anih chu! A taksa sek over nisilo mipa tam tak pawh in an awh khawp hial a mawi hmuh meuh chuan rilru a kaipeng lutuk tlat. Chilthli tla lek loa ka lo thlir dauh dauh lai chuan min rawn en in a kiaisuk! Hmundang ka hawi rang teh a sin aw..



"i thawmhhnaw hak lai kha thlak i duh em?"


'thawmhnaw engmah ka kenglo a" amah pawh melh lo chuan ka ti sep .


"le lo hawi tawh rawh,chuan hei hi ha mai la" a tih chuan ka en ve leh chiah Tshirt amah nena inrem thlap leh boxer alo ha fel diam tawh.A kawr min pek chu ka ban vut a...keimah ang pahnih pawh len theihna tur khawpin alian ka thawmhnaw phelh mai ka tum chu ka melh leh vut a.Kiai sukin a hawisawn ve mai bawk.Ka inthlak zawh chuan a len zia ka hriatbelh hi ni ringawt! Ka malte thleng akhuh pha mawle!



"lokal rawh le,mut hahdam i mamawh" tiin ka ban ah a rawn chelh a ,kei erawh ka lai leh pek tlat tawh,' tahhian kan riak dun dawn mi' ka ti bah nak.



"bawihi..room hrana riah tir tur che in helai ah hian ka hruai hauhlo che. Chuan ka ngai hle bawk che a ,rang takin ka rawn let a i taksa dek chunga mut hahdam ka mamawh bawk" a tih chuan khum lamah ka zui phei hna hna.



Saisir zawngin ka mu a ,ka hnunglama tang Professor in min kuah bet tlat bawk.Kan awmdan chu mawilo viau mahse ka bengkhawn duh lo.Ka thinlung duhdan ka zawm ani mai.



'Professor'

"sawi rawh bawihi ,tinge ph a i rawn tah chhan kha hriat ka duh bawk" a rawn ti sup


'ih ..Kimi nen kan inti buai a '


"chuan, Atlani nena kan inthen chhan ah a puh che a" alo hre vek maw ,engmah kala hrilh hauh silo! 'engtin nge i hriat?'ka ti nghal vut..



" College a ka thawhpui thin ten min hrilh ,chuan keimah vanga i lo tawrh vang pawn pawi ka ti takzet..A thlennawn tawh loh nan hma kalo la vat ang tih ka tiam ache"



"Bawihi" a rawn ti leh sup,hetia min koh apiang hian kim bik hliah hliah in ka inhre thin!A thusawi ka ngaithla tih ahriat theih nan min kuahna kut chu ka vawn hnan a ..


" hetianga buaina i tawh apiang hian inthunun tum hram hram la ,keimah chauh min ngaihtuah thin ang che.Kimi emaw midang pawn engthil pawh i chungah ti se min hrilh vat zel bawk la.Tunah chuan muhil phawt ang le" keipawh ka maimitchhing ve nghal mai .Professor kianga ka hahdam huai zel ang hian awm reng thei ila ka ti ..a aw ka hriat rikngawt pawh a ka inbengdai vat thei ang hian kawng engkim ah atello pawn awm thei ila ka ti takzet,mahse amah min âtchilh tir tu ber ani lawi si!


.......
☠️☠️☠️☠️☠️



Ka nghawng a fawp dek dek tu an awm vang chuan ka harh hlol a ! Khua pawh alo var tawh chumai nilo in Professor chuan ka nghawng veilam alo hne dek dek a nih chu! Ka harh tih hrevut ni awm takin " Morning" a rawn ti sup.Ka nghawngah bawk chuan fawp leh ner ner in ka kawr chhungah a rawn zen chho a ..chul kual ruai ruai in ka hnute a hrawm ta tawk! Ka thaw hak. ..




Ka hmai a rawn thai kual riai riai a, ka hmui ah tawp chatin a kut hrawl zet chuan ka hmui a tikau a..a hmui in a rawn zawm zat ! Ngenngawl zeta min fawh tak ngawl ngawl ah chuan ka thiam ang tawkin ka fawp let ve.Zei taka ka kâ chhunga a lei rawn hawl lut chung chuan ka hnute a hrawm bawrh bawr a ..'aah' duh aiin a hrawm na ,chu chuan min ti phur viau lawi si!


"bawihi" ti hrawkin a in nem kang vut a..a kawr ka hak chu awihawm loh khawpa rangin ka lu lamah pawt chhuak vutin min fawh chhunzawm leh nghal mawlh mawlh.oh! A kawr a hlih ve lai reng kalo hre hauhlo nia! Kan taksa lawng a insi chiah chu ka mur chhuak vek..Professor insangmar ru tawlh tawlh pawh ka feel thei ...ka taksa chu thunun theih loh khawp a mamawh belh nei ang mai hian a awm nia!



Professor in a kut hrawl zet ka panty chhunga a zenluh meuh chuan ka rum chhuak hak! A dar hlai hlup chu ka hmer ngawt ngawt.



Min fawhna thlahin ka awmdan hrechak ni awm fahran chuan min melh ngûr ..a kut erawh a che reng thung! Ka taksa mai nilo ka rilru thlengin ka thunun zo tawhlo " Professor ..khawngaihin " ka ti ta thlawt!! Ka kâ tanga chhuak ngei chu ani si!



"No ..bawihi ,ka theilo" harsa tih hmel zeta ti supin ka awm ah a hmai a phum a...a kut pawh a titawp chawt..


Ka kut chuan a biang ah dawmin ka thiam ang tawkin ka fawp ta ngawr ngawr.!!..a in thununtheihna ka ti chhia tih ka hai lo.Mipa ah pawh pâ ve tak hmeichhia zawkin ka thlem chu nia! Tenawm ka inti zawk...




Ka taksa chhunga a rawn luh meuh chuan ana lutuk chu ka rak chhuak thawt .A dar ah chuan hmer ngawt ngawtin,ka mittui a tling nghal pam bawk..ka hmui a rawn fawp leh zeuhin muangchang in a chet zawm a..


A zawh meuh chuan ka chungah a bawk thlawp..ka taksa atira na lutuk pawh a ziawm vek tawh chungin nuam tihna pawh ka nei chuanglo!

☠️☠️☠️☠️

" ka lawm e" ti sepin in ka bulah a let thla dawp a min kuah khawm nghal vek ..


Ni e,ka nawrhluih vang leh ka duhthlanna vangin ka thianghlimna ka pe a ,inchhir tur ka ni hauhlo.Mahse min ngaihnep phah angem tih ka ngaihtuah thung.Mipa tam tak angin min kalsan mai angem tih ka ngaihtuah chuan ka mittui a far fep a,a awmah ka hmai a hmuh theih loh nan ka phum nghal vat bawk..ka chezia erawh alo hai lo nasa..Ka hmel hmuh tumin min nawr hlat det a tum a,duhlo in ka kuah bet ta tlat.." Caroline" ati nghut..



'Professor ,min kalsan suh aw..khawngaihin ' ka ti tiau..


" chu chu engvang teh hrep a sawi nge inih" ati nghut .


'a chhan chu mipa ten an ngaihzawngte sex an hmanpui hnuah an Kalsan leh mai thin tih Mary'n a sawi a' ka ti sep..


" Bawihi ..min en rawh " ka melh chhuak ve ta hram "God! I mittui a tla leh ta" ti vutin ka mittui luanna chu a rawn fawp vut a..


"Ngaihthla rawh Bawihi,sex vang chauh in tu hmeichhia mah ka kawp ngai hauh lo ang.Nang leh lek phei chu..chuan ka kalsan ngai hauhlo ang che min kalsan pawh tum mahla ka zui zel tho ang che.." ti supin a aia nghetin min kuah nghal hlùn .Ka hlauhthawnna te kha chu thliin a lenbo ang duak ani tawh .Tin Professor thusawi kha ka ring nghal hmiah bawk!Engvang ngawtin nge ka rinhlelh ngawt ang ni,hei leh chen ka kal tawh a.Ka duhthusam aia sang daih ah ka awm mek chu nia!




'Professor' tiin ka sawi det det.."Umm " a rawn ti vut...


'ka inti fai duh a'ka ti leh sep chuan nichin lawka kan awmdan vang khan ka lai tan leh nghal der tawh ...a hmel tak ngial pawh ka melh ngam tawhlo!



"kan inbual rual.." 'aih,ka tih awmzia chu keimahin ka inbual duh zawk' ti sawk sawk in lehlam atang chuan puan sin hlûn chungin ka tho nalh! Rang takin bathroom ah ka lut nghal ..A nui ri hawk hawk pawh ka hre thei.



Darthlalanga ka in en chu ka biang a sen tai tek! Engtin nge ka chhuah leh ngam tawh ang ..Aaaa avan buaithlak tak!Nge maw ka zahna tur hlir hian ka khawsak ziah le.Rang takin ka inbuala,bathrobe inkhai lian zet chu ka ha ve tawp,awihawm loh khawpin a lian !



Bathroom ah chuan engtia rei nge ka tawm tawh pawh ka hrelo.Ka chhuak dawn thin ka zak lehpek tlat zela bathroom ah chuan ka teikual ka teikual ringawt.Tawm reng theih ni bawk silo..Bathroom kawngkhar a rawn inkik dawt dawt a 'ummmm' ka ti vak ..



"Bawihi engtia rei nge tawm i tum,lo chhuak tawh la"Professor chuan a rawn ti dam dap.



'ih Professor ,i hna ah lo va kal la chuan i chhuah hnu ah kalo haw ve mai ang' ka ti ta tawp.A rawn nui chhuak huk anih chu..!!


"Bawihi lo hawng mai mai teh" ' ateuhlo ' ka ti nghal nghek..A aw ka hriat pawn ka zak ania,ahmel hmu tel phei ila chu ka zak dawn lutuk..



Areh ta daih a! Bathroom chhungah chuan kala teikual reng tho..Kawngkhar rawn ri khep lam chu ka melh vut! God..! Chahbi khaiin mit ko san auh auh chung chuan a rawn nuisuk anih chu!Bathroom chahbi lehzel pawh alo nei maw!Ka tihngaihna hrelo chuan ka nuih tlawn vel ta tawp.

....

Professor pawh ahna lamah a tul ve thei hle ..Kei erawh amah ka hmuh thin bak chu pawn ka chhuak mang ngailo.College ka kal duh tawh miau loh vangin ka nu leh pate pawn min enliam tawp.Professor pawn kal turin min nawr ve nasa hle mahse midang hmuhsit tuar tura kal ka duh miau lo.Ani pawn exam tal chu exam turin min ngen ta hial a ,aw ka pawh ve ta hram.Professor ber a awm tawh chuang lo a exam ka pek chuan college danga insawn daih te ka rilruk deuh a.A theih angem tihlam reng ka ngaihtuah lo.



Kan inah Mary leh Awmpuia an rawn leng lut zeuh zeuh a,min kawm hlim tu te ber an nia anni ang thian ka nei hi ka lawm takzet.Mak deuh chu a chang hian Awmpuia hian min en leh vung vung zel a ,min khawngaih anih te ka ring ringawt thin nangin min en dan hi ka hrethiam thinlo!




Ina tawm reng theih ani ngawtlo nen Mary nen kan bazar a Mc velah thawmhnaw kan enkual mual mual lai chuan Kimi leh nu pakhat anlo lut ve nawlh.Kalo en reng lai chuan min rawn hmu ve ta chiah.Ka rin ang ngeiin min rawn pan nghal vut



"Nu henu hi lawm ,U atlani te nupa inthen chhan chu .U abarima alo zar buai ve sek a ,Ka u dawtin a puh bawk a .Chuan keipawh college ah min sawisa hrep bawk a,kal vat ang nu ka hlau ania" inla no fahran chuan alo kalpui nu bulah chuan dawtin min puh anih chu!



"nanghi maw mambawihi te nupa inthen chhan chu nia.Zahpui awm lutuk i nu leh pa ten thu tha an hrilh ngailo che tih hriat reng.Mi hausa ho in duhtawka nawmchennan a an hman bak ini nek lo ang" ka kut ka hum ruh ngawt ngawt chu Mary'n minlo chelh vat.Kimi'n ka nu atih nu lah chuan tawngkam mawi hnai lo zet zet in min puh chhunzawm zel lehnghal! A fanu ang chiah.




Ka melh ngawt ngawt lai chuan an hnunglama tang chuan Professor in "bawihi" a rawn ti sup.Engtik laiin nge alo thlen reng ka hrelo.Mahse ka hahdam sawng sawng ni berin ka hria! Kimi te nufa chu rawn kal pelin ka darah min kuah a 'hahdam rawh ' ti awm takin min melhin a bu nghut.



"Abarim hetiang hmeichhe hnaisailo vang.."a sawizawh hma chuan a kut vai vutin tawp turin ati hmiah.


"Pi Mahlu ,Atlani nena kan inthen chhan chu i hre chiang ani lawm ni.A uire vang anih kha ,chuan bawihi hian thiamlohna a nei hauhlo.Helai hmuna midang ankhum chiam lo hian i fanu ngei chu zilh zawk ang che" ti nghutin min kuah chung chuan dawr chu min chhuahsan puia .ka ban veilamah Mary ka kai tel bawk.Ground floor kan thlen thleng chuan tumah ka tawng hauhlo.


"Caro..Awmpuia nen tihtur kanla nei a ,Professor nen hian lova haw mai rawh u.Ka kal " tih pahin ka chhan hma chuan Mary chu akal nghal daih! Henu hi chu...



'Professor engtin nge dawrah khan ilo awm ve a' melh chho meuhin ka zawt..


"I hniak ka rawn chhui" nuisuk chungin an tiah.Awihawm loh ee,'ka awihlo ,thutak deuhin ka zawt che a min chhang tha ve mai la' ti hmakin min kuahna ka phelh a ka kalsan hmak..pen sawm dawn ka pen hnu ah pawh min rawn la zui miahlo chu ka hawi let vut a ,a dinna ngaiah nui thaw chungin alo la ding reng anih chu!.Rum tawka melh chungin ka kalsan leh hmiah..mawl reuh lutuk.



Ka kal lai chu ka hnunglam atang min rawn kuah ding chawt a ,kawngkal dang ho chuan min melh hrek hrek hlom.A zak ve lo emaw ni!ka tal aih a ,a mah hmachhawn zawng chuan ka insiamrem nghal bawk



"I thinrim titau vel kha i hmuhnawm lutuk tlat" mi thinrim lai hmuhnawm lo tih chu ..patling pui si ava naupang chhia reuh tak! Thinrim lamah pawh akal tawhlo ka nuih ta tawp.



A bolero duat zetah chuan chuangin min lenkual pui a ,kala kal ngai miahlohna hmunah min hruaiin motor a ti dinga ,ahnungah kan pahniha thuin nî tla liam chiah vanga van sen phût mai chu kan thlir dauh dauh.Kan awmdan vel chu movies vela a changtute nen ka inteh khin nghal ngawt pek!



'tuna kan awmdan hi a romantic ee' ka ti sep..rawn nui nghawr dawtin ka beng bulah"a aia romantic zawka tihdan ka hria sin" ti supin ka sam ka dar lehlamah a hui liam a ,ka nghawng chu a rawn hne dek dek! Ka thawk a sak leh nghal talh tawh.


☠️☠️☠️☠️☠️


ka nghawng maia fawh chu duh tawklo in ka biangah a dawm vut a ,a lam hawi tur chuan ahmalama ka thu chu ka taksa tello chuan min kuai remin a hmui in ka hmui chu a rawn bawhthuah nghal zat .Rem leh remlo in kan infawp ta ngawr ngawr.ka biang a dawm lohna lam zawk a kut chuan ka kawrchhanah ka hnute a rawn tham tawk ! Ka hnunglama a mipatna rawn tho tual tual pawh ka feel thei.


Inkiss ringawt chu duhkhawp lo tih hriat zetin ka kawng ah vuanin motor chhunglam zawk ah chuan min pawt lut hrawk a ,kawngkhar akhar nghal dup bawk.Ka taksa siamremin amal hrawl zet chungah chuan min nghata ,ka kawrfual hak chu Ka kawng lamah a pawt chho nghal hrawk bawk.



A kekawr kawng chu a kut khûr nasa lutuk a phelh mai theihloh vangin a phun hluka ,ka lo nuih sawng..."Min nuih maw bawihi" ti nghutin ka tukhumah a rawn dawm chawt a , Min fawp ngawr ngawrin ka hmui a seh zeuh bawk.



A mipatna in ka taksa a rawn zawm meuh chuan ka tre chhuak thawt! Min nuih sukin hnuailam atang chuan zei zetin a rawn chet chhunzawm a....


☠️☠️☠️☠️


Kan inah min thlah a ,gate ka luh fel hnu ah chiah a tlan chhuak zui a.Kan haw kawng tluanin min chhaih zuk zuk reng bawk nen,patling pui si a chimawm ru thiam zek leh nghal!



Inchhung ka lut chu ka nu leh pa vei nei hmel zeta lo thudun chu anlo hawi nghal vut.Tiang taka thutak hian kala hmu ngai hauhlo! Ka pa chuan an bula kal turin min hui zeuh a ,an bulah chuan kava thu zui nghal.



"Bawihi , I nunah hian i mamawh apiang kan pe che a i hlim loh hlauin kan theihtawp kan chhuah thin bawk .Mahse tuna i awmdan hi chu kan enliam theilo.Abarima hi bansan ang che" engthil nge ka pa hian a sawi!


'aih, a teuhlo' ka ti nghal nghek,bansan maw teuhlo lutuk.ka duh zia an hria a tunah ka hlim ve tan dawn chauha bansan turin min hrilh chu nia! Ka awih theilo..



"Bawihte ,ani nen chuan kum lamah pawh in in thlau lutuk .Chuan a nupui hluite pawn i chungah engpawh an ti thei .Chuan vawin ah pawh ka thawhnaah Abarima nupui hlui nuin min rawn ankhum hrep bawka , Abarima ai tha chu i tawng leh em em ang.Bansan mai rawh" ka nu in a rawnti ve leh!


'ka duhlo ,Professor ka duh zia pawh inhriat kha .Chuan ka nu inih chuan anni ankhum na mai mai chu i tuar thei mai lo ami.Enge kei bansan tura min tih ...' ka tilet leh nghek ...



"inu kha zahlo takin be suh Caroline ,a hrin pawh nilo hmangaih takin a enkawl che a " ka pan arawn ti hrawk! Enge a sawi kha ..ka nu hi min hringtunu anilo maw!!



'Engmaw ka nu hi min hringtunu anilo maw?' ka tilet hu..


"ah bawihte khalam kha ka sawi tum anilo" ka pa chuan athusawi chu a rawn pha vat..



'aih sawi rawh kanu hi min hringtunu anilo maw?! Chuan nagpawhhi ka pa inilo ami ? Mawh pa min chhang ta che 'mittui tling pâmin ka ti nghal hrawk..



" aw ,inu hi nangmah hringtunu che anilo,mahse inu diktak chu ani hi ani" tiin ka nu mittui lo far fep fep chunga khawngaih hmel zeta min lo thlir reng tu chu akawk a,tinge lainat hmel zeta min en..?.




Kan in atang chuan chahbi lain ka in khalh chhuak a ,ka hmalam pawh ngaihtuah lo chuan chak takin ka tlan reng...Ka pa khan enge a sawi khah! Professor ngei pawn ka rilru buai min khawngaih vang maiin min kawp tih a sawi anih kha....ka nun tehhrep hi zanin hian tawp se ka ti takzet..ka car chu khalh mawp mawp in ka pan lam ber hre lo chuan ka tlan mawp mawp.





Ka hmaa aizawl khaw pe ûn chu ka thlir reng..zan darsawm dawn a ri tawh.ka bul hnai ah chuan rannung hram thawm ri bak hriat tur a awm hauhlo.Ka ph rawn ri chu la kang riai riai in ka en a Professor..vawi sawmthum chuang ngawt alo call tawh.Pickup chuang lo chuan a ring ral thak thlengin mit khap eih loin ka thlir reng..Arawn rik zawm leh zat a ,muangchangin ka pickup a lehlama tang chuan "bawihi khawnge i awm" a rawn ti nghal hrawk...ka nui nghawr dat a..



"Lalruatpui khawiah tehhrep nge i awm" a rawn ti leh hrawk..Ka awmna lai hrilh supin ph chu na takin ka dinna kham ah chuan ka vawm a,khatiang chiah khan ka nun buaichuar zet hi vawmliam ve theih se ka ti..



Motor lightin min rawn chhun rual chuan kawngkhar in hawng ri pawp riin a zui nghal a!a rawn thleng rang hle mai ..ka awmdan ngai rengin ka hmalam ka thlir reng chu Professor chuan min pawt her pawp..


"ka ngaihtuah zia che i hria em" a rawn ti hrawk..'duhtawk tawh rawh ' kati sep..hriatthiam loh hmel zetin min melh ngur ..


'ka ti buai tawhlo ang che ..chuvang chuan hahdam takin i nun hmang rawh.Nagmah hlat theih ang ber turin ka kal bo ang.' ka ti chhuak sep chu min thing nghal nghek! Min vawnna chu ka thing thla nawk a, amah hlat thei turin ka ding hla hret bawk.



"Bawihi" a aw tehrep pawh chu,min duh ve a ang takzet! Mahse kapa ngei in ka haw hma hauh atanga alo biak dan leh lo dawh hram hram tura alo ngen thu a sawi khan awih harsa ka tihzia kha ! Nilo..Professor hian ka duh ang chiaha min duhlet ve turin ka beisei zawk ani mah.Mahse ani chuan ka rilru lam buaina vel vangin min khawngaiha minlo kawp vel mai mai si..



'Professor...ka beidawng ni rawh se ' ka ti hap 'ilakah hian ka beidawng tawh. I hria em nangmah vanga khang hun chhungzawnga ka hlimna zawng zawng te vang khan ka lawm lutuk.Tunah chuan ilakah engmah phut ka nei tawh lo ang.Khang hun chhung zawng..nilo...min khawngaih vanga hun min hmanpui zawng zawng kha ka rul let theilo che.Mahse hahdam taka i nun i hman theih nan i hnaih ah ka awm leh tawh lo ang' mittui tla pur chunga ka sawi lai mek chuan min hnaih hrutin min kuah bet tawk! Ka thinlungin a neitu ahmuta ang maiin a hma zawnga lo in awp bet char char tawh ka mittui chu a sur in a sur zung zung ani ber.Ka tal eih eih chu ngaihtheilo in a hma aia nghet zawk in min kuah hlùn!




"Mi â nu,ka khawngaih vang chauh che a hnaih che ah min ngai amaw! ani hauhlo...Ka hmeichhe hmangaih ka hnaih mai ani zawk" ka beng bulah chuan arawn phun hluk! ' aih min khawngaih vang anih kha' tiin tal hrang ka tum ve ngat ngat a ,ka tha ka seng thlawn mai ani! Beidawng takin ka tha ka thlah hnawk..ahnungah ka tham tawk a




"Ngaithla rawh bawihi" ti leh supin ka hnungz*ng a chul pah a.."Nanghi ka hmuh hma hauh tang che in i chanchin atang ka hretawh che ,ipa ngei lo kalin i chungchang min hrilh bawk a.Keipawn atir chuan fanu mal duatsual ni turin ka ngai che a,mahse ka hmu ta che a ..inih loh zia ka hre telh telh mai niloin kei hian awihawm loh khawpin ka duh ta che a, chuan tunah hian ka hmangaih che tih ka hre chhuak bawk"



'Min hmangaih theilo ang' a hnunga tham tawk chung chuan ka ti nghek."Ka hmangaih miau si che lawm"


'aih i theilo, achhanchu tupawn an theilo.A hringtunu ngeiin vawi tam tak thah a tum tawh leh sumdawnna tan hiala hralhduh tu khawpa tenawm misual fanu chu tuman an hmangaih thei lo ang' tiin ka tap khur dar dar..



Ni e,ka pa hna thila a zin laiin hmeichhe pakhat a tawnga kanu min hringtunu tenawm zet chu tawngin a chetsual pui ta a ,tuna ka nu nen pawh rei tak an in hmuh thiamloh phah nghe nghe.Chuan chunu chuan kei hi minlo pai ta bawk a,chupawh kapa chuan a hre hauhlo bawk! Min pai lai atang chuan min haw em em in vawi tam tak min paih a tum thin a ,a doctor pan apiang ten naute thlali lai tling tawh chu an lo paih sak duh miauloh vangin min hring chhuak ta nge nge a.Ka nu nu leh pa te chuan hnute tui hne lai thla thum pawh khawvel eng la hmu lo chu min lain ka nu chuan a tihdan ngai rengin nuam a chen zui bawk a! Kum hnih ka tlin dawnin ka pi leh pu te chu boralin ka nu bawk chuan loh theih lohna vangin min enkawl leh a ,a chhan pawh ka pu chuan kum 22 ka tlin veleh a rosum zawng zawng ka tan a dah vang ani.Tenawm hian! Ani ang mi pangai ai chunglam zel a tan reng duhtu chuan kum 5 chauh ka tling awrh tihin mihring hmanga sumdawng te hnenah min hralh a tum anih chu!! Engtin nge a hrin ngei chu hralh a tum theih.Ka mang lama ka hmuh fo thin kha keima chunga thleng ngei alo ni si..Min hruaibo hmain ka pa chuan min rawn chhan hman hlauh a .Ka nu ngei chu jail ah tan tirin kum pawh a tan tlin hma in a mah ngei a inti hlum bawk.Chutiang khawpa nunrawng chu engtin nge ka nu anih theih!



Ka pa chuan a in ah min hruai haw a,tuna ka nu hian min khawngaih em vangin sawisel loin hmangaih takin min enkawl seiliana .Kei erawh naupang te a ka thil tawn vangin mumal neiloin ka awm a .Kum 12 ka nihin nasa taka damloin Delhi lam min pan pui a,tichuan ka thil tawn ho chu ka rilru lam buaina vangin ka theihnghilh ta vek bawk,mahse ka mang lam ah erawh min tibuai fo reng a.Ka nu leh pa te pawn ka hriat lohin Psychiatrist anlo pan fo thin ka chungchangah




"bawihi a tawk,engmi pawh nila fahrah emaw khawlai vak rawlai pawh ni mahla ka hmangaih tho ang che " ti sup tu chu a kawr huh khawpin ka tah khum tawh.Min nawr hla datin ka biangah a dawm vut a ." i harsatna paltlang zawng zawng chu ka hriatthiam pui lo che ,achhan chu a tawngtu tan lo chuan anat zia a hriat theihloh.Mahse tunah chuan eng harsatna pawh tawk la lo chelh tur che leh i kianga ding tlat turin i bulah ka awm reng tawh ang"ka bianga mittui luang chu hui thuak in a hmuiin ka bekah a rawn nawr tawk a.Insawn thla in ka hmuiah a tawp chawt.



....


Ka nu a hrin pawh nilo hmangaih taka enkawl thei tu chu ka melh vawng vawng.Tiang taka nu fel hi an awm thei dawn em ni!


'nu ' Choka a pangpar lo khawih mial mial tu ka nu chu ka ko a



"bawihte ,mamawh i nei ami" nui var var in a bula kal tur chuan min hui a ,abula chair chu pawt chhuak in ka thu thla nghal a "enge vawin i exam chu i chhang tha em " ka sam a chul hliau hliau chung chuan a ti sep..



Tunah chuan college pawh ka kal leh tawh.Professor in nitin min hruaiin min thlah ziah a .Ka nu leh pa te pawn min pawm pui thlap.Min sawi neuh neuh tu an awm thin na in ka kiangah Professor dingin min thlamuan tlat a .Hrehawm viau mahse ka palzam lui a min sawi peih vak tawhlo zawk.



' umm ka ti tha ngawt ang' inringtawk tak chuan ka ti vei sup.A nui dat a " ka fanu sawi awm tak ani rêng ani" ati ve sup bawk.ka kuah thlawp a 'nu ka lawm e aw' ka ti ta thlawt..piang nawn leh dawn ila chuan a hrin ngei ni turin leh a fanu tho a piang turin ka bei ngei ang .


Hetiang taka nù tha Pathianin a siam hi amah pawh a in chhuang ve thin ngawt ang.Mi tam tak min ringtu ngei pawh tiamin fate enkawl peihlo leh an thiamloh vanga naupang pawisawilo emaw nausen an pum chhunga mi ngei thah duhna rilru pû an han tam vei nen!

....


Ka zing tho chu ka ni lûk a ,ka pum anuam lo riau bawk .Exam kan zawh tawh tho vangin zan lamah ka mengrei chiam a ,Professor alo leng bawk nen.Lu na bur in ka thawh phah.Lawk..keihi thla hnih ngawt ka period tawhlo! Ka rai ani thei ngem ? Mahse awihawm loh lutuk Professor chungchang ka hrechhuak leh hnuhnawh.Rai thei ka nilo hrim hrim..



Ka pum ni nghulh leh ka thil ei tuilo lutuk reng vang chuan Mary'n inentir turin min hruai a ,ka nu in min enchiang duh mahse natna engemaw ka lo neih tak thutah ka duhlo kha nia.A thawhna ah pawh in entir duh loin Ebenezer ah kan kal tawp.Ka rai chu ringlo hulhual mah ila natna dang eng ngemaw ka lo neih palh hlauh takin test zawng zawng chu kan tikim vek.Ka hriselloh thin em vang pawn ka pa pawn min ngaihtuah hle..



Ka thiannu ve thung hi chuan hmangaihna ilak nat vang anih kha tiin min fiam zuk zuk reng ,henu zet hi chu a chimawm thlawt .Mak takin Awmpuia nen an in then a ,ka rin aia ala na lo chu ka lawmpui letling.Awmpuia reng reng pawh hi a! Biak pawh min be ngai ta hauhlo!



ka hming an rawn lam chuan kan lut a ,doctor hmeltha zet upa lam mah ahmai a enkawl uluk tih hriat taka makeup tello pawha vun nalh tak pû chuan minlo nuih sen sen in " i pasal in alo hruai lo che mi?" pasal kala neilo tih hre ngawt lo chuan alo ti nghal thawr..!!


'ah..nia ahmanlo a' kei a pawh hi pasal nei tawh awm zia z*ng in kan chhang ngawt pek a!Mary lo nui ru chur chur chu ka melh rum teh e ..


"a englo ania ka zawh chhan che chu thu lawmawm lam ,hei i pumchhungah hian nunna nei a awm tih kan hmu a " fiamthu tak chuan a ti vei sup.ka nui ve ruh ruh tho..Maw keihi ka rai tihna maw!Ani thei lo ang ! Athusawi chu ka hresual anih ringin ka zawt nawn nghal vut..



" thlahnih ala pûm lo hret ,inenkawl uluk viau ang che" la nui sen sen chung chuan a rawn ti leh!


Mary lam kava hawi chu kei ai mahin mak ati tih hriat takin min melh ngawt ngawt..








# ava sei reuh tak 😄 in nin hial ania ka rin ni🤧 chuan hemi ch bik ka type chhung zawng hian ka zak kuit thak🙈🙈Comment naah rawn sawilang miah su😁A ngaihna awm lo khawpin a ngaihnawm lo maithei bawk ani🤧#



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)