ELECTRIC LOVE - 10 BY PAPUII SAILO

Episode kal lai dah luhna

Moderator: writers

Ruatpuii Sailo
Posts: 100
Joined: November 22nd, 2020, 10:57 am

ELECTRIC LOVE - 10 BY PAPUII SAILO

Unread post by Ruatpuii Sailo » January 24th, 2021, 9:09 pm

ELECTRIC LOVE - 10
_Papuii Sailo






Kan Inkawtah bike ka ti ding a, Zira chu a chhuk nghal vut a,bike ka hun rem hnu chuan ka chhuk ve tur ka ke veilamin lei ka rap chiah chu ka then nghal sawk.A na vin tâk mai,ka dinglam atangin ka in sa seng ta ringawt a. Mahse ka ke veilam chu lei ka rah that pui ngam mang lo.






Harsa chung chungin Zira awmna ka bai thleng hram a, ka hmel a hmuh rualin "Tinge ? Ana leh tawh mi, i luhlul lutuk vang vek " Ti hmukin ka ke bulah chuan a kun hniam nghal vut a, a zut nghal hauh hauh.






A kut lum ther therin ka ke rek a chul chu bandage chhan mah ni se ka taksa chuan a hre rang kher mai. Ka ke chu hnunglamah ka chet hrut a, a phun nghal hluk bawk.





"Hrep che hianin ! A vûn bur tawh hi ! " Ti hrawkin rawn ban leh a rual a, a thinrim ringawt a mawni le ? Ana tuar zawk ang hrim a !




"Lut tawh ang " Ka tih sep rualin a rawn ding chhuak a, mi melh nghal khui khui chu ka lo melh let ve ngar bawk.





" Enge kha tia mi melh khui khui ? I lo lut dawn em ? I lo luh dawn chuan lut ang " Tih leh kal ka rual a, mahse satel ang vel ka ni, ka kal sawtlo kher mai. Ka ke veilam na lutuk chu ka rap tha ngam bawk silo pen hnih vel ka pen a, ka ding leh ren rawn a, thawk ka la nghal vak zel.Zira chuan min rawn kal pel fua a, mahse ka hmaah tak a thu hniam nghal rùn a.





"Engthil nge itih a ? " Ka ti chu "Lo lawn rawh " A ti nghal sup anih chu !. Enge maw a hriat le... Ka duh teuhlo mai inchhunga kan inpuak luh te chuan mak min lo ti lutuk palh ang."Ka duhlo lo tho rawh " Ka ti a, " Lo lawn vat mai teh" A ti ve tlat thung.







"A chi loh alawm, inchhunga kan inpuak luh chuan ka pa ten mak an ti lutuk palh ang " Min hnung chhawn zawngin awm mah se zai zir meuhin ka sawi. " Mahse i ke a nat kha " Ka lama a lu rawn thle buk pahin tichhuak sup a,min melh chho hâ bawk. A mit meng mawi zia hi ! Chutiang ngaihtuah hun a ni lp.Lu thing nakin thawk ka la nghal kawk a. Chiang lutukin ka awmdan chu min lo en char char.






"Ih.. lo ding la, kuah pah che in ka rinchhan zawk che nga " Ka ti leh sap chu a rawn ding chhuak ruai ruai a, "Mahni thu duh ropui si " A ti nghal hluk. Mahse ka kuah theih turin ka bulah a rawn ding nghal a, ka darah min vuan nghal rùn bawk. Keiin a kawngah nghet lutukin ka tham thung.






Ka rucksack-ah lai a kut lehlamin a khai a, kan kal phei chhet chhet a, keimah a ka kal ai thlawt chuan kam kal sawt zawk. Kan In hi kawngpui ân ni tho mah se, tualzawl kan nei tha a, mahse heng te hi chu nidangah te chuan 15 second pawh ka kal tling ngailo kha nia. Vawiin zet zawng.







"Ehee.. Tinge i ke lêk lûk chu " Inchhung kan luh rualin Nu Mahumi'n a lo ti hluai a, ka lo nuih ringawt thung. Sitting room-ah kan lut phei a, ka thu chiah chu ka thaw nghal huai thei.







"Nimin kan inkhelhnaah ka ti na palh a,ka pa chu a mu reng tihna mi ? " Ka ti nghal zat a, a bu nghat. A mitmengin ka bul lawk a thu chu tunge anih min zawt a, "Âww... Ka theihnghilh daih hei hi Zira anih hi ka thianpa, kan college a mi ve tho, tournament-ah khan a lokal ve hlauh a, vawiin an champion lawmna tur pawh kei heti hi ka ni bawk sia tlawmngaiin min rawn chhoh pui ringawt anih hi. Chuan Zir hei hi Nu Mahumi anih hi Hriati nu " Ka ti luam a, ka tawng hnem ve ber tum ni hialin ka hria.






Nu Mahumi chuan Zira chu fak luam pahin lawmthu te a hrilh a, pakhata erawhin a rul tawk lek lek bakin a chhang lo.






Hriati rawn lutin Zira a hmuh chuan phawk lutukin keimah min rawn en zui nghal. Ka hmui phunin "kinah ka hrilh ang che" Ka lo ti sap.




Thingpui a in zawh hnuin Zira pawn "Ka va haw ve tawh nge, lo indim la " Ti sup pahin a tho chhuak a, a âw ah chuan min ngaihtuah hmel tak zet.Kei hi ka â nih hi engvangin nge min ngaihtuah ve ngawt ang ni.






Nu Mahumi'n kawngka thleng ava thlah a, a chhuah dawn chuan min rawn en leh vang vang phawt a, lâi lutukin ka lo nuih ringawt thung.






A chhuak chiah tihin Hriati'n min rawn hnaih nghal ruak a, " Sawi vek rawh a vaiin " A rawn ti tawl chu ka nui chhuak nghal hak. Thil thlen dan vel ka hrilh zawr zawr a,min kiss erawh kha chu ka sawi tel duh lo. " Avan mak em em, ka hriat thin Zira kha chuan chutiang a ti duh lo ang" A ti chhuak hap a, keipawn mak ka ti ve tho. A tira kan inhriat dan nen phei chuan tun a a awmdan hi mak ka ti. An sawi ang em emin a lo sual biklo te pawh a ni mahna.






Ka pa a mutthilh tho avangin ka intifai hmasa te te phawt a, a room-ah ka kal chauh. Blanket sin hlun chungin a lo muhil bâm a,a khumah lawnkaiin a bulah ka mu ve a, ka kuah nghal hlun bawk. " Ka nu ka lo va pui ang aw " Tih pahin Hriati chu a chhuak leh nghal a. Ka pa bulah mut hmun ka rem tha sauh thung.





"I lo haw maw? " A rawn ti chu ka melh chho nghal hâ a, ka ti harh nge a muhil lo hrim hrim zawk.





"Ka lo haw lo tep a ni, eng vangin nge i damloh thu engmah min rawn hrilh loh " Ka ti vin tan tan chu a nui suk a, ka tum nghal bur thung.






"Nui pawh nui suh " Ka ti leh hlar chu a nuih aza zual sauh a maw tih tur a ni. "Min ngaihtuah ka hlauh vang alawm " Ka sam a chul pahin a ti dam thlup a, " Ngaihtuah reng e, Hriati'n min rawn hrilh lo phei se chu" Ka sawi tawp lam chu a ri che che chauh. Min kuah nghet vak a, ka rak nghal chul chu a nui leh hawk hawk.






Men ka tum chu ka meng hlei theilo. Ka mit a thial ûr a, ka khap nghal fak fak a. Room chhunga ni zung rawn eng lut ut chuan ka mit a ti vai riai a, mit ka chhing leh vak a, ka nuai nghal nawk nawk bawk. Khum atangin ka thu chhuak a, keimah chiahin ka lo mu tawh. Ka pa ka mutpui kha ka lo muhil leh daih a ni ngei ang.







Hriati'n eitur a rawn ken luh chuan ka hawi â deuh ho a, sana ka en nghal vat chu dar 12:45 pm a lo ni vah tawh. Ka va han mu rei em em.






"Duata , khawnge ka pa hi ? " Khum a a rawn thut ve rual chuan ka lo zawt a, " A ngaih vang che a damlo a ni hrim hrim , i lo thleng chiah chu 'khawsik ka nei tawhlo reng reng ' a tia , a tho harh tha bawk nen a inbual anih kha " A ti a. Keimah zawk hi ka awm a nuamlo ka ni muai muai mai.






"Duata, nachhawkna min lo lak sak mai teh, ka khua a sik dawnin ka hria " Khumah chuan ka let thla leh nghal tap a, blanket ka sin tha sawt sawt bawk.Side table a ka phone dah chu ka ban a, ka beisei loh lutukin Zira missed call leh message a lo awm. Hmunsanga message pawh a lo awm tho kan thlen tluan leh tluan loh vel min rawn zawt hi a lo ni a, ka reply vat a,a in deliver ringawt thung.






Zira mesaage chu ka chhang duh ngem tih ka in ngaihtuah reuh reuh.* I ke chu ala na viau em ? * a rawn ti a.Chhan loh ka tum a, mahse out ka tum lai takin message dang a rawn thleng leh nghal. Ka online hun chang ang hrim a.




*Ka call i la thei lo va* a rawn ti leh, tunah chuan chhan loh theihloh a ni lo. Ka online tih a inziak kur si.



*Nia, ka lo muhil daih a*



*I khuasik em ni? *




*Sik hran lo ve, nizan ka muhar sia, zingah kan tho hma leh bawk sia mut ka kham lo va * Ka ti leh dik tak chuan tunah hian ka khua a sik ru ser ser, mahse hrilh kher ka tum lem lo.






*A that hlauh chu ka ngaihtuah lutuk che a * a rawn ti nih chu! Hepa hian min ngaihtuah maw, ka sawifiah thiamlo keimah hi ka chhungril takin ka hlim veng veng. I duh ruk deuhin a ngaihtuah thu che sawi se , i hlim lo bik a ngem ni ?.A dik kei hian Zirsangzela hi ka duh ngei alawm. Mahse kawplai nei a ni, chu thu ka hriatchhuah rual chuan ka hnual nghal rawih,mi duhlai bawk kei hian ka duh leh tawh. Chu chuan ka thil paltlang zo zai kha min hriat chhuah tir zui nghal uar uar a, Chuvangin amah Zira'n ka duh tih a hriat a rem lo.Reply tawh lem lo in ka phone chu ka dah nghal daih a, nachhawkna ka ei a, Hriati eitur lo ken luh pawh chu ei lo in ka mu zui leh nghal a.





(A tawp note khu min lo chhiar chhuah sak hram ru aw, nakinah zawhna a awmloh nan❤
)

*ZIRSANGZELA POV *




Sawi lawk lemlo a ka haw vangin ka nu in min hmuh chuan mak a ti ngei mai.Kan tum dan kha chuan naktuk a haw tur kha kan ni bawk nen. Mahse Malsawmi vangin tum loh dan deuhin ka awm ta si.Apa a damlo tih a hriat lai a a hmel mawlh kha, a hrilhhai leh hamhaih lutuk avang khan ka lo tawt ru ve tun ringawt anih kha, theih se chuan ka awmah bei tir a hnem mawlh mawlh ka duh. Mahse a rem silo a tin ni.





A ke teh hrep pawh kha a vun phah dawn tih hria ila chuan bike kha ka khalh tir miah lo vang, mahse a thil min dil tih hlawhtlin sak loh kha a har lutuk ka tan chuan, zinkawng hlim awm ber ka zawh phah lawi bawk si. Kha aia thui kawng kha zawh ila ka tih zia kha.Mipa tam tak aiin bike khalh a thiam zawkin a confi daih zawk bawk.







Ka intihfai zawh hnuin ka nu in chaw eitur a min lo koh avangin ka ei a, Malsawmi ngawt kha ka rilruah a awm avangin chaw pawh tih tham ka ei lo.





Biak ka chak em em a,mahse va biak dan tur ka hre leh lawi bawk silo. Ka phone chu ka tuai let ka tuai let ringawt .





Ngatinge ka hriat chhuah loh a ke vung kha, kha ngei kha ni ka biak chhan tur chu, mahse va zawt tawp ringawt ila eng dang nge ka sawichhun zawm chuang ang.







Hmeichhia ka biak dawn a sawitur haihchhama ka awm awmchhun a la ni. Hmeichhe dang aia a danglam fal nalh bik vang pawh a ni mahna le. Sawi tur zawng kan inbiak chuan a awm chawp ve mai ang tih rilru pu in ka call ta ngei a, mahse a ring quit thak. Whatsapp-ah ka lut a, a last seen erawh Chhiahtlang atanga kan chhuah hma daih kha a la ni. Ka text ta tho a a in deliver phawt. Mahse chhanna reng ka dawng theilo.A khat tawkin min reply tawh em tiin ka phone ka check sek a, mahse a last seen ala ngai reng. Ani hi a damlo zui a ni em lo maw ?. Ka thaw chhuak leh vak thin. Ka awmdan chu min hmutu awm se mi pangngai zân lo amaw min ti hrim hrim ang. Room-ah ka vei tawn sek a, ka thaw chhuak leh hawk thin bawk nen.






Chung zawng zawng chu hmeichhe pakhatin ka message a reply theih loh vang mai a ni tih awih a harsa viau, mahse a ni miau si.





Keimah hi ka inthunun theilo.




Dar 1 rik dawn tepah ka message chu a seen ta ngei e, online reng chungin chhanna erawh ka dawng lo.Zahtheihloh chhuahin ka va text leh a, min reply ta hram a dam that thu a sawi chuan ka pik lutuk kha khawdur thliin a chhem kian ang mai hian ka veng nghal huai thei.





Ka ngaihtuah thu ka hrilh chuan dawt ka sawilo ka ngaihtuah lutuk tak zet miau. Mahse chhanna erawh ka dawng zawm tawhlo. Pawilo a tha tih ka hre tal a a zia thawkhat viau e.





"I lo haw tih min hrilh miah lo a" Lawmlo tih hriat taka titu avang chuan ka hmai ka tuai nghal puat a, chhan ngaihna reng ka hre lo.




"Nia" Ka ti ringawt. A chek nghal tlak tlak bawk.




"Chhiahtlangah hmeichhe dang i han nei e ni êm lo maw? Ni reilo te chhunga i danglam zia hi i hria em? Bazarah khan hmu lo phei che ila chuan ilo haw tih pawh ka hre dawn miahlo a nia " A aw atang reng pawn a lawmlo tih a hriat.





"Phone ka khawih hman lo alawm " Ka tichhuak sup a, ngeiawm lutukin a rawn nui ri hak.




"I khawih hmanlo maw, chhunah pawh i online reng si kha " Tih pahin phone a off zui nghal hmak.





Ka last seen a check a ni ngei ang, chuan tun maiah khan ka haw thu ka hrilhlo tih ka hre chiah bawk. Malsawmi ngawtin ka rilru a luah vang pawh a ni mahna. Ka rilru uire tlat hi ka hrethiamlo a ka thunun thei bawk hek lo. Rci lakah erawh ka inthiamlo hle thung. Tiang rilru phir lutuk put reng ai chuan duhthlanna siam fel mai a tha ber, mahse a tu ve ve zawk pawh thlang ila ka rilru a nuam dawn chuang si lo.Awm dan tur ka hrethiam tawh hlawllo.





Ka ngaihzawng nilo midangin ka rilru a luah hneh zawk a,ani lahin thian ang bakin min en bawk silo.





*



"Buddy, zanin chu Asawmi te inah leng ang aw, a damlo kan kân dawn nia, ka rawn sawm phei ang che " Engmah pawh ka sawi ve hmain phone a dah zui nghal daih. Chuan eng nge a sawi kha Malsawmi a damlo maw ?.






Dar 7 velah min rawn sawm a, a ke vungin a khua a tih sik thu a sawi chuan ka thinrim tung ringawt. Kan haw atangin ni hnih a liam leh tawh. Chuan in inbe zeuh zeuh a, a ke enge a an tih ka zawt ziah bawk. 'A dam a ni tawh mai' tiin min chhang ziah thung mahse a khua a lo sik reng anih chu ! Hrep hianin, engmah min hrilh lohin Hmunsanga erawhin a hre vek thung si.





Engmah mi hrilh ve loh avangin kal loh ka tum thut thut tawh a, mahse a hmel hmuh ka chak bawk si nen an inlam panin kan inkhalh chhuak ta nge nge a.





Hmunsanga'n door bell a hmet ri ral ral a, Hriati khan min lo hawn sak a, Malsawmi sawi danin helamah an awm rih deuh chawt a nih hmel. An inlamah zan erawh an riak thung.




Sitting room sofa-ah puan nuam sin hlun chung a thu thluang duaiin T.V a lo en a, keini thiandun min hmu chu kan kal tur hre lawksa ang hrimin min lo nuih var var a. Nidawn tak engvangin nge a hriatloh teh lul ang ni, Hmunsanga'n a hrilh lawksa vek ang chu maw le. A ep chiahah thut hmun kan rem a, abulah Hriati a thu thla ve nghal a.Apa erawh inah a awmlo anih hmel.





" I khua chu ala sik em ? " Thianpa chuan a ti a, a zia deuh tawh thuin a chhang ve mai a.Min rawn en zeuh bawk, keiin ka lo melh ngur thung a, rang lutukin T.V lam a en leh nghal a, a hmelah a inthiam bik chiahlo tih a hriat.





Hmunsanga nen an tîtî a, a chang leh an nui leh hak hak thin.Hriati'n a lo zawm ve zeuh zeuh bawk. Hmunsanga bula nelawm thei ang ber a a nuih thin laiin ka bulah erawh a bak hlur zel thung si.Ka thianpa hi ka thiklo ti eng ang mah ila tunah ka awmdanah hi chuan ka pha theilo a ni tluk a thik hi tun dinhmunah hian ka neilo. Ka luh atangin vawikhat mah ka la tawng ve lo bawk. An titi ngaithla chungin T. V lam hawiin ka inhum ngawt ngawt.





"Damlo kan tur si eitur kan lo keng miahlo, kan va lei dawn mi buddy " Hmunsanga chuan a tichhuak hliai a, " Dawr awmna ka hre lo, va kal rawh nagmahin" Ka lo ti hmuk thung. Ka aw ka chhuak bul hmuk vang nge min enduh hle.





"Ka hre bik hlei nem, chuti chu Hriat nen kan pahnihin kan va kal mai dawn mi? Tikhan lo awm mai rawh kan rei lovang " A ti tha ve mai a, Hriati nen chuan an inzui chhuak zui a.





T.V melh run chungin enge chhuak ka hre miahlo thung. Malsawmi chuan min rawn en leh zauh thin tih ka hria. Mahse ka hrelo der tlat thung. A damloh thu min hrilh ve lo kha ka la na tlat.






" I thinrim mi? " A rawn ti dam diai a, ka chhanglo thung.





" Ih.. Chutianga damlo pawh ka nilo a, ka ke phei chu inchhungah pawh ka vei pui thei tawh " A inthiam vak biklo tih a aw atangin a hriat theih. A lam ka hawi ta nge nge a, min lo en ve reng bawk.






"Hmunsanga i hrilh tho si a, nge ? A ni lakah chuan i pangchang deuh bik " Ner deuh sawk paha ka ti chu a hmui a pet sawi zeuh.





"Ani te chu tet te atanga i hriat a ni bik tak e " Ka ti leh hluk a, mak ti hmel ka hmu tawh thung. Keipawh hi chu thil chu engvanga sawichhuak nge ka nih teh hrep. "Theihnghilh rawh " Ti leh hmukin T.V lam chu ka melh san leh daih a.






"Ih.. Kha chu eng lo ania, hrilh ka tum pawh ani lo, ka khawsik ka mutthilh hlanin Hriati'n a lo chhang a, alo hrilh a chuvang a lawm " Inthlahrung tih hriat tak chuan a rawn ti sep a.





"Mahse ngati nge ka hrilh loh che chu i lawm loh viau a, i tan hmelhriat satliah ang chauh ka ni sia " A rawn ti zui leh chu lawmlo lutukin ka phun chhuak nghal hluk.





"Mipain hmeichhia a ngaihsak viau hian enge a chhan ni a i hriat " A mitah tak ka melh ngur a, ka sawi awmzia a man lo nge a ner nawng ringawt.





"A farnu anih vang te, anu anih vang te, a bialnu anih vang te emaw a duh ruk vang te pawh ani thei chhan tam tak a awm thei alawm " A ti hliai chu nui chhuak hakin





"I sawi tawp ber vang chiah kha " Ka ti nghal sup.






Ih maw u🤧Exam lai mek ka ni a, naktukah ka nei bawk a, tian ka ngaihtuah a ka chawl rih lawk ang a tun kar chhung. A chhan chu zan 2/3 dan vel a chhangkhat deuh2 a dah kha nangmah ni tan pawh a ninawm ve anga, kei story mood-ah ka cheng thei bawk silo nen. Karleh thawhleh hian kan zo dawn a, chumi zan atang chuan regu deuhin ka rawn dah thei tawh zawk dawn a.Chuvangin tunkar chu ka off mai ang aw.

Fb a post chu in hmu kim vek awm silo a, chumi sawi pah chuan zanin ka rawn dah hram(bonus a tel bawk🤭).

Min lo hrethiam hram2 rih mai ru aw in fel em kha🥰Karleh atangin buaina dang a awmloh chuan zantin dah kan tum dawn nia❤❤. Next atang chuan kan buai chho rap rap tawh ang a tluang rei tawh emai😄



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)