HMANGAIHZAUI Chapter 24

Episode kal lai dah luhna

Moderator: writers

Lalnunmawii manuntei
Posts: 109
Joined: November 26th, 2020, 10:46 pm

HMANGAIHZAUI Chapter 24

Unread post by Lalnunmawii manuntei » January 24th, 2021, 9:13 pm

HMANGAIHZAUI

BY

Lalnunmawii Manuntei



Tih theih awm si lo , ka vei kual sek, ka nu lah chhin khat mah a chhing thei der si lo, a taksa in a tuar ang tih hlau viau mah ila , ka hnem thiam si lo.



Kan pawisa dah na safe hawng rawk rawkin airbag ah ka khung sawk sawk a , heng pawisa ai hian ka pa nunna a hlu zawk ka ti ve tlat.



Police engmah hrilh lo turin min ti mahse , ka hrilh ta tho, misual te hi tu te nge tih hre lo mah ila , kawlaiah zalen takin an leng awm sia. Thinrim ṭeuh chung chuan an sawi na hmun pan a.



Ka thiante pawh engmah hrilh lo in ka kal ve tawp a, tumah hi rin loh a finthlak berin ka hria. A hmun ka thlen chuan tumah hmuh tur an awm lo.



Ka hawi kual vel a , thli thaw in hnahthel a chhen len ri heuh heuh bak hriat tur a awm lo. Rei fe ka awm hnu chuan ka phone a virbrate vangin ka kikawr zen rak rakin phone call chu ka pick nghal.



Number save loh a nih vangin "Hello" thum deuh chuan ka thum dut, lehlam a mi chuan "i awmna piah deuhah khan lo kal rawh" min hmu ni awm tak a a sawi vang chuan ka hawi kual nghal vat.



Tu te mah ka hmuh mai loh vang chuan an sawi na lai awm ah chuan ka phei nghal, "khawnge ka pa chu ? In duh chu in hmu ang " cho deuh tak a ka tih chuan ka hma a hmaituam a hmel pawh hmuh hleihtheih loh palian ve tak chua a nui ngawr dut dut a.





A hmaitlangah chuan chiang kelh kawlhin la en vah, min chho tih hriat tak chuan a ni pawh chuan min en run bawk.



Ka pa chu "khawiah nge in dah " ka ti nawn sak , an lo hruai dawn lo emaw tih lai chuan muangchangin a phone a khawih niap niapin tu emaw a be mawlh mawlh a .



Ka pa an lo hruai ka rin vang chuan ka hawi kual thuak thuak a , palian pui pui pahnih kan lampan a lo phei chiah ka hmu.



Eng emaw tum an nei a nih ka rin vang chuan in ring ranin ka awm, kan bul an lo thlen chuan ka bag ken lai chu min dil nghal mai, kei in ka pa ka hmuh phawt loh chuan a theih loh ka ti ve tlat.



Ka pek duh loh vang chuan pakhat zawk chuan "tharum thawh kher ngai lo in ṭha deuhin min pe mai mai rawh" vin deuh a a tih chuan pek ka tum chuang lo.



Ka piah deuh a mi chuan min chelh beh tumin a ban a vai thuak ka lo awm sawn hman , an vai chuan min khawih rawn a.



An zing a lian ber chuan min pawm bet hmiah , ka tal nasat pauh leh min pawm nghet ting bawk si chu ka in thlah dul deuh a , tlema a ṭan tak lo ah chuan kawr ṭial ha pa chu a khawvelah ka pet sak pawp , a vial ngawng ngawng.



Kan in sual chu a ni der, mal ṭan ka nih vangin ka tha neih zawng zawng tak meuh sawm khawmin ka bei let ve chiam, a tir a ka hmuh hmasak ber khan a sir a thing pum tha nelh nawlh chu chuhin ka bekah a vaw chawrh a, ka tlu tawp nghal.



Ka bek a a vuak mai duh tawk lo in ka ban vei lam chu hmang thei tawh lo se ti niawm fahran chuan a tha tawpin a vaw zawt zawt a, ka taksa na lo lai reng a awm lo.


Mihring ka tling tawh lo ngei ka ring ,ka chet theih tawh loh hnu pawh chuan min kalsan ta mai lo chuan ka taksa rem lai lai chu a vaw leh ṭhin, a chilin min chil a ni ringawt.


Ka nat em vang chuan ṭe pawh ka ṭe chhuaj thei lo, ngaihzawng then vang a rilru na te chu ka taksa na lakah chuan vut lak a vaaih ang lek ani.


Ka bek ka dawm vang vang a , thisen chhuak ka hmuh chuan ka ner sak , ka bag ken an la a, kal mai an tum chu thei leh thei lo chuan tho chhuakin ka bag ken chu ka ban.



Min nam leng dawr , pathumin min bei hrawn chu thu hran ka bek a an vuakna vangin ka che hleithei lo.


Ka lu a hai lutuk vangin ka khaw hmuh a phe vek , ka en ngun pauh leh a fiah lo tulh tulh mai si.A tawpah phei chuan leiah ka tlu ṭhuai.



An kal liam leh liam loh pawh engmah ka hre lo , ka bul velah chuan thawm ri va chu ka hre reng, ka mit ka meng ngam lo.


"A la dam , engtin nge kan tih ang?" Ka aw ri hriat ngai loh a nih vang chuan tu nge aanih ang tih rin ngaih na reng ka hre lo.


Ka harh leh chuan damdawiin ah ka lo awm reng tawh, ka nu leh pa in ka harh chhuah hun nghak in an lo ṭhu ran a.



Midang ka hmuh lo, ka mit chuan tu emaw a awm beiseiin ka hawi kual vel a, ka pa doctor koh turin a tlan phei nghal a, ka nu lah a che chang thei lo.



Ka nu hmeo ka en chian chuan lawm avangin a biangah mittui a lung a ni tih ka hmu, ṭawng hlei thei lo in min en chungin a ṭap feih feih a.



Lawm avangin mittui a lo tla thei ani tih ka hre ve chiah, ka nu mittui chu thei leh thei loin ka hruk sak , "Bawiha min hria em? I nu ka nih hi min en chiang teh" ṭap hiam hiam chung chuan a ti a.



A awm dan chuan ka ngaih a ti ṭha lo viau, "nu ngati nge kha tia i awm, e nge a awm zia" ka hriat thiam loh em vang chuan ka ti phawng .


"Doctor khan i hriat na i hlauh maithei a tia , Mampui min hria ti raw?" in hnit feih feih chuan a tih zawm zat.



Kan in sual lai vel te chu a ngaihtuah chhuak hlawl, "ka hriatna chu ka hlauh lo tawp anih dawn hi" ka ti sep.



Ka pa leh doctor an lo let hnu chuan ka nu pawh hahdam huai ang mai chuan pangngai takin a awm leh tawh.



Doctor chuan min check mawlh mawlh a , ka en reng ringawt. "Engkim a ṭha vek e mahse, la indim deuh se ṭha ang" tiin a kal nghal mai.



Ka pa hnenah chuan "engtin nge hetah ka awm theih a? Kha mi te kha engtin nge an awm? " hriat chian tum tak chuan chik em em in ka zawt a.




A phone phawrin thlalak min en tir a , min sawi sa tu te bakah ka ṭhianpa ti a ka lo sawi ṭhin Samuela leh Rickya te pawh an trl ve bawk.




Engvang a Samuela tel ve ngawt nge anih chu ka hrethiam hauh lo.


"E nge a awm zia ? Samuela kha engvang a tel ve ngawt nge a nih" ti a ka zawh chuan engmah a hriat loh thu in min chhang.



Ṭhian kan nih na pawh a la rei lo a sin, engtin nge min bum theih zawk le , amah vangin Rickya lakah pawh phuba ka la kha nia.


" khawvel a kan awm chhung chuan tumah hi rin loh tawp tur a nih , kan rin em vangin an mahni kan rinna an ti chhe leh vek thin" tu te nge ka bulah awm tih pawh ngaihtuah lo chuan ka rilru ka lo kawm mial mial a.




Ka piah lawk a min thlir reng tu a awm ani tih pawh ka lo hre chang lo chu nia, ka hmangaih em em ka Bawihi ngei mai chuan min ngaihtuah tih hriat tak chuan min lo en reng.



Ka nupui hual , ni rei lo te ah ka nupui ni mai tur chu ka hui zeuh a, ka nu leh pa pawn hrethiamin kal na tur ab neih thu sawi in an chuak zui .



"Bawihte ka tih palh , ka ṭhianpa in min bum vangin ka ngaihtuahna ka lo kawm nasa lutuk a , ka hawi kual lo em a tin ni" in thiam loh deuh chuan ka ti sep.



A nui seih a ," i lo harh dawn tawh lo emaw ka tia sin,nithum (3) lai i harh tawh si lo a, doctor lah khan a hriatna a hlauh maithei, engmah a la hriat loh a tih khan ka mangang hman lutuk" min ngaihtuah tih hriat takin a ti a.




"Nithum maw ka harh tawh loh , engtin nge ka hriat loh zawk, a mak ngawt mai, i rin Pathian khan min kalsan lo tih ka hre chiang ta, kei pawh ka dam hunah Biakin panin ka inkhawm ve ngei tawh ang" rilru leh tih takzetin ka sawi.



"Ka hun liam ta ka ngaihtuah chuan Pathian aiin ka ṭhiante ka thlang fo, mahse, ka ṭhiante chuan min kalsan ṭhin , min kalsan ve ngai lo tu Pathian ka nei tih ka hre chhuak ta , Lalpa ka lawm e, nung dam a min zuah avangin,ka hun pum i tan ka hmang tawh ang" ka rilru in ka ṭawngṭai mawlh mawlh.




"Police kha hrilh lo lang chuan heng misual te hi zalen takin khawlaiah an la leng suau suau ngei ang , i fing khawp mai" nui sen sen a ti tu chu thawh thut a ,fawh vawng vawng ka chak kher mai.



Kan inneih nan thla khat chiah in min dang tawv si, kei lah Hospitalah ka la awm dawn chauh si, inbuatsaih ngaihna reng ka hre ve lo.




Nitin Bawihi pawh a lo kal reng, Zuali leh Beckyi pawh kum khat tang tur a tih an ni, khawngaih viau mah ila dan kan zawm a ngai tlat.



Samuela leh a ṭhiante pawh mi ruk bo leh tualthah tum vangin kum sawmthum(30) chhung tang tur a tih an ni.



Ka ban vei lam pawh a zia awm viau , duh angin ka ṭang thei lo mai chauh, pian nawn theih ka chak , Zuali leh Beckyi te hi tawng lo in ka hring nun ah Bawihi chauh hi ka hmeichhe tawn hmasak ber ni se ka ti thin.



"ka lo hruai ang che , engmah lo ti duh suh, ka duat ve theih hun che nih hi, damdawiin a ka awm pawh khan min tlaivar pui ṭhak kha , min lo nghak ang che " lehlam a miin a tih tlat vang chuan a thu sawi awih ka tum bur .



"Aw rei lo la , i rei vaih chuan ka haw san che ni mai" uang deuh tak a ka tih chuan a nui huah huah a, kei pawh ka nui ve suk tho .




Ni a kal muang ka ti , kan inneih hun ka nghahhlelh em vang pawh ani mahna , dam chuan kumkhat te chu a rei lo e , a liam zung zung an tih hi dik ka ti ber hial ang, damdawiin ka awm vang khan ni a kalmuang ka ti kha nia.




Ka fiam zuk vang nge a lo thleng hma kher mai, ka nuih sak, a ni pawh chuti bawk, ka insiam fel vek tawg vangin kan chhuak nghal chu a nia.



Ka ban veilam ka la hman theih loh vangin ka bag chu a khai ve ngei a , mi te angin min ti hiau hiau lo mahse , hetia ka bag a ken ringawt pawh hian keimahah hna nasa takin a thawk.



Kan inneihni tur a hnai tual tual a , ka la bazar pui lo tih ka hrechhuak , an dawrah kalin ka va sawm ta tawp a , Fionai pawgin lo hrethiamin a duh chen chen chawl turin a hrilh nghe nghe.




Hmeichhe simple tak a nih vang a ni ngei ang , thil man to a lei ve vak vak lo , tlereuh eng i lo pawh a melh chhin miah lo , nileng a kan bazar takah chuan kei pawh ka chau hnap mai.



An in thleng ka drop a ,ka nun pum a kiang ah ka hmang tur te , tu ta mah ni lo a ka ta chiah a ni tawh tur te chuan hlimna leh lawmna sawi sen rual loh min neih tir a ni.



Hun chelh din reng theih ni si lo chu kan inneih ni tur pawh nikhat chiahin a dang ta , ka phur viau rualin ka huphurh.




Bawihi'n a ṭhiannu Rinzuali a dinpui dawn a keiin Victora ka dingpui dawn thung, man hlan a nih vangin ka huphur hran lo .

(Ṭhian satliah ring bur suh, i rin em em laiin a bum thei che , inchhir nan khua i tlai palh a nge, fimkhur rawh.)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)