BLEEDING LOVE Chapter-17

Episode kal lai dah luhna

Moderator: writers

Christina's pachuau
Posts: 38
Joined: December 20th, 2020, 1:14 pm

BLEEDING LOVE Chapter-17

Unread post by Christina's pachuau » January 25th, 2021, 4:57 pm

BLEEDING LOVE





Chapter-17





ANDREW LOVATA POV





Denna chuan mak tih hmel takin min en reng, heihi ka tlawmna hmasa ber a ni. Zan in khan a chhe lo lutuk, a nghawng ngo leh fai sar kha fawp lo turin ka insum nasa lutuk.





Mipa dang khan an en zui reng tih ka hria, chuvanga a kawnga kuah reng pawh ka ni. Denna hi tê hle mahse ama tawkin a khal nalh a, a mawi tawk em em a ni. Tumah hi ka mamawh thu ka la hrilh ngailo, mahse Denna taksa ka sik hlek hian tisa chakna in ka khat thin.





A hmui chu ka kut zungpui chuan ka khawih sak a
"I tan hian hmeichhe tenawm leh bawlhhlawh ka la ni reng em?" a rawn tisup. Ka en reng.





"Denna" taksa lam ah chuan a thianghlim ngei alawm, mahse i rilru hi a bawlhhlawh tih ka hria. Mahse tun ah chuan taksa hi a tawk viau.





"Min la ngai reng a mi?" rilru nat hmel tak hian a rawn ti a.





"Nilo..... Denna hmeichhe thianghlim i ni" ka ti vat. Lawm tih hriat tak hian a mittui a rawn tla a, a nui sen sen bawk.





A mit ah chuan ka en kar a, a nui hmel chu tawp riai riai in, min rawn en ve a, ka che nghal zat. A hmui nem leh fawh nuam zet ah chuan ka fawp a, ani chuan a dawh mawl tawp. A kawr chu phelh sak in ka pawm a, khum lam ka pan pui nghal.





Denna hian ka mamawh zawng zawng a nei kim vek, a kut ringawt pawh hian min tiphur lutuk, tihnat ka hlau hle bawk. Ka ban kham in min ngheng chial a, a thaw sak sak bawk. He hmeichhe duhawm tak hi a chhungril a chhia tih tunge ring pha ang? Ka nui suk

"Thuam tha tak i nei anih hi" ka tisup. Ka mutna siam rem in ka mu ve nghal.





Zing ka harh chuan Denna alo awm tawh lo, ka hawi kual lai chuan bathroom atang hian bathrope nen alo chhuak a, a chawn ngo vang chu a lang thei.





Nui sen sen in "Morning" a ti a, ka pan nghal vat.





"Morning kiss tello in maw?" ka ti a, a zam tih ka hre thei. A hnar leh hmai chu a rawn sen tan tan mai.





"Over suh, inbual la hna kal i ngaih kha" tiin dressing room ah chuan a lut zui nghal. Hnung lam atang chuan ka nuih vur vur, Denna chiah hi min tinui theitu a ni.





Ka thil ngaihtuah avang chuan ka nui tawp chiang hle. Tualthattu fanu in min tinui a maw?! Nilo, taksa lam mamawhna min phu hruksak avanga nui mai ka ni. Bathroom ah chuan lut in tui vawt hnuai ah chuan ka ding vang vang. Mr George pawh a dam rei tawh lovang, ka thil tih tur hi tivat ila, ka nun atang hian chhuak se ka duh.





Ka insiam zawh hnu chuan breakfast pawh ei lovin ka chhuak nghal a, Denna kha a lungawi chiah lo tih ka hria, mahse chu chu ka buaina a nilo.





Ka office ka thlen chuan Rex ka ko nghal a, ani pawh a rawn thleng vat.




"Mr George chanchin hriat belh i nei tawh em?" ka ti nghut.





"Tunlai chu sumdawnna lam ah a buai deuh ngar ngar, chuan record kha an la zawng reng bawk"




"Rex ka duh dan chu i hriat kha, keimah ngeiin thah ka duh. Chuan tih dual awm suh se."




"Yess, boss" tiin a chhuak zui nghal. Mr George hian min pumpelh hauh lovang. Hrep tak hian





Tlai lam ah chuan Rex nen hna kan neih avangin hotel atang ka chhuak hma a




"Rex kan thil lak luh zawng zawng chhui chiang la, a list in min rawn pe ang che. Chuan khang mimawl pahnih kha lo chhui chiang la, an hnuai chiah a mi te nen khan" a lu a rawn bu zeuh.





Kan shipment alo thleng a, keimah ngeiin endik ka duh vanga chhuak hma ka ni. Ka ruahmanna hi a fuh anih chuan ka mafia leader pui te pawh ka that vat ang.




In ka haw chuan Denna chu alo la meng a
"I rawn van haw har?" a lo tisup.




"Hna a tam alawm" ka ti nghut. A laka nelawm vak ka tum lo, nizan ang kha ni fo mahse. In chung ah ka chhohsan nghal.





Room ah chuan lut in ka intifai nghal a, ka chhuah leh chuan Denna chu khum ah lo thu in min lo en kar.





"Ka chung ah i thinrim em ni?" zam hmel tak chuan a rawn ti a.




"Engvang in?" ka tih chuan a ngawi reng.




"Thinrim lo, mu ang" ka ti a, ka mu zui nghal. Ani pawh min hlat thei ang berin a rawn mu nghal.





After 3days





Denna nen chuan kan inbe ngailo tlut a ni. Ka awmdan ngai rengin ka awm a, ani pawn a hma ang lo tak khan min biak a tum lo. Rex chu ka office chhung ah lo lut in




"Boss, Miss Denna in atang a kal chhuak tih thu ka dawng" a rawn ti a. Hrep tak hian, min dil lovin a chhuak ngam a maw! Ka dawhkan chu ka beng ri dawt




"Khawnge a kal chhui nghal ang che, i hmuh hma loh chuan lo let suh ang che" ka ti thawt. Ani pawh hmanhmawh takin a chhuak zui nghal.




f**k Denna, i lakah hian ka lo zaidam mah mah anih hi. Ka that khawp ang che. Rex chu rawn lut leh in




"Boss, Miss Denna awmna ka hre tawh e"




"Min rawn thawn ang che, keimah in ka kal ang" tiin ka chhuak nghal. Car a ka luh chuan ka phone chu ka en nghal zat.





A GPS tawpna ka hmuh chuan ka thinrim hle. Thianghlim tak anga lang siin a tenawm hle mai.. Miss Dixie nen bungraw khai chungin an rawn chhuak a, taxi phar in an lut nghal. Hrep tak che hian Denna...... Tenawm lutuk mai. Zui tawh lovin in lamah ka haw a, a hre khawp ang.





Zan dar 7:00pm ah pawh a la rawn haw lova, ka thinrim hle tawh. A hnu rei lote ah chuan room kawngkhar ri rak ka hria a, min rawn hmu chu a phu nghal zawk.





"I la meng alaw? Chaw ka ei tawh a, i ei tawh em?" a rawn ti a, ka nui suk




"Tun ang ah chaw ei loh a hun tawh em ni?" ka ti thawt, a phu nghal zawk.




"Vawiin ah khawiah nge nge i kal?"




"Ahhh....ihhh... Thil pawimawh ti turin ka chhuak a" a rawn tibah nuai.




"Eng thi pawimah nge Denna?" a ban pahnih ah chuan ka hmer vak. A khur a, a hmel atang chuan a hlauh hle tih ka hria.




"Thianghlim hmel tak ang hian lang tawh suh Denna, i lem chan hi duhtawk tawh rawh. Vawiin ah ka phalna la lovin i chhuak a, tlai tak ah i rawn haw bawk a. Hremna i tuar khawp ang" tiin ka lamah ka pawt hnai a. A hmui ah chuan ka fawhsak a, a tal nghal vak.





"Nilo, Drew ti suh" tiin a au vak vak a, mahse hei chu ka sawi lawk tawh.




"Denna i thianghlim tawh lo. Heihi kan vawi khatna pawh anih loh hi" tiin khum ah chuan ka bawh bet nghal.




"Aih......Drew ka duh lo khawngaih in" tiin a rawn tap nghal hawk. Ka tawp chawt




"Rawn phone che ka tum a mahse ka phone tlang thei lo che" a rawn ti ve that, a inhnih nghal hlawp hlawp.




Ngati nge he hmeichhe tap hmel ka hmuh hian keimah hi ka danglam. A tap hmel ka hmuh hian hrehawm ka ti. Hmeichhe tap mai mai in min hneh chu nia. f**k!!





"Ka....ka tihpalh" a rawn ti leh a, a chung atang chhuk in khum bulah chuan ka ding a.




"Hrep che hian Denna, warning ka pe tawh che. Mahse zawm lovin i kalchhuak lui a, hremna pek hi chu i phu a ni" a hma ai chuan ka aw pawh a dam deuh. Khum atang chuan a rawn tho a, mittui nen chuan min rawn en kar.




"Hetiang a i ti leh anih chuan hre rawh Denna ka hmuhna hmun ah che, khawi hmun pawh ni se, ka that khawp ang che" room atang chhuak in in hnuai ah ka chhuk nghal a. Tui vawt chu ka in khawlh. No chu ka vawm keh pawp. Shit!! Khawngaihna.





Room ka chhoh leh chuan Denna chu ka hmu reng reng lo, bathroom leh dressing room pawh ka en a, ka hmu lo. f**k Denna, ka thin tihrim zual i tum em ni?





Ka room leh lam chiah chu ka pan a, a inkalh tlat. Room chahbi chu la in, ka hawng a. Khum ah chuan alo mu, ka pan hnai vat.





Puan chuan a awm thleng a khuh a, a sam chu lukham ah chuan a inzam hnawk nuai. Naute ang maiin a thaw sak sak a, a duhawm hrep lehnghal.





A hmai vel chu ka chul riak riak a, a rawn rum ham ham, a muhil nghet tawh lo tih ka hria

"Engvang a room danga mu nge i nih?" a beng bual ah chuan ka tisap. A rawn meng diar diar, min hmu chiah chu a rawn meng kawk, a rawn tho nghal.





"Engtin nge ilo luh theih?" hlauthawng lutuk chuan a ti a, ka nui hak




"He in hi ka ta a ni" ka tisup engmah a sawi lo, hnuai lam a melh char char.




"Ka zawhna chu chhang vat rawh" ka ti hrawk




"Ihhhh.....ka.... Ka hlau che" a rawn tap hawk




"Engvang in nge i tah?" ka ti leh vak, a phu dawrh. Min chhang lovin chhuat ah a thu tung a, a khup ah a lu a nghat nghal.
Engvang a kuah chak tlat nge ka nih!? Ka chhuah vat angai.





Ka kal chhuak a, ka room ah lutin ka mu nghal. Mahse ka muhil thei lo, Denna hlau hmel kha ka mitthla ah a lang zel.






Leee in duh dan kha a inang lo deuh a, a then in thinchhia, a then in zaidam...mahse ka post a ka thil ziah kha lo chhiar ula Your Kindness tih vel kha😂😂....chuan comment vek ooo..min chhiarsak thin tute chung ah ka lawm em em bawk eee



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)