HMANGAIHTU DIK

Episode kal lai dah luhna

Moderator: writers

Famkimi chenkual
Posts: 24
Joined: January 4th, 2021, 6:35 pm

HMANGAIHTU DIK

Unread post by Famkimi chenkual » January 25th, 2021, 5:09 pm

HMANGAIHTU DIK
BY FAMKIMI CHENKUAL



CHAPTER - 1

ANDY.... POV

"I la theihnghilh theilo a ni tiraw. A ni pasal nei kha i theihnghilh theilo a ni lawm ni. Min chhang rawh Andy Lalfakawm" ka hma a hmeichhia te ve tak zahawm ru tak si chuan thinrim tak chuan a ti chhuak a.

Sawi tur ka haihchham a ni.

"I hria em ka bei ve asin mahse a tawk ta e ka tihpalh ka kal a nge" mittui tling piau a ti in a in her a min kalsan a.

Ka melh ngai ka melh tlawk tlawk a.

Kha hmeichhe tereuhte a kal chiah kha eng vang a ruak huai nge ka nih.

Hrep hian.

Harhchhuah thutin man hman tum chuan ka um a..

Mahse ka tlai hret taxi ah lut in an tlan chhuak hman.

A rilru kha ka hneh leh thei a ngem.
Khang hun kan hman chhung khan ka lo hmangaih hman a ni. Ka lo van inbum rei em.

Ka bei ngei ang.....












"A na......" min rawn tauh dawt in hmeichhe aw chuan a ti a.



Ka en chu lei ah a lo tlu sawp nuaih a.



"I kal na tur en ta che" rum ngut chuan ka ti a.



"I lian lutuk a nih kha" thawh pah chuan a ti nui nui a.



"I kal na tur en fimkhur tawh ang che naupang" ti ngut in kalsan mai ka tum a.



"Naupang ka ni bawk lo" ka kut a rawn vawn pah chuan a ti a.


Ka hawi let leh a. A chhip a țang a ke ler thleng chuan chik zet chuan ka en a.


Hmeichhe te ve tak ; ngo veng mai hmai bial kirh lerh leh chal sam rual hmerh in a nei bawk a.

Naupang tih loh chi zia zang a ni lo.


Ka en zo chu ka mit ko kan san ak a.



"Naupang ka ni lo nula kum 21 mi ka ni a chiang em" thaw hak pah chuan a ti a.


Ka kut chu theh pawp in confi zet chuan a kal san nghal zat a.


Ka kiai suk a.


A tet ang aiin a lawmawm a nih kha.





"Hey kan damlai lusuna chu" hotel room chhung ka lut chu min lo ti zat hlawm a.


"Kal teh u" ka ti ngut a.



"I sun lo mi" nghal zet hian Eddie-a chuan a lo ti leh leh a..



"A rai leh tawh sia" mit kan ak ak pah hian Jennifer'i chuan a lo ti zat a.


"Ngawi mai mai teh u" ka ti hlak a.



"A neih hma thla thum he lamah an awm rih dawn a Benben-a te nen ; an pa awm loh lai chuh in va birh tlut tlut i la ni mai lawm" Eddie-a chuan a lo ti lwh zat a.



"Het ti khan ti tawh teh suh u Kum 5 a liam tawh hi a theihnghilh tawh mai thei asin" Tluangtlaungi chuan min chhan zet hian a lo ti a.


"A la theinghilh lo chu nih hi tun thleng a ngaihzawng tak ngial pawh a la neih loh" Jennifer-i chuan a lo ti zat a.



"Kal teh u hna in neih kha" rum ngut pah chuan ka ti a.



"Awle awle kan hria e chhun chawlh lai kan rawn hmang țangkai ve a" phun nang nang chuan Emily chuan a ti a.


An chhuak hnak hnak a..







Ni e ; kum 5 a liam ta mahse ka la theihnghilh theilo chu a nih hi..



Ka pa hotel ka enkawl chho a. Mizoram ah district hrang hrang ah hotel kan nei a. Tin ; India ram chhung ah hmun hrang hrang ah kan nei bawk.



Amah theihnghilh ka duh vangin kum 4 chhung Mizoram ah ka awm lo reng a tun kum tirah khan ka lo haw ta chiah reng a nih kha. Mahse duh duh hun a theihnghilh theih chu a nih tawp loh hi.
Hrep hian.




Hmeichhe chi hrang hrang kawp kual mah ila min hnar tu lakah bawk khan rilru chu a awm leh si.



Pawm thiam tum viau mah ila ka la pawm thiam lo zel ni in ka hre țhin.


Mahse neih tum in beih ka tum tawhlo. Mi ta a ni tawh si. Mi nupui ni in mi nu a ni tawh si.


A thinlung nei thei lo mah ila a țhian ka ni tal a ka lawm a ni.







Chawhnu ah hna interview na ah ka țhut ngai tih hria in interview na tur hmun chu ka pan a.




Hna thawhna ah hi chuan mi khirh leh nui ngailo angin min hre vek a. A chhan chu hna chu hna a ni a perfect takin ka duh țhin a ni.


Ka hnathawk ten savawm ang in min tehkhin țhin reng a ni.



Ka țhu chiah chu min en deuh țhap in an lo ding țhiau a.



"Țhu ru din a ngai lo. Chuan ko țang nghal ula" ti ngut in ka țhu nghal zat a.




Hmeichhe interview a tam zawk an ni.


Ka mit lak tum fe fe an awm bawk.




A tawp lampang a rawn lut chuan ka mit a la nghal vat , ka hmuh hnu a ang riau a ni.


Aw ka mi sut nu kha a ni.


Min hmu chu a meng nghal kawk a.


In siam țha vat in a hming vel a sawi nghal zat a.



"LALHMINGMAWII" hming nalh tak a nih chu.



"Kum engzat maw i nih a chuan experience i nei tawh em" ka chhuak ngut a.


An lo hawi țhap a.


Ni e ; ka țawngchhuahna hmasa ber a ni miau a.



"Kum 21 na ka hmang mek a. Chuan Hotel Floria ah sawn ka thawk țhin a" a ti sep a.



"A nih eng vang a kan hotel a rawn thawk duh thut nge i nih" ka ti leh ngut a.



"Kha chu sir ka interview na ah a țangkai ka ringlo" hawi san vah pah chuan a ti a..




Ka kiai suk a.


A chhuak chu ka en zui reng a.


Hmeichhe in ring tawk tak maw.


Kimkimi min hriatchhuah tir zawk a ni..




"Duh tawk ang u ka duh chu ka hmu tawh" ding pah chuan ka ti nghal zat a.



"Mahse sir kan la zo si lo a" inthlahrung tak chuan ka secretary chuan a ti a.


"Ka duh ka hmu zawh kher a ngailo" tih pah in pen sawn chu ka rual a.




"Bawiha zan in tlai chu chaw lo ei ta che" phone ka lak chuan ka nu chuan a ti a.



"Nu zanin chu ka hman ka ringlo. Hna thil ah in hmuhkhawm kan nei dawn a" ka ti sup a.


"Aw.... i lo haw khat lutuk a i hman ka ring asin le" a ti nui nui a.


"Nu kar leh ah ngei ngei in aw" ka ti leh ta ringawt a.


"Awle awle... thil ei țha la" tih pahin call chu a off nghal zat a.





Ka room ah chuan lut in zan lam a kan sawi ho tur chu ka en thuak thuak a.



"Sir i hman tawh chuan kal a hnu tawh a" ka secretary chuan a rawn ti a.


"Awle... e Rema naktuk hi Mamit lam ka kal hun kha ni em" din chhuah pah chuan ka ti a.


"Aw ni e" a lo ti nghal zat a.


"Mamit lam hi a țhang ve sawt khawp mai" chhuah pah chuan ka ti a.


"Nia a changtlung pawl a nia. An in hrilh darh ve nasa a lawm" nuih suk pah chuan a ti a.


Ka bu ngauh a.






#note: zanin chu sei vak lo aw... a khuh hawn na chauh a la nia aw.
Chuan theih hram chuan click kha lo uar ula hmelțha ho

💜💜💜💜



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)