MY FIANCÉÈ - 6 BY 27 SENORIA

Episode kal lai dah luhna

Moderator: writers

27 SENORIA
Posts: 230
Joined: September 1st, 2020, 10:24 am

MY FIANCÉÈ - 6 BY 27 SENORIA

Unread post by 27 SENORIA » January 25th, 2021, 6:51 pm

Zan hun hman nuam vek ule🥰

FB_IMG_1611193999531.jpg
FB_IMG_1611193999531.jpg (44.42 KiB) Viewed 4468 times

My Fiancee - 6

Martin pov.

Ka dangro leh tui hal lutuk chu ka mang ram atang chuan ka harh chhuak hlawl a, kalu na bur leh zu rim nam vung vung chu ka thil hriat hmasak ber ani... Ka mit a phe vuai bawk a,khua ala varlo deuh nge ka mit fiahlo zawk pawh ka hrethiam chiahlo.. Nge ni keihi ka tho à em ni?? In thinharh tumin khum chu ka thawh san a.. Chhuat vawt thler ka rah rual chuan ka harh deuh zawk leh nghal..






Ka rilru ah chuan hetiang khawpa rui hian engtin nge ka in theih zawk le? Tiin ka in zawt ru mawlh mawlh a.. Batroom lam pan ka tum ke ka pen chiah chu eng emaw chu palhin ka tlu rí khut a, ka chal ka sawh ri bawp tih ka hria a, hma zawnga bawkthlawp ka ni bawk a, ka harh chiang khawp mai... Ka lu pawh a hai chhap chhap ania aw... Eng thil nge maw nile ka room a thil lian tak ka pal theih tura lo dah tu chu! Ti ru nauh nauhin ka tho a, ka en chu mihring ni thalin ka hria..





Ehee..!! "Niana" Ka phun chhuak sap a, nanghi engtin nge hetah .. Nilo keimah zawkhi em ni tia bangbo leh hrilhhai zeta ka awm chu room chhung ka en kual phei chuan ka room ani reng renglo tih ka hrezawm nghal zat a.. Anih chuan Niana i room ah ka riak amaw mahse engtin nge.. Tiin mahni in zawt nawk nawkin ka ngaihtuah let a.. Niana i kha ka zui haw ngei a, mahse lut ngam lovin pawnah khan ka awm reng kha ani lawm ni... Engthil nge thleng hi.. Enge ka tih keihian ka tibuai leh pek tihna em ni...??






Ka ngaihtuah ngial pawn a in chhunga ka luh lai ka hre thei mai lo... Nge keihi a kawngkhar bulah ka chatthla nge??? Naa van ho tak..tinge engmah ka hriat chhuah theih loh le... Kain ngaihtuah ngulh ngulh lai chuan Niana i rawn rum tiah tiah chu ka hrezawm a, bihruk ka tum ngial a mahse khawiah mah bihrukna tur hmun a awmlo a room chhung chu a te fel at a,, ka phar buai khawp mai..





A harh dawn emaw tiin khumah chuan ka lawn kai leh a, ka muhil der leh ta ringawt a.. Mahse thawm aneih zui takloh avang chuan a harhloh anih chu ka ring a, ka thaw huai thei... Inherin Niana i lam chu ka en a, alo muttui khawp mai.. A lo tawmfel than a,, akut pakhat chu a khup inkarah zepin pakhat chu a lukham thung a,, ate fel it et riau lehnghal... Sana ka en chuan zinglam dar 4 a ri deuh chiah a a la hma khawp mai... Keilah muthilh leh chu ka harsat tawh bawk si.. Awm ngaihna hrelo chuan ka in let ta reng a.




A tawpah chuan Niana i hmel hawi zawng bawk chuan ka in siam rem leh te te a, ahmelfang te fel et leh kim biai te chu a in vuahna tur hmun diktaka in vuah ang thlap an ni... A in hmeh bik riau in ka hria ka neih ang hmui leh hnar te nei kim vek mahse hmeichhe dang lakah chuan ain hmeh bik riau ani. A che deuh sek a, atawm chial avang chuan ka ngaihruat nge a mutha vaklo tih ka hre nghal a..




Tho vutin ka hnaih a, avawt atih hmel em avang leh athawk rik deuh salh salh avang chuan a harh hlau siin ka pawm a,, a rum tiah tiah a, khumah chuan mutthla in puan chu ka sin tir nghal a.. Chhuat leh khum awmdan chu ataksa in ahrethiam ni ngei tur ani a dam hmel ngawih ngawih. Thaw hakin chhuatah chuan ka mu thla ve rawk a, a vawt lutuk chu mutpawh ka mut thlak kim hma chuan ka tho chhuak zawk nghal a.




Hetiang khawpa chhuat vawtah hian a muhil thei chu mak tih loh chi zia zang anilo.. Keilahin a khum ka luahlan sak daih a, nuam chu ka ti vaklo ani.. Hmeichhia pawn an theih chuan tia in ti pa thar leh hnu hnawhin muthilh ka tum chu ka harh chiang lehzual a, atheihloh.. Ka tilui thei thlawtlo.. Kal chhuah mai chu ka tum ta zawk a, atawp nan tiin Niana i muhil chu ka en leh a.. Rilru mai bakah athinlung thlenga a thianghlim na te hian ani amah min ngainat tir tlat tu chu...





Ka ke chheh sawn a harsa talh a, chhuahsan chu ka hreh ani.. Niana i kianga awm ka la chakna chuan min pawt ding nghet sauh sauh va, pa taka ka lo in ngaihruk thinna pawhin min pawt kal thei meuhlo ani... A mutna lam chu pan ding vutin a muhil lai hmel chu hnai set sawtah chuan ka en a.. A laka ka chetdan ka ngaihtuah chhuaklo theilo... Hreawm ka ti thar a, hmeichhe derthawng ve tak ani tih ka hrechhuak bawk.. Mi vanduai bikah ka lo in ngai thin a,, ka dinhmun leh Niana i dinhmun ka tehkhin chuan mi vannei ber ka lo ni zawk ani..






A ni chuan tumah chhungte belh tur anei lova kei chuan nu leh pa ka la nei a, mahse lawm ahnekin ka haw zawk ani si a.. Ka dinhmun atanga ka thlir chuan thiam ka in chan a, mahse ka dik ber erawh chu ka ti ngam tawhlo ani.. Niana stone ka lak atang hian kalbo turin ka duh che kei chuan ka hlat ve thei tak tak dawn lo che a, natna bak ka pe dawn lo che, i na hmel tur ka suangtuah ngam lova mahse ka nundan leh ka khawsak dan hian nangmah hlat turin min ti a, ka do hneh lo ani.. Ka tihnat hma che hian kalbo mai rawh ' tiin ka phun chhuak sap a..






Ka chhuah hma chuan a chalah chuan ka fawp vawng vawng a,hawilet miah lo chuan ka chhuak phei a.. Sofa-a athiannu lo mu pawh a mutui ngang mai.. Ka en chian chuan Betty a ang ka ti viau bawk.. Thawm dim taka penin ka chhuak zui ta nghal a.. Kawngkhar chu nghengin boruak chu tamtak ka hip lut a.. "Martin i ti buai tawh tur anilo, atan chuan buaina thlen tu bak inilo, ihnaih anih chuan a nunna tan pawh a derthawng tih hria ang che" Tiin ka phun chhuak a, ka thaw chhuak hawk bawk..





Ka hmalam chu ka pan ding nghal a,ka in fuih pah mawlh mawlh bawk "Ding suh i khawvel hman turin alo nghak che Niana-i khawvel chu i tan ani velo ania, chaktakin kal zel rawh" Ka ti ru mawlh mawlh a, min hmutu awmse mi à emaw min ti ngei ang... Mahse keimah ka in dan ve theihna neih chhun ani miau ani.. Hawiletlo tur leh ka ke pen ti tawp lo tur chuan ka in fuih pah mawlh mawlh a, penkhat zela ka hlat tih ka hriatna phei chuan min vaw na takzet ani... Mahse mipa in ka duhthanna ngei ka zawh loh chuan mipa tia in chhal ngam tur ka nilo ani mai.






Pawna ka car dahah chuan lutin in lam pan chuan ka chhuak nghal a,, hawilet miah lova ka kal chhuak thei chu ka in fak letling hial a.. In ka thlen chuan ka nu leh pa chu ka hmuh hmasak ber an ni... A ngaite bawkin ka pa hmelah chuan min lo lawm vaklo tih alang chhuak nghal a, nimin lam thil thleng chu a hriat tawh ngei ka ring bawk. Kanu chuan ka room alut tur chuan min signal zeuhva tunah chuan tumah hnial chakna pawh ka nei lo...






"Nimin lam thil thleng kha i u kà atangin ka hria a, iti tha hle mai"" Ka pa àw vawt ruihin arawn tih chuan ka ding chawt a.. Mak tih avanga en let hawin min nuih suk chu ka hmu hman zuai. "" Kut ka thlak avanga lawm chu inilo tih ka hria"ka ti ram hmak a.. "Ni e ka lawm alawm, keimah ang chiah ini " A rawn tih chuan pan hnaiin ka melh hrawk a.






"Nang ang chu ka nilo... mahni nupui te pawh uire san duh khawp amipa lepchiah kha maw i sawi a" Ka ti chiah chu a thin a sa ve zak ani ngei ang a tiang chu a vaw ri pawp a, ka nuih suk nghal"ka naupan lai atangin hetiang hian i duh duhna lamah min hruai kawi a, tunah chuan naupang ka ni tawhlo tih hre rawh.. Ka hlau tawh lo che"ka ti piap piap a, kanu chuan min rawn dang nghal a.






""Zawhna pakhat leh KA PA.. Keihi ka nu nena in fa hi ka ni tak tak em" Ka tih chuan ka nu zawk chuan min rawn beng a, "naupang sual lutuk ka fa inih loh chuan tu fa nge i nih anga, sual leh lutuk mai,ka rilru tihnat renghi i tum em ni" Tiin min chumin min beng bawk a.. A tap ri hlap hlap bawk.. "Nu ka tihpalh ani, mahse he mihring erawh hi chu engtik ah mah ka ngaidam ngai lovang,khang hun zawng zawng a atih hreawm man che pawh ka la pe kir hleinem.. " Ti leh hrawkin ka kal sawn nghal a..






Ka naupan lai kum 9 mi vel bak ka la nilo, rui em em in ka pa chu a secretary nen an rawn in kuah haw a.. Naupang mai ni mah ila ka nu hmel landan leh ka pa secretary in nuihsawh zeta ka nu a en na kha ka la theihnghilh theilo, chuta karah ka pa chuan ka nu ai mahin a secretarg chu a la tan zawk a... Room kawngkhar atang ka bih reng a, naupangte ni mah ila ka pa in ka nu kut athlakna kha ka en reng theih loh avangin ka tlan chhuak a, tapchungin ka pa kha ka va dang anih kha...






A fapa meuhin ka dang a, atawp thei hram a, a reh mai dawn emaw ka tih laiin ni tlem te ral hnu lawkah ka pa chu zan rawn haw a chinglo zeuh zeuh thin a ka nu in muthlu lawp lawpa a nghah chang lah atam, roomah min awmtir thin a,mahse ka pa in ka nu avinna àwri chhuak kha ka bengah chuan a ring mah mah thin tlat ani, kanu in sim hram tur leh a fate hminga khawngaih adil chang pawha sim ngailo ka pa kha ka haw ngawih ngawih ani, kan in chhung kha ka tan chuan in sal behna in ani ringawt,chhungkaw hlim tak ni thin kha kan keh chhe vek a,ngai kan awh leh thei tawhlo...






A tawpah chuan ka nu tawngtai na leh tawrh hram hramna chu pathianin achhang nge ni,a suahsualna aseng ka ti zawk dawn ka pa chu accident in a ke a kal harsa khawpin a awm phah ta hial a, chuti ni lo se a la sim pawh ka ringlo.. Kha nun naupangte ka nih lai atanga ka thil rawn tawn chhuah avang khan pathian pawhhi ka dem a a awm ka ring lo, zantin ka nu in mittui tla chunga min tawngtai sakna kha a chhang ngai lova, kapa zawk a duh duha khawsa turin a awmtir a, khanghun laia ka pa tihnat mai ka chak theih zia kha mahse ka hlau a, a tiang hmanga min vo tawh phei chuan zun hial ka cheh thin anih kha....





Ka nunhlui kal ta min hriat chhuah tir chu ka thinrim na leh ka natna chu arawn chhuak nghal a.. Hei vang hian ani harhfima khawvel ka hmachhawn peihloh na chhan ber chu.. Kana tawrh min hriatthiam puitu tumah ka tawng ve ngai lova ka sum hmang leh ka taksa hmelmawina hmang chauhva min kawp thin te an ni zawk tuman an thinlung takin min hmangaih ngailo... Ka mittui tlak tir ka tum tawh lova hmeichhia leh eng vang maha ka mittui chhuah tir ka tum tawhlo ani.






Ka room zau takah chuan ka leng lova, ahmun zau hle mahse a chhungril hi atawt tlat lawi si.. Khawiah mah hian hlimna leh hahdama ka nei theilo... Ka nun hi aruak ngawih ngawih ani."Martin lo hawng lawk teh" Tia kawngkhar rawn kik tu ka ú àw ka hriat chuan ka in beng kang a.. Kawngkhar chu hawnsakin ka biak chak vakloh thu ka hrilh zawm nghal a. "" Enteh a pawimawh ania, reilote hun min pe teh,a pawimawh lutuk"a rawn tih chuan ka luhtir ve ta hram a.





"" Nizan i rawn hawlo ani maw, "tiin ka khum fel taka in thlep diam chu a en a, min rawn melh zawm nghal a.. "" I sawi duh chu sawi la chhuak teh"tiin in bual tur ang chuan ka kawr chu ka phelh nghal a.. "" Ka hria e ka sawi dawn in class ami Niana stone i kha i hria em,duhawm deuh kha"a rawn tih chuan hawilet vutin ka melh nghek a. "" Aw i hria ani maw, kha Kh.. "A rawn ti chiah chu ka lo pawt chat vat a. " Niana i chu enge..eng atan nge itih a"ka ti zawm zat nghal. "Khaia hahdam teh enge i hriat a, i tutor ni turin ka sawm a" A rawn tih chuan ka thinphu chu apangai ve thei chiah ..





"Tutor ka mamawh lo, min zalen tir rawh ka pa inih loh kha" Ka ti a, athaw hak nghal.. "Ka hria ka pa ang ka nilo, enteh Martin kan naupan lai kha chu theihnghilh tum rawh keipawh ka ke avaw duk ve thin tho mahse ka pa.. " A rawn tih chuan ka kawr hum lai chu chhuatah vawm thlawrhin ka rum hawk "engmah i hrelo, sawi pa mi tenawm anih saw.. I awmloh laia thil thleng engmah hriat i neilo" Tiin pawnlam chu ka kawk a.. Ka u hmel rawn chang rawlh rawlh ah chuan a thinrim zia ka hre thei nghal.





"Martin ngawi rawh, kapa hi vawi khat pawh han sawi chhe leh teh"" Tiin akut zungchal chuan min vo bet nghal a.. "" A tha alawm min zalen tir ula ka tibuai lovang che u, ipa duhtak chu lo sawipui leh ang che, afapa a min la ngaite anih chuan"tiin ngeiawm fahran chuan ka nuih a,, ka u chu ain sum nasa hle tih ka hria a thaw chhuak hak a.. "" Martin ka thu awi la tutor ka laksak che chu remti rawh""a rawn ti dam leh dap a, ka tluk lohna kawng ber ani thinrim laia àw nem hman hi..





Niana i hmel ka suangtuah nghal a, hmuh tawh lo ka tum ber chu ka tutor atana min lo biak sak reng chu ani lawi bawk si.. Engtinnge maw ka tih dawn le ka chak lo ka tih chuan ka dawhheh anga, ka phur viau ka tih chuan dawt ka sawi ani dawn si.. "Ka duhlo, tutor ka mamawh hleinem, " Ka ti thla ve ringawt a.. "Ka hria alawm i duhna kawngah chuan i rilru chakzia ka hria, mahse.. "/" Enteh ka u, tutor tel lovin ka pass ve thei "ka tih takah chuan a duhtawk ve thei chauh va.





"" Awle English a asignment in neih kha kartawp anih dawn hi ti vat la, chuan camp nei turin in buatsaih rawh aw, ikal ngei ang chu tiraw"a rawn ti zawm nghal a ... ka rilru ah Niana i arawn lang nghal a.. Akal dawn nge dawnlo le.. Ka hriat chian hma chu thuthlukna ka siam mai theilo.. "Ka chianglo, " Ka tih chuan a lu bu zeuhvin "in bual rawh , chian vat tum la kartawp ani Mai dawn ania" Tiin a chhuak zui ta nghal a.. Camp boruak chuan ka rilru chu aluah khat leh vek thei.. Niana stone i kal ve dawn em?




Niana pov.


"" Niana i harh em, enge i an""tia min rawn sawi dat dat tu chu fiah lo ruau in ka hmu a,, aphe vuai lehnghal.. A àw ah chuan Betty ani tih hrelo phei ni ila ka té chhuak daih tawh ang.. "" I tha maw, i khua asik nasa lutuk a""a rawn tih chuan ka chal a a rawn depna puan chu a la thla nghal a.. Kalu chu ana mah mah khawp mai.





"" Betty .. "Ka ti tuah tuah a, " Thawh tum duh suh i tha vaklo ania, manager ka be ve ve tawh i dam hma chu chawlh i nei thei ania "a rawn ti zawm nghal a.. Ka nuih let sak ringawt,, ka hawi kual ka mutna ka hrechhuak chiah chu ka harhfim kuar nghal... Khumah ka mu amaw.. Anih chuan Betty hian ahria maw ni dawn le.. Engtinnge ka mut ngawt theih.. Ni e Martin an min muttir ani ngei ang mahse khawnge amah hi...






"" Enge i ngaihtuah vung vung a, "tiin Betty chuan min rawn melh kur a.. "" Aa engmah ni love"tiin ka nui lui sak a.. Ka awmdan chu a thlamuang lo khawp mai.. "" Betty engtikah nge i thawh chuan engtin nge min rawn hmuh a,ka tih awmzia chu khumah hian ka mu em ni?"" Tiin ka vehthlem pah deuh a.. A meizial khu chhem pah vauh vauh chuan "" Dar 7 a pel hret a, chuan ka rawn hmuh che chuan i lo tlun nasa khawp mai"a ti awlsam et leh nghal..






"Eee ani maw,, ava mak ve" Ka ti sap a.. "Engmaw mak chu? " Tiin mak tih hmel deuh chuan ahmel chu a rawn siam danglam nghal a. "Aaa engmah ni love, " Tiin ka then khum leh ringawt.. "Aa awle atha e, class kal lo mai rawh aw, i routine ka en a chawhnu lam deuh vek ania , mahse chawl rawh aw i dam tha lo emai" Tiin a tho chhuak a,, atui leh damdawi in chhawp ho chu atifel zung zung a..






Ka rilru anawm theih loh em avang chuan Betty chu ka melh reng a,, Martina kha a hmu angem le khati khawp khan a rui sia a harh hma in Betty aharh hman ka ring bawk si..awi engtin nge maw ka tih dawn le.. Betty hian hria se min hrilh ngei ka ring bawk si,nge ahre reng anga min hrilh duhlo zawk le..nge ka sawi hun anghak zawk ni ang??? ... "Khatia in ngaihtuah vak vak lo khan thil min hrilh tur i nei em emaw zawh duh? " Betty in min melh zeuh paha arawn tih chuan thawk ka la hak a, ka zawt tawp mai dawn amaw ni le....





"" Aa englo ania, ih... naaa engmah ani leh lo"ka ti a,, ka lu ka khuh nghal hmak bawk... " Anih chuan keiman kan zawt mai ang che, heihi i ta ani maihlo tih ka hria , mipa ta anihhi chuan mipa i kawp awm ka hre si lova mahse i mutpui leh bawk si a,tu ta nge , tunge a hming"tiin a thil rawn lek chhuah chu ka en nghal a, Martina Sana bawk chu alo ni,ka pe tawh reng sia a thlauh leh amaw ni le ..rang zetin ka lu hai leh na pawh hre mumal lo chuan ka thu chhuak hlawl a..





" Kha kha min lo pe teh"tiin ka ban vut a.. Betty hmelah chuan min pek mai chu atumloh hmel khawp mai.. "Tu ta nge a taksa ang maia i lo mutpui na chhan, isawi hma chu ka pe bik lovang che"" A rawn ti zawm zat a, akawr ip ah a thun fel der nghal.. Engtin nge maw ka sawi dawn le... Tunah hi chuan Martina awm pawh nise pawi ka ti thaklo.





"" Betty min lo pe mai la kan class a ka thian pakhat ta ania, nimin khan a thlauh va ka pek theihnghilh alawm"ka ti nar nar a, arin loh hmel zia chu maw ka sawi thiamlo zawk ka thusawi chu a bengkhawn derlo. "" Aw anih leh Martina ta anih kha Martin gonzalez" Ka ti chhuak hawk a.. Aner suk nghal.. "Ka ti tak tak Betty Martina ta alawm a tlauhva ka char a, " Ka tih chuan athutak ve deuhin ka hria.






"" Martina ta emaw iti ani lo maw "a rawn tih chuan ka thaw hak.. " Teuhlo mai kan college ah arawn lut alawm kan subject lak ala in ang zui, "ka tih chuan a rawn thu hniam rawk rawk a. " Sawi chiang teh"tih leh chiang fahran a min en kurin ka kut chu a rawn vuan a.. "Sawi vak tur a awmlo karkhat pawh ala nilo nimin khan class teacher ahnek na lamah a thlauh a, akal chhuak nghal daih sia"" Ka tih chuan phur hmel fe a min en in a then sur a..





"" Enge i hriat , khatia min then khum reng a"ka tih chuan arawn nui hak a. "Enteh keiman ka lo pe ang aw, imm please in ka star zia i hriat kha" A rawn ti chhuak a, ka kut athing nawk nawk bawk.. "" Aw i duh phawt chuan, "ka ti a, ahlim ngang mai.. Min kuah chun chun a, até ring leh mah mah ani.. "" Awi heti khawp hian ami Martina hi i duh a"ka tih chuan arawn bu lauh lauh va.. A sana ah chu pawrhin afawp nawk nawk lehnghal ache over ka lo tiru viau na a, ka hlimpui ber lawi si..





"" Awi zanin chu i awmpui che ka tum nan mahse hna ah ka kal leh dawn apawi angem ilo awm thei ang tiraw""phur àw fahran a arawn tih chuan ka lo buk khum nghal a.. Damdawiin min chhawk bawk a ka zia phian bawk.,ka lu chu na viau mahse ka tawrh theih mai ka ring. "" Betty keipawh class thulh tawp ai chuan kal ka duh Camp hruaitu ah min ruat bawk sia, chung thil vel buaipui chu ka duha"tiin ka tho tuah tuah a, min chhang lemlo asana ken chu abih tlawk tlawk a, a nuihzat thlak zawk.






"" Betty min va thlah la Martina pawh i hmu thei dawn asin i duh chuan i pe nghal anga""ka tih chuan aphur lutuk chu sawm nawn leh angai tawhlo chiang ania aw, rangzetin atlan chhuak nghal a, keipawh dam tha lo viau mah ila ka kal ngei angai bawk si,mahse tawrh deuh a ngai dawn ani,ka lu lah chu ahai nasa mai sia!!... Chubakah in a awmreng ai chuan thian tamtak zi nuai zuai karah awm ila ka khua aharlo deuh ngei ang.. "" Niana eng ber hi nge ka in hmeh ang"tiin Betty chuan athawmhnaw chu a pawm khawm tun a... Thlansak dan pawh ka thiam lo..





"" Aa i in hmeh vek ang i duh duh kha ha mai rawh" Ka tih chuan aner sak a.. "Heihi ha ang" Tih leh ka khum ah a thawmhnaw tak tham zet rawn vawm chu arual nghal a, "" College naupang ka ang ve ta e, kalvat ang i hman em ka phur teh mai ania""tih leh ka bag chu khai chhuakin min tur kal a, a phur lutuk chu ka ngaih ati tha lo hial zawk,ka lu hai nauh nauh chu hriatloh der ahar mah mah lam ani..Betty in car chu a khalh a, atiti bang theilo hi ani tawp mai.





Thil ho mai mai min zawt reng a Martin an eng thawmhnaw nge a in bel thin Jacket aha ngai em enge angainat ang tih vel mai mai chu a buaipui a, ka chhang senglo hi ani tawp mai.. College kan thlen chuan zilai thenkhat an subject lak zo tawh te an awm ve nuk a, mahse ka hmanhamwh lemlo class nei tura kal em em pawh ka ni lo va chu bakah khawsik ser ser chuan min tham reng a pen pawh a harsa talh talh khawp mai.Camp chung changah zirtirtu biak ngei ngei ngailo ila chuan ka mu mai mai dawn asin le.





College kan thlen chuan Betty nen chuan chhuak pheiin lecturer awmna lamah chuan ka kalpui nghal a.. "Khawiah nge in room a awm Martina ka hmu chak ania" A rawn ti sur sur a, "" Floor dawt chiah hi ania i duh chuan i thu lut thei ang tuman an hrethiam lovang che"ka tih chuan aphur lutuk chu a zuang deuh ti tih reng a a che sek leh nghal step-ah chuan ka chhauh pui a.. "Tah sawn i phei anga kawngkhar pali na aw, ka hman hunah ka lo bia ang che" Tiin kan kal hrang ta nghal a..





Lecture awmna lam hi kan floor ho bik toilet awmna nen hian a in hlat vaklo va zirlai toilet atanga rawn chhuak pawh ka tawk zeuh zeuh nghal.. Ka classmate te erawh class lak lai anih avangin ka hmu hauhlo. Lecturer room a ka lut tur chu min enreng tu awm a ka hriat avangin ka sirlam chu ka hawi phei a.. Martin'an min lo en kur anih chuh!! Keipawh lut ta lo chuan ka en let ve reng a, a chesawn hmasa tu nih kan tum lo ve ve ni hian ka hria, kanin karah fit tamtak tla mahse ka ke ler atanga ka chhip thleng chuan ka mur chuai a, ka zam thei vek tho..






Chutah amah zawk chu hawisawnin akal ta daih a, umzui ka tum a mahse ka in dang leh ta zawk a.. Tihtur neia kal ka nih avangin sir Admond-a nen chuan tih dan tur leh thil dang dang chu kan sawi dun nghal a, rinai hun aduh rei zek a, ka nawmsam loh avanga ka guide theih ka rinloh avangin ka ai awh tur midang a ruat ta a, ka zang khai hawkin ka hria mahse kalloh aphallo bur a, i ding thei anih phawt chuan i kal ve ngei tur ani a ti leh meuh mai sia a hahthlak khawp mai.. Ka kal dawn leh dawn loh pawh ka chiang lo.





A room a tanga ka chhuak chu Betty lunghnur hmel taka lo ding chu ka hmu nghal zat a,, achhan tur erawh ka man thiam chiah lo.. "" I zawh chuan kal ang Martina hi ka rawn kal ni berah a rawn kal lova"a ti deuh nar nar a.. Ka ding dawt nghal.. Nichina ka hmuh kha Martina ani ngeiin ka hre sia.. Mahse Betty hian a rawn kallo ati bawk si,thlarau tihna em ni??.. Nge maw awmzia ni ta ang? "" Betty i chiang maw a rawn kal miahlo maw"ka ti leh salh a. "" Aw ka zawt a zinglamah chuan an hmu ve ngei a mahse a haw aniang "ti nar nar in lunghnur tak chuan min kai sawn ta nghal a..





"" Betty hmanhmawh lo teh ka lu ahai lutuk ania"ka ti a,, ka darah chuan min rawn kuah betin min vuan nghet nghal a. "Fimkhur rawh aw step ah kan kal angai ania,kan chhuak kher kher duh ani" A ti rí chu ka hre hla khawp mai eng emaw boruak mak tak chuan min rawn nang ching a,a vawt em em nghal bawk. ka taksa chhung chu akhur ru der der a. "" Betty min vuan tlat rawh aw,"tiin ka phun sep a, ka taksa chu akham thum thei.





Step ah chuan kan chhuk thla a, mahse ka ke pen chu asak talh a,ka ke chu a rit lutuk, ka khawhmuh dan pawh a rawn dang nghal vek a.. A vir muai muai a,khawvel eng mawina chu a thim tulh tulh a,a boruak arit tulh tulh bawk.ka taksa ah engmah tha hrui a awm pawhin ka hre tawh lo,..boruakah ka kang zawk hian ka hria a, mahse areilo Ka taksa chuan natna a dawng nghal zat a,, ring taka Té rí leh ka hming lam rí chu ka hriat hnu hnun ber ani ta ani.

FB_IMG_1611194374111.jpg
FB_IMG_1611194374111.jpg (48.31 KiB) Viewed 4468 times
Fakna lem hi hmet leh vek ang aw😊😊👇👇



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)