My Kitkat❤️Last episode

Episode kal lai dah luhna

Moderator: writers

Lal Rinsangi Bee
Posts: 59
Joined: October 30th, 2020, 11:16 am

My Kitkat❤️Last episode

Unread post by Lal Rinsangi Bee » January 25th, 2021, 11:17 pm

My Kitkat❤️
Episode-17(Last episode)
By: Lalrinsangi Bee






Hmachhuana ten palai an rawn tir tawh a,Hmachhuana te lam an hmanhmawh lutuk hi a mak ka ti zawk,thla lehah kan innei deuh thut dawn a nih chu.

Ka chhungte pawhin rem an lo ti ve mai bawk sia,tiang em em a hun an han ti hma mai chu min ṭhawng tak zet.

Ka chhungte sawi dan chuan "Hmachhuana a hmanhmawh tawh lutuk a,hmun hran a awm reng hrehawm a tih thu leh a bulah,phai lama awm tur che a aduh vang che" an tia.

Ka nulatna,ka zalenna hi ka la hmang kham lo a sin maw le,mahse ka pasal tur hi ka mipa hmangaih ber a nih miau avangin ka hreh lo deuh bawk.

Mi pawh tiang ang a hma a an inneih ka la hre lo reng reng.

Palai an rawn tirh zan a Hmachhuana phî cheng ka hne zia te kha aw...

Chu mah ai chuan kan inneih tirh te chuan min han duat hliau hliau mahse a rei hnuah 'tlangval kham lo' an tih ang hi a ni ang tih ka hlau.

Ka nu ten nakin a buai ai chuan ka hna aṭang a bang nghal mai turin min hrilh a.

Hreh hle mahila ka ban hun ala thleng dawn tho bawk nen college lam panin ka scooty in ka tlan phei par par.

College kawng te chuan ka hnuk a ti ulh lek lek,kum tam la thawk lo mahila,ka aim ka tih hlawhtlinna hmun a nih vang a ni.

College compound ka thleng a,ka scooty ka park a,ground-ah chuan dingin ka hawi kual vel a,engkim hian ka lung a ti leng lâwk vek mai.

"Engah nge maw i hawi kual vak vak mai le?Kum tam hmu tawh lo hmu leh thar thut te i ang alawm" nui var var a ka hma a rawn ding ka thawh puinu Madame Mapuii lo ding chu ka lo nuih ve suk a.

"I bang dawn tih ka lo hria a,ka ngai dawn khawp mai che" a nui leh var var,he nu hi chu a fel chiang ania,engtik lai pawn tu pawh,a chhia a ṭha pawh ni se nelawm takin,nuih sâng chungin a be thei vek.

"Kei tak hian asin ngai dawn che" ka lo ti vat.

"Mahse a changtupa in a zir a,a zia alawm,milar nupui i ni tawh dawn bik aa(hh)" ka lo lai ringawt.

"Hmpp...awihawmloh em mai,a lar hleinem lee.."
"Lar e...phai lamah a mi inneih hnuah in awm dawn" a tih chuan "aw" tih nan lu ka lo bu nghat a.

"I ngaihawm dawn leh zual anih chu,chho ila office lamah" tih pahin office lam kan pan phei a,eng eng emaw kan sawi phei char char bawk.

Office chhung kan lut a,lawmpuina thu min hlan sap sap a,a ṭhenin min ngaih tur thu an lo sawi hlawm bawk.

Thil dang ti kawi lovin ka banna theh luhna tur room lam ka pan a.

A chhung ka va lut chiah a,"ban kan phallo" nui vur vurin alo ti nghal.

"In sual em mai a,ka bang dawn tho tho" ka ti let ve nghal.
"Tak takin Miss Hlutei chu i ngaihawm dawn khawp mai,zir lai naupang ho pawhin a an zirtirtu ngainat ber i nih rualin,a zirtirtu te tan pawh a ngainat awm em em i ni tho bawk si" tih pahin ka paper ken chu a en mial mial a.

"Kei deuh hian alawm ngai dawn che u,bakah tu pawh hi ka chungah in ṭha a,biak in nuam hlawm si" ka lo ti ve vat.

Ka banna vel ka tih fel vek hnu chuan inthlahna hun ang reng deuhin ka awm ve reng a.
Chumi pah chuan wedding invitation card te chu ka sem a,an lo kal ṭheuh pawh ka ring.

Haw turin ka scooty park na lam ka pan a,ka zir lai pakhat tleirawl tê mai hi ka lam panin a rawn kal a.

"Miss,bang lo mai la" a sawi zawh hmain a hnuk a ulh a,a ṭap ta ringawt.

Keipawh ka mittui a hnâm sawk,hetiang em em a min lo ngaina ve hi ka lawm rualin ka ṭah a ti chhuak.

Ka kuah vat a,eng thu thu emaw ka hrilh a,keimah ngei pawn ka thu sawi chu ka hre chuang lo.

Midang an rawn kal zel a,min thlahna pangpar min rawn pe sap sap.

Ka hlim rualin ka biangah mittui a rawn luang leh ṭhin.

A hnu deuhah chuan ka scooty chu start in college chu ka chhuah san a,kan in lam ka pan leh nghal zal zal.

In ka thleng chiah,"Atee,papar min lo hawn a mi?" Hailey ka lam panin a rawn tlan nghal.

"Pangpar te chu a ho em mai,a pâ lo si" Justin-an lungawi loh hmel deuhin a ti hmak.

Justin hi in ti pâ ve chi ania,Hailey lah in ti no ni si lo hian a nû ve hnâp mai bawk sia,in millo deuh si hian an inkawm ngeih ve em em tho.

An unau chuan rei lo te ka chhaih zawk hnuah ka room lam ka pan san ta daih.

Ka phone a rawn ri a,ka pick nghal vat.
"Hello"
"Nu-i" a rawn ti nghal.
"I ninawm" ka mood a fu teh chiam lo.

"Va pâwr deuh ve aa,,inneih hnuah ka thaibawih duh miah lo ania" ka inrin hmain ka nui chhuak.

"Hmachhuan"
"Immm"
"Ka lung a leng lâwk"
"Tu nge i ngaih?"
"College"
"Ka thîk" ka nui leh ta.

"Kan inneih hun chu aw...kawr fual var secy deuh i ha ang aahhh"
"Kawr fual ka ha dawn lo joint reception-ah chauh ka hak dawn khaa" ka lo ti nghal tawn tawn.

"E...tak a,sexy deuhin puan i bih ang ahhh" ala ti hram.

"Sexy deuh ka duh lo"
"Anih leh sexy deuhin i bih lo ang ahhh" min ti nui reng mai hepa hi eng tia tih chi nge maw ni.

"Zanah ka lo leng dawn"
"A ngai lo"
"Maradona leh Hailey ten lo leng leh rawh an ti ka lo leng dawn" lo leng suh pawh ti ila Lalthanzami ang tho in a rawn leng lui dawn tho tho tih ka hria a ka hnial peih tawh vel lo.

Kan inbiak zawhah inhnuaiah ka chhuk a,ka nu te rawng lo bawl chu ka pui nghal mawlh mawlh.

Hman zanah Au Mami'n inneih zan a awm dan tur min zirtir a,kan nui nasa mai.

Zanriah kil hma in chhung inkhawm na kan nei a,ka pa ṭawngṭai laiin Justin-an ring mangkhengin "Apate,apu a ṭawngṭai rei tawh eee" an ti mai chuhh...tak a har ṭalh tawh mai.

Ka pa ṭawngṭai pawh a nui aniang,a reh vang vang a,a hnuah insum takin a ṭawngṭai chhunzawm lehnghal.

Chhung inkhawm kan hmang zo chu kan in melh ralh ralh a,kan nui zo ta vek.

Vahpa â ve hilh helh deuh ka nei a,a chang chuan Hmachhuana tet lai ni mai te hian ka hria,mahse Carlos pawh tiang chi ve tho hi a ni tho.

"Apatea a chhun anih hi" tu pawhin an ti vek,kei ngei pawn.

Zanriah ei khamah chuan Nu Sawmkimi'n a dam ṭha si lo a,an in a leng lawk turin min sawm avangin scooty in an in lam ka pan nghal.

An in chhung lam ka pan a,Hmachhuana pawh ka hrilh ta lo.

"anu Sawmkim eng nge i an tawh?" Ka ti lut nghal bawrh bawrh.

An sitting room-ah chuan kan inkawm ho a,ka pasal nei tur te chu an lo lawm em em a,Hmachhuana te chhungkua nen an inhnaih a,Hmachhuana mizia an hria a,min duh pui lutuk vang a ni.

Ka phone a rawn ri a,ka pick vat.
"Aw,hello"
"Ka lo leng a ti nge i len ve daih?" Zawi te in a rawn ti su su.

"In ṭhenawmah ka lenggg,i Maradona nen khan lo inkawm ve mai mai ru ka rawn haw ṭep" Nu Sawmkimi ten Hmachhuana a ni tih an hria a niang an li nui sûng mai.

"A ninawm min zui kual reng a,inkhel ang te ala ti ta deuh deuh zui,bath room aṭangin ka rawn be ru che anih"

"Aw...ka lo phei ang"
"Rawn thlawk rawh" tih pahin a call a cut hmak.

"Anu Sawmkim,Hmachhuana a rawn leng sia ka va haw phei mai dawn em maw ni" ka tih chuan,min ui ngam chiah si lo a,ka haw phei leh ta nge nge.

In ka thleng chiah a,tûm bûrin alo ṭhu a,Justin leh Hailey leh amah chiah an awm lehnghal,Hailey-in a hmai alo chei sak mial mial,Justin-an alo bawh buai ve vak vak bawk.

Avan lawmawm reuh tak,mipa naupang titau a ang.

"Justin,khaw nge apu te?" Ka va tih chuan an rawn hawi rual ṭhawt,min rawn hmu ve chiah.

"Api leh apu chu apa Hmachhuana pa te nen an chhuak daih" Hailey zawkin min lo chhang.

"Hmaa" ka chhan ngiat hmel deuhin min rawn en,a biangah te chuan hnawih sen a kai nil nial mai,a hmui lah a sen tak hlar bawk sia,a hmai lah chu paw mangkhengin alo hnawih sak bawk,ka nuih avan za tak.

"Hailey,tui vawtin ama in a bual che nge aw" ka tih chuan a make up a dah ṭha nghal sawk sawk.

"Ate,apa Hmachhuana'n miin i hming an zawh che chuan Maradona i ti dawn nia a ti" inti thei tawkin alo ti,"apa Hmachhuana leh Apate Carlos-a chu eima hero an nia,apa chu eima spider man" ala ti mial mial,Hmachhuana hi chu a ngaisang ve thlawt.

"Khaw nge midang hi?" Ka tih chuan "Carlos a duty a,Ununui te pahnih chu second hand kan va thing lawk ang an tia,U Nando chu ka rawn luhin a awm tawh lo a,chuan i nu te chu ahhh...ka pi zawn te chu ka nu te nen an chhuak lawk" mit min siai zeuh.

"I hmai va phih rawh" ka tih chuan bath room lam a pan nghal.

Au Mami te chuan Hmachhuana an unau in an ngaisang tih an hria a,Hmachhuana bula an awm chuan an tlei dawn tih an hriat vangin ngaihngam takin an kalsan ngei chu a ni awm si a.

A rawn phei leh hnu chuan an lo kuah leh nghal chuk chuk,ka khawngaih reuh lutuk.

"Hailey,Justin,i pa Hmachhuana kha a hah tawh ang" ka ti chung chung pawn Justin-an "Lily(Hailey)apa Hmachhuana hi a pâ ti raw..." Ala ti ṭang ṭang.

"Maradona,ka hah tawh" a tih pawn "i hah lo" a ti tlat.
Hailey-in "Ama pawn mipa chuan dawt chauh an sawi ṭhin a ti,Apa Hmachhuan,i hah lo" ala ti ta deuh deuh,Au Mami te nen a fiamthu a kan titi kha a lo hria a ni ngei ang.

Ka chhungte an rawn haw kim a,an mu chiah chu a thaw huai a,keiin ka lo nuih vur vur.

"Fa neih ka hreh phah" a rawn ti chhuak tawl.
"Kha kha sin,naupang en kawl te chu hahthlak deuh mai ania" ka lo tih sak duh chauh.

10:30pm rik hnu deuhah a haw a,kei pawh tui ti takin ka muhil leh nghal suai suai.



************************************


Vawiin hi man hlan ni a ni leh tawh a,zing kar aṭangin buai lamah chuan sawisel tur kan vang hle bawk.

Kan naupang pahnih te lah duhthusamin an lo harh ve bawk.

Tunah tak chuan Hmachhuana leh Philip leh a bialnu ka nghak mek.

Samu-a Hmachhuana'n ṭhian atan a hman a tum tehreng nen Samu-an "ka nupui fanau te nen a thlir che u ka duh tawk" a ti hmak duh chauh a.
Philip a hman dawn phah.

Kei lah Zami bak chutin ka kawm vak ngai si lo,mahse nu a ni tawh bawk sia,Philip-a bialnu chu ṭhianah ka hmang ve dawn ta mai.

Hun rei tak ka nghah hnuah an rawn thleng hram,Philip leh Kimkimi(a bialnu)an lo inhau chu niin,an rawn thlen hnu pawn an inhnial leh bap bap.

Hmachhuana chuan nin hmel leh beidawn hmel deuhin a thlir ngawih ngawih ringawt tawh.

Car kan chuang tur chu front seat-ah ka ṭhu a,Kimkimi'n "I bulah ka ṭhu peih lo" tih pahin Philip a beng,rei tawk tak kan han inthlem leh phawt a,lungawi lo deuhin an ṭhu dun thei hram e.

"Ka nghah rei zia che u kha" uar deuhin ka ti chhuak a.

"Kan inneih hun ka nghah ai chuan ala rei lo zawk" a ti duh lek chauh,hnung lam an lo "ehh" leh bawk,an in ngei hrih viau emaw tia.

"Lalhmaaa" ti nge maw tunlai chu "Hma" emaw "Lalhma" ti a koh ka hrat em em le.

"Imm..."
"Kan theihnghilh daih"
"Eng maw?"
"Ka ATM card"
"Aw...i pasal tur ka nih hi,keiman ka tum mai ang" hnung lam an lo "ehh" leh hman tawh.

Mo thuam dawrah chuan kan lut a,nalh hlawm tak a ni.

Thlan tur ber pawh ka hre lo,ka hawi kual hu hu reng.

Kimkimi'n ka inhmeh deuh tur min zawn pui nghal a.
Ka hak chhin zing a ka mit la ber,simple zet mai leh ka pian ti lang nalh em em mai chu ka la a,a zuih thla tawp,a kawng a tle sep sep awm chu ka thlang a,ka hak chhin lai Hmachhuana'n rawn en a tumin Kimkimi'n alo dang char char.

"Naktukah i hmu dawn tho alawm" alo ti char char.
Chuan kan inneih ceremony hi chuan puan chei ka bih dawn a,joint reception-ah chauh kawr fual hi chu ka ha dawn a ni.

Ceremony a mi tur chu kan ṭhui tir a kan la vek tawh bawk.

Mo thuam kan lei fel a,zungbun lei turin kan kal lehnghal.

"Kan inhualna zungbun hi hmang mai ang,pawisa a uiawm" ka ti chung chung pawn lei a ti lui tlat a,ka titau ka tûm bûr tawh.

Mahse lei luih a tum hmel tho.

Tle reuh dawrah kan lut a,a tle leh siau siau tawh mai,nalh tih bik ka nei lo a,nalh tih loh ka nei hek lo.

"Khu khu a nalh em?"
"Aw"
"Khu pawh khu a nalh tawp"
"Nia" ka duhthlan tur ka hriat loh em avangin chuan thaw hakin beidawn hmel tawkin min en "a nalh ka ti vek ka tih khaaa" ka lo ti nghal tâwn.

Ka duh thlan tur ka hriat miau loh avangin aman a thlang ta tawp.
A la thlang thiam reuh em em zui,platinum simple zet mai a thlang a,ka bun tawk turin a tih têt tir nghal bawk.

Restaurent a kan chawlh hnu chuan kan haw lehnghal.

In kan thlen chuan man hlan hun,hunserh chu kan ṭan ta nghal char char a ni mai.

Zaninah Kimkimi a rawn riak dawn bawk a,naktuk aṭangin "Nula Lalrinhlui" an tih ṭhian kha "Pi Lalrinhlui" ka ni ve tawh dawn chu ni sia,Hmachhuana pawh "Pu Lalhmachhuana" ka ngaihtuahna avang chuan ka nui chhuak hawk.

"Ti nge a?" Mak tih hmek tawkin Hmachhuana min rawn en "Pu Lalhmachhuan" ka tih chuan nui vur vurin lehlam a hawi daih.

Justin-a chu Hmachhuana a hmu bawk a,Hmachhuana si lovin a awm thei lo reng reng.

Hailey lahin Philip-a a ngaina thar ta thut a,Philip lahin a chhaih peih ve sia,Philip bulah a awm châwt mai.

"Lalrinhlui'n pasal a nei ve dawn anih chu" rawn ti pâwng pâwng tu chu tudang ni lovin Lalthanzami bawk.

"Khaw nge Lena-i te unau?" Ka lo ti vat.
"Apa bulah an awm"

Ka ni muai muai tawh mai,bengchheng a tam lutuk a,ka mut te pawh a chhuak zo tawh.

Haw rêm tawh se ka ti ngei mai.

Hmachhuana pawh ka be ṭha peih tawh vel lo,ka chau hluah hluah.

Ka room a han mutthilh vang vang mai ka duh.

Rei deuh hnuah chuan an haw rêm ta hram,Hmachhuana te pawh tiamin.

Inah chuan ka thuam vel chu ka inbel chhin a,Au Mami'n uang thuang deuhin "Biak in i luh dawnah ramp walk phei la" a tih chuan kan nui uarh uarh hlawm mai.

Zanah Hmachhuana ten rehearsal nei turin min sawm a,kan neih zawh veleh kan haw a,an ni pawh rawn lengkawi lovin an haw tlang nghal a,Kimkimi nen in kan thleng a,room-ah lut tlangin engmah pawh sawi hman lovin kan muhil nghal bawrh bawrh.




________The Wedding Day_______



"Matee,Hlute,,Kimkim,tho ru kha make up artist an rawn thleng tawh in tho har lutuk" ka nu in kan pahnihihin min rawn sawi nawk nawk.

Ka tho chhuak zawk a,"Pasal ka nei dawn ti raw?" Ka ti chhuak phawng.

Room chhung a awm ho an lo nui ham ham,ka mumang ni maiin ka hria.

Ka hmai ka phih nghal sawk sawk a,min han chei ṭan mai chu(hhh) tiang em em hian mi hi an lo in chei chhah ṭhin tih ka hre chiah.

Ka thuam famkim ka inbel a,ka puan bih chu a tla thla thut ang tih ka hlau ang reng.

Ka unaute,ka nu leh pa,leh ka vah te ho an rawn lut a,"Ate,i mawi ber Apa Hmachhuana'n ti rawh a ti" Justin-an a tih chuan kan nui leh rih ṭhin.

"Ate,i hmelṭha tawp" Hailey-in a tih chuan "Kei aiin i mawiin i hmelṭha fe zawk Bawihte" tih pahin ka kuah zeuh a,Justin-an min rawn pan a,a ni pawh ka lo kuah vat.

Ka nu mittui hru lai chu ka va hmu hman,ka ngai dawn tak zet.

Kan chuanna tur motor a lo thleng a,biak in lam kan pan ta a.

Ka unaupa te leh an nupui te leh ka nu in ka hmelṭhat thu leh ka thuam ka inhmeh thu min hrilh a ka confi sawt,mahse ka pa chuan engmaj a la sawi ve lo.

Biak in kan thleng a biak in chhungah ka pa in min kaih luh dawn chuan "Khawvel a mo hmelṭha ber i ni ka fanu duat" ka pa in a tih chuan ka mittui a hnâm sawk.

Muang changin biak in chhungah min kai lut a,Hmachhuana bulah chuan min din tir a,Hmachhuana'n ka hriat tur tawk lekin "i hmelṭha ber" a rawn ti sep a.
Tawi tê in ka lo nuih suk thung.


Inneih ceremony leh joint reception vel a zawh hnu chuan kan in lam kan pan a,mo hruai programme kan ṭan leh ta nghal.

Engmah pawh ka hre mumal thei lo,ka chau,ka ni muai muai mai,ka tan a ni ropui ber a he tia awm hi ka duh lo asin le...

Hmachhuana te in lamah kan in phur phei a,tunah chuan Hmachhuana te inah ka lawi lut ta.
Tun aṭang chuan ka in a ni ve ta,Hmachhuana nen a kan duhthusam chu a thleng dik ta a nih chu.

In leng neuh neuh an awm reng a,duhthusam aia tam mah kan inneih min hriatpuitu an lo kal chu Pathian malsawmna ropui tak a ni.

Zan mut a rawn hun dawn ta mai.

Room-ah Hmachhuana nen chauh kan awm a,inbual hmasak ka chuh avangin ka va inbuak hmasa ta zawk a.

Inbual zawh veleh khumah ka lawn tharh a,ka muhil ta vang vang.

"Kitkat" tih paha tlem a min rawn sawi chet avangin ka harh a.
Muang changin ka hmuiah a rawn fawp a,a tih tur ang ang chu a ti mawlh mawlh a,kei pawn ṭha takin ka lo dawng sawng zel bawk.

❌❌❌(A thleng tur chu lo ngaihtuah ve tawh mai ru🤭)❌❌❌❌


Ka mutthilh dawn siar siarah chuan "tunah chuan ka damchhunga ka nupui leh ka kitkat i ni tawh dawn a,kan thih hnu piah lam ram thlengin min hmangaih thei ang em?" A ti chhuak sap.

"Ka hmangaih reng ang che Lalhmachhuan"
"Keipawn ka hmangaih reng ang che Kitkat"








The End....








Lawmthu sawina:



Kitkat chu a lo tawp ta der mai,ka ziah tirh a ṭang a min ngaih hlut sak a min lo chhiar sak ṭhintu te hnenah thinlung takin lawmthu ka sawi a,duh ang a ka rawn regu theih loh avang te khan ngaihdam ka dil nawn leh a,ka vawi khat ziahna-ah mi khati zatin a in chhiar kha ka beisei pha lo hrim hrim a,lawmthu ka sawi nawn awn awn e.
Tin,christian story ni lo mahse dam leh hrisel tak a he story ka puitlin theih nan a malsawmna min petu Pathian hnenah lawmthu awm rawh se.

Chuan,min hmangaih em emtu ka unau te,leh ka nu chungah lawmthu ka sawi a,last ka ziah zan phei hi chuan ka nu in min men pui char char a,ka nu hnenah pawh lawmthu ka sawi mawlh mawlh bawk e.

Chuan kawng engkim a in mi support na avangin lawmthu ka sawi a,next-ah story thar ngaihnawm tawk nen rawn kham bek(come back) ka lo tum ang a,chu mi hunah pawh min lo chhiar sak ve leh ṭheuh dawn nia aw...❤️


star__bee_13✌️❤️



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)