HADES Chapter-1

Episode kal lai dah luhna

Moderator: writers

Puii.B.T.Epiphany
Posts: 1
Joined: March 2nd, 2021, 8:01 pm

HADES Chapter-1

Unread post by Puii.B.T.Epiphany » March 2nd, 2021, 8:04 pm

Written by: Puii.B.T.Epiphany





"Anu..." ka hnunglam aṭang a ka dar a rawn kuah chuan eu nghawk in "mi â nu..." ka ti hlut a. Rawn nui deuh suk in "sorry sorry Anu..." rawn ti a. A sam hnawk deuh chhum mai te leh a necktie sawi deuh buai mai ah chuan a infiam nasa in inhlei pawl ah a ṭang leh tih a hriat hle a. A kut chu laksawn sakin kan thaw hlup a.





"Priya..... engtik ah nge i fin dawn le? tinge naupang ang mai a i inhlei em em. I ṭawp hmel bawk si.." kan ti hlak a.



Nui deuh var var in a necktie chu an siamṭha a. Tiang hi a nitin hman dan a nih avangin mak ka ti lem lo, engtik lai pawn hnawk perpur hian a awm a, a la thawveng em em ṭhin zui.




Test na leh exam naa a fail lo hi chu thil mak tawp khawk a ni. "Anu....tiang khan puitling zet khan awm lo ṭhin teh, ka nu second i ni ringawt alawm, free deuh in nung teh" rawn ti ar ar a. Ner deuh sukin "i nu second chu ka ni kher lo" ka ti a. Mahse a thusawi kha chu a dik viau.





A nu second ang chu ka ni, ka ṭhiante hi chu ka hau in ka buaipui thei em em a, an zing ah pawh nutlingber tih ka hlawh fo reng a ni.




Ka sam kir deuh chhap mai leh ka vun ngo no suah mai chu ka inhmeh in ka nuih zawng a ka biangsum lo khuar kak ṭhin te chuan mi mit a la em em a. Hmeichhe te ka ni lo a Ft5 leh inch4 vel ka ni. Ka tet em em loh avang hian ka thawmhnaw hak ka inhmeh in ka hnute pawng lah leh ka mawngbawr lian tak mai te chuan mi mit a la thei hle a. Sexy tih zawng a sexy si in ka hmêl erawh a innocent em em thung, khuanu hian min duang fuh ka ti mai ang chu.






Mahse Indian kan nihna ang in lo inlak ṭhat vak theih pawh a ni lo. American te angin kekawrbul te nen lengchhuak ve ilang chuan ka nu in a chapal in mi vaw ngei ang.





Ka zirna hi ka ngai pawimawh hle a, ka nu sawi ṭhin ang in "hmeichhia chu mi nupui a nih hma in amah a in chherchhuak tur a ni" tiin min hrilh fo ṭhin. Chu chu ka thinlung in ka vawng tlat bawk. Ka nu pawh house wife mai mai mah nise college kal pha ngat a nih avangin a hawi hai lo hle a.








Ka pa lah Doctor a lo ni bawk nen, kan chhungkua chu zirna runpui kan ni ringawt.




"Roshni....!!" Priya chuan ban vei lauh lauh in Roshni kan lam a rawn kal chu a au a. A awrawl ring tak mai avang chuan kan bulhnai a awm te chuan min en hrek hrek a. "I ninawm min au chiam chiam zel suh" ti hlak in Roshni chuan a lu chu rawn ben sak a.






"I va hmelchhe ve" tia lei chhuahkhum zauh in "takin kan inbiruksiak dawn lo mi?" Rawn ti zat a. "Nia, nichin khan Mam in min ko lo seng zawng ka la tel hrim hrim ang. Ti ang u" tih pah chuan min rawn melh a.





Ka tel peih lo tih hriat takin ka lo nuih lui sang a. "Aw ..Amak Anu i ṭhiante kan tel vek dawn a, nge tel loh i tum tlat a..." Tij pah chuan ka kut rawn la in "rock, paper, scissors a chak lo ngun ber chu an chang ang" a tih chuan bu liam tawp in kan ti a.





Priya i chu a chak loh avangin school ground lam chu apan a. Keini chu birukna tur zawngin kan buai mek thung. Roshni a hrang à a kal avangin lobby lam chu pan in jenerator in a bawngraw dahna ṭhin room chu ka lut a.





Ka luh rual a chhuat leh eng ilo tihfaina lo inremdul ka hmuh chuan tih tlak hlau takin bawngraw dahna hnuai ah chuan ka inrawlh lut a. Bawk deuh ran in dar rik hma chu awm ka tum a. Boruak reh ruih mai leh mi pen thawm ri chiang em em mai te chuan min ti hlau lek lek in ka hawi hru hru a.




Step aṭanga rawn chhuk thawm leh mi inbe tawn sek ri chu ka hre kar a. Ka chil chu lem ri deuh fakin thawm chu ka ngaithla kiau a. Kawngkhâr inhawng ri in a zui nghal a.





"Headmaster i nih kha eng emaw tal ti rawh. Police hneh ah pawh report mai rawh, kan nunna in a tuar phah mai ang...!!" Thinrim leh hlau tih hriat zeta ti tu aw chu kan ngaithla chiang a, Sunny Mam a ni. Hnuailam a ka awm nih avangin min hmuh ring lo tak chuan kan dak deuh dek dek a. Headmaster chuan a hmai tuai puat in a kawng chu dawm a.





Rilru hah tih hriat zet chuan rawn thaw leh hrawkin "engmah tih theih kan nei lo, Police mai mai in a an dahṭhat theih mihring a ni lo tih kan hriat kha. Nise zawng ka fapa in atan a thil hlutak a rawn ruk hawng ni rual khan Police ka pan daih tawh ang" a ti sap a.





"A nih chuan engtia awm turin nge min duh a..?Police te chingfel theih loh leh tumah khawih theih loh lak aṭang chuan eng vângin nge thil in lo ruk reng reng a?... I fapa ka hum vang khan ka nunna ngei pawn a tuar phah hi. Kan damchhuak miah lovang" a kuttin seh neuh neuh chunga â tih chuan "naupang ho hi kan banhma tir angai" a ti sup a.





Headmaster chuan "ka hria alâwm, vawin hian naupang ho banghma theihna turin school pype siamṭhat a ngaih thu ka puang vek tawh a, engmah lungngaihna tur a awm lo" rawn ti nghut a. A hmel dal lap mai ah chuan patling mah nise a hlau a ni tih a hriat. Kan Sunny Mam lah chu a hnawk nuai a ni ber. A hlau in a rilru a hah a, mahse engtik lai a zui tawh tur achhia a inhlawh tir ang maiin tlanchhuahna tur a awm lo tih a hre thung.





An hlauhthawnna nasa tak mai chuan a ti â lo chauh tih hriat zetin an thaw leh hlap ṭhin a. "Okay..okay...tihdan ka hria eng vangin nge i fapa chu kan biaka a thil ruk dahlet tur a kan tih mai loh" a tih dek dek chuan "i â ta mi Sunny!!" A ti vin ṭhawt a. Sunny mam chu phu deuh dawr in cupboard chu dawm a.





"Ka fapa in a pe let emaw let lo emaw kan thi dawn tho tho, kan tih theih awmchhun chu a rilru hnenh a ni mai" ti khur khur a.
A mit sen deuh rum mai leh a tiril khur dar dar chuan eng takin nge chu mihring chu ah hlauh ka hrethiam mai lo. A landan ber chuan Pathian in a nunna lak tum in a dang thei lo a ang ber. Mahse Pathian ai maha a hlauhna chu ka hrethiam lo






Eng ang mihring in nge a hnaih ah pawh awm hauh si lo a tiang ang em em a hlauhtir thei ang ni?





"Ka lo at vang vek a ni, nang hi lo ṭanpui lo tawp che ila a ṭha tur ania"
"Tiang thil kha sawi reng suh Sunny, dam khawchhuak mah ila ka thil tih theih i hria, kha sex tape kha ka tlangzarh a nimai." Rawn ti hrawk a!




Chuti chu a hma a Sunny Mam leh Headmaster inkar ah hian thil thleng a awm an tih kha a dik a ni tihna a ni maw,,, a nupui khan a hriatsual thu a sawi avang khan kha boruak kha a tawp ta a, mahse an inkawp ru reng tih chu an thusawi aṭang hian a chiang ta.






"Eenng...eng nge maw i sawi le?...tiang ang a nasa a ka puih hnu ah che pawh maw?" A ti khur hlak hlak a. A aw chu a hriat chang chang theih bawk.




"Kei hian ka hrechiang, ka fapa i hum nachhan pawh kan sex tape vang kha a ni tih, chu vangin tiang i rilru ṭhatna avânga hum ang in lemchang hauh suh" ti hmuk in a chhuak a, kawngkhar chu na tak a khar in a rawn ri bup a!



Ka lungphu rang lutuk chu dawm dawn pawh ni ila ka bawk si, tih theih nei lo chuan bawr ran in Sunny Mam a chhuah hun tur chu ka chang ringawt a.




Sunny Mam chu rawn ṭap chhuak hawk in chhuat ah chuan kawngkhar ngheng in a ṭhu hnawk a. A rilruna leh hlauhna avang chuan khur hlawk hlawk in a ka chu an hup bet a, mahse a hlau in khawvel hi chhuahsan daih a duh tih chu hai rual a ni lo thung.





Dar a rik chuan Sunny Mam chu insiamṭha zut zut in a chhuak ta hram a. "Lalpa i chhuahtir har lutuk a ni" tia phun hlut in muangchang chuan kan chhuak ria ria a. Thawh ka tum chuan ka thei hrep lo lehnghal. Ka kawng chu na ut ut in ka ke chu a mu ur ur a. Rei vak lo kan ṭhut hnu chuan na e na love tiin ka thochhuak lui a.






Ka kawng nat dan chu ka ṭe ṭhat nghe nghe. Rang takin kan class lam chu ka pan a, step tam tak tlan chhoh ngaite avang chuan ka chau khawp mai. Class ka thleng chuan vanneih thlak takin zirtirtu a lo la kal lova. Dawhkan ah chuan bawk thlawp in thawk chu kan la vang vang a.




"Khawilaiah nge ilo biruk reng reng a? Hmuh i har ropui si, ila thlan hluam zui" ti tui bottle chu Priya-i chuan min rawn pe a. Ka dang ro hulh mai avang chuan ṭawngṭha thei lovin tui chu ka ban vat vat.





Tui chu in khawlh khawlh in kamis a tui rawn far te chu kan hru leh sawk sawk a.
Eng ang mi nge ni tiang em em a thlabar a mi siamthei chu, an kiang ah awm lo mahse hlau in an thi lo chauh a ni sia.




Engthil nge an ruk chu le? Chu tia inchhuizui ngar ngar tur khawp kha chu a hlu ve hle nia ngah. Dam khawchhuak lo ni teh reng se, Sunny Mam chung ah thleng ang? Kan headmaster lu kawlh hura hi a sual ve sia, nuam chu a tawl rei awm si lo a.




Ka hnung rawn ri thlawrh mai avang chuan "zawngi..!!" Ka ti rak ṭhat a. "Anu...stand up, eng vângin nge ka koh che kha i hriat theih miah lova?" Ka zirlaipui nui tet tet avang chuan zak takin hnuailam chu ka melh ran a. "Mi â nu..vawi engzah nge ka koh che, i suangtuahna ah i cham rei lutuk a i tuar phah a nih kha" Priya chuan a rawn ti su su a.





Kan Sneha Mam chuan a tarmit chu siam ṭha sauh sauh in a mit hriam kak mai chuan min en reng a. "Class lak lai a attention pe ṭha lo ka huat zia i hrechiang viau in ka hria, chu vangin vawin tlai hian i stay-back ang. Ṭhu rawh" a tih chuan ṭhu ve mai in ka vanduai zia kan ngaithuah a.





Kan Principal khan a hlau satliah hauh lo, kei school a ka lo awm khawmuang ve a nih chuan ka nunna in a tuar ngei ang. Eng sakawlh pawh lo an lo hlau a nih chuan an thiltihsual vang a ni, kei engmah thil tisual lo hi chuan ka tawrh phah tur a ni lo.







Sneha Mam period a zawh chuan kan ban theih tawh thu sawi in kei chu awm hnufual turin min ti nawn leh a. Priya-i chhuak tur chu lo dang in "kei pawh min hruai ve ru, hetlai hi zawng a him lo ka haw ve duh" ka ti a. Nui deuh hak hak in "tikhan zirlai i ngaipawimawh bawk a, in zir tluk tluk mai dawn alawm. Bak ah eng arte mah hi mupui bul ah chuan an him tak tak hleinem, ti khan awm mai mai la a nih chu" tiin class aṭang chuan min chhuahsan a.





Ka classmate te an chhuak chiah maw tih chuan Sneha Mam chu class ah chuan rawn lut nghal a. Biak pawh min be lem lo chuan ṭhuthleng ah chuan a ṭhu reng a.





Ka thinphu rang dup dup mai leh ka kut thlan deuh chhuap mai chu tihreh dan pawh ka hre lo. Engtik hun ah nge an rawn thlen ang nga?engtik hun ah nge an thah ang? Engtik hun ah nge kei ngei pawh hi ka thih ang? Tiin ka ngaihtuah a.





Thil puak ri dur mai chuan ka ngaihtuahna ram aṭang chuan min kai harh in ka meng deuh phawk hrawk a!! Ka thinphu chu rawn tawp in ka thlarau chu a chhuak lek lek in ka hria.




Sneha Mam pawh a bang bik lo, a ni chuan a chhan a la hre lo tela a zia alawm, kei chuan a chhan ka hre kiau a, mahse engmah tih theih ka nei si lo.




Ka tiril chu rawn khur der der in kan dawhkan chu kan vuan a. Sneha Mam mit ah pawh hlauhna awm mahse a zirlai a kiang ah ka awm tlat avângin a intipachang a. "Ka va kal ang nge" ti ngat in class chu min chhuahsan a.





"Ni lo,, ni lo Mam...Snehna Mam lo kir rawh..a him lo ania..!!" Tiin ka au khek tuar tuar a. Ka tiril khur der der leh hlauhna vang a chhuah nghulh mai chu ding chhuak ṭaih ṭaih in ka theihtawp a chak in Mam chu ka umzui a.





Boruak reh ruih mai kar ah chuan ka tlan thawm tih loh chu engmah a awm lo. Vawilehkhat a silai puar ri ka hriat leh hma loh kha chu!! Kei mai chu silai puar ri chuan min ṭhawng lovin parva te chu an thlawk darh suau suau a.





Chu silai puak ri ngei chuan ani vawin ah a vawihnih nan ka thinphu ti tawp tu chu. Ka khawhmuh chu phîr vekin chhuat ah chuan ka tlu hnawk a. Lalpa! engtin nge ka tih ang.





Ka thlarau chhuak ang mai a ka let reng lai chuan pen thawm ka hre ta ṭham ṭham a!! Ka marphu chu rawn rang mup mup in vawn tur chu ka zawng ruai a! Mahni indawm tho in ka theihtawp a chak chuan kan tlan a.





Ka ke zawi nghulh mai chuan ka tlan pawh chu ti chak lovin ka marphu rang lutuk chuan thaw ṭha thei lo in min siam a.





Hnunglam aṭang a ka sam rawn ṭham a bang a min thehphei lawp chuan ṭe ṭhawt in "Lalpa...!!" Ka ti tuar a!! Ka tukhum bang in a deng dawt avang a lui hei cham cham leh na lutuk mai chu ka ṭhen suk a.






Ka hma a pa liantak mitmeng sen thim raih mai chuan ka nghawng rawn rek in ka tal fiat fiat a.





"Hetlai naupangte reuh hi i tuar a chhel reuh zek mai a.." nui khur dat in min rawn en a. Ka thawchham lek lek leh ka takchakma nei tawh loh avang chuan tal pawh ka tal ṭha thei tawh lo.






"Tiang hian a ni maw ka hringnun zinkawng chu a tawp dawn a" ti rilru in ka mittui chu rawn far riai riai a.





A hmui lum thar thar mai chuan ka biang chu rawn nawk thuak thuak in "ka ta i ni" a ti sup a.




Ka nghawng a rehna a thlah rual chuan chau nghulh in chhuat ah chuan ka let tawp a.




"Boss...kan kal a ṭha ang" tih ri ka hriat rual chuan paliana chu rum nghut in a rawn ṭhutung a.




Ka mittui far riai riai mai chu a kutzungpui chuan rawn hru zauh in "I hremhmun Lalpa Hades hian nang ka Persiphone hi ka rawn lam ang che, min lo nghak reng rawh"
ti sup in a kal a.





A pen thawm hla tial tial leh ka khawhmuh ral riai ria chu ka hriat nahnun ber a ni ta a ni.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)