COMPLICATED CHAPTER-07 BY-SANGPUII

Episode kal lai dah luhna

Moderator: writers

C Lawmsangi
Posts: 66
Joined: February 1st, 2021, 7:58 pm

COMPLICATED CHAPTER-07 BY-SANGPUII

Unread post by C Lawmsangi » March 2nd, 2021, 9:10 pm

CHAPTER-07






"Rempui, helam ah eng nge I tih a?"
Thawveng zet a Carlos-an a tih chuan kei erawh ka lo ner nak! Helai ah hian engtin nge a awm theih? Chu mai bakah engtik khan nge Mizoram ah a lo haw? Nimin lawkah ka haw ve chauh kha a ni sia, keipawh!


"Min hip tu a tha em a, ka rawn haw a nih hi"
Rempuia'n a tih chuan ka melh zawk, min lo en ve chiah bawk! Hmela mai mai chuh!

"Hip tu che a tha hle a ni ngei ang, i rawn thleng rang em mai. Carlos, Fiona-nen hian sawtah kan va kal lawk ang e" Fiona-melh zauh pah chuan ka ti a, Carlos-pawh a lo bu ve nghat. In sawifiah tur a min duhna mitmeng pawh chu ka hmu thiam reng, mahse, engmah tih a sawifiah peih ka nei lo, ka rilru tih thawven ka ngai takzet!


"Fiona, ka thianpa Benjamin-te kan va hmu lawk dawn ami?"

"Ok, a tha alawm" tawng malh malh pah in ka rual chuan a rawn kal ve mai.


"Rinawma te leh Benjamin-te hi an thawk ho daih a, Rinawma kha I hria tiraw? HEROMIO neitu te kha" Fiona-kaih zat pah chuan ka ti a.

"Aw.. hria e. Rinawma phei chu chhelo ka ti thei lutuk" nuih hak hak pah chuan a ti a.

Benjamin-te company-kan thlen chuan chuan a P.A-nen kan in tawk hlauh, a awmna min hrilh hnu chuan hmanhmawh zet chuan kan kal ve nghal a.



"Hy baby, engtik khan nge I lo haw a?" Benjamin-chuan min hmuh rual chuan a lo ti hluai.

"Nimin khan ka lo thleng chiah. Baby, I van che thei bik ve a?" Nuih sak pah chuan ka ti a, ka biang a lo piai zauh.

"Fiona-helam ah eng nge I tih a?" Mak ti zet in Benjamin-chu ka melh tawp. An lo in hre ve leh bawk a maw?

"Chawlh ka la a, Carlos-nen zin chhuah kan tum a. I lo dam em?" Inkuah thuak pah chuan an ti a.

"In pahnih hian in inhria maw?"

"Yess, bawihi cousin-alawm" Benjamin-an a tih chuan ka nui chhuak hak hak.

"Khawvel hi a lo zim ngei mai" an pahnih a en kawp zauh pah chuan ka ti a.

"Benja, Rempuia khan nuam a ti lo palh ang, Carlos-nen chauh khan an awm sia, ka va zawm ve ang e. Alex, bye, i haw tlang thu ka lo sawi mai dawn nia" ka rilru a awm hria ang maiin Fiona-chuan a rawn ti zat zat, ka tan chhuan lam a lo siam dawn avang pawhin ka lawm kher bawk.


"Bye.."

__________________________


"Tinge Rempuia bulah I awm loh a?"

Benjamin-a zawhna avang chuan ka nui hak. Ani nen hian Bengalore-ah Carlos-te nen lehkha kan zir ho thin a, batch mate-kan nih laiin Carlos-erawh chu kan senior-daih ani, mahse kan inkawm ngeih hle, tun thleng pawh in tuman min la then hrang thei meuh lo.


"Bumtu hringnun ah ka tel ve reng chhan tur ka hre lo te pawh a ni maithei asin" tih zauh pah chuan ka nui hak! A mitmeng a zawhna ka hmuh chuan ka thaw hak.

Sapna nen a an chungchang te, engkim ka hrilh hnu chuan min kuah thuak bawk.

"Baby, tual ka that tih hi i hria em?" Ka zawhna avang a a taksa tang nghal tawlh tawlh chu ka hre thei.

"Baby, eng thil nge maw I sawi le?"

"Kan batchmate-Rinmawii kha I hria em? Kei hian he ka kut ngei hian ka that asin" ka kut vaih pah chuan ka ti a, ka mittui lo hnâm chu tih reh tumin ka khap fak fak.

"No, baby. Ani kha chu mahni in tihlum alawm a nih! I hre sual ani"

"Nilo! I hria em? Zan ah.. zanah khan lehkha kan zir ho dawn a. Kha.. lehkha kan zir ho zan kha I la hria em?" Amah en pah chuan ka ti a, a lo bu zauh bawk.

"Tah khan a coffee-in tur ah khan pills-ka pawlh a, kha pills-kha ka duh aia tam ka pawlh a! A tuk interview-ah pawh a lo kal theih loh phah a. I hria em? He hna.. nilo.. Kha hna kha, kei ai hian a mamawh daih zawk asin! Tinge ka hma ka lo sial em em le" insum zo lo chuan ka tap chhuak nghal hawk hawk!


"Shhh.. tap suh, nangmah vang a nilo"

"Aih.. I hrethiam lo ani! "

Engmah sawi pawh sawi zawm tawh lo chuan ka tap nghal hawk hawk! Ni e, engkim kha ka thiam loh ani.


"Benja, kan haw hman tep tawh em?"
A cabin-a lo luh pah chuan Rinawmi chuan a rawn ti lawng lawng. Kei erawh ka tah nasat avangin a hawi pawh ka hawi chhuak lo.

"Zual, tinge a?" A rawn tih zawm nghal zat.

"Rin.." ka lo kuah leh nghal thlawp, tah thawl hawk ka mamawh. Ani pawhin ka hnung a lo chul hauh hauh. Kei aia naupang fe mah nise Benjamin-nen an inneih hnu atang hian a rilru a puitling takzet tawh!

"Ok.. I thiam loh a ni hleinem, i hria em? A tha leh vek mai ang"

An nupa chuan min hnem char char a nimai, in ka thlen meuh chuan keipawh ka thawl hawk thei.


"Bawihte, Rempuia a lo leng a.." ka room-a lo luh pah chuan ka nu chuan a rawn ti nghal vat.

"Ka dam loh thu lo hrilh mai rawh, ka rawn chhuak peih lo"

"Awle, bawihte, i tha tiraw?" Ka nu zawhna avang chuan ka nui hak.

"Ka nu duhtak, ka tha. Hman ah khan min lo hrilh tawh ni ula hei ai hian ka tha lehzual ang" nuih sak pah chuan ka ti a, ka in lukhuh nghal daih bawk. Ani pawh thaw hawk in a chhuak ve nghal mai.

Dik tak chuan ka nu leh pate thil tih dan hi an thlirna lam ah chuan a awm lutuk! A awm takzet. An fanu a nat ai chuan a hriat reng na ata an lak chhuah sak a ni a, ka hrethiam lutuk! Mahse, a hlim chhawn a ni a, ka zak in nuam ka tilo em ani! Chuan, stranger-a lo lang ve bawk a. Heng thil te hi thil in tawng fuh palh a ni thei lo, engkim hi ruahman sa vek a ang zawk mah!


Vawiin ah khan message-min lo thawn a nih kha, chuan a hnu lawk ah Rempuia a rawn lang a! Nilo.. Rempuia hi chu a nilo, amah hi staranger-a nih theih dan a awm lo.


___________________________________________


"Carlos, detective-chu min biak sak thei ta em?" Ka call-a lak rual chuan ka ti nghal vat.

"Yea.. A thil chhui pawh a zo tawh a ni awm e, zan ah report-rawn dah pah in ka lo leng ang"
"Okhey, ka lawm e aw"

Nuih hawk hawk pah chuan call-chu a dah nghal a.


"C, Fiona-sawm la, vawiin chu ka treat-ang cheu. Chhuak ve mai mai teh ang u" C-i chu call-in ka ti nghal zat. A khek ring ngang mai.

"Yess le, mi hausa nu.. kal ang u"

Ka chhan let hma chuan call-a cut-nghal hmak! Engkim ah hian a phur thei em em vek mai lehnghal!


"Babe, I chhuak dawn ami?" Garage-ka thleng phei tep tih ah Rempuia min lo biak na avang chuan ka ding dat.

"Ka sawi tam tawh, babe-ni lovin alex-emaw alexandria-aw! "
Amah pawh en lem lo chuan ka ti nghal zat. Garage-atang ka car-la chhuak in ka start-nghal vat.

"Babe, babe... min ngaithla teh"

Ka ning ta kher mai! Eng nge sawi a duh tih tal chu ka ngaihthlak sak ve a ni ang chu! Ka car start-sa chu ka ti thi leh duk. Pawnah chhuak in a hma ah ka ding nghal zat.

"Sawi la, eng nge sawi duh i neih?"

"Sapna kha, ka duh vang reng a ngaizawng ka nilo, a hma kha chuan! Nangmah nen a kan in ngaihzawn hnu reilo te ah khan ka business-kha a tla hniam a, sapna khan min puih theih ka rin vang a ngaizawng der ka ni! Mahse, a rei telh telh a, feeling-ka lo nei ve tan a. Nang hi ka duh che, ka duh takzet che tih chiang takin ka hria. Amah a feelings-ka neih kha eng thil nge a nih ka hre lo! Ka business-tlak chhiat vang ani" a rawn ti hap!

"Ka puihna I dil thei, ni lawm ni? Min bum kual vel lo khan"

"Ni e, company-ah khan share-ngah ber i ni tih hria ila chuan kha thil kha ka ti hauh lovang" a biang a ri nghal chawk.

Ka in rin hma in a biang ah ka lo beng a ni ngei ang!

"Ka kut chu a thip ngei mai! Kha kha I lawmman dawn ni rawh se"

Ka car-chu start-lehnghal in ka dawk chhuak nghal zat! Tenawm lutuk mai. Engtin nge? Nilo! Eng rilru pu in nge min ngaihzawn a tum hrep le? Tenawm lutuk hian a..



Nileng deuh thaw in Fiona-leh C-i te nen kan leng chhuak a, picnic-deuh reuh a chhuak kan ni a a zia phian.



" Rinmawii kha I tan eng nge a nih?"

Stranger-nen ah chuan message-ka va thawn a, vanneihthlak takin a seen-ve teh mial!

"Ka tan a mi hlu tak a nimai"

A chhanna avang chuan ka thin a na nghal zawk! A tan a mi hlu tak a nih vang a ni ngei ang ka nunhlui ka hriat loh thleng a min hriat chhuah tir!

"Chuvang chu ami ka na ngawih ngawih dawn tih hre reng chung in min zawn chhuah tir?"

"Nilo e, i nat ka phal hleinem" a message-ka chhiar rual chuan ka nui hak.


"Ka nat phal lo siin min tina a, tu chiah hi nge maw I nih le?"

"Nangmah hmangaih tu che" ka phu zawk!

Min hmangaih maw?! Nilo.. dawt a sawi, amah ka hmuh pawh a duh lo a, min hmangaihtu a nih theih dan a awm lo!

"Nangmah hmuh che pawh min remtih sak lova, huh.. chutah min hmangaihtu niin I inchhal a, i ropui hle mai"


A seen-tih hriat zetin tick-chu a pahnih in a pawl nghal zat.

Minute-rei lote hnu ah min reply-na a lo lut nghal zat!

"Zan in ah ka rawn tlawh ang che"

"Mahse, engtin? Khawi ah?"

A in deliver-thei tawh lo. Zan ah min lo tlawh tur thu a sawi a, ka phur rualin ka huphurh takzet! Nilo! Ka hmu tur ani.


"Lalnunzual, ka rawn thleng tawh a nia! Rawn chhuk nghal rawh"

Carlos-a aw thum leh ring zet ka hriat rual chuan ka nui hak, hmanhmawh zet chuan ka tlan thla nghal.

"Carlos, min lo ken tiraw?"

"Min tlawn la, ka pe dawn che nia" a thusawi avang chuan a tukhum ah ka nam lawp. Nghal leh lutuk mai!

"Min han pe lo vaih teh" ka kut hum ruhin ka tin nghal uaih uaih, ani lah chu nasa zetin a nui hawk hawk lehnghal.

"Tak tak ah, I rinhlelh kha ka chhui tir a, mahse Rempuia chu a nilo" ka rindan tho ni mahse a mak ka tih a zual.

Tunge stranger-chu ni ta ang?

Stranger-chungchang hi tumah ka hrilh lo, carlos-a hnen ah takngial pawh engmah ka hrilh a rem lo bur! Mahse, thil ka chhui tir hnen ah khan eng emaw tal hrilh ka ngaih avangin stranger number-kha ka pek phah a nih kha!

"A phone number-pawh kha ka chhui tir nghal a, mahse, I.D leh thil dang zawng zawng kha chu a lem vek a lo nia"
A thusawi avang chuan ka thaw hak, okhey! A tha alawm, nakin lawk ah kan inhmu dawn, nilawm ni?

"Zual, ka haw lehnghal mai dawn sin. Fiona-te in ah len ve ka duh sia" mit siai zauh pah chuan a ti a, kei erawh ka nui hak hak. Inla bialnu nei ngei mai..

"Bialnu i nei bik hle mai, okhey, muttui aw" a biang a fawh zauh pah chuan ka ti a.

"Muttui le.."

__________________________________



Chiang lo zet a ka biang nul hauh hauh tu an awm avang chuan ka harh nghal zawk, mahse, ka mit erawh ka meng thei lo. A thim vek. Hlauh avangin ka khur nghal dawt dawt.


"Ka hmangaihnu, hlau suh. Keimah"
A aw ri thum dut chu ka hriat tawh hnu ani, ni e, amah ani. Stranger-kha.

"I mitmeng mawi zet hi ka lo khuh bo daih a, a pawi khawp mai" nuih rik sak pah chuan a ti a, ka chhung ril thlengin a khur nghal dat dat thei!


"Ka hmu duh che tih ka sawi sia"

"I bulah ka awm alawm, a ni em?" A nui ri leh suk.

Ka khum ah ka mu tih ka hria, a bul chiah ah a awm a nih chuan ka khum ah, ka kiang ah ngei a rawn mu ve tihna!



"Ka hmangaih nu, i hria em? Rinmawii kha ka tan a pawimawh tih ka sawi tiraw?"

Aw tih nan ka lu ka bu nghat.

"College-in kal lai khan a beidawn zia leh a rilru hah zia ka hria a, ni e, puih ka duh takzet" ka chhip zawn ah a rawn thaw hak! Nghet zetin ka dul ah a kuah bawk.



"Mahse, thil thleng chu I hriat kha. I hriat chhuah leh avang a i natna avangin ka tihpalh aw" ka chal a fawh zauh pah chuan a ti a. A awm hrawl zet leh lumna ngah zet ah chuan nghet zetin min kuah bet tlat.


Chutih rual chuan mut chhuak chuan min zem leh chiai chiai a, ka hriat hnuhnun ber chu a hmui nem zet chuan ka chal ah a fawp tih ani!




____________________________________


A sei ve tho tiru? 😅

Ads click-mawlh kha aw, khawngaihin 😘



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)