BELONGS TO YOU - 15 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

BELONGS TO YOU - 15 By Bearr Chhakchhuak (Dreamer)

Unread post by Bearr » March 2nd, 2021, 10:35 pm

CHAPTER-15🌿





"Jona engtin mah I awm dawnlo ania aw hlau suh" khur dawt dawt pahin ka ti a vur tla hnuai a awm ang mai ka ni ka khurh nasat dan chu pui tak! "Katty midang ko rawh hmanhmawh in"




"An lo kal" tap chungin a ding chhuak a, hostel mi ho an rawn tlan khawm a security chuan Jona chu pua in a kal pui a kei in ka um zui a midang chuan ambulance kan tawh tur in an lo call bawk,thui tawk tak kan thlen hnu ah ambulance nen kan in tawk a rang takin hospital ah kan tlan pui nghal




"I tha dawn ania" a kut chu ka chelh a a zawi vek bawk si nen ka hlau takzet ambulance ah pawh chuan oxygen an hip tir tawh,ka tap a a chang leh mi rilru buai ang maiin ka khawsa bawk




Hospital kan thleng a an nawr luh pawh chuan ka zui ve zel bawk, Katty a lo kal tel ve tawhloh vangin security nen chuan emergency room kawt ah kan awm reng a ka han in en chu Jona thisen ka lo jai nasa mai,hlauh na min thlen zual ni a ka hriat vangin wash room ah ka tlan lut a ka in sil sawk sawk





"Miss..." Ka chhuak leh chuan ka tum loh deuhin kha sam buangi leh Kendra huat em em putar kha an lo in be mawlh mawlh a security chuan min rawn au pahin min rawn pan "hostel ah kan let tawh dawn em ni?"





"La nghak ang" tih pahin an pahnih lam ah chuan ka phei a min hmuh rualin sam buangi chu a nui suk, thingthi hnawk a ka tlu kha a hre chhuak pawh ani mai thei




"Ka pu hetah enge I rawn tih?"sam buangi melh leh zeuh pahin ka ti a, doctor ni awm tak ani a kawr atang chuan




"Ka hnathawk fapa a nia ka rawn ngaihven sak anih hi" a ti mai a sam buangi chuan min en deuh char char,eng emaw sawi dun leh in a kalsawn a Jona enkawl a buaipui tu zing ah a lo tel ve reng




"Thil thlen dan min hrilh teh,ka hnathawk fapa anih ang in rorel na dik kan pek sak theih nan I tanpui ka mamawh dawn tlat mai" thuthleng ah chuan thu in a bul lawk a thu ve tur chuan min ti a thuthleng chu a beng thauh thauh





"Jona kha pangpar min lo pe turin a rawn kal a,englo a nau te hi lehkhabu chhiar tur kan colleg library atangin ka ken sak thin a chumi lawmthu sawi nan chuan ania" ka hlau leh mangang ve tho chu ka kut ka woh vak vak





"Hlau Suh aw a tul na apiang a pui tur che in ka awm reng ania...chuan a rawn su tu chu I hmu em?" Chiang takin Kendra hmel ka mitthla ah a rawn lang nghal! Ka chhing sawk a thawk ka la zui hawk bawk





"Keimah chuan ka hmu lo a,mahse ka thiannu khan a su tu chu" tlem chuan sawi har ka ti.. Kendra lo ni ta pawh nise engati nge a sut ngawt ang? Jona nen vawikhat pawh an la in hre ngailo a in hmuh pawh an la in hmu lo ang





"A su tu chu tu maw?" Ka hlauh loh nan ti niawm tak in ka dar ah chuan a rawn vuan a



"A su tu..."



"Damlo hi a serious lutuk! Thisen kan mamawh belh" nurse rang lutuk a rawn chhuak vang chuan ka ding thawt a ka in rin hma hauh in ka mittui a rawn luang,heng hi ka thiamloh anih na chen a awm tinge au ringawt lo khan motor lo tlan thu te kha ka hrilh loh?




"Ka pu ka pu chhan him teh khawngaih in! a nau te a chhungkua tan a ni saw a pawimawh lutuk khawngaih in chhan him rawh" ka tap a ka mi hriat ngailoh pawh chu ka ngai pawimawh lo ka tap vak vak a ka kuah bawk





"A tha mai ang" tiin min kuah chung chuan mi a call a thisen an mamawh thu a hrilh bawk,hun chu a kal muang em em a Jona that lam pan thei bawk silo chu ka rilru a hah takzet tawh,a chhungte pawh an rawn thleng a kan awm na corridor chu tap ti in a luah khat vek ani mai







"Kan hlawhtling e.." doctor thusawi vang chuan in hre ngailo te pawh kan in kuah lawp lawp mai,a that tak vang leh security in min nghah reng vangin hostel lam pan tum chuan kan in ruahman a thisen rim ka la nam bawk nen ka thang huam in ka hria,kan chhuah dawn chuan Jona chhungte bul ah ngaihdam ka dil hmasa phawt a tichuan hospital kan chhuahsan a





"Glo..." Kan room ka lut dawn chiah Katty a lo chhuak ve bawk a tap chungin min kuah nghal thlawp,kan dorm hnaih lam a awm ten an lo awm pui a, rilru mumal lo deuh chungin ka inbual a midang te nen riak ho turin an dorm lam ah kan in zui chhuak leh





Zankhua tlai tawh mahse ka mu theilo a ka chhin hlek pawn ka mitthla mi vang te in ka phu zawk a ka harh lehnghal zel,khawvar tirh ah ka mu thei tawk a zing ah mi dang thawm vangin ka harh hma leh hle bawk,ka mut thatloh vangin ka zuai ngawih ngawih a college kal pawh ka phur tawhlo,helai chhuahsan a kan ram a haw ka duh rum rum tawh




" biak che ka duh" college library a ka awm laiin Kendra a rawn lang leh!



" Engtin nge ila rawn in lan ngam? In thiamloh na te hi I nei ve miahlo ami? Ka bul hnai a awm ah pawh ka duhlo che"



"Nizan thil thleng ah khan engmah thiamloh na ka neilo" ka ban ah chuan na zet a man in min melh rum nghal ul a



"Ani maw? A nihchuan engtin nge nizan thil thleng chu I hriat? "



"I thiannu phiangsen vang khan..."



"Khatiang khan Katty sawi Suh,Engtin nge I hriat Kendra?" Ka ti nawn leh a min chhang theilo! Chu chuan ka rinhlelh na a ti zual sauh "min zui in ka bul hnai ah pawh awm tawh Suh min tih nat ve hma in kalbo rawh,I hmelhriat ka ni lo tih kha I sawi ani lawm ni? Kan in hre ngailo a thil ho tak tak ah inbiak kan ngailo"





"Kal ta che..." Min thlah deuh pawp a ka pai tep,engmah sawi zui lo in ka chhuak nghal nal nal





Chumi ni atang chuan Kendra ka hmu leh tawhlo tluk ani a ka hmuh ve chhun pawh sam buangi nen an in zui lai ani deuh zel a,a ruk in thik ve thin viau mahila ka ti lang duhlo thin,kartawp ah chuan Rinkima leh Jona te tlawh turin ka kal a hospital hran ve ve anih vangin Rinkima ka tlawh hmasa a chumi hnu ah Jona kan in ka kal leh





"I van tlangval tawh ve" a nau ten an lo chhaih lai chuan ka va lut a a taksa la ti che ngam lo mahse a rilru a fim tha tawh a thaw a veng huai bawk




"Ilo kal ani maw?" a bul a thut hmun ka rem lai chuan a rawn ti ve a nui chungin ka lo bu nghut "min rawn ngaihtuah Suh hei ka nau te an awm a lawm I zirlai te kha u zir thatloh phah ange"




"Zir tha e...thiam vek in a lawm ka rawn kal" tiin ka lo fiam zui a rei pawh ka awm hma in sam buangi,ka tih awmzia chu Dr mellisa a rawn lut a a hmel leh nungchang reng reng ah han huat tur pakha mah awm lo mahse Kendra nen an inkawp tih ka hriat vang hian ka ngai na thei hlawl lo





"Ka lo check lawk ang chu" nui chungin a rawn ti a ka lo tho chhuak a Jona a check lai chu ka lo en uluk ve hle bawk a,l "I tha chak khawp mai..." a check zawh chuan a kal leh mai a





"Kendra... hospital ah ilo kal maw?" Phone hmang a a chhuak chu a sawi ka hre hman! Hospital a Kendra nen kan in hmuh vaih chuan a tha dawnlo Jona hi rawn tih nat leh a tum ani thei angem?





"Jona ka kal angai tih tur pawimawh lutuk ka nei" a tu a te mah chhan na pawh nghak lo chuan ka tlan chhuak a lift midang rawn chhuah chiah na ah chuan a rang a rang in ka tlan lut ve nghal " ka hmuh loh hram ka beisei" ka âwm dawm in ka thaw chhuak halh a





"Hetah enge I tih?" a aw chu ! Ka hawi let a ka hnung ah chuan kun deuh ngul chung a ding in Kendra a lo awm reng! Tinge ka vanduai bik em em a? "Ramhuai I hmu ami?" Ka meng phawk em vangin a rawn ti zui leh





"Nilo nilo...." Lift chu ka hmet a awmzia a awm tawhlo a inkhar vek tawh mahse ka hmet lui reng tho "tinge tun ah kher kher!" Ka hmeh lai chu ka beng deuh pawp





"Na hre thei ni se a tha tur ania" min nuih sawh tih hriat zet hian a rawn ti a a lam pawh ka hawi nawn leh duh tawhlo lift kawngka si chuan ka ding char char,awm ve lo ang hmak in ka ngai lui a ka taksa erawh in a hnai tih a feel vawng vawng,tinge kan thlen har em em a?





"Ka zawh na chu?"




"Min be tawh suh,in hre ngai pawh kan nilo ngawi reng rawh"




"I va la na awm ve? nang hian min lo..."




"Teuhlo ka ngai ngailo hrim hrim che,ngaih che pawh ka duhlo mi tenawm pawisak neilo leh mahni chauh in ngaihtuah I nihkha" lift chhung ah chuan ka ang nghek




"Min ngai tih ka sawi hleinem" a nui ri hak a,ka ngei zia chu ka sawi peihlo zawk




"Aw Lalpa!" Lirnghing ang maiin ka che lawih a kil lehlam ah ka va in tauh tep "enge kha kha,tinge lift hi a kal miahloh a?"




"A chhia anih hmel"




"Enga! Nilo a theihloh tinge vawiin hi?"





Movie ah te lift a tang ka en ve fo tawh vangin ka mangang zual sauh a thenkhat thaw chham a thi an awm bawk nen film ang mai ah ka chan a ka thi dawn ta hial in ka hria kawngka chu ka beng vak vak a ka au bawk mahse lift chhung ah bak chuan ka aw a chhuak eih lo!





"Nilo hetah ka la thi duhlo ania khawngaih in min lo tanpui teh u hetah kan tang ania...au ve ta che" Kendra chu mangang thinrim bawk si in ka ankhum ta hrep




"Tuman an hre dawn chuanglo ka tum buai peihlo" a in kuangkuah a ngaih sam hmel zet hian min melh ringawt




"Tah khan thih khawng thak I tum ami? Keichu thih ka la duhlo"




"Hah...thih maw? Tunge lift tan vang a thi tawh? Khaw en lai anih hi mangang vak suh lift chhia an rawn hre thuai anga kan chhuak mai ang,thih hma I va tum ve" tinge hepa hian min nuih sawh tak reng a




"Fiamthu na hun anilo Kendra" bul deuh hmuk hian ka ti a a uap bawk nen hreawm ka ti tan riau,kawngka chu ka beng reng a a khat tawkin ka au chhen bawk




"Hetah enge I tih?"




"Ka duh apiang ka ti thei a lawm,Jona ka tlawh" a bu nghut a kan in be leh tawhlo,chhuat ah chuan ka thingthi a kawngka chu zawi te te hian ka la beng a ka peih rei tawh dawn lo tih ka in hria




"Nu...pa ka ngai che u hetiang mai a tih hi chu ka la duh biklo a sin,in hmel hmu tawhlo tur ringawt a thih hi ka la duhlo" ka tap phut a ka in sum zo ngang lo,ka mipa awm pui chhun lah chuan min ngawih bo san hmak mahse a awm mai mai biklo





"Min tawk suh ka tih kha!" Ka hnunglam atang a min rawn kuah beh vangin ka tal nghal vat a mahse ka che zui theilo min chelh nghet sauh "ka hua che...ka thih dawn ah pawh I bul ah lehzel ka awm a tinge ka mihring huat em em hi ka kal hlat theihloh?"





"Engvang in nge min huat" ka beng bul ah chuan a rawn thaw lum ham ham a,a aw thuk leh thim bulh mai te chu mur sung sung na tham ani "I mi huat chhan atthlak lutuk hi thu diklo vek ani"




"Min kal tir rawh Kendra..." Tap chungin ka tih chuan a nui ri hak a min thlah zui nghal mai bawk,ka tho chhuak a ka ngawi nghal ran





Minute sawmhnih dawn lai chu kan awm tawh tumah in kan tan an la rawn hrelo nge lift hman tum hi an awm miahlo zawk? Ka tan pui pa ber kher lah chu hmuh ka hlauh vang a ka tlan chhuah chhan ani a sin le,bang ngheng chuan zawi deuhin ka thu a nizan kan mut thatloh vangin leh nichin ka au nasat vangin ka chau zual






"I bialnu kha a fel em?" Ka tum loh zawk ka sawi daih! Mahse ka sawi laklawh tawh




"Tu ka bialnu?"




"Sam buangi kha..ka tih chu Dr mellisa kha mawle" zawi sap in ka ti a,ka mihring thik em em ka sawichhuah hmasak zawk vang ringawt pawh hian khawn thluk ka ngai





"Ngaihven suh" min tih liam san ringawt,lift a rawn che thut a ka lo thu nghet vaklo bawk nen sir zawng in ka mu tual mai, Kendra chuan min rawn kai tho a ka thlan atla lek lek tawh a chupawh chuan a ruk takin min ti rilru hah tawh takzet





"I hlau tih ka hria,kan chhuak vat ang" ka biang ah chuan duat takin min dawm a,a kawr hma lam ah nghet zet in ka tham bawk,midang ti na fo si hian tinge min ngaihtuah bik ziah,ni e vawikhat kha chu min hmangaih thu min hrilh ngei a lawm chuvang pawh chu ani mahna mahse tun ah chuan bialnu a nei tawh





"In tha em?" Kan in en reng laiin lift a rawn in hawng thut a kan hawi rual hle bawk,mi an lo awm khawm laih laih a lum ka tih zia ka hre thar bawk





"Oh my god! Kendra I tha tiraw? Ka mangang hman lutuk!" Dr mellisa a rawn tlan lut a Kendra chu mangang hmel takin a rawn kuah zui bawk a an bul a thu chung chuan ka en char char ringawt a a ruk in ka kut ka hum ruh nghek bawk





"Miss I tha em?"" Security in a rawn tih chuan ka in thing harh a lift chu chhuahsan in ka tlan nal nal Kendra te pahnih hmu thei tawhlo turin ka tlan bo vang vang angai anihloh chuan ka na zual dawn lutuk





"Ngati kher kher nge a mah lo kha ka lo ngaihven zawk mai loh?" Bus Stop lam panin in hnit hlawp hlawp pah chuan ka ti a,ni e ka na takzet ani ka zep lo ka taksa Peng pakhat lak sak ang mai hian ka na a ka ruak takzet!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)