SIBLINGS CHAPTER- 9
Nutei te inah chuan kar khat lai ka awm tawh ka nu leh pa an lo kal ngailo a James a pawh, mahse mak deuh in nitin mai Marcus leh David an lo lang ziah a, min ngaituah thar em em bawk hi ka hre thiamlo lawm tur nge lawm loh tur tih pawh.
Nunui pawh kan inah chuan a la awm ve reng kha Ka nu in a duan bik dawn sia ka thik ngawih ngawih, ka nu fanu nizawk awm tak hi a nia.
Vawin chu Marcus leh David an lo kal dawnlo mawni tlailam dar 5 a ri tawh a, dar4:30 velah chuan an lothleng ve ve zel tawh sia. An lo kal hian ka be tha vak duh ngai silo a min hmu duh tawhlo te a ni maithei a ni, be chak viau thin mahila ka in thiamthei thlot lo.
"Marcus a te chu an lo peng dawnlo Nunui te inah chaw an eikhawm dawn a" David'n a lo tih chuan melh vat in "tinge min hrilh a" " i nghahhleh tawh hmel em a" "awi awm loh lutuk ka nghakhlel thlot lo" ring deuh a ka tih chuan rawn nui hawk in a kal sawn daih a.
Lo beisei loh tawp tur an nia, min ngaihsak vanga lo kal thin emaw ka tih pawh kha ka ngaituah na mai mai a ni, an ni chuan Nunui bak ngaituah an nei hleinem ka van lo a tak, ni reilote an lo kal vang ringawt in min ngaihsak emaw ka lo tia, Nutei te chhung an ngaih vang zawk a ni ngei ang.
"Naute i putea te inah chaweikhawm an tia, kal ila" Nutei'n a tih chuan "a.... Ka lo kal velo mai ang zanah te awm a ngai palh ang lehlha ka lo zir zawk mai ang" ka tih chuan "Naute tun trum chu kal ve maila Nunui nu thih cham a nia i Putea'n a ti ve sia kal loh chu a mawilo deuh a" dam dap a atih chuan ka aw ve ta hram a.
Nunui nu hi kum6 vel kan nih in cancer vangin a boral a, heta tang hian ka chhungte hian an ngaihsak em em a putea hi ka nu te nutra neihchhun a nih avang hian Nunui pawh hi an duat lutuk ka thik ngailo mahse kan lo upat ve deuh hnu hian thil hi a danglam zo vek a ni.
Nunui te in kan thlen chuan chhungte ho chu an lo awm deuh thap tawh a, ka u te ho pawh Nunui laitlat in an lo thu leh khur tawh mai. Melh pawh melh duhlo in Nutei chu ka zui hnak hnak zel a.
Putean a bula thu tur a min tih chuan hnial lo in ka thu ve mai a "I nutei te inah i awm phei daih sia Nunui hian ka khua a har thei lutuk a ti a" a tih chuan "nia " tih chauh a chang in ka nui tawi tak a.
"Pa ih maw nutei'n kan bulah lo awm tawh la min ti a" Nunui chuan intih theih hmel fe a min melh chung chuan Patea chu a hrilh a "i awm daih ten fanu in ti hnawk tu tur ka nei nang" fiamthu hian patea chuan a lo chhang vat a " pa ka awm phei tawh mai ang room pawh kan siam fel vek tawh Lucyi U Dawnga te inah a awm daih sia a room kha kan ti danglam vek tawh a lawm" a tih chuan ka melh kawk mai, room tih danglam vel a sawi khan a ti mai mai emaw ka tia.
Ka nu chuan "nia lo awm pheih daih rawh se a awmloh chuan kan khua a har thei lutuk a" nuisang hian a ti ve bawk a, ka nu hi a ti em em lutuk ka awm ve reng chung pawn chutiang chu a sawi a nia.
"Nuuuu..." ring deuh chuan ka ti vak a
" enge nangpawh nutei te inah kan phallo chung i awm a kan khua a har ve a lawm" James an rum nghut chunga tih chuan mak ti lutuk hian ka melh tawp amah a ni reng sia chhuak tura min ti tu kha.
"Pa zanah U Mam'n lehkha min zirpui ah saturday ah Marcus an chuan maw David chuan a peih chang changin, nutein eitur min lo pe thin bawk a, nuam thei lutuk" intithei fe chuan a ti leh zawt zawt a, ka ngei lutuk a hmel khi ham hrep ka chak lutuk.
Ngawi reng in ka tho nalh a ka thinrim leh rilru na lutuk hi tihngaihna pawh ka hrelo, haw daih mai ka duh ka kalsawn tur chu " Lucy nutei te hian fa a min lak an duh a sin" a tih chuan melh vang vang in " fahrah i nia mi nu leh pa neilo i nia mi! i zak ve miahlo a mi pa neireng chungin midang fa ah i in lak tir ang maw zahthlak lutuk, mipangai tihdan pawh va ni suh" chang fak chuan ka ti ve ngat a "Lalrinpui i tawngkam fimkhur rawh" ka pa a ni "ti maw pa a neih reng hi a zahthlak lutuk dawn a sin" ka ti leh hram a " kan thuthluk na a nia kan thu thu a n e" a tih chuan mittui tla pur a melh in " a nih kei ve hi in fanu ka nih na in hlip dawn mi! fahrah ah min siam ve thung dawn a mi" Ka vin tuar mai tinge tiang hian min tih U Angel-i vang mai mai chu a nih ka ring tawhlo engkim hriat ve vek ka dub tawh a ni an fanu hi ka lo nive lo tak tak a mi.
Ka pa ngawi ngul chu la melh kar chun in "pa mawh min chhang ta che fahrah ah chuan min siam in tum tak tak a mi, min thlauhthla dawn a mi? mawhhh..." Aw khur hlak hlak chuan ka ti leh hram a "Naute a tawk lo kal rawh, nakin ah kan sawi tha dawn nia" Nutei in nem deuh a a lo tih chuan ka lu thing nar nar in " ai ka duhlo enge ka hriat veloh U Angel-i vangin maw hetia in awm ka tia mahse a ni lo a niang min dem dan em em ah hian, a dik em pa" ka tih chuan hnuai lam melh ngur pah chuan a lu a bu a, ka tap chhuak hawk mai " nih enge a chan chu" tah insum zet chuan ka ti tham tuak a.
"kan fanu i ni lo, i chhungte chu an thi tawh" ka a mai dawn in ka hria ka nu leh pa fa nilo chu keihi chuan an thisen zawm pawh ka nilo a maw, ka chhungte chu an nilo tak tak tihna maw " nangmah vang hian Angel-i mai nilo in kan fanu nopang zawk pawh kan chan a ni" a tih leh phei chuan ka khawvel hi a tawp niber in ka hria hei vang hian maw min lo ngaih theihloh em em a, ka nihna diktak chu fahrah mai maw ka lo nih a ka tap chhuak thei bawk silo ka thin hi a tawt lutuk a puak keh mai dawn in ka hria.
Ka pa chu ka melh ngawt ngawt a tawng leh tuma a ka a an lai chuan ka lu lo thing in "ai sawi tawh suh ihh... Ka.. Hre.. ka lo han haw hmasa mai ang" bah nuai chuan ka tichhuak thei hram a kawngka lam pan chuan khur hlawk hlawk in ka pen a.
ka ngaituahna hi a tawi tuk mai engmah a awmlo ka nu leh pa fa ka nilo chu mai nilo in ka chhungte an thi vek tawh maw.
"mate" ti a min au ri ka hriat chuan ka ding chawt a James chu ka hma ah tak a lo ding a "ih ka tihpalh a ni, ka haw tawh dawn a, mahse khawnge ka haw tak ang" mumal lo zet a ka tih chuan min melh vung vung pah a lo pen hnai in "Mate" zawi sup chuan a ti leh a "ih englo a nia maw Nutei khan Nunui nu thih cham a nia kal ve ang a tih vang mai mai a lawm ka lo kal, ih.... lo kal pawh ka tum chiahlo a ka haw leh nghal mai ang" pangai deuh chuan ka ti leh a ka thil sawi hi a awmzia pawh ka hrelo, eng vanga tiang sawi hi nge ka nih pawh ka hrelo "Mate" thaw hak chuan a ti leh ringawt a " ih.... Ka haw dawn a lawm, ka haw dawn, ka.. Ka lo kal tawh miahlo ang" bah deuh chuan ka ti leh ringawt a.
A la tawi tho em? signal a tha tawh dawn sei deuh a ziah ka lo tum tawh ang
. Min lo nghah tang tang a vang in ka lawm em em eee 