BLOOD FOR BLOOD || Chapter II || The boy with haunting eyes

Episode kal lai dah luhna

Moderator: writers

Daisy
Posts: 3
Joined: March 1st, 2021, 11:24 am

BLOOD FOR BLOOD || Chapter II || The boy with haunting eyes

Unread post by Daisy » March 3rd, 2021, 7:11 pm

BLOOD FOR BLOOD

Chapter II

The Boy With Haunting Eyes

Image

Thla chu bial pap in , awm sang hle mahse, zan dang aiin khua chu a thim zawk. Minutes 15 hnu chuan kei leh ka ke pen ri chauh kan awm nimai, ka chunga van hma zawnah chuan Pristly House ngheng turrent(tower-in) chu a lo lang va a, thenawmte in chu enthla niawm takin a bih kur a.

A la mawi reng, naupang inawmlem na in ang mai in. Pawn bang , thing rawng var a inhnawih te chu puk ang deuh hian an ding sung a, chutih lai chuan a sir kual ah thal hmawr ang deuh hriam hmel tak tak te chu an awm fur a. Lungrem chuan inhung kual vekin, hnah a zam kual chiai a. Cedar Hill ah, privacy deuh awmchhun a ni hial ang, mahse a hungna aimah hian a lan dan gothic deuh hi pawn lam mi leh mikhual a hnawt bo tu ber ani.

A chungchang sawi tu te pawn hlauhna leh suangtuahna nen an sawi bah nuaih thin a. A then phei chuan thawnthu phuah chawp deuh ti tih hian an sawi thin. Kum 7 ka nih khan, ka nu hian lalfanu pakhatin lafapa hne awm leh ninawm zet neih a duhloh vang a he inhlui tak , turrets a, inkhung bo tlat thawnthu min hrilh thin. Kum 10 ka tlin khan, kan thenawm naupangte chuan he in hi dawithiam pitar sual chenna in, dawi chham hnan tlat anih an ring a. Inchhungah te chuan zawhte leh utawk te, dawi bel leh hmunphiah thlawkthei dahin, zanrei tawh ah, vanah thlawk chhuakin, thenawm hnaite hel kualin, khawlai a naupang, khum a mu tawh tur ni si te chu a zawng thin an ti a. Millie ve thung chuan, vampires, tukverh bang sir khi a lo ding, mit mu rawng sen nei a lo meng kur chungchang min hrilh kha ania.

A hnuah, kum 14 ka nih khan, Cedar Hill history chungchang, school project atan ka zawhfel meuh chuan, chu in hlauh rukna ka neih chu ka paih bo thei ta hram a. Dawithiam pitar sual emaw, Lalfanu emaw, Vampires emaw an awm reng reng lo. Hmeichhe pakhat Violet Priestly , Indopui II-na hun lai a, ral-hma-tawng-nurse, a mize inthlak hlawk phah a rawn dam khawchhuak chanchin lam daih ani. A hriatrengna rapthlak takte khan, thlahrang ang mai a umzuiin, a tawpah phei chuan, a tak emaw tia a suangtuahna hlauhawm takte chu a ngaihthah thei ta lo. A pasal leh a fapa la naupang te chu tur pe a, a thah hnu lawkah ani pawh, in chhung foyer-ah chuan a in khaihlum a.

Nichiah e, chumi hnu ah chuan tuman an lei duh ta lo.

Priestly phen a thimna awm chu tuma thai bo theih anilo. Nipui khaw lum ber lai a, kalkawng a en sar sar lai pawn, he in zawn hi chu hmaih rual lohin vawt hian a tuam kual thin. Hun rei tak a lo tuar tawh, hun leh hmun dang atang chuan beacon ( light house) angmai hian, kaw rawng vek leh hmuhhmaih rual lo a chiang a ni.

Zanin tih hma zawng kha chu!

Masion ( Priestly in) ka pan hnaih deuh chuan, ka kut rawn hit thut chu ka han inchul lum a, chu bakah helai kawng zawk a haw tur a thutlukna ka siam vangin, ka hmuh hnu hnu ber ngaituahin, chulai hmun chu a lo inthlak danglam nasa tawh tih ka hmuh phah a.
Tu emaw chuan an ti ta, an ti tak tak ta. He in rohsan tawh hi, kum zabi sawmhnih pakhat na ah rawn hruai letin, an rawn ti nung leh e.

Ka kal lai chu ka tawp chut a.

Image
Gate thir tuiek tawh tak chu inthlawnin, huan hungna ngheng a hnimbuk chuai hmel tak ni tawh hauhlo te chu an delh hnan a. Hnah rawn zamthla hnuang te chu mak tak mai hian an fel fai thlap a, in chhawnghnihna a tukverh a awm tih pawh ka hriat loh chu an rawn pho lang vah a. Thing phek bang lang thei thur chuan ivy te chu a in tan thap a, kawng ka rawng sen a inhnawih tharlam tak chu, a sir tawn tawn a larthin um inkhai te chuan a en sar sar a. Eng hnuaiah chuan SUVs dum(Car chikhat) pahnih hi , gravel (lung nawi inkawt a phah chi) inphah thar lam tak chungah chuan an lo inhung tlang a.

Ka khel zawn a, ka phone chu a rawn ri a, Millie chuan himdam taka in a thlen tawh thu hi min rawn hrilh a lo ni a, chuan ka la thleng ve lo tih min hriat chhuahtir nghal. Ka haw kawng zawh leh tur chuan ka che phut a, mahse engin emaw min ti ding thut. Priestly mansion, Ceder Hill thinlung khang vek tawh chu a rawn phuleh a, a tlai tawh tih kha chu dahthain, he thil hi ka hriatchian leh zual angai.

Thil eng emaw ka hre thei tlat. Thingkung kar en a ka mit ka sawn chuan, mi pakhat, in chung tukverh zawn a lo ding chu ka hmu thut a. Mipa a ni. A upat zawng chu ka chiang ngam chiah biklo, mahse hla tak atang pawn a mitmeng eng sar sar chu ka hmaih theih a nilo. A hmel tan chuan a lian mah mah ani , khawvel dang daih atang a thlir ang mai a min melh hian, a mit meng chu disc angin mak deuh hian a bial kar a. Rawn awm hnai in, a kut phah chuan glass a rawn nem a, tukhverh tlang chu nem sawn a tum a ang. a kut a vai nge, kal bo tur a min tihna niang le?


Ka kut chu a lamah ka phar a, boruakah chuan vai kualin han then kual mah ila awmzia a awm hmel loh. A hnu ah chuan, chu pa chu a lo bo daih tih ka hre vat a, kha pa maksak deuh kha a bo daih, a hnunglam thim takah a bo daih, in chei thar that ang mai, hmelthar sur nen, a tawp chut hma kha chu.Chhuichian duhna ka neih chu dan hram ka tum a, ka kut mur chum chum leh ka dilchhutna nasa lutk chuan inlam chu min pan hnaih tir a, kawng sir atang chuan ka ka sawn a, gate in hawng chhungah chuan ka lut a, chuan thawm ri hruk hruk kha a tawp daih a. Car kawngka chu a inkhar ri dat a, thim a lung chesawn hruih ri ka hre thei. A ding mar at a, a lu chu car hnung atang a rawn lang a, chhuat a inphat lungnawi ri hrut pah chuan a rawn pen a, in leh gate inkar takah a din hma kha chu, amah ka en reng lai chu min lo en ve kar a.


Thaw halh in,ka chheh vela thim a rawn eng tihah, ka mit chu tukverh ruak leh hla deuh ata ka la sawn a. Hnahthel ro sawm ri chu boruakah a tham a, chuan SUVs pakhat zawk hnung a midang pakhat tei kual chhen ka hmuh hma kha chu ka mit ka len vel a. A che hrut hrut a, a chhung a thil zawng niawm deuh hian.

Light hnuaiah pawh chuan outline mai a ni, hlimthla sang tak, dar pharh tak nei leh a che tih hriat tak. Ani chu tawp chut in, a ban a dah hniam a, a bag ken lai chu muang changin a ke a thlen hma a dah thla riai ria a. A sir ah chuan ding in, a boot chuan SUV hnung ah a pet phei ta dawrh a, ka mitmeng dilchhut tak atan pawh aniang chu. Mahse ka hmu hman reng siah, engpawh chu ni rawh se, chuan kan pahnihin ka hre bawk.

A lu chu a thle zauh a min rawn pan hnaih hnuah, thle leh zauhin a thle nawn leh, kan inkar awl tizim pah chuan. A ke pen tin chuan ka awm a ka thin chu a phut nat tir sauh a. Ka dil chhutna chu a thamral a, atak ramah min hruai let ta zawk a: Ka lut ru lai man ka ni a, tunah chuan, hlimthla chuan ka lam a melh kar ve thung.

In her in kawtchhuah ro tak lam chu ka pan let leh ta ringawt. Ka hnunga thawm reh ruih chu ke pen thawm in a rawn luahlan tih ah chuan, ka tlan ta thut a, ka hma tak a zawhte na tih vanga meow chhuak tur khawp a rak thawt tir kha ka tum lo, ka in pal tlu lek lek a, ka ban ka vai fua a, hmelhriat ngailoh chuan ka hnung a rawn su dat tih ah, ka awrawl tawp a thli thawt rual a ka rak ri chu min ti ngawi hmakin, boruak-ah chuan tlawk ti tih hian min nem sawn lawp a. Ka bag chu thlauhin, sidewalks ah chuan ka va tlu dup a. Ka kut leh khup te chu lungdawh ah chuan an in nghat chat a. Lu haina chu tui ang a rawn let huk in, ka diner a thilthleng te chu ka pum chhungah an fawn lawp lawp in ka hria.

Thil thleng zo chiah emaw tun a thleng mek emaw pawh hi ka ngaihtuah let zawh hma in, thah ka ni ngei dawn anih hi, ka khupna ring a ka thingthi lai chu min pawt kang lawp a, suangtuahna thalo ata chhuakin, ka ke in ka ding leh, seconds tlemte liam ta a ka din na bawkah khan, mi tuemaw niin, rewind button an hmet ang mai ani.

Tunah chuah hian, thil danglam tlat a awm. Ka kawngah nghet tak hian kut te chuan min dawm tih ka hre thei, ka balance neih let ka tum mek pah a ka eu kawi lai chuan nghet takin min dawm a.
"Stai tranquillo, sei al sicuro." Chu thumal te chu ka hriat ngai miahloh leh ka beisei ngai miahloh an ni, ka suangtuahna emaw ka ti hial.

Hnuai lam chu melhin, a kut chuan ka kawng a dawm tih leh, van lam hnathawh ang mai a keimah leh keimah, hmelhriat ngailoh kutah hahdam tak a, Cedar Hill a in maksak ber kawta, thlaler ang a ro kawng lai takah chuan ka inhmu a.

Hmelhriat loh, ka lut ru lai min hmuh hnua lei a a min nem tlu tu ngei chuan.

Thihdan phah tlak khawpa hun hlu tak hi ngaihlu turin romantic movie ka en hnem thaw khat tawh, mahse CSI movie pawh ka en hnem viau tho. A tan nan chuan, hmelhriat loh kut chu ka taksa atang nem sawn in,ka tawlh hma deuh a. Kun pahin ka bag chu chhuat atang ka la kang a, ka darah ka bag ka nghat tur a, ka din ngil leh hma chiah chuan a leather boots-a buckle silver rawng chu ka melh zeuh a . A mah ka en chho a, ka bag ah chuan hmanraw hlu tlak awm hlauh se tiin duhthu ka sam a, ka mamawh thut takin. Mahse che loin a ding reng a, thimah chuan a hmel chu hlimthla awm khawm niber hian ka hria. Min tihnat leh tumna pawh anei chuang lo, chuan hun tha dang remchang siamsak turin ka khaw tlai peihlo.

"Min rawn zui suh," ka tum aiin ka sawi na mah mah a.
In her letin ka tlan nghal a.
Min au thawm ka hria a, mahse ka kal liam hman tawh.
Ka hawi let lo a, mahse ka tlan pah chuan ka hnunglamah hriatna ka nei, kha hlimthla mit kha ka hrethei, kha pa mit kha,.. Nui ri chuan thim zingah chuan min zui in ka hria.

In chu ka thleng ta thuai a. Khawizu chu choka ah dahin in chung lam ka pan hnu chuan, ka khup na laiah damdawi hnawihin khum ka pan nghal a. Darkar tam in chung mel ran pah a ka lungphu ri dup dup ka nghaih thlak reng hnu chuan, tuilo tak a mu in, kha turverh a mipa ka hmuh kha mangphan in, ribbon duma intawn khawizu bur leh kha hlimthla ang mai pa kha mangchhia ah ka hmu a.
Mizo tawng a leh chu a va han har nawk nawk ve!!! A thawnthu phuah tu Cath Doyle hi B.A. Phsychology zir chhuak leh M.A.Publishing zir chhuak ani a, a thuhmal hman te hi english word ah pawh kan hriat vak ngailoh thumal harsa tak tak kha a hmang a, simple thei ber tur in ka rawn let tawp, a nihna thlap thlap a ka leh dawn chuan, mizo tawngin min daih lo :roll: Min lo chhiar chhunzawm sak theuh turin ka sawm leh acheu! Phawts!


❀Daisy❀

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)